Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52013AP0175

Riżoluzzjoni leġiżlattiva tal-Parlament Ewropew tas-17 ta' April 2013 dwar il-proposta għal direttiva tal-Kunsill li temenda d-Direttiva 2006/112/KE dwar is-sistema komuni ta' taxxa fuq il-valur miżjud fir-rigward tat-trattament tal-vawċers (COM(2012)0206 – C7-0127/2012 – 2012/0102(CNS))

ĠU C 45, 5.2.2016, p. 173–179 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

5.2.2016   

MT

Il-Ġurnal Uffiċjali tal-Unjoni Ewropea

C 45/173

P7_TA(2013)0175

Is-sistema komuni ta' taxxa fuq il-valur miżjud fir-rigward tat-trattament tal-vawċers *

Riżoluzzjoni leġiżlattiva tal-Parlament Ewropew tas-17 ta' April 2013 dwar il-proposta għal direttiva tal-Kunsill li temenda d-Direttiva 2006/112/KE dwar is-sistema komuni ta' taxxa fuq il-valur miżjud fir-rigward tat-trattament tal-vawċers (COM(2012)0206 – C7-0127/2012 – 2012/0102(CNS))

(Proċedura leġiżlattiva speċjali – konsultazzjoni)

(2016/C 045/34)

Il-Parlament Ewropew,

—

wara li kkunsidra l-proposta tal-Kummissjoni lill-Kunsill (COM(2012)0206),

—

wara li kkunsidra l-Artikolu 113 tat-Trattat dwar il-Funzjonament tal-Unjoni Ewropea, skont liema artikolu ġie kkonsultat mill-Kunsill (C7-0127/2012),

—

wara li kkunsidra l-Artikolu 55 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Ekonomiċi u Monetarji (A7-0058/2013),

1.

Japprova l-proposta tal-Kummissjoni kif emendata;

2.

Jistieden lill-Kummissjoni biex timmodifika l-proposta tagħha konsegwentement, skont l-Artikolu 293(2) tat-Trattat dwar il-Funzjonament tal-Unjoni Ewropea;

3.

Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

4.

Jitlob lill-Kunsill biex jerġa’ jikkonsultah jekk ikollu l-ħsieb li jemenda l-proposta tal-Kummissjoni b’mod sustanzjali;

5.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

Emenda 1

Proposta għal direttiva

Premessa 1

Test propost mill-Kummissjoni

Emenda

(1)

Id-Direttiva tal-Kunsill 2006/112/KE tat-28 ta' Novembru 2006 dwar is-sistema komuni ta' taxxa fuq il-valur miżjud tistabbilixxi r-regoli dwar il-ħin u l-post ta' provvista ta' oġġetti u servizzi, l-ammont taxxabbli, l-imponibilità tat-taxxa fuq il-valur miżjud (VAT) u d-dritt għal tnaqqis. Madankollu, dawk ir-regoli mhumiex ċari jew kompluti biżżejjed sabiex jiżguraw il-konsistenza fit-trattament tat-taxxa ta' tranżazzjonijiet li jinvolvu vawċers sa punt li għandu konsegwenzi mhux mixtieqa għall-funzjonament tajjeb tas-suq intern.

(1)

Id-Direttiva tal-Kunsill 2006/112/KE tat-28 ta' Novembru 2006 dwar is-sistema komuni ta' taxxa fuq il-valur miżjud tistabbilixxi r-regoli dwar il-ħin u l-post ta' provvista ta' oġġetti u servizzi, l-ammont taxxabbli, l-imponibilità tat-taxxa fuq il-valur miżjud (VAT) u d-dritt għal tnaqqis. Madankollu, dawk ir-regoli mhumiex ċari jew kompluti biżżejjed sabiex jiżguraw il-konsistenza fit-trattament tat-taxxa ta' tranżazzjonijiet li jinvolvu vawċers sa punt li għandu konsegwenzi mhux mixtieqa għall-funzjonament tajjeb tas-suq intern. Sabiex jiġu eliminati l-opportunitajiet għall-evażjoni tat-taxxa u l-frodi fiskali, jiżdied il-ġbir tal-VAT minn vawċers u b'hekk jiżdied id-dħul pubbliku, jeħtieġ li jissaħħu l-kamp ta' applikazzjoni, in-newtralità u t-trasparenza fir-rigward tat-trattament tat-taxxa ta' tranżazzjonijiet li jinvolvu vawċers.

Emenda 2

Proposta għal direttiva

Premessa 2

Test propost mill-Kummissjoni

Emenda

(2)

Biex jiġi żgurat trattament ċert u uniformi u jiġu evitati l-inkonsistenzi, id-distorsjoni tal-kompetizzjoni, it-tassazzjoni doppja jew in-non-tassazzjoni u jitnaqqas ir-riskju tal-evitar tat-taxxa, hemm il-ħtieġa għal regoli speċifiċi li japplikaw għat-trattament tal-VAT tal-vawċers.

(2)

Biex jiġi żgurat suq intern li jiffunzjona tajjeb, effikaċi u bla ostakli kif ukoll trattament ċert u uniformi u  b’hekk jiġu evitati l-inkonsistenzi, id-distorsjoni tal-kompetizzjoni, it-tassazzjoni doppja jew in-non-tassazzjoni , l-ambigwità fir-rigward tal-obbligu fiskali u jitnaqqas ir-riskju tal-evitar tat-taxxa u l-evażjoni tat-taxxa , hemm il-ħtieġa għal regoli speċifiċi li japplikaw għat-trattament tal-VAT tal-vawċers.

Emenda 3

Proposta għal direttiva

Premessa 4

Test propost mill-Kummissjoni

Emenda

(4)

It-trattament tal-VAT tat-tranżazzjonijiet assoċjati mal-vawċers huwa dipendenti fuq il-karatteristiċi speċifiċi tal-vawċer. Għalhekk, huwa neċessarju li wieħed jiddistingwi bejn it-tipi differenti ta' vawċers u  d-distinzjonijiet jenħtieġ li jiġu stipulati fil-leġiżlazzjoni tal-Unjoni.

(4)

It-trattament tal-VAT tat-tranżazzjonijiet assoċjati mal-vawċers huwa dipendenti fuq il-karatteristiċi speċifiċi tal-vawċer. Għalhekk, huwa neċessarju li wieħed jiddistingwi bejn it-tipi differenti ta' vawċers u  d-definizzjonijiet distinti jenħtieġ li jiġu ċċarati fil-liġi tal-Unjoni.

Emenda 4

Proposta għal direttiva

Premessa 5

Test propost mill-Kummissjoni

Emenda

(5)

Dritt li wieħed jirċievi oġġetti jew servizzi jew li jirċievi skont huwa inerenti fin-natura ta' vawċer. Dan id-dritt jista' jkun assenjat minn persuna waħda għal oħra qabel ma l-vawċer eventwalment jissarraf. Biex jiġi evitat ir-riskju ta' tassazzjoni doppja, kieku s-servizz irrappreżentat minn tali dritt kellu jiġi intaxxat, ikun neċessarju li tiġi stabbilita l-assenjazzjoni ta' dan id-dritt u t-tisrif tal-oġġett jew servizzi għandu jitqies bħala tranżazzjoni waħda.

(5)

Vawċer jintitola lid-detentur li jirċievi oġġetti jew servizzi jew li jirċievi skont. Dan id-dritt jista' jkun assenjat minn persuna waħda għal oħra qabel ma l-vawċer eventwalment jissarraf. Biex jiġi evitat ir-riskju ta' tassazzjoni doppja, kieku s-servizz irrappreżentat minn tali dritt kellu jiġi intaxxat, ikun neċessarju li tiġi stabbilita l-assenjazzjoni ta' dan id-dritt u t-tisrif tal-oġġett jew servizzi jkollu jitqies bħala tranżazzjoni waħda.

Emenda 5

Proposta għal direttiva

Premessa 8

Test propost mill-Kummissjoni

Emenda

(8)

Il-vawċers spiss jitqassmu permezz ta' aġent jew jgħaddu minn katina tad-distribuzzjoni bbażata fuq ix-xiri u l-bejgħ sussegwenti. Sabiex tinżamm in-newtralità, huwa essenzjali li l-ammont tal-VAT li jrid jitħallas fuq l-oġġetti jew servizzi fornuti bi skambju ma' vawċer, jibqa intatt. Biex dan jiġi żgurat, il-valur ta' vawċers b'użi multipli għandu jiġi ffissat mal-ħruġ.

(8)

Il-vawċers spiss jitqassmu permezz ta' aġent jew jgħaddu minn katina tad-distribuzzjoni bbażata fuq ix-xiri u l-bejgħ sussegwenti. Sabiex tinżamm in-newtralità, huwa essenzjali li l-ammont tal-VAT li jrid jitħallas fuq l-oġġetti jew servizzi fornuti bi skambju ma' vawċer, jibqa intatt. Biex dan jiġi żgurat, il-valur nominali ta' vawċers b'użi multipli għandu jiġi ffissat mal-ħruġ.

Emenda 6

Proposta għal direttiva

Premessa 10

Test propost mill-Kummissjoni

Emenda

(10)

Huwa meħtieġ li jiġi ċċarat it-trattament fiskali tat-tranżazzjonijiet marbuta mad-distribuzzjoni ta' vawċers b'użi multipli. Fejn tali vawċers huma mixtrija taħt il-valur tagħhom biex jerġgħu jinbiegħu bi prezz ogħla, is-servizz ta' distribuzzjoni għandu jkun intaxxat fuq il-bażi tal-marġini magħmula mill-persuna taxxabbli.

(10)

Jeħtieġ li jiġi ċċarat it-trattament fiskali tat-tranżazzjonijiet marbuta mad-distribuzzjoni ta' vawċers b'użi multipli. Fejn tali vawċers huma mixtrija taħt il-valur nominali tagħhom biex jerġgħu jinbiegħu bi prezz ogħla, is-servizz ta' distribuzzjoni għandu jkun intaxxat fuq il-bażi tal-marġini magħmula mill-persuna taxxabbli.

Emenda 7

Proposta għal direttiva

Premessa 11

Test propost mill-Kummissjoni

Emenda

(11)

Il-vawċers jistgħu jinvolvu l-provvista transkonfinali ta' oġġetti jew servizzi. Jekk l-imponibbiltà tvarja bejn l-Istati Membri, dan jista' jwassal għal tassazzjoni doppja jew nuqqas ta' tassazzjoni. Sabiex tiġi evitata din is-sitwazzjoni, l-ebda deroga mir-regola li biha l-VAT hija imponibbli meta l-oġġetti jew is-servizzi jiġu pprovduti m'għandha tiġi permessa.

(11)

Il-vawċers jistgħu jinvolvu l-provvista transkonfinali ta' oġġetti jew servizzi. Jekk l-imponibbiltà tvarja bejn l-Istati Membri, dan jista' jwassal għal tassazzjoni doppja jew nuqqas ta' tassazzjoni. Sabiex tiġi evitata din is-sitwazzjoni u jiġi ċċarat f'liema Stat Membru għandha titħallas it-taxxa , l-ebda deroga mir-regola li biha l-VAT hija imponibbli meta l-oġġetti jew is-servizzi jiġu pprovduti m'għandha tiġi permessa.

Emenda 8

Proposta għal direttiva

Premessa 15

Test propost mill-Kummissjoni

Emenda

(15)

Sakemm l-oġġetti jew servizzi fornuti mat-tisrif ta' vawċer huma ntaxxati, il-persuna taxxabbli tkun intitolata li tnaqqas il-VAT imħallsa fuq l-infiq b’rabta mal-ħruġ tal-vawċer. Għandu jiġi ċċarat li din l-ispiża tal-VAT hija deduċibbli anki jekk dawk l-oġġetti jew servizzi jiġu fornuti minn xi ħadd għajr l-emittent tal-vawċer.

(15)

Sakemm l-oġġetti jew servizzi fornuti mat-tisrif ta' vawċer huma ntaxxati, il-persuna taxxabbli tkun intitolata li tnaqqas il-VAT imħallsa fuq l-infiq b’rabta mal-ħruġ tal-vawċer , b'konformità mal-liġi tal-Unjoni . Għandu jiġi ċċarat li din l-ispiża tal-VAT hija deduċibbli anki jekk dawk l-oġġetti jew servizzi jiġu fornuti minn xi ħadd għajr l-emittent tal-vawċer.

Emenda 9

Proposta għal direttiva

Artikolu 1 – punt 3

Direttiva 2006/112/KE

Kapitolu 5 – Artikolu 30a – paragrafu 1 – parti introduttorja (ġdida)

Test propost mill-Kummissjoni

Emenda

 

1.     Għall-finijiet ta' dan il-Kapitolu għandhom japplikaw id-definizzjonijiet li ġejjin:

Emenda 10

Proposta għal direttiva

Artikolu 1 – punt 3

Direttiva 2006/112/KE

Kapitolu 5 – Artikolu 30a – paragrafu 1 – punt 1

Test propost mill-Kummissjoni

Emenda

1.    “Vawċer” għandu jfisser strument li jġorr id-dritt li wieħed jirċievi provvista ta' oġġetti jew servizzi, jew li wieħed jirċievi skont jew rifużjoni fir-rigward tal-provvista ta' oġġetti jew servizzi u fejn hemm obbligu korrispondenti li jiġi ssodisfat dan id-dritt.

(1)

“Vawċer” tfisser strument li jġorr id-dritt li wieħed jirċievi provvista ta' oġġetti jew servizzi, jew li wieħed jirċievi skont jew rifużjoni fir-rigward tal-provvista ta' oġġetti jew servizzi u fejn hemm obbligu korrispondenti li jiġi ssodisfat dan id-dritt;

Emenda 11

Proposta għal direttiva

Artikolu 1 – punt 3

Direttiva 2006/112/KE

Kapitolu 5 – Artikolu 30a – paragrafu 1 – punt 2

Test propost mill-Kummissjoni

Emenda

“ Vawċer b'użu uniku” għandu jfisser vawċer li jġorr id-dritt li wieħed jirċievi provvista ta' oġġetti jew servizzi fejn l-identità tal-fornitur, il-post tal-provvista u r-rata tal-VAT applikabbli għal dawn l-oġġetti jew servizzi huma magħrufa fiż-żmien tal-ħruġ tal-vawċer.

(2) “

vawċer b'użu uniku” tfisser vawċer li jġorr id-dritt li wieħed jirċievi provvista ta' oġġetti jew servizzi fejn l-identità tal-fornitur, il-post tal-provvista u r-rata tal-VAT applikabbli għal dawn l-oġġetti jew servizzi tkun magħrufa fiż-żmien tal-ħruġ tal-vawċer;

Emenda 12

Proposta għal direttiva

Artikolu 1 – punt 3

Direttiva 2006/112/KE

Kapitolu 5 – Artikolu 30a – paragrafu 1 – punt 2a (ġdid)

Test propost mill-Kummissjoni

Emenda

 

(2a)

“il-post tal-provvista” tfisser l-Istat Membru fejn isseħħ il-provvista sottostanti tal-oġġetti jew servizzi;

Emenda 13

Proposta għal direttiva

Artikolu 1 – punt 3

Direttiva 2006/112/KE

Kapitolu 5 – Artikolu 30a – paragrafu 1 – punt 3

Test propost mill-Kummissjoni

Emenda

“Vawċer b'użi multipli” għandu jfisser kull vawċer, għajr vawċer ta' skont jew rifużjoni, li ma jikkostitwix vawċer b'użu uniku.

(3)

“vawċer b'użi multipli” tfisser kull vawċer, għajr vawċer ta' skont jew rifużjoni, li ma jikkostitwix vawċer b'użu uniku u li jintitola lid-detentur li jirċievi oġġetti jew servizzi, fejn la dawk l-oġġetti jew servizzi, u lanqas il-post tal-provvista tal-Istat Membru fejn għandhom jiġu intaxxati ma jkunu identifikati b’mod suffiċjenti u, konsegwentement, it-trattament tal-vawċer rigward il-VAT ma jkunx jista’ jiġi ddeterminat b’ċertezza fid-data tal-bejgħ jew ħruġ;

Emenda 14

Proposta għal direttiva

Artikolu 1 – punt 3

Direttiva 2006/112/KE

Kapitolu 5 – Artikolu 30a – paragrafu 1 – punt 4

Test propost mill-Kummissjoni

Emenda

“Vawċer ta' skont” għandu jfisser vawċer li jġorr id-dritt li wieħed jirċievi prezz skontat jew rifużjoni fir-rigward tal-provvista ta' oġġetti jew servizzi.

(4)

“vawċer ta' skont” tfisser vawċer li jġorr id-dritt li wieħed jirċievi prezz skontat jew rifużjoni fir-rigward tal-provvista ta' oġġetti jew servizzi , espress bħala persentaġġ jew bħala ammont fiss b’valur nominali .

Emenda 15

Proposta għal direttiva

Artikolu 1 – punt 6

Direttiva 2006/112/KE

Kapitolu 5 – Artikolu 74a – paragrafu 1

Test propost mill-Kummissjoni

Emenda

1.   L-ammont taxxabbli tal-provvista ta' oġġetti jew servizzi msarrfa kontra vawċer b’użi multipli għandu jkun ugwali għall-valur nominali ta' dak il-vawċer, jew fil-każ ta' tisrif parzjali, għal dik il-parti tal-valur nominali li tikkorrispondi mat-tisrif parzjali ta' dak il-vawċer, bl-ammont tal-VAT relatat għall-oġġetti jew servizzi msarrfa mnaqqas minn dan.

1.   L-ammont taxxabbli tal-provvista ta' oġġetti jew servizzi msarrfa kontra vawċer b’użi multipli għandu jkun ugwali għall-valur nominali ta' dak il-vawċer użat effettivament għall-akkwist ta’ dawk l-oġġetti jew servizzi , jew fil-każ ta' tisrif parzjali, għal dik il-parti tal-valur nominali li tikkorrispondi mat-tisrif parzjali ta' dak il-vawċer, bl-ammont tal-VAT relatat għall-oġġetti jew servizzi msarrfa mnaqqas minn dan.

Emenda 16

Proposta għal direttiva

Artikolu 2 – paragrafu 1

Test propost mill-Kummissjoni

Emenda

1.   L-Istati Membri għandhom jadottaw u jippubblikaw , sa mhux aktar tard mill-1 ta' Jannar 2014, il-liġijiet, ir-regolamenti u d-dispożizzjonijiet amministrattivi meħtieġa sabiex ikunu konformi ma' din id-Direttiva. Huma għandhom jikkomunikaw minnufih it-test ta' dawk id-dispożizzjonijiet lill-Kummissjoni.

1.   L-Istati Membri għandhom jadottaw u jippubblikaw id-dispożizzjonijiet meħtieġa sabiex jikkonformaw ma’ din id-Direttiva sal-1 ta' Jannar 2014 . Huma għandhom jikkomunikaw immedjatament it-test ta' dawk id-dispożizzjonijiet lill-Kummissjoni.

Huma għandhom japplikaw dawn id-dispożizzjonijiet mill-1 ta' Jannar 2015.

L -Istati Membri għandhom japplikaw dawk id-dispożizzjonijiet mill-1 ta’ Jannar 2015.

Meta l-Istati Membri jadottaw dawk id-dispożizzjonijiet, dawn tal-aħħar għandhom jirreferu għal din id-Direttiva jew ikunu akkumpanjati minn tali referenza meta jiġu ppubblikati uffiċjalment. L-Istati Membri għandhom jiddeċiedu kif għandha ssir din ir-referenza.

Meta l-Istati Membri jadottaw dawk id-dispożizzjonijiet, dawn tal-aħħar għandhom jirreferu għal din id-Direttiva jew ikunu akkumpanjati minn tali referenza meta jiġu ppubblikati uffiċjalment. L-Istati Membri għandhom jiddeċiedu kif għandha ssir din ir-referenza.

Emenda 17

Proposta għal direttiva

Artikolu 2a (ġdid)

Test propost mill-Kummissjoni

Emenda

 

Artikolu 2a

 

Sal-1 ta' Jannar 2017, il-Kummissjoni għandha teżamina l-applikazzjoni tad-Direttiva 2006/112/KE u għandha tippreżenta rapport lill-Parlament Ewropew u lill-Kunsill dwar l-impatt ekonomiku u fiskali tagħha. Dak ir-rapport għandu jinkludi analiżi tal-impatt ta’ din id-Direttiva fuq l-ekonomiji tal-Istati Membri.

Top