EUR-Lex Access to European Union law
This document is an excerpt from the EUR-Lex website
Document 52004PC0587
Communication from the Commission to the European Parliament pursuant to the second subparagraph of Article 251 (2) of the EC Treaty concerning the common position adopted by the Council with a view to the adoption of a Regulation of the European Parliament and of the Council on maximum residue levels of pesticides in or on food and feed of plant and animal origin and amending Council Directive 91/414/EEC
Komunikazzjoni mill-Kummissjoni lill-Parlament Ewropew skond it-tieni paragrafu ta' l-Artikolu 251(2) tat-Trattat tal-KE li jikkonċerna l-pożizzjoni komuni tal-Kunsill fuq l-adozzjoni ta' Regolament tal-Parlament Ewropew u tal-Kunsill dwar livelli massimi tar-residwi tal-pestiċidji ġewwa jew fuq l-ikel u l-għalf li joriġina mill-pjanti u mill-annimali u li jemenda d-Direttiva tal-Kunsill 91/414/KEE
Komunikazzjoni mill-Kummissjoni lill-Parlament Ewropew skond it-tieni paragrafu ta' l-Artikolu 251(2) tat-Trattat tal-KE li jikkonċerna l-pożizzjoni komuni tal-Kunsill fuq l-adozzjoni ta' Regolament tal-Parlament Ewropew u tal-Kunsill dwar livelli massimi tar-residwi tal-pestiċidji ġewwa jew fuq l-ikel u l-għalf li joriġina mill-pjanti u mill-annimali u li jemenda d-Direttiva tal-Kunsill 91/414/KEE
/* KUMM/2004/0587 finali - COD 2003/0052 */
Komunikazzjoni mill-Kummissjoni lill-Parlament Ewropew skond it-tieni paragrafu ta' l-Artikolu 251(2) tat-Trattat tal-KE li jikkonċerna l-pożizzjoni komuni tal-Kunsill fuq l-adozzjoni ta' Regolament tal-Parlament Ewropew u tal-Kunsill dwar livelli massimi tar-residwi tal-pestiċidji ġewwa jew fuq l-ikel u l-għalf li joriġina mill-pjanti u mill-annimali u li jemenda d-Direttiva tal-Kunsill 91/414/KEE /* KUMM/2004/0587 finali - COD 2003/0052 */
KOMUNIKAZZJONI MILL-KUMMISSJONI LILL-PARLAMENT EWROPEW skond it-tieni paragrafu ta' l-Artikolu 251(2) tat-Trattat tal-KE li jikkonċerna l-pożizzjoni komuni tal-Kunsill fuq l-adozzjoni ta' Regolament tal-Parlament Ewropew u tal-Kunsill dwar livelli massimi tar-residwi tal-pestiċidji ġewwa jew fuq l-ikel u l-għalf li joriġina mill-pjanti u mill-annimali u li jemenda d-Direttiva tal-Kunsill 91/414/KEE 2003/0052 (COD) KOMUNIKAZZJONI MILL-KUMMISSJONI LILL-PARLAMENT EWROPEW skond it-tieni paragrafu ta' l-Artikolu 251(2) tat-Trattat tal-KE li jikkonċerna l-pożizzjoni komuni tal-Kunsill fuq l-adozzjoni ta' Regolament tal-Parlament Ewropew u tal-Kunsill dwar livelli massimi tar-residwi tal-pestiċidji ġewwa jew fuq l-ikel u l-għalf li joriġina mill-pjanti u mill-annimali u li jemenda d-Direttiva tal-Kunsill 91/414/KEE 1- SFOND Data tat-trasmissjoni tal-proposta lill-Parlament Ewropew u l-Kunsill (dokument KUMM(2003)117 finali - 2003/0052 COD): // 14 ta' Marzu 2003 Data ta' l-opinjoni tal-Kumitat Ekonomiku u Soċjali Ewropew: // 16 ta' Lulju 2003 Data ta' l-opinjoni tal-Parlament Ewropew, l-ewwel qari // 20 ta' April 2004 Data tat-trasmissjoni tal-proposta emendata // 26 ta' April 2004* Data ta' l-adozzjoni tal-pożizzjoni komuni // 19 ta' Lulju 2004. * In vista tat-termini qosra, bil-ftehim politiku milħuq fil-Kunsill sitt ijiem wara l-Ewwel Qari, - il-Kummissjoni ma kellhiex żmien taddotta proposta emendata a bażi tal-verżjoni finali ta' l-opinjoni ta' l-EP. Il-Kummissjoni aċċettat it-test li fuqu ntlaħaq ftehim politiku u tespremi f'din il-Komunikazzjoni l-opinjonijiet kunsidrati ta' l-emendi ta' l-EP. 2- GĦAN TAL-PROPOSTA TAL-KUMMISSJONI 1. L-għan ta' l-abbozz propost tar-Regolament huwa li jissostitwixxi, jikkodifika u jissimplifika l-erba' Direttivi tal-Kunsill eżistenti fuq Livelli Massimi tar-Residwi (MRLs) għall-prodotti tal-protezzjoni tal-pjanti (Direttivi 76/895/KEE, 86/362/KEE, 86/363/KEE u 90/642/KEE), jarmonizza l-MRLs kollha fuq livell ta' l-UE u jiddefinixxi r-rwoli ta' l-Istati Membri, tal-Kummissjoni, ta' l-Awtorità Ewropea dwar is-Sigurtà ta' l-Ikel (EFSA) u partijiet oħrajn fil-proċess tad-determinazzjoni tal-MRLs. 2. Ir-Regolament jipprovdi biex l-MRLs jgħoddu direttament u jkunu jistgħu jiġu inforzati fl-Istati Membri, imsejjes fuq stimi tar-riskju għall-konsumatur disponibbli pubblikament li għalihom għandha responsabbilità ġenerali l-EFSA. Meta l-prodotti tal-protezzjoni tal-pjanti m'humiex awtorizzati għall-użu fil-Komunità, fejn l-użi barra mill-Komunità m'humiex aċċettabbli f'termini ta' teħid mill-konsumatur ta' residwi, jew fejn id-data m'humiex suffiċjenti biex titlesta stima tar-riskju, għandu jgħodd valur applikabbli ta' 0.01 mg/kg. 3. Ir-Regolament jiddefinixxi l-obbligi ta' l-Istati Membri rigward il-kontroll u l-inforzar tal-MRLs u r-rapportar tad-data dwar kontroll u inforzar lill-EFSA u l-pubblikazzjoni ta' dawn id-data f'rapport annwali mill-EFSA 3- KUMMENTI FUQ IL-POSIZZJONI KOMUNI 3.1. Rimarki Ġenerali Il-pożizzjoni komuni addottata mill-Kunsill bl-unanimità tirrappreżenta elaborazzjoni bilanċjata ulterjuri tal-proposta tal-Kummissjoni, fejn diversi disposizzjonijiet mitluba mill-Kunsill ġew inklużi, u li fihom diversi mill-emendi ta' l-1 Qari tal-Parlament Ewropew ġew meqjusa. Ir-rwoli u l-kompiti ta' l-Istati Membri u ta' l-EFSA fil-proċessi ta' l-evalwazzjoni qabel id-determinazzjoni tal-MRLs mill-Kummissjoni ġew modifikati fil-proposta riveduta. Minħabba li tibqa' miftuħa l-possibilità li fi stadju aktar tard, bażat fuq rapport mill-Kummissjoni u proposti xierqa ulterjuri - din id-diviżjoni ta' rwoli u kompiti tista' tmur lura għall-proposta tal-Kummissjoni, il-Kummissjoni tista' taċċetta t-tibdiliet. Fil-ħin meta ntlaħaq il-ftehim politiku fuq it-test, il-Kummissjoni u l-Kunsill għamlet dikjarazzjonijiet (ara Anness) biex taċċerta li r-rwol ta' l-EFSA huwa rispettat u li fi stadju aktar tard il-koordinazzjoni tax-xogħol jiġi rivedut. Disposizzjonijiet oħrajn inklużi fuq talba tal-Kunsill kienu: il-possibilità li l-MRL applikabbli jista' jiġi sostitwit mil-limitu effettiv l-aktar baxx tad-determinazzjoni analitika (LOD) għal sustanzi fejn id-data huma disponibbli, derogi dwar l-MRLs ta' emerġenza u trattamenti tal-fumigazzjoni, l-introduzzjoni tal-klawżola tar-reviżjoni amministrattiva u t-tibdil tad-dati tar-rapportaġġ rigward ir-rapport annwali. Il-Kummissjoni hija dubjuża dwar kemm hi xierqa l-klawsola tar-reviżjoni amministrattiva u tenfasiżża illi m'għandhiex tindaħal fl-indipendenza ta' l-EFSA fil-provvediment ta' pariri xjentifiċi u għajnuna teknika. Il-bqija tat-tibdiliet huma aċċettabbli għall-Kummissjoni. Ħafna talbiet oħrajn mill-Kunsill kienu identiċi għall-emendi proposti mill-EP u huma diskussi fil-paragrafi li ġejjin. 3.2. Rimarka Speċifika Fl-artikolu 14(1) il-kliem "sottomessi għall-adozzjoni" għandhom jiġu sostitwit b'"li għandhom jiġu addottati" sabiex jiġu riflessi l-kliem korretti għal proċedura tal-komitoloġija. 3.3. Emendi li saru mill-Parlament Ewropew fl-Ewwel Qari Emendi inkorporati fil-Pożizzjoni Komuni: Il-Kunsill inkluda fil-pożizzjoni komuni bosta emendi li ġew addottati fl-ewwel qari mill-Parlament Ewropew u ġew aċċettati wkoll mill-Kummissjoni. Dawn l-emendi jikkonċernaw aspetti ta' tariffi li għandhom jitħallsu mill-applikanti biex ikun hemm fondi għall-attivitajiet ta' kontroll, inforzar u evalwazzjoni, it-terminu għad-determinazzjoni ta' l-MRLs finali wara l-evalwazzjoni ta' sustanza taħt id-Direttiva 91/414/KEE, żidiet ta' kommoditajiet mal-lista, bħall-infużjonijiet erbali, u provvediment ta' protezzjoni żejda lill-gruppi vulnerabbli bħat-tfal. Emendi mhux inkorporati fil-Posizzjoni Komuni, li mandankollu l-Kummissjoni sabet aċċettabbli per se jew f'forma bi kliem kemmxejn differenti jew mhux fil-post eżatt fejn riedhom l-EP. Dawn l-emendi jikkonċernaw informazzjoni dwar rapportaġġ fuq l-ismijiet ta' trasgressuri u jeħtieġu lill-EFSA tinforma lill-pubbliku ġenerali dwar ir-riskji tal-pestiċidji. Il-Kummissjoni għandha wkoll attitudni pożittiva lejn l-idea tat-teħid ta' kont ta' l-esposizzjoni kumulattiva u għandha l-intenzjoni li titlob lill-EFSA tiżviluppa l-metodoloġija li tippermetti dawn l-istimi jsiru. Xi punti huma diġà indirizzati f'leġislazzjoni oħra speċifika dwar l-awtorizzazzjoni jew l-użu tal-pestiċidji. (Direttiva tal-Kunsill 91/414/KEE) eż., amministrazzjoni integrata tal-pesti, immunotossiċità, endocrine disruptors eċċ. Emendi mhux aċċettabbli Xi emendi li jimponu restrizzjonijiet dwar it-tolleranzi ta' l-importazzjoni m'humiex aċċettati mill-Kummissjoni għaliex ikun possibbli li jiġu sfidati fil-WTO minħabba li jiddiskriminaw kontra l-bdiewa barra mill-UE għal raġunijiet mhux permessi taħt il-ftehim WTO-SPS. Il-kundizzjonijiet dwar it-tolleranzi ta' l-importazzjoni m'għandhomx ikunu aktar stretti minn kundizzjonijiet imposti fuq bdiewa ta' l-UE u għandhom ikunu skond regoli speċifiċi tal-WTO. 4- KONKLUŻJONI Għall-iskopijiet t'hawn fuq il-Kummissjoni tappoġġja l-Pożizzjoni Komuni addottata mill-Kunsill. 5- DIKJARAZZJONIJIET TAL-KUMMISSJONI U TAL-KUNSILL Dawn id-dikjarazzjonijiet li ġejjin mill-Kunsill u mill-Kummissjoni: - Dikjarazzjoni tal-Kummissjoni dwar l-espansjoni tal-lista ta' kommoditajiet li għalihom huma determinati MRLs. - Dikjarazzjoni tal-Kummissjoni dwar l-intenzjoni li ma tiġix kumplikata d-determinazzjoni tal-MRLs billi jiġu kombinati l-proposti konfliġġenti f'pakkett wieħed. - Dikjarazzjoni tal-Kummissjoni dwar l-intenzjoni li tikkonsulta lill-iStati Membri rigward riżorsi finanzjarji - Dikjarazzjoni tal-Kunsill dwar MRLs għall-miżuri ta' emerġenza meħuda mill-Istati Membri - Dikjarazzjonijiet mill-Kummissjoni u l-Kunsill dwar ir-rwol ta' l-EFSA u l-Istati Membri fl-evalwazzjonijiet tal-MRLs; Dawn id-dikjarazzjonijiet huma annnessi ma' din il-Komunikazzjoni. ANNESS DIKJARAZZJONIJIET TAL-KUMMISSJONI U TAL-KUNSILL Dwar l-Artikolu 4: Dikjarazzjoni tal-Kummissjoni "Il-Kummissjoni ser tipprova tiżgura li l-introduzzjoni ta' prodotti ġodda fl-Anness I ikun f'tali ħin li jitnaqqas l-isfrattu għall-kummerċ jew trobbija ta' l-annimali." Dwar l-Artikolu 14: Dikjarazzjoni tal-Kummissjoni "Il-Kummissjoni ser iżżomm il-prattika kurrenti tagħha li tinkludi aktar minn sustanza attiva waħda f'proposta biss meta dan x'aktarx ma jwaqqafx il-pass ta' l-adozzjoni tal-proposta." Dwar l-Artikolu 18: Dikjarazzjoni tal-Kunsill "Il-Kunsill jiftakar l-obbligi ta' l-Istati Membri li jikkontrollaw l-użu ta' prodotti tal-protezzjoni tal-pjanti skond l-Artikolu 8(4) tad-Direttiva 91/414/KEE u biex jipprovdu għal kontrolli uffiċjali effettivi skond il-Kapitolu V ta' dan ir-Regolament. Dawn il-kontrolli għandhom b'mod partikolari japplikaw għal prodotti li ġew imqiegħda fuq is-suq skond l-Artikolu18(4) u jkunu immirati li jaċċertaw illi jiġu mibjugħa fis-suq biss skond id-disposizzjonijiet ta' dak il-paragrafu." Dwar l-Artikolu 37: Dikjarazzjoni tal-Kummissjoni "Il-Kummissjoni ser iżżomm il-prattika kurrenti tagħha li tikkonsulta lill-Istati Membri fil-qafas tal-Kumitat Permanenti rigward il-miżuri msemmija fl-Artikolu 36(1)." Dwar l-Arranġamenti ta' l-Evalwazzjoni u r-Rwol ta' l-EFSA: Dikjarazzjoni tal-Kunsill u tal-Kummissjoni "Il-Kunsill iqis li l-arranġamenti ta' l-evalwazzjoni previsti mir-Regolament jirriflettu l-ħtieġa li tiġi aċċertata transizzjoni mingħajr problemi għall-proċedura l-ġdida armonizzata għal kollox tad-determinazzjoni tal-MRLs filwaqt li jiġu rispettati l-arranġamenti kurrenti dwar awtorizzazzjonijiet nazzjonali għall-prodotti tal-protezzjoni tal-pjanti. Il-Kunsill jistieden lill-Kummissjoni tippreżenta rapport flimkien ma' kwalunkwe proposta xierqa dwar titjieb li jidhru meħtieġa fid-dawl ta' l-esperjenza fl-applikazzjoni ta' dan ir-Regolament." "Il-Kummissjoni tinnota lill-Kunsill laħaq kunsens unanimu dwar din il-kwistjoni. Madankollu, il-Kummissjoni tixtieq li fl-eżaminazzjoni futura ta' din il-proposta tingħata aktar konsiderazzjoni għat-titjib tal-koordinazzjoni bejn l-EFSA u l-awtoritajiet nazzjonali ta' l-Istati Membri sabiex it-talbiet għall-awtorizzazzjoni jistgħu jiġu proċessati bil-mod l-aktar effettiv.