This document is an excerpt from the EUR-Lex website
Document 42019D1200
Decision (EU, Euratom) 2019/1200 of the Representatives of the Governments of the Member States of 10 July 2019 appointing Judges to the General Court
Deċiżjoni (UE, Euratom) 2019/1200 tar-rappreżentanti tal-gvernijiet tal-Istati Membri tal-10 ta' Lulju 2019 li taħtar Imħallfin fil-Qorti Ġenerali
Deċiżjoni (UE, Euratom) 2019/1200 tar-rappreżentanti tal-gvernijiet tal-Istati Membri tal-10 ta' Lulju 2019 li taħtar Imħallfin fil-Qorti Ġenerali
ST/9964/2019/INIT
ĠU L 189, 15.7.2019, p. 69–69
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
15.7.2019 |
MT |
Il-Ġurnal Uffiċjali tal-Unjoni Ewropea |
L 189/69 |
DEĊIŻJONI (UE, Euratom) 2019/1200 TAR-RAPPREŻENTANTI TAL-GVERNIJIET TAL-ISTATI MEMBRI
tal-10 ta' Lulju 2019
li taħtar Imħallfin fil-Qorti Ġenerali
IR-RAPPREŻENTANTI TAL-GVERNIJIET TAL-ISTATI MEMBRI TAL-UNJONI EWROPEA,
Wara li kkunsidraw it-Trattat dwar l-Unjoni Ewropea, u b'mod partikolari l-Artikolu 19 tiegħu,
Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikoli 254 u 255 tiegħu,
Wara li kkunsidraw it-Trattat li jistabbilixxi l-Komunità Ewropea tal-Enerġija Atomika, u b'mod partikolari l-Artikolu 106a(1) tiegħu,
Billi:
|
(1) |
Il-mandat ta' tlieta u għoxrin Imħallef fil-Qorti Ġenerali ser jintemm fil-31 ta' Awwissu 2019. |
|
(2) |
Jenħtieġ li jsiru ħatriet sabiex jimtlew dawn il-karigi għall-perijodu mill-1 ta' Settembru 2019 sal-31 ta' Awwissu 2025. |
|
(3) |
Is-Sur Roberto MASTROIANNI u s-Sinjura Ornella PORCHIA ġew innominati għall-ewwel mandat bħala Mħallfin fil-Qorti Ġenerali biex jissostitwixxu lis-Sur Guido BERARDIS u lis-Sur Ezio PERILLO rispettivament. |
|
(4) |
Il-kumitat stabbilit permezz tal-Artikolu 255 tat-Trattat dwar il-Funzjonament tal-Unjoni Ewropea ta opinjoni dwar l-adegwatezza ta' dawn il-kandidati għall-qadi tal-funzjonijiet ta' mħallef fil-Qorti Ġenerali. |
|
(5) |
Għalhekk huwa xieraq li s-Sur Roberto MASTROIANNI jinħatar biex jissostitwixxi lis-Sur Guido BERARDIS, u li s-Sinjura Ornella PORCHIA tinħatar biex tissostitwixxi lis-Sur Ezio PERILLO għall-ewwel mandat bħala Mħallfin fil-Qorti Ġenerali, |
ADOTTAW DIN ID-DEĊIŻJONI:
Artikolu 1
Is-segwenti għandhom jinħatru Mħallfin fil-Qorti Ġenerali għall-perijodu mill-1 ta' Settembru 2019 sal-31 ta' Awwissu 2025:
|
— |
Is-Sur Roberto MASTROIANNI, |
|
— |
Is-Sinjura Ornella PORCHIA. |
Artikolu 2
Din id-Deċiżjoni għandha tidħol fis-seħħ fil-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, l-10 ta' Lulju 2019.
Il-President
M. RISLAKKI