This document is an excerpt from the EUR-Lex website
Document 52010PC0663
Proposal for a COUNCIL DECISION on the signing, on behalf the European Union, of a Protocol to the Partnership and Cooperation Agreement between the European Communities and their Member States, of the one part, and the Republic of Uzbekistan, of the other part, extending the provisions of the Partnership and Cooperation Agreement to bilateral trade in textiles
Proposta għal DEĊIŻJONI TAL-KUNSILL dwar l-iffirmar, f'isem l-Unjoni Ewropea, ta’ Protokoll għal Ftehim ta’ Sħubija u Kooperazzjoni bejn il-Komunitajiet Ewropej u l-Istati Membri tagħhom, minn naħa waħda, u r-Repubblika tal-Uzbekistan, min-naħa l-oħra, biex jestendi d-dispożizzjonijiet tal-Ftehim ta’ Sħubija u Kooperazzjoni għall-kummerċ bilaterali tat-tessuti
Proposta għal DEĊIŻJONI TAL-KUNSILL dwar l-iffirmar, f'isem l-Unjoni Ewropea, ta’ Protokoll għal Ftehim ta’ Sħubija u Kooperazzjoni bejn il-Komunitajiet Ewropej u l-Istati Membri tagħhom, minn naħa waħda, u r-Repubblika tal-Uzbekistan, min-naħa l-oħra, biex jestendi d-dispożizzjonijiet tal-Ftehim ta’ Sħubija u Kooperazzjoni għall-kummerċ bilaterali tat-tessuti
/* KUMM/2010/0663 finali */
/* KUMM/2010/0663 finali */ Proposta għal DEĊIŻJONI TAL-KUNSILL dwar l-iffirmar, f'isem l-Unjoni Ewropea, ta’ Protokoll għal Ftehim ta’ Sħubija u Kooperazzjoni bejn il-Komunitajiet Ewropej u l-Istati Membri tagħhom, minn naħa waħda, u r-Repubblika tal-Uzbekistan, min-naħa l-oħra, biex jestendi d-dispożizzjonijiet tal-Ftehim ta’ Sħubija u Kooperazzjoni għall-kummerċ bilaterali tat-tessuti
[pic] | IL-KUMMISSJONI EWROPEA | Brussel 15.11.2010 KUMM(2010) 663 finali 2010/0322 (NLE) Proposta għal DEĊIŻJONI TAL-KUNSILL dwar l-iffirmar, f'isem l-Unjoni Ewropea, ta’ Protokoll għal Ftehim ta’ Sħubija u Kooperazzjoni bejn il-Komunitajiet Ewropej u l-Istati Membri tagħhom, minn naħa waħda, u r-Repubblika tal-Uzbekistan, min-naħa l-oħra, biex jestendi d-dispożizzjonijiet tal-Ftehim ta’ Sħubija u Kooperazzjoni għall-kummerċ bilaterali tat-tessuti MEMORANDUM TA’ SPJEGAZZJONI Il-Ftehim ta' Sħubija u Kooperazzjoni (FSK) bejn il-Komunitajiet Ewropej u l-Istati Membri tagħhom, minn naħa waħda, u r-Repubblika tal-Uzbekistan, min-naħa l-oħra, daħal fis-seħħ fl-1 ta' Lulju 1999. Dan il-ftehim fih dispożizzjoni li skontha d-dispożizzjonijiet kummerċjali tiegħu - jiġifieri l-kundizzjonijiet kummerċjali tan-nazzjon l-aktar vantaġġjat (MFN) u l-abolizzjoni tar-restrizzjonijiet kwantitattivi - ma japplikawx għall-kummerċ fil-prodotti tat-tessuti, li kien irregolat minn ftehim bilaterali separat. Dan il-ftehim bilaterali, fis-seħħ mill-1 ta' Jannar 2000, skada fil-31 ta’ Diċembru 2004. Waqt li fil-prattika il-kummerċ fit tessuti bejn l-UE u l-Uzbekistan kompla għaddej mingħajr xkiel mill-1 ta' Jannar 2005,hemm bżonn li tkun żgurata ċ-ċertezza legali. Fid-9 ta’ Ġunju 2010, il-Kunsill awtorizza lill-Kummissjoni biex tidħol f’negozjati mar-Repubblika tal-Uzbekistan biex jiġi emendat l-FSK, sabiex jiġi żgurat li l-prinċipji li japplikaw għall-kummerċ ta' oġġetti oħra jiġu estiżi formalment ukoll għall-kummerċ tal-prodotti tat-tessuti. Dawn in-negozjati ġew konklużi b'suċċess u l-Protokoll li jemenda l-FSK billi jirrevoka Artikolu 16 u r-referenzi kollha għalih, beda jseħħ fl-1 ta' Lulju 2010. Barra minn dan, ġew introdotti xi aġġornamenti ta' natura teknika. Dan sar billi tħassar Artikolu 8(3) u l-Anness I, li nibet miż-żmien tax-xoljiment tal-URSS, u li skada fl-1998. Il-Kunsill huwa mistieden jadotta l-proposta mehmuża tad-Deċiżjoni dwar l-iffirmar ta' Protokoll għall-FSK, li għandha tagħmel parti integrali mill-FSK. Qed titressaq ukoll proposta separata dwar il-konklużjoni tal-Protokoll. 2010/0322 (NLE) Proposta għal DEĊIŻJONI TAL-KUNSILL dwar l-iffirmar, f'isem l-Unjoni Ewropea, ta’ Protokoll għal Ftehim ta’ Sħubija u Kooperazzjoni bejn il-Komunitajiet Ewropej u l-Istati Membri tagħhom, minn naħa waħda, u r-Repubblika tal-Uzbekistan, min-naħa l-oħra, biex jestendi d-dispożizzjonijiet tal-Ftehim ta’ Sħubija u Kooperazzjoni għall-kummerċ bilaterali tat-tessuti IL-KUNSILL TAL-UNJONI EWROPEA, Wara li kkunsidra t-Trattat dwar il-Funzjonament tal-Unjoni Ewropea, u partikolarment l-Artikolu 207(4), flimkien mal-Artikolu 218(5) tiegħu, Wara li kkunsidra l-proposta mill-Kummissjoni Ewropea, Billi: (1) Fid-9 ta’ Ġunju 2010 il-Kunsill awtorizza lill-Kummissjoni biex tidħol f’negozjati mar-Repubblika tal-Uzbekistan biex jiġi emendat il-Ftehim ta’ Sħubija u Kooperazzjoni (FSK) bejn il-Komunitajiet Ewropej u l-Istati Membri tagħhom, minn naħa waħda, u r-Repubblika tal-Uzbekistan, min-naħa l-oħra, sabiex jiġi żgurat li l-prinċipji li japplikaw għall-kummerċ f’oġġetti oħra jiġu estiżi formalment ukoll għall-kummerċ tal-prodotti tat-tessuti. Dawn in-negozjati ġew konklużi b'suċċess u l-Protokoll li jemenda l-FSK billi jirrevoka l-Artikolu 16 u r-referenzi kollha għalih, beda jseħħ fl-1 ta' Lulju 2010. (2) Fil-qafas tan-negozjati sar ftehim bejn iż-żewġ partijiet biex isir eżerċizju ta' tindif u titħassar dispożizzjoni li m'għadx għandha użu u l-Anness li jikkorrispondi magħha li jirreferi għal dispożizzjoni teknika li skadiet fl-1998. (3) Il-Protokoll li jemenda l-FSK għandu jiġi ffirmat mill-Unjoni Ewropea, u għandu jkun suġġett għall-konklużjoni tiegħu fi stadju aktar tard. ADOTTA DIN ID-DEĊIŻJONI: Artikolu 1 L-iffirmar tal-Protokoll għal Ftehim ta’ Sħubija u Kooperazzjoni bejn il-Komunitajiet Ewropej u l-Stati Membri tagħhom, minn naħa waħda u r-Repubblika tal-Uzbekistan, min-naħa l-oħra, biex jestendi d-dispożizzjonijiet tal-Ftehim ta’ Sħubija u Kooperazzjoni għall-kummerċ bilaterali tat-tessuti, filwaqt li titqies l-iskadenza tal-Ftehim bilaterali dwar it-tessuti, huwa hawnhekk approvat f'isem l-Unjoni Ewropea, suġġett għall-konklużjoni tal-imsemmi Protokoll [1]. Artikolu 2 Il-President tal-Kunsill huwa hawnhekk awtorizzat li jinnomina l-persuna/i li għandha/għandhom is-setgħa li tiffirma/jiffirmaw il-Protokoll f'isem l-Unjoni Ewropea, suġġett għall-konklużjoni tiegħu. Magħmul fi Brussell, Għall-Kunsill Il-President [1] It-test tal-Protokoll għandu jiġi ppubblikat flimkien mad-Deċiżjoni dwar il-konklużjoni tiegħu.