52008TA1205(023)

Language
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

EUROPA
EUR-Lex home
EUR-Lex - 52008TA1205(023) - EN

Document 52008TA1205(023)

Help

Rapport dwar il-kontijiet annwali tal-Fondazzjoni Ewropea għat-Titjib tal-Kondizzjonijiet ta' l-Għajxien u tax-Xogħol (EUROFOUND) għas-sena finanzjarja 2007 flimkien mar-risposti tal-Fondazzjoni

ĠU C 311, 5.12.2008, p. 156–163 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

HTML

PDF

Official Journal

5.12.2008

Il-Ġurnal Uffiċjali ta’ l-Unjoni Ewropea

C 311/156

RAPPORT

dwar il-kontijiet annwali tal-Fondazzjoni Ewropea għat-Titjib tal-Kondizzjonijiet ta' l-Għajxien u tax-Xogħol (EUROFOUND) għas-sena finanzjarja 2007 flimkien mar-risposti tal-Fondazzjoni

(2008/C 311/23)

WERREJ

1-2	INTRODUZZJONI

3-6	DIKJARAZZJONI TA' ASSIGURAZZJONI

7-10	OSSERVAZZJONIJIET

Tabelli 1 sa 4

Ir-risposti tal-Fondazzjoni

INTRODUZZJONI

Il-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol (minn hawn 'il quddiem imsejħa “il-Fondazzjoni”) kienet imwaqqfa mir-Regolament tal-Kunsill (KEE) Nru 1365/75 tas-26 ta' Mejju 1975 (1). L-għan tagħha huwa li tikkontribwixxi għall-ippjanar u t-twaqqif ta' kondizzjonijiet ta’ ħajja u ta' xogħol aħjar fl-Unjoni Ewropea billi żżid u xxerred għarfien li huwa relevanti għal dan is-suġġett.

2.	It-Tabella 1 tagħti sommarju tal-kompetenzi u l-attivitajiet tal-Fondazzjoni. Sommarju tad-data prinċipali meħuda mir-rendikonti finanzjarji ppreparati mill-Fondazzjoni għas-sena finanzjarja 2007 huwa ppreżentat fit-Tabelli 2, 3 u 4 għal skopijiet ta' informazzjoni.

DIKJARAZZJONI TA' ASSIGURAZZJONI

Din id-Dikjarazzjoni ta' Assigurazzjoni hija indirizzata lill-Parlament Ewropew u lill-Kunsill, skond l-Artikolu 185(2) tar-Regolament tal-Kunsill (KE, Euratom) Nru 1605/2002 (2). Ġiet ippreparata wara eżami tal-kontijiet tal-Fondazzjoni, skond id-dispożizzjonijiet ta' l-Artikolu 248 tat-Trattat li jistabbilixxi l-Komunità Ewropea.

Il-kontijiet tal-Fondazzjoni għas-sena finanzjarja mitmuma fil-31 ta' Diċembru 2007 (3) ġew ippreparati mid-Direttur tagħha, skond l-Artikolu 16 tar-Regolament tal-Kunsill (KEE) Nru 1365/75 u mibgħuta mill-Qorti, li hija meħtieġa li tagħti dikjarazzjoni ta' assigurazzjoni dwar l-affidabilità tagħhom u dwar il-legalità u r-regolarità tat-tranżazzjonijiet ta' bażi.

Il-Qorti wettqet il-verifika tagħha skond l-Istandards Internazzjonali tal-Verifika u l-Kodiċi ta' l-Etika ta' l-IFAC u l-ISSAI (4), sa fejn dawn huma applikabbli fil-kuntest tal-Komunità Ewropea. Il-verifika ġiet ippjanata u mwettqa sabiex tinkiseb assigurazzjoni raġonevoli li l-kontijiet huma affidabbli u li t-tranżazzjonijiet ta’ bażi huma legali u regolari.

Il-Qorti kisbet għalhekk bażi raġonevoli għad-Dikjarazzjoni espressa hawn taħt:

Affidabilità tal-kontijietIl-kontijiet tal-Fondazzjoni għas-sena finanzjarja li ntemmet fil-31 ta' Diċembru 2007, fl-aspetti materjali kollha, huma affidabbli.Legalità u regolarità tat-tranżazzjonjiet ta' bażiIt-tranżazzjonijiet li fuqhom huma bbażati l-kontijiet annwali tal-Fondazzjoni, fit-totalità tagħhom, huma legali u regolari.L-osservazzjonijiet li ġejjin ma jpoġġux f'diskussjoni d-Dikjarazzjoni tal-Qorti.

OSSERVAZZJONIJIET

Il-baġit ta' l-2007 tal-Fondazzjoni kien jammonta għal 20,2 miljun euro meta mqabbel ma' 19,8 miljun euro għas-sena ta' qabel. Huwa kien jinkludi kontribuzzjonijiet mill-Kummissjoni sabiex tipprepara għas-sħubija futura tal-Kroazja u t-Turkija. Dawn il-kontribuzzjonijiet imisshom ġew ikkunsidrati bħala dħul assenjat fil-baġit, imma dan ma kienx il-każ. Din is-sitwazzjoni ma kinitx konformi mar-Regolament Finanzjarju.

8.	Il-VAT rekuperabbli għas-sena finanzjarja 2007 ta' 376 611 euro ma kinitx ikklejmjata sa tmiem is-sena. Il-klejms tal-VAT għandhom jiġu rkuprati perjodikament matul is-sena. Din is-sitwazzjoni ma kkonformatx mal-prinċipju tal-ġestjoni finanzjarja tajba.

Fil-każ tal-proċeduri ta' reklutaġġ, la l-piż tal-kriterji ta' l-għażla u lanqas il-punteġġi minimi li jkunu jridu jiġu milħuqa ma ġew deċiżi mill-Bord ta' l-Għażla sa mit-tluq. Barra minn hekk, f'każ wieħed il-kriterji ta' l-għażla definiti kienu jew mhux konformi ma' l-avviż ta' xogħol battal jew baqgħu vagi. Dan ma żgurax proċeduri trasparenti u mhux diskriminatorji.

10.

Rigward proċeduri ta' l-akkwist pubbliku, l-anomaliji segwenti kienu osservati: proċedura ta' evalwazzjoni finanzjarja għal kuntratt mhux speċifikata b'mod ċar fid-dokumenti ta' l-offerta pubblika u kriterji ta' l-għażla li ma jippermettux twettiq kif suppost ta' evalwazzjoni tal-kapaċità finanzjarja tal-kandidati (5). Dawn in-nuqqasijiet tellfu l-kwalità tal-proċedura u rriskjaw li jippreġudikaw l-għażla finali.

Dan ir-rapport ġie adottat mill-Qorti ta' l-Awdituri fil-Lussemburgu fil-laqgħa tagħha tat-18 ta' Settembru 2008.

Għall-Qorti ta' l-Awdituri

Vítor Manuel da SILVA CALDEIRA

President

(1) ĠU L 139, 30.5.1975, p. 1.

(2) ĠU L 248, 16.9.2002, p. 1.

(3) Dawn il-kontijiet ġew magħmula fit-30 ta’ Ġunju 2008 u rċevuti mill-Qorti fit-18 ta’ Lulju 2008.

(4) Il-Federazzjoni Internazzjonali tal-Kontabilisti (IFAC) u l-Istandards Internazzjonali ta' l-Istituzzjonijiet Supremi tal-Verifika (ISSAI).

(5) Tliet każijiet.

Tabella 1

Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol (Dublin)

Oqsma ta' kompetenzi Komunitarji stipulati fit-Trattat

Kompetenzi tal-Fondazzjoni kif definiti mir-Regolament tal-Kunsill (KEE) Nru 1365/75 kif emendat mit-Regolament (KE) Nru 1111/2005

Tmexxija

Riżorsi disponibbli għall-Fondazzjoni

(Data għall-2006)

Attivitajiet u servizzi provduti

“Il-Komunità u l-Istati Membri, waqt li jżommu f’moħħhom id-drittijiet soċjali fundamentali, … għandu jkollhom bħala mira … it-titjib tal-kondizzjonijiet tal-ħajja … il-Komunità għandha ssostni u tikkomplimenta l-attivitajiet ta’ l-Istati Membri f’dawn l-oqsma li ġejjin; … b) kondizzjonijiet tax-xogħol; ċ) is-sigurtà soċjali u l-ħarsien soċjali tal-ħaddiem; d) il-protezzjoni tal-ħaddiem meta l-kuntratt ta’ l-impjieg tagħhom ikun mitmum; e) informazzjoni u l-konsultazzjoni tal-ħaddiem;f) ir-rappreżentanza u d-difiża kollettiva ta’ l-interessi tal-ħaddiem u ta’ min iħaddem, inkluża l-kodeterminazzjoni, g) il-kondizzjonijiet ta’ l-impieg għal persuni ta’ ċittadinanza ta’ pajjiżi terzi li jgħixu legalment fit-territorju tal-Komunità; ħ) l-integrazzjoni ta’ persuni esklużi mis-suq ta’ l-impieg; i) l-ugwaljanza bejn l-irġiel u n-nisa…”

(L-Artikoli 136 u 137 ta-Trattat)

Objettivi

L-għan tal-Fondazzjoni huwa li tikkontribwixxi għat-twaqqif ta' kondizzjonijiet tal-ħajja u tax- xogħol aħjar billi żżid u xxerred għarfien li huwa relevanti għal dan is-suġġett. B'mod partikolari, hija meħtieġa li tikkunsidra l-oqsma li ġejjin:

—	Il-bniedem meta jkun fuq ix-xogħol.

—	L-organizzazzjoni tax-xogħol u partikolarment id-disinn ta' l-impjieg.

—	Problemi li jirrigwardaw ċertu kategoriji ta' ħaddiema,

—	Aspetti fit-tul dwar it-titjib ta' l-ambjent.

—	It-tqassim ta' attivitajiet umani fl-ispazju u fiż-żmien.

Kompiti

—	Biex issaħħaħ l-iskambju ta' informazzjoni u esperjenza f'dawn l-oqsma.

—	Biex tiffaċilita l-kuntatt bejn l-universitajiet, l-istituzzjonijiet ta' studju u riċerka, organizzazzjonijiet u amministrazzjonijiet soċjali u ekonomiċi.

—	Biex twettaq studji jew biex tikkonkludi kuntratti ta' studji u biex tipprovdi assistenza għal proġetti pilota.

—	Biex tikkoopera mill-viċin kemm jista' jkun ma' istituti speċjalizzati fl-Istati Membri u fil-livell internazzjonali.

1. Il-Bord Amministrattiv (BA)

—	Minn kull Stat Membru: rappreżentant wieħed mill-gvern, rappreżentant wieħed minn organizzazzjonijiet ta' min iħaddem u rappreżentant wieħed tal-ħaddiema.

—	Tliet rappreżentanti mill-Kummissjoni.

2. Il-bureau tal-BA

—	Magħmul minn 11-il membru; tliet membri minn kull wieħed mill-imsieħba soċjali u l-gvernijiet, tnejn mill-Kummissjoni.

—	Huwa jimmonitorja l-implimentazzjoni tad-deċiżjonijiet tal-BA u jieħu miżuri sabiex jassigura ġestjoni kif suppost bejn il-laqgħat tal-BA.

3.	Id-Direttur huwa maħtur mill-Kummissjoni minn lista ta' kandidati ppreżentata mill-BA, huwa jimplimenta d-deċiżjonijiet tal-BA u tal-Bureau tal-BA u jmexxi l-Fondazzjoni.

4.	Il-Kumitati Konsultattivi huma magħmula minn mhux aktar minn 3 membri mill-Kummissjoni, gvernijiet u msieħba soċjali, bil-għan li jagħtu pariri dwar l-implimentazzjoni ta' proġetti kbar u dwar l-evalwazzjoni tar-riżultati.

5. Verifika esterna

Il-Qorti ta' l-Awdituri.

6. Awtorità ta' kwittanza

Il-Parlament fuq rakkomandazzjoni tal-Kunsill.

Baġit finalibgħall-2007:

20,2 million Euro (19,8 milljun euro)

Persunal f'Diċembru 2007:

94 (94) kariga provduta fil-pjan ta' twaqqif, minn liema 84 (89) kienu okkupati

Persunal ieħor:

Esperti Nazzjonali ssekondati u persunal ta' aġenzija ta' l-impjiegi: 3 (1)

Aġenti Kontrattwali: 10 (9)

Total tal-persunal impjegat: 97 (99)

Attivitajiet operattivi: 55 (58)

Kompiti amministrattivi: 30 (32)

Varji: 4 (4)

Monitoraġġ u stħarriġ:

—	Osservatorju Ewropew tar-Relazzjonijiet Industrijali (EIRO), Osservatorju Ewropew tal-Kundizzjonijiet tax-Xogħol (EWCO) u l-Monitor Ewropew tar-Ristrutturar (ERM);

—	ir-4 Stħarriġ Ewropew tal-Kundizzjonijiet tax-Xogħol: analiżi sekondarja (temi ta' ġeneri u ta' kundizzjonijiet tax-xogħol, l-età tal-ħaddiema li qed tavvanza, organizzazzjoni tax-xogħol, ħin tax-xogħol u intensità tax-xogħol …);

—	Stħarriġ Ewropew fuq il-ħin tax-xogħol u l-bilanċ bejn il-ħajja u x-xogħol: ħames rapporti ppubblikati fl-2007. Preparazzjonijiet għat-tieni stħarriġ.

Impjiegi u ristrutturar:

—	Xogħol mhux iddikkjarat;

—	Każijiet ta' studju tal-Monitor Ewropew tar-Ristrutturar;

—	Servizz ta' informazzjoni għall-partijiet interessati.

Il-bilanċ bejn il-ħajja privata u dik professjonali u l-kundizzjonijiet tax-xogħol:

—	Postijiet tax-xogħol ta' attrazzjoni għal kulħadd;

—	Flessibilita u sigurtà tal-ħajja;

—	Tibdiliet fl-istruttura tax-xogħol.

Relazzjonijiet industrijali u sħubija:

—	Kodiċi ta' kondotta u ftehimiet qafas;

—	Bini ta' kapaċità għal-livelli settorjali u lokali; djalogu soċjali fl-UE 10;

—	Ħin tax-xogħol u relazzjonijiet industrijali.

Il-Koeżjoni soċjali u l-kwalità tal-ħajja:

—	Rwol ta' l-awtoritajiet nazzjonali fl-integrazzjoni ta' l-emigranti;

—	Żviluppi fis-servizzi ta' teħid ta' ħsieb tat-tfal f'żoni żvantaġġjati;

—	Promozzjoni tal-kwalità tal-ħajja fl-Ewropa rurali.

Komunikazzjoni u qsim ta' ideat u esperjenzi:

—	376 pubblikazzjoni, 1,57 miljun sessjoni ta' utenti (medja ta' 4 303/ġurnata);

—	37 attività ta' l-istampa, 45 stqarrija għall-istampa, 28 % ogħla fuq l-2006;

—	1 126 artiklu b'valur ta' reklamar ekwivalenti (AVE) għal 2,1 miljun euro, li laħqu madwar58 765 000 persuna, 80 % ogħla mill-32 536 000 fl-2006. 252 inkjesta ġurnalistika, +9 % ogħla mis-sena preċedenti;

—	Kampanja ta' promozzjoni Ir-Raba' Stħarriġ dwar il-Kundizzjonijiet tax-Xogħol: xi jgħidu l-ħaddiema, “Il-Kwalità tal-Ħajja fit-Turkija”;

—	Roadshows f'ħames pajjiżi;

—	Seminarji tan-Netwerk tal-Kumpaniji dwar id-Diversità fl-Ewropa u t-Tibdil Ambjentali;

—	Serje ta' Seminars tal-Fondazzjoni “Żgħażagħ u Xogħol”;

—	Ċentri Nazzjonali ta' Kuntatt li jkopru 10 Stati Membri;

—	16-il wirja;

—	58 żjara lill-Fondazzjoni, inkluż mill-President Finlandiż.

Sors: informazzjoni mogħtija mill-Fondazzjoni.

Tabella 2

Il-Fondazzjoni Ewropea għat-Titjib tal-Kondizzjonijiet ta' l-Għajxien u tax-Xogħol (Dublin) — Implimentazzjoni tal-baġit għas-sena finanzjarja 2007

(1000 euro)
Dħul ieħor (1)			Dħul ieħor (1)
Sors ta' dħul	Dħul inkluż fil-baġit finali għas-sena finanzjarja	Dħul miġbur		Approprijazzjonijiet għas-sena finanzjarja					Approprijazzjonijiet miġjuba 'l quddiem mis-sena finanzjarja preċedenti
Sors ta' dħul	Dħul inkluż fil-baġit finali għas-sena finanzjarja	Dħul miġbur		mdaħħla	impenjati	mħallsa	miġjuba 'l quddiem	annullati	disponibbli	mħallsa	annullati
Sussidji komunitarji	19 600	19 600	Titolu I Persunal	10 687	10 260	10 084	243	360	120	94	26
Sussidji oħrajn	300	340	Titolu II Amministrazzjoni	1 272	1 190	892	370	10	635	567	68
Dħul ieħor	280	321	Titolu III Attivitajiet operattivi	8 221	7 943	3 712	4 397	112	3 557	3 410	147
Total	20 180	20 261	Total	20 180	19 393	14 688	5 010	482	4 312	4 071	241
Sors: Data mogħtija mill-Fondazzjoni — Din it-tabella tagħti sommarju tad-data mogħtija mill-Fondazzjoni fil-kontijiet annwali tagħha. Dħul miġbur u pagamenti huma stmati fuq bażi tal-likwidità.

Tabella 3

Il-Fondazzjoni Ewropea għat-Titjib tal-Kondizzjonijiet ta' l-Għajxien u tax-Xogħol (Dublin) — Kont tar-riżultat ekonomiku għas-snin finanzjarji 2007 u 2006

(1000 euro)
	2007	2006
Dħul Operattiv
Sussidji komunitarji	19 600	19 000
Sussidji oħrajn	340	517
Dħul ieħor	884	248
Total (a)	20 824	19 765
Spejjeż Operattivi
Spejjeż tal-persunal	9 132	8 908
Spejjeż relatati ma' attiv fiss	608	724
Spejjeż amministrattivi oħra	2 416	2 106
Spejjeż relatati ma' operazzjonijiet	8 597	7 409
Total (b)	20 753	19 147
Bilanċ favur/(Kontra) minn attivitajiet Operattivi (c = a – b)	71	618
Dħul mill-operazzjonijiet finanzjarji (e)	0	0
Spejjeż minn operazzjonijiet finanzjarji (f)	4	10
Bilanċ favur/(Kontra) minn attivitajiet mhux Operattivi (g = e – f)	–4	–10
Riżultat Ekonomiku għas-sena (h = c+g)	67	608
Sors: Data mogħtija mill-Fondazzjoni — Din it-tabella tagħti sommarju tad-data mogħtija mill-Fondazzjoni fil-kontijiet annwali tagħha: dawn il-kontijiet huma ppreparati abbażi tad-dovuti.

Tabella 4

Il-Fondazzjoni Ewropea għat-Titjib tal-Kondizzjonijiet ta' l-Għajxien u tax-Xogħol (Dublin) — Karta tal-bilanċ fil-31 ta' Diċembru 2007 u 2006

(1000 euro)
	2007	2006
Attiv mhux kurrenti
Attiv fiss mhux tanġibbli	46	84
Attiv fiss tanġibbli	3 327	2 388
Attiv kurrenti
Finanzjament minn qabel ta' skadenza qasira	732	344
Riċevibbli ta' skadenza qasira	1 095	690
Likwidità u ekwivalenti likwidi	4 635	3 111
Total ta' l-attiv	9 835	6 617
Passiv kurrenti
Dispożizzjonijiet għal riskji u imposti	141	274
Kontijiet pagabbbli	3 695	1 643
Total tal-passiv	3 836	1 917
Attiv nett	5 999	4 700
Riżerva
Bilanċ favur/(kontra) akkumulat	5 932	4 092
Riżultat ekonomiku għas-sena	67	608
Kapital nett	5 999	4 700
Sors: Data mogħtija mill-Fondazzjoni — Din it-tabella tagħti sommarju tad-data mogħtija mill-Fondazzjoni fil-kontijiet annwali tagħha: dawn il-kontijiet huma ppreparati abbażi tad-dovuti.

(1) Inkluż id-dħul assenjat.

Sors: Data mogħtija mill-Fondazzjoni — Din it-tabella tagħti sommarju tad-data mogħtija mill-Fondazzjoni fil-kontijiet annwali tagħha. Dħul miġbur u pagamenti huma stmati fuq bażi tal-likwidità.

IT-TWEĠIBIET TAL-EUROFOUND GĦALL-OSSERVAZZJONIJIET TAL-QORTI TA’ L-AWDITURI

7.	Mill-2008 ‘l hemm, inkorporajna il-linji tal-baġit R0 fl-ABAC u se nipproċedu b’mod konformi mar-rakkomandazzjonijiet al-Qorti.

8.	Kien hemm dewmien fl-irkupru tal-VAT għall-2007 minħabba l-introduzzjoni tas-softwer finanzjarju ġdid ABAC. Il-VAT ġiet ipproċessata u rkuprata bis-sħiħ f’April ta’ l-2008

9.	L-Eurofound diġà adatta l-proċedura tiegħu ta’ reklutaġġ sabiex jindirizza l-kwistjonijiet mqajjma mill-Qorti.

10.

L-Eurofound kellu juża l-proċedura li ġiet ikkritikata minħabba xi inċertezzi buġetarji. Madanakollu, l-Eurofound huwa konfidenti li nkiseb l-aħjar valur għall-flus. Fil-ġejjieni, il-metodu ta’ evalwazzjoni tal-prezz se jiġi iddefinit b’mod li jevita mill-bidu kull poter diskrezzjonarju.

Fir-rigward tal-kapaċità finanzjarja, Art. 135.2 tar-Regoli ta’ Implimentazzjoni jistipula li l-Eurofound jista’ jippreskrievi l-livelli minimi ta’ kapaċità. Fil-ġejjieni, l-Eurofound se jippreskrievi l-kriterji għall-applikazzjoni ta’ livelli minimi ta’ kapaċità finanzjarja.

Top