This document is an excerpt from the EUR-Lex website
Document 52014PC0151
COMMUNICATION FROM THE COMMISSION TO THE EUROPEAN PARLIAMENT pursuant to Article 294(6) of the Treaty on the Functioning of the European Union concerning the position of the Council on the adoption of a Regulation of the European Parliament and of the Council amending Regulation (EC) No 428/2009 setting up a Community regime for the control of exports, transfer, brokering and transit of dual use items
KOMUNIKAZZJONI TAL-KUMMISSJONI LILL-PARLAMENT EWROPEW skont l-Artikolu 294(6) tat-Trattat dwar il-Funzjonament tal-Unjoni Ewropea dwar il-pożizzjoni tal-Kunsill fir-rigward tal-adozzjoni ta’ Regolament tal-Parlament Ewropew u tal-Kunsill li jemenda r-Regolament (KE) Nru 428/2009 li jistabbilixxi reġim Komunitarju għall-kontroll tal-esportazzjonijiet, it-trasferiment, is-senserija u t-tranżitu ta’ oġġetti b’użu doppju
KOMUNIKAZZJONI TAL-KUMMISSJONI LILL-PARLAMENT EWROPEW skont l-Artikolu 294(6) tat-Trattat dwar il-Funzjonament tal-Unjoni Ewropea dwar il-pożizzjoni tal-Kunsill fir-rigward tal-adozzjoni ta’ Regolament tal-Parlament Ewropew u tal-Kunsill li jemenda r-Regolament (KE) Nru 428/2009 li jistabbilixxi reġim Komunitarju għall-kontroll tal-esportazzjonijiet, it-trasferiment, is-senserija u t-tranżitu ta’ oġġetti b’użu doppju
/* COM/2014/0151 final - 2011/0310 (COD) */
KOMUNIKAZZJONI TAL-KUMMISSJONI LILL-PARLAMENT EWROPEW skont l-Artikolu 294(6) tat-Trattat dwar il-Funzjonament tal-Unjoni Ewropea dwar il-pożizzjoni tal-Kunsill fir-rigward tal-adozzjoni ta’ Regolament tal-Parlament Ewropew u tal-Kunsill li jemenda r-Regolament (KE) Nru 428/2009 li jistabbilixxi reġim Komunitarju għall-kontroll tal-esportazzjonijiet, it-trasferiment, is-senserija u t-tranżitu ta’ oġġetti b’użu doppju /* COM/2014/0151 final - 2011/0310 (COD) */
2011/0310 (COD) KOMUNIKAZZJONI TAL-KUMMISSJONI
LILL-PARLAMENT EWROPEW
skont l-Artikolu 294(6) tat-Trattat dwar il-Funzjonament tal-Unjoni Ewropea
dwar il-pożizzjoni tal-Kunsill fir-rigward
tal-adozzjoni ta’ Regolament tal-Parlament Ewropew u tal-Kunsill li jemenda
r-Regolament (KE) Nru 428/2009 li jistabbilixxi reġim Komunitarju
għall-kontroll tal-esportazzjonijiet, it-trasferiment, is-senserija u
t-tranżitu ta’ oġġetti b’użu doppju 1. Sfond Data tat-trażmissjoni tal-proposta lill-Parlament Ewropew u lill-Kunsill (dokument COM(2011) 704 final – 2011/0310 (COD): || is-7 ta’ Novembru 2011 Data tal-pożizzjoni tal-Parlament Ewropew, l-ewwel qari: || it-23 ta’ Ottubru 2012 Data tal-adozzjoni tal-pożizzjoni tal-Kunsill: || it-3 ta’ Marzu 2014 2. L-objettiv tal-proposta
mill-Kummissjoni Il-proposta tipprovdi għal emendi
tar-Regolament tal-Kunsill (KE) Nru 428/2009 fir-rigward
tal-proċedura biex tiġi aġġornata l-lista ta’ kontroll
tal-UE. L-objettiv huwa li tingħata s-setgħa
lill-Kummissjoni biex taġġorna l-lista tal-UE ta’ oġġetti
b’użu doppju kkontrollati li tinsab fl-Anness I tar-Regolament (KE)
Nru 428/2009 permezz ta’ atti ddelegati, skont l-Artikolu 290
tat-TFUE, sabiex tiġi żgurata konformità sħiħa mal-obbligi
ta' sigurtà internazzjonali u biex tinżamm il-kompetittività tal-operaturi
ekonomiċi tal-UE. Il-proposta tal-Kummissjoni għandha wkoll
l-għan li tagħti s-setgħa lill-Kummissjoni li tneħħi
d-"destinazzjonijiet" (jiġifieri l-pajjiżi) mil-lista ta’
pajjiżi li jibbenefikaw minn Awtorizzazzjonijiet Ġenerali għall-Esportazzjoni
tal-UE (EUGEA) fl-Anness II, sabiex ikun hemm reazzjoni fil-pront
min-naħa tal-UE għal ċirkostanzi internazzjonali. 3. Kummenti dwar
il-pożizzjoni tal-Kunsill Il-pożizzjoni tal-Kunsill tapprova
l-elementi ewlenin tal-proposta tal-Kummissjoni iżda tipprevedi xi emendi
għall-proposta oriġinali tal-Kummissjoni fir-rigward
tat-tneħħija ta’ ċerti destinazzjonijiet (pajjiżi) li
jibbenefikaw minn proċeduri ffaċilitati ta’ esportazzjoni, u l-kamp
ta' applikazzjoni tal-atti delegati. Il-pożizzjoni tal-Kunsill
tissuġġerixxi li l-iskrutinju tas-setgħa delegata tal-Parlament
tiġi allinjata mal-ftehim dwar it-“Trade Omnibus II”. Ma' dan
ir-Regolament, se tiġi mehmuża “Dikjarazzjoni tal-Kummissjoni dwar
l-atti delegati”, li tfakkar l-impenn tal-Kummissjoni skont il-ftehim qafas li
tipprovdi informazzjoni lill-Parlament dwar il-gruppi ta’ esperti. Il-pożizzjoni
tal-Kunsill tipprevedi wkoll ċerti emendi fir-rigward tar-rieżami u
tal-validità tad-delega tas-setgħat, li tkun limitata għal ħames
snin u estiża b’mod taċitu, soġġetta
għall-preżentazzjoni ta’ rapport, sakemm il-Parlament Ewropew jew
il-Kunsill ma jopponux għal din l-estensjoni sa mhux aktar tard minn tliet
xhur qabel tmiem il-perjodu. Fl-aħħar
nett, il-pożizzjoni tal-Kunsill tinkludi “Dikjarazzjoni Konġunta
mill-Parlament Ewropew, mill-Kunsill u mill-Kummissjoni dwar ir-rieżami
tas-sistema ta’ kontroll tal-esportazzjoni ta’ oġġetti b’użu
doppju” ta' akkumpanjament, kif ukoll “Dikjarazzjoni tal-Kummissjoni dwar
l-aġġornament tar-Regolament” (ara hawn isfel). 4. Konklużjoni Il-Kummissjoni taċċetta
l-pożizzjoni meħuda mill-Kunsill. _______________________ DIKJARAZZJONIJIET Dikjarazzjoni Konġunta mill-Parlament
Ewropew, mill-Kunsill u mill-Kummissjoni dwar ir-rieżami tas-sistema ta’
kontroll tal-esportazzjoni ta’ oġġetti b’użu doppju Il-Parlament Ewropew, il-Kunsill u
l-Kummissjoni jirrikonoxxu l-importanza tat-titjib kontinwu tal-effikaċja
u tal-koerenza tal-kontrolli strateġiċi tal-esportazzjoni tal-UE,
b'tali mod li jiżguraw livell għoli ta’ sigurtà u trasparenza
adegwata, mingħajr ma jxekklu l-kompetittività u l-kummerċ
leġittimu f’oġġetti b’użu doppju. It-tliet Istituzzjonijiet iqisu li
jinħtieġu modernizzazzjoni u konverġenza ulterjuri tas-sistema
sabiex ilaħħqu ma' theddidiet ġodda u ma' bidliet
teknoloġiċi rapidi, inaqqsu d-distorsjonijiet, joħolqu suq komuni
ġenwin għal oġġetti b’użu doppju (kundizzjonijiet ekwi
u uniformi għall-esportaturi) u jkomplu jservu bħala mudell ta’
kontroll ta’ esportazzjoni għal pajjiżi terzi. Għal dan il-għan, huwa essenzjali li
jiġi ssimplifikat il-proċess għall-aġġornament
tal-listi ta’ kontroll (Annessi mar-Regolament); li tissaħħaħ
il-valutazzjoni tar-riskju u l-iskambju ta’ informazzjoni, li jiġu
żviluppati standards tal-industrija aħjar, u li jitnaqqsu
d-disparitajiet fl-implimentazzjoni. Il-Parlament Ewropew, il-Kunsill u
l-Kummissjoni jirrikonoxxu l-kwistjonijiet dwar l-esportazzjoni ta’ ċerti
teknoloġiji tal-informazzjoni u tal-komunikazzjoni (ICT) li jistgħu
jintużaw f’konnessjoni mal-ksur tad-drittijiet tal-bniedem kif ukoll biex
idgħajfu s-sigurtà tal-UE, partikolarment għal teknoloġiji
użati għas-sorveljanza tal-massa, il-monitoraġġ,
l-insegwiment, l-intraċċar u l-iċċensurar, kif ukoll
għal vulnerabbiltajiet tas-softwer. F'dan ir-rigward, ingħata bidu għal
konsultazzjonijiet tekniċi, inkluż fil-qafas taż-Żjara bejn
il-Pari tal-UE dwar l-Użu Doppju, tal-Grupp ta' Koordinazzjoni
tal-Użu Doppju, u tar-reġimi ta' kontroll tal-esportazzjoni, u qed
jittieħdu aktar azzjonijiet biex jiġu indirizzati sitwazzjonijiet ta'
urġenza permezz ta' sanzjonijiet (skont l-Artikolu 215 tat-TFUE), jew
ta' miżuri nazzjonali. Se jiżdiedu l-isforzi biex jiġu promossi
ftehimiet multilaterali fil-kuntest tar-reġimi ta' kontroll
tal-esportazzjoni, u se jiġu esplorati l-għażliet biex tiġi
indirizzata din il-kwistjoni fil-kuntest tar-rieżami li għaddej bħalissa
tal-politika tal-UE dwar il-kontroll tal-esportazzjoni ta' oġġetti
b'użu doppju, u t-tħejjija ta' Komunikazzjoni tal-Kummissjoni. F'dan
il-kuntest, it-tliet Istituzzjonijiet ħadu nota tal-ftehim
tal-4 ta' Diċembru 2013 mill-Istati Parteċipanti
tal-Arranġament Wassenaar, biex jadottaw kontrolli fuq għodod
kumplessi ta' sorveljanza li jippermettu l-aċċess mhux awtorizzat
għas-sistemi tal-kompjuters, u fuq sistemi ta' sorveljanza
tal-IP-netwerks. Il-Parlament Ewropew, il-Kunsill u
l-Kummissjoni jimpenjaw ruħhom ukoll li jiżviluppaw ulterjorment
il-mekkaniżmu "globali" (''catch-all'') eżistenti
għall-oġġetti b'użu doppju li mhumiex koperti
mill-Anness I tar-Regolament, sabiex ikomplu jsaħħu s-sistema
ta' kontroll tal-esportazzjoni u l-applikazzjoni tagħha fis-suq uniku
Ewropew. Dikjarazzjoni tal-Kummissjoni
dwar l-atti delegati Fil-kuntest ta’ dan
ir-Regolament, il-Kummissjoni tfakkar l-impenn li ħadet
fil-paragrafu 15 tal-Ftehim Qafas dwar ir-relazzjonijiet bejn il-Parlament
Ewropew u l-Kummissjoni Ewropea, li tipprovdi lill-Parlament bl-informazzjoni u
bid-dokumentazzjoni kollha dwar il-laqgħat tagħha mal-esperti
nazzjonali fil-qafas tal-ħidma tagħha għat-tħejjija
tal-atti delegati. Dikjarazzjoni
tal-Kummissjoni dwar il-pjanijiet biex jiġi aġġornat
ir-Regolament Sabiex jiġi żgurat approċċ
Ewropew aktar integrat, effiċjenti u koerenti għall-moviment
(l-esportazzjonijiet, it-trasferimenti, is-senseriji u t-tranżitu) ta’
oġġetti strateġiċi, il-Kummissjoni se tressaq proposta
ġdida biex ir-Regolament jiġi aġġornat malajr kemm jista’
jkun. _______________________