This document is an excerpt from the EUR-Lex website
Document 52013PC0552
Proposal for a COUNCIL REGULATION opening and providing for the administration of autonomous tariff quotas of the Union on imports of certain fishery products into the Canary Islands from 2014 to 2020
Proposta għal REGOLAMENT TAL-KUNSILL li jiftaħ u jipprevedi l-amministrazzjoni ta' kwoti tariffarji awtonomi tal-Komunità għal importazzjoni ta’ ċerti prodotti tas-sajd fil-Gżejjer Kanarji mill-2014 sal-2020
Proposta għal REGOLAMENT TAL-KUNSILL li jiftaħ u jipprevedi l-amministrazzjoni ta' kwoti tariffarji awtonomi tal-Komunità għal importazzjoni ta’ ċerti prodotti tas-sajd fil-Gżejjer Kanarji mill-2014 sal-2020
/* COM/2013/0552 final - 2013/0266 (CNS) */
Proposta għal REGOLAMENT TAL-KUNSILL li jiftaħ u jipprevedi l-amministrazzjoni ta' kwoti tariffarji awtonomi tal-Komunità għal importazzjoni ta’ ċerti prodotti tas-sajd fil-Gżejjer Kanarji mill-2014 sal-2020 /* COM/2013/0552 final - 2013/0266 (CNS) */
MEMORANDUM TA’ SPJEGAZZJONI Kuntest tal-proposta Raġunijiet u għanijiet
tal-Proposta L-Artikolu 2 tar-Regolament tal-Kunsill
(KE) Nru 645/2008 tat-8 ta’ Lulju 2008 li jiftaħ u
jipprevedi l-amministrazzjoni ta’ kwoti tariffarji awtonomi tal-Komunità fuq l-importazzjoni
ta’ ċerti prodotti tas-sajd fil-Gżejjer Kanarji. Il-Gvern tar-Renju
ta’ Spanja għamel talba għall-estensjoni tal-miżuri skont
ir-Regolament imsemmi. Is-sitwazzjoni ġeografika
eċċezzjonali tal-Gżejjer Kanarji rigward is-sorsi tal-provvista ta'
ċerti prodotti tal-ħut li huma essenzjali għall-konsum domestiku
tinvolvi spejjeż li huma ta' piż kbir għal dan is-settur.
L-effetti negattivi ta’ dan it-tfixkil naturali jista’ jkun indirizzat billi
jiġu sospiżi temporanjament id-dazji doganali fuq l-importazzjoni
tal-prodotti konċernati minn pajjiżi terzi. It-tnaqqisiet proposti
fid-dazji tal-importazzjoni, flimkien ma’ miżuri oħra
speċifiċi għar-reġjuni ultraperiferiċi, se jgħinu
lill-Gżejjer Kanarji jegħlbu d-diffikultajiet strutturali li
jiffaċċjaw. Kuntest ġenerali Il-Gżejjer Kanarji jinsabu fir-reġjuni
ultraperiferiċi tal-Unjoni Ewropea, li għalihom jistgħu
jiġu previsti miżuri speċjali skont l-Artikolu 349
tat-Trattat dwar il-Funzjonament tal-Unjoni Ewropea, sabiex jingħelbu
l-iżvantaġġi ekonomiċi li jbatu minnhom dawn
ir-reġjuni minħabba s-sitwazzjoni ġeografika tagħhom. Mill-1991, l-Unjoni Ewropea ssospendiet
parzjalment jew totalment id-dazji tat-Tariffa Doganali Komuni fuq
l-importazzjoni ta’ ċerti prodotti tas-sajd fil-Gżejjer Kanarji.
Ir-Regolamenti li ġejjin kienu adottati fil-passat biex jissospendu
d-dazji fuq l-importazzjonijiet ta’ prodotti tal-ħut fil-Gżejjer
Kanarji: a) ir-Regolament tal-Kunsill (KEE)
Nru 1911/91 tas-26 ta’ Ġunju 1991 dwar l-applikazzjoni
tad-dispożizzjonijiet tal-liġi tal-Komunità għall-Gżejjer
Kanarji. b) Council Regulation (EEC) 3621/92 of 14
December 1992 temporarily suspending the autonomous Common Customs Tariff
duties on imports of certain fishery products into the Canary Islands (mhux
tradott); c) Ir-Regolament tal-Kunsill (KE)
Nru 704/2002 tal-25 ta' Marzu 2002 li temporanjament jissospendi
d-dazji awtonomi tat-Tariffa Doganali Komuni fuq l-importazzjoni ta' ċerti
prodotti industrijali u jiftaħ u jipprovdi għall-amministrazzjoni
tal-kwoti awtonomi tat-tariffi tal-Komunità fuq l-importazzjoni ta' ċerti
prodotti tal-ħut fil-Gżejjer Kanarji, u d) Ir-Regolament tal-Kunsill (KE) Nru 645/2008
tat-8 ta’ Lulju 2008 li jiftaħ u jipprevedi l-amministrazzjoni ta’
kwoti tariffarji awtonomi tal-Komunità fuq l-importazzjoni ta’ ċerti
prodotti tas-sajd fil-Gżejjer Kanarji. Dispożizzjonijiet eżistenti
dwar tnaqqisiet tat-tariffa awtonomi Ir-Regolament tal-Kunsill (KE) Nru 645/2008
tat-8 ta’ Lulju 2008 li jiftaħ u jipprevedi l-amministrazzjoni ta’
kwoti tariffarji awtonomi tal-Komunità fuq l-importazzjoni ta’ ċerti
prodotti tas-sajd fil-Gżejjer Kanarji jiskadi fil-31 ta'
Diċembru 2013. Tnaqqisiet tat-tariffa simili (sospensjonijiet)
japplikaw fuq importazzjonijiet ta’ ċerti prodotti industrijali
fil-Gżejjer Kanarji. Dawn jiġu implimentati bir-Regolament
tal-Kunsill (UE) Nru 1386/2011 tad-19 ta’ Diċembru 2011 li
temporanjament jissospendi d-dazji awtonomi tat-Tariffa Doganali Komuni fuq
importazzjonijiet ta’ ċerti prodotti industrijali. Ir-Regolament (UE) Nru 228/2013
tal-Parlament Ewropew u tal-Kunsill, tat- 13 ta’ Marzu 2013, li jistabbilixxi
miżuri speċifiċi għall-agrikoltura fir-reġjuni
ultraperiferiċi tal-Unjoni u li jħassar ir-Regolament tal-Kunsill
(KE) Nru 247/2006 tat-30 ta’ Jannar 2006, jiġifieri l-hekk imsejjaħ
Regolament “POSEI”, jinkludi arranġamenti speċifiċi ta’
provvista mmirati biex itaffu l-ispejjeż addizzjonali għall-provvista
ta’ prodotti essenzjali għall-konsum mill-bniedem,
għall-proċessar u bħala inputs agrikoli. Bħala parti minn
dawn l-arranġamenti ta' provvista għall-importazzjonijiet, ċerti
prodotti agrikoli minn pajjiżi terzi huma eżentati mid-dazji. Dan
ir-Regolament japplika għar-reġjuni kollha msemmija
fl-Artikolu 349 tat-Trattat dwar il-Funzjonament tal-Unjoni Ewropea, inklużi
l-Gżejjer Kanarji. Konsistenza mal-politiki u
mal-għanijiet l-oħra tal-Unjoni. Il-kwoti tariffarji mingħajr dazju proposti
għandhom jitqiesu, f'termini ta' appoġġ għall-industrija
tas-sajd tal-Gżejjer Kanarji, bħala komplementari għal
miżuri oħra, b’mod partikolari l-iskema ta’ kumpens
għall-ispejjeż addizzjonali mġarrba
fil-kummerċjalizzazzjoni ta’ ċerti prodotti tas-sajd mir-reġjuni
l-aktar imbiegħda (ir-Regolament tal-Kunsill (KE) Nru 791/2007 tal-21
ta’ Mejju 2007). Din il-proposta hija wkoll
konformi mal-politika tal-Unjoni, b’mod partikolari l-Politika Komuni tas-Sajd. Konsultazzjoni mal-partijiet interessati
u valutazzjoni tal-impatt Konsultazzjoni mal-partijiet
interessati L-Artikolu 2 tar-Regolament tal-Kunsill
(KE) 645/2008 speċifika li l-awtoritajiet Spanjoli kellhom
jippreżentaw żewġ rapporti ta’ implimentazzjoni (f’Mejju 2010 u
f’Mejju 2012) u esiġa li l-Kummissjoni teżamina l-impatt
tal-miżuri wara l-wasla ta’ dawn ir-rapporti. L-awtoritajiet Spanjoli ssodisfaw l-obbligi ta’
rappurtar imsemmija hawn fuq, u ppreżenta żewġ rapporti:
wieħed f’Lulju 2010 u ieħor f’Ġunju 2012.
Il-Kummissjoni talbet għal informazzjoni addizzjonali meħtieġa
biex twettaq l-eżami tal-impatti tal-miżuri, kif meħtieġ
mir-Regolament. L-informazzjoni mitluba ġiet ipprovduta mill-awtoritajiet
Spanjoli, u dan jippermetti lill-Kummissjoni tikkompleta l-eżami
tal-miżuri. Ġbir u użu ta' għarfien
espert Fil-valutazzjoni ntuża wkoll ir-rapport ta’
evalwazzjoni[1]
dwar ir-reġim ta’ kumpens implimentat bir-Regolament tal-Kunsill (KE)
Nru 791/2007. Dan ir-rapport ta’ evalwazzjoni jipprovdi informazzjoni
rilevanti dwar il-Gżejjer Kanarji fuq oqsma li huma ta’ rilevanza meta
jiġu eżaminati l-impatti tal-kwoti tariffarji (eż.
il-popolazzjoni, l-istruttura tas-settur tas-sajd, il-produzzjoni, l-ipproċessar
u l-kummerċjalizzazzjoni tal-ħut). Dan ir-rapport indirizza wkoll
l-interazzjonijiet possibbli bejn il-kwoti tariffarji għal prodotti
tal-ħut u r-reġim ta’ kumpens kif applikat fil-Gżejjer Kanarji
bir-Regolament tal-Kunsill (KE) Nru 791/2007. Intuża wkoll ir-rapport ta’ evalwazzjoni
tal-2009[2]
tal-programmi POSEI u miżuri speċifiċi favur il-gżejjer
minuri tal-Eġew. Dan ir-rapport, minbarra li jirrappreżenta
informazzjoni fattwali dwar l-ekonomija tal-Gżejjer Kanarji, ipprovda
analiżi tal-interazzjoni bejn miżuri li jippermettu importazzjonijiet
mingħajr dazju ta’ ċerti prodotti agrikoli u l-appoġġ
finanzjarju tal-UE lill-agrikoltura lokali. Valutazzjoni tal-impatt Minħabba l-ambitu
ristrett ħafna tal-miżuri u l-fatt illi l-proposta preżenti
tikkonċerna t-tkomplija tal-miżuri li ġew applikati
fl-imgħoddi ma hemmx valur miżjud jekk titwettaq valutazzjoni
tal-impatt. L-eżami tar-rapporti
mill-awtoritajiet Spanjoli pprovdew il-bażi meħtieġa
għall-preparazzjoni tal-proposta tal-Kummissjoni. Elementi ġuridiċi tal-proposta Sommarju tal-azzjoni proposta L-estensjoni tal-kwoti
tariffarji awtonomi eżistenti għal perjodu ieħor ta'
7 snin, jiġifieri mill-2014 sal-2020. Dan il-perjodu ta’ 7 snin
jissinkronizza l-miżuri ma’ azzjonijiet oħrajn tal-Unjoni favur
il-Gżejjer Kanarji, b’mod partikolari dawk proposti fil-kuntest ta’
proposta tal-Kummissjoni għal Fond Ewropew Marittimu u tas-Sajd[3]. Bażi legali L-Artikolu 349 tat-Trattat dwar
il-Funzjonament tal-Unjoni Ewropea. Prinċipju ta' sussidjarjetà Il-proposta taqa’ fil-kompetenza esklussiva
tal-Unjoni. Għalhekk, il-prinċipju tas-sussidjarjetà ma japplikax. Prinċipju ta' proporzjonalità Il-proposta hija konformi mal-prinċipju
tal-proporzjonalità għar-raġunijiet li ġejjin: Il-kwoti tariffarji proposti għandhom
ikopru l-ħtiġijiet tas-suq domestiku tal-Gżejjer Kanarji filwaqt
li jiżguraw li l-flussi tal-prodotti importati b'dazju mnaqqas fl-Unjoni
jibqgħu prevedibbli u jkunu jistgħu jiġu identifikati b'mod
ċar. Is-sospensjoni tad-dazji tapplika biss għal
ċerti prodotti tas-sajd, għal volum limitat u għal perjodu
taż-żmien limitat. L-effetti tal-miżuri huwa wkoll
ċirkoskritti għaliex il-prodotti huma maħsuba biss għas-suq
tal-Gżejjer Kanarji. Il-piż amministrattiv kemm
għall-awtoritajiet nazzjonali u reġjonali tal-Istati Membri, kif
ukoll għas-servizzi tal-Kummissjoni huwa minimu, partikolarment
fir-rigward tar-rapporti li għandhom jitressqu dwar l-implimentazzjoni
tal-miżuri. Għażla tal-istrumenti Strumenti proposti: Regolament. It-Trattat ma jippermettix mezzi oħrajn
għall-implimentazzjoni ta' tali miżuri. Implikazzjoni baġitarja Il-proposta għandha
implikazzjonijiet għall-baġit tal-Unjoni minħabba li
s-sospensjonijiet tad-dazju se jwasslu għal nuqqas fid-dħul
f'riżorsi proprji tal-Unjoni. Informazzjoni addizzjonali Il-proposta tinkludi
klawżola ta' reviżjoni. Il-proposta tinkludi
klawżola "sunset". 2013/0266 (CNS) Proposta għal REGOLAMENT TAL-KUNSILL li jiftaħ u jipprevedi
l-amministrazzjoni ta' kwoti tariffarji awtonomi tal-Komunità għal
importazzjoni ta’ ċerti prodotti tas-sajd fil-Gżejjer Kanarji
mill-2014 sal-2020 IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Europea, u b’mod partikolari l-Artikolu 349
tiegħu, Wara li kkunsidra l-proposta mill-Kummissjoni
Ewropea, Wara t-trażmissjoni tal-abbozz tal-att
leġiżlattiv lill-Parlamenti nazzjonali, Wara li kkunsidra l-opinjoni tal-Parlament
Ewropew[4],
Wara li kkunsidra l-opinjoni tal-Kumitat
Ekonomiku u Soċjali Ewropew[5],
Wara li kkunsidra l-opinjoni tal-Kumitat
tar-Reġjuni[6],
Filwaqt li jaġixxi skont proċedura
leġiżlattiva speċjali, Billi: (1) Is-sitwazzjoni
ġeografika eċċezzjonali tal-Gżejjer Kanarji rigward
is-sorsi tal-provvista ta' ċerti prodotti tal-ħut li huma essenzjali
għall-konsum domestiku tinvolvi spejjeż addizzjonali għal dan
is-settur. Dan it-tfixkil naturali, kif rikonoxxut fl-Artikolu 349
tat-Trattat, li jirriżulta mill-insularità, mill-bogħod u
mis-sitwazzjoni ġeografika ultraperifika jista' jiġi indirizzat, inter
alia, billi jiġu sospiżi temporanjament id-dazji doganali fuq
l-importazzjoni tal-prodotti konċernati minn pajjiżi terzi fi
ħdan il-kwoti tariffarji tal-Unjoni ta' volum xieraq. (2) Ir-Regolament tal-Kunsill (KE) Nru 645/2008[7]
fetaħ u jipprevedi l-amministrazzjoni ta’ kwoti tariffarji awtonomi
tal-Komunità fuq l-importazzjoni ta’ ċerti prodotti tas-sajd
fil-Gżejjer Kanarji għall-perjodu mill-1 ta’ Jannar 2007
sal-31 ta’ Diċembru 2013. (3) F’Settembru 2012 Spanja talbet l-estensjoni ta’ kwoti tariffarji
tal-Unjoni fuq l-importazzjoni ta’ ċerti prodotti tal-ħut
fil-Gżejjer Kanarji f’konformità mal-Artikolu 349 tat-Trattat. (4) F’Lulju 2010 u
f'Ġunju 2012 l-awtoritajiet Spanjoli ppreżentaw rapporti dwar
l-implimentazzjoni tal-miżuri msemmija fl-Artikolu 3 tar-Regolament
(KE) Nru 645/2008. Il-Kummissjoni eżaminat l-impatt tal-miżuri
fuq il-bażi tar-rapporti msemmija. (5) Ir-rapporti mressqa
mill-awtoritajiet Spanjoli kienu jinkludu informazzjoni dwar ir-rata ta’
utilizzazzjoni tal-kwoti tariffarji għall-perjodu 2007-2011. Din
l-informazzjoni wriet li, bejn wieħed u ieħor, matul il-perjodu
msemmi qabel, il-kwota tariffarja bin-numru tal-ordni 09.2997 kien kważi
eżawrit u li l-kwota tariffarja bin-numru tal-ordni 09.2651 ma kinitx
eżawrita. (6) Billi l-kwota tariffarja
bin-numru tal-ordni 09.2997 kienet kważi eżawrita u l-kwota tariffarja
bin-numru tas-serje 09.2651 ma kinitx eżawrita, dan jista’ jkun marbut ma’
fatturi temporanji u esoġeni, u għalhekk huwa xieraq li
l-kwantitajiet tal-kwoti jiġu ffissati fl-istess livell. (7) It-tnaqqis f’daqqa
fid-domanda lokali għall-prodotti koperti mill-kwota tariffarja 09.2651,
minħabba kundizzjonijiet ekonomiċi diffiċli fil-Gżejjer
Kanarji wara l-kriżijiet ekonomiċi u finanzjarji, jista' jispjega
n-nuqqas ta’ utilizzazzjoni din il-kwota. (8) Kwoti tariffarji simili
għal dawk miftuħa bir-Regolament tal-Kunsill (KE) Nru 645/2008
għal ċerti prodotti tas-sajd huma meħtieġa għaliex
ikunu jistgħu jkopru l-ħtiġijiet tas-suq domestiku
tal-Gżejjer Kanarji, filwaqt li jiżguraw li l-flussi tal-prodotti
importati b'dazju mnaqqas fl-Unjoni jibqgħu prevedibbli u jkunu
jistgħu jiġu identifikati b'mod ċar. (9) Għalhekk, bil-għan
li l-operaturi ekonomiċi jingħataw perspettiva fit-tul biex
jilħqu livell ta’ attivitajiet li jistabbilizza l-ambjent ekonomiku u
soċjali fuq il-gżejjer, huwa xieraq li l-kwota tariffarja awtonoma
tad-dazji tat-Tariffa Doganali Komuni għal ċerti prodotti kif
dettaljat fl-Anness tar-Regolament (KE) Nru 645/2008 tiġi estiża
għal perjodu addizzjonali. (10) Sabiex jiġi evitat li
tiġi mminata l-integrità u l-koerenza tas-suq intern, għandhom jittieħdu
miżuri biex jiġi żgurat li l-prodotti tas-sajd li għalihom
tingħata sospensjoni jkunu maħsuba biss għas-suq domestiku
tal-Gżejjer Kanarji. (11) Għandhom jittieħdu
miżuri sabiex jiġi żgurat li l-Kummissjoni tinżamm
infurmata regolarment bil-volum tal-importazzjonijiet konċernati sabiex,
jekk ikun meħtieġ, tkun tista’ tieħu l-passi biex tevita
ċaqliq spekulattiv jew żvijjar tan-negozju. (12) Sabiex jiġu żgurati kundizzjonijiet uniformi
għall-implimentazzjoni ta' dan ir-Regolament, għandhom jingħataw
setgħat ta' implimentazzjoni lill-Kummissjoni li jippermettulha li
temporanjament tirtira s-sospensjoni f'każ ta' żvijar tan-negozju.
Dawk is-setgħat għandhom ikunu eżerċitati f'konformità
mar-Regolament (UE) Nru 182/2011 tal-Parlament Ewropew u tal-Kunsill
tas-16 ta’ Frar 2011 li jistabbilixxi r-regoli u
l-prinċipji ġenerali dwar il-modalitajiet ta' kontroll mill-Istati
Membri tal-eżerċizzju mill-Kummissjoni tas-setgħat ta'
implimentazzjoni[8]. (13) Id-dispożizzjonijiet li
għandhom jiġu adottati għandhom jiżguraw kontinwità
mal-miżuri stabbiliti mir-Regolament (KE) No 645/2008,
ADOTTA DAN IR-REGOLAMENT: Artikolu 1 1. Mill-1 ta'
Jannar 2014 sal-31 ta' Diċembru 2020 id-dazji tat-Tariffa
Doganali Komuni applikabbli għall-importazzjonijiet fil-Gżejjer
Kanarji tal-prodotti tas-sajd elenkati fl-Anness ta’ dan ir-Regolament
għandhom ikunu sospiżi kompletament għall-kwantità indikata
f’dak l-Anness. 2. Is-sospensjoni msemmija
fil-paragrafu 1 għandha tingħata esklussivament għall-prodotti
maħsuba għas-suq domestiku tal-Gżejjer Kanarji. Għandha
tapplika biss għall-prodotti tas-sajd imniżżla minn bastiment
jew inġenju tal-ajru qabel ma titressaq id-dikjarazzjoni doganali
għar-rilaxx għal ċirkolazzjoni libera lill-awtoritajiet doganali
li jinsabu fil-Gżejjer Kanarji. Artikolu 2 Il-kwoti tariffarji msemmija
fl-Artikolu 1 għandhom ikunu ġestiti b'konformità mal-Artikoli
308a, 308b u 308c (1) tar-Regolament tal-Kummissjoni (KEE) Nru 2454/93
tat-2 ta' Lulju 1993 li jiffissaw id-dispożizzjonijiet
għall-implementazzjoni tar-Regolament tal-Kunsill (KEE) Nru 2913/92
li jistabbilixxi l-Kodiċi Doganali Komunitarju [9]. Artikolu 3 Sat-30 ta’ Ġunju 2019,
il-Kummissjoni għandha teżamina l-impatt tal-miżuri previsti
fl-Artikolu 1 u, fuq il-bażi tas-sejbiet tagħha, għandha
tibgħat kull proposta rilevanti għall-perjodu wara l-2020. Artikolu 4 1. Meta l-Kummissjoni jkollha
raġunijiet biex temmen li s-sospensjonjiet elenkati f’dan ir-Regolament
wasslu għal devjazzjoni tal-kummerċ ta’ prodott speċifiku tista’
tadotta atti implimentattivi, li temporanjament jirtiraw is-sospensjoni
għal perjodu li mhux itwal minn 12-il xahar. Dawk l-atti ta'
implimentazzjoni għandhom jiġu adottati skont il-proċedura ta'
eżami msemmija fl-Artikolu 5(2). Id-dazji tal-importazzjoni fuq prodotti li
għalihom is-sospensjoni tkun ġiet irtirata provvisorjament
għandhom ikunu żgurati minn garanzija, u r-rilaxx tal-prodotti
kkonċernati għal ċirkolazzjoni libera fil-Komunità
tal-Gżejjer Kanarji għandu jkun bil-kundizzjoni tal-provvediment
tat-tali garanzija. 2. Fi żmien il-perjodu ta’
12-il xahar imsemmi fil-paragrafu 1, il-Kunsill, fuq proposta tal-Kummissjoni u
wara li kkonsulta l-Parlament Ewropew għandu jadotta deċiżjoni
definittiva dwar jekk iżommx jew jirtirax is-sospensjoni. Jekk
is-sospensjoni tiġi rtirata l-ammonti ta’ dazji koperti mill-garanziji
għandhom jinġabru definittivament. 3. Jekk ma tiġi adottata
l-ebda deċiżjoni definittiva fil-perjodu ta' 12-il xahar b'konformità
mal-paragrafu 2, il-garanziji għandhom jiġu rilaxxati. Artikolu 5 1. Il-Kummissjoni għandha
tiġi megħjuna mill-Kumitat tal-Kodiċi Doganali, imwaqqaf
bl-Artikolu 247a(1) tar-Regolament (KEE) Nru 2913/92[10]. Il-kumitat għandu jkun
kumitat skont it-tifsira tar-Regolament (UE) Nru 182/2011. 2. Meta ssir referenza għal
dan il-paragrafu, għandu japplika l-Artikolu 5 tar-Regolament (UE)
Nru 182/2011. Artikolu 6 Il-Kummissjoni u l-awtoritajiet doganali
tal-Istati Membri għandhom jikkooperaw mill-qrib biex jiżguraw
il-ġestjoni u l-kontroll xierqa tal-applikazzjoni ta’ dan ir-Regolament. Artikolu 7 Dan ir-Regolament għandu jidħol
fis-seħħ fit-tielet jum wara dak tal-pubblikazzjoni tiegħu f'Il-Ġurnal
Uffiċjali tal-Unjoni Ewropea. Għandu japplika mill-1 ta'
Jannar 2014 sal-31 ta' Diċembru 2020. Dan ir-Regolament għandu jorbot
fl-intier tiegħu u japplika direttament fl-Istati Membri kollha. Magħmul fi Brussell, Għall-Kunsill Il-President ANNESS Nru tal-Ordni || Kodiċi NM || Deskrizzjoni || Ammont tal-kwota (tunnellati) || Dazju fuq il-kwota (%) 09.2997 || 0303 || Ħut, friżat, ħlief qatgħat ta' ħut u laħam ieħor tal-ħut ta' titlu 0304 || 15 000 || 0 0304 || Qatgħat ta' ħut u laħam ieħor tal-ħut (kapuljat jew mhuwiex), frisk, imkessaħ jew friżat 09.2651 || 0306 || Krustaċji, kemm jekk fil-qoxra jew le, ħajjin, friski, imkessħin, friżati, imnixxfin, immellħin, jew fis-salmura; krustaċji affumikati, kemm jekk fil-qoxra jew le, kemm jekk imsajrin qabel jew matul il-proċess tal-affumikazzjoni; krustaċji, fil-qoxra, imsajrin bl-istim jew mgħollijin fl-ilma, kemm jekk imkessħin, iffriżati, imnixxfin, immelħin jew fis-salmura, jew le; dqiq, pasti (smid) u gerbub ta' krustaċji, tajbin għall-konsum uman || 15 000 || 0 0307 || Molluski, kemm jekk fil-qoxra jew le, ħajjin, friski, imkessħin, friżati, imnixxfin, immellħin jew fis-salmura; molluski affumikati, kemm jekk fil-qoxra jew le, kemm jekk imsajrin qabel jew matul il-proċess ta' affumikazzjoni; dqiq, pasti (smid) u gerbub ta’ molluski, tajbin għall-konsum uman 0308 || Invertebrati akwatiċi minbarra krustaċji u molluski, ħajjin, friski, imkessħin, friżati, imnixxfin, immellħin jew fis-salmura; invertebrati akwatiċi affumikati, minbarra krustaċji u molluski kemm jekk imsajrin qabel jew matul il-proċeess tal-affumikazzjoni; dqiq, pasti u gerbub ta’ invertebrati tal-baħar minbarra l-krustaċji, tajbin għall-konsum uman DIKJARAZZJONI FINANZJARJA
LEĠIŻLATTIVA GĦAL PROPOSTI LI GĦANDHOM IMPATT
BAĠITARJU ESKLUSSIVAMENT LIMITAT GĦAD-DĦUL 1. ISEM IL-PROPOSTA: Proposta għal Regolament tal-Kunsill (KE) li
jiftaħ u jipprevedi l-amministrazzjoni ta' kwoti tariffarji awtonomi
tal-Unjoni għal importazzjoni ta’ ċerti prodotti tas-sajd
fil-Gżejjer Kanarji 2. LINJI BAĠITARJI: Kapitolu u Artikolu: Kapitolu 12,
L-Artikolu 120 Ammont imdaħħal fil-baġit
għas-sena 2013: EUR 18,631,800,000 3. IMPLIKAZZJONIJIET
FINANZJARJi ¨ Il-proposta ma għandhiex implikazzjonijiet finanzjarji X Din il-proposta ma għandha l-ebda
implikazzjoni fuq l-infiq, imma għandha impatt finanzjarju fuq
id-dħul – l-effett huwa kif ġej: (EUR miljuni sa punt wieħed
deċimali) || || Linja baġitarja || Dħul || perjodu, jibda jj/xx/ssss || [Is-snin 2014-2020] Artikolu 120 || L-impatt fuq ir-riżorsi proprji || 01/01/2014 - 31/12/2020 || -9.1/sena 4. MIŻURI KONTRA L-FRODI Id-dispożizzjonijiet għall-ġestjoni
tal-kwoti tariffarji jinkludu l-miżuri meħtieġa
għall-prevenzjoni tal-frodi u l-irregolaritajiet (l-applikazzjoni
tal-kontrolli pprovduti fil-Kodiċi Doganali Komunitarju u
d-dispożizzjonijiet għall-implimentazzjoni tiegħu). 5. RIMARKI OĦRA Spiża stmata għal
din l-operazzjoni Metodu ta’ kalkolu
tal-ispiża totali tal-operazzjoni Jekk tittieħed
l-istatistika kompluta l-aktar reċenti (2012) bħala bażi,
it-telf tad-dħul ta’ kull sena li jirriżulta minn dan ir-Regolament
jista' għalhekk jiġi stmat għal
EUR 12.1 MEUR (ara t-tabella hawn taħt). L-ammont
iddikjarat, b'mod ġenerali, ġie kkalkulat abbażi tar-rati
tad-dazju MFN u jimmarka livell massimu minħabba l-fatt li l-Unjoni
tapplika dazji aktar baxxi għall-importazzjonijiet minn għadd ta’
pajjiżi. Għalhekk it-tendenza hi li t-telf reali fid-dħul
jirriżulta f'ammonti aktar baxxi peress li d-dazji MFN ma japplikawx fuq
bażi kostanti. Numru tas-serje || Volum tal-kwota (f'tunnellati) || Prezz stmat (f'EUR/tunnellata) || Dazju MFN (%) || Dazju fuq il-kwota (%) || Dazji mitlufa kull sena (f'EUR) 09.2997 || 15,000 t || 3,076 || 11 (dazju medju) || 0 || 5,076,052 09.2651 || 15,000 t || 4,547 || 10.3 (dazju medju) || 0 || 7,025,452 Total || || || || || 12,101,503 It-telf ta' dħul totali stmat meta mqabbel
man-nuqqas ta' kwoti tariffarji awtonomi: EUR 12,101,503 It-telf ta' dħul f'Riżorsi Proprji
Tradizzjonali għandu jiġi kkumpensat mill-kontribuzzjonjiet
tal-Istati Membri abbażi tal-ING. [1] "Evaluation des mesures prévues dans les régions
ultrapériphériques sous le reg (ce) N° 791/2007- Rapport final" -
Lulju 2012 – il-kuntratt tal-MARE: MARE/2010/11. Qed jiġi ppubblikat. [2] "Evalwazzjoni tal-miżuri implimentati favur
ir-reġjuni l-aktar imbiegħda (POSEI) u l-gżejjer
iż-żgħar tal-Eġew fil-qafas tal-Politika Agrikola
Komuni" Kuntratt Nru°30-CE – 0233430/0094. Disponibbli fuq: http://ec.europa.eu/agriculture/eval/reports/posei/syn_sum_mt.pdf [3] Proposta għal REGOLAMENT TAL-PARLAMENT EWROPEW U
TAL-KUNSILL dwar il-Fond Ewropew Marittimu u tas-Sajd [li jħassar
ir-Regolament tal-Kunsill (KE) Nru 1198/2006 u r-Regolament tal-Kunsill
(KE) Nru 861/2006 u r-Regolament tal-Kunsill Nru XXX/2011 dwar
il-politika marittima integrata. COM (2011) 804 finali, tat-02.12.2011 [4] ĠU C , , p. . [5] ĠU C , , p. . [6] ĠU C , , p. . [7] ĠU L 180, 9.7.2008, p. 1. [8] ĠU L 55, 28.2.2011, p. 13. [9] ĠU L 253, 11.10.1993,p. 1. [10] ĠU L 302, 19.10.1992, p. 1.