This document is an excerpt from the EUR-Lex website
Document 52009XG0625(01)
Notice for the attention of those persons, entities and bodies that have been included by the Council on the list of persons, entities and bodies to which Article 7(2) of Council Regulation (EC) No 423/2007 applies (Annex V)
Avviż għall-attenzjoni ta' dawk il-persuni, l-entitajiet u l-korpi li kienu inklużi mill-Kunsill fil-lista ta' persuni, entitajiet u korpi li għalihom japplika l-Artikolu 7(2) tar-Regolament tal-Kunsill (KE) 423/2007 (Anness V)
Avviż għall-attenzjoni ta' dawk il-persuni, l-entitajiet u l-korpi li kienu inklużi mill-Kunsill fil-lista ta' persuni, entitajiet u korpi li għalihom japplika l-Artikolu 7(2) tar-Regolament tal-Kunsill (KE) 423/2007 (Anness V)
ĠU C 145, 25.6.2009, p. 1–1
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
25.6.2009 |
MT |
Il-Ġurnal Uffiċjali tal-Unjoni Ewropea |
C 145/1 |
Avviż għall-attenzjoni ta' dawk il-persuni, l-entitajiet u l-korpi li kienu inklużi mill-Kunsill fil-lista ta' persuni, entitajiet u korpi li għalihom japplika l-Artikolu 7(2) tar-Regolament tal-Kunsill (KE) 423/2007 (Anness V)
2009/C 145/01
L-informazzjoni li ġejja qed tinġieb għall-attenzjoni tal-persuni, l-entitajiet u l-korpi li jidhru fl-Anness għad-Deċiżjoni tal-Kunsill 2008/475/KE tat-23 ta' Ġunju 2008 (1).
B’dik id-Deċiżjoni, il-Kunsill tal-Unjoni Ewropea ddetermina li l-persuni, l-entitajiet u l-korpi li jidhru fil-lista msemmija hawn fuq jissodisfaw il-kriterji mniżżlin fl-Artikolu 7(2) tar-Regolament tal-Kunsill (KE) 423/2007 tad-19 April 2007 dwar miżuri restrittivi kontra l-Iran (2), u għalhekk huma kienu inklużi fl-Anness V għal dak ir-Regolament. Ir-Regolament jipprevedi l-iffriżar tal-fondi, l-assi finanzjarji u r-riżorsi ekonomiċi l-oħrajn kollha appartenenti għall-persuni, l-entitajiet jew il-korpi kkonċernati u li l-ebda fondi, assi finanzjarji u riżorsi ekonomiċi oħrajn ma għandhom isiru disponibbli għalihom jew għall-benefiċċju ta' tali persuni, entitajiet jew korpi, kemm direttament jew indirettament.
Konformement mal-Artikolu 15(2) tar-Regolament, il-lista ta' persuni, entitajiet u korpi msemmija fl-Artikolu 7(2) għandha tiġi riveduta f'intervalli regolari u tal-inqas kull 12-il xahar.
Għal dan il-għan, il-persuni, l-entitajiet jew il-korpi kkonċernati jistgħu jippreżentaw talba lill-Kunsill, flimkien ma' dokumentazzjoni ta' appoġġ, li d-deċiżjoni biex jiġu inklużi fil-lista msemmija hawn fuq għandha tiġi kkunsidrata mill-ġdid.
Tali talbiet għandhom jintbagħtu, fi żmien xahar mid-data tal-pubblikazzjoni tal-avviż preżenti, fl-indirizz li ġej:
Kunsill tal-Unjoni Ewropea |
Segretarjat Ġenerali |
Rue de la Loi 175 |
1048 Bruxelles/Brussels |
BELGIQUE/BELGIË |
(1) ĠU L 163, 24.6.2008, p.29.