1.

Li jiġi żgurat li approċċ bilanċjata u integrat jiġi rifless fil-linji politiċi nazzjonali u fl-approċċ tal-UE lejn il-pajjiżi terzi u f'fora internazzjonali

1.

L-Istati Membri u l-Istituzzjonijiet tal-UE għandhom jikkoordinaw b'mod effettiv il-politika dwar id-drogi biex tirrifletti l-objettivi tal-Istrateġija tal-UE 2005-2012 kontra d-Drogi u dan il-Pjan ta' Azzjoni

2.

Li tiġi żgurata koordinazzjoni effettiva fil-livell tal-UE

2.

Il-Grupp ta' Ħidma Orizzontali tal-Kunsill dwar id-Drogi (HDG), bħala l-grupp ta' ħidma bir-responsabbiltà ta' tmexxija u gwida fir-rigward tad-drogi fil-Kunsill, għandu jikkoordina b'mod pro-attiv il-politika tal-UE dwar id-drogi. L-HDG għandu jidentifika oqsma speċifiċi ta' ħidma fi gruppi ta' ħidma oħra tal-Kunsill u jaħdem lejn koordinazzjoni effettiva

3.

Il-Kummissjoni u l-Kunsill għandhom jiżguraw koerenza bejn il-politika interna u esterna dwar id-drogi

4.

Il-Kunsill għandu jeżamina s-sitwazzjoni fir-rigward tal-problema tad-drogi darba fis-sena, abbażi tar-reviżjoni annwali tal-progress tal-Kummissjoni, rapporti rilevanti mħejjija mill-EMCDDA, l-Europol u l-Eurojust

5.

Il-Presidenza għandha torganizza laqgħat bejn il-koordinaturi nazzjonali dwar id-droga jew l-ekwivalenti tagħhom fuq bażi regolari biex il-koordinazzjoni fir-rigward ta' kwistjonijiet speċifiċi u urgenti li jeħtieġu azzjoni tavvanza. Il-koordinaturi għandhom jiġu mistiedna jikkontribwixxu għall-eżami annwali tas-sitwazzjoni min-naħa tal-Kunsill fir-rigward tal-problema tad-drogi (ara l-azzjoni 4 hawn fuq)

3.

Li tiġi żgurata koordinazzjoni effettiva fil-livell nazzjonali

6.

B'kont meħud tal-ħidma fir-rigward tal-mekkaniżmi ta' koordinazzjoni fir-rigward tad-drogi fl-Istati Membri kollha tal-UE mwettqa mill-EMCDDA, l-Istati Membri għandhom jeżaminaw il-koordinazzjoni inter-dipartimentali dwar id-drogi biex jiżguraw li l-pożizzjonijiet koordinati jkunu ppreżentati fil-livell tal-UE u li l-objettivi tal-Pjan ta' Azzjoni tal-UE jitmexxew għall-aktar livell implimentattiv effettiv

4.

Li tiġi żgurata l-parteċipazzjoni tas-soċjetà ċivili fil-politika dwar id-drogi

7.

Mill-inqas darba fis-sena l-Kummissjoni għandha tfittex rispons dwar il-politika dwar id-drogi mill-Forum tas-Soċjetà Ċivili dwar id-Drogi

8.

Il-Kummissjoni għandha tvara inizjattiva, “L-Alleanza Ewropea dwar id-Drogi”, fejn tistieden lill-organizzazzjonijiet tas-soċjetà ċivili fl-UE kollha (inklużi, pereżempju, skejjel, intrapriżi kummerċjali, korpi pubbliċi u NGOs) biex jieħdu sehem f'qafas komuni mfassal biex joħloq impenn politiku dwar il-problemi tad-drogi fis-soċjetà u biex jieħdu azzjoni dwarhom

9.

L-Istati Membri għandhom jinvolvu lis-soċjetà ċivili fil-livelli adatti kollha tal-politika dwar id-drogi, skont il-prattiċi nazzjonali

5.

Il-prevenzjoni tal-użu tad-drogi u r-risjki marbutin miegħu

10.

Azzjoni biex tkun promossa l-innovazzjoni fi, u jkunu sistematikament disponibbli, programmi u interventi ta' prevenzjoni universali bbażati fuq l-evidenza u evalwati f'sitwazzjonijiet differenti (pereżempju, immirati lejn iż-żgħażagħ f'ċentri taż-żgħażagħ, u skejjel u lejn l-adulti, fil-postijiet tax-xogħol u fil-ħabs), bil-għan li jkun prevenut jew ritardjat l-ewwel użu tad-drogi. Il-prevenzjoni għandha tkopri wkoll l-użu ta' aktar minn droga waħda (l-użu kkombinat ta' sustanzi leċiti u illeċiti, b'mod partikolari l-alkoħol) kif ukoll id-drogi u s-sewqan

6.

Il-prevenzjoni ta' imġiba ta' riskju għoli tal-utenti tad-drogi — inkluż l-utenti tad-drogi li jinjettaw — permezz ta' prevenzjoni mmirata

11.

Azzjoni biex ikunu żviluppati ulterjorment tekniki ta' skoperta bikrija u intervent u tkun implimentata prevenzjoni selettiva evalwata u effettiva għal gruppi vulnerabbli f'riskju kbir li jiżviluppaw problemi tad-drogi, inkluż l-użu tad-drogi b'injezzjoni

12.

Azzjoni biex tkun żviluppata u implimentata ulterjorment prevenzjoni indikattiva effettiva u evalwata għal gruppi ta' riskju għoli speċifiċi ta' utenti li jagħmlu użu minn aktar minn droga waħda, billi jkun offrut aċċess faċli għas-servizzi li joffru pariri, għall-ġestjoni ta' imġiba problematika u ħidma ta' outreach fejn rilevanti

7.

It-titjib tal-effettività tat-trattament mid-drogi u r-rijabilitazzjoni permezz tat-titjib tad-disponibbiltà, l-aċċessibbiltà u l-kwalità tas-servizzi

13.

Iż-żieda tal-effettività u l-firxa ta' possibbiltajiet għat-trattament mid-drogi bbażati fuq l-evidenza li jkopru varjetà ta' approċċi psikosoċjali u farmakoloġiċi li jikkorrispondu għall-ħtiġijiet tal-utenti tad-drogi (inkluż trattament rilevanti adattat għal drogi ġodda jew tipi ġodda ta' użu)

14.

Azzjoni biex jitwasslu l-programmi ta' rijabilitazzjoni u reintegrazzjoni soċjali innovattivi eżistenti b'eżiti li jistgħu jitkejlu u biex jiġu żviluppati oħrajn

15.

Azzjoni biex tkun irriklamata, fejn ikun il-każ, l-eżistenza ta' servizzi ta' trattament u rijabilitazzjoni u l-varjetà ta' possibbiltajiet li joffru dawn is-servizzi fil-livell nazzjonali, reġjonali u lokali għal udjenzi ta' mira potenzjali

16.

Azzjoni biex jiżdied l-użu ta', tkun monitorjata l-implimentazzjoni ta' u jiġu żviluppati ulterjorment alternattivi effettivi għall-ħabs għal dawk li jagħmlu użu mid-drogi u li jwettqu xi reat

8.

Li jittejbu l-kwalità u l-effetività tal-attivitajiet għat-tnaqqis fid-domanda tad-drogi, b'kont meħud tal-ħtiġijiet speċifiċi tal-utenti tad-drogi skont is-sess, l-isfond kulturali, l-età, eċċ.

17.

Azzjoni biex jiġu żviluppati, implimentati u skambjati linji gwida dwar prattika tajba/standards ta' kwalità tal-interventi u s-servizzi ta' prevenzjoni, trattament u tnaqqis tal-ħsara

18.

L-Istati Membri għandhom jistħarrġu d-disponibbiltà u l-effettività tas-servizzi tal-prevenzjoni, it-trattament, it-tnaqqis tal-ħsar u r-rijabilitazzjoni, b'risons għal ħtiġijiet speċifiċi, abbażi ta' qafas metodoloġiku li għandu jiġi żviluppat mill-Kummissjoni — bl-appoġġ tal-EMCDDA — u li jkun kompatibbli mal-metodoloġiji eżistenti

19.

Azzjoni biex jiġi żviluppat kunsens tal-UE dwar l-istandards ta' kwalità u valuri indikattivi minimi għal interventi u servizzi ta' prevenzjoni, trattament, tnaqqis tal-ħsara u rijabilitazzjoni b'kont meħud tal-ħtiġijiet ta' gruppi speċifiċi u l-ħidma mwettqa fil-livell nazzjonali u dak internazzjonali

20.

Azzjoni biex jiġu żviluppati, skont il-każ, servizzi għal minoranzi, inkluż, pereżempju, migranti

9.

L-għoti ta' aċċess għall-kura tas-saħħa għall-utenti tad-drogi fil-ħabs għall-prevenzjoni u t-tnaqqis tal-ħsara relatati mas-saħħa assoċjata mal-użu tad-drogi

21.

Azzjoni biex jiġu żviluppati u implimentata servizzi ta' prevenzjoni, trattament, tnaqqis tal-ħsara u rijabilitazzjoni għall-persuni fil-ħabs, li jkunu ekwivalenti għas-servizzi disponibbli barra l-ħabs. Għandha titqiegħed enfasi partikolari fuq l-kura ta' segwitu wara r-rilaxx mill-ħabs

22.

L-Istati Membri għandhom jendorsjaw u jimplimentaw fil-ħabsijiet indikaturi biex ikun monitorjati l-użu tad-drogi, il-problemi tas-saħħa relatati mad-drogi u l-forniment ta' servizzi tad-drogi abbażi ta' qafas metodoloġiku żviluppat mill-Kummissjoni — bl-appoġġ tal-EMCDDA li jkun kompatibbli mal-metodoloġiji eżistenti, u b'kont meħud tal-ħidma mwettqa mill-UNODC (fil-qasam tal-proġett tal-HIV/AIDS u treat.net) u mid-WHO (Saħħa fil-ħabsijiet)

10.

Li jiġi żgurat l-aċċess għal servizzi għat-tnaqqis tal-ħsara biex titnaqqas il-firxa tal-HIV/AIDS, l-epatite Ċ u mard infettuż ieħor li jinsab fid-demm relatat mal-użu tad-drogi u biex jitnaqqas in-numru ta' mwiet fl-UE relatati mal-użu tad-drogi

23.

Azzjoni biex ikun provdut aċċess għal, u titjieb il-kopertura ta', servizzi għat-tnaqqis tal-ħsara u l-varjetà ta' possibbiltajiet li dawn is-servizzi joffru bħala parti integrali nit-tnaqqis fid-domanda għad-drogi, billi jsir użu mill-interventi li għandhom effettività ppruvata, meta dawn ikunu disponibbli (6)

11.

Li tiġi mtejba l-kooperazzjoni effettiva fl-infuzar tal-liġi fl-UE għall-ġlieda kontra l-produzzjoni u t-traffikar tad-drogi

24.

Azzjoni biex jiġu mmirati organizzazzjonijiet kriminali u theddid li qed jiżviluppa ġdid, bl-użu ta' approċċ iggwidat mill-intelligence (ibbażat fuq il-metodoloġija tal-Mudell ta' Intelligence Kriminali Ewropew (ECIM)) li jagħti prijorità lin-netwerks kriminali u s-swieq li huma tal-akbar theddid

25.

Operazzjonijiet ta' infurzar tal-liġi multidixxiplinarji li jinvolvu lill-Europol u l-Eurojust, kif ukoll lill-pulizija, lid-dwana u lis-servizzi tal-kontroll tal-fruntiera, ser jintużaw aktar permezz ta' inizjattivi ta' kooperazzjoni bilaterali u multilaterali, gruppi konġunti ta' investigazzjoni (JIT) u operazzjonijiet doganali konġunti (JCO). L-Istati Membri ser jeżaminaw liema miżuri huma possibbli biex ikun iffaċilitat u mgħaġġel il-proċess u biex ikun inkoraġġut użu akbar ta' dawn l-istrumenti f'każijiet ta' drogi

26.

Azzjoni biex tittejjeb il-kwalità tad-data tal-intelligence provduta permezz tal-Unitajiet Nazzjonali tal-Europol lill-Europol u l-proġetti relatati tiegħu inklużi l-Fajls ta' Ħidma ta' Analiżi (AWF). L-enfasi għandha tkun fuq il-kriminalità organizzata serja u l-kooperazzjoni minn dawk l-Istati Membri li qed ikollhom l-akbar impatt fuq is-swieq usa' tad-drogi tal-UE

27.

Implimentazzjoni ta' proġetti COSPOL relatati mad-drogi, b'attenzjoni speċjali mogħtija lil

28.

Il-Kulleġġ tal-Pulizija Ewropew (CEPOL) (7) għandu jipprovdi taħriġ avvanzat rilevanti (8) għall-uffiċjali anzjani tal-pulizija u tad-dwana u uffiċjali ta' kollegament f'pajjiżi terzi permezz tal-kulleġġi nazzjonali għat-taħriġ tal-pulizija

29.

Azzjoni biex isir użu aktar sistematiku mill-uffiċjali ta' kollegament tal-Istat Membru u l-maġistrati ta' kollegament, fejn ikun il-każ, f'pajjiżi terzi għall-iskambju ta' informazzjoni u intelligence bejn l-aġenziji tal-infurzar tal-liġi tal-Istati Membri u l-Europol b'kont meħud tad-Deċiżjoni tal-Kunsill 2003/170/ĠAI tas-27 ta' Frar 2003 dwar l-użu komuni tal-uffiċjali tal-kuntatt ippustjati barra l-pajjiż mill-aġenziji tal-infurzar tal-liġi tal-Istati Membri fil-verżjoni tal-24 ta' Lulju 2006, Deċiżjoni tal-Kunsill 2006/560/ĠAI

30.

Azzjoni biex tiġi adottata u implimentata sistema mifruxa mal-UE li permezz tagħha jista' jsir profil forensiku fir-rigward tal-infurzar tal-liġi għad-drogi sintetiċi u għal drogi oħra, fejn adatt, abbażi tal-esperjenza miksuba permezz ta' proġetti bħal SYNERGY u CHAIN, l-istruttura u l-ħila tal-Europol kif ukoll taċ-Ċentru tar-Riċerka Konġunta tal-Kummissjoni, u minn attivitajiet attwali tal-Istati Membri ta' infurzar tal-liġi u esperjenzi f'dan il-qasam

12.

Li tittejjeb il-kooperazzjoni ġudizzjarja effettiva fil-qasam tal-ġlieda kontra t-traffikar tad-drogi u l-infurzar tal-liġi fir-rigward tal-produzzjoni, it-traffikar tad-drogi u/jew il-prekursuri, u l-money laundering relatat ma' dan it-traffiku

31.

Azzjoni biex jiġi inkoraġġut l-użu sħiħ tal-istrumenti eżistenti tal-UE dwar assistenza reċiproka fi kwistjonijiet kriminali, ta' mandati ta' arrest Ewropej, u ta' sanzjonijiet maħruġa mill-ġurisdizzjonijiet tal-Istati Membri

32.

L-Istati Membri għandhom jikkunsidraw, fejn ikun il-każ, l-iżvilupp ta' programmi għall-protezzjoni tax-xhieda u l-esplorazzjoni tal-valur miżjud potenzjali ta' kooperazzjoni konġunta f'dan il-qasam

33.

Azzjoni biex tissaħħaħ il-kooperazzjoni fost l-Istati Membri tal-UE sabiex tinkiseb l-applikazzjoni sħiħa tal-istrumenti legali relatati mar-rikonoxximent reċiproku tal-konfiska ta' ordnijiet

34.

Azzjoni biex ikun appoġġat l-istabbiliment ta' Uffiċċji għall-Irkupru tal-Assi effettivi fl-Istati Membri skont id-Deċiżjoni tal-Kunsill 2007/845/ĠAI u biex ikunu appoġġati ulterjorment l-Istati Membri involuti permezz tan-netwerk CARIN. Azzjoni biex ikunu appoġġati investigazzjonijiet permezz tal-Europol u AWFs tal-Europol relatati

13.

Li jkun hemm rispons rapidu u effettiv fil-livell operattiv, ta' politika u dak politiku għal theddid li qed jirriżulta ġdid (pereżempju drogi li qed jidhru għall-ewwel darba, rotot ġodda)

35.

Azzjoni biex jiġu stabbiliti, fejn meħtieġ, pjattaformi ta' sigurtà reġjonali (pereżempju MAOC-N, Baħar Baltiku TF) biex jiġġieldu theddid li qed jirriżulta ġdid permezz ta' risponsi operattivi kkoordinati. Azzjoni bħal din għandha tkun kompatibbli ma' arranġamenti legali u operattivi fil-livell tal-UE u bbażata fuq valutazzjonijiet ta' theddid speċifiku (ara wkoll azzjoni 48). Il-pjattaformi l-ġodda għandhom jiġu stabbiliti mingħajr sovrapożizzjoni u jkunu kompatibbli mal-istrutturi eżistenti

36.

L-UE għandha tiffoka fuq sforzi konġunti u kkoordinati bejn l-Istati Membri u r-reġjuni li huma l-aktar esposti għal fenomeni partikolari marbuta mal-produzzjoni/it-traffikar tad-drogi, f'kooperazzjoni mal-Europol skont il-każ

14.

Li titnaqqas il-produzzjoni u l-provvista ta' drogi sintetiċi

37.

L-Istati Membri għandhom, b'mod attiv, ikomplu bil-kooperazzjoni/operazzjonijiet konġunti marbutin mal-infurzar tal-liġi f'dan il-qasam u jikkondividu l-intelligence u l-aħjar prattika. Għandu jsir l-aħjar użu mill-Fajl ta' Ħidma Analitika SYNERGY tal-Europol, il-komponenti (9) tiegħu u l-EJUP u l-inizjattivi COSPOL assoċjati

15.

Li jitnaqqsu d-diverżjoni u t-traffikar fl-UE jew minnha ta' prekursuri tad-drogi użati għall-produzzjoni ta' drogi illeċiti

38.

L-UE għandha tiżviluppa pożizzjoni ċara u magħquda dwar din il-kwistjoni fil-livell internazzjonali u fil-fora internazzjonali rilevanti, abbażi tal-leġislazzjoni eżistenti u prattiki kooperattivi mas-settur privat permezz ta' koordinazzjoni effettiva permezz tal-kumitati rilevanti tal-Kunsill

39.

Is-servizzi doganali u tal-fruntiera għandhom jintegraw il-kontrolli tal-prekursuri f'livell strateġiku, b'hekk itejbu l-effettività tal-ġestjoni tal-kontroll tal-fruntiera billi jimplimentaw il-Sistema Komunitarja ta' Ġestjoni tar-Riskju u jikkoordinaw aktar mill-qrib ma' aġenziji tal-infurzar tal-liġi oħra impenjati fil-ġlieda kontra l-produzzjoni tad-drogi u t-traffikar

40.

L-UE għandha tagħti appoġġ sħiħ lill-kooperazzjoni operattiva internazzjonali mmirata lejn il-prevenzjoni tad-diverżjoni tal-prekursuri tad-droga, bħall-proġetti PRISM u COHESION immexxijin mill-INCB. Il-kooperazzjoni operattiva fost l-awtoritajiet tal-investigazzjoni fl-UE għandha tkun appoġġata mill-qafas ta' kooperazzjoni EJUP u l-qafas ta' kooperazzjoni Europol-AWF. Dan il-qafas ta' kooperazzjoni għandu jkun ulterjorment intensifikat/utilizzat

41.

Mill-perspettiva tal-infurzar tal-liġi u dik iggwidata mill-intelligence, l-UE u l-Istati Membri għandhom jappoġġaw bis-sħiħ il-proġetti tal-Europol relatati mad-drogi u l-EJUP, bil-ħsieb li jiġu miġġielda n-netwerks kriminali involuti fit-traffikar tal-prekursuri

42.

Biex tiġi evalwata l-leġiżlazzjoni tal-UE dwar il-kontroll tal-prekursuri tad-droga u l-implimentazzjoni tagħha

43.

L-UE għandha tiżviluppa u tisfrutta, fejn ikun possibbli f'konsultazzjoni mal-Europol, ftehimiet ta' kooperazzjoni ma' pajjiżi identifikati bħala s-sors ewlieni tal-perkursuri tad-drogi sintetiċi prinċipali

44.

Il-Kummissjoni, OLAF, Europol, EJUP u COSPOL għandhom itejbu l-kooperazzjoni inter-dixxiplinarja bil-ħsieb li jistabbilixxu inizjattivi konġunti

16.

Li sistematikament jiġu inklużi interessi ta' politika tal-UE dwar id-drogi ma' pajjiżi terzi u reġjuni fejn adatt u fl-aġenda usa' ta' żvilupp u sigurtà. Li dan isir abbażi ta' ppjanar u koordinazzjoni strateġiċi bejn l-atturi kollha kkonċernati

45.

Azzjoni biex jiġi żgurat li r-relazzjonijiet tal-UE ma' pajjiżi terzi jirriflettu l-objettivi tal-Istrateġija u l-Pjanijiet ta' Azzjoni tal-UE fir-rigward tad-Drogi

46.

Azzjoni biex tittejjeb l-effettività tal-oqfsa eżistenti kontra d-drogi bħall-Mekkaniżmu ta' Kooperazzjoni u Koordinazzjoni bejn l-UE u l-LAC, id-Djalogu Speċjalizzat UE-Andean u tat-“Trojki tad-Drogi” ma' pajjiżi terzi u reġjuni, bl-identifikazzjoni ta' oqsma speċifiċi ta' kooperazzjoni u l-istabbiliment ta' indikaturi tal-eżitu

47.

F'konformità mad-deċiżjonijiet u l-istrateġiji politiċi tal-UE u bl-appoġġ tal-programmi ta' assistenza tal-Istati Membri u tal-KE, biex jiġi indirizzat tħassib relatat mal-problema tad-drogi fil-pajjiżi produtturi u fil-pajjiżi fuq ir-rotot (ġodda) ta' traffikar, bħall-Afrika tal-Punent, permezz ta' proġetti mmirati biex inaqsu d-domanda għad-drogi u l-provvista tagħhom, inklużi miżuri ta' żvilupp alternattiv, u biex tiġi prevenuta d-diverżjoni tal-prekursuri kimiċi. L-assistenza għandha tiġi kkoordinata, fejn ikun il-każ, mal-pjanijiet ta' azzjoni kontra d-drogi bejn l-UE u pajjiżi u reġjuni terzi ( ara l-Azzjonijiet 51 u 60)

48.

Azzjoni biex tiżdied il-kooperazzjoni reġjonali u intrareġjonali biex titnaqqas id-domanda għad-drogi u l-provvista tagħhom f'pajjiżi terzi bl-appoġġ tal-programmi ta' finanzjament tal-Istati Membri u tal-KE, bħall-Istrument ta' Kooperazzjoni għall-Iżvilupp u l-Fond Ewropew għall-Iżvilupp, l-Istrument għall-Istabbbiltà u l-Istrument Ewropew tal-Politika tal-Viċinat

49.

Fl-interess tal-koordinazzjoni, biex jiġi stabbilit mekkaniżmu ta' monitoraġġ dwar l-assistenza tal-EU relatata mal-problema tad-drogi mogħtija lil pajjiżi terzi

50.

Azzjoni biex isir stħarriġ dwar l-ambitu u l-eżitu tal-proġetti tal-KE relatati mad-drogi f'pajjiżi terzi

51.

Azzjoni biex jiġu aġġornati u implimentati l-Pjanijiet ta' Azzjoni tal-UE kontra d-Drogi għar-Repubbliki Asjatiċi Ċentrali (10); l-Amerika Latina u l-Karibew (11); u l-Balkani tal-Punent u l-Pajjiżi Kandidati (12)

52.

L-użu tal-mekkaniżmu konsultattiv tal-Grupp ta' Dublin u ż-żamma ta' djalogu attiv mal-pajjiżi terzi għall-implimentazzjoni tar-rakkomandazzjonijiet tal-Mini Gruppi ta' Dublin

17.

Il-promozzjoni u l-implimentazzjoni tal-approċċ tal-UE għall-iżvilupp alternattiv (kif definit fid-dokument 9597/06 CORDROGUE 44 u UNODC/CND/2008/WG.3/CRP.4) f'kooperazzjoni mal-pajjiżi terzi, b'kont meħud tad-drittijiet tal-bniedem, is-sigurtà tal-bniedem u l-kondizzjonijiet ta' qafas speċifiċi

53.

Azzjoni biex ikun intensifikat l-appoġġ finanzjarju għall-implimentazzjoni ta' proġetti u programmi ta' żvilupp alternattivi, filwaqt li jkun żgurat li l-interventi jkunu b'sekwenza adatta u l-assistenza għall-iżvilupp ma tkunx soġġetta għat-tnaqqis tal-koltivazzjoni tal-pjanti li minnhom jiġu prodotti drogi illeċiti u biex ikunu finanzjati inizjattivi għall-prevenzjoni tal-koltivazzjoni ta' pjanti li minnhom jiġu prodotti drogi illeċiti

54.

Azzjoni biex l-iżvilupp alternattiv jiġi inkluż fl-aġenda tal-iżvilupp usa' tal-Istati Membri u biex il-pajjiżi terzi jkunu mħeġġa jintegraw l-iżvilupp alternattiv fil-linji politiċi nazzjonali tagħhom

55.

Azzjoni b'kontribut għal inizjattivi f'ambjent ta' drogi bil-għan tat-tnaqqis tal-faqar, il-kunflitt u l-vulnerabbiltà permezz tal-appoġġ ta' mezzi tal-għajxien legali, vijabbli u sostenibbli

—

is-sigurtà alimentari u l-ħolqien tal-qligħ tal-foqra jiżdiedu,

—

l-aċċess tal-persuni foqra għal infrastruttura soċjali u produttiva jiżdied,

18.

Li tissaħħaħ il-koordinazzjoni tal-UE fil-kuntest multilaterali u jiġi promoss approċċ integrat u bilanċjat

56.

Azzjoni biex ikunu żgurati koordinazzjoni u kontinwità aħjar bejn l-HDG u d-delegazzjonijiet tal-Istati Membri għall-Kummissjoni tan-Nazzjonijiet Uniti dwar id-Drogi Narkotiċi (CND), inkluż permezz tal-kondiviżjoni adatta tal-piż fost l-Istati Membri fuq l-inizjattiva tal-Presidenza

57.

Azzjoni biex jiġu mħejjija, ikkoordinati u adottati pożizzjonijiet komuni riżoluzzjonjiet konġunti tal-UE fis-CND

58.

Azzjoni biex tiġi ppreżentata pożizzjoni tal-UE fil-parti ta' livell għoli tat-52 CND dwar l-evalwazzjoni ta' u s-segwitu għall-UNGASS '98 (14), b'riflessjoni tal-prinċipji fundamentali tal-politika tal-UE dwar id-drogi

59.

Azzjoni biex ikunu kkoordinati attivitajiet ma' fora jew programmi internazzjonali oħra, b'mod partikolari l-UNODC, il-Grupp ta' Pompidou, id-WHO, l-UNAIDS, id-WCO u l-Interpol

19.

L-appoġġ għall-pajjiżi kandidati u l-pajjiżi tal-proċess ta' stabbilizzazzjoni u assoċjazzjoni

60.

Azzjoni biex tiġi provduta l-assistenza teknika u assistenza oħra meħtieġa lil dawn il-pajjiżi biex isiru familjari mal-acquis tal-UE fil-qasam tad-drogi u biex jiġu megħjuna jwettqu l-azzjonijiet meħtieġa, inklużi dawk adottati fil-pjan ta' azzjoni dwar id-drogi mal-Balkani tal-Punent (15)

20.

Li titjieb il-kooperazzjoni mal-pajjizi tal-Politika Ewropea tal-Viċinat

61.

Azzjoni biex jittejjeb id-djalogu dwar id-drogi mal-pajjizi tal-Politika Ewropea tal-Viċinat f'kuntest bilaterali jew regjonali, b'mod partikolari permezz ta' sottokumitati eżistenti

62.

Il-Kummissjoni għandha tinkoraġġixxi lil dawn il-pajjiżi biex jużaw l-Istrument tal-Politika Ewropea tal-Viċinat biex jimplimentaw il-taqsimiet tal-Pjanijiet ta' Azzjoni tal-PEV relatati mad-drogi

21.

L-espansjoni tal-bażi tal-għarfien fil-qasam tad-drogi permezz tal-promozzjoni tar-riċerka

63.

Il-Kunsill u l-Kummissjoni għandhom:

22.

Li jiġi żgurat l-iskambju ta' informazzjoni preċiża u rilevanti għall-politika fil-qasam tad-drogi illeċiti

64.

L-Istati Membri għandhom jipprovdu lill-Punti Fokali Nazzjonali tar-Reitox (16) (PFN) bir-riżorsi meħtieġa biex jirrispettaw l-obbligi u l-istandards ta' kwalità tas-sħubija fl-EMCDDA. Il-PFNs għandhom jikkontribwixxu għall-EMCDDA abbazi ta' ftehimiet annwali u bl-appoġġ adatt mill-EMCDDA

23.

Li jiġu żviluppati ulterjorment strumenti għall-monitoraġġ tas-sitwazzjoni fir-rigward tad-drogi u l-effettività tar-risponsi għaliha

65.

Azzjoni biex jittejbu ulterjorment u jiġu implimentati bis-sħiħ il-ħames indikaturi epidemjoloġiċi ewlenin tal-EMCDDA u l-iżvilupp ta' indikaturi u miżuri ġodda fit-tnaqqis tad-domanda għad-drogi

66.

Azzjoni biex jitwettaq studju xjentifiku biex jiġi vvalutat l-użu tal-internet bħala għodda fir-rigward tat-traffikar illeċitu tad-drogi u biex jiġi analizzat liema miżuri nazzjonali, Ewropej u/jew internazzjonali jistgħu jkunu effettivi għal din il-ġlieda

67.

Azzjoni biex jiġu żviluppati indikaturi ewlenin għall-ġbir ta' data rilevanti għall-politika fir-rigward tal-kriminalità relatata mad-drogi, il-koltivazzjoni illegali, is-swieq tad-drogi u l-interventi maħsuba biex inaqqsu l-provvista u biex tkun żviluppata strateġija għall-ġbir ta' din id-data

68.

Azzjoni biex jiġu żviluppati strumenti analitiċi biex ikunu valutati aħjar l-effettività u l-impatt tal-politika dwar id-drogi (pereżempju għodda ta' evalwazzjoni mudell, indiċi tal-effettività tal-politika, analiżi tan-nefqa pubblika, eċċ.)

69.

Azzjoni biex jiġi evalwat il-funzjonament tad-Deċiżjoni tal-Kunsill 2005/387/ĠAI dwar l-iskambju ta' informazzjoni, il-valutazzjoni tar-riskju u l-kontroll fuq sustanzi psikoattivi ġodda, u jekk ikun meħtieġ, tiġi emendata

24.

Li tiġi żgurata evalwazzjoni kontinwa tal-politika dwar id-drogi

70.

L-Istati Membri għandhom jivvalutaw u jipperfezzjonaw il-linji politiċi nazzjonali dwar id-drogi fuq bażi regolari jew kontinwa

71.

Azzjoni biex tiġi ppreżentata reviżjoni annwali tal-progress lill-Kunsill u lill-Parlament Ewropew dwar l-implimentazzjoni tal-Pjan ta' Azzjoni, u biex jiġu ppreżentati indikaturi adattati/mtejba u l-mekkaniżmi ta' rappurtar għall-monitoraġġ u l-evalwazzjoni fejn adatt u meħtieġ

72.

Għandha titwettaq valutazzjoni esterna u indipendenti tal-implimentazzjoni tal-Istrateġija tal-UE dwar id-Drogi 2005-2012 u l-Pjan ta' Azzjoni tal-UE dwar id-Drogi 2009-2012, segwita minn perijodu ta' riflessjoni qabel is-segwitu