This document is an excerpt from the EUR-Lex website
Document 52007XC0801(01)
Publication of an application pursuant to Article 6(2) of Council Regulation (EC) No 510/2006 on the protection of geographical indications and designations of origin for agricultural products and foodstuffs
Pubblikazzjoni ta' applikazzjoni skond l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni ta' indikazzjonijiet ġeografiċi u denominazzjonijiet ta' l-oriġini għal prodotti agrikoli u oġġetti ta' l-ikel
Pubblikazzjoni ta' applikazzjoni skond l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni ta' indikazzjonijiet ġeografiċi u denominazzjonijiet ta' l-oriġini għal prodotti agrikoli u oġġetti ta' l-ikel
ĠU C 179, 1.8.2007, p. 15–18
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
1.8.2007 |
MT |
Il-Ġurnal Uffiċjali ta’ l-Unjoni Ewropea |
C 179/15 |
Pubblikazzjoni ta' applikazzjoni skond l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni ta' indikazzjonijiet ġeografiċi u denominazzjonijiet ta' l-oriġini għal prodotti agrikoli u oġġetti ta' l-ikel
(2007/C 179/06)
Din il-pubblikazzjoni tikkonferixxi d-dritt għal oġġezzjoni għall-applikazzjoni skond l-Artikolu 7 tar-Regolament tal-Kunsill (KE) Nru 510/2006 (1). Id-dikjarazzjonijiet ta' oġġezzjoni għandhom jaslu l-Kummissjoni fi żmien sitt xhur mid-data ta' din il-pubblikazzjoni.
SINTEŻI
REGOLAMENT TAL-KUNSILL (KE) Nru 510/2006
“MIÓD WRZOSOWY Z BORÓW DOLNOŚLĄSKICH”
Nru tal-KE: PL/PGI/005/0449/18.02.2005
DPO ( X ) IĠP ( X )
Din is-sinteżi tagħti l-elementi ewlenin ta' l-ispeċifikazzjoni tal-prodott b'għan informattiv biss.
1. Dipartiment Responsabbli fl-Istat Membru:
Isem: |
Ministerstwo Rolnictwa i Rozwoju Wsi |
Indirizz: |
ul. Wspólna 30, PL-00-930 Warszawa |
Tel: |
(48-22) 623 27 07 |
Feks: |
(48-22) 623 25 03 |
Posta elettronika: |
jakub.jasinski@minrol.gov.pl |
2. Grupp:
Isem: |
Regionalny Związek Pszczelarzy we Wrocławiu Il-grupp jinkludi produtturi tal-għasel fl-organizzazzjonijiet li ġejjin:
|
||||||||
Indirizz: |
ul. Mazowiecka 17, PL-50-412 Wrocław |
||||||||
Tel: |
(48-71) 363 28 99 |
||||||||
Faks: |
(48-71) 363 28 99 |
||||||||
Posta elettronika: |
hurtownia@oleje.net |
||||||||
Kompożizzjoni: |
Produtturi/proċessaturi: ( X ) oħrajn: ( ) |
3. Tip ta' Prodott:
Klassi 1.4 — Għasel
4. Speċifikazzjoni:
(sinteżi tar-rekwiżiti skond l-Artikolu 4(2) tar-Regolament (KE) Nru 510/2006)
4.1. Isem: “Miód wrzosowy z Borów Dolnośląskich”
4.2. Deskrizzjoni:
Karatteristiċi organolettiċi:
L-għasel qabel il-kristallazzjoni huwa minn oranġjo skur sa kannella ħamrani fil-kulur iżda wara l-kristallizzazzjoni jkanġi minn isfar oranġjo sa kannella. Għandu konsistenza magħquda u jipproduċi fluwidu ġelatinuż qisu ġel. L-għasel tal-heather jikkristallizza fi frak ta' daqs medju. It-togħma hija daqsxejn ħelwa, qarsa u morra. Jinxtamm qawwi; ir-riħa hija simili għar-riħa tal-heather.
Karatteristiċi fiżiċi u kimiċi:
— |
il-kontenut ta' l-ilma mhuwiex iktar minn 22 % |
— |
il-kontenut tal-glukożju u tal-fruktożju mhuwiex inqas minn 60 g/100 g |
— |
il-kontenut tas-sukrożju ma jaqbiżx 4 g/100 g |
— |
il-kontenut ta' sustanzi li ma jinħallux ma jaqbiżx 0,1 g/100 g |
— |
n-numru tad-diastaze (skala Schade) mhuwiex inqas minn 8. |
— |
il-kontenut tal-5-hydroxymethylofurfural (HMF) ma jaqbiżx 40 mg/hg |
— |
il-kontenut proline ma jaqbiżx 30 mg/100 g |
— |
il-pH huwa bejn 4 u 4,5 |
Il-kontenut medju tal-proline ħieles fl-għasel magħmul min-nektar tal-heather normalment huwa ħafna ogħla — xi 64,6 mg/100 mg Madankollu, il-kontenut għandu firxa wiesgħa: minn 30,9 sa 103,3 mg/100 g. Il-kontenut ta' l-aċtu amino ħieles fil-“Miód wrzosowy z Borów Dolnośląskich” huwa ta' madwar 36 mg/100 g. Il-kontenut ta' l-aċtu amino ħieles bil-proteini li jinħolqu permezz ta' l-idrolisi huwa ta' madwar 875 mg għal kull 100 g ta' għasel — huwa reponsabbli għall-proċess thixotropy.
Karatteristiċi mikroskopiċi:
Il-proporzjon tal-għabra tad-dakra tal-heather, bħala l-għabra tad-dakra ewlenija, ma għandux ikun ta' inqas minn 50 %. L-għabra tad-dakra fl-għasel huwa estratt mill-heathers — mill-familja “Ericaceae”.
4.3. Żona Ġeografika: Il-konfini taż-żona fejn jikbru l-ispeċijiet tal-heather li minnhom jinkiseb il-prodott Miód wrzosowy z Borów Dolnośląskich huma dawn li ġejjin:
Il-konfini tan-Nofsinhar jibdew mill-belt ta' Zgorzelec matul it-triq Nru 353 sa l-E40 fid-direzzjoni ta' Bolesławiec, imbagħad matul it-triq minn Bolesławiec sa Chojnów (parzjalment l-E40 li mbagħad f'Lubkowek tinbidel fit-triq Nru 94.)
Il-konfini tal-Lvant jibdew matul it-triq Nru 335 mill-belt ta' Chojnów imbagħad matul it-triq minn ġewwa Brunów, Szklary Dolne, Trzmielów sa Chocianów; minn Chocianów il-konfini jestendu matul it-triq Nru 331 sa Parchów, li tinsab fil-konfini tax-Xlokk taż-żona ta' ġestjoni tal-foresta Chocianów; matul il-konfini tal-Grigal sa dawk tan-nofsinhar taż-żona ta' ġestjoni tal-foresterija Przemków sal-konfini tad-Direttorat Reġjunali tal-Foresti Nazzjonali (il-kanal tan-Nofsinhar) sat-triq Nru 328 fid-direzzjoni ta' Niegosławice
Il-konfini tat-Tramuntana jestendu minn Niegosławice matul it-triq għal Szprotawa, u minn ġewwa Sucha Dolna u Henryków Wichlice. Fi Szprotawa jestendu matul it-triq Nru 12 fid-direzzjoni ta' Żagań u minn hemm matul l-istess triq ġewwa Żary sa Żarki Wielkie, li tinsab fuq il-konfini tal-Punent tal-Polonja biswit ir-Repubblika Federali tal-Ġermanja.
Il-konfini tal-Punent jestendu matul il-konfini Pollakk-Ġermaniż minn Żarki Wielkie f'direzzjoni lejn in-Nofsinhar sakemm jilħqu l-belt ta' Zgorzelec.
4.4. Il-prova ta' l-oriġini: Il-kontroll ta' l-awtentiċità tal-post ta' l-oriġini u l-kwalità tal-“Miód wrzosowy z Borów Dolnośląskich” jgħaddi minn bosta fażijiet u jitwettaq f'għadd ta' stadji; jibda bil-produzzjoni u jispiċċa bil-kontroll ta' prodott lest fis-suq. Il-kontroll joħloq sistema koerenti ta' sorveljanza tal-kwalità xierqa tal-prodott finali.
L-Indikazzjoni Ġeografika Protetta “Miód wrzosowy z Borów Dolnośląskich” tikkonċerna biss l-għasel li ġej minn produtturi li jinsabu elenkati f'reġistri li jinżammu mill-entità ta' spezzjoni. L-entità ta' spezzjoni żżomm ir-reġistri li ġejjin:
reġistru ta' operaturi li jipproduċu u jferrgħu l-għasel skond l-Indikazzjoni Ġeografika Protetta “Miód wrzosowy z Borów Dolnośląskich”
reġistru ta' tikketti użati minn operaturi li jipproduċu u jferrgħu l-għasel skond l-Indikazzjoni Ġeografika Protetta “Miód wrzosowy z Borów Dolnośląskich”
L-operaturi elenkati fir-reġistri huma suġġetti għal kontroll minn entità ta' spezzjoni li timmira li tivverifika jekk il-prodotti tutelati mill-Indikazzjoni Ġeografika Protetta “Miód wrzosowy z Borów Dolnośląskich” humiex manifatturati f'konformità mal-leġiżlazzjoni u ma' l-ispeċifikazzjoni. Il-kontrolli jieħdu l-forma ta' spezzjoni ta' operaturi li jipproduċu u jferrgħu l-għasel. Jiġi vverifikat ukoll jekk il-livell tal-bejgħ jikkorrespondi għal-livell tal-produzzjoni.
4.5. Il-Metodu ta' produzzjoni: Qabel ma jittrasportaw il-kaxxa tan-naħal bil-kolonji tan-naħal sal-post fejn jikber il-heather, l-għasel li ġej minn sorsi oħra ta' alimentazzjoni għandu jiġi ċċentrifugat, u għandhom jiddaħħlu speċi ta' ħitan interni biex isostnu l-kostruzzjoni tax-xehda u b'hekk ukoll, in-naħal ikunu jistgħu jingħataw suppliment ta' xropp taz-zokkor. Il-kolonji għandhom jingħataw dożi żgħar, li ma jaqbżux 0,5 % għal kull 24 siegħa. L-alimentazzjoni għandha tieqaf mhux iktar tard minn sebat ijiem qabel mal-kolonji tan-naħal jiġu ttrasportati fejn hemm il-heather. L-alimentazzjoni tan-naħal waqt il-perjodi tal-ġbir tal-“Miód wrzosowy z Borów Dolnośląskich” mhuwiex ammissibbli.
It-trasport għandu jsir b'attenzjoni fir-rigward tar-regoli ta' l-iġjene u l-ventilazzjoni tal-kaxex tan-naħal. Il-ġbir tan-nektar għandu jsir fiż-żona ta' Bory Dolnośląskie meta l-heather ikun qed jifjorixxi (fl-aħħar ta' Awwissu sal-bidu ta' Settembru). Iċ-ċentrifugazzjoni ta' l-għasel permezz ta' l-użu ta' l-estratturi ta' l-għasel (ċentrifugali — tanġentjali jew radjali) titwettaq f'workshops itineranti fil-post fejn jinkiseb l-għasel jew f'postijiet fissi propjetà ta' dawk li jrabbu n-naħal.
In-naħal jitqiegħed f'reċipjenti konformi mal-Kodiċi tal-Prattika Tajba fit-Trobbija tan-Naħal u skond id-dispożizzjonijiet fis-seħħ. L-għasel jitqiegħed f'diversi reċipjenti — normalment ta' volum li ma jaqbiżx l-1 500 g. Huma pprojbiti l-filtrazzjoni, l-iskrematura u l-pastorizzazzjoni, kif ukoll it-tisħin artifiċjali ta' l-għasel. F'kull stadju ta' produzzjoni, it-temperatura ta' l-għasel ġewwa x-xehda ma tistax taqbeż 45 oC.
Huma biss in-naħal mill-ispeċi li ġejjin jew minn speċi mħallta ma dawn li jistgħu jintużaw għall-produzzjoni ta' “Miód wrzosowy z Borów Dolnośląskich”:
Apis mellifera mellifera (in-naħla Ġermaniża/ in-naħla Ewropea),
Apis mellifera carnica (in-naħla Karnika),
Apis mellifera caucasica (in-naħla Kawkaża).
4.6. Rabta: L-ewwel referenzi għat-trobbija tan-naħal f'reġistri mfassla għal Karlu Manju fl-aħħar tas-sekli 8 u 9 juru li ġie mpost tribut fil-forma ta' għasel u xemgħa fuq it-tribujiet mirbuħa.
Fl-1900, iż-żona tar-raba' xagħri, tant apprezzata minn dawk li jrabbu n-naħal, ġiet affetwata minn nar enormi. Dan wassal għad-degradazzjoni fl-għadd ta' siġar u l-iżvilupp tar-raba' xagħri. Minn studju li sar fl-1958 ntwera' li l-ogħla kontenut ta' għabra tad-dakra tal-heather bħala għabra tad-dakra ewlenija kien jinsab fl-għasel tal-heather ta' Bory Dolnośląskie, b'firxa minn 59 % sa 98 %.
Il-fatturi ewlenin li jinfluwenzaw ir-reputazzjoni ta' “Miód wrzosowy z Borów Dolnośląskich” huma t-tradizzjoni twila tal-ġbir ta' l-għasel f'din iż-żona kif ukoll il-kwalità għolja ta' l-għasel innifsu. Din ir-reputazzjoni ġiet ikkonfermata ukoll permezz tal-bosta premjijiet li ngħataw lil dan l-għasel fil-Ġurnata ta' l-Għasel u l-Inbid fi Przemków, ir-riżultati ta' stħarriġ dwar l-għasel, kif ukoll prezzu — minn 3 sa 8 zloty ogħla minn għasel ieħor tal-heather.
Ir-reputazzjoni ta' l-għasel intweriet ukoll mill-fatt li dan il-prodott, l-uniku għasel mir-reġjun, huwa fost ġabra ta' l-ispeċjalitajiet mir-reġjun, li l-Marixxall ta' Dolnosląskie Voivodship normalment jippreżenta lil mistednin barranin tiegħu jew jieħdu barra miegħu biex jagħtih bħala rigal. “Miód wrzosowy z Borów Dolnośląskich” huwa l-għasel l-iktar magħruf tad-Dolnośląskie Voivodship. Dan huwa ppreżentat bħala prodott tipiku tar-reġjun f'diversi fieri u wirjiet, fejn jintwerew prodotti tipiċi minn reġjuni diversi.
Il-fatt li ż-żona ta' Bory Dolnośląskie l-heather jikber b'abbundanza ġie ppruvat f'diversi inizjattivi marbuta ma' din il-pjanta. Fil-villaġġ żgħir ta' Borówki, pereżempju, insibu l-“wrzosowa chata” (id-dwejra tal-heather) — xorta ta' mużew arkeoloġiku li jbigħ il-prodotti lokali, kif ukoll, biex jingħata eżempju ieħor, il-grupp ta' azzjoni lokali, li jikkonsisti minn rappreżentattivi ta' dan ir-reġjun, iġib l-isem ta' “Wrzosowa Kraina” (l-art tal-heather). Fil-boskijiet ta' Bory Dolnośląskie, speċjalment fl-artijiet ta' l-eżerċitazzjoni militari fiż-żoni ta' Świętoszów u Przemków, hemm ħafna raba' xagħri li jkopri madwar 10 000 ettaru. Iż-żona tal-boskijiet ta' Bory Dolnośląskie, minbarra li hija kkaratterizzata minn temperatura medja annwali partikolarment elevata, tgawdi wkoll minn ħafna xemx, u b'hekk il-produzzjoni tan-nektar dejjem tkun abbondanti anki fis-snin meta jkun hemm ħafna xita. Ir-reġjun Bory Dolnośląskie huwa kkaratterizzat ukoll minn biedja estensiva, distanzi mdaqqsa miċ-ċentri urbani u r-rotot ta' komunikazzjoni mexxejja.
Il-“Miód wrzosowy z Borów Dolnośląskich” mhuwiex biss magħruf, rikonoxxut u marbut b'mod wiesa' maż-żona ta' l-oriġini, iżda huwa kkaratterizzat ukoll mill-kompożizzjoni unika tiegħu. Għandu kontenut għoli ħafna ta' proline (mhux inqas minn 30 mg/ 100 g), kontenut baxx ta' sukrożju (mhux aktar minn 4 g /100 g) u kontenut baxx ta' ilma (mhux iktar minn 22 %). Il-“Miód wrzosowy z Borów Dolnoÿlÿskich” huwa kkaratterizzat ukoll minn pH stabbli (minn 4 sa 4,5), minn livell għoli ta' għabra tad-dakra tal-heather bħala għabra tad-dakra dominanti (mhux inqas minn 50 %) u mill-fatt li fil-produzzjoni tiegħu jipparteċipaw esklussivament razez magħżula ta' naħal.
4.7. Entità ta' spezzjoni:
Isem: |
Inspekcja Jakości Handlowej Artykułów Rolno-Spożywczych |
Indirizz: |
ul. Wspólna 30, PL-00-930 Warszawa |
Tel: |
(48-22) 623 29 00 |
Feks: |
(48-22) 623 29 98, (48-22) 623 29 99 |
Posta elettronika: |
sekretariat@ijhars.gov.pl |
4.8. Tikkettar: Kull manifattur li jbigħ il-“Miód Wrzosowy z Borów Dolnośląskich” huwa obbligat li juża biss tikketta waħda komuni fuq ir-reċipjenti bl-għasel. It-tikketti huma ddistribwiti mir-Regionalny Związek Pszczelarzy f'Wrocław. Ir-regoli u l-proċeduri adottati dwar id-distribuzzjoni huma trażmessi lill-entità ta' spezzjoni. Dawk ir-regoli u l-proċeduri adottati ma għandhom jiddiskriminaw bl-ebda mod kontra l-produtturi ġejjin mir-Regionalny Związek Pszczelarzy f'Wrocław
(1) ĠU L 93, 31.3.2006, p. 12.