EUR-Lex Access to European Union law
This document is an excerpt from the EUR-Lex website
Document 52014PC0028
Proposal for a REGULATION OF THE EUROPEAN PARLIAMENT AND OF THE COUNCIL amending Regulations (EC) No 715/2007 and (EC) No 595/2009 as regards the reduction of pollutant emissions from road vehicles
Proposta għal REGOLAMENT TAL-PARLAMENT EWROPEW U TAL-KUNSILL li jemenda r-Regolamenti (KE) Nru 715/2007 u (KE) Nru 595/2009 fir-rigward tat-tnaqqis ta’ emissjonijiet ta’ sustanzi niġġiesa minn vetturi tat-triq
Proposta għal REGOLAMENT TAL-PARLAMENT EWROPEW U TAL-KUNSILL li jemenda r-Regolamenti (KE) Nru 715/2007 u (KE) Nru 595/2009 fir-rigward tat-tnaqqis ta’ emissjonijiet ta’ sustanzi niġġiesa minn vetturi tat-triq
/* COM/2014/028 final - 2014/0012 (COD) */
Proposta għal REGOLAMENT TAL-PARLAMENT EWROPEW U TAL-KUNSILL li jemenda r-Regolamenti (KE) Nru 715/2007 u (KE) Nru 595/2009 fir-rigward tat-tnaqqis ta’ emissjonijiet ta’ sustanzi niġġiesa minn vetturi tat-triq /* COM/2014/028 final - 2014/0012 (COD) */
MEMORANDUM TA’ SPJEGAZZJONI 1. KUNTEST TAL-PROPOSTA L-għan ta’ din il-proposta huwa li
jiġu introdotti għadd ta’ emendi għar-Regolament (KE)
Nru 715/2007 u r- Regolament (KE) Nru 595/2009 fir-rigward
tat-tnaqqis ta’ emissjonijiet ta’ sustanzi niġġiesa minn vetturi
tat-triq. Il-fokus ta’ dan l-abbozz ta’ proposta huwa fuq dawk l-oqsma fejn
il-fallimenti regolatorji u tas-suq ifixklu l-indirizzar tal-isfidi l-kbar li
jinsabu fi ħdan il-kuntest tal-kwalità tal-arja tal-UE u tal-Aġenda
ta' Regolamentazzjoni Aħjar.. 2. RIŻULTATI
TAL-KONSULTAZZJONIJIET MAL-PARTIJIET INTERESSATI U L-VALUTAZZJONIJIET
TAL-IMPATT Il-miżuri huma bbilanċjati
fir-rigward tal-effett ambjentali tagħhom u l-piż fuq l-industrija.
Il-kost-effettività tal-miżuri hija appoġġjata mill-Istima
tal-Impatt mehmuża. 3. ELEMENTI ĠURIDIĊI
TAL-PROPOSTA Din il-proposta tintroduċi għadd ta’
emendi għar-Regolament (KE) Nru 715/2007 u r-Regolament (KE)
Nru 595/2009 fir-rigward tat-tnaqqis ta’ emissjonijiet ta’ sustanzi
niġġiesa minn vetturi tat-triq. 2014/0012 (COD) Proposta għal REGOLAMENT TAL-PARLAMENT EWROPEW U
TAL-KUNSILL li jemenda r-Regolamenti (KE) Nru 715/2007
u (KE) Nru 595/2009 fir-rigward tat-tnaqqis ta’ emissjonijiet ta’ sustanzi
niġġiesa minn vetturi tat-triq (Test b'rilevanza għaż-ŻEE) IL-PARLAMENT EWROPEW U L-KUNSILL
TAL-UNJONI EWROPEA, Wara li kkunsidraw it-Trattat dwar
il-Funzjonament tal-Unjoni Europea, u b’mod partikolari l-Artikolu 114
tiegħu, Wara li kkunsidraw il-proposta
mill-Kummissjoni Ewropea, Wara t-trażmissjoni tal-abbozz tal-att
leġislattiv lill-Parlamenti nazzjonali, Wara li kkunsidraw l-opinjoni tal-Kumitat
Ekonomiku u Soċjali Ewropew[1],
Waqt li jaġixxu skont il-proċedura
ordinarja leġiżlattiva , Billi: (1) Sabiex jitnaqqsu
l-piżijiet bla bżonn għall-manifatturi tal-vetturi fil-każ
ta’ pjattaformi għall-approvazzjoni tat-tip ta’ vetturi li jistgħu
potenzjalment ikunu koperti kemm mil-leġiżlazzjoni għal vetturi
ħfief kif ukoll minn dik għal vetturi tqal, l-approvazzjoni ta’
ċerti vetturi tqal skont ir-rekwiżiti għal vetturi ħfief
fir-rigward tal-emissjonijiet tagħhom ta’ sustanzi niġġiesa
għandu jkun possibbli mingħajr ma jitbaxxa l-livell ta’ ħarsien
ambjentali fi ħdan l-Unjoni. (2) Għalkemm l-emissjonijiet
tal-metan mhumiex magħrufa li għandhom effett ta’ ħsara fuq
is-saħħa tal-bniedem, il-metan huwa gass b’saħħtu li
jikkawża l-effett serra. Għaldaqstant, b'konformità
mal-Komunikazzjoni tal-Kummissjoni dwar l-applikazzjoni u l-iżvilupp
ġejjieni tal-leġiżlazzjoni tal-Komunità dwar l-emissjonijiet
minn vetturi ħfief u l-aċċess għal informazzjoni dwar
it-tiswija u l-manutenzjoni (Euro 5 u 6)[2]
u mal-Artikolu 14(1) tar-Regolament (KE) Nru 715/2007 tal-Parlament
Ewropew u tal-Kunsill[3],
il-Kummissjoni għandha tikkunsidra l-inklużjoni ta’ emissjonijiet
tal-metan fil-kalkolu tal-emissjonijiet ta’ CO2. (3) Sabiex l-introduzzjoni ta’
vetturi tal-gass naturali tkun aktar faċli, il-limitu attwali tat-total
tal-emissjonijiet ta' idrokarburi (THC) għandu jiżdied u l-effett
tal-emissjonijiet tal-metan għandu jitqies u jkun espress bħala ekwivalenti
ta’ CO2 għal skopijiet regolatorji u tal-informazzjoni
għall-konsumatur. (4) Il-vetturi diżil moderni
jemettu ammonti għoljin, u li qegħdin dejjem jikbru, ta' NO2 bħala
sehem mill-emissjonijiet totali ta' NOx li ma kinux antiċipati meta
ġie adottat ir-Regolament (KE) Nru 715/2007. Il-parti l-kbira
tal-problemi fil-kwalità tal-arja fiż-żoni urbani affettwati jidhru
li huma relatati mal-emissjonijiet diretti tal-NO2.
Għaldaqstant, għandu jiġi introdott limitu xieraq
tal-emissjonijiet. (5) Bħalissa l-limiti ta’
emissjonijiet għall-CO u għat-total ta' idrokarburi (THC) wara
startjatura kiesħa f’temperatura baxxa ttieħdu mir-rekwiżiti
tal-Euro 3 stabbiliti fid-Direttiva 98/69/KE tal-Parlament Ewropew u
tal-Kunsill[4],
li jidhru li huma skaduti fid-dawl tat-teknoloġija tal-vetturi
eżistenti u l-ħtiġijiet tal-kwalità tal-arja. Barra minn hekk,
il-problemi fil-kwalità tal-arja u r-riżultati tal-kejl tal-emissjonijiet
tal-vetturi jissuġġerixxu l-ħtieġa li jiġi introdott
limitu xieraq tal-emissjonijiet tal-NOx/NO2. Għaldaqstant,
il-limiti għall-emissjonijiet riveduti għandhom jiġu introdotti
skont l-Artikolu 14(5) tar- Regolament (KE) Nru 715/2007. (6) Il-limitu tal-emissjonijiet
stabbilit għall-NH3 fir-Regolament (KE) Nru 595/2009
tal-Parlament Ewropew u tal-Kunsill[5]
huwa rekwiżit imfassal biex jillimita t-tisfija tal-ammonja mill-NOx wara
t-teknoloġiji tat-trattament li jużaw reaġent tal-urea
għar-reduzzjoni tal-NOx. Għalhekk l-applikazzjoni tal-valur limitu
tal-NH3 għandu jiġi applikat biss għal dawk
it-teknoloġiji u mhux għall-magni bi tqabbid bl-ispark plaggs
(positive ignition). (7) Biex jintlaħqu
l-għanijiet tal-UE rigward il-kwalità tal-arja u biex jiġi
żgurat sforz kontinwu biex jitnaqqsu l-emissjonijiet tal-vetturi,
is-setgħa biex jiġu adottati atti delegati skont l-Artikolu 290
tat-Trattat dwar il-Funzjonament tal-Unjoni Ewropea (TFUE) għandu jkun
delegat lill-Kummissjoni fir-rigward tar-regoli dettaljati dwar l-applikazzjoni
tar-Regolament (KE) Nru 715/2007 għall-vetturi tal-kategoriji M1,
M2, N1 u N2 b'massa ta' referenza li
taqbeż it-2 610 kg iżda b'massa massima tal-vettura li ma
taqbiżx il-5 000 kg, il-proċeduri, it-testijiet u
r-rekwiżiti speċifiċi għall-approvazzjoni tat-tip,
ir-rekwiżiti għall-implimentazzjoni tal-projbizzjoni fuq l-użu
ta' tagħmir ta’ riduzzjoni li jnaqqas l-effettività tas-sistemi ta'
kontrol tal-emissjonijiet, il-miżuri meħtieġa
għall-implimentazzjoni tal-obbligu ta' manifattur biex jipprovdi
aċċess standardizzat u mhux ristrett għal informazzjoni dwar
it-tiswija u l-manutenzjoni tal-vetturi, is-sostituzzjoni tal-informazzjoni
dwar il-massa ta' emissjonijiet ta' CO2 fiċ-ċertifikat
tal-konformità b'informazzjoni dwar il-massa totali ta' ekwivalenti ta'
emissjonijiet ta' CO2, iż-żieda jew it-tneħħija
tal-valur limitu tat-total ta' emissjonijiet ta' idrokarburi għal vetturi
bi tqabbid bl-ispark plaggs, l-emenda tar-Regolament (KE) Nru 715/2007
bl-iskop ta' kkalibrar mill-ġdid valuri limitu bbażati fuq il-massa
ta’ partikulati u l-introduzzjoni ta' valuri limitu ta' partikuli bbażati
fuq numri sabiex jikkorrelataw bejn wieħed u ieħor mal-valuri
tal-massa tal-limiti għall-petrol u d-diżil, l-adozzjoni ta'
proċedura ta' kejl rivedut għal partikulati u valur limitu tan-numru
tal-partikula, valur limitu għall-emissjonijiet ta' NO2 u
limiti għall-emissjonijiet minn mal-pajp tal-egżost f'temperaturi
kesħin għal vetturi approvati bħala konformi mal-limiti
tal-emissjoni Euro 6. Il-Kummissjoni, meta tħejji u tfassal l-atti
ddelegati, għandha tiżgura trażmissjoni simulta nja, f’waqtha u
xierqa tad-dokumenti rilevanti lill-Parlament Ewropew u lill-Kunsill. (8) It-Trattat ta’ Lisbona
introduċa l-possibbiltà li l-leġiżlatur jiddelega
lill-Kummissjoni s-setgħa li tadotta atti mhux leġiżlattivi ta’
applikazzjoni ġenerali għas-suppliment jew l-emenda ta' ċerti
elementi mhux essenzjali ta’ att leġiżlattiv. Il-miżuri li
jistgħu jiġu koperti b’delega tas-setgħa, kif hemm referenza
fl-Artikolu 290(1) tat-TFUE, fil-prinċipju jikkorrispondu ma' dawk
koperti mill-proċedura regolatorja bl-iskrutinju stabbilit bl-Artikolu 5a
tad-Deċiżjoni tal-Kunsill 1999/468/KE[6].
Għaldaqstant huwa neċesssarju li d-dispożizzjonijiet
fir-Regolament (KE) Nru 715/2007 li jistipulaw l-użu
tal-proċedura regolatorja bi skrutinju jiġu adattati
għall-Artikolu 290 tat-TFUE. (9) L-adattament
mal-Artikolu 290 tat-TFUE tad-dispożizzjonijiet fir-Regolament (KE)
Nru 715/2007 li jistipulaw l-użu tal-proċedura regolatorja bi
skrutinju mwettqa minn dan ir-Regolament ma għandux jaffettwa
proċeduri pendenti li fihom il-kumitat ikun diġà ta l-opinjoni tiegħu
skont l-Artikolu 5a tad- Deċiżjoni 1999/468/KE qabel
id-dħul fis-seħħ ta’ dan ir-Regolament. (10) Sabiex ikunu żgurati
kundizzjonijiet uniformi għall-implimentazzjoni tal-Artikoli 4(2) u 3
tar-Regolament (KE) Nru 715/2007, il-Kummissjoni għandha tingħata
s-setgħat tal-implimentazzjoni. Dawn is-setgħat għandhom
jiġu eżerċitati skont ir-Regolament (KE) Nru 182/2011
tal-Parlament Ewropew u tal-Kunsill[7]. (11) Ir-Regolament (KE) Nru
715/2007 u r-Regolament (KE) Nru 595/2009 għandhom għalhekk jiġu
emendati skont dan, ADOTTAW DAN IR-REGOLAMENT: Artikolu 1 Ir-Regolament (KE) Nru 715/2007 huwa emendat
kif ġej: (1) Fl-Artikolu 2,
il-paragrafu 2 huwa sostitwit bit-test li ġej: "2. Wara l-pubblikazzjoni tal-atti ddelegati
skont it-tieni subparagrafu u fuq talba tal-manifattur, dan ir-Regolament
għandu japplika għal vetturi tal-kategoriji M1, M2,
N1 u N2 kif definit fl-Anness II tad-Direttiva
2007/46/KE tal-Parlament Ewropew u tal-Kunsill* b'massa ta' referenza li
taqbeż l-2 610 kg iżda b'massa massima tal-vettura li ma
taqbiżx il-5 000 kg. Il-Kummissjoni għandu jkollha s-setgħa
li tadotta atti ddelegati skont l-Artikolu 14a dwar ir-regoli dettaljati
dwar l-applikazzjoni ta' dan ir-Regolament għal vetturi tal-kategoriji M1,
M2, N1 u N2 kif definit fl-Anness II tad-Direttiva
2007/46/KE b'massa ta' referenza li taqbeż l-2 610 kg iżda
b'massa massima tal-vettura li ma taqbiżx il-5 000 kg. L-atti
delegati għandhom jiżguraw b’mod partikolari li fit-testijiet
tad-dinamometru tax-xażi, il-massa operattiva attwali tal-vettura tkun
ikkunsidrata kif xieraq għad-determinazzjoni tal-inerzja ekwivalenti kif
ukoll parametri awtomatiċi oħra tal-potenza u tat-tagħbija. ____________________________ * ĠU L 263, 9.10.2007, p. 1.". (2) L-Artikolu 4(4) huwa sostitwit
b’dan li ġej: "Il-Kummissjoni għandha
tistabbilixxi proċeduri u rekwiżiti speċifiċi
għall-implimentazzjoni tal-paragrafi 2 u 3. Dawk l-atti ta'
implimentazzjoni għandhom jiġu adottati skont il-proċedura ta’
eżami li hemm referenza għaliha fl-Artikolu 15(2)." (3) Fl-Artikolu 5(3), l-ewwel sentenza
hija sostitwita b'dan li ġej: "Il-Kummissjoni għandha
tingħata s-setgħa li tadotta atti delegati skont l- Artikolu 14a
sabiex jiġu żviluppati l-proċeduri speċifiċi,
it-testijiet u r-rekwiżiti għall-approvazzjoni tat-tip stipulati
f’dan il-paragrafu, kif ukoll rekwiżiti għall-implimentazzjoni
tal-paragrafu 2.”. (4) L-Artikolu 8 huwa sostitwit b'dan li
ġej: “Artikolu
8 Atti
delegati dwar l-aċċess għal informazzjoni dwar it-tiswija u
l-manutenzzjoni tal-vetturi Il-Kummissjoni
għandha tingħata s-setgħa li tadotta atti delegati skont l-Artikolu 14a
sabiex timplimenta l-Artikoli 6 u 7. Dan għandu jinkludi
d-definizzjoni u l-aġġornament ta’ speċifikazzjonijiet
tekniċi relatati mal-mod ta’ kif għandha tiġi pprovduta
l-informazzjoni dwar l-OBD u t-tiswija u l-manutenzzjoni tal-vetturi, b’mod li
tingħata attenzjoni speċjali għall-ħtiġijiet
speċifiċi tal- SMEs.". (5) L-Artikolu 14 huwa emendat kif
ġej: (a) il-paragrafi 1, 2 u 3 huma
sostitwiti b’dan li ġej: "1. Mingħajr ma jitbaxxa l-livell ta’
ħarsien ambjentali fi ħdan l-Unjoni, il-Kummissjoni għandha
tingħata s-setgħa li tadotta atti delegati skont l-Artikolu 14a
dwar: (a) is-sostituzzjoni tal-informazzjoni dwar
il-massa tal-emissjonijiet ta' CO2 fiċ-ċertifikat ta'
konformità li hemm referenza għalih fl-Artikolu 18 tad-Direttiva
2007/46/KE bl-informazzjoni dwar it-total tal-massa tal-ekwivalenti
tal-emissjonijiet ta' CO2 u emissjonijiet ta' metan, li għandu
jkun it-total tal-massa ta' emissjonijiet ta' CO2 u emissjonijiet
ta' metan, espressi bħala massa ekwivalenti ta' emissjonijiet ta' CO2
fir-rigward tal-effetti tal-gass serra. (b) iż-żieda jew tneħħija
tal-valur limitu tat-total tal-emissjonijiet ta' idrokarburi (THC) għal
vetturi bi tqabbid bl-ispark plaggs. 2. Wara t-tlestija tal-Programm tal-Kejl
tal-Partikulati tan-NU/ECE, imwettaq taħt l-awspiċi tal-Forum Dinji
għall-Armonizzazzjoni tar-Regolamenti dwar il-Vetturi, u mhux aktar tard
mid-dħul fis-seħħ tal-Euro 6, il-Kummissjoni għandu
jkollha s-setgħa li tadotta l-atti delegati skont l-Artikolu 14a
sabiex tadotta l-miżuri li ġejjin, mingħajr ma jitnaqqas
il-livell ta’ ħarsien tal-ambjent fi ħdan l-Unjoni: (a) l-emenda ta’ dan
ir-Regolament għall-fini ta’ kkalibrar mill-ġdid tal-valuri limitu
ta’ partikulati bbażati fuq il-massa stipulati fl-Anness I, u
għall-introduzzjoni ta' valuri limitu ta’ partikuli bbażati fuq numri
sabiex jikkorrelataw bejn wieħed u ieħor mal-valuri tal-massa
tal-limiti għall-petrol u d-diżil; (b) l-adozzjoni ta’
proċedura ta’ kejl riveduta għall-partikulati u valur limitu ta’
partikuli f’numri. 3. Il-Kummissjoni għandha tanalizza
l-proċeduri, it-testijiet u r-rekwiżiti li jissemmew fl-Artikolu 5(3)
kif ukoll iċ-ċikli tat-test li ntużaw sabiex jitkejlu
l-emissjonijiet. Jekk ir-reviżjoni ssib li dawk il-proċeduri,
it-testijiet, ir-rekwiżiti u ċ-ċikli tat-testijiet ma għadhomx
aktar adegwati jew ma għadhomx aktar jirriflettu l-emissjonijiet reali
dinjija, il-Kummissjoni għandha taġixxi skont l-Artikolu 5(3)
sabiex tadatahom b'mod li jiġu jirriflettu adegwatament l-emissjonijiet
iġġenerati mis-sewqan reali fit-toroq." (b) fil-paragrafu 4 jiżdied is-subparagrafu li ġej: "Il-Kummissjoni għandu jkollha
s-setgħa li tadotta atti delegati skont l-Artikolu 14a biex
tistabbilixxi, b'żieda mal-valur limitu fis-seħħ
tal-emissjonijiet tat-total ta' NOx, valur limitu
għall-emissjonijiet ta' NO2 għal vetturi approvati
bħala konformi mal-limiti ta' emissjonijiet Euro 6 stipulati
fit-tabella 2 tal-Anness I. Il-limitu tal-emissjonijiet ta' NO2
għandu jkun stabbilit abbażi ta' valutazzjoni tal-impatt, għandu
jikkunsidra l-fattibbiltà teknika u għandu jirrifletti l-għanijiet
tal-kwalità tal-arja stipulati fid-Direttiva (KE) Nru 2008/50
tal-Parlament Ewropew u tal-Kunsill*. __________________ * Id-Direttiva 2008/50/KE
tal-Parlament Ewropew u tal-Kunsill tal-21 ta’ Mejju 2008 dwar il-kwalità
tal-arja fl-ambjent u arja iktar nadifa għall-Ewropa (ĠU L 152,
11.6.2008, p. 1)."; (c) il-paragrafu 5 huwa sostitwit b’dan li ġej: "5. Il-Kummissjoni għandu jkollha
s-setgħa li tadotta atti delegati skont l-Artikolu 14a biex temenda u
tissupplimenta it-tabella 4 tal-Anness I biex tistabbilixxi limiti
għall-emissjonijiet mal-pajp tal-egżost f'temperaturi kesħin
approvati bħala konformi mal-limiti ta' emissjonijiet Euro 6
stipulati fit-tabella 2 tal-Anness I. Il-limiti tal-emissjonijiet ta'
NOx u NO2 għandhom ikunu stabbiliti abbażi ta'
valutazzjoni tal-impatt, għandhom jikkunsidraw il-fattibbiltà teknika u
għandhom jirriflettu l-għanijiet tal-kwalità tal-arja stipulati
fid-Direttiva (KE) Nru 2008/50 tal-Parlament Ewropew u tal-Kunsill.". (6) Għandu jiddaħħal
l-Artikolu 14a li ġej: “Artikolu 14 a Twettiq
tad-delega 1. Is-segħa ta’
adozzjoni ta’ atti delegati hija mogħtija lill-Kummissjoni
soġġetta għall-kundizzjonijiet stabbiliti f’dan l-Artikolu. 2. Is-setgħa ta'
adozzjoni ta' atti delegati li hemm regferenza għalihom fit-tieni
subparagrafu tal-Artikolu 2(2), l-Artikolu 5(3), l-Artikolu 8 u
fl-Artikolu 14(1) sa (5) għandha tiġi konferita lill-Kummissjoni
għal perjodu ta’ żmien indeterminat minn […][Publications Office, please insert the exact date of
entry into force]. 3. Id-delega ta’
setgħat li hemm referenza għalihom fit-tieni subparagrafu
tal-Artikolu 2(2), l-Artikolu 5(3), l-Artikolu 8 u
fl-Artikolu 14(1) sa (5) tista’ tiġi rrevokata fi kwalunkwe ħin
mill-Parlament Ewropew jew mill-Kunsill. Deċiżjoni li tirrevoka
għandha ttemm id-delega ta’ setgħa speċifikata f’dik
id-deċiżjoni. Din għandha tidħol fis-seħħ fil-jum
ta' wara l-pubblikazzjoni tad-deċiżjoni f’Il-Ġurnal
Uffiċjali tal-Unjoni Ewropea jew f’data aktar tard speċifikata
fiha. Din ma għandha taffettwa l-validità ta’ ebda att delegat li jkun
diġà fis-seħħ. 4. Hekk kif tadotta att
delegat, il-Kummissjoni għandha tinnotifikah simultanjament lill-Parlament
Ewropew u lill-Kunsill. 5. Att delegat adottat
skont it-tieni subparagrafu tal-Artikolu 2(2), l-Artikolu 5(3),
l-Artikolu 8 u fl-Artikolu 14(1) sa (5) għandu jidħol
fis-seħħ biss jekk ma tkunx ġiet espressa oġġezzjoni
jew mill-Parlament Ewropew jew mill-Kunsill fi żmien xahrejn min-notifika
ta’ dak l-att lill-Parlament Ewropew u lill-Kunsill jew jekk, qabel l-iskadenza
ta’ dak il-perjodu, il-Parlament Ewropew u l-Kunsill ikunu t-tnejn għarrfu
lill-Kummissjoni li huma ma jkunux se jagħmlu oġġezzjoni. Dak
il-perjodu għandu jiġi estiż b'xahrejn fuq inizjattiva tal-Parlament
Ewropew jew tal-Kunsill.". (7) L-Artikolu
15 huwa sostitwit b'dan li ġej: "Artikolu 15 Proċedura ta' kumitat 1. Il-Kummissjoni għandha
tkun mgħejjuna minn kumitat. Dak il-kumitat għandu jkun kumitat fi
ħdan it-tifsira tar-Regolament (UE) Nru 182/2011. 2. Meta ssir referenza għal
dan il-paragrafu, għandu japplika l-Artikolu 5 tar-Regolament (UE) Nru
182/2011. Fejn il-kumitat ma
jagħtix opinjoni, il-Kummissjoni ma għandhiex tadotta l-abbozz
tal-att ta' implimentazzjoni u għandu japplika t-tielet subparagrafu
tal-Artikolu 5(4) tar-Regolament (UE) Nru 182/2011.". Artikolu 2 Ir-Regolament (KE) Nru 595/2009 huwa emendat
kif ġej: (1) Fl-Artikolu 2, it-tieni paragrafu
huwa sostitwit b’dan li ġej: "Dan ir-Regolament ma għandux japplika
għal vetturi li għalihom il-manifattur ikun għażel li japplika
ir-Regolament (KE) Nru 715/2007 skont l-ewwel subparagrafu
tal-Artikolu 2(2) ta’ dak ir-Regolament.". (2) Fl-Anness I, fit-tabella
"Il-Limiti ta’ Emissjoni Euro VI", ir-ringiela li tikkorrispondi
mal-annotazzjoni "WHTC (PI)" hija sostitwita b’dan li ġej: "WHTC (PI) || 4 000 || || 160 || 500 || 460 || - || 10 || ( 3 )". Artikolu 3 Dan ir-Regolament ma għandux jaffettwa
l-proċeduri pendenti skont l-Artikolu 5(3), l-Artikolu 8 u
l-Artikolu 14(2) u (3) tar- Regolament (KE) Nru 715/2007 li fihom
kumitat ikun diġà ta l-opinjoni tiegħu skont l- Artikolu 5a
tad-Deċiżjoni 1999/468/KE. Artikolu 4 Dan ir-Regolament għandu jidħol
fis-seħħ fl-għoxrin jum wara dak tal-pubblikazzjoni tiegħu
f'Il-Ġurnal Uffiċjali tal-Unjoni Ewropea. Dan ir-Regolament għandu jorbot
fl-intier tiegħu u japplika direttament fl-Istati Membri kollha. Magħmul fi Brussell, Għall-Parlament Ewropew Għall-Kunsill Il-President Il-President [1] ĠU C , , p. . [2] ĠU C 182, 19.7.2008, p. 17. [3] Ir-Regolament (KE) Nru 715/2007 tal-Parlament Ewropew u
tal-Kunsill tal-20 ta’ Ġunju 2007 dwar l-approvazzjoni tat-tip ta’ vetturi
bil-mutur fir-rigward tal-emissjonijiet ta’ vetturi ħfief
għall-passiġġieri u ta’ vetturi kummerċjali (Euro 5 u
Euro 6) u dwar l-aċċess għall-informazzjoni dwar it-tiswija
u l-manutenzjoni tal-vetturi (ĠU L 171, 29.6.2007, p. 1). [4] Id-Direttiva 98/69/KE tal-Parlament Ewropew u
tal-Kunsill tat-13 ta' Ottubru 1998 dwar il-miżuri li għandhom
jittieħdu kontra tniġġis tal-arja b'emissjonijiet minn vetturi
bil-mutur u li temenda d-Direttiva tal-Kunsill 70/220/KEE (ĠU L 350,
28.12.1998, p. 1). [5] Ir-Regolament (KE) Nru 595/2009 tal-Parlament Ewropew u
tal-Kunsill tat-18 ta’ Ġunju 2009 dwar l-approvazzjoni tat-tip ta’ vetturi
bil-mutur u magni rigward l-emissjonijiet minn vetturi heavy-duty
(Euro VI) u dwar l-aċċess għal informazzjoni dwar
it-tiswija u l-manutenzjoni tal-vetturi u li jemenda r-Regolament (KE) Nru
715/2007 u d-Direttiva 2007/46/KE u li jħassar id-Direttivi 80/1269/KEE,
2005/55/KE u 2005/78/KE (ĠU L 188, 18.7.2009, p. 1). [6] Id-Deċiżjoni tal-Kunsill 1999/468/KE tat-28
ta' Ġunju 1999 li tipprovdi l-proċeduri
għall-eżerċizzju tas-setgħat tal-implimentazzjoni konferiti
fuq il-Kummissjoni (ĠU L 184, 17.7.1999, p. 23). [7] Ir-Regolament (UE) Nru 182/2011 tal-Parlament
Ewropew u tal-Kunsill tas-16 ta’ Frar 2011 li jistabbilixxi
r-regoli u l-prinċipji ġenerali dwar il-modalitajiet ta’ kontroll
mill-Istati Membri tal-eżerċizzju mill-Kummissjoni tas-setgħat
ta’ implimentazzjoni (ĠU L 55, 28.2.2011, p. 13).