This document is an excerpt from the EUR-Lex website
Document 52007XC0926(01)
Notice of implementation of the SME Guarantee Facility under the Competitiveness and Innovation Framework Programme (2007-2013) (Text with EEA relevance)
Notifika ta' implimentazzjoni ta' Faċilità ta' Garanzija għall-SMEs skond Il-Programm ta' Kwadru għall-Kompetittività u l-Innovazzjoni (2007-2013) (Test b'relevanza għaż-ŻEE)
Notifika ta' implimentazzjoni ta' Faċilità ta' Garanzija għall-SMEs skond Il-Programm ta' Kwadru għall-Kompetittività u l-Innovazzjoni (2007-2013) (Test b'relevanza għaż-ŻEE)
ĠU C 226, 26.9.2007, p. 2–3
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
26.9.2007 |
MT |
Il-Ġurnal Uffiċjali ta’ l-Unjoni Ewropea |
C 226/2 |
Notifika ta' implimentazzjoni ta' Faċilità ta' Garanzija għall-SMEs skond Il-Programm ta' Kwadru għall-Kompetittività u l-Innovazzjoni (2007-2013)
(Test b'rilevanza għaż-ŻEE)
(2007/C 226/02)
Din in-notifika hija indirizzata għall-intermedjarji finanzjarji għall-SMEs, bħall-banek u l-istituzzjonijiet li joperaw skemi garantiti. Din tiddefenixxi strument finanzjarju, il-Faċilità ta' Garanzija għall-SMEs, li timmira li ttejjeb l-ambjent finanzjarju għall-SMEs billi tiffaċilita l-aċċess tagħhom għall-strumenti finanzjarji ta' self u ekwità.
Il-Faċilità ta' Garanzija għall-SMEs hija operata mill-Fond Ewropew għall-Investiment (FEI) f'isem tal-Kummissjoni Ewropea skond id-Deċiżjoni tal-Parlament Ewropew u tal-Kunsill (KE) Nru 1639/2006 ta' l-24 ta' Ottubru 2006 li tistabbilixxi Programm Kwadru għall-Kompetittività u l-Innovazzjoni (2007 sa 2013).
Dan il-programm huwa miftuħ għall-Istati Membri ta' l-Unjoni Ewropea u dawk l-Istati Membri ta' l-Assoċjazzjoni Ewropea tal-Kummerċ Ħieles (“EFTA”) li huma membri taż-Żona Ekonomika Ewropea (“ŻEE”), pajjiżi ta' l-adeżjoni, u pajjiżi kandidati li jibbenefikaw minn strateġija rilevanti ta' qabel l-adeżjoni, pajjiżi tal-Balkani tal-Punent skond il-ftehimiet ta' qafas rilevanti u kwalunkwe pajjiż inkluż fil-lista ta' Pajjiżi Parteċipanti kif ippublikata minn żmien għal żmien fil-Ġurnal Uffiċjali.
L-approprjazzjonijiet baġitarji indikattivi totali għall-istrumenti finanzjarji skond il-Programm Kwadru għall-Kompetittività u l-Innovazzjoni huma 1,1 biljun EUR u nofshom huma previsti għall-Faċilità ta' Garanzija għall-SMEs għall-perjodu 2007-2013.
Il-Faċilità se tipprovdi kontrogaranziji jew, fejn xieraq, kogaranziji għal skemi ta' garanziji operattivi f'pajjiżi parteċipanti, kif ukoll garanziji diretti fil-każ ta' kwalunkwe intermedjarju finanzjarju xieraq ieħor.
L-erba' alternattivi sussegwenti huma disponibbli skond il-Faċilità:
|
1. |
Garanzija għall-finanzjament tad-dejn permezz ta' self jew kiri b'appoġġ għall-SMEs b'potenzjal ta' tkabbir. Skond din l-alternattiva, il-FEI joħroġ garanziji parzjali (direttament jew indirettament) biex ikopri portafolli ta' strumenti finanzjarji ta' self; |
|
2. |
Garanziji għal portafolli ta' self mikro għal intrapriżi żgħar ħafna li jkollhom sa 9 impjegati, biex iħeġġu istituzzjonijiet finanzjarji jaqdu rwol akbar fil-provvediment ta' self ta' ammonti iċken li proporzjonalment jinvolvu spejjeż ogħla ta' pproċessar. Intermedjarji finanzjarji jistgħu jirċievu wkoll għotjiet fil-forma ta' appoġġ tekniku biex jikkumpensaw parzjalment għall-ispejjeż amministrattivi ogħla marbuta ma' ffinanzjar ta' kreditu mikro; |
|
3. |
Garanziji għal intermedjarji finanzjarji biex ikopru l-investimenti ta' ekwità jew kważi ekwità f'SMes li jinvolvu investiment fil-kapital ta' l-istabbiliment u/jew il-kapital fil-fażi tal-bidu, finazjament intermedju (mezzanine) u/jew operazzjonijiet ta' kapital ta' riskju. |
|
4. |
Garanziji b'appoġġ għall-istrutturi ta' garanziji finanzjarji bil-għan li jgħinu l-istituzzjonijiet finanzjarji biex jimmobilizzaw il-finanzjament tas-self għall-SMEs, bil-kundizzjoni ta' inizjattiva ta' intermedjarju finanzjarju rilevanti biex juża parti konsiderevoli tar-riżorsi mobilizzati b'riżultat ta' tranżazzjoni ta' garanzija għall-finanzjament ta' SMEs ġodda. |
Intermedjarji finanzjarji prospettivi jistgħu jiksbu informazzjoni dettaljata dwar il-Faċilità minn:
|
European Investment Fund |
|
43, avenue J. F. Kennedy |
|
L-2968 Luxembourg |
|
Posta elettronika: info@eif.org |
jew mis-sitweb ta' l-FEI: www.eif.org
Id-dettalji ta' kuntatt ta' l-intermedjarji kollha li magħhom l-FEI għandha ffirmat kuntratt se jkunu ppubblikati fuq is-sitweb tal-FEI sabiex jippermettu l-SMEs biex jagħmlu kuntatt dirett ma' dawn l-intermedjarji.
Proposti minn intermedjarji finanzjarji se jkunu eżaminati mill-FEI fuq bażi kontinwa, fil-limiti ta' l-allokazzjoni baġitarja Komunitarja disponibbli. Il-FEI se tara li jinlaħaq bilanċ ġeografiku kumplessiv.