This document is an excerpt from the EUR-Lex website
Document 52012PC0291
Proposal for a COUNCIL IMPLEMENTING DECISION amending Implementing Decision 2011/77/EU on granting Union financial assistance to Ireland
Proposta għal DEĊIŻJONI TA’ IMPLIMENTAZZJONI TAL-KUNSILL li temenda d-Deċiżjoni ta’ Implimentazzjoni 2011/77/UE dwar l-għoti ta’ assistenza finanzjarja tal-Unjoni lill-Irlanda
Proposta għal DEĊIŻJONI TA’ IMPLIMENTAZZJONI TAL-KUNSILL li temenda d-Deċiżjoni ta’ Implimentazzjoni 2011/77/UE dwar l-għoti ta’ assistenza finanzjarja tal-Unjoni lill-Irlanda
/* COM/2012/0291 final - 2012/0153 (NLE) */
Proposta għal DEĊIŻJONI TA’ IMPLIMENTAZZJONI TAL-KUNSILL li temenda d-Deċiżjoni ta’ Implimentazzjoni 2011/77/UE dwar l-għoti ta’ assistenza finanzjarja tal-Unjoni lill-Irlanda /* COM/2012/0291 final - 2012/0153 (NLE) */
MEMORANDUM TA’ SPJEGAZZJONI Fuq talba tal-Irlanda,
fis-7 ta' Diċembru 2010, il-Kunsill ta assistenza
finanzjarja lill-Irlanda, (id-Deċiżjoni ta' Implimentazzjoni
tal-Kunsill 2011/77/UE) f'appoġġ għal programm qawwi ta'
riforma ekonomika u finanzjarja bil-għan li tinkiseb mill-ġdid
il-fiduċja, u b'hekk l-ekonomija tkun tista' tirritorna għal tkabbir
sostenibbli, u tiġi ssalvagwardjata l-istabbiltà finanzjarja fl-Irlanda,
fiż-żona tal-euro u fl-UE. B'konformità mal-Artikolu 3(9)
tad-Deċiżjoni 2011/77/UE, il-Kummissjoni, flimkien mal-FMI u
b'kooperazzjoni mal-BĊE, wettqet is-sitt analiżi tal-progress
tal-awtoritajiet Irlandiżi dwar l-implimentazzjoni tal-miżuri maqbula
kif ukoll dwar l-effettività u l-impatt ekonomiku u soċjali tal-miżuri
maqbula. Il-Kummissjoni, filwaqt li tqis il-prospettiva
ekonomika riveduta, kif ukoll l-informazzjoni li waslet sadanittant, tipproponi
li tbiddel il-kundizzjonijiet tal-politika ekonomika li jsostnu l-assistenza
kif spjegat hawn taħt. Il-Kummissjoni tara l-bidliet proposti
għall-kundizzjonijiet tal-politika ekonomika bħala meħtieġa
biex jiżguraw l-implimentazzjoni mingħajr intoppi tal-programm u
jiżguraw l-għanijiet tal-programm. 2012/0153 (NLE) Proposta għal DEĊIŻJONI TA’ IMPLIMENTAZZJONI
TAL-KUNSILL li temenda d-Deċiżjoni ta’
Implimentazzjoni 2011/77/UE dwar l-għoti ta’ assistenza finanzjarja
tal-Unjoni lill-Irlanda IL-KUNSILL TAL-UNJONI EWROPEA, Wara li kkunsidra t-Trattat dwar
il-Funzjonament tal-Unjoni Ewropea, Wara li kkunsidra r-Regolament tal-Kunsill
(UE) Nru 407/2010 tal-11 ta’ Mejju 2010 li jistabbilixxi
mekkaniżmu Ewropew ta’ stabbilizzazzjoni finanzjarja[1], u b’mod partikulari
l-Artikolu 3(2) tiegħu, Wara li kkunsidra l-proposta mill-Kummissjoni
Ewropea, Billi: (1) Wara t-talba mill-Irlanda,
il-Kunsill taha assistenza finanzjarja (id-Deċiżjoni ta'
Implimentazzjoni 2011/77/UE[2])
bħala appoġġ għall-programm qawwi ta' riforma ekonomika u
finanzjarja bil-għan li tinkiseb il-fiduċja mill-ġdid, u b'hekk
l-ekonomija tkun tista' tirritorna għal tkabbir sostenibbli, u tiġi ssalvagwardjata
l-istabbiltà finanzjarja fl-Irlanda, fiż-żona tal-euro u fl-Unjoni. (2) B'konformità
mal-Artikolu 3(9) tad-Deċiżjoni ta'
Implimentazzjoni 2011/77/UE, il-Kummissjoni, flimkien mal-FMI u
b'kooperazzjoni mal-Bank Ċentrali Ewropew (BĊE), għamlet
ir-raba' reviżjoni tal-progress tal-awtoritajiet Irlandiżi dwar
l-implimentazzjoni tal-miżuri maqbula kif ukoll dwar l-effettività u
l-impatt ekonomiku u soċjali tal-miżuri maqbula. (3) F’Settembru 2011,
l-awtoritajiet Irlandiżi kienu ppreżentaw lill-Parlament
leġiżlazzjoni li ssaħħaħ is-sostenibbiltà fit-tul
tal-finanzi pubbliċi, kif previst skont il-programm. Xi elementi
tar-riforma prevista ma kinux adottati mill-Parlament sa tmiem is-sitt
reviżjoni trimestrali msemmija hawn fuq (partikolarment, fir-rigward
tad-drittijiet għall-pensjoni għal min jidħol ġdid
fis-servizz pubbliku, inkluża reviżjoni ta’ irtirar
aċċellerat għal ċerti kategoriji ta’ uffiċjali
pubbliċi u indiċjar tal-pensjonijiet fuq il-prezzijiet
tal-konsumatur, ir-rabta tal-benefiċċji tal-pensjonijiet
mal-qligħ medju mill-karriera u l-età tal-irtirar mal-età tal-irtirar
tal-pensjoni tal-Istat). L-awtoritajiet impenjaw ruħhom li jiżguraw
l-approvazzjoni ta' dawn id-dispożizzjonijiet sa tmiem l-2012. (4) Fid-dawl tal-posponiment
tal-eżerċizzju tat-test tal-istress fl-UE kollha, imwettaq taħt
l-awspiċi tal-Awtorità Bankarja Ewropea għall-2013, huwa meqjus
xieraq li t-test tal-istress li jmiss tal-banek Irlandiżi li huma
proprjetà tal-Irlandiżi stess jiġi pospost għall-2013.
Sadanittant, l-awtoritajiet identifikaw flussi ta’ xogħol preparatorji
prinċipali, li ser jitlestew matul l-2012. (5) L-awtoritajiet Irlandiżi
identifikaw miżuri addizzjonali li se jwettqu matul l-2012 biex inaqqsu
l-qgħad u jsostnu l-kisba tal-għanijiet tal-programm. B’mod
partikolari, huma se jieħdu passi biex tiżdied l-effikaċja
tal-attivazzjoni tas-suq tax-xogħol u tal-politiki ta’ taħriġ
tagħhom u biex inaqqsu kwalunkwe potenzjal għal pagamenti
soċjali li jipprovdu diżinċentivi għal nies li kapaċi
jaħdmu filwaqt li jipproteġu lil dawk l-aktar vulnerabbli. (6) Fid-dawl ta' dawn
l-iżviluppi u kunsiderazzjonijiet, id-Deċiżjoni ta'
Implimentazzjoni 2011/77/UE għandha tiġi emendata. ADOTTA DIN ID-DEĊIŻJONI: Artikolu 1 L-Artikolu 3 tad-Deċiżjoni ta’
Implimentazzjoni 2011/77/UE għandu jiġi emendat kif ġej: (1) fil-paragrafu 7, il-punt (d)
għandu sostitwit b'dan li ġej: “ (d) l-adozzjoni ta' leġiżlazzjoni
sabiex tiżdied l-età tal-pensjoni tal-Istat għal 66 sena
fl-2014, 67 fl-2021, u 68 fl-2028, bl-għan li tissaħħaħ
is-sostenibbiltà fit-tul tal-finanzi pubbliċi. (2) fil-paragrafu (8), qed jiżdiedu
l-punti li ġejjin: "(f) it-tlestija tal-flussi ta’ xogħol
li ġejjin f’banek Irlandiżi proprjetà tal-Irlandiżi stess, li
abbażi tar-riżultati tagħhom l-awtoritajiet Irlandiżi se jirrapportaw
lill-Kummissjoni Ewropea, lill-BĊE u lill-FMI: (i) analiżi
indipendenti tal-kwalità tal-assi li tevalwa l-kwalità ta’ portafolji ta’ self
aggregat u individwali u l-proċessi użati għall-istabbiliment u
l-monitoraġġ tal-kwalità tal-assi; (ii) analiżi oneruża
tal-obbligu ta’ kreditu biex tkun valutata l-kapaċità u l-effikaċja
operazzjonali tal-ġestjoni oneruża ta’ portafoll ta’ self fil-banek
inkluża l-ġestjoni tal-arretrati u l-prassi ta’ ħidma biex jissaħħu
selfiet mhux produttivi u jitnaqqas it-telf tas-self; (iii)
eżerċizzju ta’ validazzjoni tal-integrità tad-dejta biex tkun
valutata l-affidabbiltà tad-dejta tal-banek; kif ukoll (iv) proġett ta’
rikonoxximent ta’ introjtu u re-ageing biex jiġu riveduti l-prattiki
eżistenti kontra l-IFRS u gwida regolatorja rilevanti; (g) il-valutazzjoni tal-progress tal-banek
mal-kalkolu ta' portafolji mhux produttivi tagħhom; (h) il-forniment lill-Kummissjoni Ewropea,
lill-BĊE u lill-FMI ta' evalwazzjoni tal-azzjonijiet meħuda
fir-rigward ta’ riċevituri ta’ pagamenti ta’ dawk li jfittxu x-xogħol
li ma jattendux għal intervisti sabiex jibdew jaħdmu; (i) it-tlestija ta’ rapport interdipartimentali
biex ikun esplorat il-kuntest ta’ tnaqqis ta’ kwalunkwe inċentiv negattiv
tal-impjieg li jirriżulta mill-istruttura ta’ pagamenti soċjali; (j) l-adozzjoni ta’ leġiżlazzjoni li
tirriforma d-drittijiet tal-pensjoni għal ħaddiema ġodda li
jidħlu fis-servizz pubbliku. Dan għandhu jinkludi reviżjoni
tal-irtirar aċċellerat għal ċerti kategoriji ta' impjegati
tas-servizz u indiċjar tal-pensjonijiet mal-prezzijiet
għall-konsumatur. Il-pensjonijiet għandhom ikunu bbażati fuq
introjti medji matul il-karriera. L-età tal-irtirar għal impjegati
ġodda għandha tkun marbuta mal-età tal-irtirar għall-pensjoni
tal-Istat”; Għandu jiżdied il-paragrafu li
ġej: "9. Matul l-2013 u skont l-ispeċifikazzjonijiet
fil-Memorandum ta' Qbil, l-Irlanda għandha tlesti t-testijiet tal-istress
tal-bankek li kienu inklużi fil-PCAR tal-2011. It-test tal-istress se jkun
allinjat mal-eżerċizzju tal-ABE, u se jibni fuq ir-riżultati
tal-PCAR tal-2011 u l-Programm tal-miżuri finanzjarji tal-2012. It-test
tal-istress se jkun rigoruż u jkompli jkun ibbażat fuq
previżjonijiet qawwija ta’ self bit-telf u livell għoli
ta’trasparenza. Il-pubblikazzjoni tar-riżultati se tkun allinjata
mal-perjodu ta’ żmien tal-eżerċiżżju li jmiss
tal-ABE.” Artikolu 2 Din
id-Deċiżjoni hija indirizzata lill-Irlanda. Artikolu 3 Din
id-Deċiżjoni għandha tiġi ppubblikata f’Il-Ġurnal
Uffiċjali tal-Unjoni Ewropea. Magħmul fi Brussell, Għall-Kunsill Il-President [1] ĠU L 118, 12.5.2010, p. 1. [2] ĠU L 30, 4.2.2011, p. 34.