52004TA1230(06)

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
EUR-Lex - 52004TA1230(06) - EN

Help

Search tips

Need more search options? Use the Advanced search

Document 52004TA1230(06)

Rapport fuq il-kontijiet annwali ta' l-Awtorità Ewropea għas-Sigurtà fl-Ikel għas-sena finanzjarja 2003 flimkien mar-risposti ta' l-Awtorità

ĠU C 324, 30.12.2004, p. 39–45 (ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV)

HTML

PDF

Official Journal

30.12.2004

Il-Ġurnal Uffiċjali ta’ l-Unjoni Ewropea

C NaN/39

RAPPORT

fuq il-kontijiet annwali ta' l-Awtorità Ewropea għas-Sigurtà fl-Ikel għas-sena finanzjarja 2003 flimkien mar-risposti ta' l-Awtorità

WERREJ

1	INTRODUZZJONI

2-5	L-OPINJONI TAL-QORTI

6-9	OSSERVAZZJONIJIET

Tabelli 1 sa 4

Ir-risposti ta' l-Awtorità

INTRODUZZJONI

L-Awtorità Ewropea għas-Sigurtà fl-Ikel (minn hawn “il quddiem imsejħa”“l-Awtorità”) kienet imwaqqfa bir-Regolament (KE) Nru 178/2002 tal-Parlament Ewropew u tal-Kunsill tat-28 ta' Jannar 2002 (1). Il-Kummissjoni ħadet ħsieb tal-ġestjoni finanzjarja ta' l-Awtorità fl-2002 u ma kellhiex kontijiet separati għaliha. Is-sena finanzjarja ta' l-2003 kienet għalhekk l-ewwel sena li l-Awtorità kienet kompletament responsabbli għall-ġestjoni finanzjarja tagħha. Ir-responsabbilitajiet prinċipali tagħha huma li tipprovdi l-informazzjoni xjentifika neċessarja li hemm bżonn sabiex isir abbozz tal-leġislazzjoni tal-Komunità, li tiġbor u tanalizza data sabiex ir-riskji jiġu karatterizzati u kkontrollati u li tipprovdi informazzjoni indipendenti fuq dawn ir-riskji. Ir-responsabbilitajiet u l-attivitajiet ta' l-Awtorità huma miġbura fil-qosor fit-Tabella 1 fuq il-bażi ta' l-informazzjoni mogħtija minnha.

L-OPINJONI TAL-QORTI

2.	Din l-opinjoni hija indirizzata lill-Parlament Ewropew u lill-Kunsill, skond l-Artikolu 185 (2) tar-Regolament tal-Kunsill (KE, Euratom) Nru 1605/2002 (2).

Il-Qorti eżaminat il-kontijiet ta' l-Awtorità għas-sena finanzjarja li għalqet fil-31 ta' Diċembru 2003. Skond l-Artikolu 44 (1), tar-Regolament tal-Parlament Ewropew u tal-Kunsill nru 178/2002 (1), il-baġit ġie implimentat taħt ir-responsabbiltà tad-Direttur Eżekuttiv. Din ir-responsabbiltà tinkludi l-abbozzar u l-preżentazzjoni tal-kontijiet annwali (3), skond id-dispożizzjonijiet finanzjarji interni fuq il-bażi ta' l-Artikolu 44 (3), tar-Regolament tal-Parlament Ewropew u l-Kunsill nru 178/2002. Il-Qorti hija meħtieġa li teżamina dawn il-kontijiet skond l-Artikolu 248 tat-Trattat li jistabbilixxi l-Komunità Ewropea.

Il-Qorti wettqet il-verifika tagħha skond il-politika u l-istandards ta' verfiki tagħha, li huma adattati minn standards internazzjonali sabiex jirriflettu l-interessi tal-Komunità. Hija eżaminat id-dokumenti tal-kontijiet u applikat il-proċeduri tal-verifika li kkunisdrat neċessarji f'dan il-kuntest.

Għaldaqstant il-Qorti kisbet assigurazzjoni raġonevoli li l-kontijiet annwali għas-sena finanzjarja li għalqet fil-31 ta' Diċembru 2003 huma ta' min joqgħod fuqhom u li t-transazzjonijiet ta' bażi, fit-totalità tagħhom huma legali u regolari. Il-kontenut tal-osservazzjonijiet li ġejjin ma jpoġġix f'diskussjoni l-opinjoni li tesprimi l-Qorti f'dan ir-rapport.

OSSERVAZZJONIJIET

L-implimentazzjoni ta' l-approprijazzjonijiet għas-sena finanzjarja 2003 u ta' l-approprijazzjonijiet miġjuba 'l quddiem mis-sena finanzjarja ta' qabel hija murija fit-Tabella 2. Il-kont tad-dħul u l-infiq u l-karta tal-bilanċ ta' l-Awtorità għas-sena finanzjarja 2003 huma miġbura fil-qosor fit-Tabelli 3 u 4.

7.	Skond l-Artikolu 43(1)(e) tar-Regolament Finanzjarju ta' l-Awtorità, l-Uffiċjal tal-kontijiet għandu jivvalida s-sistemi mniżżla mill-Uffiċjal ta' Awtorità biex jagħti jew jiġġustifika informazzjoni fuq il-kontijiet. L-ebda validazzjoni ma saret.

8.	Id-Dipartiment tal-Persunal ma wettaqx kontrolli sistematiċi fuq l-istabbiliment tar-remunerazzjoni (b'mod partikulari s-salarji) u fuq id-drittijiet finanzjarji ta' l-impjegati l-ġodda.

9.	Eżaminazzjoni ta' l-ambjent ta' kontroll fis-sistema ta' l-informazzjoni teknoloġika wriet li għandha bżonn tiġi msaħħa minħabba ż-żieda pjanata fl-attivitajiet ta' l-Awtorità.

Dan ir-rapport ġie adottat mill-Qorti ta' l-Awdituri fil-Lussemburgu fil-laqgħat tad-29 u tat-30 ta' Settembru 2004

Għall-Qorti Ewropea ta’ l-Awdituri

Juan Manuel FABRA VALLÉS

President

(1) ĠU L 31, tà l-1.2.2002, p. 1.

(2) ĠU L 248 tas-16.9.2002, p. 1.

(3) Kif meħtieġ taħt l-Artikolu 83 (3) tar-Regolament Finanzjarju ta' l-Awtorità, il-kontijiet finali għas-sena finanzjarja 2003 kienu mlestija fl-14 ta' Settembru 2003 u mibgħuta lill-Qorti ta' l-Awdituri, li rċeviethom fis-17 ta' Settembru 2004. Verżjoni mqassra tad-dikjarazzjonijiet finanzjarji hija ppreżentata fit-tabelli annessi ma' dan ir-rapport.

Tabella 1

L-Awtorità Ewropea għas-Sigurtà fl-Ikel (kwartieri ġenerali: Brussell, għandha tiġi ttrasferita għall-Parma)

Oqsma ta' kompetenzi tal-Komunità li joħorġu mit-Trattat

Kompetenzi ta' l-Awtorità (Regolament (KE)

Nru 178/2002 tal-Parlament Ewropew u tal-Kunsill tat-28 ta' Jannar 2002)

Kontroll

Riżorsi disponibbli għall-Awtorità fl-2003

Prodotti u servizzi pprovduti fl-2003

Moviment ħieles ta' l-oġġetti ta' l-ikel (Artikolu 37 tat-Trattat)

Protezzjoni fl-liviell għoli tas-saħħa, is-sigurtà, il-ħarsien ta' l-ambjent u l-protezzjoni tal-konsumatur, waqt li tieħu kont ta' kull żvilupp ġdid ibbażat fuq fatti xjentifiċi (Artikolu 95 tat-Trattat)

Il-Politika Kummerċjali Komuni (Artikolu 133 tat-Trattat)

Is-Saħħa Pubblika (Artikolu 152 (4) (b) tat-Trattat)

Miri

—	li tipprovdi opinjonijiet xjentifiċi u appoġġ xjentifiku u tekniku għall-leġislazzjoni tal-Komunità u politika li għandha impatt dirett jew indirett fuq is-sigurtà ta' l-ikel

—	Li tipprovdi informazzjoni indipendenti fuq ir-riskji li għandhom x'jaqsmu mas-sigurtà fl-ikel

—	Li tikkontribwixxi għall-ksib ta' livell għoli ta' protezzjoni tal-ħajja umana u tas-saħħa

—	Li tiġbor u tanalizza d-data li hemm bżonn biex tippermetti l-karatterizzazzjoni u l-immonitorjar tar-riskji

Funzjonijiet

—	Li toħroġ opinjonijiet u studji xjentifiċi

—	Li tippromwovi metodoloġiji uniformi ta' l-istima tar-riskju

—	Li tgħin il-Kummissjoni

—	Li tfittex, tanalizza, u tqassar d-data xjentifika u teknika meħtieġa

—	Li tidentifika u li jiġu karatterizzati riskji li joħorġu

—	Li tistabblixxi network ta' organizzazzjonijiet li joperaw f'oqsma simili

—	Li tipprovdi għajnuna xjentifika u teknika għall-immaniġjar tal-kriżi

—	Li ttejjeb il-kooperazzjoni internazzjonali

—	li tipprovdi lill-partijiet pubbliċi u lill-partijiet interessati b' informazzjoni affidabbli, objettiva u li tinftiehem b'mod faċli

—	Li tieħu sehem fis-sistema ta' twissija rapida tal-Kummissjoni

1	Bord Maniġerjali Kompożizzjoni 14 il-membru maħtura mill-Kunsill (b'koperazzjoni mal-Parlament Ewropew u l-Kummissjoni) u rappreżentant wieħed mill-Kummissjoni Dmirijiet Li jadotta l-programm tax-xogħol u jiżgura li qed jiġi implimentat

2	Direttur Esekuttiv Maħtur mill-Bord Maniġerjali fuq il-bażi ta' lista ta' kandidati proposti mill-Kummissjoni, wara smiegħ quddiem il-Parlament Ewropew

3	Kompożizzjoni tal Forum Konsultattiv Rappreżentant wieħed għal kull Stat Membru Dmirijiet li jagħti pariri lid-Direttur Esekuttiv

4	Kumitat Xjentifiku u Pànels Xjentifiċi Li jfassal abbozz fuq l-opinjonijiet xjentifiċi ta' l-Awtorità

5	Verifika esterna Il-Qorti ta' l-Awdituri

6	Awtorità ta' approvazzjoni Il-Parlament fuq rakkomandazzjoni tal-Kunsill

Baġit finali

12.6 miljun euro f'kontibuzzjoni tal-Komunità 99,7 %

Numru ta' impjegati sal-31 ta' Diċembru 2003:

Numru ta' postijiet fil-pjan tal-persunal: 49

Postijiet ġa meħuda: 27

+36 impjegati oħra (kuntratti awżiljarji, espert nazzjonali issekondati, persunal lokali, persunal temporarju)

Persunal totali: 63

Assenjat għad-dmirijiet li ġejjin:

operazzjonali: 33

amministrattivi: 30

L-Awtorità waqqfet il-Kumitat Xjentifiku tagħha u l-Pànels Xjentifiċi kollha f' Ġunju 2003. Hija ħarġet 23 opinjonijiet pubbliċi matul il-bqija tas-sena

F'Ottubru l-Awtorità żammet konferenza f' Ostende (Belġju) mal-partijiet interessati tagħha; l-għan ta' dan kien li jiġi ddeterminat kif għandha twettaq il-mandat tagħha fil-futur

Il-Forum Konsultattiv iltaqa' sitt darbiet bi ħsieb li jitwaqqaf in-network li jgħaqqad l-Awtoritajiet nazzjonali. Dan ġab żieda fl-iskambji ta' informazzjoni ma' l-Awtorità u bejn id-dipartimenti nazzjonali involuti

Fonti: Informazzjoni mogħtija mill-Awtorità.

Tabella 2

L-Awtorità Ewropea għas-Sigurtà fl-Ikel — Implimentazzjoni tal-baġit għas-sena finanzjarja 2003

(miljun euro)
Dħul			Nfiq
Sors ta' dħul	Dħul imniżżel fil-baġit finali għas-sena finanzjarja	Dħul riċevut	Allokazzjoni ta' nfiq	Approprjazzjoni tal-baġit finali					Approprjazzjonijiet miġjuba 'l quddiem mis-sena finanzjarja preċedenti (1)			Approprjazzjonijiet disponibbli (baġit 2003 u trasferiment ta' eżitu tas-sena finanzjarja 2002)
Sors ta' dħul	Dħul imniżżel fil-baġit finali għas-sena finanzjarja	Dħul riċevut	Allokazzjoni ta' nfiq	Imniżżla	marbuta	imħallsa	trasferiti għassena ta' wara	kanċellati	Imniżżla	imħallsa	kanċellati	Imniżżla	marbuta	imħallsa	trasferiti għassena ta' wara	kanċellati
Sussidji Komunitarji	12,6	10,0	Titolu 1 Persunal	4,1	3,7	3,6	0,1	0,4	0,0	0,0	0,0	4,1	3,7	3,6	0,1	0,4
Sussidji oħra	0,0	0,0	Titolu II Amministrazzjoni	2,8	2,2	1,0	1,2	0,6	0,3	0,1	0,2	3,1	2,2	1,1	1,2	0,8
Dħul ieħor	p.m.	0,0	Titolu III Nfiq ta' l-operat	5,7	4,0	1,1	2,9	1,7	0,1	0,1	0,0	5,8	4,0	1,2	2,9	1,7
Totali	12,6	10,0	Totali	12,6	9,9	5,7	4,2	2,7	0,4	0,2	0,2	13,0	9,9	5,9	4,2	2,9
NB: It-totali jista' jkun fihom differenzi minħabba l-effett tal-kalkolu rotondat. Sors: informazzjoni mogħtija mill-Awtorità. Dawn it-tabelli jiġbru fil-qosor l-informazzjoni mogħtija mill-Awtorità fid-dikjarazzjonijiet finanzjarji tagħha.

Tabella 3

L-Awtorità Ewropea għas-Sigurtà fl-Ikel- Kont ta' Dħul u Nfiq għas-sena finanzjarja 2003

(1000 euro)
	2003
Dħul
Sussidji Komunitarji	10 284
Dħul ieħor	33
Dħul totali (a)	10 317
Nfiq
Persunal — Titolu I tal-baġit
Pagamenti	3 567
Approprjazzjonijiet li ġew miġjuba 'l quddiem għas-sena finanzjarja ta' wara	149
Amministrazzjoni — Titolu II tal-baġit
Pagamenti	1 092
Approprjazzjonijiet li ġew miġjuba 'l quddiem għas-sena finanzjarja ta' wara	1 189
Nfiq ta' l-operat — Titolu III tal-baġit
Pagamenti	1 278
Approprjazzjonijiet li ġew miġjuba 'l quddiem għas-sena finanzjarja ta' wara	2 895
Nfiq totali (b)	10 171
Eżitu għas-sena finanzjarja (a – b)	146
Differenza mir-rata tal-kambju	0
Bilanċ għas-sena finanzjarja	146
NB: It-totali jista' jkun fihom differenzi minħabba l-effett tal-kalkolu rotondat. Sors: informazzjoni mogħtija mill-Awtorità.

Tabella 4

L-Awtorità Ewropea għas-Sigurtà fl-Ikel — Karta tal-Bilanċ fil-31 Diċembru 2003

(1000 euro)
Attiv	2003	Passiv	2003
Assi fissi		Kapital fiss
Assi mhux minsusa	362	Kapital proprju	769
Tagħmir u għamara	106	Bilanċ għas-sena finanzjarja	146
Tagħmir tal-kompjuter	701	Subtotali	915
Telf ta' valur	– 401	Passiv kurrenti
Subtotali	769	Trasferimenti ta' approprjazzjonijiet awtomatiċi	4 233
Assi kurrenti		Tnaqqis tas-salarju	8
Ordnijiet ta' rkupru	1	Subtotali	4 241
Kontijiet varji riċevibbli	2	Kontijiet suspense
Subtotali	3	Somom għal użu ulterjuri	6
Kontijiet fi flus kontanti		Subtotali	6
Kontijiet bankarji	4 342
Kont imprest	15
Subtotali	4 357
Kontijiet suspense	33
Totali	5 162	Totali	5 162
NB: It-totali jista' jkun fihom differenzi minħabba l-effett tal-kalkolu rotondat. Sors: informazzjoni mogħtija mill-Awtorità.

(1) L-Awtorità ma nkudietx trasferimenti awtomatiċi u l-użu tagħhom fil-kontijiet tagħha abbażi li l-Kummissjoni kienet l-Uffiċjal Awtorizzant tagħha permezz ta' delega għas-sena finanzjarja 2002. Approprjazzjonijiet għas-sena finanzjarja 2002 li ma kienux trasferiti awtomatikament biss ġew ġestiti u mniżżla fil-kontijiet mill-Awtorità.

NB: It-totali jista' jkun fihom differenzi minħabba l-effett tal-kalkolu rotondat.

Sors: informazzjoni mogħtija mill-Awtorità. Dawn it-tabelli jiġbru fil-qosor l-informazzjoni mogħtija mill-Awtorità fid-dikjarazzjonijiet finanzjarji tagħha.

RISPOSTI TA’ L-AWTORITÀ

7.	Id-deskrizzjoni u l-validazzjoni tas-sistemi tal-kontabilità ser isiru matul is-sena finanzjarja 2004.

8.	Wara l-osservazzjonijiet li saru u bħala riżultat tagħhom, il-verifikazzjoni tad-deċizjoni dwar il-gradi u l-istadji mogħtija lill-persunal li għadu kif ġie impjegat ġew validati u ddatati minn għand il-Kap tar-Riżorsi Umani.

Ir-rinforzar tas-sistema l-informatika beda f’Marzu 2004. L-għanijiet prinċipali huma:

1)	li jassiguraw il-kredibilità ta' l-infrastruttura ta’ l-informatika

2)	li jagħtu dokumentazzjoni, joħolqu u jintroduċu proċeduri operazzjonali

3)	li jirrazzjonalizzaw is-sistemi informatiċi, proċessi ta’ ħidma u t-tqassim ta’ l-informazzjoni.

Dawn l-isforzi għandhom jippermettu lill-Awtorità sabiex tibbenefika minn sistema informatika effettiva u adattata għall-attivitajiet tagħha li qegħdin kull ma jmur jiżdiedu.

Top

Choose the experimental features you want to try