This document is an excerpt from the EUR-Lex website
Document 52007DC0163
Communication from the Commission to the Council, the European Parliament, the European Economic and Social Committee and the Committee of the Regions Towards an EU Aid for Trade strategy – The Commission's contribution {COM(2007) 158 final} {COM(2007) 164 final} {SEC(2007) 414}
Komunikazzjoni mill-Kummissjoni lill-Kunsill, lill-Parlament Ewropew, lill-Kumitat Ekonomiku u Soċjali u lill-Kumitat tar-Reġjuni - Lejn Strateġija ta' l-UE dwar Għajnuna għall-Kummerċ - il-kontribut tal-Kummissjoni {KUMM(2007) 158 finali} {KUMM(2007) 164 finali} {SEG(2007) 414}
Komunikazzjoni mill-Kummissjoni lill-Kunsill, lill-Parlament Ewropew, lill-Kumitat Ekonomiku u Soċjali u lill-Kumitat tar-Reġjuni - Lejn Strateġija ta' l-UE dwar Għajnuna għall-Kummerċ - il-kontribut tal-Kummissjoni {KUMM(2007) 158 finali} {KUMM(2007) 164 finali} {SEG(2007) 414}
/* KUMM/2007/0163 finali */
[pic] | KUMMISSJONI TAL-KOMUNITAJIET EWROPEJ | Brussel 4.4.2007 KUMM(2007) 163 finali KOMUNIKAZZJONI MILL-KUMMISSJONI LILL-KUNSILL, LILL-PARLAMENT EWROPEW, LILL-KUMITAT EKONOMIKU U SOĊJALI U LILL-KUMITAT TAR-REĠJUNI Lejn Strateġija ta' l-UE dwar Għajnuna għall-Kummerċ - il-kontribut tal-Kummissjoni {KUMM(2007) 158 finali}{KUMM(2007) 164 finali}{SEG(2007) 414} KOMUNIKAZZJONI MILL-KUMMISSJONI LILL-KUNSILL, LILL-PARLAMENT EWROPEW, LILL-KUMITAT EKONOMIKU U SOĊJALI U LILL-KUMITAT TAR-REĠJUNI Lejn Strateġija ta' l-UE dwar Għajnuna għall-Kummerċ - il-kontribut tal-Kummissjoni 1. L-ORIĠINI TA' L-ISTRATEĠIJA TA' L-UE DWAR L-GĦAJNUNA GĦALL-KUMMERĊ Il-kummerċ huwa katalist importanti għat-tkabbir u t-tnaqqis tal-faqar fil-pajjiżi li qed jiżviluppaw. Iżda l-integrazzjoni b'suċċess tal-pajjiżi li qed jiżviluppaw fil-kummerċ dinji teħtieġ iktar minn aċċess aħjar għas-suq u regoli tal-kummerċ internazzjonali msaħħa. Sabiex jisfruttaw bis-sħiħ il-benefiċċji mill-kummerċ, il-pajjiżi li qed jiżviluppaw għandhom bżonn ukoll ineħħu l-limitazzjonijiet tan-naħa tal-forniment u jindirizzaw in-nuqqasijiet strutturali. Dan jinkludi riformi domestiċi fil-politika relatata mal-kummerċ, il-faċilitazzjoni tal-kummerċ, tisħiħ tal-kapaċitajiet tad-dwana, titjib fl-infrastruttura, tisħiħ tal-kapaċitajiet produttivi u l-bini tas-swieq domestiċi u reġjonali. Sforzi kumplementari huma meħtieġa f'oqsma bħall-istabilità makroekonomika, ir-riformi fiskali, il-promozzjoni ta' investiment, il-politika tax-xogħol, ir-regolamenti u l-istituzzjonijiet tas-swieq tal-kapitali u tal-prodotti, u l-iżvilupp tal-kapital uman. Dan huwa l-iskop ta' l-Għajnuna għall-Kummerċ. L-Għajnuna għall-Kummerċ għandha jkollha skop globali u għandha tappoġġja l-pajjiżi kollha li qed jiżviluppaw, b'mod partikolari dawk l-inqas żviluppati, fl-isforzi tagħhom għar-riforma u biex jadattaw għas-sistema ta' kummerċ dinji, fil-kuntest iktar wiesa' ta' l-iżvilupp sostenibbli. L-Għajnuna għall-Kummerċ hija indirizzata lejn il-ġenerazzjoni tat-tkabbir, l-impjiegi u d-dħul. Huwa għalhekk kontribut għall-ewwel mill-Għanijiet tal-Millenju għall-Iżvilupp biex jitnaqqas il-proporzjon ta' persuni li jgħixu b'inqas minn dollaru kuljum (MDG 1). Jappoġġja wkoll l-MDG 8, li huwa t-twaqqif ta' sħubija globali għall-iżvilupp, b'mod partikolari biex tiġi żviluppata iktar sistema kummerċjali u finanzjarja miftuħa li hija bbażata fuq ir-regoli, prevedibbli u mhux diskriminatorja. L-Għajnuna għall-Kummerċ hija kumplement ewlieni għan-negozjati kummerċjali. M'hijiex sostitut għar-riżultat pożittiv favur l-iżvilupp ta' dawn in-negozjati imma għandha tingħata indipendentament mill-progress fin-negozjati. Il-kunċetti wara l-Għajnuna għall-Kummerċ huma magħrufa sew fl-UE. L-UE hija kollettivament l-ikbar donatriċi fil-qasam ta' l-Għajnuna Relatata mal-Kummerċ (TRA). Il-Konsensus Ewropew għall-Iżvilupp jidentifika l-integrazzjoni kummerċjali u reġjonali bħala qasam importanti għall-azzjoni Komunitarja. Każ partikolari huma n-negozjati għaddejjin tal-Ftehimiet ta' Sħubija Ekonomika (EPA) mal-pajjiżi ta' l-Afrika, il-Karibew u l-Paċifiku (ACP). L-impenji tat-TRA huma sinifikanti wkoll għall-pajjiżi sħab oħra ta' l-UE bħall-dawk fl-Asja jew fl-Amerika Latina. Din il-Komunikazzjoni hija l-kontribut tal-Kummissjoni biex jikber l-appoġġ ta' l-UE għall-Għajnuna għall-Kummerċ, bil-għan li tiġi adottata strateġija konġunta ta' l-UE mill-Kunsill fit-tieni parti ta' l-2007, kif miftiehem mill-Kunsill f'Ottubru 2006[1]. Ankrat fl-impenji politiki sodi, u mibni fuq ir-rakkomandazzjonijiet tal-WTO Task Force [2], il-valur miżjud ta' strateġija ta' l-UE dwar l-Għajnuna għall-Kummerċ hija marbuta mal-ftehim dwar l-azzjoni speċifika li trid issir. Kooperazzjoni ta' l-UE bħal din issaħħaħ l-impatt ta' l-Għajnuna għall-Kummerċ ta' l-UE u tikkontribwixxi għad-dibattitu globabli fuq is-suġġett. 2. GĦANIJIET L-Għajnuna għall-Kummerċ għandha bosta għanijiet: biex tippermetti lill-pajjiżi li qed jiżviluppaw, partikolarment dawk l-inqas żviluppati (LDC), biex jużaw il-kummerċ b'mod iktar effettiv għall-promozzjoni tat-tkabbir, l-impjieg, l-iżvilupp u t-tnaqqis tal-faqar u biex jilħqu l-għanijiet tagħhom għall-iżvilupp; biex tgħinhom jibnu u jimmoderniżżaw il-kapaċità fuq in-naħa tal-provvista u l-infrastruttura relatata mal-kummerċ sabiex l-aċċess tagħhom għas-suq ikun iffaċilitat u l-esportazzjoni tiżdied; biex tgħinhom jimplimentaw u jadattaw għar-riformi kummerċjali u l-liberalizzazzjoni, inkluż permezz tas-suq tax-xogħol u l-aġġustamenti soċjali; biex tgħin fl-integrazzjoni reġjonali; biex tiffaċilita l-integrazzjoni mingħajr xkiel fis-sistema tal-kummerċ dinji u biex tgħin fl-implimentazzjoni tal-ftehim kummerċjali, dan kollu fil-kuntest ta' żvilupp sostenibbli, preservazzjoni tar-riżorsi naturali u l-ambjent, u l-promozzjoni tax-xogħol deċenti. Skond il-Linji Gwida tal-Kunsill, strateġija ta' l-UE dwar l-Għajnuna għall-Kummerċ tista' tikkontribwixxi għal dawn l-għanijiet billi tindirizza l-kwistjonijiet li ġejjin[3]: 1. Żieda fil-volumi ta' l-Għajnuna għall-Kummerċ ta' l-UE, b'mod partikolari billi tiżdied l-Għajnuna Relatata mal-Kummerċ sa €2 biljuni fis-sena sa l-2010; imma wkoll bil-promozzjoni ta' rispons effettiv għall-ħtiġijiet iktar wiesgħin ta' l-Għajnuna għall-Kummerċ[4]. 2. Tisħiħ tal-kwalità ta' l-Għajnuna għall-Kummerċ ta' l-UE, b'mod partikolari billi jiġu applikati l-impenji biex il-kooperazzjoni għall-iżvilupp isir iktar effettiv. 3. Appoġġ effettiv tal-monitoraġġ u rapportaġġ. 4. Li tassigura li l-Kummissjoni u l-Istati Membri għandhom il-ħila suffiċjenti biex jimplimentaw l-għanijiet imsemmija hawn fuq. Billi l-Kunsill ġibed l-attenzjoni speċifika għall-ħtiġijiet ta' Għajnuna għall-Kummerċ relatati man-negozjati għaddejjin dwar il-Ftehim ta' Sħubija Ekonomika (EPA) mal-pajjiżi ACP, l-istrateġija ta' l-UE għandha tagħti attenzjoni speċifika simili għal dawn l-iżviluppi, sabiex tgħin fit-twettiq tal-potenzjal sħiħ ta' żvilupp ta' l-EPA. L-Għajnuna għall-Kummerċ hija wkoll element importanti ta' l-għajnuna tal-KE fl-Asja u l-Amerika Latina. 3. ŻIEDA FIL-VOLUM TA' L-GĦAJNUNA GĦALL-KUMMERĊ TA' L-UE 3.1. Roadmap biex jintlaħqu l-impenji finanzjarji ta' l-UE dwar l-għajnuna relatata mal-kummerċ It-TRA tinkludi żewġ kategoriji: "politika tal-kummerċ u regolamentazzjoni"; u "żvilupp tal-kummerċ". L-ewwel tirreferi għal għajnuna għall-parteċipazzjoni effettiva tal-pajjiżi li qed jiżviluppaw fin-negozjati multilaterali tal-kummerċ, analiżi u implimentazzjoni ta' ftehim multilaterali kummerċjali, leġiżlazzjoni relatata mal-kummerċ u riformi regolamentarji (inklużi Ostakli Tekniċi għall-Kummerċ u miżuri Sanitarji u Fitosanitarji), strutturi ta' tariffi, għajnuna għal arranġamenti ta' kummerċ reġjonali, faċilitar tal-kummerċ, inklużi r-reġimi doganali u tgħamir, u kwistjonijiet bħas-sigurtà tal-katina tal-provvista[5]. It-tieni kategorija tkopri l-iżvilupp tan-negozju u attivitajiet immirati lejn it-titjib tal-klima tan-negozju, servizzi u istituzzjonijiet ta' appoġġ għan-negozju, aċċess għall-kummerċ tal-finanzi, il-promozzjoni tal-kummerċ u l-iżvilupp tas-suq fis-setturi tal-produzzjoni u servizzi, inklużi fil-livell istituzzjonali u intraprenditorjali. Matul il-perjodu ta' bażi 2001-2004, l-impenji TRA tal-Komunità u l-Istati Membri kienu ta' medja ta' €840 miljun u €300 miljun[6] fis-sena rispettivament. Il-Kunsill talab roadmap għat-twettiq fl-2010 ta' l-impenji tal-Komunità u l-Istati Membri biex dan l-ammont jiżdied għal € 1+1 biljun kull sena. Wara analiżi tal-figuri disponibbli, il-Kummissjoni tikkonkludi li tinsab fit-triq it-tajba biex tilħaq l-impenn tagħha. Madanakollu minħabba nuqqas ta' data ta' tbassir, il-Kummissjoni m'hijiex f'pożizzjoni li tevalwa jekk l-Istati Membri humiex fit-triq it-tajba biex jilħqu l-għan tagħhom għall-2010[7]. Il-Kunsill iddeċieda li parti sostanzjali mit-TRA EU miżjuda għandha tingħata lill-pajjiżi ACP, bħala għajnuna għall-integrazzjoni reġjonali u l-EPA. Gwida dwar l-ammonti attwali involuti hija importanti għas-sħab ACP f'dan l-istadju. Fuq il-bażi ta' pjanijiet kurrenti l-parti ta' TRA Komunità li tingħata lill-ACP hija mistennija tibqa relattivament stabbli. Filwaqt li dan jirrefletti żieda f'termini assoluti, ifisser li l-parti l-kbira ta' riżorsi addizzjonali TRA għall-ACP ikollha tiġi mill-Istati Membri. L-Istati Membri ta' l-UE u l-Komunità (kif ukoll donaturi oħra) jipprovdu għajnuna fuq il-bażi ta' prijoritajiet espressi minn pajjiżi sħab fl-istrateġi ta' żvilupp nazzjonali tagħhom. Biex iwettqu l-impenji tagħhom l-UE tiddependi ħafna fuq kemm huma artikolati l-ħtiġijiet relatati mal-kummerċ f'dawn l-istrateġiji nazzjonali. Għajnuna għall-pajjiżi li qed jiżviluppaw bl-identifikazzjoni u l-prijoritizzazzjoni tal-ħtiġijiet ta' l-għajnuna relatata mal-kummerċ hija għalhekk parti integrali biex jintlaħqu l-impenji finanzjarji ta' l-UE. Strument ewlieni biex dan isir huwa l-Qafas Integrat (IF) għal liema kemm il-Kummissjoni kif ukoll bosta Stati Membri qed jikkontribwixxu diġà[8]. Sfidi ewlenin huma biex tissaħħaħ l-aġenda IF u biex it-tmexxija jkollha impatt u tespandi għal pajjiżi oħra li qed jiżviluppaw. F'livell reġjonali, iridu jinħolqu metodi effettivi għall-ħtiġijiet ta' evalwazzjoni tal-kummerċ. Rakkomandazzjonijiet tal-Kummissjoni Xejra lineari mis-sitwazzjoni preżenti għall-għan tagħhom ta' 1 biljun jimplika li l-impenji kollettivi għat-TRA mill-Istati Membri ta' l-UE għandhom jiżdiedu sa mill-inqas €600 miljun sa l-2008. Madanakollu, l-istrateġija għandha tikkunsidra liema miżuri għandhom jittieħdu jekk it-TRA mill-Istati Membri ma jilħqux dan il-livell sa l-2008. L-istrateġija għandha tipprovdi gwida fuq l-ammonti involuti fl-impenji tal-Kunsill biex tiġi allokata "parti sostanzjali" tat-TRA addizzjonali għall-pajjiżi ACP, bħala għajnuna għall-integrazzjoni reġjonali u l-EPA bil-għan li tiżdied il-parti tat-TRA globali allokata għall-ACP. L-istrateġija ta' l-UE għandha tenfasizza l-importanza ta' l-integrazzjoni tal-kwistjonijiet relatati mal-kummerċ fi strateġiji ta' żvilupp nazzjonali u tidentifika kriterju għal meta jkun aċċettabbli li jsir il-finanzjament ta' prijoritajiet relatati mal-kummerċ b'antiċipazzjoni ta' l-aġġornament ta' strateġiji ta' żvilupp nazzjonali. L-istrateġija għandha turi l-impenn ta' l-UE biex tinvolvi ruħa attivament fl-IF imsaħħaħ, b'mod partikolari b'parteċipazzjoni attiva fil-pajjiż; u biex testendi l-metodi IF għall-pajjiżi non-LDC, inkluż permezz ta' pjan għall-involviment konġunt ta' l-UE fil-ħolqien ta' mekkaniżmu unikament IDA[9] . L-istrateġija għandha tiddeskrivi kif jista' jingħata appoġġ għall-evlawazzjonijiet ta' ħtiġijiet kummerċjali tar-reġjun bħala għajnuna għall-integrazzjoni reġjonali. | - . 3.2. Appoġġ ta' l-UE għall-aġenda usa' ta' l-Għajnuna għall-Kummerċ Il-Kummissjoni tappoġġja bis-sħiħ l-aġenda usa' ta' l-Għajnuna għall-Kummerċ identifikata mit- Task Force tal-WTO, jiġifieri l-inklużjoni ta' infrastrutturi relatati mal-kummerċ, ħiliet produttivi u aġġustamenti relatati mal-kummerċ. Dan il-metodu wiesa' jidher pereżemju fil-Pjan ta' Azzjoni 2004 ta' l-UE dwar il-Komodità. Għalkemm il-Kunsill ta' l-UE ma stabbiliex għanijiet numeriċi speċifiċi dwar il-kategoriji ġodda ta' Għajnuna għall-Kummerċ, l-UE diġà qed tipprovdi għajnuna sostanzjali għal dawn l-oqsma. Pereżempju, għajnuna għall-infrastruttura relatata mal-kummerċ kienet medja ta' € 1,480 biljun fis-sena mill-Istati Membri u € 1,290 biljun fi-sena mill-Komunità matul il-perjodu 2001-2004. Hemm nuqqas ta' ċarezza fil-kategoriji ġodda ta' l-Għajnuna għall-Kummerċ, u xi duplikazzjonijiet fil-kategoriji diġà eżistenti tat-TRA[10]. Dan għandu jiġi indirizzat jekk il-monitoraġġ u r-rappurtaġġ iridu jiġu żviluppati b'mod utli għall-Għajnuna għall-Kummerċ. Dan huwa rikonoxxut mill-komunità ta' l-Għajnuna għall-Kummerċ, inkluż fi ħdan l-UE, u x-xogħol huwa għaddej, b'mod partikolari fi ħdan l-OECD/DAC, biex jiġi ċċarat u simplifikat l-iskop u wżati l-prokuri minn kategoriji ODA stabbiliti. L-UE bħala sieħeb ewlieni ta' l-inizjattiva Għajnuna għall-Kummerċ, għandha tipparteċipa fid-diskussjonijiet li għaddejjin. F'dan ir-rigward, il-Kummissjoni tikkunsidra li l-infrastruttura ekonomika hija ta' prokura utli għall-infrastruttura relatata mall-kummerċ. Għall-ħiliet produttivi, jistgħu jintużaw il-kategoriji ta' rappurtaġġ eżistenti. Fil-kuntest ta' l-aġġustament relatat mal-kummerċ, il-Kummissjoni tikkunsidra li dan għandu jinkludi għajnuna għal riformi fiskali mmirati li jdaħħlu forom ta' sistemi ta' taxxa iktar sostenibbli[11]. Marbut ma' dan, l-għajnuna mill-baġit tista' tkun mod xieraq kif jiġu indirizzati tnaqqis fid-dħul mid-dwana wara l-liberalizzazzjoni tal-kummerċ, jew biex jingħata appoġġ lix-xbieki ta' sigurtà soċjali relatati mall-kummerċ biex l-aġġustament għall-ftuħ kummerċjali u l-globalizzazzjoni jkun iktar faċli. Rakkomandazzjonijiet tal-Kummissjoni Minbarra t-TRA, l-istrateġija ta' l-UE għandha tinkludi impenn politiku għat-tisħiħ ta' l-appoġġ ta' l-UE fl-infrastruttura relatata mall-kummerċ, il-kapaċità produttiva u l-aġġustament relatat mal-kummerċ, billi l-ewwel tingħata kopertura tajba ta' dawn il-kwistjonijiet fl-evalwazzjonijiet tal-ħtiġijiet tal-kummerċ. Dawn huwa partikolarment rilevanti għal ekonomiji żgħar, vulnerabbli u mdawwrin bl-art, li bosta minnhom huma ACP. L-istrateġija ta' l-UE għandha tiddikjara l-intenzjoni li tiżviluppa prassi ta' rappurtaġġ UE koerenti għall-kategoriji kollha ta' l-Għajnuna għall-Kummerċ u biex tkompli tipparteċipa b'mod attiv u konġunt fid-diskussjonijiet rilevanti fil-livell internazzjonali. L-istrateġija għandha tkun ċara dwar kemm hija solida l-intenzjoni ta' l-impenn finanzjarju ta' l-UE għat-TRA u li tinżamm irrispettivament mid-dibattitu internazzjonali dwarha. | - 4. TISĦIĦ TAL-KWALITÀ TA' L-GĦAJNUNA GĦALL-KUMMERĊ TA' L-UE Żieda fil-livelli ta' Għajnuna għall-Kummerċ tqajjem mistoqsijiet dwar il-kwalità u l-effettività. Mingħajr attenzjoni xierqa għal dawn il-kwistjonijiet, riżorsi finanzjarji addizzjonali ma jġibux magħhom it-titjib mixtieq mill-pajjiżi sħab. L-istrateġija ta' l-UE m'hijiex ser tibda mill-bidu nett. Ibbażata fuq il-konklużjonijiet tal-Grupp ta' Ħidma Ad hoc ta' l-UE dwar l-Armonizzazzjoni, l-UE għamlet kontribut sostanzjali għad-Dikjarazzjoni ta' Pariġi dwar l-Effettività ta' l-Għajnuna. Hija diġà impenjata bis-sħiħ lejn il-prinċipji ta' Pariġi u mxiet 'il quddiem u ħadet azzjoni fuq bosta minnhom. B'mod partikolari, f'April 2006, il-Kunsill ftiehem fuq prinċipji u format għal programmazzjoni konġunta u ħareġ mandat għal iktar xogħol fuq il-kumplementarjetà u l-kofinanzjament[12]. L-istrateġija ta' l-UE dwar l-Għajnuna għall-Kummerċ għandha toffri applikazzjoni prattika dwar il-prinċipji mifthema, li tiffoka fuq ħames aspetti ta' kwalità: il-faqar u l-Għajnuna għall-Kummerċ; Pussess u parteċipazzjoni; sostenibbiltà; analiżi konġunta, programmazzjoni u twettiq; u l-effettività ta' l-għajnuna fl-Għajnuna għall-Kummerċ reġjonali. 4.1. Il-faqar u l-Għajnuna għall-Kummerċ Fi ħdan kull kategorija ta' l-Għajnuna għall-Kummerċ, l-għażliet li jsiru jkollhom impatt fuq il-livelli tal-faqar. Xi drabi, isiru kompromessi bejn effetti indiretti u diretti ta' tnaqqis tal-faqar. Il-Kummissjoni innotat li r-rabtiet fil-faqar m'humiex dejjem imniżżla fl-istrateġija għall-iżvilupp tal-kummerċ u operazzjonijiet ta' Għajnuna għall-Kummerċ, b'mod partikolari għat-TRA tradizzjonali. Riflessjoni iktar profonda dwar kif jista' jiġi żgurat it-tnaqqis tal-faqar permezz ta' l-Għajuna għall-Kummerċ huwa meħtieġ, għal kull kategorija ta' l-Għajnuna għall-Kummerċ. Jista' jsir iktar xogħol għall-identifikazzjoni ta' l-oqsma ta' Għajnuna għall-Kummerċ li jwasslu għat-tnaqqis l-iktar mifrux u sostenibbli fil-faqar. F'operazzjonijiet individwali, l-UE għandha tappoġġja analiżi ta' implikazzjonijiet dwar il-faqar u tintegra konklużjonijiet b'mod trasparenti. L-isforzi għandhom jinkludu speċifikament id-dimensjoni ta' l-ugwaljanza. L-aġenda għax-xogħol[13] deċenti hija ta' relevanza f'dan il-każ, biex jiġu indirizzati kwistjonijiet tas-suq ta' l-impjieg u aġġustament soċjali relatati mal-kummerċ. Bl-istess mod, l-istrateġija għandha tikkonferma l-appoġġ għall-implementazzjoni dinjija ta' l-istandards bażiċi tax-xogħol ta' l-ILO. Inizjattivi volontarji li jagħtu lill-kunsumaturi assikurazzjonijiet rilevanti għall-iżvilupp sostenibbli, bħall-Kummerċ Ġust, tikketti-eko, u skemi korporattivi kumparabbli, huma wkoll strumenti importanti li għandhom il-potenzjal inaqqsu l-faqar u jippromwovu żvilupp soċjo-ekonomiku, li għandha tindirizza strateġija Ewropea konġunta. Rakkomandazzjonijiet tal-Kummissjoni L-istrateġija għandha tenfasizza l-importanza li l-UE tagħti għall-impatt ta' l-Għajnuna għall-Kummerċ fuq il-faqar, u tfassal passi biex tiżgura li l-attivitajiet li jittieħdu fl-isem l-istrateġija jitwettqu f'dan ir-rigward. | - . 4.2. Pussess u parteċipazzjoni Pussess u parteċipazzjoni huma żewġ prinċipji ta' effettività ta' l-għajnuna ta' importanza speċjali għall-Għajnuna għall-Kummerċ. Pussess aħjar, murija bl-integrazzjoni ta' kwistjonijiet relatati mal-kummerċ fit-tnaqqis tal-faqar u strateġiji ekwivalenti, huwa meħtieġ biex tiżdied l-Għajnuna għall-Kummerċ. L-identifikazzjoni ta' prijoritajiet pertinenti għall-kummerċ, il-bini ta' kunsens għall-politika ta' riforma u l-iżvilupp ta' rimedji effettivi biex jiġu indirizzati diffikultajiet fil-kummerċ jeħtieġu parteċipazzjoni attiva mis-settur privat, mis-sħab soċjali u mis-soċjetà ċivili. Spiss, gvernijiet sħab għandhom bżonn għajnuna fil-ġestjoni ta' proċess ta' konsultazzjoni bħal dan. Parteċipazzjoni effettiva ta' firxa wiesgħa ta' partijiet interessati tista' inter alia tkun iffaċilitata bit-tisħiħ ta' organizzazzjonijiet intermedjarji bħall-kmamar tal-kummerċ. Rakkomandazzjonijiet tal-Kummissjoni L-Istrateġija ta' l-UE għandha tenfasizza r-rwol ewlieni li s-settur privat u s-soċjetà ċivili jistgħu jkollhom fl-Għajnuna għall-Kummerċ. Għandha tidentifika mezzi kif tista' tiġi appoġġjata l-kapaċità tal-gvernijiet biex imexxu l-proċessi ta' konsultazzjoni, u ta' gruppi ta' interess inqas b'saħħithom biex jidħlu f'dawn il-proċessi. | - . 4.3. Sostenibbiltà Is-Sostenibbiltà huwa l-prinċipju li jirfed l-istrateġija ta' l-UE għall-Għajnuna għall-Kummerċ u għandha tiqies fid-dimensjonijiet kollha tagħha - istituzzjonali, finanzjarja/ekonomika, soċjali u ambjentali. Il-qofol tas-sostenibbiltà istituzzjonali u finanzjarja tal-programmi huwa fl-iżgurar tal-bini ta' ħiliet tal-partijiet interessati u l-pussess fl-operazzjonijiet kollha, kif ġie elaborat f'parijiet oħra ta' din il-Komunikazzjoni. Sabiex jiġu integrati bis-sħiħ kemm il-kunsiderazzjonijiet soċjali kif ukoll ambjentali fil-programmi għall-Għajnuna għall-Kummerċ, iridu jiġu applikati regolamenti u proċeduri ta' valutazzjoni ta' impatt eżistenti, kemm tas-sħab kif ukoll tad-donaturi. Valutazzjonijiet ta' impatt dwar is-sostenibbiltà ta' l-elementi tal-politika tal-kummerċ u tal-ftehimiet għandhom jiġu iktar żviluppati u r-riżultati wżati b'mod aħjar mill-UE u mis-sħab. F'dak li jirrigwarda kwistjonijiet ambjentali speċifikament, l-Għajnuna għall-Kummerċ ta' l-UE għandha tgħin lis-sħab fl-iżvilupp ta' metodi ta' produzzjoni iktar sostenibbli u tgħin lill-produtturi jikkonformaw ma' standards ta' saħħa (pubblika u privata), sigurtà u ambjent fis-swieq ta' esportazzjoni u biex ittejjeb il-kapaċitajiet doganali biex tgħin fl-implimentazzjoni ta' l-aspetti relatati mal-kummerċ tal-Ftehimiet Ambjentali Multilaterali. Kwistjonijiet importanti oħra relatati huma l-promozzjoni ta' xogħol deċenti u l-iżvilupp ta' mekkaniżmi effettivi tas-suq tax-xogħol u adattament soċjali. Pereżempju, l-UE tkompli tgħin produtturi biex jikkonformaw ma' l-istandards, prassi u regolamenti tax-xogħol magħrufa u billi tippromwovi s-saħħa u s-sigurtà fuq il-post tax-xogħol. Rakkomandazzjonijiet tal-Kummissjoni L-istrateġija ta' l-UE għandha tippromwovi s-sostenibbiltà ta' l-Għajnuna għall-Kummerċ, inkluż billi tipprevedi l-għajnuna għall-pussess tal-partijiet interessati, il-bini ta' ħiliet u l-parteċipazzjoni; twettiq ta' għanijiet soċjali u ambjentali; l-applikazzjoni ta' l-għodod u proċeduri ta' l-UE u tal-pajjiżi sħab għal valutazzjonijiet ta' impatt ambjentali, dak soċjali, dak relatat ma' l-ugwaljanza kif ukoll dak tas-sostenibbiltà; l-integrazzjoni ta' riżultati minn ħidma bħal din f'valutazzjonijiet tal-ħtiġijiet kummerċjali tal-pajjiż; il-promozzjoni ta' metodi ta' produzzjoni sostenibbli; u l-għajnuna biex jikkonformaw ma' standards rilevanti għall-prodotti fis-swieq ta' esportazzjoni. | - 4.4. Analiżi konġunta, programmazzjoni u twettiq Xejriet reċenti fl-għajnuna għall-iżvilupp ta' l-UE kollha jindikaw l-istess direzzjoni: kumplementarjetà u kooperazzjoni ikbar hija meħtieġa bejn is-sħab ta' l-UE, fil-firxa ta' l-istadji kollha taċ-ċiklu tal-programm għat-tipi kollha ta' strumenti. Dan għandu japplika wkoll għall-Għajnuna għall-Kummerċ[14]. F'dak li jirrigwarda l- analiżi konġunta tal-ħtiġijiet relatati mal-kummerċ, il-proċessi IF għandhom ikunu l-qafas preferut għall-koordinazzjoni ta' l-UE fil-pajjiżi l-inqas żviluppati (LDC). Proċessi simili għandhom jiġu żviluppati għall-analiżi konġunta f'pajjiżi oħra. Fir-reġjuni ACP, Task Forces Preparatorji Reġjonali huma kumplement importanti, fil-kuntest ta' l-EPA. Bħala pass iktar 'il quddiem, hemm skop għall-UE li tikkoordina b'mod aħjar l-istrateġiji ta' rispons tagħha fil-pajjiżi u r-reġjuni. Il-Grupp ta' Esperti Konġunti dwar il-Kummerċ u l-Iżvilupp jista' jiżviluppa f'forum informali ta' koordinazzjoni għal iniżjattivi multilaterali. Opportunitajiet għal twettiq konġunt jiddependi ħafna fuq progress fil-ħidma ta' strateġiji b'firxa settorjali (SWAP), billi dawn huma wieħed mill-prekundizzjonijiet għall-għajnuna baġitarja settorjali. Proċessi siewja ta' valutazzjoni tal-ħtiġijiet tal-kummerċ u koordinazzjoni fil-pajjiż iwittu t-triq għal strateġiji b'firxa settorjali b'riżultat tajjeb. Il-possibbiltajiet għall-użu ta' għajnuna baġitarja ġenerali fl-Għajnuna għall-Kummerċ għandhom jiġu eżaminati, inkluż il-kwistjoni ta' l-iżvilupp ta' indikaturi xierqa. Fl-aħħarnett, il-kofinanzjament ta' l-UE fl-Għajnuna għall-Kummerċ tista' tippermetti żieda fl-Għajnuna għall-Kummerċ mingħajr ma ġġebbed il-kapaċità ta' assorbiment tas-sħab, billi tiftaħ il-programmi eżistenti tal-KE għall-Istati Membri jew billi tippermetti lil xi Stati Membri jidderiġu skond il-vantaġġ u l-esperjenza kumparattiva tagħhom. Rakkomandazzjonijiet tal-Kummissjoni L-istrateġija għandha tfassal azzjonijiet biex tiffaċilita t-tmexxija ta' l-UE fl-istrateġiji kkoordinati ta' rispons fl-Għajnuna għall-Kummerċ. Dan jista' jinkludi t-tħejjija ta' lista ta' pajjiżi sħab li għandhom preżenza qawwija ta' l-Għajnuna għall-Kummerċ ta' l-UE. u jiġu assenjati punti ta' kuntatt għall-Għajnuna għall-Kummerċ ta' l-UE biex jiffaċilitaw il-koordinazzjoni u identifikazzjoni konġunta ta' l-UE fil-pajjiż. B'ħarsa 'l quddiem għal opportunitajiet futuri għall-involviment fil-Programmazzjoni Konġunta (bħal dawk relatati mar-reviżjoni f'nofs terminu ta' l-istrateġiji tal-Kummissjoni għall-pajjiż, inkluż l-10 EDF), l-istrateġija għandha twitti t-triq għal kopertura tajba ta' kwistjonijiet relatati mal-kummerċ fil-pajjiżi involuti. L-istrateġija għandha tfassal azzjonijiet għal iktar żvilupp fl-użu ta' strateġiji b'firxa settorjali fl-Għajnuna għall-Kummerċ. Għandha tipproponi miżuri biex tibni l-kunfidenza meħtieġa biex l-applikazzjoni ta' metodi ta' twettiq konġunt bħall-għajnuna baġitarja u kofinanzjament tkun iktar faċli. L-istrateġija għandha tenfasiżża r-rwol li l-Grupp Konġunt ta' Esperti dwar il-Kummerċ u l-Iżvilupp jista' jkollu fil-koordinazzjoni ta' inizjattivi multilaterali. | - 4.5. L-effettività ta' l-għajnuna fl-Għajnuna għall-Kummerċ reġjonali Għajnuna għall-integrazzjoni reġjonali hija karatteristika partikolari tal-kooperazzjoni għall-iżvilupp ta' l-UE u r-relazzjonijiet ma' pajjiżi barra mill-UE, b'mod partikolari permezz tal-politika kummerċjali u doganali. Għalhekk il-livell reġjonali huwa importanti għat-twettiq ta' l-Għajnuna għall-Kummerċ, partikolarment għar-reġjuni involuti ħafna fl-isforzi ta' integrazzjoni reġjonali. Dan jikkorrespondi għan-numru dejjem jikber ta' ftehimiet reġjonali għall-kummerċ u kooperazzjoni, l-interess dejjem jikber fl-integrazzjoni reġjonali min-naħa tal-pajjiżi sħab li qed jiżviluppaw u l-prijorità li tingħata għall-integrazzjoni reġjonali fil-Kunsens Ewropew għall-Iżvilupp, il-Ftehim ta' Cotonou u l-Istrument tal-KE għall-Kooperazzjoni fl-Iżvilupp. Il-programmazzjoni u t-twettiq f'livell reġjonali m'humiex ta' natura differenti minn dawk ta' livell nazzjonali. L-istess prinċipji ta' effettività ta' l-għajnuna għandhom ikunu applikati, għalkemm dan jista' jkun ta' sfida ikbar fil-livell reġjonali. Azzjonijiet ewlenin għall-effettività ta' l-għajnuna fil-livell reġjonali jinkludu : - appoġġ għall-kapaċità ta' pussess u tmexxija fl-isforzi ta' Għajnuna għall-Kummerċ tas-sħab reġjonali, b'mod partikolari billi jinbnew il-kapaċitajiet ta' organizzazzjonijiet reġjonali biex jevalwaw l-implikazzjonijiet ta' l-integrazzjoni tal-kummerċ jew tar-reġjun u/jew fteħimiet għall-kummerċ ma' pajjiżi terzi u t-tisħiħ tal-kapaċità tagħhom li jsegwu u jimplimentaw l-impenji, inkluż għal kwistjonijiet bħar-riformi fiskali; - il-koordinazzjoni tal-programmazzjoni fl-għajnuna għall-integrazzjoni reġjonali u kummerċjali. Sforzi konġunti ta' l-UE jistgħu jiġu żviluppati biex jiġu evalwati l-ħtiġijiet u identifikati oqsma fejn l-UE tkun tista' tappoġġja l-aġenda ta' integrazzjoni tar-reġjun involut, inkluż dwar kwistjonijiet ta' integrazzjoni ekonomika u soċjali. Jista' jsir ħafna iktar fil-livell reġjonali bil-bini fuq sforzi eżistenti fl-iżvilupp tas-settur privat, kapaċità produttiva u infrastruttura; - lejn metodi ta' twettiq iktar effiċjenti . L-istrateġija għandha tiddefinixxi modalitajiet imsaħħa ta' koordinazzjoni bil-għan li titħaffef il-mobilizzazzjoni kollettiva tal-finanzi AfT (Aid for Trade). Metodi reġjonali ta' twettiq ekwivalenti ma' l-appoġġ baġitarju u kofinanzjament għandhom ikunu żviluppati. Pereżempju, il-Kummissjoni qed tiżviluppa ftehimiet ta' kontribuzzjoni biex tiffaċilita l-ġestjoni finanzjarja tal-kooperazzjoni reġjonali tagħha. Xi reġjuni ACP bdew joħolqu mekkaniżmi ta' fondi reġjonali biex jiffaċilitaw il-ġestjoni ta' programmi reġjonali, inklużi kontribuzzjonijiet mill-Kummissjoni u, possibbilment, donaturi oħra bħala għajnuna għall-EPAs; - tisħiħ tal-kooperazzjoni ma' donaturi oħra. Il-Kummissjoni u l-Istati Membri flimkien għandhom iħeġġu donaturi minn barra l-UE biex jikkunsidraw iżidu l-appoġġ tagħhom għall-integrazzjoni reġjonali tal-kummerċ. Banek ta' żvilupp reġjonali u istituzzjonijiet finanzjarji internazzjonali huma partikolarment importanti. Rakkomandazzjonijiet tal-Kummissjoni L-istrateġija ta' l-UE għandha tenfasizza l-impenn ta' l-UE fl-applikazzjoni tal-prinċipji ta' l-effettività ta' l-għajnuna fil-livell reġjonali billi tappoġġja l-kapaċità ta' pussess u tmexxija ta' l-Għajnuna għall-Kummerċ tas-sħab, il-koordinazzjoni tal-programmazzjoni, is-segwitu ta' metodi iktar effiċjenti ta' twettiq u t-tisħiħ tal-kooperazzjoni ma' donaturi oħra. Wara li tikkunsidra n-negozjati EPA li għaddejjin bħalissa, l-istrateġija ta' l-UE għandha tindika prijorità għall-interventi reġjonali fil-kuntest EPA, partikolarment rigward koordinazzjoni tal-programmazzjoni u l-appoġġ għal inizjattivi b'dimensjoni reġjonali, bħall-fondi EPA. | - 5. ANGOLI SPEĊIFIĊI ACP TAL-PROPOSTI Il-Kunsill ta' Ottubri ta' attenzjoni speċifika għall-aġenda ta' l-Għajnuna għall-Kummerċ relatata ma' l-EPA fil-pajjiżi ACP. Il-miżuri msemmija hawn fuq huma kollha essenzjali għall-appoġġ tar-reġjuni u l-pajjiżi ACP fil-kuntest ta' l-EPA. Xi rakkomandazzjonijiet huma ta' importanza partikolari; huma mtennija hawn taħt: Rakkomandazzjonijiet tal-Kummissjoni L-istrateġija għandha tipprovdi gwida fuq l-ammonti involuti fl-impenji tal-Kunsill biex tiġi allokata "parti sostanzjali" tat-TRA addizzjonali għall-pajjiżi ACP bil-għan li tiżdied il-parti tat-TRA globali allokati għall-ACP. Minbarra t-TRA, l-istrateġija ta' l-UE għandha tinkludi impenn politiku għat-tisħiħ ta' l-appoġġ ta' l-UE fl-infrastruttura relatata mall-kummerċ, il-kapaċità produttiva u l-aġġustament relatat mal-kummerċ, billi l-ewwel tingħata kopertura tajba ta' dawn il-kwistjonijiet fl-evalwazzjonijiet tal-ħtiġijiet tal-kummerċ. L-istrateġija għandha tappoġġja, bħala prijorità, l-integrazzjoni ta' kwistjonijiet relatati mal-kummerċ fl-istrateġiji ta' żvilupp nazzjonali ACP. L-istrateġija għandha tiddeskrivi kif jista' jingħata appoġġ għall-evlawazzjonijiet ta' ħtiġijiet kummerċjali tar-reġjun bħala għajnuna għall-integrazzjoni reġjonali. Fil-kuntest EPA, dan jinkludi enfażi partikolari fuq it-Task Forces Reġjonali Preparatorji dwar l-EPA. L-istrateġija ta' l-UE għandha tenfasizza l-impenn ta' l-UE fl-applikazzjoni tal-prinċipja ta' l-effettività ta' l-għajnuna fil-livell reġjonali billi tappoġġja l-kapaċità tas-sħab ta' pussess u tmexxija ta' l-Għajnuna għall-Kummerċ, il-koordinazzjoni tal-programmazzjoni, is-segwitu ta' metodi iktar effiċjenti ta' twettiq u t-tisħiħ tal-kooperazzjoni ma' donaturi oħra. L-istrateġija għandha tindika prijorità fir-reġjuni EPA rigward il-koordinazzjoni ta' metodi ta' twettiq u appoġġ għal inizjattivi b'dimensjoni reġjonali, bħall-fondi reġjonali EPA. | - 6. MONITORAĠĠ U RAPPORTAĠĠ Il-monitoraġġ u r-rappurtaġġ huma importanti biex isir progress fl-oqsma diskussi hawn fuq. Kemm il-monitoraġġ tal-proċess kif ukoll il-monitoraġġ tar-riżultati huma neċessarji, skond kriterji li għandhom jiġu miftehma. Il-monitoraġġ u r-rappurtaġġ globali previst fi ħdan il-qafas WTO/OECD u l-monitoraġġ ta' l-implimentazzjoni fil-livell ta' l-UE ta' l-istrateġija ta' l-Għajnuna għall-Kummerċ ta' l-UE huma marbutin fil-qrib. Monitoraġġ u rapportaġġ fil-livell globali Il- mekkaniżmu ta' reviżjoni globali propost mit- Task Force tal-WTO dwar l-Għajnuna għall-Kummerċ għandu jevalwa t-twettiq ta' l-Għajnuna għall-Kummerċ kemm mill-aspett tal-kwantità kif ukoll mill-aspett tal-kwalità: - Il-Kwantità: Il-monitoraġġ għandu jinkludi flussi ta' Għajnuna globali għall-Kummerċ kif irrappurtat lill-WTO/OECD minn donaturi flimkien ma rapporti minn benefiċjarji dwar l-implimentazzjoni ta' l-istrateġiji ta' bini ta' ħiliet kummerċjali tagħhom. Il-Kummissjoni m'għandiex l-intenzjoni li tagħmel xogħol doppju li diġà sar mill-WTO/OECD fil-ġbir ta' data dwar l-Għajnuna għall-Kummerċ imma tista', flimkien ma' l-Istati Membri, tuża d-data eżistenti għal analiżi fil-livell ta' l-UE biex iżżid l-għarfien dwar l-isforzi li diġà saru u dawk ippjanati. - Il-Kwalità: Ir-reviżjoni globali għandha tipprovdi wkoll bażi għad-diskussjoni tal-kwistjonijiet kollha relevanti għall-effettività ta' l-Għajnuna għall-Kummerċ, il-bini ta' kunsens internazzjonali dwar dawn il-kwistjonijiet, u l-iskambju ta' esperjenza bejn pajjiżi donaturi u pajjiżi sħab. Għandha ssegwi kemm jinżammu l-ftehimiet ta' proċessi magħrufa bħala importanti għall-effettività ta' l-għajnuna, u r-riżultati. Il-monitoraġġ għandu jappoġġja t- tmexxija bbażata fuq riżultati ta' l-Għajnuna għall-Kummerċ, b'mod partikolari billi jippromwovi l-iżvilupp ta' għanijiet u indikaturi ċari u li jitkejjlu. L-impatti fuq il-faqar għandhom jingħataw attenzjoni speċjali. Il-mekkaniżmu ta' reviżjoni għandu wkoll iżid l-għarfien dwar il-mezzi l-iktar effiċjenti għall-infiq ta' fondi fl-Għajnuna għall-Kummerċ, inkluż ir-rabta biejn is-swieq domestiċi, id-domanda u l-kapaċitajiet istituzzjonali, u l-ħila tal-pajjiżi li qed jiżviluppaw li jipparteċipaw fil-kummerċ internazzjonali, l-importanza tal-qafas politiku, is-sekwenzar tal-liberalizzazzjoni tal-kummerċ u l-Għajnuna għall-Kummerċ, l-aħjar mod kif jistgħu jiġu integrati l-kwistjonijiet tal-Kummerċ fl-istrateġiji ta' tnaqqis tal-faqar eċċ. Appoġġ għall-oqfsa ta' monitoraġġ u evalwazzjoni ta' l-Għajnuna għall-Kummerċ tal-pajjiżi li jibbenifikaw ikun ta' importanza ewlenija. Monitoraġġ u rapportaġġ fil-livell ta' l-UE L-UE jkollha bżonn tirrapporta dwar l-implimentazzjoni ta' l-istrateġija ta' l-Għajnuna għall-Kummerċ, pereżempju lill-Parlament Ewropew. Il-progress dwar l-implimentazzjoni ta' l-istrateġija ta' l-UE għandha tkun evalwata kull sena mill-Kunsill, fuq il-bażi ta' rapport ta' progress mill-Kummissjoni u l-Istati Membri. Evalwazzjonijiet konġunti tal-programm għandhom ikunu promossi. Jekk meħtieġ, l-istrateġija għandha tiġi aġġustata. Rakkomandazzjonijiet tal-Kummissjoni L-istrateġija ta' l-UE għandha tikkontribwixxi attivament għall-monitoraġġ u r-rappurtaġġ fil-livell globali inkluż billi jingħata appoġġ fir-rappurtaġġ u l-monitoraġġ tagħhom lill-pajjiżi li qed jiżviluppaw. L-istrateġija għandha tgħin biex ir-rappurtaġġ tal-flussi ta' Għajnuna għall-Kummerċ mill-Kummissjoni u l-Istati Membri lejn id-database tad-Doha tkun iktar effiċjenti sabiex id-data tkun tista' tintuża għal analiżi iktar profonda fil-livell ta' l-UE. L-istrateġija ta' l-UE għandha tfassal azzjoni biex tappoġġja t-tmexxija bbażata fuq riżultati u biex timpenja l-UE twettaq programmi ta' evalwazzjoni konġunti annwali fil-qasam ta' l-Għajnuna għall-Kummerċ sabiex tevalwa l-progress fl-oqsma ta' prijorità ta' l-istrateġija ta' l-UE u f'dawk miftehma internazzjonalment. | - 7. IL-KAPAĊITÀ TA' L-UE GĦALL-GĦAJNUNA GĦALL-KUMMERĊ Il-bini tal-kapaċità umana f'organizzazzjonijiet donatriċi, kemm fil-kwartieri ġenerali kif ukoll fl-uffiċji l-oħra hija prekondizzjoni biex jiżdiedu l-livelli ta' l-Għajnuna għall-Kummerċ. Mingħajr din il-kapaċità, il-kummerċ ikollu pożizzjoni inqas prominenti fid-djalogu politiku u organizzazzjonijiet donatriċi ikollhom iktar diffikultà jwieġbu l-ħtiġijiet tal-pajjiżi sħab. Il-kapaċità tfisser kemm in-numri tal-persunal kif ukoll il-ħiliet. Il-bżonnijiet speċifiċi biex jiżdied il-livell tal-kapaċità jvarja bejn l-Istati Membri u jiddependi fuq il-mod kif l-Istati Membri għażlu jespandu l-Għajnuna għall-Kummerċ tagħhom. L-implimentazzjoni ta' l-aġenda ta' effettività ta' l-għajnuna teħtieġ ħafna persunal. Madanakollu, l-iskambju ta' esperjenza jista' wkoll igħin fit-tnaqqis tal-bżonn ta' iktar riżorsi umani fil-post. . Rakkomandazzjonijiet tal-Kummissjoni Il-Kummissjoni tirrikmanda li ssir evalwazzjoni tal-ħiliet u l-esperjenza eżistenti ta' l-Għajnuna għall-Kummerċ ta' l-UE. L-Istrateġija ta' l-UE għandha tikkunsidra inizjattivi konġunti ta' l-UE biex tiżviluppa u taqsam l-esperjenza, bħal taħriġ dwar Għajnuna għall-Kummerċ. | - [1] Ara l-isfond fl-Anness. [2] Ara dettalja fl-Anness. [3] L-istrateġija jkollha kopertura ħafna iktar wiesgħa mil-Linja Baġitarja tal-KE dwar l-Għajnuna għall-Kummerċ maħluqa reċentament. [4] Ara d-definizzjonijiet fl-Anness. [5] Skond il-Qafas ta' Standards ta' l-Organizzazzjoni Doganali Dinjija. [6] Tinkludi fondi kemm mill-Fond Ewropew għall-Iżvilupp kif ukoll il-baġit ġenerali tal-KE. [7] Ara d-dettalji dwar l-Istati Membri fid-Dokument ta' Ħidma ta' l-Istaff tal-Kummissjoni megħmuż mar-Rapport Monterrey [SEG(2007) 415] u dettalji dwar impenji KE fl-Anness. [8] L-IF huwa programm multi-donatur li l-għanijiet tiegħu huma biex jappoġġja l-kummerċ prinċipali tal-Pajjiżi l-Inqas Żviluppati (LDC) fil-pjanijiet ta' zvilupp nazzjonali tagħhom. u biex jgħinhom fit-twettiq koordinat tat-TRA bħala tweġiba għall-ħtiġijiet identifikati mill-Pajjiżi l-Inqas Żviluppati. F'Awissu 2006, 42 pajjiż LDC kienu qed jipparteċipaw fil-programm. [9] Il-pajjiżi IDA-biss huma: il-Mongolja, Tonga, il-Vjetnam, l-Albanija, l-Armenja, il-Ġeorġja, ir-Repubblika Kyrgyz, il-Moldova, Taġikistan, il-Gujana, il-Ħonduras, in-Nikaragwa, Sri Lanka, il-Kamerun, ir-Repubblika tal-Kongo, il-Kosta ta' l-Avorju, il-Gana u l-Kenja. [10] Ara d-diskussjoni fl-Anness. [11] Skond il-prinċipji ta' governanza tajba fil-qasam tat-taxxa. [12] Ara l-anness għad-dettalji. [13] Irreferi għall-Konklużjonijiet tal-Kunsill dwar ix-Xogħol Deċenti għal kulħadd ta' l-1 ta' Diċembru 2006, u d-Dokument ta' Ħidma ta' l-Istaff tal-KE dwar il-Promozzjoni ta' l-Impjieg permezz ta' kooperazzjoni għall-iżvilupp ta' l-UE. [14] Ara l-Anness.