EUR-Lex Access to European Union law
This document is an excerpt from the EUR-Lex website
Document 52012SC0437
COMMISSION STAFF WORKING DOCUMENT EXECUTIVE SUMMARY OF THE IMPACT ASSESSMENT
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Reviżjoni tad-Direttiva tal-Kunsill 96/98/KE tal-20 ta’ Diċembru 1996 dwar it-tagħmir marittimu
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Reviżjoni tad-Direttiva tal-Kunsill 96/98/KE tal-20 ta’ Diċembru 1996 dwar it-tagħmir marittimu
/* SWD/2012/0437 final */
DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokument Reviżjoni tad-Direttiva tal-Kunsill 96/98/KE tal-20 ta’ Diċembru 1996 dwar it-tagħmir marittimu /* SWD/2012/0437 final */
DOKUMENT TA’ ĦIDMA TAL-PERSUNAL
TAL-KUMMISSJONI SOMMARJU EŻEKUTTIV TAL-VALUTAZZJONI
TAL-IMPATT Li jakkumpanja d-dokument Reviżjoni tad-Direttiva
tal-Kunsill 96/98/KE tal-20 ta’ Diċembru 1996 dwar it-tagħmir
marittimu DĠ Ewlieni:
DĠ MOVE Sommarju Eżekuttiv 1. Definizzjoni tal-problema L-esperjenza fil-funzjonament tad-Direttiva
dwar it-Tagħmir tal-Baħar (minn issa 'l quddiem "MED")
enfasizzat ċerti punti dgħajfa fl-implimentazzjoni u l-infurzar,
l-aktar fir-rigward ta’: il-kwalità u l-kontroll tal-ħidma tal-korpi
notifikati (l-organizzazzjonijiet li jwettqu l-proċeduri tal-valutazzjoni
tal-konformità f'isem l-Istati Membri); l-obbligi tal-operaturi ekonomiċi;
l-effikaċja tal-attivitajiet tas-sorveljanza tas-suq; il-mekkaniżmi
ta’ salvagwardja (li jiżguraw li l-Istati Membri jieħdu miżuri
kontra tagħmir mhux konformi, u li dawn il-miżuri huma kkontrollati
sabiex jiġi żgurat li ma jikkostitwixxux ostakli moħbija
għall-moviment ħieles). Minħabba li t-teknika
leġiżlattiva użata fil-MED biex jintlaħqu l-objettivi ta’
politika tagħha hija bbażata fil-biċċa l-kbira fuq
il-prinċipji ddefiniti fl-Approċċ Ġdid[1] fil-qasam tal-moviment
ħieles tal-merkanzija, il-kwistjonijiet ta’ implimentazzjoni u infurzar
identifikati hawn fuq huma komuni għad-Direttivi dwar l-Approċċ Ġdid. Sabiex jiġu kkoreġuti l-kwistjonjiet
ta’ funzjonament ħażin tas-sistema, l-Approċċ Ġdid
kien is-suġġett ta’ reviżjoni fl-2008 li wasslet għall-Qafas
Leġiżlattiv Ġdid (minn hawn 'il quddiem ‘NLF’)
għall-kummerċjalizzazzjoni tal-prodotti[2]. Għalhekk, il-problemi identifikati
għall-MED jistgħu jiġu indirizzati permezz tal-allinjament
tal-MED fl-NLF kif previst mill-koleġiżlaturi. Madankollu, fid-dawl
tal-ispeċifiċitajiet tat-tagħmir tal-baħar, kwistjoni ewlenija
hija jekk f’xi oqsma hemmx ukoll il-ħtieġa ta’ soluzzjonijiet
speċifiċi għall-MED. Il-valutazzjoni tal-impatt tipprovdi
mmappjar dettaljat tal-NLF fil-konfront tal-ispeċifiċitajiet tal-MED.
Fost dawn: ·
It-tagħmir tal-baħar irid ikun konformi
mar-rekwiżiti ta’ kostruzzjoni u prestazzjoni, u jiġi ttestjat skont
l-istandards tal-ittestjar, stabbiliti mill-IMO; ·
It-tagħmir tal-baħar irid ikun approvat
mill-Istat tal-bandiera; ·
It-tagħmir tal-baħar mhuwiex
neċessarjament ikkummerċjalizzat fit-territorju tal-UE, iżda
huwa pjuttost installat direttament abbord il-vapuri tal-UE kull fejn dawn
jinbnew jew jissewwew, jew jieħdu l-provvisti; ·
It-tagħmir tal-baħar jinkludi bosta
elementi li jaqgħu fil-kamp ta’ applikazzjoni ta’ direttivi oħra
tas-Suq Intern, madankollu r-rekwiżiti ta’ dawn huma differenti minn dawk
tal-IMO jew huma inkompatibbli magħhom; ·
Barra minn hekk, il-proċess ta’
traspożizzjoni tar-regoli tal-IMO fil-liġi nazzjonali joħloq
inċertezza legali u jimponi piż eċċessiv fuq l-industrija u
l-amministrazzjonijiet nazzjonali minħabba t-teknika leġiżlattiva
twila u kumplessa – dan jagħmilha diffiċli biex tinżamm
aġġornata mal-produzzjoni ta’ rekwiżiti tekniċi
mill-Organizzazzjoni Marittima Internazzjonali. Għal dawn ir-raġunijiet, il-MED ma
tiżgurax l-applikazzjoni u l-implimentazzjoni kompluta tal-IMO u ta’
standards oħra mill-Istati Membri, li jwassal għal riskji
għas-sikurezza u funzjonament ineffiċjenti tas-Suq Intern
għat-tagħmir tal-baħar. Partijiet interessati milquta jinkludu
l-manifatturi tat-tagħmir tal-baħar Ewropew, li minnhom għadd
kbir huma SMEs, tarznari, vapuri tal-passiġġieri u vapuri
tal-ekwipaġġi, kif ukoll amministrazzjonijiet pubbliċi u
gvernijiet. 2. Analiżi tas-Sussidjarjetà u
tal-Proporzjonalità L-applikazzjoni diretta tal-qafas regolatorju
tal-IMO mill-Istati Membri fin-nuqqas ta’ armonizzazzjoni Komunitarja twassal
għal ostakoli għall-moviment ħieles ta’ oġġetti, li
jirriżultaw l-aktar a) mid-diskrezzjoni wiesgħa permessa
mill-istrumenti tal-IMO lill-Istat tal-bandiera, b) mill-produzzjoni ta’ rekwiżiti
nazzjonali addizzjonali u c) mid-diverġenzi fil-metodi ta’
ċertifikazzjoni. Fl-istess ħin, id-diverġenzi li
jirriżultaw fir-regolamenti nazzjonali jistgħu jwasslu għal
gradi mhux uniformi ta’ sikurezza u protezzjoni ambjentali. L-armonizzazzjoni mill-UE ssolvi dawn
il-problemi, peress li tirriżulta f'ġabra ta’ rekwiżiti
identifikati b’mod ċar u proċeduri ta’ ċertifikazzjoni uniformi
kapaċi li jiżguraw livell għoli ta’ sikurezza u ta’ protezzjoni
ambjentali. Barra minn hekk, għall-kuntrarju tas-sistema internazzjonali,
l-UE toffri l-vantaġġ ta’ sistema ġudizzjarja ta’ infurzar – li
mingħajrha l-effettività ta’ dawk ir-rekwiżiti u l-proċeduri
tkun imfixkla b’mod serju. L-UE ma tarmonizzax hi stess
l-ispeċifikazzjonijiet tekniċi dettaljati applikabbli, li huma
deċiżi fuq il-livell tal-IMO bil-kontribuzzjoni sħiħa
tal-Istati Membri. Hija sempliċiment tidentifika b'mod ċar liema
speċifikazzjonijiet u standards tekniċi tal-IMO għandhom
jiġu applikati. 3. Għanijiet tal-inizjattiva tal-UE 3.1. Għanijiet ġenerali Skont
l-Artikoli 90 u 91 tat-TFUE, il-Politika Komuni tat-Trasport (CTP)
għandha tikkontribwixxi għall-għanijiet usa' tat-Trattati. Fi
ħdan il-qafas tas-CTP u meta jitqiesu l-ispeċifiċitajiet
tat-tagħmir tal-baħar, l-għan ġenerali tal-inizjattiva
proposta għandu żewġ aspetti: ·
it-titjib tal-mekkaniżmi ta’ implimentazzjoni
u infurzar tal-MED, biex b’hekk ikun garantit il-funzjonament xieraq tas-suq
intern tat-tagħmir tal-baħar filwaqt li jkun żgurat livell
għoli ta’ sikurezza fuq il-baħar u l-prevenzjoni tat-tniġġis
tal-baħar; ·
is-simplifikazzjoni tal-ambjent regolatorju filwaqt
li jkun żgurat li r-rekwiżiti tal-IMO jiġu applikati u
implimentati b’mod armonizzat mal-UE kollha, u b’hekk jikkontribwixxu biex
jiżguraw li l-kundizzjonijiet neċessarji għall-kompetittività
tal-industrija tal-Unjoni jeżistu skont l-Artikolu 173 tat-TFUE. 3.2. Għanijiet
speċifiċi Abbażi tal-problema u l-kawżi
ewlenin relatati magħha stabbiliti fit-Taqsima 2 hawn fuq,
l-għan ġenerali b’żewġ aspetti jista’ jwassal għal
għanijiet aktar speċifiċi: ·
il-kisba ta’ mod ottimali biex il-MED tiġi
allinjata mal-Qafas Leġiżlattiv Ġdid (kif rikjest skont
l-Artikolu 2 tad-Deċiżjoni 768/2008/KE
(Id-Deċiżjoni dwar l-NLF) filwaqt li jitqiesu
l-ispeċifiċitajiet tat-tagħmir tal-baħar fil-qasam
tas-sorveljanza tas-suq, il-valutazzjoni tal-konformità tal-prodotti u
l-obbligi tal-parteċipanti fil-katina tad-distribuzzjoni. ·
it-tqassir, is-simplifikazzjoni u l-kjarifika
tat-traspożizzjoni tal-emendi għall-istandards tal-IMO fl-oqsfa
leġiżlattivi Ewropej u nazzjonali. 4. Għażliet ta’ politika Il-Kummissjoni
identifikat erba' għażliet ta’ politika – minbarra x-xenarju ta’
referenza. L-għażliet kollha ta’ politika tfasslu biex ikunu
jistgħu jindirizzaw iż-żewġ għanijiet
speċifiċi definiti fit-Taqsima 3. Il-Kummissjoni wettqet
valutazzjoni preliminari tal-4 għażliet politiċi possibbli
fuq il-bażi tal-effikaċja tagħhom fl-indirizzar tas-sorsi
tal-problemi attwali u tal-effiċjenza tagħhom. B'mod parallel,
ġiet ivvalutata l-koerenza tal-għażliet ta’ politika possibbli
mal-prinċipji tas-sussidjarjetà u l-proporzjonalità. B’riżultat ta’
dan l-iskrinjar preliminari, inżammu 2 għażliet ta’
politika, minbarra x-xenarju ta’ referenza, għal valutazzjoni fil-fond. L-Għażla
ta’ Politika Nru 2 tipprevedi allinjament massimu tal-MED mal-NLF, fejn
jinżammu d-differenzi li hemm minn mal-NLF għal dawk il-kwistjonijiet
fejn jitqies li huwa indispensabbli f’kull każ – jiġifieri l-immarkar
speċifiku. L-Għażla
ta’ Politika 3 tieħu l-forma ta’ allinjament kondizzjonali tal-MED
mal-NLF, fejn jiġu introdotti soluzzjonijiet addizzjonali
speċifiċi għall-MED sabiex jottimizzaw l-effikaċja
tal-istrument, jiġifieri fl-oqsma tar-rekwiżiti u l-istandards
tal-IMO, l-obbligi tal-operaturi ekonomiċi, l-użu ta’ moduli
tal-valutazzjoni tal-konformità, it-traċċabbiltà tal-prodott u l-klawsola
ta’ salvagwardja. Dawn l-oqsma fil-biċċa l-kbira, jkunu l-istess fejn
il-MED attwalment ma ssegwix l-Approċċ il-Ġdid. Tabella 1: Deskrizzjoni tal-Għażliet ta’ Politika
li nżammu || Għażla ta’ Politika 2 allinjament massimu mal-NLF || Għażla ta’ Politika 3 allinjament kondizzjonali mal-NLF · Għan speċifiku Nru 1: Is-sejba ta’ mod ottimali għall-allinjament tal-MED mal-NLF filwaqt li jitqiesu l-ispeċifiċitajiet tat-tagħmir tal-baħar Sorveljanza tas-suq || || Qafas komuni tal-UE || Traspożizzjoni kelma b’kelma tad-dispożizzjonijiet tal-NLF fil-MED || · L-istess bħall-Għażla ta’ Politika 2 Mekkaniżmi ta’ kontroll ta’ wara s-suq aktar effikaċi || Traspożizzjoni kelma b’kelma tad-dispożizzjonijiet tal-NLF fil-MED || · L-istess bħall-Għażla ta’ Politika 2 + Introduzzjoni tal-possibbiltà li jintużaw it-tikketti elettroniċi biex jingħataw għodod aħjar għas-sorveljanza tas-suq biex jinstab it-tagħmir mhux konformi. Proċedura tal-klawżola ta’ salvagwardja || Traspożizzjoni kelma b’kelma tad-dispożizzjonijiet tal-NLF fil-MED || · L-istess bħall-Għażla ta’ Politika 2 + Dispożizzjonijiet addizzjonali li jadattaw l-amministrazzjoni tal-klawżola ta’ salvagwardja, sabiex ikun possibbli li l-Kummissjoni tiddeċiedi li tillimita l-valutazzjoni tagħha b’rispett tal-proċedura xierqa mill-Istat Membru kkonċernat. Valutazzjoni tal-konformità tal-prodotti || || Rekwiżiti essenzjali || Traspożizzjoni kelma b’kelma tad-dispożizzjonijiet tal-NLF fil-MED – l-annessi attwali tal-MED jitħallew barra; il-konformità mar-rekwiżiti tal-IMO[3] tinbidel f'"rekwiżit essenzjali". || · Ir-regoli tekniċi obbligatorji inklużi rekwiżiti obbligatorji u mhux obbligatorji tal-IMO kif ukoll standards tal-ittestjar Ewropej u internazzjonali żviluppati minn organizzazzjonijiet ta’ standardizzazzjoni Ewropej u internazzjonali fuq il-bażi tar-rekwiżiti tal-IMO. Notifika tal-korpi tal-valutazzjoni tal-konformità || Traspożizzjoni kelma b’kelma tad-dispożizzjonijiet tal-NLF fil-MED || · L-istess bħall-Għażla ta’ Politika 2 Proċeduri tal-valutazzjoni tal-konformità || Traspożizzjoni kelma b’kelma tad-dispożizzjonijiet tal-NLF fil-MED || · L-użu selettiv ta’ moduli tal-valutazzjoni tal-konformità, fejn partikolarment il-moduli A u C (li jikkorrispondu mal-possibbiltà ta' valutazzjoni tal-konformità tal-prodotti minn Korpi Notifikati ta’ ġewwa) ma jinżammux. Immarkar tas-CE || L-ebda allinjament, l-immarkar tas-CE huwa sostitwit minn wheelmark || · L-ebda allinjament, l-immarkar tas-CE huwa sostitwit minn wheelmark Sett ta’ għodda ta’ miżuri għall-użu fil-leġiżlazzjoni || || Obbligi tal-parteċipanti fil-katina tad-distribuzzjoni || Traspożizzjoni kelma b’kelma tad-dispożizzjonijiet tal-NLF fil-MED || · L-adattament tal-obbligi tal-parteċipanti fil-katina tad-distribuzzjoni, li jirrifletti l-irrilevanza tal-konċentazzjoni fuq sehem żgħir tat-tagħmir tal-baħar li huwa fil-fatt imqiegħed fis-suq fit-territorju tal-UE. · Manifatturi: l-istess bħall-Għażla ta’ Politika 2 · L-importaturi u d-distributuri: identifikazzjoni u reġistrazzjoni; kooperazzjoni mal-awtoritajiet ta’ sorveljanza tas-suq (informazzjoni, dokumentazzjoni, tneħħija tar-riskji, eċċ.) Definizzjonijiet u proċeduri armonizzati (ħlief l-immarkar tas-CE) || Traspożizzjoni kelma b’kelma tad-dispożizzjonijiet tal-NLF fil-MED || · L-istess bħall-Għażla ta’ Politika 2 · Għan speċifiku Nru 2: is-simplifikazzjoni, il-kjarifika u t-tqassir tat-traspożizzjoni tal-emendi għall-istandards tal-IMO fl-oqsfa leġiżlattivi Ewropej u nazzjonali. -/- || L-ebda traspożizzjoni fl-ordni legali tal-UE; ir-rekwiżiti tal-IMO fl-għamla ta’ rekwiżiti essenzjali direttament applikabbli fl-Istati Membri; l-istandards internazzjonali u Ewropej huma fakultattivi u jagħtu preżunzjoni ta’ konformità. || · It-traspożizzjoni tar-rekwiżiti tal-IMO permezz ta’ Regolamenti ta’ implimentazzjoni jew ta’ delega, li ma jeħtiġux it-traspożizzjoni fil-leġiżlazzjonijiet nazzjonali. L-istandards tal-ittestjar (kemm jekk żviluppati mill-IMO kif ukoll mill-korpi tal-istandardizzazzjoni) huma obbligatorji. 5. Valutazzjoni tal-impatti It-tabella li
ġejja tippreżenta valutazzjoni kwalitattiva aggregata tal-impatti
ekonomiċi, soċjali u ambjentali mistennija. Tabella 2: Valutazzjoni kwalitattiva tal-impatti
mistennija tal-Għażla ta’ Politika 2 u l-Għażla ta’
Politika 3 || Għażla ta’ Politika 2 || Għażla ta’ Politika 3 L-impatti ekonomiċi || || Suq intern || || Qafas komuni tal-UE || ++ || ++ Mekkaniżmi ta’ kontroll ta’ wara s-suq aktar effikaċi || ++ || +++ Proċedura tal-klawżola ta’ salvagwardja || ++ || +++ Valutazzjoni tal-konformità tal-prodotti || ++ || +++ Obbligi għall-parteċipanti fil-katina tad-distribuzzjoni || - || ++ Definizzjonijiet armonizzati || = || = Interpretazzjoni u implimentazzjoni uniformi tar-rekwiżiti tal-IMO || -- || = Spejjeż operattivi u piż amministrattiv || || Operaturi ekonomiċi || ++ || +++ Korpi notifikati || = || = SMEs || + || ++ Kompetittività tal-operaturi ekonomiċi || || Sistema ta’ infurzar || ++ || +++ Traċċabbiltà tal-prodotti || + || ++ Obbligi tal-parteċipanti fil-katina tad-distribuzzjoni || - || = Valutazzjoni tal-konformità || ++ || +++ Awtoritajiet pubbliċi || = || ++ Utenti u passiġġieri || = || = Pajjiżi terzi u relazzjonijiet internazzjonali || = || = Impatti soċjali || || Sikurezza || ++ || +++ Tniġġis ambjentali || || Tniġġis tal-baħar || ++ || +++ Simplifikazzjoni tal-ambjent regolatorju || + || +++ Spjegazzjoni: = linja
ta’ referenza jew ekwivalenti għal-linja ta’ referenza + sa +++ sitwazzjoni ftit
aħjar jew ħafna aħjar meta mqabbel mal-linja ta’ referenza - sa - - - sitwazzjoni ftit
agħar jew ħafna agħar meta mqabbel mal-linja ta’ refernza Meta mqabbla mal-linja ta’ referenza,
irriżulta li ż-żewġ għażliet ta’ politika jwasslu
għal impatti pożittivi fil-biċċa l-kbira tal-każijiet,
partikolarment fir-rigward tal-effikaċja tal-mekkaniżmi ta’ kontroll
u ta’ infurzar (il-korpi notifikati, is-sorveljanza tas-suq, u l-klawsola ta’
salvagwardja). B’riżultat ta’ dan, iż-żewġ
għażliet ta’ politika fuq kollox għandhom iwasslu għal
aktar sikurezza u ħarsien aħjar tal-ambjent tal-baħar.
Is-sistema attwali ta’ traspożizzjoni tar-rekwiżiti tal-IMO
f'ordnijiet legali nazzjonali fiż-żewġ każijiet tibbenifika
minn mekkaniżmi aktar veloċi u effiċjenti,
iċċentralizzati fil-każ tal-Għażla ta’ Politika 3
filwaqt li fil-każ tal-Għażla ta’ Politika 2 jitħallew
kompletament f'idejn l-Istati Membri. Madankollu, l-Għażla ta’
Politika 2 għandha żewġ żvantaġġi
importanti. L-ewwel nett, is-sostituzzjoni tal-annessi tad-Direttiva attwali
b'rekwiżit ġeneriku ta’ konformità mar-rekwiżiti tekniċi u
l-istandards tal-ittestjar rilevanti internazzjonali, fuq żmien twil,
taffettwa b’mod negattiv il-funzjonament bla xkiel tas-suq intern, peress li
fil-medda taż-żmien żgur jiżdiedu d-differenzi bejn
l-Istati Membri; dan jaffettwa wkoll is-sikurezza, peress li mhux l-Istati
Membri kollha jimplimentaw ir-rekwiżiti l-aktar moderni fil-ħin,
filwaqt li bosta strumenti mhux obbligatorji siewja li ġejjin mill-IMO
jitwarrbu kompletament fil-ġenb. It-tieni nett, allinjament tal-obbligi
tal-operaturi ekonomiċi fuq l-NLF jirriżulta f’piż addizzjonali
u sproporzjonat l-aktar għall-importaturi u d-distributuri: dawn
il-parteċipanti, li huma rilevanti biss għal frazzjoni żgħira
tat-tagħmir li jiġi importat ġewwa t-territorju tal-UE, xorta
jridu joħolqu struttura amministrattiva li ma teżistix illum u li
l-benefiċċji tagħha mhux ser jidhru fil-parti l-kbira
tal-prodotti koperti bid-Direttiva – li huma direttament installati abbord
vapuri tal-UE f’tarznari għat-tiswija u l-bini ta’ vapuri, l-aktar barra
t-territorju tal-UE. B’kuntrast, l-Għażla ta’
Politika 3, minħabba s-soluzzjonijiet tagħha speċifiċi
għall-MED li huma selettivament adattati għall-karatteristiċi
partikolari fis-settur tat-tagħmir tal-baħar, hija aktar
vantaġġuża f'diversi oqsma: ·
L-użu ta’ regolamenti ta’ implimentazzjoni jew
ta’ delega minflok l-annessi tad-Direttiva attwali jipprovdi mekkaniżmu li
huwa veloċi daqs is-soluzzjoni prevista taħt l-Għażla ta’
Politika 2 u mingħajr l-iżvantaġġi msemmija hawn fuq
għas-Suq Intern peress li r-rekwiżiti applikabbli jibqgħu
totalment armonizzati f’kull ħin; barra minn hekk din is-sistema tipprovdi
aktar ċertezza legali għall-operaturi u hija irħas
għall-amministrazzjonjiet pubbliċi; ·
Il-kontroll tal-konformità jitjieb
bis-saħħa tal-identifikazzjoni ċara tal-istandards
tal-ittestjar, filwaqt li l-implimentazzjoni ta’ strumenti mhux obbligatorji
tal-IMO jagħti vantaġġ ċar lill-Għażla ta’
Politika 3 f’termini ta’ sikurezza; ·
Il-possibbiltà li jintużaw it-tikketti
elettroniċi ttejjeb l-effettività tas-sorveljanza tas-suq u tgħin
tipproteġi lill-IPR tal-manifattura b'nefqa negliġibbli; ·
Obbligi adattati aħjar għall-operaturi
ekonomiċi jneħħu l-piżijiet bla bżonn; ·
Klawsola ta’ salvagwardja aktar sempliċi u
veloċi telimina spejjeż ekonomiċi u reputazzjonali mhux
meħtieġa għall-manifatturi li jkunu konformi. 6. Tqabbil tal-għażliet F'termini ta’ effikaċja, il-miżuri
speċifiċi li hemm fl-Għażla ta’ Politika 3 jippermettu
lill-MED biex tilħaq aħjar l-għan ġenerali ta’ garanzija
tal-funzjonament xieraq tas-suq intern għat-tagħmir tal-baħar
filwaqt li jiżguraw livell għoli ta’ sikurezza fuq il-baħar u
l-prevenzjoni tat-tniġġis tal-baħar, billi jadattaw aħjar
għall-karatteristiċi partikolari tas-settur. Dan huwa prinċipalment
il-każ tal-mekkaniżmi msaħħa ta’ infurzar u kontroll
(sorveljanza aħjar tas-suq, klawżola ta’ salvagwardja ssimplifikata)
u sistema li tiżgura li r-rekwiżiti kollha rilevanti tal-IMO
(obbligatorji jew le) kif ukoll l-istandards internazzjonali u Ewropej huma
implimentati fi ħdan l-UE b'mod armonizzat. Barra minn hekk,
l-Għażla ta’ Politika 3 telimina l-ħtieġa
tat-traspożizzjoni tal-emendi fis-27 sistema legali tal-Istati Membri
li hija l-ħtieġa l-aktar ta’ piż u ta’ konfużjoni, filwaqt
li l-Għażla ta’ Politika 2 tħalliha mhix mittiefsa.
Għal din ir-raġuni, l-Għażla ta' Politika 3
għandha tiġi ppreferuta mill-Għażla ta’ Politika 2. F’dak li jirrigwarda l-effiċjenza,
l-Għażla ta’ Politika 3 toffri soluzzjonijiet b'anqas
spejjeż u piż amministrattiv mill-Għażla ta'
Politika 2 għal partijiet interessati differenti, flimkien ma’ effett
ta’ benefiċċju aktar b’saħħtu fuq il-kompetittività (partikolarment
fir-rigward tal-SMEs). Għalhekk l-Għażla ta’ Politika 3
toħroġ bħala l-iktar għażla effiċjenti. Fir-rigward tal-koerenza mal-objettivi,
l-istrateġiji u l-prijoritajiet ġenerali tal-UE, filwaqt li
ż-żewġ għażliet ta’ politika jwasslu għal titjib
f'termini ta’ sikurezza marittima u l-ħarsien tal-ambjent tal-baħar,
u qafas legali simplifikat, l-aħjar riżultati għandhom ikunu
mistennija mill-Għażla ta’ Politika 3 filwaqt li
l-Għażla ta' Politika 2 tista’ ma tkunx kapaċi twassal
għall-funzjonament bla xkiel tas-suq intern. Tabella 3: Tqabbil tal-Għażliet ta’ Politika || Effikaċja || Effiċjenza || Koerenza Linja ta’ referenza || le || le || le Għażla ta’ Politika 2 || baxxa || baxxa || medja Għażla ta’ Politika 3 || għolja || għolja || għolja Fid-dawl ta’ dan ta’ hawn fuq, b’mod
ġenerali l-Għażla ta’ Politika 3 tikklassifika aħjar
mill-Għażla ta’ Politika 2 u għalhekk, hija l-għażla
preferuta. 7. Monitoraġġ u evalwazzjoni Ladarba tkun allinjata mal-qafas regolatorju
ġdid għall-kummerċjalizzazzjoni tal-prodotti, il-MED se
tibbenefika bis-sħiħ mill-mekkanizmu ta’ monitoraġġ u
evalwazzjoni ta’ dan il-qafas. Ġew previsti miżuri speċifiċi
flimkien mal-allinjament sabiex tkun ivverfikata l-effikaċja tal-azzjoni u
jinġabru reazzjonijiet mill-partijiet interessati bħal: ·
B’riżultat tar-riforma se tinkiseb aktar dejta
informattiva mill-attivitajiet tas-sorveljanza tas-suq kif ukoll mill-kontroll
tal-Istat tal-port. L-EMSA se tkompli tirfina l-produzzjoni tal-istatistika
dwar l-implimentazzjoni tad-Direttiva u se torganizza sessjonijiet ta’
ħidma għal diskussjoni teknika u attivitajiet ta’ taħriġ
mal-Istati Membri. ·
Se jkomplu l-kuntatti mal-industrija inklużi
sessjonijiet ta’ ħidma dwar l-implimentazzjoni tal-MED emendata. ·
It-tisħiħ tal-attivitajiet tal-grupp
MARED ta’ korpi notifikati. ·
Fl-aħħar nett, se tiġi organizzata
evalwazzjoni ex-post fi żmien [5 snin] mid-dħul
fis-seħħ tas-sistema l-ġdida. [1] Għal deskrizzjoni tal-Approċċ Ġdid u
problemi assoċjati miegħu, ara l-Valutazzjoni tal-impatt
tal-Kummissjoni dwar il-proposta għal Regolament li jistabbilixxi
r-rekwiżiti għall-akkreditazzjoni u għas-sorveljanza tas-suq
relatati mal-kummerċjalizzazzjoni ta' prodotti, u Deċiżjoni dwar
qafas komuni għall-kummerċjalizzazzjoni tal-prodotti,
SEC 2007(173). [2] L-Anness 7 tal-valutazzjoni tal-impatt attwali fiha
deskrizzjoni tal-elementi tal-NLF. [3] Konsegwentement, rekwiżiti mhux obbligatorji, rakkomandazzjonijiet
u linji gwida ma jkunux koperti minn dan ir-rekwiżit essenzjali.