Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52008XC0507(03)

Noti ta' Spjega għan-Nomenklatura Magħquda tal-Komunitajiet Ewropej

ĠU C 112, 7.5.2008, p. 8–9 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

7.5.2008   

MT

Il-Ġurnal Uffiċjali ta’ l-Unjoni Ewropea

C 112/8

Noti ta' Spjega għan-Nomenklatura Magħquda tal-Komunitajiet Ewropej

(2008/C 112/03)

Konformi ma' Artiklu 9(1)(a), it-tieni indent, tar-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u fuq it-Tariffa Komuni tad-Dwana (1), in-Noti ta' Spjega għan-Nomenklatura Magħquda tal-Komunitajiet Ewropej (2) huma emendati kif ġej:

F'paġna 335, daħħal it-test li ġej:

“8521 90 00

Oħrajn

Dan is-subtitlu jinkludi apparat bla skrin li kapaċi jirċievi sinjali tat-televiżjoni, hekk imsejjaħ ‘kaxxi ta' fuq is-sett’ (set-top boxes), li jinkorpora strument li jagħmel funzjoni ta' rrekordjar jew riproduzzjoni (pereżempju drajv għal ħardisk jew DVD).”

F'paġna 339, daħħal it-test li ġej:

“8528 71 13

Apparat b'mezz ibbażat fuq mikroproċessur li fih mowdem għall-aċċess għall-Internet, u li għandu funzjoni ta' bdil interattiv ta' informazzjoni, li jista' jirċievi sinjali tat-televiżjoni (‘kaxxi ta' fuq is-sett (set-top boxes) b'funzjoni ta' komunikazzjoni’)

Dan is-subtitlu jkopri apparat mingħajr skrin, hekk imsejjaħ ‘kaxxi ta' fuq is-sett (set-top boxes) b'funzjoni ta' komunikazzjoni’, li jikkonsisti mill-komponenti ewlenin li ġejjin:

—

mikroproċessur

—

tuner tal-vidjow

Il-preżenza ta' konnekter RF turi li jista' jkun hemm tuner tal-vidjow.

—

mowdem.

Il-mowdems jimmodulaw u jiddemodulaw sinjali tad-dejta, kemm dawk ħerġin kif ukoll dawk deħlin. Dan jippermetti komunikazzjonijiet bidirezzjonali għall-għanijiet ta' aċċess għall-Internet. Eżempji ta' mowdems bħal dawn huma: mowdems V.34-, V.90-, V.92-, DSL- jew bil-kejbil. Indikazzjoni tal-preżenza ta' mowdem bħal dan hija konnekter RJ 11.

Il-mezzi li jwettqu funzjoni simili għal dik ta' mowdem iżda li ma jimmodulawx u ma jiddemodulawx sinjali ma jitqisux bħala mowdems. Eżempji ta' apparat bħal dawn huma mezzi ISDN-, WLAN- jew Ethernet. Indikazzjoni tal-preżenza ta' mezz bħal dan hija li konnekter RJ 45.

Il-mowdem għandu jkun mibni fil-kaxxa ta' fuq is-sett (set-top box). Kaxxi ta' fuq is-sett (set-top boxes) li ma għandhomx mowdem mibni fihom iżda li jużaw mowdem estern huma esklużi minn dan is-subtitlu (pereżempju, sett magħmul minn kaxxa ta' fuq is-sett (set-top box) u mowdem estern).

It-Transmission Control Protocol/Internet Protocol (TCP/IP) għandu jkun preżenti bħala firmware fil-kaxxa ta' fuq is-sett (set-top box).

Il-kaxxi ta' fuq is-sett (set-top boxes) ta' dan is-subtitlu għandhom jippermettu lill-utent ta' l-apparat jidħol fl-Internet. L-apparat għandu jkun jista' wkoll iħaddem applikazzjonijiet ta' l-Internet b'mod ta' 'bdil ta' informazzjoni interattiv' bħal klijent emejl jew applikazzjoni għall-messaġġi b'użu ta' sokits UDP jew TCP/IP.

Kaxxi ta' fuq is-sett (set-top boxes), li jinkorporaw strument b' funzjoni ta' rrekordjar jew riproduzzjoni (pereżempju drajv għal ħardisk jew DVD) huma esklużi minn dan is-subtitlu (subtitlu 8521 90 00).

8528 71 19

Oħrajn

Ara l-aħħar paragrafu tan-Noti ta' Spjega għal subtitlu 8528 71 13.

8528 71 90

Oħrajn

Dan is-subtitlu jinkludi prodotti li ma fihomx skrin li huma apparat għar-riċezzjoni għat-televiżjoni, iżda li ma jinkorporawx tuner tal-vidjow (pereżempju hekk imsejħa ‘IP streaming boxes’).

Ara wkoll l-aħħar paragrafu tan-Noti ta' Spjega għal subtitlu 8528 71 13.”

(1)  ĠU L 256, 7.9.1987, p. 1. Ir-Regolament kif emendat l-ahhar mir-Regolament (KE) Nru 275/2008 (ĠU L 85, 27.3.2008, p. 3).

(2)  ĠU C 50, 28.2.2006, p. 1.

Top