EUR-Lex Access to European Union law
This document is an excerpt from the EUR-Lex website
Document 52010XC0618(03)
Publication of an amendment application pursuant to Article 6(2) of Council Regulation (EC) No 510/2006 on the protection of geographical indications and designations of origin for agricultural products and foodstuffs
Pubblikazzjoni ta' applikazzjoni għal emenda skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel
Pubblikazzjoni ta' applikazzjoni għal emenda skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel
ĠU C 158, 18.6.2010, p. 12–18
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
18.6.2010 |
MT |
Il-Ġurnal Uffiċjali tal-Unjoni Ewropea |
C 158/12 |
Pubblikazzjoni ta' applikazzjoni għal emenda skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel
2010/C 158/09
Din il-pubblikazzjoni tagħti d-dritt għal oġġezzjoni għall-applikazzjoni skont l-Artikolu 7 tar-Regolament tal-Kunsill (KE) Nru 510/2006 (1). Id-dikjarazzjonijiet ta' oġġezzjoni għandhom jaslu għand il-Kummissjoni fi żmien sitt xhur mid-data ta' din il-pubblikazzjoni.
APPLIKAZZJONI GĦAL EMENDA
IR-REGOLAMENT TAL-KUNSILL (KE) Nru 510/2006
Applikazzjoni għal emenda skont l-Artikolu 9
“WELSH BEEF”
Nru tal-KE:UK-PGI-0105-0057-16.04.2007
IĠP ( X ) DPO ( )
1. Intestatura tal-ispeċifikazzjoni affettwata mill-emenda:
— |
|
Isem il-prodott |
— |
|
Deskrizzjoni |
— |
|
Żona ġeografika |
— |
|
Prova tal-oriġini |
— |
|
Metodu ta' produzzjoni: |
— |
|
Rabta |
— |
|
Tikkettar |
— |
|
Rekwiżiti nazzjonali |
— |
|
Oħrajn |
2. Tip ta' emenda/i:
— |
|
Emenda tad-dokument uniku jew tas-sinteżi |
— |
|
Emenda tal-ispeċifikazzjoni tad-DPO jew l-IĠP rreġistrati, li għalihom ma ġie ppubblikat l-ebda dokument uniku jew sinteżi. |
— |
|
Emenda tal-ispeċifikazzjoni li ma teħtieġ l-ebda emenda tad-dokument uniku ppubblikat (l-Artikolu 9(3) tar-Regolament (KE) Nru 510/2006) |
— |
|
Emenda temporanja tal-ispeċifikazzjoni li tirriżulta mill-adozzjoni ta’ miżuri sanitarji jew fitosanitarji obbligatorji mill-awtoritajiet pubbliċi (l-Artikolu 9(4) tar-Regolament (KE) Nru 510/2006) |
3. Emenda/i:
L-organizzazzjoni mmexxija mill-industrija Hybu Cig Cymru - Meat Promotion Wales (HCC) hija inkarigata mill-iżvilupp, il-promozzjoni u l-kummerċjalizzazzjoni tal-laħam aħmar ta' Wales. F'Lulju 2004, fuq talba tal-Gvern tal-Assemblea ta' Wales, l-HCC aċċettat ir-rwol ta' gwardjan tad-denominazzjoni IĠP “Welsh Beef”.
L-HCC kkonsultat ma' rappreżentanti tal-industrija fir-rigward tal-IĠP “Welsh Beef” biex tikseb fehmiet dwar l-adegwatezza tal-IĠP kurrenti, inklużi l-valur, il-limitazzjonijiet u l-potenzjal għal ġejjieni tagħha. Tfittxew fehmiet dwar l-aħjar mekkaniżmu sabiex jiġi massimizzat il-valur tal-laħam ta' Wales, u kif l-aħjar jintużaw l-IĠP f'dan il-kuntest. Kien hemm qbil dwar il-ħtieġa li l-IĠP tirrifletti s-sitwazzjoni attwali fl-industrija ta' Wales, u li l-emendi jkunu jistgħu jtejbu l-monitoraġġ u l-kontroll tal-IĠP fil-ġejjieni.
Emendi Proposti
3.1. Deskrizzjoni tal-Prodott:
Emenda |
Spjegazzjoni |
L-inklużjoni ta' “għabajjar (baqar li ma tgħammrux)” |
Sabiex jiġi żgurat li jikkwalifikaw biss l-għabajjar għall-IĠP. |
It-tneħħija ta' “mgħammar” (bred) |
Sabiex titnaqqas il-konfużjoni dwar it-tifsira ta' “mgħammar” (bred) |
L-inklużjoni tal-klassifikazzjoni u l-konformazzjoni tal-karkassa fil-mira għaċ-ċanga ta' Wales |
Sabiex jiġi definit aħjar l-IĠP Welsh Beef billi jiġu enfasizzati l-istandards li għandhom jintlaħqu mill-prodotti taċ-ċanga. |
L-inklużjoni ta' “Storikament, il-baqar tradizzjonament imrobbijin f'Wales kienu fil-maġġor parti tagħhom Welsh Black u Hereford. Dawn ir-razez xorta għadhom jiffurmaw is-sisien tal-industrija ta' Wales tal-lum. Iċ-ċanga ta' Wales ġejja minn razez tradizzjonali ta' Wales u mit-taħlit ta' dawn ir-razez bejniethom jew ma' kwalunkwe razza oħra rikonoxxuta” |
Sabiex jiġi enfasizzat li l-IĠP Welsh Beef huwa ġej minn razez tradizzjonali ta' Wales. |
L-inklużjoni ta' “Il-baqar jinqatlu u jiġu pproċessati f'biċċeriji/proċessuri approvati mill-iskema ta' verifika tal-HCC sabiex jiġi żgurat li jitħarsu l-marka u l-integrità tal-IĠP Welsh beef” |
Sabiex jiġi żgurat il-ħarsien tal-marka u l-integrità tal-IĠP Welsh Beef permezz ta' kontroll u monitoraġġ adegwat. |
3.2. Prova tal-oriġini:
Emenda |
Spjegazzjoni |
||||||||
L-inklużjoni ta' “HCC hija l-organizzazzjoni mmexxija mill-industrija li hija inkarigata mill-iżvilupp, il-promozzjoni u l-kummerċjalizzazzjoni tal-laħam aħmar ta' Wales” |
Fuq talba tal-Gvern tal-Assemblea ta' Wales, l-HCC aċċettat ir-rwol ta' gwardjan tad-denominazzjoni IĠP “Welsh Beef” |
||||||||
L-inklużjoni ta' “L-iskema ta' verifika tal-HCC tiżgura li kwalunkwe ċanga mmarkata bħala ‘Welsh Beef’ tilħaq l-ispeċifikazzjonijiet. Il-biċċeriji u l-proċessuri kollha li jixtiequ jużaw id-denominazzjoni Welsh beef għandhom, fuq bażi annwali, juru lill-korp ta' spezzjoni maħtur tal-HCC li ċ-ċanga tilħaq l-ispeċifikazzjonijiet tal-IĠP u li l-impjant ikun qed jopera skont il-linji gwida tal-aqwa prattiki. Din l-approvazzjoni se tkun rappreżentata minn Ċertifikat, li għandu jintwera b'mod prominenti fis-sede tal-intrapriża. L-HCC twettaq ukoll verifiki għalgħarrieda fuq il-post sabiex tivverifika l-approvazzjoni u l-użu tal-liċenzja għall-marka IĠP Welsh beef min-naħa tal-biċċerija/proċessur Il-kriterji tal-iskema ta' verifika tal-HCC se jibqgħu jiġu żviluppati” |
Sabiex jiġi żgurat li l-integrità tal-prodott tinżamm permezz ta' kontroll u monitoraġġ xieraq, l-HCC żżomm id-dritt li timmonitorja l-impjanti kollha li jużaw l-IĠP. |
||||||||
L-inklużjoni ta' “Fl-istadji kollha tal-proċess tal-produzzjoni, jinżammu reġistri dwar it-traċċabbiltà tal-prodott. In-numru tal-qatla, id-data tal-qatla, id-dettalji tal-klassifikazzjoni u l-piż tal-karakassa kiesħa jiġu rreġistrati fil-biċċeriji. Dan it-tagħrif jitwaħħal fuq tikketta mal-karkassa u jkun disponibbli għall-ispezzjoni mill-HCC” |
L-HCC se tispezzjona t-tagħrif fuq it-tikketta, mill-inqas darba fis-sena, sabiex timmonitorja l-IĠP Welsh Beef |
||||||||
L-inklużjoni ta' “Rekwiżiti minimi fir-rigward tat-traċċabbiltà tal-prodott huma:
|
Sabiex jiġi żgurat li r-rekwiżiti tat-traċċabbiltà tal-IĠP Welsh Beef jilħqu l-kriterji tal-iskema ta' verifika tal-HCC |
3.3. Metodu ta' produzzjoni:
Emenda |
Spjegazzjoni |
L-inklużjoni ta' “Il-baqar jinqatlu f'età ta' bejn 24-48 xahar u ma għandhomx ikunu mgħammra”. |
Sabiex tiġi enfasizzata l-firxa tal-età tal-baqar sabiex jikkwalifikaw għall-użu tal-IĠP Welsh Beef. Il-firxa tal-età preċedenti kienet preskrittiva wisq u kienet qed iżżomm annimali taċ-ċanga iktar maturi milli jikkwalifikaw għall-IĠP. Sabiex jiġi evitat li baqar xjuħ jiġu inklużi, l-ispeċifikazzjoni ġiet estiża sabiex tinkludi biss għabajjar (baqar li ma tgħammrux) |
L-inklużjoni ta' “Il-laħam għandu jiġi minn baqar imwielda u mrobbija f'Wales” |
Sabiex jiġi enfasizzat li l-IĠP Welsh Beef ġej minn baqar imwielda u mrobbija f'Wales |
L-inklużjoni ta' “Il-baqar jinqatlu u jiġu pproċessati f'biċċeriji/proċessuri approvati mill-iskema ta' verifika tal-HCC sabiex jiġi żgurat li jitħarsu l-marka u l-integrità tal-IĠP Welsh beef” |
Sabiex jiġi żgurat il-ħarsien tal-marka u l-integrità tal-IĠP Welsh Beef permezz ta' kontroll u monitoraġġ adegwat. |
L-inklużjoni ta' “Biċċeriji u proċessuri eliġibbli għall-approvazzjoni tal-iskema ta' verifika tal-HCC mhumiex ristretti għaż-żona ġeografika definita – Wales” |
Għaċ-ċarezza fid-definizzjoni tal-IĠP Welsh Beef. |
L-inklużjoni ta' “L-annimali jinqatlu u jiġu ppreparati fil-biċċerija skont speċifikazzjonijiet rikonoxxuti tal-industrija jew sabiex jilħqu rekwiżiti leġiżlattivi jew tal-konsumaturi” |
Għaċ-ċarezza fid-definizzjoni tal-IĠP Welsh Beef. L-ispeċifikazzjoni preċedenti dwar il-preparazzjoni kienet tippermetti biss l-ispeċifikazzjoni tal-“Meat and Livestock Commission”, li kienet meqjusa bħala restrittiva wisq |
L-inklużjoni ta' “Il-qatgħat kollha jridu jiġu identifikati bħala Welsh beef permezz ta' tikkettar xieraq (ara t-taqsima 4.8)” |
Sabiex jiġi żgurat li l-qatgħat tal-Welsh Beef jiġu tikkettati skont l-IĠP |
3.4. Rabta:
Emenda |
Spjegazzjoni |
L-inklużjoni ta' “Ir-razez li ntużaw l-iktar kienu indiġeni tar-razza Welsh Black jew Hereford” Il-karatterisitiċi li jiddistingwu l-Welsh Beef huma r-riżultat tal-influwenza tar-razez tradizzjonali li jibqgħu s-sisien tal-industrija taċ-ċanga ta' Wales. |
Sabiex jiġi enfasizzat li l-IĠP Welsh Beef huwa ġej minn razez tradizzjonali ta' Wales. |
3.5. Tikkettar:
Emenda |
Spjegazzjoni |
L-inklużjoni ta' “L-indikazzjoni ġeografika ‘Welsh Beef’ għandha tidher fuq il-karkassi, partijiet tal-karkassi jew qatgħat, flimkien mal-marka kummerċjali rreġistrata tal-HCC għall-Welsh beef u s-simbolu tal-IĠP” |
Sabiex jiġi żgurat li partijiet ta' karkassi u qatgħat ikunu tikkettati b'mod xieraq u sabiex tiġi żgurata l-integrità tal-marka kummerċjali u l-IĠP tal-Welsh beef |
L-inklużjoni ta' “Gwida dettaljata dwar it-tikkettar tingħata mill-HCC. Is-sistemi tat-tikkettar se jiffurmaw parti mill-ispezzjoni tal-iskema ta' verifika tal-HCC” |
Sabiex jiġi żgurat li jkun ċar dwar minn fejn il-biċċeriji u l-impjanti tal-laħam jistgħu jiksbu l-gwida dwar it-tikkettar u sabiex jiġi żgurat li l-IĠP ma tiġix rappreżentata ħażin |
DOKUMENT UNIKU
IR-REGOLAMENT TAL-KUNSILL (KE) Nru 510/2006
“WELSH BEEF”
Nru tal-KE: UK-PGI-0105-0057-16.04.2007
IĠP ( X ) DPO ( )
1. Isem:
“Welsh Beef”
2. Stat Membru jew Pajjiż Terz:
Ir-Renju Unit
3. Deskrizzjoni tal-prodott agrikolu jew tal-oġġett tal-ikel:
3.1. Tip ta' prodott:
Klassifikazzjoni 1.1. – |
Laħam frisk u l-ġewwieni. |
Deskrizzjoni tal-prodott li għalih japplika l-isem f'(1)
Welsh Beef huwa l-isem li jingħata lill-karkassi jew qatgħat tal-laħam meħudin minn għabajjar (baqar li ma tgħammrux), imwielda u mrobbija f'Wales. L-għan tal-produtturi tal-Welsh beef huwa li jilħqu klassifikazzjoni tal-karkassa fil-mira ta' konformazzjoni R jew aħjar u kontenut tax-xaħam ta' 4L jew inqas. Ara t-tabella taħt.
Tabella ta' Klassifikazzjoni EUROP tal-Karkassa fil-Mira għall-Welsh Beef
|
Klassi tax-xaħam |
|||||||
1 |
2 |
3 |
4L |
4H |
5L |
5H |
||
Konformazzjoni |
E |
x |
x |
x |
x |
|
|
|
U + |
x |
x |
x |
x |
|
|
|
|
– U |
x |
x |
x |
x |
|
|
|
|
R |
x |
x |
x |
x |
|
|
|
|
O + |
|
|
|
|
|
|
|
|
– O |
|
|
|
|
|
|
|
|
P + |
|
|
|
|
|
|
|
|
|
– P |
|
|
|
|
|
|
|
x tindika l-klassifikazzjonijiet tal-karkassi fil-mira tal-Welsh beef |
Storikament, il-baqar tradizzjonament imrobbijin f'Wales kienu fil-maġġor parti tagħhom Welsh Black u Hereford. Dawn ir-razez xorta għadhom jiffurmaw is-sisien tal-industrija ta' Wales tal-lum. Iċ-ċanga ta' Wales ġejja minn razez tradizzjonali ta' Wales u mit-taħlit ta' dawn ir-razez bejniethom jew ma' kwalunkwe razza oħra rikonoxxuta.
Il-baqar jinqatlu f'età ta' bejn 24-48 xahar u ma għandhomx ikunu mgħammra.
Il-baqar jinqatlu u jiġu pproċessati f'biċċeriji/proċessuri approvati mill-iskema tal-verifika tal-Hybu Cig Cymru – Meat Promotion Wales (HCC) sabiex jiġi żgurat li titħares il-marka u l-integrità tal-IĠP Welsh beef. Din l-iskema ta' verifika tal-HCC tiżgura li kwalunkwe ċanga immarkata bħala “Welsh Beef” tilħaq l-ispeċifikazzjonijiet. Il-biċċeriji u l-proċessuri kollha li jixtiequ jużaw id-denominazzjoni Welsh beef għandhom, fuq bażi annwali, juru lill-korp ta' spezzjoni maħtur tal-HCC li ċ-ċanga tilħaq l-ispeċifikazzjonijiet tal-IĠP u li l-impjant ikun qed jopera skont il-gwida tal-aqwa prattiki. L-HCC twettaq ukoll verifiki għalgħarrieda fuq il-post sabiex tivverifika l-approvazzjoni u l-użu tal-liċenzja għall-marka IĠP Welsh beef min-naħa tal-biċċerija/proċessur
Wara l-qatla u l-preparazzjoni, iċ-ċanga tista' tinħareġ fuq is-suq bħala ġisem sħiħ, naħa sħiħa, partijiet min-naħat (il-kwart ta' quddiem/kwart ta' wara) jew bħala qatgħat taċ-ċanġa (li jinkludu l-kapuljat taċ-ċanga).
Il-profili tal-laħam, fil-maġġoranza, ikunu konvessi, bi żvilupp tajjeb tal-muskolu u dahar wiesa' u oħxon li jasal sal-ispalla li tkun ittondjata sew. Meta jintmess, il-laħam jinħass solidu bi struttura ratba u konsistenti, il-muskoli li huma żviluppati sew huma ta' kulur aħmar skur u x-xaħam ikun abjad fl-isfar. Ġeneralment, fid-dehra, il-laħam ikun irħamat sew.
3.2. Materja prima:
—
3.3. Għalf (għal prodotti li ġejjin mill-annimali biss):
Il-baqar jitrabbew estensivament fuq artijiet tal-ħaxix fiż-żona ġeografika, skont prattiki tradizzjonali tat-trobbija tal-baqar ta' Wales.
F'okkażjonijiet fejn l-għalf jintuża biex jissupplimenta r-ragħa tal-ħaxix, l-għalf għandu jinkiseb, fejn possibbli, miż-żona ġeografika.
3.4. Stadji speċifiċi fil-produzzjoni li għandhom iseħħu fiż-żona ġeografika identifikata:
Kull produttur jikkontrolla l-merħla tal-annimali taċ-ċanga tiegħu li jkunu mrobbija l-iktar bir-ragħa tal-ħaxix naturali. L-annimali jinbiegħu jew bħala piż ta' karkassa lill-biċċeriji jew fis-swieq tal-annimali. Il-laħam għandu jkun ġej minn baqar imwielda u mrobbija f'Wales, u maqtula/ipproċessati f'biċċeriji/proċessuri approvati mill-iskema ta' verifika tal-HCC. L-annnimali jinqatlu u jiġu ppreparati fil-biċċerija skont speċifikazzjonijiet rikonoxxuti tal-industrija jew sabiex jilħqu rekwiżiti leġiżlattivi jew tal-konsumatur.
Biċċeriji u proċessuri eliġibbli għall-approvazzjoni tal-iskema ta' verifika tal-HCC mhumiex ristretti għaż-żona ġeografika definita – Wales.
Fl-istadji kollha tal-proċess tal-produzzjoni, jinżammu reġistri dwar it-traċċabbiltà tal-prodott. In-numru tal-qatla, id-data tal-qatla, id-dettalji tal-klassifikazzjoni u l-piż tal-karakassa kiesħa jiġu rreġistrati fil-biċċeriji. Dan it-tagħrif jitwaħħal fuq tikketta mal-karkassa u jkun disponibbli għall-ispezzjoni mill-HCC.
3.5. Regoli speċifiċi dwar it-tqattigħ, il-ħakk u l-ippakkjar.:
Mhux applikappli
3.6. Regoli speċifiċi dwar it tikkettar:
L-indikazzjoni ġeografika “Welsh Beef” trid tidher fuq il-karkassi, partijiet tal-karkassi jew qatgħat, flimkien mal-marka kummerċjali rreġistrata tal-HCC għall-Welsh beef u s-simbolu tal-IĠP.
4. Definizzjoni fil-qosor taż-żona ġeografika:
Wales kollu.
5. Rabta maż-żona ġeografika:
5.1. Speċifiċità taż-żona ġeografika:
Hemm ħafna dokumenti dwar l-industrija tal-baqar ta' Wales minħabba l-importanza tagħha sa minn żmien iċ-Ċelti, ir-Rumani, in-Normanni u sal-lum il-ġurnata. Insibu għadd ta' referenzi storiċi għall-baqar ta' Wales mogħtija f'“The Drovers”, “Roads of Wales” u “Medieval Wales” minn Hewitt.
Il-karatteristiċi li jiddistingwu l-Welsh beef huma l-għalf tal-baqar li jibbaża fuq l-abbundanza tal-ħaxix naturali f'Wales, li jikber ħafna minħabba l-klima moderata u bix-xita u minħabba t-topografija ta' Wales.
Madwar Wales, hemm xatt ta' 1 200 kilometru u iktar 'il ġewwa pajsaġġ grandjuż fejn jingħaqdu f'armonija muntanji, għoljiet, lagi u widien. Minħabba l-ammont ta' xita li tipikament tinżel fiż-żona, Wales huwa adattat b'mod perfett għall-produzzjoni tal-mergħat naturali. Din it-tapezzerija lewn l-iżmerald, b'firxa wara l-oħra ta' ħaxix aħdar kotran, flimkien ma' ħaxixet il-mikinsa u l-fwieħa tal-ħwawar salvaġġi u indiġeni, jikkontribwixxu għat-togħma distintiva taċ-ċanga ta' Wales.
5.2. Speċifiċità tal-prodott:
Sabiex ikollhom il-marka “Welsh Beef”, huma eliġibbli biss il-baqar imwielda u mrobbija f'Wales. Dan jorbot il-prodott direttament maż-żona ġeografika fejn jiġi prodott.
Sabiex tiġi żgurata l-konsistenza fil-kwalità għall-konsumatur, il-baqar għandhom ikunu għabajjar (baqar li ma tgħammrux) u għandhom jinqatlu ta' età ta' bejn 24-48 xahar. L-għan tal-produtturi tal-Welsh beef huwa li jilħqu klassifikazzjoni tal-karkassa fil-mira ta' konformazzjoni R jew aħjar u kontenut tax-xaħam ta' 4L jew inqas.
Il-karatterisitika li tiddistingwu l-Welsh Beef hija dovuta għall-influwenza tar-razez tradizzjonali li jibqgħu s-sisien tal-industrija taċ-ċanga ta' Wales, li minnha ġejja iċ-ċanga.
Il-laħam irid ukoll ikun ġej minn baqar li jinqatlu/jiġu pproċessati f'biċċerji/proċessuri approvati. L-annimali jinqatlu u jiġu ppreparati fil-biċċerija skont speċifikazzjonijiet rikonoxxuti tal-industrija jew sabiex jilħqu rekwiżiti leġiżlattivi jew tal-konsumatur.
5.3. Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO) jew il-kwalità speċifika, ir-reputazzjoni jew karatteristiċi oħra tal-prodott (għall-IĠP).:
Iċ-ċanga ta' Wales għandha għadd ta' vantaġġi kompetittivi tal-produzzjoni. Ir-razez tradizzjonali jitrabbew f'ambjent ideali, bl-użu ta' metodi tradizzjonali tal-biedja li ilhom jintużaw u li l-effettività tagħhom hi magħrufa, flimkien ma' metodi tal-biedja kontemporanja. Dan jirriżulta fil-karattru u d-distintività uniċi taċ-ċanga ta' Wales.
Sena wara l-oħra, ġidd wara ġidd, il-ħiliet singolari tal-bdiewa f'Wales jiġu pprattikati madwar il-pajjiż kollu. F-irziezet żgħar immexxija mill-familji, il-bidwi juża l-għarfien tiegħu tat-trobbija tal-bhejjem u l-manutenzjoni tal-art, flimkien mal-benefiċċji li jagħti l-pajsaġġ naturali, biex jipproduċi ċanga tal-ogħla kwalità. Tul is-sekli, id-dedikazzjoni u l-ħidma bla heda tagħhom raddet standards konsistentement għoljin ta' produzzjoni ta' kwalità bl-aktar mod effiċjenti u ambjentalment sensittiv, filwaqt li ffurmaw il-pajsaġġ, il-kultura u l-identità ta' Wales.
L-irziezet tar-reġjun normalment ikunu ta' familji li jkunu jżommu kemm nagħaġ kif ukoll baqar. L-azjendi f'Wales ikunu medjament iżgħar minn dawk tar-Renju Unit b'mod ġenerali. Id-daqs medjament iżgħar tal-azjenda jirriżulta fid-daqs iżgħar tal-merħliet taċ-ċanga kif ukoll fl-istruttura tal-ħaddiema. Il-ħiliet tal-bdiewa li jrabbu l-annimali f'Wales għaddew minn ġenerazzjoni għall-oħra. Kull produttur jikkontrolla l-merħla tal-annimali tiegħu taċ-ċanga li jkunu mrobbija l-iktar bir-ragħa tal-ħaxix naturali. L-annimali jinbiegħu jew bħala piż ta' karkassa fil-biċċeriji jew fis-swieq tal-annimali. Fl-istadji kollha tal-proċess tal-produzzjoni, jinżammu reġistri dwar it-traċċabbiltà tal-prodott.
Il-produzzjoni effiċjenti u l-użu tal-ħaxix huma ċentrali għall-benessri tal-produzzjoni taċ-ċanga ta' Wales.. L-artijiet tal-ħaxix f'bosta reġjuni ta' Wales huma miżgħuda b'ħaxixet il-mikinsa u ħwawar salvaġġi indiġeni li jfuħu, li lkoll jikkontribwixxu għad-distintività taċ-ċanga ta' Wales.. Il-ħiliet tal-ġestjoni tal-artijiet tal-ħaxix tal-bidwi ta' Wales. huma magħrufa mad-dinja u fil-fatt il-bdiewa Welx ta sikwit jirbħu premjijiet għall-ġestjoni tal-artijiet tal-ħaxix tagħom.
Referenza għall-pubblikazzjoni tal-ispeċifikazzjoni tal-prodott:
(Artikolu 5(7) tar-Regolament (KE) Nru 510/2006)
http://www.defra.gov.uk/foodfarm/food/industry/regional/foodname/products/documents/welsh-beef.pdf
(1) ĠU L 93, 31.3.2006, p. 12.