EUR-Lex Access to European Union law
This document is an excerpt from the EUR-Lex website
Document 52013TA1213(04)
Report on the annual accounts of the European Centre for the Development of Vocational Training for the financial year 2012, together with the Centre’s replies
Rapport dwar il-kontijiet annwali taċ-Ċentru Ewropew għall-Iżvilupp ta' Taħriġ Vokazzjonali għas-sena finanzjarja 2012, flimkien mar-risposti taċ-Ċentru
Rapport dwar il-kontijiet annwali taċ-Ċentru Ewropew għall-Iżvilupp ta' Taħriġ Vokazzjonali għas-sena finanzjarja 2012, flimkien mar-risposti taċ-Ċentru
ĠU C 365, 13.12.2013, p. 21–28
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
13.12.2013 |
MT |
Il-Ġurnal Uffiċjali tal-Unjoni Ewropea |
C 365/21 |
RAPPORT
dwar il-kontijiet annwali taċ-Ċentru Ewropew għall-Iżvilupp ta' Taħriġ Vokazzjonali għas-sena finanzjarja 2012, flimkien mar-risposti taċ-Ċentru
2013/C 365/04
INTRODUZZJONI
1. |
Iċ-Ċentru Ewropew għall-Iżvilupp ta’ Taħriġ Vokazzjonali (minn hawn ’il quddiem “iċ-Ċentru”, magħruf ukoll bħala s-“Cedefop”), li jinsab f’Tessalonika, ġie stabbilit bir-Regolament tal-Kunsill (KEE) Nru 337/75 (1). Il-mandat prinċipali tiegħu huwa li jservi l-iżvilupp tat-taħriġ vokazzjonali fil-livell tal-Unjoni. Sabiex jilħaq dan l-objettiv, huwa għandu l-kompitu li jiġbor u li jxerred dokumentazzjoni dwar is-sistemi ta’ taħriġ vokazzjonali (2). |
INFORMAZZJONI LI TAPPOĠĠA D-DIKJARAZZJONI TA’ ASSIGURAZZJONI
2. |
L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta’ sorveljanza u kontroll taċ-Ċentru. Dan huwa ssupplimentat b’evidenza pprovduta mix-xogħol ta’ awdituri oħrajn (fejn rilevanti) u analiżi tar-rappreżentazzjonijiet tal-maniġment. |
DIKJARAZZJONI TA’ ASSIGURAZZJONI
3. |
Skont id-dispożizzjonijiet tal-Artikolu 287 tat-Trattat dwar il-Funzjonament tal-Unjoni Ewropea (TFUE), il-Qorti awditjat:
|
Ir-responsabbiltà tal-maniġment
4. |
Skont l-Artikoli 33 u 43 tar-Regolament tal-Kummissjoni (KE, Euratom) Nru 2343/2002 (5), il-maniġment huwa responsabbli mit-tħejjija u l-preżentazzjoni ġusta tal-kontijiet annwali taċ-Ċentru u mil-legalità u r-regolarità tat-tranżazzjonijiet ta’ bażi:
|
Ir-responsabbiltà tal-awditur
5. |
Ir-responsabbiltà tal-Qorti hija li, fuq il-bażi tal-awditu tagħha, tipprovdi lill-Parlament Ewropew u lill-Kunsill (7) b’dikjarazzjoni ta' assigurazzjoni dwar l-affidabbiltà tal-kontijiet annwali u dwar il-legalità u r-regolarità tat-tranżazzjonijiet ta’ bażi. Il-Qorti tmexxi l-awditu tagħha skont l-Istandards Internazzjonali tal-Awditjar u l-Kodiċijiet tal-Etika tal-IFAC u l-Istandards Internazzjonali tal-Istituzzjonijiet Supremi tal-Awditjar tal-INTOSAI. Dawn l-istandards jeżiġu li l-Qorti tippjana u twettaq l-awditu biex tikseb aċċertament raġonevoli dwar jekk il-kontijiet annwali taċ-Ċentru jkunux ħielsa minn kwalunkwe dikjarazzjoni skorretta materjali u dwar jekk it-tranżazzjonijiet li fuqhom huma bbażati jkunux legali u regolari. |
6. |
L-awditu jinvolvi t-twettiq ta' proċeduri biex tinkiseb evidenza għall-awditjar dwar l-ammonti u d-divulgazzjonijiet fil-kontijiet u dwar il-legalità u r-regolarità tat-tranżazzjonijiet ta’ bażi. Il-proċeduri magħżula jiddependu fuq il-ġudizzju tal-awditur, li huwa bbażat fuq valutazzjoni tar-riskji ta’ dikjarazzjoni skorretta materjali tal-kontijiet u ta’ nuqqas ta’ konformità materjali mit-tranżazzjonijiet ta’ bażi mar-rekwiżiti fil-qafas legali tal-Unjoni Ewropea, sew jekk minħabba frodi u sew jekk minħabba xi żball. Meta jivvaluta dawn ir-riskji, l-awditur iqis kwalunkwe kontroll intern rilevanti għat-tħejjija u l-preżentazzjoni ġusta tal-kontijiet, kif ukoll is-sistemi ta’ sorveljanza u kontroll li jkunu implimentati biex jiġu żgurati l-legalità u r-regolarità tat-tranżazzjonijiet ta’ bażi, u jfassal proċeduri tal-awditjar li jkunu xierqa skont iċ-ċirkustanzi. L-awditu jinvolvi wkoll l-evalwazzjoni tal-adegwatezza tal-politiki kontabilistiċi, ir-raġonevolezza tal-istimi kontabilistiċi u l-preżentazzjoni kumplessiva tal-kontijiet. |
7. |
Il-Qorti tqis li l-evidenza għall-awditjar miksuba hija suffiċjenti u xierqa biex tipprovdi bażi għad-dikjarazzjoni ta’ assigurazzjoni tagħha. |
Opinjoni dwar l-affidabbiltà tal-kontijiet
8. |
Fl-opinjoni tal-Qorti, il-kontijiet annwali taċ-Ċentru jippreżentaw b’mod ġust, fl-aspetti materjali kollha, il-pożizzjoni finanzjarja tiegħu fil-31 ta’ Diċembru 2012 u r-riżultati tal-operazzjonijiet tiegħu u l-flussi tal-flus tiegħu għas-sena li ntemmet dakinhar, skont id-dispożizzjonijiet tar-Regolament Finanzjarju tiegħu u r-regoli kontabilistiċi adottati mill-uffiċjal tal-kontabbiltà tal-Kummissjoni. |
Opinjoni dwar il-legalità u r-regolarità tat-tranżazzjonijiet li fuqhom huma bbażati l-kontijiet
9. |
Fl-opinjoni tal-Qorti, it-tranżazzjonijiet li fuqhom huma bbażati l-kontijiet annwali għas-sena li ntemmet fil-31 ta’ Diċembru 2012 huma legali u regolari fl-aspetti materjali kollha. |
10. |
Il-kummenti li ġejjin ma jixħtux dubju fuq l-opinjonijiet tal-Qorti. |
KUMMENTI DWAR IL-KONTROLLI INTERNI
11. |
Iċ-Ċentru jagħti għotjiet fuq bażi annwali lil netwerk ta’ sħab nazzjonali (8) (il-firxa tal-għotjiet għal kull ftehim hija bejn EUR 23 615 u EUR 43 620). In-nefqa għall-għotjiet (li hija prinċipalment relatata mal-ispejjeż għall-persunal tal-benefiċjarji) fl-2012 ammontat għal EUR 695 337 (9), jew 4 % tan-nefqa operazzjonali totali. Il-verifikazzjonijiet ex ante tal-għotjiet taċ-Ċentru jikkonsistu f’analiżi komprensiva tad-dokumenti tal-klejms għall-ispejjeż ippreżentati mill-benefiċjarji tal-għotjiet, kif ukoll eżaminar taċ-ċertifikati miksuba minn awdituri esterni li kienu kkuntrattati mill-benefiċjarji jew taċ-ċertifikati minn uffiċjali pubbliċi indipendenti. Madankollu, iċ-Ċentru normalment ma jivverifikax l-ispejjeż għall-persunal ikklejmjati mill-benefiċjarji abbażi ta’ dokumentazzjoni oriġinali ta’ sostenn. L-aħħar li twettqu verifikazzjonijiet ex post relatati kien fl-2009. B’riżultat ta’ dan, il-verifikazzjonijiet ex ante jipprovdu biss aċċertament limitat. |
KUMMENTI DWAR IL-ĠESTJONI BAĠITARJA
12. |
Ir-rati ta’ implimentazzjoni tal-baġit kienu għoljin f’livell ta’ 100 % għat-Titoli I u III u 98 % għat-Titolu II. Filwaqt li l-ammonti riportati tal-approprjazzjonijiet impenjati kienu għoljin għat-Titolu II f’livell ta’ 39 % (EUR 673 392), dan irriżulta prinċipalment minn raġunijiet barra mill-kontroll taċ-Ċentru, bħal dewmien f’xogħlijiet ta’ tiswija mwettqa mill-awtoritajiet Griegi fil-bini taċ-Ċentru. Dawn wasslu għal posponiment tal-manutenzjoni, it-tiswija u l-armar relatati tal-bini (madwar EUR 124 000), kif ukoll dewmien fl-akkwist ta’ tagħmir għas-swali tal-konferenzi taċ-Ċentru (madwar EUR 242 000). Parti mill-ammonti riportati tista’ tiġi attribwita għal dewmien fl-akkwist ta’ tagħmir tal-IT (madwar EUR 172 000). |
KUMMENTI OĦRA
13. |
Żewġ proċeduri ta’ reklutaġġ għall-post tad-Direttur futur taċ-Ċentru kienu ġew varati fl-2010 u fl-2011 u kien iddikjarat li t-tnejn li huma ma kellhomx suċċess (10). Fi tmiem l-2012 ġiet varata t-tielet proċedura ta’ reklutaġġ u din għadha għaddejja. Il-Qorti sabet li fl-ewwel żewġ proċeduri ta’ reklutaġġ il-membri tal-Kumitat ta’ Preselezzjoni ma ffirmawx dikjarazzjoni ta’ nuqqas ta’ kunflitt ta’ interess u li l-mistoqsijiet għall-intervisti u l-ponderazzjoni tagħhom, kif ukoll il-punteġġi minimi għall-inklużjoni fil-lista ta’ kandidati xierqa ġew stabbiliti wara l-iskrinjar tal-kandidati. |
SEGWITU GĦALL-KUMMENTI MIS-SENA PREĊEDENTI
14. |
Ħarsa ġenerali lejn l-azzjonijiet korrettivi li ttieħdu b’rispons għall-kummenti tal-Qorti mis-sena preċedenti tingħata fl-Anness I. |
Dan ir-Rapport ġie adottat mill-Awla IV, immexxija minn Dr Louis GALEA, Membru tal-Qorti tal-Awdituri, fil-Lussemburgu fil-laqgħa tagħha tad-9 ta’ Lulju 2013.
Għall-Qorti tal-Awdituri
Vítor Manuel da SILVA CALDEIRA
President
(2) L-Anness II jagħti sommarju tal-kompetenzi u l-attivitajiet taċ-Ċentru. Huwa ppreżentat għal skopijiet ta’ informazzjoni.
(3) Dawn jinkludu l-karta tal-bilanċ u l-kont tar-riżultat ekonomiku, it-tabella tal-flussi tal-flus, ir-rapport tat-tibdil fl-assi netti u sommarju tal-politiki kontabilistiċi sinifikanti u noti oħra ta’ spjegazzjoni.
(4) Dawn jinkludu l-kont tar-riżultat baġitarju u l-anness għall-kont tar-riżultat baġitarju.
(5) ĠU L 357, 31.12.2002, p. 72.
(6) Ir-regoli kontabilistiċi adottati mill-uffiċjal tal-kontabbiltà tal-Kummissjoni ġejjin mill-Istandards Internazzjonali tal-Kontabbiltà għas-Settur Pubbliku (IPSAS) maħruġa mill-Federazzjoni Internazzjonali tal-Kontabilisti jew, fejn rilevanti, l-Istandards Internazzjonali tal-Kontabbiltà (IAS)/l-Istandards Internazzjonali tar-Rappurtar Finanzjarju (IFRS) maħruġa mill-Bord dwar l-Istandards Internazzjonali tal-Kontabbiltà.
(7) L-Artikolu 185(2) tar-Regolament tal-Kunsill (KE, Euratom) Nru 1605/2002 (ĠU L 248, 16.9.2002, p. 1).
(8) Prinċipalment aġenziji nazzjonali u istituti ta’ riċerka.
(9) Dawn irriżultaw minn pagamenti finali u approvazzjonijiet ta’ prefinanzjamenti relatati ma’ ftehimiet ta’ għotjiet mis-snin preċedenti. Għall-ftehimiet ta’ għotjiet għall-2012, kienu saru biss prefinanzjamenti fl-2012 li kienu għadhom ma wasslux għal infiq.
(10) Fl-ewwel proċedura ta’ reklutaġġ, ebda wieħed mill-kandidati li tqieghed fuq il-lista mqassra mill-Bord Governattiv taċ-Ċentru ma nħatar mill-Kummissjoni Ewropea. Fit-tieni proċedura ta’ reklutaġġ, il-Kumitat ta’ Preselezzjoni qies li ebda wieħed mill-kandidati proposti ma ssodisfa r-rekwiżiti biex ikun fuq il-lista mqassra u ma ppreżentax lista ta’ kandidati xierqa lill-Bord Governattiv.
ANNESS I
Segwitu għall-kummenti mis-sena preċedenti
Sena |
Kumment tal-Qorti |
Status tal-azzjoni korrettiva (Ikkompletata / Għadha għaddejja / Pendenti / M/A) |
2011 |
Il-livell eċċessiv ta’ ammonti riportati għat-Titolu II jmur kontra l-prinċipju baġitarju tal-annwalità. |
Għadha għaddejja |
2011 |
Sar għadd sinifikanti ta’ trasferimenti baġitarji li kienu kkonċentrati l-aktar fi tmiem is-sena (1). Il-ġustifikazzjoni għal dawn it-trasferimenti baġitarji kienet insuffiċjenti, peress li ma saret l-ebda stima tal-ħtiġijiet. Din is-sitwazzjoni tindika dgħufijiet fl-ippjanar u l-programmazzjoni tal-baġit u tmur kontra l-prinċipju tal-ispeċifikazzjoni. |
Għadha għaddejja (ikkompletata fir-rigward tal-ġustifikazzjoni tat-trasferimenti) |
2011 |
Kull sena, il-finanzjament miċ-Ċentru ta’ għotjiet għall-edukazzjoni u t-taħriġ vokazzjonali (ETV) (2) jammonta għal madwar EUR 1 miljun (3). Kien hemm dewmien sinifikanti fl-għeluq ta’ għotjiet għas-sena 2010, għax il-benefiċjarji ppreżentaw ir-rapporti finali tagħhom dwar l-attivitajiet tard. Iċ-Ċentru stess ittardja fil-verifikazzjoni ta’ dawn ir-rapporti u fl-ipproċessar tal-pagamenti finali (4). |
Ikkompletata |
(1) B’kollox, saru 77 trasferiment baġitarju, li jammontaw għal total ta’ EUR 1,5 miljun, li minnhom 67 trasferiment (EUR 1,3 miljun) saru f’Novembru u f’Diċembru 2011.
(2) Iċ-Ċentru jagħti għotjiet lil netwerk Ewropew ta’ referenza u ħila esperta (‘ReferNet’), biex tingħata informazzjoni dwar is-sistemi u l-politiki nazzjonali tal-edukazzjoni u t-taħriġ vokazzjonali fl-Istati Membri, fin-Norveġja u fl-Islanda.
(3) 2011 u 2010: EUR 0,9 miljun.
(4) Bħala medja, il-pagamenti finali ttardjaw b’madwar 50 jum.
ANNESS II
Ċentru Ewropew għall-Iżvilupp ta’ Taħrig Vokazzjonali (Tessalonika)
Kompetenzi u attivitajiet
Oqsma ta’ kompetenza tal-Unjoni stipulati fit-Trattat (L-Artikolu 166(1) tat-Trattat dwar il-Funzjonament tal-Unjoni Ewropea) |
Ġbir ta’ informazzjoni L-Unjoni għandha timplimenta politika ta' formazzjoni vokazzjonali, li għandha tappoġġa u tissupplimenta l-azzjoni tal-Istati Membri, filwaqt li tirrispetta għal kollox ir-responsabbiltà tal-Istati Membri għall-kontenut u l-organizzazzjoni tal-formazzjoni vokazzjonali. |
||||||||||
Kompetenzi tas-Cedefop (L-Artikoli 2 u 3 tar-Regolament tal-Kunsill (KEE) Nru 337/75) |
Għanijiet Fil-kapaċità tiegħu bħala ċ-ċentru ta’ referenza tal-Unjoni Ewropea għall-edukazzjoni u t-taħriġ vokazzjonali, is-Cedefop jipprovdi lil min ifassal il-politika, lir-riċerkaturi u lill-professjonisti b’evidenza dwar xejriet attwali biex ikunu jistgħu jilħqu deċiżjonijiet u azzjonijiet b’bażi soda. Is-Cedefop jassisti lill-Kummissjoni Ewropea fil-promozzjoni u fl-iżvilupp ta’ edukazzjoni u taħriġ vokazzjonali fil-livell tal-Unjoni. Kompiti
|
||||||||||
Tmexxija |
Bord Governattiv Kompożizzjoni Għal kull Stat Membru:
Għall-Kummissjoni Ewropea: tliet membri. Il-membri msemmija f’(a), (b) u (c) jinħatru mill-Kunsill. Il-Kummissjoni taħtar il-membri li għandhom jirrappreżentawha. Koordinaturi mill-Organizzazzjonijiet ta' min iħaddem u mill-Organizzazzjonijiet tal-impjegati fil-livell Ewropew u osservaturi mill-pajjiżi taż-ŻEE wkoll jattendu għal-laqgħat tal-Bord Governattiv u tal-Bureau. Doveri Li jadotta l-baġit, il-prijoritajiet fuq perjodu medju (l-ippjanar pluriennali tas-Cedefop), il-programm ta’ xogħol u li jivvaluta u janalizza r-rapport annwali tal-attività u l-kontijiet annwali. Li jadotta l-baġit finali u l-pjan ta’ stabbiliment (it-tabella tal-persunal). Bureau Kompożizzjoni Il-president u t-tliet viċi presidenti tal-Bord Governattiv, koordinatur wieħed għal kull grupp u rappreżentant addizzjonali tal-Kummissjoni. Direttur Maħtur mill-Kummissjoni minn lista’ ta’ kandidati mogħtija mill-Bord Governattiv; huwa responsabbli għall-ġestjoni tas-Cedefop u jimplimenta d-deċiżjonijiet tal-Bord Governattiv u tal-Bureau. Awditu intern Is-Servizz tal-Awditjar Intern tal-Kummissjoni Ewropea (IAS). Awditu estern Il-Qorti Ewropea tal-Awdituri. Awtorità ta' kwittanza Il-Parlament Ewropew, li jaġixxi fuq rakkomandazzjoni mill-Kunsill. |
||||||||||
Riżorsi disponibbli għaċ-Ċentru fl-2012 (2011) |
Baġit finali EUR 19,22 (18,83) miljun Kontribuzzjoni tal-Unjoni (1): 97,6 % (97,5 %) Persunal fil-31 ta' Diċembru 2012 Għadd ta’ postijiet fit-tabella tal-persunal: 101 (101) Postijiet okkupati: 98 (2) (97) Persunal ieħor:
Total tal-persunal: 124 (125)
|
||||||||||
Prodotti u servizzi fl-2012 (2011) |
Analiżi tal-politika u rappurtar Ir-rapport tas-Cedefop Trends in VET policy in Europe 2010-12: Progress towards the Bruges Communiqué (Xejriet fil-politika tal-ETV fl-Ewropa 2010-12: Progress lejn il-Communiqué ta’ Bruges) ġie ppubblikat u ppreżentat lid-Diretturi Ġenerali tat-Taħriġ Vokazzjonali (DĠTV) f’Ċipru. Is-Cedefop ipprovda informazzjoni aġġornata dwar is-sistemi tal-ETV, flimkien ma’ aħbarijiet dwar inizjattivi u żviluppi tal-politiki fl-Istati Membri. ‘Statistika tax-xahar’ diversa b’data madwar l-Ewropa ffukat fuq il-valutazzjoni tal-impatt tal-kriżi. Biex tiġi ssodisfata d-domanda tal-Kummissjoni Ewropea għal analiżi tal-iżviluppi fl-ETV ibbażati fuq il-pajjiż għas-‘semestru Ewropew’, is-Cedefop reġa’ ffoka l-ħidma tiegħu u introduċa Spotlajts fuq l-ETV għall-pajjiżi kollha. Għal-laqgħat tad-DĠTV taħt il-Presidenza Daniża u dik Ċiprijotta huwa ħejja deskrizzjoni qasira tal-iżviluppi fl-ETV-kooperazzjoni man-negozju u nota ta’ informazzjoni dwar Permeable education and training systems: reducing barriers and increasing opportunity (Sistemi permeabbli ta’ edukazzjoni u taħriġ: it-tnaqqis ta’ ostakoli u ż-żieda ta’ opportunitajiet). Għodod komuni Ewropej, kwalifiki u eżiti tat-tagħlim Is-Cedefop ikkordina l-Grupp Konsultattiv dwar il-QEK (Qafas Ewropew tal-Kwalifiki) b’mod konġunt mal-Kummissjoni Ewropea u (kko)abbozza 23 dokument ta’ sfond li pprovdew informazzjoni għad-dibattiti dwar il-politika. In-nota ta’ informazzjoni Qualifications frameworks in Europe: an instrument for transparency and change (Qafas tal-kwalifiki fl-Ewropa: strument għat-trasparenza u l-bidla) maħruġa għal-laqgħa tad-DĠTV f’Ċipru tat sommarju tar-riżultati tar-raba’ rapport annwali tas-Cedefop dwar l-iżviluppi fl-NQF. Is-Cedefop analizza wkoll ir-rapporti minn 10 pajjiżi fejn fissru kif huma jorbtu l-kwalifiki nazzjonali tagħhom mal-QEK. Ir-riżultati tat-tielet rapport ta’ monitoraġġ tal-ECVET ġew ippreżentati fil-laqgħa tad-DĠTV f’Ċipru. L-appoġġ għall-EQAVET kompla. Il-websajt Europass – ġestita mis-Cedefop – qed tintuża aktar u aktar miż-żgħażagħ tal-Ewropa. Minn meta ġiet varata sa issa, ġewirreġistrati madwar 60 miljun żjara (2012: 14,8 miljun (2011) 12,9 miljun) u l-utenti ġġeneraw 25 miljun CV onlajn (2012: 8,3 miljun; 2011: 5,8 miljun). L-istudju Curriculum reform in Europe: the impact of learning outcomes (ir-riforma tal-kurrikulu fl-Ewropa: l-impatt tal-eżiti tat-tagħlim) ġie ppubblikat u diskuss f’sessjoni ta’ ħidma internazzjonali. Fl-2011/12, is-Cedefop ikkoordina 215-il żjara ta’ studju għal 2 448 speċjalista minn 33 pajjiż. L-istudji ta’ impatt jissottolinjaw rata għolja ta’ sodisfazzjon (96 %). Tagħlim tal-adulti u tranżizzjonijiet L-istudju Adult learning in the workplace: skill development to promote innovation in enterprises (Tagħlim tal-adulti fuq il-post tax-xogħol: żvilupp ta’ ħiliet għall-promozzjoni ta’ innovazzjoni f’intrapriżi) inħareġ għal sessjoni ta’ ħidma dwar din il-kwistjoni. Biex jikkontribwixxi għas-sena Ewropea għat-tixjiħ attiv, is-Cedefop organizza sessjoni ta’ ħidma dwar is-sostenn tal-impjegabbiltà permezz tat-tagħlim fi ħdan il-konferenza tad-DĠ Edukazzjoni u Kultura ‘One Step Up in later life’ (Pass 'il Fuq aktar tard fil-ħajja). Huwa ħareġ ukoll il-pubblikazzjoni tiegħu Working and ageing – the benefits of investing in an ageing workforce (Xogħol u tixjiħ – il-benefiċċju ta’ investiment f’forza tax-xogħol li qed tixjieħ). Tliet pubblikazzjonijiet ffukaw fuq l-iffinanzjar u inċentivi oħra għas-CVET. Biex tiġi appoġġata l-integrazzjoni taż-żgħażagħ fis-suq tax-xogħol, is-Cedefop ikkontribwixxa għall-avveniment li sar fuq l-inizjattiva tal-Ġermanja għall-konklużjoni tal-ftehimiet ta’ kooperazzjoni ma’ bosta pajjiżi bħala parti mill-‘European alliance for apprenticeship’ (Alleanza għall-apprendistat). Il-kontribut silet ukoll mill-evidenza fir-rapport From education to working life – The labour market outcomes of VET (Mill-edukazzjoni għall-ħajja tax-xogħol – L-eżiti tal-ETV fuq is-suq tax-xogħol). Analiżi tal-ħiliet Is-Cedefop ippreżenta l-aħħar previżjoni tiegħu dwar id-domanda u l-provvista tal-ħiliet fl-UE għall-2010-2020 fin-nota ta’ informazzjoni Europe’s skill challenge – Lagging skill demand increases risks of skill mismatch (L-isfida tal-ħiliet fl-Ewropa – Domanda għall-ħiliet li taqa’ lura żżid ir-riskju ta’ nuqqas ta’ tlaqqigħ tal-ħiliet) u l-pubblikazzjoni Future skills supply and demand in Europe – Forecast 2012 (Provvista u domanda tal-ħiliet fl-Ewropa fil-ġejjieni – Previżjoni 2012). Is-Cedefop ikkontribwixxa għall-Panorama ta’ Ħiliet fl-UE u ħareġ żewġ pubblikazzjonijiet dwar ħilet ekoloġiċi. Għar-rapport tal-Kummissjoni dwar L-Impjieg u l-Iżviluppi Soċjali fl-Ewropa 2012, is-Cedefop abozza kapitolu dwar in-nuqqas ta’ tlaqqigħ ta’ ħiliet. Sar dibattitu dwar ir-rapport Skill mismatch: the role of the enterprise (Nuqqas ta’ tlaqqigħ ta’ ħiliet: ir-rwol tal-intrapriża) f’sessjoni ta’ ħidma. Inħarġet ukoll nota ta’ informazzjoni dwar Preventing skill obsolescence (Prevenzjoni tal-obsolenza tal-ħiliet). Għall-inizjattiva tiegħu fil-ħolqien ta’ għodda ta’ monitoraġġ reġjonali għall-antiċipazzjoni ta’ ħiliet, is-Cedefop ipprovda kompetenza esperta lill-muniċipalità ta’ Tessalonika. Impatt organizzattiv Indikaturi tal-prestazzjoni ewlenin juru impatt organizzattiv għoli: kwotazzjonijiet f’169 dokument tal-politka tal-UE u 68 dokument tal-politika internazzjonali, li xi wħud minnhom jiġbdu b’mod sostanzjali mill-ħidma tas-Cedefop; kontributi għal 26 dokumenti tal-politika tal-UE, 158 avveniment tal-Presidenza u oħrajn fil-livell tal-UE; 150 avveniment organizzati mis-Cedefop; 120 pubblikazzjoni; 525 artiklu fil-midja dwar il-ħidma tas-Cedefop irreġistrati (+ 38 %); 636 000 pubblikazzjoni mniżżla mill-internet (+ 33 %); 415-il pubblikazzjoni f’litteratura xjentifika; tkabbir sinifikanti fil-midja soċjali (+ 127 % Facebook; + 170 % Twitter). Għall-iffrankar fuq l-ispejjeż, tqiegħdet enfasi fuq vidjokonferenzi u Skype ntuża b’mod esperimentali fi proċeduri ta’ reklutaġġ għall-intervisti. Għal aktar informazzjoni ara www.cedefop.europa.eu (ir-Rapport Annwali u r-Rapport Annwali tal-Attività 2012). |
||||||||||
Sors: Informazzjoni mogħtija miċ-Ċentru. |
Nota: |
il-kontribuzzjoni tal-Unjoni tinkludi sussidju mill-Unjoni kif ukoll BRS. |
(2) Dan jinkludi postijiet li huma effettivament mimlija (92) u offerti għall-impjieg li saru (6) għal postijiet battala (f’konformità mal-approċċ ta’ Pjan Multiannwali għall-Politika tal-Persunal).
(3) Dan jinkludi 22 membru tal-persunal kuntrattwali u offerta waħda għall-impjieg li saret.
Sors: Informazzjoni mogħtija miċ-Ċentru.
IT-TWEĠIBIET TAĊ-ĊENTRU
11. |
Iċ-Ċentru jiskrutinizza fit-dettall il-proposti u l-istimi tal-ispejjeż meta jkun qed jivvaluta l-applikazzjonijiet għall-għotja. Fil-proċess ta’ verifika, il-kwalità u l-kompletezza tas-servizz jiġu vverifikati fid-dettall. Biex ikunu indirizzati d-dubji tal-Qorti, minn din is-sena, is-Cedefop ser jintroduċi, flimkien maċ-ċertifikati ta’ verifika, verifiki ddettaljati tal-ispejjeż tal-persunal u ħinijiet tax-xogħol għal tliet każi magħżula għall-għarrieda mis-26 sa 29 ħlas ta’ għotja. |
12. |
Ittieħdet nota tal-osservazzjoni tar-riporti f’Titolu 2 u ġie kkonfermat l-impenn kontinwu biex jitbaxxew dawn ir-riporti. |
13. |
Iċ-Ċentru nnota li minkejja li jipprovdi assitenza lill-kumitat tal-preselezzjoni ma għandux kontroll fuq il-proċedura u d-deċiżjonijiet tal-kumitat tal-preselezzjoni jew tal-Kummissjoni. L-evidenza wriet li l-membri tal-penil kienu konxji mill-ħtieġa ta’ nuqqas ta’ kunflitt ta’ interess. Madankollu, il-membri tal-kumitat ta’ preselzzjoni fil-frattemp iffirmaw dikjarazzjonijiet formali wara s-suġġerimenti tal-Qorti. |