This document is an excerpt from the EUR-Lex website
Document 52013SC0182
COMMISSION STAFF WORKING DOCUMENT EXECUTIVE SUMMARY OF THE IMPACT ASSESSMENT Accompanying the document Proposal for a regulation of the European Parliament and of the Council establishing a framework on the market access to port services and the financial transparency of ports
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Proposta għal regolament tal-Parlament Ewropew u tal-Kunsill li jistabbilixxi qafas fuq l-aċċess għas-suq għas-servizzi portwarji u t-trasparenza finanzjarja tal-portijiet
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Proposta għal regolament tal-Parlament Ewropew u tal-Kunsill li jistabbilixxi qafas fuq l-aċċess għas-suq għas-servizzi portwarji u t-trasparenza finanzjarja tal-portijiet
/* SWD/2013/0182 final */
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Proposta għal regolament tal-Parlament Ewropew u tal-Kunsill li jistabbilixxi qafas fuq l-aċċess għas-suq għas-servizzi portwarji u t-trasparenza finanzjarja tal-portijiet /* SWD/2013/0182 final */
DOKUMENT TA’ ĦIDMA TAL-PERSUNAL
TAL-KUMMISSJONI SOMMARJU EŻEKUTTIV TAL-VALUTAZZJONI
TAL-IMPATT Li jakkumpanja d-dokument Proposta għal regolament
tal-Parlament Ewropew u tal-Kunsill li jistabbilixxi qafas fuq
l-aċċess għas-suq għas-servizzi portwarji u t-trasparenza
finanzjarja tal-portijiet DĠ LEAD: DIRETTORAT ĠENERALI GĦALL-MOBILITÀ U T-TRASPORT 1. Il-kuntest ġenerali L-Ewropa hija wieħed mill-iktar
reġjuni portwarji densi madwar id-dinja. Bħala l-blokk
kummerċjali ewlieni fid-dinja, l-UE tiddependi ħafna fuq is-sistema
tat-trasport marittimu. 37% tal-prodotti skambjati fi
ħdan is-suq intern tagħha jgħaddu mill-portijiet. F'termini ta'
trasport tal-passiġġiera, il-portijiet jaqdu t-traffiku
reġjonali u lokali biex jgħaqqdu żoni periferali u tal-gżejjer.
Il-portijiet huma faċilitaturi essenzjali għall-ekonomija peress li
għandhom funzjoni kruċjali fil-loġistika u huma ġeneratur
importanti ta' impjiegi. It-319-il port tan-netwerk trans-Ewropew
tat-trasport (TEN-T) li jammontaw għal 96% tal-merkanzija u 93%
tal-passiġġiera li jgħaddu mill-portijiet tal-UE għandhom
rwol importanti fis-sistema Ewropea tat-trasport. 2. Definizzjoni tal-problema Il-problema ewlenija
hija d-distakk fil-prestazzjoni strutturali f'uħud mill-portijiet
marittimi tat-TEN-T. Il-problema tkompli tinħass iktar minħabba
l-bżonn li l-portijiet jiġu adattati għal rekwiżiti
tat-trasport u loġistiċi ġodda fi żmien ta' finanzjament
pubbliku skars. Dan joħloq riskju ta' konġesjoni u jixħet
f'riskju TEN-T effiċjenti, interkonnessa u sostenibbli u b'hekk anki
l-funzjonament bla xkiel tas-suq intern. F'xenarju ta' żamma tal-istatus quo,
it-tkabbir mistenni fit-trasport, il-bidliet fir-rekwiżiti
loġistiċi u tat-trasport u d-distakki strutturali fil-prestazzjoni
attwali tal-portijiet ser jikkaġunaw problemi fil-kapaċità
tal-portijiet u jgħarrqu l-użu żbilanċjat attwali
tan-netwerk. Dan ser iwassal għal problemi ta' sottokapaċità
f'ċerti portijiet u konġestjoni ikbar fiż-żoni interni wesgħin
tagħhom. Dan ser ixekkel l-iżvilupp tat-tbaħħir fuq distanza
qasira. Il-prestazzjoni batuta ta' wħud mill-portijiet tat-TEN-T hija
opportunità mitlufa għall-iżvilupp ekonomiku taż-żoni li
huma jaqdu, u b'hekk anki tal-Unjoni kollha kemm hi. Infrastruttura ta' port
qadima u inadattata tista' taffettwa l-kompetittività tal-industriji Ewropej. Jekk ma jiġux indirizzati dawn il-problemi,
il-kisba tal-għanijiet tat-TEN-T ser tkun f'riskju. Finalment, hemm tħassib serju dwar
il-kompetizzjoni inġusta bejn il-portijiet marbutin ma' prattiki ta'
finanzjament pubbliku. It-trejdjunjins tal-ħaddiema tal-portijiet huma
kontra dispożizzjonijiet tal-UE li jibdlu l-iskemi tax-xogħol
eżistenti fil-portijiet fl-Istati Membri. 3. Kawżi ewlenin Il-Kummissjoni
identifikat tliet problemi prinċipali. L-ewwel, in-nuqqas ta'
konnessjonijiet adegwati bejn il-portijiet u n-netwerks ferrovjarji,
il-passaġġi tal-ilma interni u tat-triq, huwa indirizzat
mill-politika tat-TEN-T u għalhekk ma reġax ġie indirizzat
fil-valutazzjoni tal-impatt. Il-kawżi l-oħrajn huma spjegati hawn
taħt. 3.1. L-ewwel kawża
tal-problema (1): Servizzi u operazzjonijiet portwali mhux ottimali
f'ċerti portijiet tat-TEN-T Ma' din il-kwistjoni hemm marbutin tliet
kawżi ewlenin: (1)
ħafna mis-servizzi portwarji huma
soġġetti għal pressjoni kompetittiva dgħajfa minħabba
restrizzjonijiet tal-aċċess għas-suq; (2)
id-drittijiet esklussivi jew speċjali,
għad li ġustifikati f'numru ta' sitwazzjonijiet, jistgħu jwasslu
għal abbużi tas-suq u (3)
f'ċerti portijiet, dawk li jużawhom
jiltaqgħu ma' piż amministrattiv żejjed minħabba nuqqas ta'
koordinazzjoni bejn il-portijiet. 3.2. It-tieni kawża tal-problema (2): Oqfsa ta' governanza
tal-portijiet mhux attraenti biżżejjed għal investimenti fil-portijiet marittimi kollha tat-TEN-T Żewġ kawżi ewlenin jispjegaw
il-klima ġenerali mhux attraenti għall-investiment f'bosta portijiet:
(4)
relazzjonijiet finanzjarji mhux ċari bejn
l-awtoritajiet pubbliċi, l-awtoritajiet tal-portijiet u l-fornituri
tas-servizzi portwarji u (5)
awtonomija dgħajfa tal-portijiet biex
jiddefinixxu n-nollijiet tal-infrastruttura u r-rabta mhux trasparenti
mal-ispejjeż. 4. Analiżi tas-sussidjarjetà L-Artikoli 58, 90 u 100 tat-Trattat dwar
il-Funzjonament tal-Unjoni Ewropea (TFUE) jestendu għall-portijiet
l-għanijiet ta' suq intern ġenwin fil-kuntest tal-Politika Komuni
tat-Trasport. Minkejja l-għamla speċifika tas-settur
tal-portijiet u l-istorja u l-kultura lokali dejjiema tiegħu, is-settur
tal-portijiet għandu dimensjoni internazzjonali u Ewropea
b'saħħitha. Minħabba din tal-aħħar u raġunijiet
tas-suq intern u l-effetti transfruntiera tan-netwerk, l-inizjattiva proposta
li fil-mira tagħha għandha l-portijiet tat-TEN-T hija konformi
mal-prinċipju ta' sussidjarjetà. 5. Għanijiet 5.1. Għan ġenerali L-għan ġenerali huwa li titjieb il-prestazzjoni tal-portijiet
tat-TEN-T biex jikkontribwixxu għall-għan ta' funzjonament iktar
effiċjenti, interkonness u sostenibbli tat-TEN-T b'konformità
mal-għanijiet tal-White Paper dwar it-Trasport u l-istrateġija tal-UE
2020 għal tkabbir effiċjenti fir-riżorsi. 5.2. Għanijiet
speċifiċi (SO) SO1. Modernizzar tas-servizzi u l-operazzjonijiet portwarji
fil-portijiet marittimi kollha tat-TEN-T SO2. Ottimizzazzjoni
tal-oqfsa ta' governanza tal-portijiet biex ikun hemm klima ta’ investiment
iktar attraenti 5.3. Għanijiet operazzjonali (OO) 5.3.1. Modernizzar
tas-servizzi u l-operazzjonijiet portwarji (a)
OO1. Kjarifika u tħaffif tal-aċċess
għas-suq tas-servizzi portwarji. (b)
OO2. Prevenzjoni tal-abbuż tas-suq minn
fornituri tas-servizzi portwarji maħtura. (c)
OO3. Jiġi żgurat li dawk li jużaw
il-portijiet jiġu kkonsultati dwar id-deċiżjonijiet ewlenin li
jolqtu l-funzjonament tal-port fil-portijiet kollha (100%) tat-TEN-T sad-data
ta' implimentazzjoni tal-inizjattiva. 5.3.2. Il-ħolqien
ta' kundizzjonijiet tal-qafas li jattiraw investimenti lejn il-portijiet (d)
OO4. Tiġi żgurata trasparenza
fir-relazzjonijiet finanzjarji bejn l-awtoritajiet pubbliċi,
l-awtoritajiet tal-portijiet u l-fornituri tas-servizzi portwarji fil-portijiet
kollha (100%) tat-TEN-T sad-data ta' implimentazzjoni tal-inizjattiva. (e)
OO5. Jiġi żgurat li l-awtoritajiet
tal-portijiet kollha (100%) tat-TEN-T huma liberi biex b'mod awtonomu jfasslu
n-nollijiet tal-infrastruttura tal-port tagħhom fid-data ta'
implimentazzjoni tal-inizjattiva, bil-possibbiltà ta' modulazzjoni ambjentali
tan-nollijiet. 6. Għażliet politiċi 6.1. Miżuri
politiċi mwarrbin Il-Kummissjoni warrbet il-miżuri li
ġejjin wara li kkonsultat mal-partijiet interessati: (1)
Riforma fis-suq tax-xogħol tal-portijiet la
hija kkunsidrata u lanqas proposta fl-ebda wieħed mill-pakketti
tal-politika (PPs) minħabba l-progress riċenti li sar fit-tnedija
tad-djalogu soċjali bejn l-impjegaturi u l-impjegati: il-Kumitat
tad-Djalogu Soċjali għall-Ħaddiema tal-Portijiet għandu
jkun beda jaħdem matul l-2013. (2)
Mill-konsultazzjoni, jidher li l-problema ta'
"awtoġestjoni" ma għadhiex problema li trid tiġi
indirizzata fil-livell tal-UE. (3)
Peress li t-TFUE jipprevedi diskrezzjoni usa'
sabiex l-Istati Membri jorganizzaw Servizzi ta' Interess Ekonomiku
Ġenerali skont kif iqisu li huwa xieraq, l-ebda wieħed mill-PPs ma
jaffettwa din il-marġni ta' diskrezzjoni. 6.2. Pakketti
tal-Politika 6.2.1. PP1: “Strumenti Orizzontali u Trasparenza” PP1 jgħaqqad l-użu ta' strumenti
orizzontali, miżuri "ħfief" fuq l-aċċess
għas-suq u dispożizzjonijiet legalment vinkolanti fuq it-trasparenza
finanzjarja, il-koordinazzjoni intraportwarja u n-nollijiet fuq
l-aċċess għall-infrastruttura tal-portijiet. Il-miżura
ħafifa hija Komunikazzjoni tal-Kummissjoni li ma torbotx u li tispjega
r-regoli tat-TFUE dwar in-nondiskriminazzjoni u d-Direttiva li ħierġa
fil-ġejjieni dwar il-konċessjoni. 6.2.2. PP2: “Kompetizzjoni rregolata” PP2 jintroduċi
l-libertà ta' forniment tas-servizzi lill-forniment tas-servizzi portwarji. Din
il-libertà tista' tkun limitata jekk ikun hemm bżonn, fuq il-bażi ta'
raġunijiet oġġettivi u trasparenti relatati man-nuqqas ta'
spazju jew raġunijiet ta' interess pubbliku. Meta tillimita l-libertà,
l-awtorità pubblika jew portwarja jkollha bżonn tidħol fi ftehim
kuntrattwali ma' fornitur tas-servizz portwarju permezz ta' proċedura
miftuħa tal-offerti, minbarra f'każijiet iġġustifikati. It-trasparenza hija infurzata f'dawk
il-każijiet fejn ikun involut finanzjament pubbliku sabiex ikunu
jistgħu jiġu ntraċċati għajnuniet mill-istat li
jfixklu u kontrosussidji bejn servizzi portwarji. Jekk is-servizz jiġi
pprovdut minn operatur intern jew operatur ieħor bi dritt esklussiv,
l-obbligu ta' restrizzjoni jiżgura reċiproċità fl-ewwel każ
u s-sorveljanza regolatorja fuq il-prezzijiet tevita abbużi
fiż-żewġ każijiet. In-nollijiet għall-użu tal-infrastruttura
tal-portijiet iridu jkunu trasparenti u bbażati fuq il-kost. Kumitat tal-utenti tal-port jgħin sabiex
l-attivitajiet tal-port jiġu orjentati iktar lejn l-utenti u l-klijenti
tal-port. 6.2.3. PP2a: “Kompetizzjoni rregolata u awtonomija tal-port” PP2a jikkonsisti f'PP2 bil-varjazzjonijiet li
ġejjin: ·
L-obbligu li jintużaw offerti miftuħin
fil-każ ta' restrizzjonijiet fl-ispazju jew obbligi ta’ servizz pubbliku
japplika mhux biss għal kuntratti ġodda iżda wkoll għal
bidliet sostanzjali fil-kuntratti eżistenti. ·
Is-sorveljanza regolatorja tal-fornituri
tas-serizzi bi drittijiet esklussivi tapplika biss għas-swieq li ma
ngħatawx permezz ta' offerti miftuħin (jekk ma tintuża ebda
proċedura miftuħa, is-suq ma jistax jiġi kkontestat). ·
Kull port jingħata d-dritt li jistabbilixxi
l-istruttura u l-livell tan-nollijiet tal-infrastruttura tal-port kemm-il darba
l-politika dwar in-nollijiet tibqa' trasparenti. L-inizjattiva
tħeġġeġ ukoll li ssir distinzjoni skont il-prestazzjoni
ambjentali tal-bastimenti jew il-fjuwils. 6.2.4. PP3: “Kompetizzjoni sħiħa u awtonomija tal-port” PP3 jibni fuq PP2a billi jeħtieġ ukoll
tal-inqas żewġ operaturi kompetituri u indipendenti għal kull
servizz portwarju fejn in-numru ta' operaturi jkun limitat minħabba
restrizzjonijiet ta' spazju. Hemm ukoll separazzjoni funzjonali/legali. Biex
jiġi żgurat li l-port jibqa' jaħdem, issaħħaħ
ir-rwol ta' koordinazzjoni ċentrali tal-awtoritajiet tal-port. 7. Valutazzjoni tal-impatti 7.1. Impatti
ekonomiċi Ġew stmati l-impatti tal-PPs f'termini
tal-ispejjeż tat-trasport. L-iffrankar potenzjali tal-ispejjeż
totali relatati mal-port huma ppreżentati fit-Tabella 1 hawn
taħt. Tabella 1: Effetti ta' pakketti tal-politika fuq
l-iffrankar fl-ispejjeż totali tal-port (PwC, 2013) || Bidla (%) fl-Ispejjeż Totali tal-Portijiet || Iffrankar Annwali (€ miljun) PP1 || -2.0% || 318.15 PP2 || -3.0 % || 481.47 PP2a || -6.8 % || 1,071.37 PP3 || -7.9 % || 1,245.21 Biex jiġi ġġudikat jekk
il-pakketti tal-potitika jattirawx iktar investiment, dawn ġew
ivvalutati fuq erba' kriterji. Ir-riżultati huma ppreżentati
fit-Tabella 2. It-trasparenza finanzjarja ser tħeġġeġ li jiġu allokati riżorsi
pubbliċi b'mod iktar effiċjenti u ser tnaqqas ir-riskju ta'
għajnuniet mill-Istat li jfixklu. L-investituri privati ser jaraw inqas
riskji ta' kompetizzjoni inġusta li ġejja minn għajnuniet
mill-Istat potenzjalment illeċiti. Tabella 2: Impatt tal-pakketti tal-politika fuq
il-klima tal-investiment || PP1 || PP2 || PP2a || PP3 Allokazzjoni effiċjenti tal-fondi pubbliċi || + || ++ || ++ || +++ Inqas riskji ta' għajnuniet mill-Istat li jfixklu lill-portijiet || + || ++ || ++ || +++ Klima aħjar għall-investiment privat || + || ++ || +++ || ++ Ħsieb ekonomiku fin-nollijiet tal-portijiet || + || +++ || ++ || + ("+"
jirreferi għall-intensità ta' korrelazzjoni pożittiva:
pereżempju fil-każ ta' "riskji inqas ta' għajnuna
mill-Istat li tfixkel lill-portijiet", a "+" ifisser inqas
riskju f'għajnuniet mill-istat li jfixklu) L-ispejjeż amministrattivi ġenerali tal-pakketti tal-politika huma kkalkolati u
ppreżentati fit-Tabella 3. Tabella 3: Spejjeż amministrattivi addizzjonali
għal kull pakkett tal-politika fl-isfond tax-xenarju bażi (PwC, 2013) || Rikorrenti (€ mijun / sena) || Ta' darba (€ miljun) || Settur pubbliku || Negozji || Settur pubbliku || Negozji PP1 || 9.0 || 16.2 || 9.9 || 15.7 PP2 || 7.7 || 14.0 || 32.4 || 15.7 PP2a || 2.3 || 2.2 || 24.4 || 0.8 PP3 || 33.0 || 3.9 || 121.8 || 0.8 Għall-SMEs u l-mikroimpriżi
l-effett totali diffiċli jiġi apprezzat. B'mod ġenerali, ambjent
kummerċjali aħjar jgħin lill-SMEs il-ġodda fis-settur
tal-portijiet, u b'hekk jinfetħu opportunitajiet ta' investiment u
ħolqien tal-impjiegi. Ġew stmati wkoll l-impatti fuq il-multimodalità,
it-tbaħħir fuq distanza qasira u l-bidliet fit-traffiku mill-art
għall-baħar. Hemm impatti reġjonali li jvarjaw minħabba
d-distribuzzjoni żbilanċjata (u varjabbli) tal-flussi tal-merkanzija.
Dan jispjega għaliex ir-reġjuni speċifiċi ser jibbenefikaw
iktar mit-tbaħħir fuq distanza qasira meta mqabbla mal-medja tal-UE
(Tabella 4). Minn perspettiva tal-kompetittività
internazzjonali, il-portijiet Ewropej (MED u Baltiċi) li bħalissa
qed jitilfu negozju tat-trasbord lejn portijiet mhux fl-UE, ser
jissaħħu billi jkollhom bażi ta’ investiment soda. Filwaqt li
għandhom jitqiesu pożizzjonijiet dominanti possibbli minn
integrazzjoni vertikali, aċċess għas-suq miftuħ jista' jħaffef
l-investiment internazzjonali u jista' jġib miegħu aċċess
reċiproku lejn is-swieq tal-pajjiżi terzi għal operaturi ta'
portijiet u terminals fl-Ewropa. Tabella 4: Żidiet
potenzjali (%) tat-tunnellaġġ bit-tbaħħir fuq distanza
qasira bejn ir-reġjuni (PwC, 2013) Bidliet potenzjali fit-tbaħħir fuq distanza qasira bejn reġjuni kostali differenti || Lvant Med || Ċent Med || Punent Med / Atl || Renju Unit / IRL || Medda tat-Tramuntana || Skand / Balt Lvant Med || 1.51 || 6.50 || 1.98 || 0.68 || 0.64 || 0.24 Ċent Med || 8.39 || 6.12 || 6.43 || 0.25 || 2.68 || 1.19 Punent Med / Atl || 1.25 || 4.79 || 6.56 || 2.67 || 2.35 || 0.83 UK / IRL || 0.16 || 0.07 || 3.90 || 3.23 || 1.10 || 1.36 Medda tat-Tramuntana || 0.51 || 4.54 || 1.80 || 1.54 || 4.34 || 2.59 Skand / Balt || 0.37 || 0.84 || 3.09 || 5.04 || 5.35 || 2.49 Il-kategoriji jkopru:
Lvant Med (il-Greċja, il-Baħar l-Iswed fl-UE, is-Slovenja); Ċent
Med (l-Italja, Malta, Med Franċiż); Punent Med/Atl (Spanja,
il-Portugall, Atlantiku Franċiż); ir-Renju Unit/IRL; Medda
tat-Tramuntana (Hamburg-Le Havre); Skand/Balt 7.2. Impatti ambjentali Il-PPs kollha jgħinu biex jittaffa
l-impatt ambjentali ġenerali tat-trasport. Ir-riżultat ġenerali
huwa ppreżentat fit-Tabella 5: Tabella 5: Effetti tal-pakketti tal-politika fuq
l-iffrankar annwali fi spejjeż esterni (PwC, 2013) || Iffrankar fi spejjeż esterni (€ miljun fis-sena) PP1 || 23 PP2 || 34 PP2a || 69 PP3 || 76 7.3. Impatti soċjali Il-PPs kollha ser joħolqu ambjent
kummerċjali aħjar li ser iwassal għal iktar attività u tkattir
tal-impjiegi. Peress li twarrbu miżuri li jolqtu l-iskemi tax-xogħol,
ma hu mistenni li jkun hemm l-ebda impatt partikolari f'termini ta' pagi,
relazzjonijiet tax-xogħol u kundizzjonijiet tax-xogħol. Tabella 6: Sommarju tal-impatti ekonomiċi,
ambjentali u soċjali aggregati L-impatt imqabbel max-xenarju bażi || PP1 || PP2 || PP2a || PP3 Effiċjenza || + || ++ || +++ || +++ Investimenti || + || + || ++ || ++ Piż amministrattiv || + || ++ || +++ || + SMEs || ++ || ++ || ++ || ++ Impatt fuq it-trasport || + || + || ++ || ++ Impatt fuq l-ambjent || + || + || ++ || ++ Impatt Soċjali || + || ++ || ++ || ++ + jirreferi għal
korrelazzjoni pożittiva: eż. fil-każ ta' piż
amministrattiv, iktar + ifissru inqas piż, fil-każ tal-impatti
ambjentali, iktar + ifissru kunsiderazzjoni aħjar mogħtija
lill-ambjent 8. Tqabbil tal-għażliet 8.1. Effettività Il-PPs kollha jkunu effettivi, għad li kull
wieħed minnhom juri riżultati fi skala ta' żmien differenti u
mhux bl-istess affidabbiltà. 8.2. Effiċjenza Fir-rigward tal-gwadanni netti
fl-effiċjenza annwali, PP3 imur l-aħjar, iżda huwa segwit ferm
mill-qrib minn PP2a, li għandu kost amministrattiv ferm inqas mill-PP3 u
huwa kważi xejn għan-negozju. PP1 u PP2 imorru ferm agħar kemm
minn PP2a kif ukoll minn PP3. 8.3. Koerenza
Il-PPs kollha huma konformi mat-tlestija
tas-suq intern u huma koerenti mal-għanijiet politiċi tal-UE riflessi
fl-Att dwar is-Suq Uniku, il-White Paper dwar it-Trasport u l-istrateġija
tat-tkabbir tal-Ewropa 2020. PP2, PP2a, u, sa ċertu punt iktar prominenti,
PP3, juru kompromess importanti bejn l-impatti ekonomiċi u soċjali. 8.4. Sommarju tal-paragun tal-pakketti tal-politika Tabella 7: effettività, effiċjenza u
koerenza tal-pakketti tal-politika || PP1 || PP2 || PP2a || PP3 Effettività || + || ++ || +++ || +++ 001 Kjarifika u tħaffif tal-aċċess għas-suq tas-servizzi portwarji || + || ++ || +++ || +++ 002 Prevenzjoni tal-abbuż mis-suq minn fornituri tas-servizzi portwarji bi drittijiet esklussivi jew speċjali || + || ++ || ++ || ++ 003 Titjib tal-mekkaniżmi ta' koordinazzjoni fil-portijiet || ++ || + || + || ++ 004 Żgurar ta' qafas iktar trasparenti għal relazzjonijiet finanzjarji bejn l-awtoritajiet pubbliċi, l-awtoritajiet tal-portijiet u l-fornituri tas-servizzi portwarji || + || ++ || ++ || +++ 005 Żgurar li n-nollijiet tal-infrastrutturi tal-portijiet huma stabbiliti b'mod awtonomu, biex tkun tista' ssir l-internalizzazzjoni tal-ispejjeż esterni || + || ++ || +++ || ++ Effiċjenza || + || + || +++ || +++ Koerenza || Kompromess żgħir || Kompromess limitat ħlief għall-immaniġġjar tal-merkanzija (kompromess importanti) || Kompromess limitat ħlief għall-immaniġġjar tal-merkanzija (kompromess importanti) || Kompromess importanti "+"
jirreferi għall-intensità ta' korrelazzjoni pożittiva, ma nstabet
l-ebda korrelazzjoni negattiva jew newtrali 9. Għażla
preferita Fuq il-bażi tal-analiżi stabbilita
fil-valutazzjoni tal-impatt, PP2a huwa l-għażla politika preferita.
Skont l-istimi, PP2a ser jiġġenera ffrankar tal-ispejjeż
tal-portijiet li jlaħħqu mal-EUR 1 biljun fis-sena. Ser
iġib miegħu traffiku addizzjonali tat-tbaħħir fuq distanza
qasira ta' madwar 13.3 biljun tunnellata-kilometru (żieda sa 6.5% fuq
għadd ta' rotot). Dan ser iwassal għal żieda fl-attivitajiet
tal-portijiet, li ser joħloq impjiegi diretti u indiretti relatati
mal-portijiet. Madankollu, din il-valutazzjoni tal-impatt
teħtieġ attenzjoni f'dak li għandu x'jaqsam mal-aċċess
għas-suq tal-immaniġġjar tal-merkanzija, minħabba tliet
aspetti: –
Hemm kompromess importanti ma' kwistjonijiet
soċjali. –
Is-servizzi tal-immaniġġjar
tal-merkanzija diġà huma esposti għal pressjoni kompetittiva
f'ċerti portijiet. –
Ħafna mis-servizzi tal-immaniġġjar
tal-merkanzija huma konċessjoni koperta mid-Direttiva li ħierġa
fil-ġejjieni dwar il-konċessjoni. B'hekk, rigward il-kjarifika u
t-tħaffif tal-aċċess għas-suq għas-servizzi ta'
mmaniġġjar tal-merkanzija, l-approċċ ta-PP1 jista' jkun
adattat daqstantieħor. Li kieku kellu
jingħażel dan il-varjant tal-PP2a[1]
l-impatti stmati inizjalment għal PP2a jonqsu ftit fl-intensità iżda
jibqgħu ġenerament simili fit-tendenza; l-iffrankar fl-ispejjeż
tal-portijiet xorta jibqgħu jirrappreżentaw sa 10 biljuni
sal-2030. Id-dettalji fuq l-impatti kkwantifikati huma ppreżentati
fit-tabella 8. Tabella 8: Tqabbil bejn PP2a u l-"varjant
tal-PP2a" (esklużi miżuri ta' aċċess għas-suq
għall-immaniġġjar tal-merkanzija) (PwC, 2013) || PP2a || Varjant tal-PP2a Bidla (%) fl-ispejjeż totali tal-portijiet || -6.8. || -4. Iffrankar annwali fl-ispejjeż totali tal-portijiet (€ miljun) || 1071.37 || 635 Żieda fit-Tbaħħir fuq Distanza Qasira (%) || 1.63 || 0.97 Tunnellati Km (f'biljuni) miġjuba fil-portijiet tal-UE || 13.311 || 7.205 Kostijiet amministrattivi (rikorrenti – pubbliċi) (€ miljun) || 2.3 || 2.1 Kostijiet amministrattivi (rikorrenti - kummerċjali) (€ miljun) || 2.2 || 1.7 Iffrankar tal-ispejjeż esterni annwali (€ miljun) || 69 || 46 L-istess raġunament jgħodd
għas-servizzi tal-passiġġieri, u għaldaqstant għandu
jiġi kkunsidrat approċċ simili. Madankollu, minħabba
n-nuqqas ta' disponibbiltà ta' dejta, ma kienx possibbli li jsir kalkolu
tal-impatt separat. 10. Monitoraġġ u evalwazzjoni Il-Kummissjoni ser tissorvelja
l-implimentazzjoni u l-effettività ta' din l-inizjattiva permezz ta' sett ta'
indikaturi prinċipali. Id-dejta ser tinġabar billi jintuża
metodu żviluppat mill-proġett PPRISM[2]
u l-proġett tal-FP7 tal-RTD li l-Kummissjoni qiegħda tniedi biex
tiġi pprovduta dejta fuq bażi kontinwa. Rigward l-evalwazzjoni, l-idea hija li, tliet
snin wara li tidħol fis-seħħ il-leġiżlazzjoni
proposta, il-Kummissjoni ser tevalwa jekk inkisbux l-għanijiet
tal-inizjattiva. Din l-evalwazzjoni ser tkun ibbażata b'mod parzjali fuq
l-indikaturi prinċipali tal-progress imsemmija iktar 'il fuq. [1] ‘Varjant tal-PP2a’ = PP2a b'differenza waħda:
komunikazzoni spjegattiva tal-Kummissjoni dwar kif ir-regoli eżistenti
japplikaw għas-servizzi ta' mmaniġġjar tal-merkanzija, minflok
ma jiġu proposti dispożizzjonijiet legali ġodda fuq
il-kwistjoni. [2] http://pprism.espo.be
.