This document is an excerpt from the EUR-Lex website
Document 52011PC0061
Proposal for a DECISION OF THE EUROPEAN PARLIAMENT AND OF THE COUNCIL on the mobilisation of the European Globalisation Adjustment Fund in accordance with point 28 of the Interinstitutional Agreement of 17 May 2006 between the European Parliament, the Council and the Commission on budgetary discipline and sound financial management (application EGF/2010/010 CZ/Unilever from the Czech Republic)
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni b'konformità mal-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni EGF/2010/010 CZ/Unilever mir-Repubblika Ċeka)
Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni b'konformità mal-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni EGF/2010/010 CZ/Unilever mir-Repubblika Ċeka)
/* KUMM/2011/0061 finali */
/* KUMM/2011/0061 finali */ Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni b'konformità mal-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni EGF/2010/010 CZ/Unilever mir-Repubblika Ċeka)
[pic] | IL-KUMMISSJONI EWROPEA | Brussel 15.2.2011 KUMM(2011) 61 finali Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni b'konformità mal-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni EGF/2010/010 CZ/Unilever mir-Repubblika Ċeka) MEMORANDUM TA’ SPJEGAZZJONI Il-Punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda[1] jippermetti l-mobilizzazzjoni tal-Fond Ewropew ta' Aġġustament għall-Globalizzazzjoni (EGF) permezz ta' mekkaniżmu ta' flessibbiltà, bil-limitu massimu annwali ta' EUR 500 miljun lil hinn mill-intestaturi rilevanti tal-qafas finanzjarju. Ir-regoli applikabbli għall-kontribuzzjonijiet mill-EGF huma stipulati fir-Regolament (KE) Nru 1927/2006 tal-Parlament Ewropew u tal-Kunsill tal-20 ta' Diċembru 2006 li jistabbilixxi l-Fond Ewropew ta' Aġġustament għall-Globalizzazzjoni[2]. Fl-24 ta' Marzu 2010, ir-Repubblika Ċeka ressqet applikazzjoni EGF/2010/010 CZ/Unilever għal kontribuzzjoni finanzjarja mill-EGF, wara li ngħataw is-sensji f'Unilever ČR spol.s r.o. f'Nelahozeves fir-Repubblika Ċeka (minn hawn 'il quddiem 'Unilever'). Wara analiżi bir-reqqa ta' din l-applikazzjoni, il-Kummissjoni kkonkludiet skont l-Artikolu 10 tar-Regolament (KE) Nru 1927/2006 li l-kundizzjonijiet għal kontribuzzjoni finanzjarja skont dan ir-Regolament huma ssodisfati. SOMMARJU TAL-APPLIKAZZJONI U ANALIŻI Dejta prinċipali: | Nru ta’ Referenza tal-EGF | EGF/2010/010 | Stat Membru | Ir-Repubblika Ċeka | Artikolu 2 | (a) | Intrapriża primarja | Unilever ČR spol.s r.o. | Fornituri u produtturi iktar l-isfel fil-katina tal-produzzjoni | 0 | Perjodu ta’ referenza | 16.9.2009 – 16.1.2010 | Data ta' bidu għas-servizzi personalizzati | 16.10.2009 | Data tal-applikazzjoni | 24.3.2010 | Sensji matul il-perjodu ta’ referenza | 634 | Sensji qabel u wara l-perjodu ta' referenza | 0 | Sensji totali eliġibbli | 634 | Ħaddiema li ngħataw is-sensja li huma identifikati għall-għajnuna | 460 | Nefqa għas-servizzi personalizzati (EUR) | 474 463 | Nefqa għall-implimentazzjoni tal-EGF[3] (EUR) | 23 723 | Nefqa għall-implimentazzjoni tal-EGF (%) | 4,8 | Baġit totali (EUR) | 498 186 | Il-kontribuzzjoni tal-EGF (65 %) (EUR) | 323 820 | 1. L-applikazzjoni tressqet quddiem il-Kummissjoni fl-24 ta' Marzu 2010 u kienet supplimentata b'tagħrif addizzjonali sal-20 ta’ Settembru 2010. 2. L-applikazzjoni tissodisfa l-kondizzjonijiet għall-użu tal-EGF kif stabbilit fl-Artikolu 2(a) tar-Regolament (KE) Nru 1927/2006, u ġiet sottomessa fi żmien il-perjodu speċifikat ta’ 10 ġimgħat imsemmi fl-Artikolu 5 ta’ dak ir-Regolament. Ir-rabta bejn is-sensji u l-bidliet strutturali maġġuri fl-andamenti tal-kummerċ dinji minħabba l-globalizzazzjoni jew il-kriżi finanzjarja u ekonomika globali 3. Sabiex tiġi stabbilita rabta bejn is-sensji u l-kriżi finanzjarja u ekonomika globali, ir-Repubblika Ċeka ssostni li l-konsum u l-bejgħ ta' prodotti tal-ikel bħal ma huma dawk prodotti minn Unilever fir-Repubblika Ċeka naqsu serjament minħabba din il-kriżi. Hi kkwotat statistika tal-Eurostat li turi li f'perjodu ta' tnax-il xahar minn Settembru 2008 sa Awwissu 2009, il-fatturat tal-bejgħ fl-UE 27 naqas bi 3,32 % fiż-żona tal-Euro b'4,52 %, u fir-Repubblika Ċeka b'5,88 %. L-impjant ta' produzzjoni ta' Unilever f'Nelahozeves forna prodotti lis-suq kollu tal-UE, u t-tnaqqis fid-domanda għall-prodotti tiegħu wassal biex dan ma jkunx sostenibbli. Madwar 45 % tal-produzzjoni tiegħu, madankollu, forna s-suq 'lokali' - ir-Repubblika Ċeka u r-Repubblika Slovakka - u ċifri mill-Uffiċċju Ċek tal-Istatistika, ikkwotati fl-applikazzjoni, jikkonfermaw li s-settur tan-negozju bl-imnut fir-Repubblika Ċeka naqas b'5,88 % fis-sena sa Settembru 2009. Ir-Repubblika Ċeka ssostni li ħafna konsumaturi bidlu l-andamenti ta' xiri tagħhom b'reazzjoni għall-inċertezzi li nħolqu minħabba l-kriżi ekonomika globali. Xi konsumaturi rażżnu l-infiq tagħhom, u oħrajn bdew jixtru prodotti ta' kwalità aktar baxxa. Iż-żewġ fatturi kellhom impatt gravi ħafna fuq id-domanda għal prodotti bil-marka bħal ma huma dawk prodotti mill-Unilever. L-applikazzjoni tikkwota ċifri tal-Eurostat dwar il-Fiduċja tal-Konsumatur, li juru tnaqqis kbir fl-UE-27 u fir-Repubblika Ċeka matul l-2009. It-tnaqqis fil-fiduċja tal-konsumatur u t-tnaqqis fil-bejgħ wasslu ineżoribbilment għal tnaqqis fil-produzzjoni f'Nelahozeves, u riorganizzazzjoni tal-kapaċità tal-produzzjoni mill-Unilever. L-impriża ddeċidiet li tagħlaq il-fabbrika tagħha f'Nelahozeves u li tforni lis-swieq lokali u dawk tal-UE minn siti ta' produzzjoni oħra, inklużi dawk ibbażati fi bnadi oħra tal-UE. Turija tal-għadd tas-sensji u konformità mal-kriterji tal-Artikolu 2(a) 4. Ir-Repubblika Ċeka ressqet din l-applikazzjoni skont il-kriterji ta' invervent tal-Artikolu 2(a) tar-Regolament (KE) Nru 1927/2006, li jitlob li jkun hemm minn tal-inqas 500 sensja matul perjodu ta' erba' xhur f'intrapriża fi Stat Membru, inklużi ħaddiema li ngħataw is-sensja fil-fornituri tagħhom jew fil-produtturi iktar 'l isfel fil-katina ta' produzzjoni. 5. L-applikazzjoni tikkwota 634 sensja f'Unilever matul il-perjodu ta' referenza ta' erba' xhur mis-16 ta' Settembru 2009 sas-16 ta' Jannar 2010. Is-sensji kollha ġew ikkalkulati b'konformità mat-tielet inċiż tat-tieni paragrafu tal-Artikolu 2 tar-Regolament (KE) Nru 1927/2006. B'konformità mar-rekwiżiti ta' dan l-inċiż, ir-Repubblika Ċeka pprovdiet lill-Kummissjoni b'informazzjoni supplementari dwar l-għadd attwali ta' sensji effettwati. Spjegazzjoni tan-natura mhix prevista ta' dawk is-sensji 6. Ir-Repubblika Ċeka ssostni li l-kriżi ekonomika u finanzjarja globali ma kinetx prevista, u li s-severità tagħha ma setgħetx tiġi prevista. Identifikazzjoni tal-intrapriżi li taw is-sensji u l-ħaddiema li se jingħataw l-għajnuna 7. L-applikazzjoni tikkwota total ta' 634 sensja fl-intrapriża Unilever ČR, spol.s r.o. f'Nelahozeves fir-reġjun NUTS II ta' Střední Čechy. Il-ħaddiema kollha li ngħataw is-sensja ġew offruti biex jipparteċipaw fi programm għall-klassifikazzjoni mill-ġdid, 460 minnhom aċċettaw l-offerta. 8. It-tqassim tal-ħaddiema identifikati huwa kif ġej: Kategorija | Għadd | Perċentwali | Irġiel | 219 | 47,6 | Nisa | 241 | 52,4 | Ċittadini tal-UE | 460 | 100,0 | Ċittadini mhux tal-UE | 0 | 0,0 | minn 15 sa 24 sena | 42 | 9,1 | minn 25 sa 54 sena | 358 | 77,8 | Età ’l fuq minn 54 sena | 60 | 13,1 | 9. Fit-termini ta' kategoriji professjonali jitqassmu kif ġej: Kategorija | Għadd | Perċentwali | Ħaddiema tal-produzzjoni | 235 | 51,1 | Operaturi tal-magni | 117 | 25,4 | Maniġers tal-produzzjoni | 40 | 8,7 | Kontroll tal-kwalità | 21 | 4,6 | Sewwieqa tal-krejnijiet u tal-forklifters | 18 | 3,9 | Elektrixins | 14 | 3,1 | Professjonisti amministrattivi | 4 | 0,9 | Maniġers ta' livell għoli | 5 | 1,1 | Professjonisti finanzjarji | 3 | 0,6 | Professjonisti fil-qasam tal-IT | 3 | 0,6 | 10. Skont l-Artikolu 7 tar-Regolament (KE) Nru 1927/2006, ir-Repubblika Ċeka kkonfermat li ġiet applikata, u se tkompli tiġi applikata, politika ta' ugwaljanza bejn in-nisa u l-irġiel kif ukoll ta' nondiskriminazzjoni matul l-istadji varji tal-implimentazzjoni tal-EGF u, b'mod partikolari, fl-aċċess għall-EGF. Deskrizzjoni tat-territorju kkonċernat u tal-awtoritajiet u l-partijiet interessati tiegħu 11. Nelahozeves, fejn kienet tinsab il-fabbrika ta' Unilever, jinsab f'Bohemia Ċentrali, fit-tramuntana ta' Praga, fid-distrett ta' Mělník. Id-distrett għandu popolazzjoni ta' madwar 100 000, u l-ekonomija tiegħu hija fil-maġġoranza tagħha dipendenti fuq l-ipproċessar tal-ikel, u l-industriji tal-kimika u tal-enerġija. Id-distrett huwa kkaratterizzat minn sehem għoli ta' impriżi żgħar u medji li huma attivi fl-ekonomija tiegħu. 12. Il-partijiet interessati prinċipali jinkludu l-Ministeru tal-Impjiegi u l-Affarijiet Soċjali (MOLSA), Unilever ČZ spol.s r.o., l-Uffiċċju tal-Impjiegi f'Mělník, u t-Trejdjunjin Indipendenti għall-ħaddiema fl-industrija tal-ikel fir-reġjuni ta' Bohemia u Moravia (NOSPP). L-impatt mistenni tas-sensji fir-rigward tal-impjiegi lokali, reġjonali jew nazzjonali 13. L-awtoritajiet Ċeki jsostnu li l-kriżi wasslet għal żieda sinifikanti fil-qgħad fir-Repubblika Ċeka. Fil-Bohemia Ċentrali, fejn kienet tinsab il-fabbrika ta' Unilever, ir-rata ta' qgħad żdiedet minn 3,6 % għas-sena 2008 għal 6,4 % f'Ottubru 2009. Fid-distrett ta' Nelahozeves ir-rata f'Ottubru 2009 kienet ta' 7,5 %. Għalkemm relattivament baxxa, u aktar baxxa mill-medja nazzjonali Ċeka (8,5 % f'Ottubru 2009), l-istruttura tal-qgħad fil-pajjiż tagħti lok għal tħassib. Il-qgħad fost in-nies b'edukazzjoni iktar avvanzata huwa baxx, imma fost in-nies li għandhom biss edukazzjoni bażika, ir-rata tal-qgħad hija aktar minn 25 %, u l-maġġoranza tan-nies li ngħataw is-sensja f'Unilever jaqgħu f'din il-kategorija. Għaldaqstant, il-possibbiltà ta' assorbiment mill-ġdid rapidu fis-suq tax-xogħol tonqos b'mod konsiderevoli, u mingħajr għajnuna supplementari l-ħaddiema qegħdin fir-riskju li jiġu qiegħda għal medda twila ta' żmien. Pakkett ikkoordinat ta' servizzi personalizzati li għandhom jiġu ffinanzjati u t-tqassim tal-ispejjeż stmati tiegħu, inkluża l-komplementarjetà tiegħu mal-azzjonijiet iffinanzjati mill-Fondi Strutturali 14. Il-miżuri kollha li ġejjin flimkien jiffurmaw pakkett ikkoordinat ta' servizzi personalizzati maħsuba biex jerġgħu jintegraw lill-ħaddiema fis-suq tax-xogħol. Il-miżuri se jkunu kofinanzjati minn Unilever u pprovduti mill-kumpanija jew kuntratturi li jaħdmu f'isimha. 15. Bħala l-ewwel pass, se tiġi pprovduta għajnuna għall-klassifikazzjoni mill-ġdid f'forma ta' parir dwar telfien ta' xogħol, tfittix ta' xogħol u transizzjoni fil-karriera. Speċjalist fi kwistjonijiet tal-liġi tax-xogħol, kif ukoll psikologu u konsulent f'livell għoli dwar it-transizzjoni fil-karriera se jkunu disponibbli biex iwieġbu għall-mistoqsijiet kif meħtieġ. B'żieda ma' dan, se jiġi prodott fuljett u se jkun disponibbli għall-ħaddiema li ngħataw is-sensja, li se jipprovdihom b'informazzjoni fuq, fost oħrajn, il-benefiċċji li huma mistennija li jkollhom mis-servizzi ta' klassifikazzjoni, pariri fuq kif għandhom jindirizzaw l-emozzjonijiet tagħhom, u affarijiet li għandhom jagħmlu u ma għandhomx jagħmlu fil-bidu tal-programm. 16. Għoti ta' pariri fuq bażi individwali u għajnuna għal tfittix ta' xogħol se jinkludi risposti għal mistoqsijiet speċifiċi dwar it-tfittix ta' xogħol; evalwazzjoni tal-attivitajiet attwali; preparazzjoni għal attivitajiet fil-futur; valutazzjoni ta' offerti; strateġiji li jikkummerċjalizzaw il-karrieri; analiżi tar-riżultati tal-intervisti; tfittix għax-xogħol bl-użu tal-internet u sorsi ta' informazzjoni oħra; identifikazzjoni ta' swieq identifikati (kumpaniji li jistgħu jkollhom offerti tax-xogħol xierqa); għajnuna biex jiġu indirizzati l-kumpaniji identifikati; netwerking; preparazzjoni ta' CVs u ittri ta' motivazzjoni; kuntatt ma' aġenziji governattivi; informazzjoni, kuntatt, għajnuna, u kwalifikazzjoni mill-ġdid professjonali b'konnessjoni mal-ħolqien tan-negozju; għajnuna psikoloġika jekk meħtieġa; u testijiet psikodijanjostiċi u rispons. 17. Allokazzjonijiet għat-tfittix ta' xogħol huma pprovduti lill-ħaddiema meta jibdew it-taħriġ u l-attivitajiet ta' tfittix ta' impjieg tagħhom. 18. Seminars u laqgħat ta' ħidma speċjali għal transizzjoni fil-karriera se jiffokaw fuq l-iżvilupp ta' ħiliet meħtieġa għat-tfittix ta' xogħol kif ukoll għall-ġestjoni ta' karriera li tkun għadha għaddejja. Se jkun hemm seminars separati għall-maniġers u l-ħaddiema, b'rikonoxximent għall-bżonnijiet differenti tagħhom u s-sitwazzjonijiet tas-suq tax-xogħol. Huwa mfassal seminar ta' jumejn biex jipprepara lill-maniġers li ngħataw is-sensja għal tfittix effettiv ta' impjieg ġdid. Il-partiċipanti se jitgħallmu approċċ ta' ġestjoni tal-proġetti għall-proċess tat-tfittix tax-xogħol li jipprovdi pjanijiet, miżuri u standards ta' referenza għal transizzjoni b'suċċess. Għall-ħaddiema se jkun hemm programm ta' ġurnata li se jitwassal f'żewġ sezzjonijiet ta' nofstanhar il-wieħed biex jgħin lill-ħaddiema tal-fabbrika, ħaddiema tal-manutenzjoni, ħaddiema operattivi, ħaddiema li jagħtu servizz, u ħaddiema oħra li jitħallsu bis-siegħa biex jidentifikaw ħiliet u kisbiet; jistabbilixxu għan ta' xogħol; jiżviluppaw lista ta' miri; ilestu applikazzjoni għax-xogħol, CV, jew skeda informattiva; u jitgħallmu ħiliet importanti għat-tfittix ta' xogħol. B'żieda ma' dan, għadd ta' laqgħat ta' ħidma speċifiċi se jiġu organizzati, inklużi 'CVs u ittri li jwasslu għal riżultat' ('CVs and letters that get results') u 'Intervisti Dinamiċi' ('Dynamic Interviewing'). 19. Allokazzjonijiet għat-taħriġ u għall-mobilità huma pprovduti lill-ħaddiema kollha li ngħataw is-sensja waqt li jkunu qegħdin jieħdu sehem f'attivitajiet ta' klassifikazzjoni mill-ġdid. 20. Servizzi individwali għat-transizzjoni fil-karriera għall-maniġers f'livell għoli huma ppjanati għall-impjegati f'livell għoli. Dawn is-servizzi huma mfassla biex jgħinu maniġers f'livell għoli biex ikollhom suċċess fit-transizzjoni fil-karriera, u huma mfassla biex jinkludu kull element ta' għajnuna li individwu jista' jeħtieġ, u huma magħmula apposta biex jissodisfaw ċirkustanzi li jitbiddlu. Is-sezzjonijiet individwali ta' konsultazzjoni jkopru s-suġġetti li ġejjin: kif tindirizza l-emozzjonijiet marbuta mal-proċess ta' transizzjoni; awtoevalwazzjoni bl-użu tal-għodda xierqa; valutazzjoni komprensiva tal-ħiliet, il-qawwiet, il-valuri u l-kisbiet; esplorazzjoni fil-fond tal-karriera u ta' alternattivi għax-xogħol; analiżi oġġettiva komprensiva u strateġija tas-suq; pjanijiet għall-kummerċjalizzazzjoni; preparazzjoni ta' CV, ittri ta' akkumpanjament u materjal miktub ieħor; intervista fil-fond u taħriġ għal netwerking; gwida għal valutazzjoni u negozjar ta' offerti ta' xogħol; tfittix imfassal apposta ta' impriżi u gwida għal kif wieħed jista' jaħdem magħhom; aċċess għall-faċilitajiet ta' uffiċċju, inkluż post ta' xogħol b'kompjuter, faks, imejl u internet; għajnuna fir-riċerka u fit-tfittix ta' postijiet vakanti fl-istampa; u sezzjonijiet ta' konsultazzjoni ma' esperti konsulenti f'livell għoli fit-Tfittix Eżekuttiv. 21. Se jkun hemm miżuri biex jistimulaw ħaddiema aktar imdaħħla fiż-żmien . Dawn se jinkludu laqgħat ta' ħidma li jsiru kull ġimgħa u taħriġ kif ukoll segwitu ta' konsultazzjonijiet individwali b'attenzjoni speċjali fuq awtopromozzjoni assertiva u ħiliet fil-qasam tal-IT. 22. Għajnuna għal min irid jaħdem għal rasu se tinkludi informazzjoni dwar kif wieħed jaħdem għal rasu, b'mod partikolari dwar ir-rekwiżiti legali meħtieġa biex wieħed jibda jaħdem għal rasu. Dan huwa inkluż fil-laqgħat ta' ħidma dwar klassifikazzjoni mill-ġdid, flimkien ma' konsultazzjoni individwali dwar opportunitajiet fis-suq li qegħdin jinħolqu f'reġjun speċifiku. 23. Promozzjoni tal-intraprenditorjat tinkludi laqgħa ta' ħidma dwar ir-rekwiżiti meħtieġa biex wieħed jibda l-kumpanija tiegħu stess. 24. Spejjeż relatati mal-implimentazzjoni tal-proġett (tim tal-proġett) ikopru l-ispejjeż tat-tim tal-proġett u huma marbuta direttament mal-miżuri l-oħra kollha. Għal raġunijiet ta' trasparenza l-awtoritajiet Ċeki għażlu li jibbaġittjaw u jippreżentaw dawn l-ispejjeż separatament. 25. In-nefqa għall-implimentazzjoni tal-EGF, li hija inkluża fl-applikazzjoni skont l-Artikolu 3 tar-Regolament (KE) Nru 1927/2006, tkopri attivitajiet ta’ preparazzjoni, ta' ġestjoni u ta' kontroll kif ukoll informazzjoni u pubbliċità. 26. Is-servizzi personalizzati ppreżentati mill-awtoritajiet Ċeki huma miżuri attivi tas-suq tax-xogħol fi ħdan l-azzjonijiet eliġibbli definiti fl-Artikolu 3 tar-Regolament (KE) Nru 1927/2006. L-awtoritajiet Ċeki jistmaw li l-ispejjeż totali ta’ dawn is-servizzi huma ta’ EUR 474 463 u l-ispiża għall-implimentazzjoni tal-EGF hija ta' EUR 23 723 (4,8 % tal-ammont totali). Il-kontribuzzjoni totali mitluba mill-EGF hija ta’ EUR 323 820 (65 % tal-ispejjeż totali). Azzjonijiet | Għadd stmat ta’ ħaddiema identifikati | Spiża stmata għal kull ħaddiem identifikat (EUR) | Spejjeż totali (l-EGF u l-kofinanzjament nazzjonali) (EUR) | Servizzi personalizzati (l-ewwel paragrafu tal-Artikolu 3 tar-Regolament (KE) Nru 1927/2006) | Għajnuna għall-klassifikazzjoni mill-ġdid | 460 | 44 | *20 423 | Għoti ta' pariri u għajnuna għat-tfittix ta' xogħol | 460 | 174 | 80 040 | Allokazzjoni għal tfittix ta' xogħol | 460 | 100 | 46 000 | Seminars u laqgħat ta' ħidma speċjali dwar it-transizzjoni fil-karriera | 460 | 340 | 156 400 | Allokazzjoni għal taħriġ u għal mobbiltà | 460 | 164 | *75 292 | Servizzi individwali għal transizzjoni fil-karriera għall-maniġers f'livell għoli | 5 | 4 775 | 28 875 | Miżuri biex jistimulaw ħaddiema mdaħħla fiż-żmien | 83 | 100 | 8 300 | Għajnuna għal min jaħdem għal rasu | 10 | 950 | 9 500 | Promozzjoni tal-intraprenditorjat | 10 | 1 150 | 11 500 | Spejjeż relatati mal-implimentazzjoni tal-proġett (tim tal-proġett) | 460 | 94 | 43 133 | Sottototal tas-servizzi personalizzati | 474 463 | Nefqa għall-implimentazzjoni tal-EGF (it-tielet paragrafu tal-Artikolu 3 tar-Regolament (KE) Nru 1927/2006) | Attivitajiet ta' tħejjija | 4 745 | Ġestjoni | 2 372 | Informazzjoni u pubbliċità | 1 186 | Informazzjoni u pubbliċità | 15 420 | Sottototal tan-nefqa għall-implimentazzjoni tal-EGF | 23 723 | Total tal-ispejjez stmati | 498 186 | Kontribut tal-EGF (65 % tal-ispejjeż totali) | 323 820 | * It-totali ma jaqblux minħabba t-tqarrib tal-ispejjeż tal-unità għal kull ħaddiem 27. Ir-Repubblika Ċeka tikkonferma li l-miżuri deskritti hawn fuq huma komplementarji mal-azzjonijiet iffinanzjati mill-Fondi Strutturali. Id-data/dati meta bdew jew meta huwa maħsub li jibdew is-servizzi personalizzati lill-ħaddiema affettwati 28. Ir-Repubblika Ċeka bdiet toffri s-servizzi personalizzati lill-ħaddiema affettwati inklużi fil-pakkett ikkoordinat propost għall-kofinanzjament lill-EGF fis-16 ta' Ottubru 2009. Din id-data, għalhekk, tirrappreżenta l-bidu tal-perjodu ta' eliġibbiltà għal kwalunkwe għajnuna li tista' tingħata mill-EGF. Proċeduri għall-konsultazzjoni mal-imsieħba soċjali 29. L-awtoritajiet Ċeki rrappurtaw li l-miżuri li jakkumpanjaw ir-riorganizzazzjoni ta' Unilever ġew diskussi mal-imsieħba soċjali u l-uffiċċju tal-impjiegi. Intlaħaq ftehim dwar il-miżuri ta' akkumpanjament fis-16 ta' Settembru 2009. 30. L-awtoritajiet Ċeki kkonfermaw li kien hemm konformità mar-rekwiżiti stabbiliti fil-leġiżlazzjoni nazzjonali u dik tal-UE dwar is-sensji kollettivi. Informazzjoni dwar azzjonijiet li huma obbligatorji skont il-liġi nazzjonali jew il-ftehimiet kollettivi 31. Fir-rigward tal-kriterji li jinsabu fl-Artikolu 6 tar-Regolament (KE) Nru 1927/2006, l-awtoritajiet Ċeki fl-applikazzjoni tagħhom: 32. ikkonfermaw li l-kontribuzzjoni finanzjarja mill-EGF ma tiħux post il-miżuri li huma r-responsabbiltà tal-kumpaniji skont il-liġi nazzjonali jew ftehimiet kollettivi; 33. taw prova li l-azzjonijiet jipprovdu sostenn lil ħaddiema individwali u ma għandhomx jintużaw għar-ristrutturar ta' kumpaniji jew setturi; 34. ikkonfermaw li l-azzjonijiet eliġibbli ma jirċevux assistenza minn strumenti finanzjarji Komunitarji oħra. Is-sistemi ta’ ġestjoni u ta’ kontroll 35. L-awtoritajiet Ċeki nnotifikaw lill-Kummissjoni li l-kontribuzzjoni finanzjarja se tkun ġestita u kkontrollata mill-istess entitajiet li jmexxu u jikkontrollaw il-finanzjament tal-Fond Soċjali Ewropew (FSE) fir-Repubblika Ċeka. Finanzjament 36. Abbażi tal-applikazzjoni mir-Repubblika Ċeka, il-kontribuzzjoni proposta mill-EGF għall-pakkett ikkoordinat ta' servizzi personalizzati huwa ta' EUR 323 820, li jirrappreżenta 65 % tal-ispiża totali. L-allokazzjoni proposta tal-Kummissjoni minn dan il-Fond hija bbażata fuq l-informazzjoni li ngħatat mir-Repubblika Ċeka. 37. B'kunsiderazzjoni tal-ammont massimu possibbli ta' kontribuzzjoni finanzjarja mill-EGF skont l-Artikolu 10(1) tar-Regolament (KE) Nru 1927/2006, kif ukoll l-ambitu tal-allokazzjoni mill-ġdid ta' approprjazzjonijiet, il-Kummissjoni tipproponi li timmobilizza l-EGF għall-ammont totali msemmi hawn fuq, li għandu jiġi allokat skont l-intestatura 1a tal-qafas finanzjarju. 38. L-ammont propost ta' kontribuzzjoni finanzjarja jippermetti li aktar minn 25 % tal-ammont annwali massimu allokat għall-EGF jibqa' disponibbli biex ikun allokat matul l-aħħar erba' xhur tas-sena, kif stipulat fl-Artikolu 12(6) tar-Regolament (KE) Nru 1927/2006. 39. Bil-preżentazzjoni ta' din il-proposta sabiex timmobilizza l-EGF, il-Kummissjoni qiegħda tniedi l-proċedura ssimplifikata ta' trijalogu, kif mitlub mill-Punt 28 tal-Ftehim Interistituzzjonali tas-17 ta' Mejju 2006, sabiex tikseb il-qbil taż-żewġ fergħat tal-awtorità baġitarja dwar il-ħtieġa li jintuża l-EGF u l-ammont meħtieġ. Il-Kummissjoni tistieden lill-ewwel waħda miż-żewġ fergħat tal-awtorità baġitarja li tilħaq ftehim dwar l-abbozz tal-proposta għall-mobilizzazzjoni biex, f'livell politiku xieraq, tgħarraf lill-fergħa l-oħra u lill-Kummissjoni bl-intenzjonijiet tagħha. F'każ ta' nuqqas ta' qbil minn xi waħda miż-żewġ fergħat tal-awtorità baġitarja, tissejjaħ laqgħa formali ta' trijalogu. 40. B’mod separat il-Kummissjoni tippreżenta talba ta' trasferiment sabiex fil-baġit għall-2011 iddaħħal approprjazzjonijiet ta' impenn speċifiċi, kif mitlub mill-Punt 28 tal-Ftehim Interistituzzjonali tas-17 ta' Mejju 2006. Sors tal-approprjazzjonijiet ta' ħlas 41. Il-baġit tal-2011 juri approprjazzjonijiet tal-ħlas ta' EUR 47 608 950 fuq il-linja baġitarja 04.0501 "Fond Ewropew ta’ Aġġustament għall-Globalizzazzjoni (EGF)", din il-linja baġitarja se tintuża biex tkopri l-ammont ta' EUR 323 820 meħtieġ għall-applikazzjoni preżenti. Proposta għal DEĊIŻJONI TAL-PARLAMENT EWROPEW U TAL-KUNSILL dwar il-mobilizzazzjoni tal-Fond Ewropew ta' Aġġustament għall-Globalizzazzjoni b'konformità mal-punt 28 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (applikazzjoni EGF/2010/010 CZ/Unilever mir-Repubblika Ċeka) IL-PARLAMENT EWROPEW U L-KUNSILL TAL-UNJONI EWROPEA, Wara li kkunsidraw it-Trattat dwar il-Funzjonament tal-Unjoni Ewropea, Wara li kkunsidraw il-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda[4], u b'mod partikulari l-punt 28 tiegħu, Wara li kkunsidraw ir-Regolament (KE) Nru 1927/2006 tal-Parlament Ewropew u tal-Kunsill tal-20 ta' Diċembru 2006 li jistabbilixxi l-Fond Ewropew ta' Aġġustament għall-Globalizzazzjoni[5], u b'mod partikolari l-Artikolu 12(3) tiegħu, Wara li kkunsidraw il-proposta mill-Kummissjoni[6], Billi: (1) Il-Fond Ewropew ta’ Aġġustament għall-Globalizzazzjoni (EGF) twaqqaf biex jipprovdi sostenn addizzjonali għall-ħaddiema li ngħataw is-sensja minħabba tibdiliet strutturali ewlenin fl-andamenti kummerċjali dinjin dovuti għall-globalizzazzjoni u sabiex jiġu megħjuna fl-integrazzjoni mill-ġdid tagħhom fis-suq tax-xogħol. (2) L-ambitu tal-EGF twessa’ għal applikazzjonijiet imressqa mill-1 ta’ Mejju 2009 biex jinkludi s-sostenn għall-ħaddiema li ngħataw is-sensja bħala riżultat dirett tal-kriżi finanzjarja u ekonomika globali. (3) Il-Ftehim Interistituzzjonali tas-17 ta’ Mejju 2006 jippermetti l-mobilizzazzjoni tal-EGF fil-limitu massimu annwali ta’ EUR 500 miljun. (4) Ir-Repubblika Ċeka ressqet applikazzjoni għall-mobilizzazzjoni tal-EGF, fir-rigward ta' sensji f'Unilever ČR spol.s r.o. fl-24 ta' Marzu 2010 u ssupplimentatha b'informazzjoni addizzjonali sal-20 ta' Settembru 2010. Din l-applikazzjoni hija konformi mar-rekwiżiti għad-determinazzjoni tal-kontribuzzjonijiet finanzjarji kif stabbilit fl-Artikolu 10 tar-Regolament (KE) Nru 1927/2006. Il-Kummissjoni għalhekk ressqet proposta biex timmobilizza l-ammont ta' EUR 323 820. (5) L-EGF għandu, għalhekk, jiġi mmobilizzat sabiex jipprovdi kontribuzzjoni finanzjarja għall-applikazzjoni mressqa mir-Repubblika Ċeka. IDDEĊIDEW KIF ĠEJ Artikolu 1 Għall-baġit ġenerali tal-Unjoni Ewropea għas-sena finanzjarja 2011, il-Fond Ewropew ta' Aġġustament għall-Globalizzazzjoni (EGF) għandu jiġi mobilizzat biex jipprovdi s-somma ta' EUR 323 820 f'approprjazzjonijiet ta' impenn u ta' ħlas. Artikolu 2 Din id-Deċiżjoni għandha tkun ippubblikata f ’Il-Ġurnal Uffiċjali tal-Unjoni Ewropea . Magħmul fi [Brussell/Strasburgu], Għall-Parlament Ewropew Għall-Kunsill Il-President Il-President [1] ĠU C 139, 14.6.2006, p. 1. [2] ĠU L 406, 30.12.2006, p. 1. [3] Skont it-tielet paragrafu tal-Artikolu 3 tar-Regolament (KE) Nru 1927/2006. [4] ĠU C 139, 14.6.2006, p. 1. [5] ĠU L 406, 30.12.2006, p. 1. [6] ĠU C […], […], p. […].