This document is an excerpt from the EUR-Lex website
Document 52007PC0457
Proposal for a Decision of the Council and of the Commission on the position to be taken by the Communities in the Governing Board of the International Science and Technology Centre as regards the accession of the Swiss Confederation to the Agreement establishing an International Science and Technology Centre, concluded between the United States of America, Japan, the Russian Federation and, acting as one Party, the European Atomic Energy Community and the European Economic Community
Proposta għal deċiżjoni tal-Kunsill u tal-Kummissjoni dwar il-pożizzjoni li għandhom jieħdu il-Komunitajiet fil-Bord Regolatorju taċ-Ċentru Internazzjonali tax-Xjenza u t-Teknoloġija dwar l-adeżjoni tal-Konfederazzjoni Żvizzera mal-Ftehim li jistabbilixxi Ċentru Internazzjonali tax-Xjenza u t-Teknoloġija, konkluż bejn l-Istati Uniti ta’ l-Amerika, il-Ġappun, il-Federazzjoni Russa u, waqt li jaġixxu bħala Parti waħda, il-Komunità Ewropea ta' l-Enerġija Atomika u l-Komunità Ekonomika Ewropea
Proposta għal deċiżjoni tal-Kunsill u tal-Kummissjoni dwar il-pożizzjoni li għandhom jieħdu il-Komunitajiet fil-Bord Regolatorju taċ-Ċentru Internazzjonali tax-Xjenza u t-Teknoloġija dwar l-adeżjoni tal-Konfederazzjoni Żvizzera mal-Ftehim li jistabbilixxi Ċentru Internazzjonali tax-Xjenza u t-Teknoloġija, konkluż bejn l-Istati Uniti ta’ l-Amerika, il-Ġappun, il-Federazzjoni Russa u, waqt li jaġixxu bħala Parti waħda, il-Komunità Ewropea ta' l-Enerġija Atomika u l-Komunità Ekonomika Ewropea
/* KUMM/2007/0457 finali */
Proposta għal deċiżjoni tal-Kunsill u tal-Kummissjoni dwar il-pożizzjoni li għandhom jieħdu il-Komunitajiet fil-Bord Regolatorju taċ-Ċentru Internazzjonali tax-Xjenza u t-Teknoloġija dwar l-adeżjoni tal-Konfederazzjoni Żvizzera mal-Ftehim li jistabbilixxi Ċentru Internazzjonali tax-Xjenza u t-Teknoloġija, konkluż bejn l-Istati Uniti ta’ l-Amerika, il-Ġappun, il-Federazzjoni Russa u, waqt li jaġixxu bħala Parti waħda, il-Komunità Ewropea ta' l-Enerġija Atomika u l-Komunità Ekonomika Ewropea /* KUMM/2007/0457 finali */
[pic] | KUMMISSJONI TAL-KOMUNITAJIET EWROPEJ | Brussel 31.7.2007 KUMM(2007) 457 finali Proposta għal DEĊIŻJONI TAL-KUNSILL U TAL-KUMMISSJONI dwar il-pożizzjoni li għandhom jieħdu il-Komunitajiet fil-Bord Regolatorju taċ-Ċentru Internazzjonali tax-Xjenza u t-Teknoloġija dwar l-adeżjoni tal-Konfederazzjoni Żvizzera mal-Ftehim li jistabbilixxi Ċentru Internazzjonali tax-Xjenza u t-Teknoloġija, konkluż bejn l-Istati Uniti ta’ l-Amerika, il-Ġappun, il-Federazzjoni Russa u, waqt li jaġixxu bħala Parti waħda, il-Komunità Ewropea ta' l-Enerġija Atomika u l-Komunità Ekonomika Ewropea (preżentata mill-Kummissjoni) MEMORANDUM TA’ SPJEGAZZJONI 1. Fis-27 ta’ Novembru 1992, il-Komunità Ekonomika Ewropea u l-Komunità Ewropea ta' l-Enerġija Atomika, waqt li jaġixxu bħala parti waħda (minn hawn ’il quddiem “il-Komunitajiet”), iffirmaw ftehim ma’ l-Istati Uniti ta’ l-Amerika, il-Ġappun u l-Federazzjoni Russa, li jwaqqaf Ċentru Internazzjonali tax-Xjenza u t-Teknoloġija (minn hawn ’il quddiem “il-Ftehim”). Il-Komunitajiet ikkonkludew dan il-Ftehim permezz tar-Regolament tal-Kunsill (KEE) Nru 3955/92 u r-Regolament tal-Kummissjoni (Euratom) Nru 3956/92 tal-21 ta' Diċembru 1992. Fl-2004, il-Kanada ngħaqdet maċ-Ċentru Internazzjonali tax-Xjenza u t-Teknoloġija (ISTC) bħala membru sħiħ tal-Bord Regolatorju. 2. L-ISTC (minn hawn 'il quddiem "iċ-Ċentru") jaġixxi bħala organizzazzjoni intergovernattiva bil-kapaċità ġuridika tagħha stess, skond il-liġijiet u r-regolamenti tal-Partijiet. L-għanijiet taċ-Ċentru huma li jagħtu lix-xjenzati u l-inġiniera ta’ l-armamenti, b’mod partikolari dawk li għandhom l-għarfien u l-kapaċitajiet dwar armi tal-qerda tal-massa jew dwar sistemi ta' missili li jġorru dawn l-armi, fir-Russja u Stati oħra tal-Komunità ta' Stati Indipendenti (CIS), opportunitajiet biex jiridderiġu t-talenti tagħhom lejn attivitajiet paċifiċi u jikkontribwixxu għas-soluzzjoni ta’ problemi tekniċi internazzjonali u nazzjonali u lejn l-għanijiet usa’ ta’ tranżizzjoni lejn ekonomija msejsa fuq is-suq li taqdi ħtiġijiet ċivili. 3. Fis-27 ta’ Frar 2007, il-Konfederazzjoni Żvizzera avżat lill-Bord Regolatorju taċ-Ċentru illi kienet beħsiebha ssir Parti għall-Ftehim. Esprimiet ix-xewqa tagħha li tappoġġa l-isforz taċ-Ċentru biex irażżan it-tixrid ta’ għarfien espert dwar armi tal-qerda tal-massa. Għal dan il-għan, fissret il-fehma tagħha favur proġetti u sinerġiji kollaborattivi bejn il-komunitajiet xjentifiċi Żvizzeri, b’mod partikolari l-Iskejjel Politekniċi Federali u n-netwerk ta’ istituti benefiċjarji u ta’ organizzazzjonijiet sħab minn kull Parti għall-Ftehim. Il-proġetti li jinvolvu organizzazzjonijiet Żvizzeri għandu jkollhom l-għanijiet paċifiċi u ċivili, f’bosta oqsma xjentifiċi. 4. L-adeżjoni tal-Konfederazzjoni Żvizzera għandha tippromwovi aktar l-għanijiet taċ-Ċentru u hija wkoll skond il-ħsieb tal-Partijiet li jkabbru n-numru tagħhom, fir-rikonoxximent li s-suċċess taċ-Ċentru jesiġi appoġġ qawwi mill-gvernijiet, fondazzjonijiet, istituzzjonijiet akkademiċi u xjentifiċi, u organizzazzjonijiet intergovernattivi u mhux governattivi oħra. 5. Skond l-Artikolu XIII tal-Ftehim, hija r-responsabbiltà tal-Bord Regolatorju taċ-Ċentru li japprova din l-adeżjoni. L-adeżjoni teħtieġ l-approvazzjoni tar-rappreżentanti tal-Komunità Ewropea u tal-Komunità Ewropea ta' l-Enerġija Atomika (waqt li jaġixxu bħala Parti waħda) fi ħdan il-Bord. Għalkemm iż-żewġ Komunitajiet jitqiesu bħala Parti waħda fil-qafas ta’ dan il-Ftehim, hemm madankollu proċeduri differenti li jridu jiġu segwiti fil-qasam ta’ Ftehimiet internazzjonali taħt it-Trattati li jistabbilixxu kull waħda mill-Komunitajiet. Għalhekk, biex iż-żewġ Komunitajiet jesprimu l-pożizzjoni tagħhom fil-Bord Regolatorju taċ-Ċentru dwar l-adeżjoni ta' l-Iżvizzera, tenħtieġ deċiżjoni mill-Kunsill u mill-Kummissjoni. 6. Wara li kkunsidrat dan li ntqal hawn fuq, il-Kummissjoni tipproponi li l-Kunsill 7. japprova l-abbozz tad-deċiżjoni anness għan-nom tal-Komunità Ewropea; 8. jawtorizza lir-rappreżentanti tal-Presidenza tal-Kunsill fuq il-Bord Regolatorju taċ-Ċentru biex japprovaw l-adeżjoni tal-Konfederazzjoni Żvizzera mal-Ftehim li jistabbilixxi ċ-Centru; Proposta għal DEĊIŻJONI TAL-KUNSILL U TAL-KUMMISSJONI dwar il-pożizzjoni li għandhom jieħdu il-Komunitajiet fil-Bord Regolatorju taċ-Ċentru Internazzjonali tax-Xjenza u t-Teknoloġija dwar l-adeżjoni tal-Konfederazzjoni Żvizzera mal-Ftehim li jistabbilixxi Ċentru Internazzjonali tax-Xjenza u t-Teknoloġija, konkluż bejn l-Istati Uniti ta’ l-Amerika, il-Ġappun, il-Federazzjoni Russa u, waqt li jaġixxu bħala Parti waħda, il-Komunità Ewropea ta' l-Enerġija Atomika u l-Komunità Ekonomika Ewropea IL-KUNSILL TA' L-UNJONI EWROPEA U L-KUMMISJONI TAL-KOMUNITAJIET EWROPEJ, Wara li kkunsidraw it-Trattat li jistabbilixxi l-Komunità Ewropea, u b'mod partikolari l-Artikolu 300(2) tiegħu, Wara li kkunsidraw it-Trattat li jistabbilixxi l-Komunità Ewropea ta' l-Enerġija Atomika, u b'mod partikolari l-Artikolu 101 tiegħu, Wara li kkunsidraw ir-Regolament tal-Kunsill (KEE) Nru 3955/92 tal-21 ta’ Diċembru 1992 li jikkonċerna l-konklużjoni għan-nom tal-Komunità Ekonomika Ewropea ta' Ftehim li jistabbilixxi Ċentru Internazzjonali tax-Xjenza u t-Teknoloġija bejn l-Istati Uniti ta' l-Amerika, il-Ġappun, il-Federazzjoni Russa u, waqt li jaġixxu bħala Parti waħda, il-Komunità Ewropea ta' l-Enerġija Atomika u l-Komunità Ekonomika Ewropea[1], u b’mod partikolari l-Artikoli 3(1), (3) u (4) tiegħu, u r-Regolament tal-Kummissjoni (Euratom) Nru 3956/92 tal-21 ta’ Diċembru 1992 dwar il-konklużjoni mill-Komunità Ewropea ta' l-Enerġija Atomika ta' Ftehim li jistabbilixxi Ċentru Internazzjonali tax-Xjenza u t-Teknoloġija bejn l-Istati Uniti ta' l-Amerika, il-Ġappun, il-Federazzjoni Russa u, waqt li jaġixxu bħala Parti waħda, il-Komunità Ewropea ta' l-Enerġija Atomika u l-Komunità Ekonomika Ewropea, u b’mod partikolari l-Artikolu 3 tiegħu[2], Wara li kkunsidraw il-proposta mill-Kummissjoni[3], Billi: (1) Fil-21 ta’ Diċembru 1992, il-Komunità Ewropea ta' l-Enerġija Atomika u l-Komunità Ekonomika Ewropea, waqt li jaġixxu bħala parti waħda (minn hawn ’il quddiem “il-Komunitajiet”) ikkonkludew il-Ftehim li jistabbilixxi Ċentru Internazzjonali tax-Xjenza u t-Teknoloġija (minn hawn ’il quddiem “il-Ftehim”), (2) Fis-27 ta’ Frar 2007 il-Konfederazzjoni Żvizzera nnotifikat lill-Bord Regolatorju taċ-Ċentru Internazzjonali tax-Xjenza u t-Teknoloġija (minn hawn ’il quddiem "iċ-Ċentru") illi kien beħsiebha ssir Parti għall-Ftehim. (3) Skond l-Artikolu XIII tal-Ftehim, hija r-responsabbiltà tal-Bord Regolatorju taċ-Ċentru li japprova din l-adeżjoni. (4) Il-Komunitajiet huma rrappreżentati fuq il-Bord taċ-Ċentru mill-Presidenza tal-Kunsill u mill-Kummissjoni. IDDEĊIDEW KIF ĠEJ: Artikolu 1 L-adeżjoni tal-Konfederazzjoni Żvizzera mal-Ftehim li jistabbilixxi ċ-Ċentru Internazzjonali tax-Xjenza u t-Teknoloġija, konkluż bejn l-Istati Uniti ta’ l-Amerika, il-Ġappun, il-Federazzjoni Russa u, waqt li jaġixxu bħala Parti waħda, il-Komunità Ewropea ta' l-Enerġija Atomika u l-Komunità Ekonomika Ewropea, hija b’dan approvata għan-nom tal-Komunitajiet. Artikolu 2 Ir-rappreżentanti tal-Presidenza tal-Kunsill u tal-Kummissjoni fuq il-Bord Regolatorju taċ-Ċentru Internazzjonali tax-Xjenza u t-Teknoloġija huma awtorizzati biex japprovaw l-adeżjoni tal-Konfederazzjoni Żvizzera mal-Ftehim li jistabbilixxi ċ-Ċentru. Magħmul fi Brussell, Għall-Kunsill Għall-Kummissjoni Il-President Il-President [1] ĠU L 409, 31.12.1992, p.1. [2] ĠU L 409, 31.12.1992, p.10. [3] ĠU C XXX, p.X.