This document is an excerpt from the EUR-Lex website
Document 52008PC0152
Proposal for a Decision of the European Parliament and of the Council on the adjustment of the financial framework to take account of implementation and the technical adjustment for 2009 in line with movements in GNI presented by the Commission to Parliament and the Council in accordance with paragraph 48 of the interinstitutional agreement of 17 May 2006
Proposal for a deċiżjoni tal-Parlament Ewropew u tal-Kunsill li temenda l-ftehim interistituzzjonali tas-17 ta’ Mejju 2006 dwar id-dixxiplina baġitarja u l-amministrazzjoni finanzjarja fis-sod fir-rigward tal-qafas finanzjarju multiannwali Ippreżentata mill-Kummissjoni lill-Parlament u lill-Kunsill skond paragrafu 48 tal-ftehim interistituzzjonali tas-17 ta' Mejju 2006
Proposal for a deċiżjoni tal-Parlament Ewropew u tal-Kunsill li temenda l-ftehim interistituzzjonali tas-17 ta’ Mejju 2006 dwar id-dixxiplina baġitarja u l-amministrazzjoni finanzjarja fis-sod fir-rigward tal-qafas finanzjarju multiannwali Ippreżentata mill-Kummissjoni lill-Parlament u lill-Kunsill skond paragrafu 48 tal-ftehim interistituzzjonali tas-17 ta' Mejju 2006
/* KUMM/2008/0152 finali */
Proposal for a deċiżjoni tal-Parlament Ewropew u tal-Kunsill li temenda l-ftehim interistituzzjonali tas-17 ta’ Mejju 2006 dwar id-dixxiplina baġitarja u l-amministrazzjoni finanzjarja fis-sod fir-rigward tal-qafas finanzjarju multiannwali Ippreżentata mill-Kummissjoni lill-Parlament u lill-Kunsill skond paragrafu 48 tal-ftehim interistituzzjonali tas-17 ta' Mejju 2006 /* KUMM/2008/0152 finali */
[pic] | KUMMISSJONI TAL-KOMUNITAJIET EWROPEJ | Brussel 14.3.2008 KUMM(2008) 152 finali Proposal for a DEĊIŻJONI TAL-PARLAMENT EWROPEW U TAL-KUNSILL li temenda l-ftehim interistituzzjonali tas-17 ta’ Mejju 2006 dwar id-dixxiplina baġitarja u l-amministrazzjoni finanzjarja fis-sod fir-rigward tal-qafas finanzjarju multiannwali Ippreżentata mill-Kummissjoni lill-Parlament u lill-Kunsill skond paragrafu 48 tal-Ftehim Interistituzzjonali tas-17 ta' Mejju 2006 MEMORANDUM TA’ SPJEGAZZJONI Il-Punti 18 u 48 tal-Ftehim Interistituzzjonali tas-17 ta' Mejju 2006 jipprovdu lill-Kummissjoni tippreżenta ż-żewġ dirgħajn tal-proposti ta' l-awtorità baġitarja għall-aġġustamenti fl-istruttura finanzjarja kkunsidrati meħtieġa fid-dawl ta’ l-implimentazzjoni. Din il-proċedura tinvolvi: - L-aġġustament tat-total ta' l-approrjazzjonijiet għall-ħlas biex tassigura, fid-dawl tal-ħtiġijiet, progressjoni ordinata relatata ma' l-approprjazzjonijiet għall-impenji (il-punt 18); - fil-każ ta’ l-adozzjoni wara l-1 ta’ Jannar 2007 tar-regoli jew programmi ġodda li jiggvernaw il-Fondi Strutturali, il-Fond ta’ Koeżjoni, l-Iżvilupp Rurali u l-Fond Ewropew għas-Sajd, iż-żewġ dirgħajn ta’ l-awtorità baġitarja jimpenjaw irwieħhom li jawtorizzaw, wara proposta mill-Kummissjoni, it-trasferiment għas-snin sussegwenti, lil'hinn mill-ammonti massimi ta’ nfiq korrispondenti, ta’ allokazzjonijiet mhux użati fl-2007 (punt 48). L-eżaminazzjoni tal-Kummissjoni dwar l-implimentazzjoni fis-sena 2007 minn dawn iż-żewġ lati qanqlitha tippreżenta l-proposta li ġejja għall-aġġustament tal-qafas finanzjarju fir-rigward tal-punt 48 lill-awtorità baġitarja. Il-proposta preżenti li tieħu kont ta' l-implimentazzjoni se tiġi applikata fuq il-limiti ta' l-infiq bil-prezzijiet attwali. Iżjed minn hekk, il-punt 16 tal-Ftehim Interistituzzjonali jiddikjara li kull sena l-Kummissjoni se tagħmel, qabel il-proċedura baġitarja għas-sena n+1, aġġustament tekniku lill-qafas finanzjarju li jaqbel mal-movimenti fid-dħul gross nazzjonali (DGN) ta' l-UE u l-prezzijiet u tikkomunika r-riżultati liż-żewġ dirgħajn ta' l-awtorità baġitarja F'dak li jirrigwarda l-prezzijiet, il-limiti ta' l-infiq bi prezzijiet kurrenti huma stabbiliti bl-użu ta' deflatur fiss ta' 2 % previsti fil-punt 16 tal-Ftehim Interistituzzjonali. F'dak li jirrigwarda l-movimenti tal-DGN, il-proposta preżenti tinkludi l-aħħar tbassir ekonomiku disponibbli. 1. AġġUSTAMENT TA’ FONDI STRUTTURALI, FOND TA’ KOEżJONI, ŻVILUPP RURALI U L-FOND EWROPEW GħAS-SAJD FID-DAWL TAċ-ċIRKOSTANZI TA’ L-IMPLIMENTAZZJONI TAGħHOM (PUNT 48) Taħt il-punt 48 tal-Ftehim Interistituzzjonali, fil-każ ta’ l-adozzjoni wara l-1 ta’ Jannar 2007 tar-regoli jew programmi ġodda li jiggvernaw il-Fondi Strutturali, il-Fond ta’ Koeżjoni, Żvilupp Rurali u l-Fond Ewropew għas-Sajd, iż-żewġ dirgħajn ta’ l-awtorità baġitarja jimpenjaw irwieħhom li jawtorizzaw, wara proposta mill-Kummissjoni, it-trasferiment għas-snin sussegwenti, lil hinn mill-ammonti massimi ta’ nfiq korrispondenti, ta’ allokazzjonijiet mhux użati fl-2007. 1.1. L-ambitu tal-punt 48 tal-Ftehim Interistituzzjonali Il-Ftehim Interistituzzjonali jistabilixxi l-prinċipju li t-trasferiment huwa limitat għall-allokazzjonijiet mhux użati għall-ewwel sena tal-qafas finanzjarju. It-trasferiment japplika għall-programmi mħallsin mill-Fondi Strutturali (Il-Fond Ewropew għall-Iżvilupp Reġjonali u l-Fond Soċjali Ewropew) u l-Fond ta' Koeżjoni, il-Fond Ewropew ta' l-Agrikoltura għall-Iżvilupp Rurali u l-Fond Ewropew għas-Sajd. It-trasferiment japplika wkoll għall-kontribut tal-Fond Ewropew għall-Iżvilupp Reġjonali lill-programmi transkonfinali u dawk għall-baċin ta' l-ibħra taħt l-Istrument Ewropew ta’ Viċinanza u Sħubija (IVSE) u għall-Programmi Transkonfinali ta' l-Istrument għal Qabel l-Adeżjoni (SQA). Dawn ta' l-aħħar jibqgħu taħt id-dixxiplina tal-Fondi Strutturali u l-ammonti involuti se jkunu disponibbli għal darba oħra għall-Istati Membri fil-każ ta' dewmien fis-sottomissjoni tal-programmi rispettivi[1]. 1.2. Proposta tat-trasferiment ta' l-approprjazzjonijiet għall-impenji mill- 2007 għas-snin tal-futur (it-Tabella 1). L-approprjazzjonijiet għall-impenji li jammontaw għal EUR 2 034 miljun skadew fl-2007, jiġifieri ma kinux implimentati fl-2007 u ma nġarrux 'l quddiem għall-2008. Dan l-ammont jikkorrispondi għall-allokazzjoni ta’ l-2007 ta’ 45 Programmi Operattivi li ma setgħux jiġu adottati fl-2007, l-iktar minħabba li damu ma ġew sottomessi lill-Kummissjoni. It-tabella ta' hawn isfel turi d-distribuzzjoni bil-Fond tal-programmi li damu. [pic] Huwa ċar li d-dewmien fil-programmi tal-bidu għall-perjodu 2007-2013 naqas f'daqqa meta mqabbel mal-perjodu 2000-2006. Kif muri fit-tabella tat-tqabbil hawn isfel l-ammont li jrid jerġa' jiġi riprogrammat għas-snin ta' wara naqas minn 20% għal 3%. [pic][pic] [pic] 72% tar-ripprogrammar li jinħtieġ huwa dovut minħabba dewmien fil-programmi għall-Iżvilupp Rurali. Diversi aspetti partikolari ta' l-ipprogrammar ta’ l-iżvilupp rurali taqqlu l-proċedura ta' approvazzjoni tiegħu meta mqabbla ma’ dik tal-programmi ta’ Koeżjoni. L-ewwelnett, il-programmar ta’ l-iżvilupp rurali jinżel fil-livell tal-miżuri ta’ l-iżvilupp rurali, u hija meħtieġa informazzjoni pjuttost dettaljata, pereżempju dwar l-aspetti ambjentali. It-tieni, kull programm huwa sottomess għall-approvazzjoni mill-Kumitat ta' l-Iżvilupp Rurali qabel l-approvazzjoni mill-Kummissjoni. It-tieletnett, numru sinifikanti ta’ programmi kienu sottomessi biss lill-Kummissjoni fit-tieni nofs ta’ l-2007, li sa certu punt seta' ġie influwenzat bl-inċertezza ta' l-eżitu tan-negozjati dwar il-modulazzjoni volontarja fl-ewwel parti ta' l-2007. Finalment, fatturi oħra (bhar-restrizzjonijiet istituzzjonali nazzjonali u n-nuqqas ta' esperjenza preċedenti fl-iprogrammar) setgħu wkoll ikkontribwew għall-preżentazzjoni tard ta' l-abbozz ta' programmi u/jew dewmien fil-kjarifiki mitluba mill-Kummissjoni. Id-dewmien fl-ipprogrammar ta’ l-ERDF kien ikkawżat l-iktar minħabba li l-programmi involuti damu ma ġew sottomessi. F’xi każijiet, il-kontenut tagħhom kien jeħtieġ iktar negozjati biex titjieb il-konsistenza ma’ l-objettivi tal-Komunità. In-negozjati dwar erba’ programmi IPA mdewma qed javvanzaw bil-mod, peress li n-negozjati li jinvolvu diversi pajjiżi (uħud minnhom pajjiżi terzi) inevitabbilment huma iktar kumplessi. L-istess tip ta' diffikultajiet effettwaw il-programmi ta' l-ENPI, li minnhom dak tal-Baħar Baltiku biss ġie sottomess u adottat fl-2007. Ħafna programmi EFF ġew sottomessi pjuttost tard ukoll (eż. Diċembru 2007) u dan għamilha impossibbli li l-programmi jiġu adottati fl-2007. Tabella 1a fl-Anness tagħti stampa kompleta tas- sottoimplimentazzjoni fl-2007 skond l-oġġettiv u l-Fond. L-ammont ta' l-approprjazzjonijiet sottoimplimentati kien ta' EUR 3 525 miljun. Minn dawn, EUR 1 491 miljun inġarru 'l quddiem għas-sena 2008, peress li l-istadji preliminari tal-proċedura ta' l-impenn kienu diġà lesti sa l-aħħar ta' l-2007. Dan ħalla EUR 2 034 miljun, u qiegħda ssir proposta hawnhekk biex dawn jiġu trasferiti, taħt il-punt 48 tal-Ftehim Interistituzzjonali, għas-snin ta' wara l-perjodu tal-ipprogrammar. It-tabella li ġejja turi r-riprogrammar propost għall-intestatura 1B u l-intestatura titolu 2[2] [pic] Il-pofil huwa kemmxejn ikkonċentrat kollu fuq il-bidu, iżda l-ammonti huma żgħar meta mqabblin mad-daqs tal-pakketti annwali. Iżjed minn hekk, it-tabella 1b tagħti dettal skond il-fond u l-użu ta' klassifika ta' sena wara l-oħra fejn ġie propost it-trasferiment. 1.3. L-effett tat-trasferimenti proposti fil-livell ta' l-approprjazzjonijiet korrispondenti għall-ħlasijiet. Il-programmar taħt is-subintestatura 1b m’għandu l-ebda impatt sinifikanti fuq il-profil mistenni tal-ħlasijiet matul is-sena. Għal programmi ta' l-Iżvilupp Rurali (l-intestatura 2) ir-riprogrammar iżid il-ħlasijiet mistennija fl-2008 b'EUR 1 014 miljun, ammont li oriġinarjament kien ġie previst għall-2007. L-impatt għall-2009-2013 se jkun marġinali. Fid-dawl tal-fatt li l-baġit ta' l-2008 jħalli marġni suffiċjenti taħt il-limiti tal-qafas fananzjarju, il-Kummissjoni ma tikkunsidrax il-ħtieġa għall-proposta ta' aġġustament tal-limiti tal-approprjazzjonijiet għall-ħlas minħabba r-riprogrammar propost taħt il-punt 48 tat-IIA. 2. IL-MANTENIMENT TAL-PROGRESSJONI ORDINATA BEJN L-APPROPRJAZZJONIJIET TAL-ħLAS U L-APPROPRJAZZJONIJIET GħALL-IMPENJI (IL-PUNT 18) Wieħed mill-għanijiet tal-qafas finanzjarju huwa li jassigura l-progressjoni ordinata bejn l-impenji u l-ħlasijiet. Ir-relazzjoni ġiet stabbilita għal tul ta' żmien tal-qafas finazjarju fuq il-bażi ta' numru ta' ipoteżi, li ġew ikkomunikati liż-żewġ dirgħajn ta' l-awtorità baġitarja f'Mejju 2005. Il-limitu għall-approprjazzjonijiet għall-ħlasijiet fil-qafas finanzjarju ta' l-2007-2013 kien ibbażat fuq metodoloġija. Il-Kummissjoni se terġa tezamina dawn l-ipoteżi fl-2010 skond it-termini ta' punt 19 tal-Ftehim Interistituzzjonali. Il-punt 18 tal-Ftehim Interistituzzjonali jobbliga l-Kummissjoni tifli l-limitu globali għall-approprjazzjonijiet tal-ħlas, li ġie stabbilit meta tfassal il-qafas finanzjarju, kontra l-eżekuzzjoni tal-baġit għall-2007 u l-baġit għall-2008 u biex tagħmel xi aġġustamenti li huma meħtieġa. Il-profil ta' l-approprjazzjonijiet globali għall-ħlasijiet li rriżultaw minn dawn l-ipotesi laħaq quċċata fl-2008, li ġiet segwita minn tnaqqis fl-2009. Il-quċċata fis-sena 2008 ntlaħqet l-iżjed minħabba konċentrament ta' ħlasijiet previsti marbutin ma' rikba bejn il-fażi finali tal-perjodu ta' l-ipprogrammar tas-sena 2000-2006 u l-fażi tal-bidu tal-perjodu bejn is-sena 2007-2013 għall-azzjonijet strutturali. Kien mistenni li l-ħlasijiet se jonqsu b'mod sostanzjali fl-2009 minħabba naqsa drammatika fir-rimborsi tal-programm ta' l-2000-2006, li kien mistenni jegħleb iż-żieda tar-rimborsi fuq il-programm ta' l-2007-2013. L-evalwazzjonijiet kurrenti għall-approprjazzjonijiet għall-ħlas m'ghandux ghalfejn jaġġusta l-limitu tal-ħlasijiet eżistenti għall-2009. Skond l-aħħar stimi għall-operazzjonijiet strutturali magħmulin minn servizzi tal-politika reġjonali, ħlasijiet huma kompatibbli bis-sħiħ mal-limitu tal-ħlas eżistenti. Bħala konsegwenza, il-Kummissjoni ma tarax il-bżonn li tippreżenta issa proposta li taġġusta l-limitu għall-apprpjazzjonjiet għall-ħlas għas-sena 2009. Naturalment, se tibqa' tissorvelja bir-reqqa l-evoluzzjoni tas-sitwazzjoni. Il-Kummissjoni se tirfina l-istimi tal-ħlasijiet fil-baġit preliminari ta' l-2009, għall-operazzjonijiet strutturali u għall-intestaturi l-oħrajn kollha, biex iqabblu mal-prinċipji dixxiplinarji tal-baġit u b'kunsiderazzjoni li għandu jinżamm marġni suffiċjenti għall-ġrajjiet mhux previsti. Tabella 1: l-implimentazzjoni tal-Fondi Strutturali fis-sena 2007- Trasferiment ta' l-allokazzjonijiet mhux użati [pic] [pic] 3. L-AġġUSTAMENT TEKNIKU TAL-QAFAS FINANZJARJU GħAS-SENA 2009 LI JAQBEL MAL-MOVIMENTI TAD-DGN (PUNT 16) It-Tabella 2 turi l-qafas finanzjarju għas-27 ta' l-UE u tieħu kont ta' l-implimentazzjoni u l-aġġustament għas-sena 2009 (jiġifieri bil-prezzijiet attwali u espressi bħala perċentwal tadDGN bl-użu ta' l-aħħar tbassir ekonomiku disponibbli). 3.1. Ċifra totali għad-DGN Skond l-aħħar previżjoni disponibbli, id-DGN għall-2008 huwa stabbilit għal € 13,129 biljun fi prezzijiet kurrenti għall-UE-27 (u għal € 12,547 biljun għall-2007). Għas-snin sussegwenti (2010-2013) id-DGN ta' l-UE-27 ġie kkalkulat fuq il-bażi tal-projezzjonijiet interni tal-Kummissjoni għar-rata tat-tkabbir ekonomiku annwali f'termini reali. Dawn il-projezzjonijiet huma indikattivi u se jiġu aġġornati kull sena fuq il-bazi ta' l-aħħar previżjonijiet ekonomiċi disponibbli. 3.2. Ir-riżultati ewlenin ta' l-aġġustament tekniku tal-Qafas Finanzjarju għall-2009) Il-limitu totali fuq l-approprjazzjonijiet ta' l-impenn għas-sena 2009, meta ssir kunsiderazzjoni ta' l-implimentazzjoni (jiġifieri EUR 136 211 miljun) huwa ta' 1.04% tad-DGN Il-limitu globali rispettiv għall-approprjazzjonijiet għall-ħlasijiet (€ 123,858 miljun) huwa ekwivalenti għal 0.94 % tad-DGN. Fuq il-bażi tat-tbassir ekonomiku attwali, dan iħalli marġni taħt il-limitu tar-riżorsi proprji ta' € 38,941 miljun (0.30 % tad-DGN għall-UE-27). 3.3. Elementi oħrajn marbuta ma' l-aġġustament tekniku Intestatura 5 (Amministrazzjoni) Fil-każ ta' l-intestatura 5, in-nota tal-qiegħ għall-perspettiva finanzjarja tistqarr li ċ-ċifri għall-pensjonijiet inklużi taħt il-limitu għal din l-intestatura għandhom jinħadmu netti mill-kontribuzzjonijiet ta' l-impjegati għall-iskema tal-pensjonijiet, sa massimu ta' € 500 miljun (fi prezzijiet ta' l-2004) għall-perjodu 2007-2013. Din id-dispożizzjoni għandha tiġi interpretata li qed timponi limitu doppju fuq l-ammonti mnaqqsa min-nefqa fuq il-pensjonijiet meta jiġi applikat il-limitu massimu ta' l-intestatura. - Dan l-ammont ma jistax jaqbeż il-kontribuzzjonijiet attwalment inklużi bħala dħul tal-baġit fi kwalunkwe sena partikolari; - It-total akkumulat tad-deduzzjonijiet għall-perjodu 2007-2013 jista' ma' jkunx iżjed minn EUR 500 miljun bil-prezzijiet kostanti tas-sena 2004. In-natura rikorrenti tan-nefqa amministrattiva timponi li l-aktar limitu baxx jiġi adottat kull sena sabiex jiġi evitat li jintuża marġni fil-bidu tal-perjodu li mbagħad ma jkunx għal kollox disponibbli. Fl-2009, l-ammont li għandu jitnaqqas huwa ta' € 78.0 miljun fi prezzijiet kurrenti. Partiti ta' nfiq barra mill-qafas finanzjarju 2007-2013 Numru ta' strumenti huma disponibbli barra mil-limiti ta' l-infiq miftiehma fil-qafas finanzjarju 2007-2013. Dawn l-istrumenti għandhom l-għan li jipprovdu reazzjoni rapida għal żviluppi eċċezzjonali jew mhux previsti, u jipprovdu xi flessibilità lilhinn mil-limiti miftiehma ta' l-infiq fi ħdan ċerti limiti: - Ir-riserva ta' l-Għajnuna ta' l-Emerġenza, li tista' tiġi mobilizzata sa ammont massimu ta' EUR 221.0 miljun kull sena bil-prezzijiet kostanti tas-sena 2004, jew EUR 244.0 miljun bil-prezzijiet attwali; - Il-Fond tas-Solidarjetà ta' l-UE, li l-ammont massimu tiegħu fi prezzijiet kurrenti huwa ta' € 1 biljun; - L-Istrument tal-Flessibilità, b'ammont annwali massimu fi prezzijiet kurrenti ta' € 200 miljun, flimkien ma' porzjon mill-ammonti annwali mhux użati għas-snin 2005, 2006 u 2007, li jistgħu jiġu trasferiti 'l quddiem għas-sena 2009; Minbarra dan, se jkun possibbli li jiġi mmobilizzat il-Fond Ewropew għall-Aġġustament għall-Globalizzazzjoni (EGF) sa massimu ta' € 500 miljun fis-sena fi prezzijiet kurrenti billi jiġi użat kwalunkwe marġini eżistenti taħt il-limitu massimu globali għall-approprazzjonijiet għall-impenji tas-sena ta' qabel, u/jew impenji mħassra mis-sentejn ta' qabel (minbarra dawk li jirrigwardaw l-intestatura 1b). Għas-sena 2009, huma ssodisfati l-kundizzjonijiet sabiex tiddaħħal il-proviżjoni ta' € 500 miljun fil-baġit. Operazzjonijiet barra l-baġit u r-riżorsi proprji Ir-raba' subparagrafu tal-Punt 11 tal-Ftehim Interistituzzjonali jiddikjara li l-informazzjoni li tirrigwarda l-operazzjonijiet mhux inklużi fil-baġit ġenerali u l-iżvilupp prevedibbli tal-kategoriji differenti tar-riżorsi proprji għandha tiġi ppreżentata f'tabelli, bħala indikazzjoni, u aġġornata kull sena meta jsir l-aġġustament tekniku għall-qafas finanzjarju. Dan it-tagħrif, aġġornat biex jaqbel ma' l-aħħar estimi disponibbli, huwa mfisser fit-Tabelli 3. Hija tkopri l-Fond Ewropew għall-Iżvilupp (EDF) u l-istruttura tar-riżorsi proprji. TABELLA 2: QAFAS FINANZJARJU 2007-2013 f'prezzijiet attwali [pic] TABELLA 3: PROGRAMM INDIKATTIV TA' L-INFIQ LI MHUX INKLUŻ FIL-BAĠIT ĠENERALI U X-XEJRA PROSPETTIVA FIR-RIŻORSI PROPRJI DIFFERENTI [pic] Proposal for a DEĊIŻJONI TAL-PARLAMENT EWROPEW U TAL-KUNSILL li temenda l-ftehim interistituzzjonali tas-17 ta’ Mejju 2006 dwar id-dixxiplina baġitarja u l-amministrazzjoni finanzjarja fis-sod fir-rigward tal-qafas finanzjarju multiannwali IL-PARLAMENT EWROPEW U IL-KUNSILL TA' L-UNJONI EWROPEA, Wara li kkunsidraw il-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina finanzjarja u l-ġestjoni finanzjarja soda[3] , u b'mod partikulari l-punt 48 tiegħu, Wara li kkunsidraw il-proposta mill-Kummissjoni,[4] Billi: (1) Bħala riżultat tad-dewmien fl-adozzjoni ta' xi programmi operattivi ta' l-intestaturi 1b u 2, EUR 2 034 miljun ta' l-allokazzjoni prevista fil-Fondi Strutturali, għall-Fond ta' Koeżjoni, ta' l-Iżvilupp Rurali u għall-Fond Ewropew għas-Sajd ma setgħux jiġu impenjati fis-sena 2007 u lanqas jiġu trasferiti għas-sena 2008. Taħt il-paragrafu 48 tal-Ftehim Interistituzzjonali, dan l-ammont għandu jiġi trasferit għas-snin finanzjarji ta' wara billi jiżdiedu l-limiti ta' l-infiq korrispondenti għall-approprjazzjonijiet għall-impenji. (2) L-Anness I tal-Ftehim Interistizzuzzjonali dwar id-dixxiplina baġitarja u l-amministrazzjoni finanzjarja fis-sod għandha għalhekk tiġi emendata[5], IDDEĊIDEW KIF ĠEJ: Artiklu uniku L-Anness I tal-Ftehim Interistituzzjonali dwar id-dixxiplina baġitarja u l-amministrazzjoni finanzjarja fis-sod huwa ssostitwit mill-Anness ta’ din id-Deċiżjoni. Magħmul fi Brussell, Għall-Parlament Ewropew Għall-Kunsill Il-President Il-President QAFAS FINANZJARJU 2007-2013 [pic] [1] B'konformità ma' l-Artikolu 21(5) tar-Regolament tal-Kunsill (KE) Nru 1083/2006 tal-11 ta' Lulju 2006 [2] L-ammonti f'din it-tabella qegħdin espressi f'euro għaliex l-ipprogrammar fl-intestatura 1b, l-Iżvilupp Rurali u l-Fond Ewropew għas-Sajd huma f'euro. Iżda, l-aġġustament tal-limiti ta' nfiq annwali tal-Qafas Finanzjarju huwa espress f'miljuni ta' euro, li jinvolvi t-tqarrib sa’ l-eqreb numru sħiħ. [3] ĠU C 139, 14,6.2006, p,1 kif emendata mid-Deċiżjoni 2008/29/KE tal-Parlament Ewropew u tal-Kunsill tat-18 ta' Diċembru 2007 li tmenda l-Ftehim Interistituzzjonali tas-17 ta' Mejju 2006 dwar dixxiplina baġitarja u ġestjoni finanzjarja soda fir-rigward tal-qafas finanzjarju multiannwali, ĠU L 6, 10.1.2008, p.7. [4] ĠU COM xxx, xx.xx.2008 [5] Għal dan l-iskop, il-figuri bil-prezzijiet attwali huma maqluba għall-prezzijiet ta' l-2004.