EUR-Lex Access to European Union law
This document is an excerpt from the EUR-Lex website
Document 52013JC0008
JOINT REPORT TO THE EUROPEAN PARLIAMENT AND THE COUNCIL on Kosovo's( progress in addressing issues set out in the Council Conclusions of December 2012 in view of a possible decision on the opening of negotiations on the Stabilisation and Association Agreement
RAPPORT KONĠUNT LILL-PARLAMENT EWROPEW U LILL-KUNSILL dwar il-progress tal-Kosovo( fl-indirizzar ta’ kwistjonijiet stipulati fil-Konklużjonijiet tal-Kunsill ta’ Diċembru 2012 minħabba deċiżjoni possibbli dwar il-ftuħ tan-negozjati dwar il-ftehim ta’ Stabilizzazzjoni u Assoċjazzjoni
RAPPORT KONĠUNT LILL-PARLAMENT EWROPEW U LILL-KUNSILL dwar il-progress tal-Kosovo( fl-indirizzar ta’ kwistjonijiet stipulati fil-Konklużjonijiet tal-Kunsill ta’ Diċembru 2012 minħabba deċiżjoni possibbli dwar il-ftuħ tan-negozjati dwar il-ftehim ta’ Stabilizzazzjoni u Assoċjazzjoni
/* JOIN/2013/08 final */
RAPPORT KONĠUNT LILL-PARLAMENT EWROPEW U LILL-KUNSILL dwar il-progress tal-Kosovo( fl-indirizzar ta’ kwistjonijiet stipulati fil-Konklużjonijiet tal-Kunsill ta’ Diċembru 2012 minħabba deċiżjoni possibbli dwar il-ftuħ tan-negozjati dwar il-ftehim ta’ Stabilizzazzjoni u Assoċjazzjoni /* JOIN/2013/08 final */
RAPPORT KONĠUNT LILL-PARLAMENT
EWROPEW U LILL-KUNSILL dwar
il-progress tal-Kosovo* fl-indirizzar ta’ kwistjonijiet stipulati fil-Konklużjonijiet
tal-Kunsill ta’ Diċembru 2012 minħabba deċiżjoni
possibbli dwar il-ftuħ tan-negozjati dwar il-ftehim ta’ Stabilizzazzjoni u
Assoċjazzjoni 1. Introduzzjoni F’Ottubru 2012, il-Kummissjoni ħarġet Studju
ta’ Fattibbiltà għal Ftehim ta’ Stabbilizzazzjoni u Assoċjazzjoni
bejn l-Unjoni Ewropea u l-Kosovo[1]. L-istudju
kkonkluda li l-Kosovo kien lest fil-parti l-kbira tiegħu biex jiftaħ
negozjati għal Ftehim ta’ Stabbilizzazjoni u Assoċjazzjoni. Huwa
ssuġġerixxa wkoll li l-Kummissjoni tipproponi direttivi ta’ negozjati
għal ftehim bħal dan, ladarba l-Kosovo jieħu għadd ta’
passi speċifiċi fuq l-istat tad-dritt, l-amministrazzjoni pubblika,
il-protezzjoni tal-minoranzi u l-kummerċ. Il-Konklużjonijiet tal-Kunsill ta’
Diċembru 2012 ħadu nota tal-istudju ta’ fattibbiltà u
tal-intenzjoni tal-Kummissjoni li tipproponi direttivi ta’ negozjati għal
Ftehim ta’ Stabilizzazzjoni u Assoċjazzjoni malli l-Kosovo jissodisfa dawn
il-prijoritajiet fuq medda qasira ta’ żmien. Il-Kunsill talab ukoll
lill-Kosovo biex ikompli jimplimenta b’rieda tajba l-ftehimiet li ntlaħqu
fid-djalogu bejn Belgrad u Pristina sal-lum u biex jimpenja ruħu b’mod
kostruttiv fil-firxa sħiħa ta’ kwistjonijiet. Minbarra d-djalogu bejn Belgrad u
Pristina u l-prijoritajiet fuq medda qasira ta’ żmien tal-istudju ta’
fattibbiltà, il-Konklużjonijiet tal-Kunsill enfasizzaw l-isforzi li saru
biex tissaħħaħ ir-riforma tal-amministrazzjoni pubblika u
jiġi kkonsolidat l-istat tad-dritt, b’mod partikulari billi tiġi
pprovduta evidenza tal-ġlieda kontra l-kriminalità organizzata u
l-korruzzjoni, ir-riforma ġudizzjarja u l-libertà tal-espressjoni. Il-Konklużjonijiet
ikkonfermaw li l-inizjattivi li tnedew mill-Kummissjoni, inkluż id-Djalogu
Strutturat dwar l-Istat tad-Dritt, id-djalogu dwar il-liberalizzazjoni
tal-viża u d-Djalogu dwar il-Proċess ta' Stabbilizzazzjoni u
Assoċjazzjoni, għandhom rwol importanti sabiex jiggwidaw l-isforzi
ta’ riforma tal-Kosovo fuq dawn l-oqsma prijoritarji. Il-Kunsill enfasizza l-importanza
għall-Kosovo li jsaħħaħ il-kooperazzjoni mill-qrib
mal-EULEX u jirrispetta l-mandat imġedded tal-missjoni. Il-Konklużjonijiet
laqgħu l-isforzi kontinwi tal-Kummissjoni biex tinnegozja ftehim qafas
mal-Kosovo dwar il-parteċipazzjoni tiegħu fil-programmi tal-Unjoni. Il-Kunsill
innota wkoll is-sħubija tal-Kosovo tal-Bank Ewropew
għar-Rikostruzzjoni u l-Iżvilupp u l-possibbiltà għall-Bank
Ewropew tal-Investiment biex jissaħħaħ is-sehem tagħha
fil-Kosovo. Bil-ħsieb ta’ deċiżjoni
possibbli biex jinfetħu negozjati għal Ftehim ta’ Stabbilizzazzjoni u
Assoċjazzjoni mal-Kosovo, il-Kunsill impenja ruħu li jeżamina
l-progress fuq il-kwistjonijiet kollha ta’ hawn fuq. Il-Kunsill intrabat
ukoll li jeżamina r-rapport matul din il-Presidenza u — sakemm
il-valutazzjoni tkun waħda pożittiva — li jadotta d-direttivi ta’
negozjati. Filwaqt li jitqiesu dawn l-elementi, dan
ir-rapport huwa maqsum fi tliet partijiet ewlenin. L-ewwel parti tanalizza
l-progress tal-Kosovo biex jindirizza l-prijoritajiet fuq medda qasira ta’
żmien li huma identifikati fl-istudju ta’ fattibbiltà. It-tieni parti
tagħti ħarsa lejn il-kwistjonijiet kollha l-oħra identifikati
fil-Konklużjonijiet tal-Kunsill ta’ Diċembru, fosthom id-djalogu
politiku bejn il-Prim Ministri tal-Kosovo u s-Serbja li kien iffaċilitat
bir-Rappreżentant Għoli tal-Unjoni għall-Affarijiet Barranin u
l-Politika ta’ Sigurtà, u l-implimentazzjoni tal-ftehimiet milħuqa
sal-lum.
Il-parti
finali tar-rapport tasal għal konklużjonijiet. 2. Il-Kosovo jindirizza prijoritajiet fuq
medda qasira ta’ żmien tal-istudju ta’ fattibbiltà Skont l-istudju ta’ fattibbiltà, il-Kosovo kien
meħtieġ li jieħu aktar passi dwar l-istat tad-dritt,
l-amministrazzjoni pubblika, il-protezzjoni tal-minoranzi u l-kummerċ
qabel ma l-Kummissjoni tipproponi direttivi ta’ negozjati għal Ftehim ta’
Stabilizzazzjoni u Assoċjazzjoni. ·
L-istat
tad-dritt:
juri
impenn ċar biex jikseb riżultati fil-ġlieda kontra l-kriminalità
organizzata u l-korruzzjoni, inkluża t-tnedija ta’ investigazzjonijiet u
l-iżgurar ta’ kooperazzjoni tajba kontinwa mal-EULEX. Jappoġġja
l-ħidma tat-Task Force Investigattiva Speċjali. Filwaqt li
jimplimenta l-istruttura l-ġdida tal-qrati, jiżgura li l-Prosekuzzjoni
Speċjali responsabbli għal kawżi ta’ kriminalità organizzata,
delitti tal-gwerra u korruzzjoni żżomm il-kompetenzi tagħha. Jadotta
l-leġiżlazzjoni dwar il-konfiska tal-assi u jirrevedi l-liġi
dwar il-prevenzjoni tal-ħasil ta' flus u l-finanzjament tat-terroriżmu. Jadotta
strateġija ġdida kontra l-korruzzjoni. Il-mexxejja politiċi tal-Kosovo u l-awtoritajiet
tal-infurzar tal-liġi u dawk ġudizzjarji żammew l-impenn
tagħhom fil-ġlieda kontra l-kriminalità organizzata u l-korruzzjoni. L-awtoritajiet
tal-Kosovo u tal-EULEX jaħdmu flimkien fuq kwistjonijiet operattivi
prattiċi fuq bażi ta’ kuljum, permezz ta’ attivitajiet ta’ konsulenza
jew permezz ta’ “kooperazzjoni bejn il-pari” f’investigazzjonijiet
konġunti.
Il-kooperazzjoni
bejn il-Kosovo u l-EULEX hija waħda tajba. Ir-riżultati
tas-sħubija qed isiru aktar evidenti. Eżempju
reċenti u importanti huwa ż-żarmar ta’ netwerk kriminali
tat-traffikar tal-bnedmin madwar l-Ewropa fl-aħħar ta’ Jannar. L-isforzi
konġunti tal-pulizija tal-EULEX u tal-Kosovo ikkontribwixxew
għall-arrest ta’ 103 persuni f’10 pajjiżi differenti madwar l-Ewropa,
fosthom il-Kosovo. Minn Ottubru tas-sena l-oħra, il-Prosekuzzjoni
Speċjali tal-Kosovo nediet investigazzjonijiet f’sitt każijiet ta’
korruzzjoni (żewġ każijiet huma trattati minn prosekuturi lokali
speċjali) u sitt każijiet ta’ kriminalità organizzata (erba’
b’dimensjoni transfruntiera, żewġ każijiet huma ttrattati minn
prosekuturi lokali speċjali). Il-kooperazzjoni bejn il-prosekuturi tal-EULEX u
l-prosekuturi lokali tal-uffiċċju tal-Prosekuzzjoni Speċjali
intensifikat ruħha matul il-perjodu ta’ rappurtar. Id-dipartiment
speċjali ta’ kontra l-korruzzjoni tal-pulizija tal-Kosovo, f’kooperazzjoni
mal-EULEX, nedew tmien investigazzjonijiet matul il-perjodu minn Ottubru 2012
sa Jannar 2013 li jkopri atti kriminali bħall-kriminalità
organizzata, l-abbuż ta’ dmirijiet uffiċjali, l-għoti u
r-riċeviment ta’ rikatti u frodi. Fil-qafas tal-Bord ta’ Koordinazzjoni Konġunt dwar
l-Istat tad-Dritt li huwa bbażat fi Pristina, it-tliet Kopresidenti
tal-Bord (il-Viċi Prim Ministru u l-Ministru tal-Ġustizzja,
ir-RSUE/il-Kap tal-Uffiċċju tal-UE u l-Kap tal-EULEX) iffirmaw
dokument (“Patt”) fid-9 ta’ Novembru. Dan id-dokument jipprovdi qafas
li jistabbilixxi l-prinċipji ewlenin tal-istat tad-dritt u l-għanijiet
konġunti, u jidentifika l-mezzi li permezz tagħhom għandhom
jiġu implimentati. Il-Bord għandu l-intenzjoni li jirrevedi
l-implimentazzjoni tiegħu b’mod regolari. Fil-laqgħa tiegħu
fis-7 ta’ Marzu, kellu l-ewwel diskussjoni dwar Mekkaniżmu ta’
Kontroll tal-Patt. L-awtoritajiet tal-Kosovo stiednu lil EULEX biex tissorvelja
r-reklutaġġ ta’ uffiċjali f’pożizzjonijiet għolja
f’istituzzjonijiet ewlenin tal-Istat tad-Dritt, fosthom il-pulizija u
l-ġudikatura. Jeħtieġ li tinżamm kooperazzjoni prattika kif
ukoll impenn politiku qawwi mill-awtoritajiet tal-Kosovo biex
jappoġġaw il-ħidma ta’ EULEX u l-implimentazzjoni tal-mandat
tagħha. L-awtoritajiet tal-Kosovo jkomplu bir-rieda tagħhom li
jappoġġjaw il-ħidma tat-Task Force Investigattiva Speċjali.
L-istruttura l-ġdida tal-qorti ġiet introdotta
fl-1 ta’ Jannar 2013 u l-implimentazzjoni tagħha bdiet
b’suċċess. L-eżitu tal-implimentazzjoni tar-riforma
ġudizzjarja jista' jiġi apprezzat biss ladarba jitlesta
l-proċess. F’dan il-kuntest, il-Kosovo żamm il-kompetenzi
tal-Prosekuzzjoni Speċjali, f’konformità mal-impenji tiegħu wara
l-istudju ta’ fattibbiltà. Jekk l-implimentazzjoni li għaddejja
bħalissa tar-riforma ġudizzjarja tagħti prova li hija effettiva
u tikkonferma l-ħtieġa u wara reviżjoni bir-reqqa f’koordinazzjoni
mill-qrib mal-UE, il-Kosovo u l-UE jistgħu jibdew riflessjoni
konġunta dwar l-aħjar mod kif wieħed jista’ jadatta l-kompetenzi
tal-Prosekuzzjoni Speċjali għas-sistema ristrutturata
tal-ġustizzja kriminali. Matul it-tieni nofs tal-2012, il-Kosovo adotta
strateġiji u pjanijiet ta’ azzjoni ġodda kontra l-kriminalità
organizzata, in-narkotiċi u t-terroriżmu. Għandu wkoll
strateġija u pjan ta’ azzjoni kontra t-traffikar tal-bnedmin. Il-qafas ta’
politika kontra l-korruzzjoni tlesta permezz ta’ strateġija ġdida
kontra l-korruzzjoni li hija akkumpanjata minn pjan ta’ azzjoni adottat
fil-11 ta’ Frar. L-Assemblea approvat ukoll liġi dwar
il-konfiska tal-assi u rrivediet il-liġi dwar il-prevenzjoni
tal-ħasil tal-flus u l-finanzjament tat-terroriżmu. Din il-leġiżlazzjoni
u dawn l-istrateġiji tejbu kemm il-politika kif ukoll l-oqfsa
leġiżlattivi għall-ġlieda kontra l-kriminalità organizzata
u l-korruzzjoni, u jeħtieġ li l-Kosovo jkompli bl-implimentazzjoni
tagħhom. ·
L-amministrazzjoni
pubblika: jadotta l-leġiżlazzjoni sekondarja meħtieġa ta’
liġijiet dwar is-servizz pubbliku u dwar is-salarji għas-servizz
pubbliku. Jalloka bini għall-Istituzzjoni tal-Ombudsperson u jiżgura
l-indipendenza baġitarja tagħha permezz tal-obbligar tal-gvern biex
jinkludi l-abbozz tal-proposta baġitarja tal-Ombudsperson fl-abbozz
tal-baġit globali sottomess lill-parlament mingħajr bidliet. Sa mill-adozzjoni tal-istudju ta’ fattibbiltà, il-Kosovo
daħħal leġiżlazzjoni sekondarja ta’ liġijiet dwar
is-servizz pubbliku u dwar is-salarji għas-servizz pubbliku
meħtieġa għall-implimentazzjoni tagħhom. Dan jinkludi
r-regolamenti adottati dwar il-promozzjoni fil-karriera tal-ħaddiema
taċ-ċivil, ir-regolament dwar il-kundizzjonijiet għal
restrizzjonijiet fuq id-dritt tal-istrajk f’servizzi speċifiċi
fis-servizz pubbliku, ir-regolament għal proċeduri ta’ kura għal
ħaddiema taċ-ċivil minħabba diżabbiltà u problemi
tas-saħħa, u r-regolament dwar kwoti f’salarji u kumpens ieħor
għall-ħaddiema fis-servizz pubbliku, u r-regolament dwar
is-sigħat tax-xogħol u l-kumpens għall-ħaddiema
taċ-ċivil tal-Assemblea. Fit-3 ta’ Diċembru, bi ftehim
mal-Istituzzjoni tal-Ombudsperson, il-Ministeru tal-Amministrazzjoni Pubblika
ħareġ deċiżjoni li talloka l-bini attwali tal-Qorti
Kostituzzjonali lill-Ombudsperson. Il-Qorti Kostituzzjonali se timxi lejn
il-Palazz tal-Ġustizzja ffinanzjat mill-UE malli jitlesta aktar tard din
is-sena. Il-bini l-ġdid u l-post tiegħu huma xierqa
għall-Istituzzjoni tal-Ombudsperson u jiżguraw aċċess faċli
għall-pubbliku ġenerali. L-Istituzzjoni tal-Ombudsperson ipproponiet
il-baġit tagħha f’Ġunju 2012. Il-Gvern inkludieh fl-abbozz
tal-baġit globali, li tressaq quddiem l-Assemblea mingħajr modifiki. ·
Il-protezzjoni
tal-minoranzi: jiżgura l-eżistenza ta’ korp li jippermetti
konsultazzjoni diretta dwar il-promozzjoni u l-protezzjoni tal-wirt
reliġjuż u kulturali mal-komunitajiet reliġjużi,
speċjalment il-Knisja Ortodossa Serba. Il-Ministru
tal-Ambjent u tal-Ġestjoni tat-Territorju adotta l-istruzzjoni
amministrattiva dwar it-twaqqif tal-Kunsill tas-Sorveljanza
tal-Implimentazzjoni (Implementation Monitoring Council - IMC)
fit-12 ta’ Frar. Il-Kunsill
għandu ħames Membri: rappreżentanti
tal-Knisja Ortodossa Serba, tal-Ministeru tal-Ambjent u tal-Ġestjoni
tat-Territorju, tal-Ministeru tal-Kultura, Żgħażagħ u
Sport, tal-OSKE u tal-UE. Il-Ministeru
tal-Ambjent u tal-Ġestjoni tat-Territorju u r-rappreżentanti tal-UE
jippresedu l-IMC. L-IMC kellu l-ewwel
laqgħa ta’ ħidma tiegħu fis-26 ta’ Frar meta
l-partijiet kollha kkonfermaw l-impenn qawwi tagħhom għal dan
il-proċess. It-tieni laqgħa li
indirizzat il-ħsibijiet tal-Knisja seħħet fit-3 ta’ April. ·
Il-kummerċ:
jimplimenta d-deċiżjoni tal-gvern dwar ir-ristrutturar tal-Ministeru
tal-Kummerċ u tal-Industrija, jpoġġi fis-seħħ
mekkaniżmu li jmexxi u jikkoordina negozjati fi ħdan il-Kosovo u
jipprepara analiżi tal-impatt tal-aspetti tal-kummerċ ta’ Ftehim ta’
Stabbilizzazjoni u Assoċjazzjoni. Il-Kosovo lesta r-ristrutturar tal-Ministeru
tal-Kummerċ u tal-Industrija. L-istruttura organizzattiva ġdida tal-Ministeru
tiżgura organizzazzjoni effettiva tal-korpi responsabbli li jiġu
negozjati l-partijiet relatati mal-kummerċ tal-Ftehim ta’
Stabbilizzazzjoni u Assoċjazzjoni. Il-pożizzjonijiet ewlenin
inħatru. Il-partijiet interessati, fosthom l-operaturi ekonomiċi,
jistgħu jagħtu l-kontribut tagħhom fil-politika tal-kummerċ
tal-Kosovo permezz ta’ konsultazzjonijiet formali u regolari. Dawn
il-konsultazzjonijiet isiru fil-kunsill ekonomiku, fil-kunsill
interministerjali dwar il-politika tal-kummerċ u fil-grupp ta’ ħidma
dwar il-politika tal-kummerċ, u fil-ħames sottogruppi tiegħu
(il-ftehimiet dwar il-kummerċ, il-faċilitazzjoni tal-kummerċ,
l-industrija, l-agrikoltura u s-servizzi). Fi Frar, il-Gvern tal-Kosovo adotta
deċiżjoni dwar l-istruttura tal-grupp ta’ negozjaturi
għall-Ftehim ta’ Stabilizzazzjoni u Assoċjazzjoni. Fi ħdan din
l-istruttura, il-Ministeru tal-Kummerċ u tal-Industrija se jmexxi l-grupp
tekniku li jappoġġja n-negozjati dwar l-aspetti relatati
mal-kummerċ tal-Ftehim. Il-Ministeru tal-Kummerċ u tal-Industrija lesta l-ewwel
analiżi tal-impatt tal-aspetti tal-kummerċ ta’ Ftehim ta’
Stabilizzazzjoni u Assoċjazzjoni. L-analiżi tinkludi valutazzjoni
tal-effetti tal-liberalizzazzjoni tal-kummerċ fuq il-flussi
tal-kummerċ, il-finanzi pubbliċi, il-produzzjoni u l-impjiegi. Huwa
ċar li dan id-dokument jeħtieġ li jkompli jevolvi, filwaqt li
jqis id-dejta ġdida u aġġornata. Fl-istess ħin,
il-metodoloġija proposta u l-ewwel riżultati tal-analiżi
jipprovdu bażi tajba biex il-Kosovo jipprepara għan-negozjati. 3. Kwistjonijiet oħra
tal-Konklużjonijiet tal-Kunsill ta’ Diċembru L-involviment tal-Kosovo fid-djalogu bejn
Pristina u Belgrad u l-implimentazzjoni tal-ftehimiet Id-djalogu bejn Belgrad u
Pristina, wara l-elezzjonijiet tas-Serbja, ġie aġġornat
għal proċess politiku fuq livell għoli bil-faċilitazzjoni
tar-Rappreżentant Għoli. Bdiet serje ta'
laqgħat ta' livell għoli bejn iż-żewġ Prim Ministri
f'Ottubru 2012. Ir-RGĦ kien ċar ħafna
maż-żewġ naħat mill-bidu dwar il-kunċett
tal-proċess: dan se jkun proċess ta' pass pass, li jgħaddi minn
kwistjonijiet eħfef għal oħrajn aktar ikkomplikati u mhux se
jkollu tmiem previst. L-għan kien in-normalizzazzjoni gradwali
tar-relazzjonijiet bejn iż-żewġ naħat, mingħajr ħsara
għall-pożizzjonijiet taż-żewġ partijiet dwar l-istatus,
u l-ksib tal-progress għat-tnejn li huma fil-mixja rispettiva tagħhom
lejn l-UE. Saru għaxar
laqgħat bejn Ottubru 2012 u l-aħħar ta' April 2013[2]. Saret
laqgħa wkoll fis-6 ta Frar bejn il-Presidenti Nikolic u Jahjaga. Fl-ewwel parti tad-djalogu
fuq livell għoli sa Diċembru 2012 id-diskussjonijiet trattaw
is-sett ta' dawk li kienu meqjusa kwistjonijiet eħfef bħat-tlestija
tal-implimentazzjoni tal-IBM, il-patrimonju reliġjuż u kulturali,
l-arranġamenti ta' koordinazzjoni. Intlaħqu ċerti riżultati
inizjali sinifikanti f'dawk l-ewwel xhur. L-aktar wieħed
importanti kien l-implimentazzjoni tal-IBM. Sa l-aħħar ta'
Diċembru 2012 kien hemm erba' Passaġġi, fosthom
żewġ Passaġġi fit-Tramuntana tal-Kosovo, li kienu qed
jaħdmu u, minn Frar, is-sitt Passaġġi kollha kemm huma bejn
is-Serbja u l-Kosovo bdew jaħdmu. Fil-kuntest tad-diskussjonijiet ta'
implimentazzjoni, iż-żewġ naħat qablu wkoll li jibdew
ġbir doganali u li jwaqqfu Fond għall-iżvilupp tat-Tramuntana
tal-Kosovo. Fir-rigward tal-moviment liberu, is-sistema ta' vjaġġar
bil-karta tal-identità tpoġġiet fis-seħħ u qed taħdem
tajjeb. Il-ftehim dwar it-timbri doganali jkompli jiġi implimentat
miż-żewġ naħat. Kien hemm progress tajjeb fir-rigward
tar-reġistru ċivili u l-implimentazzjoni għandha titlesta sa
Jannar 2014. Fir-rigward tal-katast, iż-żewġ naħat
għadhom fil-proċess li jieħdu l-passi preparatorji
meħtieġa. Il-ftehim dwar l-aċċettazzjoni tad-diplomi
universitarji għaddej bla xkiel. Il-kooperazzjoni tas-Serbja mal-EULEX
kompliet titjieb f'għadd ta' oqsma. Dan jeħtieġ li jiġi
intensifikat hekk kif in-normalizzazzjoni bejn iż-żewġ
naħat tintensifika. Il-kuntatti diretti ta' livell għoli u l-kuntatti
regolari fil-livell operazzjonali jkomplu jiffaċilitaw il-kooperazzjoni,
fosthom fil-ġlieda kontra l-kriminalità organizzata. Is-Serbja hija
impenjata għal implimentazzjoni sħiħa tal-protokoll tal-pulizija
mal-EULEX. Riżultati sinifikanti
oħra li nkisbu miż-żewġ Prim Ministri huma l-ftehim dwar
it-twaqqif ta' arranġamenti ta' koordinazzjoni u l-ftehim dwar it-titjib
tal-protezzjoni tas-siti ta' patrimonju reliġjużi u kulturali
(il-ħolqien ta' unità tal-pulizija speċjali/multietnika fil-Kosovo). Fit-tieni parti
tad-djalogu ta' livell għoli, minn Jannar 2013, il-laqgħat
taż-żewġ Prim Ministri iffukaw fuq it-Tramuntana tal-Kosovo u
t-twettiq ta' strutturi li jissodisfaw il-ħtiġijiet tas-sigurtà u
tal-ġustizzja tal-popolazzjoni lokali b'mod li jiżgura l-funzjonalità
ta' stabbiliment uniku istituzzjonali u amministrattiv fil-Kosovo, f'konformità
mal-Konklużjonijiet tal-Kunsill ta' Diċembru 2012. Matul id-diskussjonijiet
tagħhom, iż-żewġ naħat qablu li l-eżitu
tad-diskussjonijiet tagħhom għandu jkun sett ta' prinċipji u
arranġamenti li jagħtu lill-komunità Serba fil-Kosovo viżjoni
ġdida tal-futur tagħhom, billi jindirizza t-tħassib u
l-ħtiġijiet tagħhom iżda b'mod li jħares
il-funzjonalità tal-istituzzjonijiet u l-qafas legali tal-Kosovo. Matul il-proċess ta'
livell għoli, iż-żewġ naħat urew impenn u involviment.
Iż-żewġ Prim Ministri b'mod partikulari waqqfu relazzjoni ta'
ħidma tajba u wrew kuraġġ u maturita politika fid-dikussjonijiet
tagħhom ta' kwistjonijiet ta' sensittività u kumplessita kbira, ta' spiss
bi sfond u atmosfera politika diffiċli. Ta' min ifaħħarhom. Fl-aħħar
fażi tad-djalogu, il-Viċi Prim Minisitri miż-żewġ
naħat ingħaqdu fil-laqgħat u l-presenza tagħhom żiedet
element ta' leġittimità politika lokali u għarfien espert. Id-diskussjonijiet dwar
it-Tramuntana tal-Kosovo u t-tħassib dwar il-komunità Serba fil-Kosovo
tlestew fid-19 ta' April bl-inizjalizzazzjoni ta' "L-ewwel
ftehim tal-prinċipji li jmexxu n-normalizzazzjoni
tar-relazzjonijiet". Dan il-ftehim jipprevedi
t-twaqqif ta' Assoċjazzjoni/Komunità ta' muniċipalitajiet Serbi
fil-Kosovo li se jaħdem/jopera fi ħdan il-qafas legali eżistenti
tal-Kosovo. L-Assoċjazzjoni/Il-Komunità se jkollha statut u l-korpi
tagħha fuq il-bażi tal-Asoċjazzjoni l-oħra eżistenti
fil-Kosovo u se jkollha rwol rappreżentattiv fil-gvern ċentrali. Fir-rigward tal-pulizija,
it-test tal-ftehim jafferma l-prinċipju ta' forza tal-pulizija unika
fil-Kosovo u l-integrazzjoni tal-pulizija kollha fit-Tramuntana tal-Kosovo
mal-Pulizija tal-Kosovo. Kmandant tal-Pulizija reġjonali huwa maħtur
għall-erba' muniċipalitajiet tat-Tramuntana. Huwa nnominat
mill-Ministeru għall-Affarijiet Interni tal-Kosovo minn lista pprovduta
mill-erba' sindki. Dan ifisser li ġie miftiehem li l-erba' sindki
tal-muniċipalitajiet b'maġġoranza Serba fit-Tramuntana
jikkonsultaw lill-Assoċjazzjoni/lill-Komunità u jissottomettu lista
lill-Ministeru għall-Affarijiet Interni li jinnominaw lil xi ħadd
minn dik il-lista. Fir-rigward
tal-ġudikatura, it-test jafferma l-prinċipju ta' integrazzjoni u
l-funzjonament tal-awtoritajiet ġudizzjarji fi ħdan il-qafas legali tal-Kosovo.
Twaqqfet Qorti tal-Appell fi Pristina biex tittratta l-muniċipalitajiet
kollha tal-Kosovo b'maġġoranza Serba u diviżjoni minn din
il-Qorti tpoġġi b'mod permanenti fit-Tramuntana ta' Mitrovica. L-elezzjonijiet
muniċipali, skont il-ftehim, se jiġu organizzati
fil-muniċipalitajet tat-Tramuntana fl-2013 bil-faċilitazzjoni
tal-OSKE. It-test tal-ftehim
jipprevedi wkoll il-konklużjoni tad-diskussjonijiet dwar l-enerġija u
t-telekomunikazzjonijiet sa nofs Ġunju. Iż-żewġ
partijiet qablu li l-ebda naħa ma timblokka, jew tinkoraġġixxi
lill-oħrajn biex jimblukkaw il-progress tan-naħa l-oħra
fil-mixjiet rispettivi tagħhom lejn l-UE. Fir-rigward ta' xi jmiss,
iż-żewġ partijiet qablu li jadottaw pjan ta' implimentazzjoni
sas-26 ta' April u li jwaqqfu kumitat ta' implimentazzjoni
bil-faċilitazzjoni tal-UE. L-UE tistenna wkoll li
ż-żewġ partijiet, fl-ispirtu tal-ftehim/relazzjoni ġdid/a
bejniethom u mingħajr ħsara għall-pożizzjonijiet dwar
l-istatus tal-Kosovo, ikomplu jaħdmu aktar għan-normalizzazzjoni tar-relazzjonijiet
bejniethom u f'dan il-qafas jindirizzaw, fost kwistjonijiet oħrajn,
l-integrazzjoni/il-parteċipazzjoni tal-Kosovo f'korpi internazzjonali. Ir-riforma tal-amministrazzjoni pubblika L-istudju tal-fattibbiltà kkonkluda li l-qafas legali
meħtieġ għal amministrazzjoni pubblika stabbli u professjonali
fil-biċċa l-kbira tiegħu diġà jeżisti. Permezz
tal-ilħiq tal-prijoritajiet fuq medda qasira ta’ żmien li huma
stabbiliti fl-istudju, il-Kosovo kompla jtejjeb il-qafas legali tiegħu u
ħoloq il-kundizzjonijiet għall-implimentazzjoni tal-liġijiet
dwar is-servizz pubbliku u dwar is-salarji tal-ħaddiema tas-servizz
pubbliku. Issa l-Kosovo beda jikkonċentra l-isforzi tiegħu fuq
l-implimentazzjoni tal-leġiżlazzjoni, l-istrateġija
għar-riforma fl-amministrazzjoni pubblika u l-pjan ta’ azzjoni
tiegħu. Il-Kosovo għamel ukoll sforzi tajba biex
tissaħħaħ l-Istituzzjoni tal-Ombudsperson. Il-baġit
tiegħu li huwa approvat mill-Assemblea għal din is-sena żdied
minn dak tas-sena l-oħra ta’ EUR 636 000 għal ftit aktar
minn EUR 1 miljun. Dan jippermetti żieda fil-persunal minn 48
għal 60 impjegat. Ir-riforma tal-amministrazzjoni pubblika hija sforz fuq
medda twila ta’ żmien. Pajjiżi oħra tal-Balkani tal-Punent li
jibbenefikaw minn Ftehimiet ta’ Stabbilizzazzjoni u Assoċjazzjoni qed
ikomplu jħabbtu wiċċhom ma’ din l-isfida. Il-progress tal-Kosovo
sa issa jipprevedi l-bażi meħtieġa (l-oqfsa
leġiżlattivi u tal-politika) biex jimxi ’l quddiem f’dan il-qasam
importanti. Il-konsolidazzjoni tal-istat tad-dritt L-istudju tal-fattibbiltà kkonkluda li l-qafas
istituzzjonali u legali ċentrali biex jiżgura l-istat tad-dritt
fil-Kosovo huwa fis-seħħ. F’għadd ta’ okkażjonijiet,
il-mexxejja tal-Kosovo tennew l-impenn politiku tagħhom fil-ġlieda
kontra l-kriminalità organizzata u l-korruzzjoni. Dan l-impenn politiku
jipprovdi bażi tajba għall-awtoritajiet tal-infurzar tal-liġi u
dawk ġudizzjarji fil-Kosovo biex ikomplu jtejbu l-prestazzjoni
tagħhom, speċjalment fir-rigward tal-għoti ta' evidenza kontra
l-kriminalità organizzata u l-korruzjoni. Jeħtieġ li l-Kosovo
tkompli timplimenta miżuri biex tipprevjeni u tiġġieled kontra
t-traffikar tal-bnedmin, tad-droga u tal-armi. Jeħtieġ li l-Kosovo jkompli jimplimenta
miżuri biex jipprevjeni u jiġġieled kontra t-traffikar ta'
persuni, drogi u armi. Xi każijiet importanti tressqu quddiem il-qorti
mill-prosekuzzjoni. F’Novembru li għadda, il-Qorti Distrettwali ta’
Pristina kkonfermat l-akkuża ppreżentata mill-prosekuzzjoni għal
akkużi ta’ abbuż mill-kariga uffiċjali jew awtorità, u frodi
kontra eks ministri; il-proċedura tal-qorti għadha għaddejja.
F’Novembru 2012, il-Qorti Distrettwali ta’ Pristina kkonfermat ukoll
l-akkuża kontra l-eks maniġer tal-uffiċċju ta’ prokura
muniċipali ta’ Pristina u ħames uffiċjali oħra
minħabba li abbużaw mill-kariga uffiċjali jew l-awtorità
tagħhom. F’Ottubru u Novembru 2012 il-qorti muniċipali
f’Pejë/Peć sabet ħatja u kkundannat 34 individwu, fosthom
uffiċjali għolja tal-Fakultà tan-Negozju f’Pejë/Peć, fuq
akkużi li jinkludu abbuż tal-kariga uffiċjali jew l-awtorità
tagħhom, miżapproprjazzjoni fil-kariga tagħhom, frodi fil-kariga
tagħhom u falsifikazzjoni ta’ dokumenti uffiċjali. Is-sentenza
tal-Qorti tipprojbixxi wkoll l-eżerċizzju ta’ ħidma
uffiċjali għal dawk l-uffiċjali li nstabu ħatja.
F’Jannar 2013, bord imħallat ta’ mħallfin tal-Kosovo u ta’ EULEX
fil-Qorti Ordinarja ta’ Pejë/Peć sab disa’ konvenuti ħatja ta’ reati
relatati mat-traffikar ta’ migranti. B’mod ġenerali, fl-2012 il-qrati
tal-Kosovo rriżolvew 183 każ ta’ “abbuż mill-kariga
uffiċjali u l-awtorità tagħhom”, 6 każijiet ta’ kriminalità
organizzata, 22 każ ta’ traffikar tal-bnedmin, 186 każ ta’
reati relatati man-narkotiċi u 24 każ ta’ reati relatati
mal-armi. Dawn ir-riżultati konkreti ta’ sforzi konġunti
tal-Kosovo u tal-EULEX juru l-viċinanza tal-kooperazzjoni prattika
tagħhom. Fl-istess ħin, il-ġlieda kontra l-kriminalità
organizzata u l-korruzzjoni għadha sfida u jeħtieġ li l-Kosovo
jkompli jagħmel progress f’dan il-qasam kemm waħdu kif ukoll
f’kooperazzjoni mal-EULEX. L-istudju tal-fattibbiltà kkonkluda li l-istituzzjonijiet
bażiċi tal-ġudikatura bdew jaqdu r-rwol tagħhom, u li
l-leġiżlazzjoni tipprevedi garanziji b’saħħithom
tal-indipendenza tal-ġudikatura. Fl-1 ta’ Jannar daħlu
fis-seħħ il-liġijiet dwar il-qrati u dwar il-prosekuzzjoni, li
jintroduċu struttura tal-qorti u tal-prosekuzzjoni ġdida. Din
tieħu post l-istruttura antika ta’ qrati muniċipali u distrettwali
b’seba’ qrati ordinarji u qorti tal-appell waħda. L-implimentazzjoni
tagħha bdiet mingħajr diffikultajiet maġġuri. Il-qafas
legali l-ġdid jikkontribwixxi għall-indipendenza, l-effettività,
ir-responsabbiltà ul-imparzjalità tas-sistema ġudizzjarja fil-Kosovo u
l-implimentazzjoni tiegħu se jkun suġġett għal aktar
analiżi fil-futur. Il-kodiċi kriminali l-ġdid u l-kodiċi
tal-proċedura kriminali daħlu fis-seħħ fl-istess waqt
tal-liġijiet dwar il-qrati u l-prosekuzzjoni. Dan ġab miegħu
tiġdid maġġuri fis-sistema ġudizzjarja u kriminali
tal-Kosovo. Il-kodiċi kriminali l-ġdid fih dispożizzjonijiet,
fost l-oħrajn, dwar il-kuntrabandu ta’ migranti, it-traffikar ta’ bnedmin,
il-produzzjoni u t-traffikar ta’ drogi, il-kriminalità organizzata,
il-korruzzjoni u t-traffikar ta’ armi. Id-dispożizzjonijiet tiegħu
jirrispettaw il-kompetenzi esklużivi u sussidjarji tal-Prosekuzzjoni Speċjali.
Billi l-implimentazzjoni tagħhom għadha kemm bdiet, għadu kmieni
wisq fil-proċess biex jiġi kkwalifikat l-impatt prattiku ta’ dawn
ir-riformi ġudizzjarji. Huwa mistenni li l-implimentazzjoni prattika ta’
riformi kumplessi bħal dawn tkun teħtieġ aktar modifiki
leġiżlattivi. L-istudju ta’ fattibilità kkonferma li l-libertà
tal-espressjoni hija garantita fil-Kostituzzjoni. Il-Kosovo ħassar
żewġ Artikoli dwar ir-responsabbiltà kriminali u l-protezzjoni
tas-sorsi tal-ġurnalisti mill-kodiċi kriminali f’Ottubru tas-sena
l-oħra. Il-kodiċi l-ġdid ta’ proċedura kriminali jinkludi
wkoll lill-ġurnalisti fil-kategorija ta’ xhieda eżentati mid-dmir li
jixhdu. Bħala riżultat ta’ dan, il-midja mhijiex kriminalment
responsabbli. Fit-28 ta’ Frar, il-kumitat rilevanti tal-Assemblea
organizza, bl-appoġġ tal-OSKE, smigħ pubbliku
għar-rappreżentanti tal-assoċjazzjonijiet tal-ġurnalisti.
Waqt is-smigħ, ġew diskussi kwistjonijiet li jaffettwaw
il-libertajiet tal-midja, b’mod partikulari attakki fiżiċi u theddid
kontra l-ġurnalisti. Fi tmiem is-sena l-oħra, il-Pulizija tal-Kosovo,
f’kooperazzjoni mal-EULEX, investigaw theddid lil membri ta’ organizzazzjoni
mhux governattiva li kienu ħarġu rivista dwar kwistjonijiet LGBT. L-awtoritajiet tal-Kosovo jibqgħu jkunu regolarment
ikkontestati fl-Assemblea, fil-midja, mis-soċjetà ċivili jew permezz
ta’ protesti pubbliċi. Jeħtieġ li l-Kosovo jkompli joħloq
ambjent li jwassal għal-libertà tal-espressjoni u jeħtieġ li
jiżgura li l-attakki fuq il-ġurnalisti jkunu investigati tajjeb. Sett ta’ għodod li jappoġġjaw
lill-Kosovo fl-isforzi ta’ riforma tiegħu Sabiex jiggwidaw l-isforzi ta’ riforma tal-Kosovo,
il-Kummissjoni żviluppat għadd ta’ strumenti. Id-Djalogu dwar
il-Proċess ta' Stabbilizzazzjoni u Assoċjazzjoni, li tnieda wara
l-Komunikazzjoni tal-Kummissjoni tal-2009, Kosovo – Fulfilling its European
Perspective[3],
wera li huwa għodda essenzjali biex jimmobilizza, jiddiskuti u
jipprijoritizza l-aġenda ta’ riforma Ewropea ġenerali tal-Kosovo.
Id-Djalogu Strutturat dwar l-Istat tad-Dritt qed jiffissa prijoritajiet komuni
bejn l-UE u l-Kosovo biex jiġu indirizzati l-isfidi tal-istat tad-dritt.
Huwa jipprevedi tmexxija politika b'saħħitha għar-riforma biex
tikkonsolida l-istat tad-dritt. Id-djalogu għal-liberalizzazjoni
tal-viża mal-Kosovo tnieda f’Jannar 2012 u, bħal
fil-pajjiżi l-oħra tal-Balkani tal-Punent, huwa qafas ċentrali
għall-Kosovo sabiex jadotta u jimplimenta r-riformi fil-qasam tal-istat
tad-dritt. F’dawn il-proċessi kollha, il-Ministeru tal-Integrazzjoni
Ewropea għandu rwol importanti x’jaqdi. Huwa waqqaf mekkaniżmi solidi
fi ħdan il-Kosovo biex jipprijoritizza, jikkoordina u jiżgura
t-twettiq ta' riżultati. Elementi oħra tal-perspettiva Ewropea
tal-Kosovo tal-Konklużjonijiet tal-Kunsill ta’ Diċembru F’Diċembru, il-Kunsill fakkar ir-rieda tal-UE biex
tassisti l-iżvilupp ekonomiku u politiku tal-Kosovo permezz ta’
perspettiva Ewropea ċara, f’konformità mal-perspettiva Ewropea
tar-reġjun. Reġa’ enfasizza l-ħtieġa li jittieħdu
passi konkreti għal dan l-għan. Fil-Komunikazzjoni tagħha
tal-2009 dwar il-Kosovo, il-Kummissjoni pproponiet li teżamina
l-opportunità ta’ ftehim qafas mal-Kosovo dwar il-prinċipji ġenerali
tal-parteċipazzjoni tagħha fil-programmi tal-UE. F’Ottubru 2012,
il-Kunsill awtorizza lill-Kummissjoni sabiex tinnegozja ftehim bħal dan.
Fil-bidu ta' din is-sena, il-Kummissjoni kkonkludiet in-negozjati u
għandha l-intenzjoni li tadotta mill-aktar fis il-proposti
għad-deċiżjonijiet tal-Kunsill dwar l-iffirmar u
l-konklużjoni ta' ftehim qafas mal-Kosovo. Il-Kosovo sar membru tal-Bank Ewropew għar-Rikostruzzjoni
u l-Iżvilupp (BERŻ) u Pajjiż ta’ Operazzjonijiet
f’Diċembru 2012. Il-BERŻ qed iħejji strateġija
tal-pajjiż għal tliet snin. Dan se jippermetti lill-Bank biex iwessa’
u jiddiversifika l-intervent tiegħu b’appoġġ
għall-iżvilupp soċjoekonomiku tal-Kosovo. Missjoni tal-BERŻ
żaret il-Kosovo f’Diċembru. L-uffiċċji tal-Bank fi Pristina
ġew ittrasferiti għal bini akbar bil-ħsieb li jiżdied
il-persunal tiegħu fil-Kosovo. Il-President tal-Bank żar il-Kosovo
fit-8 ta’ Frar. Attwalment. il-Bank Ewropew tal-Investiment qed jiddiskuti
qafas ta’ ftehim mal-gvern tal-Kosovo. Hemm bżonn li l-partijiet jaqblu
dwar oqsma li fihom il-Bank se jinvesti. L-intenzjoni hija li japprova u
jiffirma l-Ftehim fir-rebbiegħa. L-operazzjonijiet tal-BEI jistgħu
jibdew eżattament wara. Missjoni konġunta bejn il-BEI u l-Kummissjoni
żaret il-Kosovo f’Diċembru 2012. Il-BEI ma jippjanax li jkollu
preżenza permanenti fil-Kosovo. 4. Konklużjonijiet Mill-adozzjoni tal-istudju ta' fattibiltà
f'Ottubru 2012 u l-konklużjonijiet tal-Kunsill ta'
Diċmebru 2012, il-Kosovo kiseb il-prijoritajiet kollha identifikati
fl-istudju fuq medda qasira ta' żmien . Il-Kosovo wera l-impenn tiegħu fil-ġlieda kontra
l-kriminalità organizzata u l-korruzzjoni. Huwa adotta
l-leġiżlazzjoni u d-dokumenti strateġiċi
meħtieġa, u żamm il-kompetenzi tal-Prosekuzzjoni Speċjali.
Tnedew għadd ta' investigazzjonijiet fil-kriminalità organizzata u
l-korruzzjoni. Il-Kosovo żamm kooperazzjoni tajba mal-EULEX u jkompli bir-rieda
tiegħu li jappoġġja l-ħidma tat-Task Force Investigattiva
Speċjali. Ġie allokat bini ġdid għall-Istituzzjoni
tal-Ombudsperson. Il-gvern qagħad lura milli jimmodifika l-baġit
propost tal-Ombudsperson qabel is-sottomissjoni tal-abbozz tal-baġit
ġenerali lill-Assemblea. Ġiet adottata wkoll il-leġiżlazzjoni
sekondarja meħtieġa għall-implimentazzjoni tar-riforma
tal-amministrazzjoni pubblika. Il-Kunsill il-ġdid tal-Implimentazzjoni u
l-Monitoraġġ li jgħaqqad flimkien lill-Knisja Ortodossa Serba,
lill-awtortiajiet tal-Kosovo, lill-UE u lill-OSKE tpoġġa
fis-seħħ u beda jopera. Il-Ministeru għall-Kummerċ u l-Industrija ġie
ristrutturat u nħatru l-pożizzjonijiet ewlenin. Mekkaniżmu li
jmexxi u jikkoordina n-negozjati dwar kwistjonijiet tal-kummerċ
fil-kuntest ta' Ftehim ta' Stabbilizzazzjoni u Assoċjazzjoni huwa
fis-seħħ. Il-Kosovo se jkun kapaċi jiddefinixxi
l-pożizzjoni ta' negozjar tiegħu fuq il-bażi tal-analiżi
tal-impatt tal-aspetti tal-kummerċ u ta' Ftehim ta' Stabbilizzazzjoni u
Assoċjazzjoni. B'riżultat
ta' dan, il-Kummissjoni tissottometti l-proposta tagħha għal
deċiżjoni tal-Kunsill li tawtorizza l-ftuħ tan-negozjati dwar
Ftehim ta' Stabbilizzazzjoni u Assoċjazzjoni bejn l-Unjoni Ewropea u
l-Kosovo[4]. Il-Kosovo
ħa passi sinifikanti ħafna lejn titjib viżibbli u sostenibbli
fir-relazzjonijiet mas-Serbja, f'konformità mal-konklużjonijiet
tal-Kunsill ta' Diċembru 2012. Il-Kosovo
impenja ruħu b'mod attiv u kostruttiv fid-djalogu ffaċilitat mill-UE
mas-Serbja u daħal f'diskussjonijiet dwar il-firxa sħiħa ta'
kwistjonijiet meħtieġa biex jinkiseb titjib viżibbli u
sostenibbli fir-relazzjonijiet mas-Serbja. Id-djalogu
ġie aġġornat għal proċess politiku ta' livell
għoli bil-faċilitazzjoni tar-Rappreżentant Għoli. Saru għaxar laqgħat bejn
Ottubru 2012 u l-aħħar ta' April 2013. Saret laqgħa wkoll fis-6 ta Frar
bejn il-Presidenti Nikolic u Jahjaga. Tkompliet
ukoll l-implimentazzjoni tal-ftehimiet li ntlaħqu fid-djalogu s'issa. Fir-rigward ta' Ġestjoni Integrata
tal-Fruntieri, infetħu punti għall-qsim interim konġunti
fis-sitt passaġġi kollha kemm huma u qegħdin jiffunzjonaw. Il-ftehim dwar il-protezzjoni tas-siti ta'
patrimonju reliġjużi u kulturali ta' Diċembru 2012 qed
jiġi implimentat. Il-ftehim dwar
it-timbri doganali jkompli jiġi implimentat miż-żewġ
naħat. Kien hemm progress tajjeb
fir-rigward tar-reġistru ċivili u l-implimentazzjoni għandha
titlesta sa Jannar 2014. Fir-rigward
tal-katast, iż-żewġ naħat għadhom fil-proċess li
jieħdu l-passi preparatorji meħtieġa. Il-ftehim
dwar l-aċċettazzjoni tad-diplomi universitarji għaddej bla
xkiel. Iż-żewġ
naħat qablu wkoll li jibdew ġbir doganali u li jwaqqfu Fond
għall-iżvilupp tat-Tramuntana tal-Kosovo. Fit-tieni
parti tad-djalogu ta' livell goli, minn Jannar 2013, il-laqgħat
taż-żewġ Prim Ministri iffukaw fuq it-Tramuntana tal-Kosovo, li
wassal għall-inizjalizzazzjoni tal-ftehim
tad-19 ta' April 2013 dwar "L-ewwel ftehim ta'
prinċipji li jmexxu n-normalizzazzjoni tar-relazzjonijiet". Fuq din
il-bażi, il-Kummissjoni tqis li l-Kosovo impenja ruħu b'mod serju u
kostruttiv biex jieħu passi lejn titjib viżibbli u sostenibbli
tar-relazzjonijiet mas-Serbja. * Din id-deżinjazzjoni hija
mingħajr ħsara għall-pożizzjonijiet u l-istatus, u hija
f'konformità ma' UNSCR 1244/1999 u mal-Opinjoni tal-QIĠ dwar
id-dikjarazzjoni ta’ indipendenza tal-Kosovo. [1] COM(2012) 602 finali [2] Id-19 ta' Ottubru,
7 ta' Novemrbu, l-4 ta' Diċembru u s-17 ta' Jannar,
l-20 ta' Frar, l-4 ta' Marzu, l-20 ta' Marzu, it-2 ta'
April, is-17 ta' April u d-19 ta' April [3] COM(2009) 534
finali [4] COM(2013) 200
finali