52005TA1228(08)

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
EUR-Lex - 52005TA1228(08) - EN

Help

Search tips

Need more search options? Use the Advanced search

Document 52005TA1228(08)

Rapport dwar il-kontijiet annwali taċ-Ċentru ta’ Traduzzjoni għall-Entitajiet ta’ l-Unjoni Ewropea għas-sena finanzjarja 2004 flimkien mar-risposti taċ-Ċentru

ĠU C 332, 28.12.2005, p. 53–59 (ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV)

HTML

PDF

Official Journal

28.12.2005

Il-Ġurnal Uffiċjali ta’ l-Unjoni Ewropea

C NaN/53

RAPPORT

dwar il-kontijiet annwali taċ-Ċentru ta’ Traduzzjoni għall-Entitajiet ta’ l-Unjoni Ewropea għas-sena finanzjarja 2004 flimkien mar-risposti taċ-Ċentru

WERREJ

1-2	INTRODUZZJONI

3-6	L-OPINJONI TAL-QORTI

7-9	OSSERVAZZJONIJIET

Tabelli 1 sa 4

Ir-Risposti taċ-Ċentru

INTRODUZZJONI

Iċ-Ċentru ta’ Traduzzjoni għall-Entitajiet ta’ l-Unjoni Ewropea (minn hawn ‘il quddiem imsejjaħ “iċ-Ċentru”) kien imwaqqaf bir-Regolament tal-Kunsill (KE) Nru 2965/94 (1). Ir-rwol taċ-Ċentru huwa li jipprovdi lill-entitajiet ta’ l-UE u kwalunkwe istituzzjoni u entitajiet oħra ta’ l-UE li jistaqsu għas-servizzi tagħha, b’servizzi ta’ traduzzjoni neċessarji għall-attivitajiet tagħhom. It-Tabella 1 tiġbor fil-qosor il-kompetenzi u l-attivitajiet taċ-Ċentru fuq il-bażi ta’ informazzjoni mogħtija miċ-Ċentru.

2.	Għal skopijiet ta’ informazzjoni, il-kontijiet annwali abbozzati miċ-Ċentru għas-sena finanzjarja 2004 huma miġbura fil-qosor fit-Tabelli 2, 3 u 4.

L-OPINJONI TAL-QORTI

Din l-opinjoni hija indirizzata lill-Parlament Ewropew u lill-Kunsill skond l-Artikolu 185(2), tar-Regolament tal-Kunsill (KE, Euratom) Nru 1605/2002 (2); hija kienet abbozzata wara eżaminazzjoni tal-kontijiet taċ-Ċentru, kif meħtieġ mill-Artikolu 248 tat-Trattat li jistabbilixxi l-Komunità Ewropea.

Il-kontijiet taċ-Ċentru għas-sena finanzjarja li għalqet fil-31 ta’ Diċembru 2004 (3) kienu abbozzati mid-Direttur tiegħu stess, skond l-Artikolu 14 tar-Regolament (KE) Nru 2965/94, u mibgħuta lill-Qorti, li hija meħtieġa tagħti l-opinjoni tagħha fuq l-affidabilità u fuq il-legalità u r-regolarità tat-transazzjonijiet ta’ bażi.

Il-Qorti wettqet verifika skond il-politika tal-verifiki u l-istandards tagħha, li huma bbażati fuq standards internazzjonali adattati għall-kuntest Komunitarju. Il-verifika kienet ippjanata u mwettqa biex tikseb assigurazzjoni raġonevoli li l-kontijiet huma affidabbli u li t-transazzjonijiet ta’ bażi huma legali u regolari.

6.	Il-Qorti kisbet, bażi raġonevoli għall-opinjoni espressa hawn taħt.

Affidabilità tal-kontijietIl-kontijiet taċ-Ċentru għas-sena finanzjarja li għalqet fil-31 ta’ Diċembru 2004, fl-aspetti materjali kollha, huma affidabbli.Legalità u regolarità tat-transazzjonijiet ta’ bażiIt-transazzjonijiet ta’ bażi tal-kontijiet annwali taċ-Ċentru, fit-totalità tagħhom, huma legali u regolari.L-osservazzjonijiet li jsegwu ma jpoġġux in diskussjoni l-opinjoni tal-Qorti.

OSSERVAZZJONIJIET

Il-kwistjoni fuq il-kera bejn iċ-Ċentru u l-awtoritajiet Lussemburgiżi kienet deċiża fl-2004. Konsegwentement ma kienx hemm bżonn aktar għad-dispożizzjoni tal-karta ta’ bilanċ li kienet saret biex tkopri r-riskji li joħorġu minn din il-kwistjoni (4). Sabiex titneħħa din id-dispożizzjoni, iċ-Ċentru, permezz ta’ budget li jemenda, żied n-nefqa tiegħu bl-ammont tad-dispożizzjoni u fl-istess ħin solva dan billi daħħal ammont negattiv taħt it-titolu provvisti. Din l-operazzjoni titlob għaż-żewġ rimarki li ġejjin:

a)	id-dħul fil-budget ta’ ammonti li ma kienux jikkorrispondu mar-rekwiżiti tas-sena finanzjarja mhux konformi mal-prinċipju ta’ preċiżjoni tal-budget;

b)	ir-reġistrazzjoni taċ-Ċentru tal-provvista fil-kont ta’ dħul u nefqa tiegħu kien ikun biżżejjed mill-perspettiva tal-legalità u t-trasparenza tat-transazzjoni.

8.	Iċ-Ċentru kkanċella approprjazzjonijiet għas-sena finanzjarja 2000 li jammontaw għal 8,8 miljun euro. Anke jekk 4,1 miljun euro, ta’ dawn il-kanċellament kienu jikkonċernaw provvisti, l-importanza tal-bqija tal-kanċellamenti għadha għolja wisq (16 % tan-nefqa ta’ approprjazzjonijet).

Dan il-kunflitt, li huwa diġa’ wieħed antik, fuq il-pagament miċ-Ċentru lill-Kummissjoni ta’ kontribuzzjonijiet ta’ min iħaddem fir-rigward tad-drittijiet għal pensjoni tal-ħaddiema tiegħu għadu ma ġiex deċiż. Sabiex iġesti l-inċertezza finanzjarja li tirriżulta minn dan il-kunflitt, iċ-Ċentru għamel dispożizzjonijet li, fl-aħħar tas-sena 2004, ammontaw għal 7,5 miljun euro, jew aktar minn kwart tat-total tal-karta ta’ bilanċ tiegħu. Kif l-Qorti kienet ġibdet l-attenzjoni fir-rapport preċedenti tagħha (4), iċ-Ċentru għandu jagħmel sforzi akbar biex isolvi din il-kwistjoni u b’hekk jillikwida din id-dispożizzjoni.

Dan ir-rapport ġie adottat mill-Qorti ta’ l-Awdituri fl-Lussemburgu fil-laqgħa tagħha tal-5 ta’ Ottubru 2005.

Għall-Qorti ta’ l-Awdituri

Hubert WEBER

President

(1) ĠU L 314, tas-7.12.1994, p. 1.

(2) ĠU L 248, tas-16.9.2002, p. 1.

(3) Dawn il-kontijiet kienu abbozzati fild-29 ta’ Awwissu 2005 u riċevuti mill-Qorti fis- 26 ta’ Settembru 2005.

(4) Ara l-paragrafu 8 tar-rapport tas-sena finanzjarja 2003 (ĠU C 324, tat-30.12.2004, p. 47).

Tabella 1

Ċentru ta’ Traduzzjoni għall-Entitajiet ta’ l-Unjoni Ewropea (Lussemburgu)

Oqsma ta’ responsabbilità

Kompetenzi taċ-Ċentru

Regolament tal-Kunsill (KE) Nru 2965/94 tat-28 ta’ Novembru 1994

Tmexxija

Riżorsi disponibbli għaċ-Ċentru

(informazzjoni għall- 2003)

Prodotti u servizzi provduti matul is-sena finanzjarja 2004

(informazzjoni għall-2003)

Ir-Rappreżentanti tal-gvernijiet ta’ l-Istati Membri bi ftehim reċiproku adottaw dikjarazzjoni, taħt l-awspiċi tad-dipartimenti ta’ traduzzjoni tal-Kummissjoni fil-Lussemburgu, dwar il-ħolqien ta’ Ċentru ta’ traduzzjoni ta’ l-entitajiet ta’ l-Unjoni, li jkun jipprovdu servizzi ta’ traduzzjoni neċessarji għall-ħidma ta’ l-entitajiet u servizzi li l-kwartieri tagħhom kienu stabbiliti bid-deċiżjoni ta’ 29 ta’ Ottubru 1993. (Deċiżjoni tal-Kunsill meħuda fuq il-bażi ta’ l-Artikolu 235 tat-Trattat).

Miri

Li jipprovdi s-servizzi neċessarji ta’ traduzzjoni għall-ħidma ta’ l-entitajiet li ġejjin:

—	L-Aġenzija Ewropea ta’ L-Ambjent;

—	Il-Fondazzjoni Ewropea għat-Taħriġ;

—	Iċ-Ċentru ta’ Monitoraġġ Ewropew għad-drogi u t-tossiku dipendenza;

—	L-Aġenzija Ewropea għall-Evalwazzjoni tal-Prodotti Mediċinali;

—	L-Aġenzija Ewropea għas-Saħħa u s-Sigurtà fix-Xogħol;

—	L-Uffiċċju għall-Armonizzazzjoni tas-Suq Intern (trademarks u disinji);

—	L-Uffiċċju Ewropew tal-Pulizija (Europol) u l-unità tad-drogi ta’ l-Europol.

L-entitajiet mwaqqfin mill-Kunsill, apparti minn dawk ta’ hawn fuq, jistgħu jużaw is-servizzi taċ-Ċentru. L-istituzzjonijiet u l-entitajiet ta’ l-Unjoni Ewropea li ġa għandhom is-Servizz ta’ Traduzzjoni tagħhom stess jistgħu, jekk hemm bżonn, isaqsu għas-servizzi taċ-Ċentru fuq bażi volontarja.

Iċ-Ċentru huwa kompletament parti fix-xogħol tal-Kumitat ta’ Traduzzjoni Interistituzzjonali.

Kompiti

—	li jagħmel arranġamenti għall-kooperazzjoni ma’ l-entitajiet u l-istituzzjonijiet.

—	Jieħu sehem fix-xogħol tal-Kumitat Interistituzzjonali tat-Traduzzjoni

1. Bord ta’ Tmexxija

Kompożizzjoni

—	rappreżentant wieħed għal kull Stat Membru

—	żewg rappreżentanti mill-Kummissjoni,

—	rappreżentant wieħed minn kull korp jew istituzzjoni li jsaqsi għas-servizzi taċ-Ċentru.

Funzjoni

adotta l-programm ta’ xogħol annwali taċ-Ċentru u r-rapport annwali.

2. Direttur

Nominat mill-Bord Maniġerjali fuq proposta mill-Kummissjoni.

3. Kontroll estern

Il-Qorti Ewropea ta’ l-Awdituri.

4. Verifika interna

L-awditur intern tal-Kummissjoni.

5. Awtorità ta’ approvazzjoni

Il-Parlament fuq rakkommandazzjoni mill-Kunsill.

Budget finali

29,8 miljun euro (29,0 miljun euro)

Persunal fil-31 ta’ Diċembru 2004:

181 (158) postijiet imniżżla fil-pjan ta’ twaqqif

Postijiet ġa meħuda 150 (132)

+15(15) postijiet oħra

Total tal-persunal 165 (147)

Assenjati:

—	dmirijiet operattivi: 109 (95)

—	dmirijiet amministrativi: 52(48)

—	dmirijiet varji 4 (4)

Numru ta’ paġni tradotti

374 106 (238 399)

Numru ta’ paġni għal kull lingwa

—	lingwi uffiċjali: 369 377(221 127)

—	lingwi oħrajn:4 729(17 272)

Numru ta’ paġni għal kull klijent

—	entitajiet: 362 162(215 992)

—	istituzzjonijiet:11 944 (22 407)

Numru ta’ paġni tradotti freelance:146 350(94 355)

Fonti: Informazzjoni mogħtija miċ-Ċentru.

Tabella 2

Iċ-Ċentru ta' Traduzzjoni għall-Entitajiet ta' l-Unjoni Ewropea: l-implimetazzjoni tal-budget għas-sena finanzjarja 2004

(1000euro)
Dħul			Nefqa
Sors ta' dħul	Dħul reġistrat fil-budget finali għas-sena finanzjarja	Dħul riċevut	Allokazzjoni ta' nefqa	Approprjazzjonijiet fil-budget finali					Approprjazzjonijiet trasferiti mis-sena finanzjarja ta' qabel			Approprjazzjonijiet disponibbli (budget 2004 u s-sena finanzjarja 2003)
Sors ta' dħul	Dħul reġistrat fil-budget finali għas-sena finanzjarja	Dħul riċevut	Allokazzjoni ta' nefqa	reġistrati	impenjati	imħallsa	trasferiti	kanċellati	impenji pendenti	imħallsa	kanċellati	approprjazzjonijiet	impenjati	mħallsa	trasferiti	kanċellati
Dħul imħallas mill-entitajiet u l-istituzzjonijiet	25 169	19 489	Titolu I Persunal	14 921	11 937	11 815	122	2 984	104	64	40	15 025	12 041	11 879	122	3 024
Dħul finanzjarju	250	387	Titolu II Amministrazzjoni	6 414	2 990	2 349	641	3 424	619	541	78	7 033	3 609	2 890	641	3 502
Dħul ieħor	p.m.	23	Titolu III Attivitajiet operattivi	7 949	6 074	5 084	990	1 875	493	487	6	8 442	6 567	5 571	990	1 881
Bilanċ għas-sena finanzjarja ta' qabel	4 405	—	Titolu X Riservi u provvisti	540	—	—	—	540	—	—	—	540	—	—	—	540
Total	29 824	19 899	Total	29 824	21 001	19 248	1 753	8 823	1 216	1 092	124	31 040	22 217	20 340	1 753	8 947
Sors: Informazzjoni miġbura miċ-Ċentru — Din it-tabella tiġbor fil-qosor l-informazzjoni mogħtija miċ-Ċentru fil-kontijiet annwali tiegħu.

Tabella 3

Iċ-Ċentru ta' Traduzzjoni għall-Entitajiet ta' l-Unjoni Ewropea — Kont tad-dħul u n-nefqa għas-snin finanzjarji 2004 u 2003

(1000euro)
	2004	2003
Dħul operattiv
Ħruġ ta' fatturi għas-sena finanzjarja	23 423	22 075
Dħul ieħor	150	223
Total (a)	23 573	22 298
Nefqa operattiva
Persunal	11 929	10 347
Bini, tagħmir u nfiq operattiv varju	2 734	2 095
Nefqa operattiva	5 919	3 618
Allokazzjoni għal provvisti	1 410	2 195
Total (b)	21 992	18 255
Riżultat operattiv (ċ = a – b)	1 581	4 043
Dħul finanzjarju
Imgħax tal-bank	387	387
Gwadann mir-rati tal-kambju	1	1
Total (d)	388	388
Spejjeż finanzjarji
Spejjeż bankarji	7	10
Total (e)	7	10
Riżultat finanzjarju(f = d – e)	381	378
Riżultat għall-attivitajiet ordinarji (ġ = ċ + f)	1 962	4 421
Dħul eċċezzjonali (h)	2 230	19
Spejjeż eċċezzjonali (i)	0	9
Riżultat eċċezzjonali (j = h – i)	2 230	10
Riżultat għas-sena finanzjarja (ġ + j)	4 192	4 431
Sors: Informazzjoni miġbura miċ-Ċentru. Din it-tabella tiġbor fil-qosor l-informazzjoni mogħtija miċ-Ċentru fil-kontijiet annwali tiegħu.

Tabella 4

Iċ-Ċentru ta' Traduzzjoni għall-Entitajiet ta' l-Unjoni Ewropea — Karta ta' Bilanċ fil- 31 ta' Diċembru 2004 u fil-31 ta' Diċembru 2003

(1000euro)
Attiv	2004	2003	Dejn	2004	2003
Assi intanġibbli	466	760	Kapital proprju
Assi tanġibbli			Riservi	9 761	8 330
Għamara u vetturi	155	219	Kwantitajiet maħduma mis-snin finanzjarji ta' qabel	4 642	1 642
Tagħmir tal-kompjuter	274	398	Kwantita' maħduma ekonomika	4 192	4 431
Assi fissi taħt kostruzzjoni u avvanzi mħallsa	0	35	Total parzjali	18 595	14 403
Total parzjali	429	652	Provvedimenti għar-riskji u l-passiv (1)	7 481	8 601
Assi kurrenti			Dejn kurrenti
VAT mħallas u jrid jiġi rkuprat mill-Istati Membri	3	3	Dejn tal-fornitur	832	784
Ammonti li għandhom jagħtu l-istituzzjonijiet u l-entitajiet Komunitarji	6 363	2 676	Kontijiet li jridu jitħallsu varji	1	162
Kontijiet riċevibbli varji	2	10	Dejn varju	1	5
Total parzjali	6 368	2 689	Avvanzi lill-klijenti	256	500
Assi disponibbli	19 903	20 354	Total parzjali	1 090	1 451
Total	27 166	24 455	Total	27 166	24 455
Sors: Informazzjoni miġbura miċ-Ċentru — Din it-tabella tiġbor fil-qosor l-informazzjoni mogħtija miċ-Ċentru fil-kontijiet annwali tiegħu.

(1) Għal 2004 dawn il-provvedimenti jkopru kwalunkwe pagament tas-sehem ta' min iħaddem għall-kontribuzzjonijiet tal-pensjoni għall-ħaddiema taċ-Ċentru.

Sors: Informazzjoni miġbura miċ-Ċentru — Din it-tabella tiġbor fil-qosor l-informazzjoni mogħtija miċ-Ċentru fil-kontijiet annwali tiegħu.

IR-RISPOSTI TAĊ-ĊENTRU

F’kunsiderazzjoni ta’ l-importanza ta’ din il-kwistjoni, iċ-Ċentru daħħal din l-operazzjoni f’budget ta’ emenda sabiex ikun hemm iktar trasparenza u sabiex jinforma lill-Bord Amministrattiv mill-iktar fis possibli mingħajr ma jogħqod jistenna l-għeluq tal-kontijiet. Ta’ min wieħed jinnota li r-riżultat għas-sena finanzjarja ma ġiex affetwat minn din l-istrateġija.

8.	Iċ-Ċentru jieħu nota ta’ l-osservazzjonijiet tal-Qorti u jfittex sabiex itejjeb l-estimi tiegħu tal-budget.

Kif kien iddikjarat fit-tweġiba miċ-Ċentru fir-rigward ta’ l-osservazzjonijiet tal-Qorti dwar il-kontijiet għall-2003, iċ-Ċentru reġa’ kkuntattja lill-Kummissjoni fit-23 ta’ Novembru ta’ l-2004. Id-Direttorat-Ġenerali għall-Persunal u l-Amministrazzjoni ddikjara l-pożizzjoni tiegħu permezz ta’ nota fis-17 ta’ Mejju 2005, u l-fajl sħiħ se jiġi sottomess għad-deċiżjoni mill-Bord Amministrattiv taċ-Ċentru waqt il-laqgħa tiegħu fl-20 ta’ Ottubru 2005.

Top

Choose the experimental features you want to try