This document is an excerpt from the EUR-Lex website
Document 52008XC0220(04)
United Kingdom Government notice concerning European Parliament and Council Directive 94/22/EC on the conditions for granting and using authorisations for the prospection, exploration and production of hydrocarbons (Text with EEA relevance)
Avviż tal-Gvern tar-Renju Unit dwar id-Direttiva tal-Parlament Ewropew u tal-Kunsill 94/22/KE dwar il-kondizzjonijiet għall-għoti u l-użu ta' awtorizzazzjonijiet għall-prospettar, l-esplorazzjoni u l-produzzjoni ta' idrokarburi (Test b'rilevanza għaż-ŻEE)
Avviż tal-Gvern tar-Renju Unit dwar id-Direttiva tal-Parlament Ewropew u tal-Kunsill 94/22/KE dwar il-kondizzjonijiet għall-għoti u l-użu ta' awtorizzazzjonijiet għall-prospettar, l-esplorazzjoni u l-produzzjoni ta' idrokarburi (Test b'rilevanza għaż-ŻEE)
ĠU C 47, 20.2.2008, p. 22–24
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
20.2.2008 |
MT |
Il-Ġurnal Uffiċjali ta’ l-Unjoni Ewropea |
C 47/22 |
Avviż tal-Gvern tar-Renju Unit dwar id-Direttiva tal-Parlament Ewropew u tal-Kunsill 94/22/KE dwar il-kondizzjonijiet għall-għoti u l-użu ta' awtorizzazzjonijiet għall-prospettar, l-esplorazzjoni u l-produzzjoni ta' idrokarburi
(Test b'rilevanza għaż-ŻEE)
(2008/C 47/07)
Avviż tar-Renju Unit għall-25 serje ta' ħruġ ta' liċenzji għat-tiftix taż-żejt u l-gass fil-baħar
Department for Business, Enterpise and Regulatory Reform
The Petroleum Act 1998
Serje ta' ħruġ ta' liċenzji
|
1. |
Is-Segretarju ta' l-Istat għan-Negozju, l-Impriża u r-Riforma Regolatorja jistieden lill-persuni interessati biex japplikaw għal Seaward Production Licences fir-rigward ta' ċerti żoni mill-Blata Kontinentali tar-Renju Unit. |
|
2. |
Din l-istedina tikkonċerna l-blokki jew partijiet minn blokki murija fil-mapep iddepożitati għand id-Department for Business, Enterprise and Regulatory Reform (BERR), fejn jistgħu jkunu kkonsultati b'appuntament (tel. (44-207) 215 50 32) mit-Tnejn sal-Ġimgħa bejn id-9:15 u l-16:45, matul il-perjodu ta' dan l-avviż. |
|
3. |
Id-dettalji kollha dwar l-offerta, inklużi listi u mapep taż-żoni li qed jiġu offruti u tagħrif dwar il-liċenzji, it-termini li se jkunu inklużi f'dawk il-liċenzji, u kif wieħed għandu japplika, huma disponibbli fil-websajt ta' l-Energy Development Unit (EDU) (ara hawn taħt). |
|
4. |
L-applikazzjonijiet kollha se jiġu ġġudikati skond it-termini tal-Hydrocarbons Licensing Directive Regulations 1995 (S.I. 1995 Nru 1434) u fuq l-isfond tal-ħtieġa kontinwa għal tiftix komprensiv, effiċjenti, sikur u bla telf ta' żmien sabiex ikunu identifikati r-riżorsi taż-żejt u l-gass tar-Renju Unit filwaqt li jitqiesu kif jixraq il-kunsiderazzjonijiet ambjentali. |
Applikazzjonijiet għal Liċenzji Tradizzjonali u Liċenzji “Fruntiera”
|
5. |
L-applikazzjonijiet se jiġu ġġudikati fid-dawl tal-kriterji li ġejjin:
|
|
6. |
L-operatur propost f'kull grupp applikanti (inkluża kwalunkwe kumpanija li tkun l-unika parti applikanti) għandu jressaq stqarrija tal-politika ambjentali ġenerali tiegħu għat-twettiq ta' attivitajiet permessi bil-liċenzja f'żoni ta' baħar. |
|
7. |
Għall-applikazzjonijiet għal-Liċenzji Tradizzjonali u l-Liċenzji ta' “Fruntiera”, is-Segretarju ta' l-Istat mhuwiex se joħroġ liċenzja jekk ma jkunx lest li japprova fl-istess ħin l-għażla ta' l-operatur mill-applikant. Qabel ma japprova operatur, is-Segretarju ta' l-Istat għandu jkun sodisfatt li dak li ġie nnominat ikun kompetenti fl-ippjanar u l-ġestjoni ta' operazzjonijiet ta' tħaffir, f'termini ta' l-għadd, l-esperjenza u t-taħriġ tal-persunal tiegħu, il-proċeduri u l-metodoloġiji proposti, it-tfassil ta' l-istruttura tal-kmand, ir-relazzjonijiet mal-kuntratturi u l-istrateġija korporattiva kumplessiva. Meta jkun qed jikkunsidra operatur prospettiv, is-Segretarju ta' l-Istat se jqis sew informazzjoni ġdida ppreżentata fl-applikazzjoni sew ir-rekord ta' dak li ġie nnominat bħala operatur, kemm fir-Renju Unit kif ukoll barra. |
Applikazzjonijiet ta' “Promozzjoni”
|
8. |
L-applikazzjonijiet se jiġu ġġudikati fid-dawl tal-kriterji li ġejjin:
|
|
9. |
Il-Liċenzji ta' Promozzjoni jiskadu wara sentejn jekk id-detentur tal-Liċenzja ma jkunx issodisfa lill-BERR fir-rigward tal-kapaċità teknika u finanzjarja tiegħu biex iwettaq il-Programm ta' Ħidma tal-perjodu inizjali, li għandu jinkludi impenn sod f'dak il-mument li jħaffer talanqas bir wieħed, jew li jwettaq attività fondamentali ekwivalenti miftiehma. Il-Programm ta' Ħidma tal-perjodu inizjali għandu jitwettaq f'erba' snin. |
|
10. |
Għal aktar dettalji dwar din l-offerta u l-punti ta' hawn fuq, tista' żżur il-websajt ta' l-Energy Development Unit (EDU): http://www.og.berr.gov.uk/ |
Liċenzji
|
11. |
Fejn is-Segretarju ta' l-Istat joffri liċenzja skond din l-istedina, l-offerta ssir fi żmien tnax-il xahar mid-data ta' dan l-Avviż. |
|
12. |
Is-Segretarju ta' l-Istat ma jaċċetta l-ebda responsabbiltà għal kwalunkwe spiża mġarrba mill-applikant meta dan iqis jew iressaq l-applikazzjoni tiegħu. |
Valutazzjonijiet Ambjentali
|
13. |
Il-BERR ħejja Evalwazzjoni Ambjentali Strateġika taż-żona kollha li se tkun offruta skond l-istandard rikjest mid-Direttiva 2001/42/KE dwar l-istima ta' l-effetti ta' ċerti pjanijiet u programmi fuq l-ambjent. Ir-riżultati tal-valutazzjoni jinsabu fil-websajt ta' l-Energy Development Unit (EDU): http://www.og.berr.gov.uk/ |
|
14. |
Liċenzji skond din l-istedina se jiġu offruti biss jekk (a) ma jkunx hemm impatt sinifikanti fuq Żona Speċjali ta' Konservazzjoni (“SAC”) jew Żona Speċjali ta' Protezzjoni (“SPA”), jew inkella jekk (b) valutazzjoni xierqa skond id-Direttivi dwar il-Ħabitats u l-Għasafar Selvaġġi tikkonkludi li ma jkunx hemm impatt negattiv fuq tali SACs jew SPAs. |
|
15. |
Licence Administration: Energy Development Unit (EDU), Department for Business, Enterprise and Regulatory Reform, 1 Victoria Street, London SW1H 0ET (tel. (44-207) 215 50 32, feks (44-207) 215 50 70). Il-websajt ta' l-Energy Development Unit (EDU): http://www.og.berr.gov.uk/ |