(1)

L-Unjoni Ewropea m'għandhiex dispożizzjonijiet armonizzati jew prattika uniformi dwar l-immarkar tal-oriġini fl-Unjoni, ħlief għal ċerti każijiet speċifiċi fis-settur agrikolu.

(2)

Dan ir-Regolament għandu japplika għal prodotti industrijali importati, esklużi prodotti tas-sajd u akwakultura kif definit fl-Artikolu 1 tar-Regolament tal-Kunsill (KE) Nru 104/2000 tas-17 ta'Diċembru 1999 dwar l-organizzazzjoni komuni tas-swieq għall-prodotti tas-sajd u l-akwakultura (2), u esklużi wkoll il-prodotti ta’ l-ikel kif definit fl-Artikolu 2 tar-Regolament (KE) Nru 178/2002 tal-Parlament Ewropew u tal-Kunsill tat-28 ta’ Jannar 2002 li jistipula l-prinċipji ġenerali u r-rekwiżiti tal-liġi dwar l-ikel, li jistabbilixxi l-Awtorità Ewropea għas-Sikurezza Alimentari u li jistipula l-proċeduri fi kwistjonijiet ta’ sigurtà ta’ l-ikel (3).

(3)

Illum ħafna kumpaniji fl-Unjoni diġà jużaw b'mod volontarju l-marka tal-oriġini.

(4)

L-assenza ta’ regoli tal-Unjoni u d-differenzi bejn is-sistemi fis-seħħ fl-Istati Membri, rigward l-indikazzjoni ta’ ċerti prodotti dwar il-pajjiż ta’ l-oriġini tagħhom, wasslet għal sitwazzjoni fejn f'għadd ta’ setturi, parti ewlenija tal-prodotti importati minn pajjiżi terzi u distribwiti fi ħdan is-suq tal-Unjoni jinsabu mingħajr l-ebda tagħrif jew li għandhom tagħrif qarrieqi rigward il-pajjiż ta’ l-oriġini tagħhom. Dawn id-differenzi qed iwasslu wkoll għal sitwazzjoni fejn it-traffiku ta’ importazzjonijiet minn pajjiżi terzi qed juri t-tendenza li jmur lejn punti ta’ dħul partikulari tal-Unjoni li jaqblu l-aktar għall-pajjiż tal-esportazzjoni.

(5)

Ir-riżultati tal-konsultazzjoni tal-Kummissjoni mal-partijiet interessati ġenerali (li inkludew l-industrija, l-importaturi, l-assoċjazzjonijiet tal-konsumaturi, it-trejdjunjins) dwar l-iżvilupp possibbli ta’ Regolament tal-Unjoni dwar il-marka tal-oriġini jindikaw li l-perċezzjoni tal-konsumaturi Ewropej tar-relevanza tal-marka tal-oriġini sabiex tgħarrafhom dwar sikurezza u kwistjonijiet soċjali u ambjentali hija ġeneralment għolja.

(6)

Ir-regolamentazzjoni tal-Unjoni dwar il-marki tal-oriġini tinħass miċ-ċittadini Ewropej li hi marbuta mill-qrib mal-ħarsien tas-saħħa u s-sikurezza tagħhom.

(7)

Fl-Aġenda ta’ Lisbona, l-UE stabbiliet għaliha nnifisha l-objettiv tat-tisħiħ tal-ekonomija tal-Unjoni permezz, inter alia, tat-titjib tal-kompetittività tal-industrija tal-Unjoni fl-ekonomija dinjija u l-istrateġija UE 2020 hija impenjata li tibni fuq din il-ħtieġa li titjieb il-kompetittività; għal ċerti kategoriji ta’ prodotti ta’ konsum, il-kompetittività taf tinstab fil-fatt li l-produzzjoni tagħhom fl-UE hija assoċjata ma’ reputazzjoni ta’ kwalità u ta’ standards ta’ produzzjoni għoljin.

(8)

Regoli tal-Unjoni dwar il-marki tal-oriġini isaħħu l-kompetittività tal-kumpaniji tal-Unjoni u tal-ekonomija tal-Unjoni b'mod ġenerali billi ċ-ċittadini u l-konsumaturi jkunu jistgħu jaslu biex jagħżlu b'mod mgħarraf.

(9)

Is-sinifikat ekonomiku tal-marka ta’ l-oriġini għad-deċiżjoni tal-konsumatur u għall-kummerċ huwa rikonoxxut mill-prassi ta’ sħab kummerċjali ewlenin oħrajn li daħħlu r-rekwiżiti obbligatorji tal-marka ta’ l-oriġini. L-esportaturi fl-Unjoni jridu jkunu konformi ma’ dawk ir-rekwiżiti u għandhom jimmarkaw l-oriġini fuq il-prodotti li jixtiequ jesportaw lil dawn is-swieq.

(10)

Kien hemm bosta każijiet ta’ inċidenti dwar is-saħħa u s-sikurezza li rriżultaw minn prodotti importati fl-UE minn pajjiżi terzi. Indikazzjoni ċara tal-oriġini tagħti liċ-ċittadini tal-UE aktar tagħrif u aktar kontroll fuq l-għażliet tagħhom, u b'hekk toffrilhom protezzjoni milli jixtru bla ma jkunu jafu prodotti ta’ kwalità possibilment dubjuża.

(11)

L-awtoritajiet doganali tal-Istati Membri għandhom jagħmlu verifiki u kontrolli fil-fruntieri dwar l-implimentazzjoni ta’ dan ir-Regolament permezz ta’ proċedura armonizzata unika biex jitnaqqas il-piż amministrattiv.

(12)

Sabiex jiġi żgurat li dan ir-Regolament ikun effettiv u jimponi biss piżijiet amministrattivi ħfief filwaqt li jagħti flessibilità massima lill-kumpaniji tal-Unjoni, huwa għandu jkun f'konformità ma’ skemi eżistenti “Made in” fid-dinja kollha.

(13)

L-Unjoni għandha titqiegħed fuq termini indaqs ma’ l-imsieħba kummerċjali billi jħejju leġiżlazzjoni ekwivalenti li tkun tista' tikkontribwixxi wkoll għall-prevenzjoni ta’ klejms ta’ l-origini foloz jew qarrieqa ta’ ċerti prodotti importati.

(14)

Skond id-Direttiva 2005/29/KE tal-Parlament Ewropew u tal-Kunsill tal-11 ta’ Mejju 2005 li tikkonċerna prassi kummerċjali inġusta bejn in-negozji u l-konsumaturi fis-suq intern (4), il-konsumaturi jistgħu jorbtu valur kummerċjali mat-tagħrif dwar l-oriġini ġeografika ta’ prodott. Skond dik id-Direttiva, fejn tagħrif falz jew qarrieqi dwar l-oriġini ġeografika jwassal biex konsumatur jixtri prodott li ma kienx bi ħsiebu jixtri, dan jista' jikkostitwixxi prassi kummerċjali inġusta. Dik id-Direttiva ma tagħtix mandat li t-tagħrif dwar l-oriġini ġeografika tal-merkanzija għandu jkun ipprovdut, u lanqas ma tiddefinixxi l-kunċett ta’ oriġini.

(15)

Skema tal-marka tal-oriġini tippermetti li ċ-ċittadini jidentifikaw prodotti bl-istandards soċjali, ambjentali u ta’ sikurezza ġeneralment assoċjati mal-pajjiż tal-oriġini.

(16)

Il-ħolqien ta’ definizzjoni komuni ta’ l-oriġini għall-għanijiet ta’ mmarkar, ta’ regoli ta’ l-immarkar, u ta’ regoli komuni dwar kontrolli għandu għalhekk joħloq bilanċ ġust, jiffaċilita l-għażla għall-konsumatur fis-setturi koperti, u jikkontribwixxi għat-tnaqqis fil-livelli ta’ klejms qarrieqa dwar l-oriġini.

(17)

It-tnedija ta’ marka ta’ l-oriġini tista tikkontribwixxi biex l-istandards esiġenti tal-Unjoni jaħdmu favur l-industrija tal-Unjoni, speċjalment l-intrapriżi zgħar u ta’ daqs medju li ta’ sikwit jagħmlu sforz ġenwin fir-rigward tal-kwalità tal-prodotti tagħhom u jżommu wkoll xogħlijiet u metodi ta’ produzzjoni tradizzjonali u tas-snajja, iżda li huma esposti ħafna għall-kompetizzjoni globali li ma għandhiex regoli biex tkun tista' ssir distinzjoni bejn il-metodi ta’ produzzjoni . Għandha tgħin ukoll biex tħares ir-reputazzjoni ta’ l-industrija tal-Unjoni milli tiċċappas bi klejms ta’ oriġini mhux eżatti. Titjib fit-trasparenza kif ukoll tagħrif lill-konsumatur dwar l-oriġini tal-prodotti għandhom għalhekk jikkontribwixxu għall-għanijiet ta’ l-aġenda ta’ Liżbona u għal- dawk tal-Istrateġija UE 2020 .

(18)

L-Artikolu IX tal-Ftehim Ġenerali dwar it-Tariffi u l-Kummerċ (GATT) 1994 jistipula li l-membri tad-WTO jistgħu jadottaw u jinfurzaw liġijiet u regolamenti li għandhom x'jaqsmu mal-marka ta’ l-oriġini ta’ l-importazzjonijiet, notevolment biex iħarsu lill-konsumaturi kontra indikazzjonijiet foloz jew qarrieqa.

(19)

Ir-regoli dwar il-marki tal-oriġini jipprovdu wkoll ħarsien effettiv kontra l-falsifikazzjoni u l-kompetizzjoni żleali, u jtejbu l-effettività tar-Regolament tal-Kunsill (KE) Nru 1383/2003 tat-22 ta’ Lulju 2003 li jikkonċerna azzjoni doganali kontra merkanzija suspettata li tikser ċerti drittijiet ta’ proprjetà intellettwali u l-miżuri li għandhom jittieħdu kontra merkanzija li jinstab li tkun kisret dawk id-drittijiet (5) filwaqt li jipprovdu strument importanti ieħor għall-ħarsien u t-titjib tal-produzzjoni tal-Unjoni.

(20)

Taħt il-Ftehimiet bejn il-Komunità tal-Unjoni u ▐ u t-Turkija, u l-Partijiet Kontraenti tal-Ftehim taż-ŻEE, huwa meħtieġ li jiġu esklużi l-prodotti li joriġinaw f'dawn il-pajjiżi mill-ambitu tar-Regolament attwali.

(21)

Il-regoli ta’ l-oriġini mhux preferenzjali tal-Unjoni huma stabbiliti fir-Regolament tal-Kunsill (KEE) Nru 2913/92 tat-12 ta’ Ottubru 1992 li jistabbilixxi l-Kodiċi Doganali tal-Komunità (6) u d-dispożizzjonijiet ta’ implimentazzjoni tiegħu fir-Regolament tal-Kummissjoni (KEE) Nru 2454/93 tat-2 ta’ Lulju 1993 li jistipula d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali tal-Komunità (7). Ikun aħjar li wieħed joqgħod fuq dawn ir-regoli ta’ l-oriġini biex jiddetermina l-oriġini tal-merkanzija importata għall-għan ta’ dan ir-regolament. L-użu ta’ kunċett li miegħu l-operaturi u l-amministraturi kummerċjali huma familjari sew għandu jiffaċilita aktar l-introduzzjoni u l-implimentazzjoni tiegħu. Ir-regoli ta’ l-oriġini mhux preferenzjali għandhom jiġu applikati għall-għanijiet kollha ta’ politika kummerċjali mhux preferenzjali. Id-duplikazzjoni ta’ dikjarazzjonijiet u dokumentazzjoni għandha tiġi evitata.

(22)

Sabiex il-piż fuq l-industrija, l-kummerċ u l-amministrazzjoni jkun limitat, l-immarkar ta’ l-oriġini għandu jsir obbligatorju għal dawk is-setturi li għalihom il-Kummissjoni, fil-każijiet ta’ konsultazzjoni li saret qabel, sabet li kien hemm il-valur miżjud. ▐ Għandha ▐ tingħata attenzjoni għall-eżenzjoni ta’ prodotti speċifiċi għal raġunijiet tekniċi ▐ jew fejn il-marka ta’ l-oriġini mhijiex għaldaqstant meħtieġa għall-għan ta’ dan ir-Regolament. Dan jista' jkun il-każ, b'mod partikolari fejn il-marka ta’ l-oriġini tista tħassar il-prodotti kkonċernati, jew fil-każ ta’ ċerti materji prima.

(23)

Għandha tingħata attenzjoni li d-data dwar l-oriġini tal-prodotti iġġenerata u/jew ivverifikata matul il-kontrolli mill-awtoritajiet kompetenti tista' tiġi skambjata, inkluż ma’ l-awtoritajiet u ma’ persuni u organizzazzjonijiet oħrajn, li għalihom l-Istati Membri jipprevedu rwol ta’ infurzar skond id-Direttiva 2005/29/KE. Għandhom jitqiesu l-ħarsien tad-data personali, is-segretezza kummerċjali u industrijali, u l-kunfidenzjalità professjonali u amministrattiva.

(24)

Skont l-Artikolu 291 tat-Trattat dwar il-Funzjonament tal-Unjoni Ewropea (TFUE), ir-regoli u l-prinċipji ġenerali dwar il-mekkaniżmi ta’ kontroll mill-Istati Membri tal-eżerċizzju tas-setgħat ta’ implimentazzjoni tal-Kummissjoni għandhom jiġu stabbiliti minn qabel permezz ta’ regolament adottat skont il-proċedura leġislattiva ordinarja. Sakemm jiġi adottat dak ir-regolament il-ġdid, id-dispożizzjonijiet tad-Deċiżjoni tal-Kunsill 1999/468/KE tat-28 ta Ġunju 1999 li tistabbilixxi l-proċeduri għall-eżerċitar tal-poteri implementattivi konferiti fuq il-Kummisjoni jibqgħu japplikaw, bl-eċċezzjoni tal-proċedura regolatorja bi skrutinju li mhix applikabbli  (8).

(25)

Il-Kummissjoni għandha tingħata s-setgħa li tadotta atti delegati skont l-Artikolu 290 TFUE sabiex tiddetermina l-każijiet fejn il-marka fuq il-pakkett tista' tiġi aċċettata minflok marka fuq il-prodott innifsu, jew fejn il-prodotti ma jkunux jistgħu jew ma jkunx hemm għalfejn jiġu mmarkati minħabba raġunijiet tekniċi, kif ukoll miżuri biex tiddetermina regoli oħrajn li jistgħu jkunu meħtieġa meta jinstab li prodott ma jkunx konformi ma’ dan ir-Regolament jew biex taġġorna l-Anness tiegħu meta tinbidel il-valutazzjoni fir-rigward tal-ħtieġa tal-marka tal-oriġini għal settur speċifiku.

(26)

Oġġetti fil-bagalji personali tal-vjaġġaturi għall-użu personali għandhom jiġu eżentati mill-applikazzjoni ta’ dan ir-Regolament fil-limiti stipulati fir-rigward ta’ eżenzjoni mid-dazju doganali, u jekk ma hemmx indikazzjonijiet li juru li l-oġġetti huma parti mit-traffiku kummerċjali. Għandha tingħata attenzjoni li s-sitwazzjonijiet l-oħrajn koperti wkoll mir-Regolament tal-Kunsill (KE) Nru. 1186/2009 tas-16 ta’ Novembru 2009 li jwaqqaf sistema Komunitarja ta’ eżenzjoniiet minn dazju doganali (verżjoni kodifikata) (9) jistgħu ukoll jiġu esklużi mill-ambitu ta’ dan ir-Regolament permezz tad-dispożizzjonijiet ta’ implimentazzjoni,

—

tidditermina il-forma fid-dettal u l-modalitajiet tal-marka ta’ l-oriġini;

—

tistabbilixxi lista ta’ termini fil-lingwi kollha tal-Unjoni ewropea li jesprimu b'mod ċar il-ħsieb li l-merkanzija toriġina fil-pajjiż indikat fuq il-marka;

—

tiddetermina l-każijiet fejn taqsiriet użati ta’ spiss jindikaw b'mod li ma jistax iwassal għal żbalji il-pajjiż ta’ l-oriġini u jistgħu jintużaw għall-għanijiet ta’ dan ir-Regolament.

—

tiddetermina l-każijiet fejn il-merkanzija ma tistax jew m'għandhiex għalfejn tiġi mmarkata għal raġunijiet tekniċi ▐;

—

tiddetermina regoli oħrajn li jistgħu jkunu meħtieġa meta l-merkanzija tinstab li ma tkunx konformi ma’ dan ir-regolament;

—

taġġorna l-Anness ta’ dan ir-Regolament fejn l-evalwazzjoni inbidlet rigward jekk il-marka ta’ l-oriġini hijiex meħtieġa għal settur speċifiku.

—

m'għandhiex marka ta’ l-oriġini;

—

il-marka ta’ l-oriġini ma tikkorrispondix ma’ l-oriġini tal-merkanzija;

—

il-marka ta’ l-oriġini tbiddlet jew tneħħiet, jew ġiet imbagħbsa, għajr fejn kienet meħtieġa l-korrezzjoni skond il-paragrafu 3 ta’ dan l-Artikolu.