This document is an excerpt from the EUR-Lex website
Document 42012X1114(01)
Regulation No 41 of the Economic Commission for Europe of the United Nations (UN/ECE) — Uniform provisions concerning the approval of motor cycles with regard to noise
Ir-Regolament Nru 41 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi li jikkonċernaw l-approvazzjoni tal-muturi fir-rigward tal-istorbju
Ir-Regolament Nru 41 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi li jikkonċernaw l-approvazzjoni tal-muturi fir-rigward tal-istorbju
ĠU L 317, 14.11.2012, p. 1–38
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
14.11.2012 |
MT |
Il-Ġurnal Uffiċjali tal-Unjoni Ewropea |
L 317/1 |
It-testi oriġinali NU/KEE biss għandhom effett legali skont id-dritt internazzjonali pubbliku. L-istatus u d-data tad-dħul fis-seħħ ta’ dan ir-Regolament għandhom jiġu vverifikati fl-aħħar verżjoni tad-dokument tal-istatus NU/KEE TRANS/WP.29/343, disponibbli fuq:
http://www.unece.org/trans/main/wp29/wp29wgs/wp29gen/wp29fdocstts.html
Ir-Regolament Nru 41 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi li jikkonċernaw l-approvazzjoni tal-muturi fir-rigward tal-istorbju
Jinkorpora t-test validu kollu sa:
Is-serje 04 ta’ emendi — Id-data tad-dħul fis-seħħ: it-13 ta’ April 2012
WERREJ
1. |
Kamp ta’ applikazzjoni |
2. |
Definizzjonijiet, termini u simboli |
3. |
Applikazzjoni għall-approvazzjoni |
4. |
Immarkar |
5. |
Approvazzjoni |
6. |
Speċifikazzjonijiet |
7. |
Modifika u estensjoni tal-approvazzjoni tat-tip ta’ mutur jew tat-tip ta’ sistema(i) tal-egżost jew tas-sajlensers |
8. |
Konformità tal-produzzjoni |
9. |
Penali għal nuqqas ta’ konformità tal-produzzjoni |
10. |
Produzzjoni mwaqqfa definittivament |
11. |
Ismijiet u indirizzi ta’ Servizzi Tekniċi responsabbli mit-twettiq tat-testijiet tal-approvazzjoni, u ta’ Awtoritajiet tal-Approvazzjoni tat-Tip |
12. |
Dispożizzjonijiet tranżitorji |
ANNESSI
ANNESS 1 — |
Komunikazzjoni |
ANNESS 2 — |
Arranġamenti tal-marki ta’ approvazzjoni |
ANNESS 3 — |
Metodi u strumenti għall-kejl tal-istorbju li jagħmlu l-muturi |
ANNESS 4 — |
Speċifikazzjonjiet għas-sit tat-test |
ANNESS 5 — |
Sistemi tal-egżost jew tas-sajlensers li jkun fihom materjal fibruż |
ANNESS 6 — |
Limiti massimi tal-livelli tal-ħoss |
ANNESS 7 — |
Dispożizzjonijiet Addizzjonali dwar l-Emissjonijiet ta’ Ħsejjes (ASEP) |
ANNESS 8 — |
Dikjarazzjoni ta’ konformità mad-Dispożizzjonijiet Addizzjonali dwar l-Emissjonijiet ta’ Ħsejjes (ASEP) |
1. KAMP TA’ APPLIKAZZJONI
Dan ir-Regolament japplika għall-vetturi tal-kategorija L3 (1) fir-rigward tal-istorbju.
2. DEFINIZZJONIJIET, TERMINI U SIMBOLI
Għall-finijiet ta’ dan ir-Regolament
2.1. “Approvazzjoni ta’ mutur” tfisser l-approvazzjoni ta’ tip ta’ mutur fir-rigward tal-istorbju;
2.2. “Tip ta’ mutur fir-rigward tal-livell tal-ħoss u tas-sistema tal-egżost tiegħu” tfisser muturi li ma jvarjawx f’aspetti essenzjali bħal dawn:
2.2.1. |
It-tip ta’ magna (two-stroke jew four-stroke, magna bil-pistuni b’moviment alternat jew magna bil-pistun idur, in-numru ta’ ċilindri u ċ-ċilindrata, in-numru u t-tip ta’ karburaturi jew ta’ sistemi ta’ injezzjoni, l-arranġament tal-valvijiet, il-qawwa netta massima nominali u l-veloċità tal-magna korrispondenti). Għall-magni bil-pistun idur, il-kapaċità kubika għandha titqies bħala li hija d-doppju tal-volum tal-kompartiment; |
2.2.2. |
Is-sistema ta’ trażmissjoni, b’mod partikolari n-numru u l-proporzjonijiet tal-gerijiet; |
2.2.3. |
In-numru, it-tip u l-arranġament tas-sistemi tal-egżost jew tas-sajlensers. |
2.3. “Sistema tal-egżost jew tas-sajlensers” tfisser sett sħiħ ta’ komponenti meħtieġa sabiex jiġi limitat l-istorbju kkawżat mill-magna u mill-egżost ta’ mutur.
2.3.1. |
“Sistema oriġinali tal-egżost jew tas-sajlensers” tfisser sistema ta’ tip immuntata fuq il-vettura fi żmien l-approvazzjoni tat-tip jew l-estensjoni tal-approvazzjoni tat-tip. Hija tista’ tkun ukoll il-part ta’ sostituzzjoni tal-manifattur tal-vettura. |
2.3.2. |
“Sistema mhux oriġinali tal-egżost jew tas-sajlensers” tfisser sistema ta’ tip għajr dik immuntata fuq il-vettura fi żmien l-approvazzjoni tat-tip jew l-estensjoni tal-approvazzjoni tat-tip. |
2.4. “Sistemi tal-egżost jew tas-sajlensers ta’ tipi differenti” tfisser sistemi li jkunu fundamentalment differenti f’wieħed mill-modi li ġejjin:
2.4.1. |
Sistemi li jinkludu komponenti li jkollhom fuqhom marki tal-fabbrika jew marki kummerċjali (trademarks) differenti; |
2.4.2. |
Sistemi li jinkludu kwalunkwe komponent magħmul minn materjali b’karatteristiċi differenti jew li jinkludu komponenti li jkollhom forma jew daqs differenti; |
2.4.3. |
Sistemi fejn il-prinċipji operattivi ta’ mill-inqas komponent wieħed huma differenti; |
2.4.4. |
Sistemi li jinkludu komponenti f’kombinazzjonijiet differenti. |
2.5. “Komponent ta’ sistema tal-egżost jew tas-sajlensers” tfisser wieħed mill-komponenti individwali li flimkien jifformaw is-sistema tal-egżost (bħall-pajpijiet tal-egżost, is-sajlenser proprja) u s-sistema tal-intake (filtru tal-arja) jekk ikun hemm.
Jekk il-magna għandha tkun mgħammra b’sistema tal-intake (filtru tal-arja u/jew assorbitur tal-istorbju tal-intake) sabiex tkun konformi mal-livelli massimi permissibbli ta’ ħoss, il-filtru u/jew l-assorbitur għandhom jiġu ttrattati bħala komponenti li għandhom l-istess importanza bħas-sistema tal-egżost.
2.6. “Massa mhux okkupata” (kif ġiet iddefinita fit-Taqsima 4.1.2 tal-ISO 6726: 1988) tfisser il-massa tal-vettura lesta għal tħaddim normali u mgħammra bit-tagħmir li ġej:
(a) |
Tagħmir elettriku sħiħ inklużi l-apparati tad-dawl u tas-sinjalazzjoni pprovduti mill-manifattur; |
(b) |
L-istrumenti u l-fittings kollha meħtieġa minn kwalunkwe leġiżlazzjoni li fir-rigward tagħhom qed isir kejl tal-massa niexfa tal-vettura; |
(c) |
Firxa sħiħa ta’ likwidi sabiex ikun żgurat il-funzjonament korrett ta’ kull parti tal-vettura u t-tank tal-fjuwil mimli mill-inqas sa 90 fil-mija tal-kapaċità speċifikata mill-manifattur; |
(d) |
It-tagħmir awżiljarju ġeneralment ipprovdut mill-manifattur flimkien ma’ dak li jkun meħtieġ għal tħaddim normali (kitt tal-għodod, mezzi biex jiġu ttrasportati l-muturi (carrier(s)), windskrin(s), tagħmir protettiv, eċċ.) |
Noti:
1. |
Fil-każ ta’ vettura li taħdem b’taħlita ta’ fjuwil u ta’ żejt:
|
2.7. “Qawwa netta massima nominali” tfisser il-qawwa nominali tal-magna kif ġiet iddefinita fl-ISO 4106:2004.
Is-simbolu P n jindika l-valur numeriku tal-qawwa netta massima nominali espressa f’kilowatts.
2.8. “Veloċità nominali tal-magna” tfisser il-veloċità tal-magna li biha l-magna tiżviluppa l-qawwa netta massima nominali tagħha kif ġie ddikjarat mill-manifattur.
Is-simbolu S jindika l-valur numeriku tal-veloċità nominali tal-magna espressa f’revolutions per minute (dawriet kull minuta). (2)
2.9. “Indiċi tal-proporzjon tal-qawwa mal-massa” tfisser il-proporzjon tal-qawwa netta massima nominali ta’ vettura mal-massa tagħha. Huwa jiġi ddefinit bħala:
Fejn m kerb huwa l-valur numeriku tal-massa mhux okkupata kif ġiet iddefinita fil-paragrafu 2.6 iktar ’il fuq, espressa f’kilogrammi.
Is-simbolu PMR jindika l-indiċi tal-proporzjon tal-qawwa mal-massa.
2.10. “Veloċità massima” tfisser il-veloċità massima tal-vettura kif ġiet iddefinita fl-ISO 7117:1995.
Is-simbolu v max jindika l-veloċità massima.
2.11. “Ger illokkjat” tfisser il-kontroll tat-trażmissjoni b’tali mod li l-proporzjon tal-gerijiet ta’ trażmissjoni ma jistax jinbidel waqt it-test.
2.12. “Magna” tfisser is-sors tal-enerġija tal-vettura mingħajr aċċessorji li jistgħu jinqalgħu.
2.13. Din li ġejja hija tabella li tinkludi s-simboli kollha użati f’dan ir-Regolament:
Simbolu |
Unitajiet |
Spjegazzjoni |
Referenza |
AA’ |
— |
linja virtwali fuq il-mogħdija tat-test |
Anness 4 – Grafika 1 |
a wot |
m/s2 |
aċċellerazzjoni kkalkulata |
Anness 3 – 1.4.2. |
a wot,ref |
m/s2 |
aċċellerazzjoni ta’ referenza preskritta |
Anness 3 – 1.3.3.3.1.2. |
a urban |
m/s2 |
aċċellerazzjoni fil-mira preskritta |
Anness 3 – 1.3.3.3.1.2. |
BB’ |
— |
linja virtwali fuq il-mogħdija tat-test |
Anness 4 – Grafika 1 |
CC’ |
— |
linja virtwali fuq il-mogħdija tat-test |
Anness 4 – Grafika 1 |
k |
— |
fattur ta’ differenzazzjoni tal-gerijiet |
Anness 3 – 1.4.3. |
k p |
— |
fattur ta’ qawwa parzjali |
Anness 3 – 1.4.4. |
L |
dB(A) |
livell ta’ pressjoni tal-ħoss |
Anness 3 – 1.4.1. |
l PA |
m |
tul tal-preaċċellerazzjoni |
Anness 3 – 1.3.3.1.1. |
m kerb |
kg |
massa mhux okkupata tal-vettura |
2.6. |
m t |
kg |
massa tat-test tal-vettura |
Anness 3 – 1.3.2.2. |
n |
min–1 |
veloċità mkejla tal-magna |
— |
n idle |
min–1 |
veloċità tal-magna meta ma tkunx ingranata (idle) |
— |
n wot(i) |
min–1 |
n PP’ li tikkorrispondi għal L wot(i) |
Anness 7 – 2.6. |
PP’ |
— |
linja virtwali fuq il-mogħdija tat-test |
Anness 4 – Grafika 1 |
PMR |
— |
indiċi tal-proporzjon tal-qawwa mal-massa |
2.9. |
P n |
kW |
qawwa netta massima nominali |
2.7. |
S |
min–1 |
veloċità nominali tal-magna |
2.8. |
v |
km/h |
veloċità mkejla tal-vettura |
— |
v max |
km/h |
veloċità massima |
2.10. |
v test |
km/h |
veloċità preskritta tat-test |
Anness 3 – 1.3.3.1.1. |
L-indiċijiet li ġejjin jintużaw għall-veloċitajiet imkejla tal-magna n u għall-veloċitajiet tal-vettura v sabiex jindikaw il-post jew aħjar il-ħin tal-kejl:
(a) |
AA’ li tindika li l-kejl jikkorrispondi għall-mument meta l-parti ta’ quddiem tal-vettura tgħaddi l-linja AA’ (ara l-Anness 4 – Grafika 1); jew |
(b) |
PP’ li tindika li l-kejl jikkorrispondi għall-mument meta l-parti ta’ quddiem tal-vettura tgħaddi l-linja PP’ (ara l-Anness 4 – Grafika 1); jew |
(c) |
BB’ li tindika li l-kejl jikkorrispondi għall-mument meta l-parti ta’ wara tal-vettura tgħaddi l-linja BB’ (ara l-Anness 4 – Grafika 1). |
L-indiċijiet li ġejjin jintużaw għall-aċċellerazzjonijiet ikkalkulati bl-aċċeleratur magħfus kollu a wot u għal-livelli mkejla ta’ pressjoni tal-ħoss L sabiex jindikaw il-ger użat għat-test:
(a) |
“(i)” li tindika, fil-każ ta’ test b’żewġ gerijiet, il-ger l-iktar baxx (jiġifieri, il-ger bl-ogħla proporzjon ta’ trażmissjoni tal-gerijiet) u f’każijiet oħra li tirreferi għall-ger uniku tat-test użat jew għall-pożizzjoni unika tas-selettur tal-gerijiet użat; jew |
(b) |
“(i + 1)” li tindika, fil-każ ta’ test b’żewġ gerijiet, l-ogħla ger (jiġifieri, il-ger bl-iktar proporzjon ta’ trażmissjoni tal-gerijiet baxx). |
Il-livelli mkejla ta’ pressjoni tal-ħoss L iġorru wkoll indiċi li jindika t-tip ta’ test rispettiv:
(a) |
“Wot” li tindika test tal-aċċellerazzjoni bl-aċċeleratur magħfus kollu (ara l-paragrafu 1.3.3.1.1 tal-Anness 3); jew |
(b) |
“CRS” li tindika test tal-veloċità kostanti (ara l-paragrafu 1.3.3.3.2 tal-Anness 3); jew |
(c) |
“Urban” li tindika kombinazzjoni differenzjata ta’ test tal-veloċità kostanti u ta’ test tal-aċċellerazzjoni bl-aċċeleratur magħfus kollu (ara l-paragrafu 1.4.6.2 tal-Anness 3). |
L-indiċi “j”, li jirreferi għan-numru tal-prova tat-test, jista’ jintuża flimkien mal-indiċijiet imsemmija iktar ‘il fuq.
3. APPLIKAZZJONI GĦALL-APPROVAZZJONI
3.1. L-applikazzjoni għall-approvazzjoni ta’ tip ta’ mutur fir-rigward tal-emissjonijiet ta’ ħsejjes tiegħu għandha titressaq mill-manifattur tiegħu jew mir-rappreżentant debitament akkreditat tiegħu.
3.2. Hija għandha tkun akkumpanjata mid-dokumenti li jissemmew iktar ’l isfel fi tliet kopji u mid-dettalji li ġejjin:
3.2.1. |
Deskrizzjoni tat-tip ta’ mutur fir-rigward tal-punti msemmija fil-paragrafu 2.2 iktar ’il fuq in-numri u/jew is-simboli li jidentifikaw it-tip ta’ magna u t-tip ta’ mutur għandhom jiġu speċifikati; deskrizzjoni tat-tip ta’ mutur fir-rigward tal-punti msemmija fil-paragrafu 2.2 iktar ’il fuq in-numri u/jew is-simboli li jidentifikaw it-tip ta’ magna u t-tip ta’ mutur għandhom jiġu speċifikati; |
3.2.2. |
Lista tal-komponenti, debitament identifikati, li jikkostitwixxu s-sistema tal-egżost jew tas-sajlensers; |
3.2.3. |
Tpinġija tas-sistema tal-egżost jew tas-sajlensers assemblata u indikazzjoni tal-pożizzjoni tagħha fuq il-mutur; |
3.2.4. |
Tpinġijiet ta’ kull komponent sabiex ikun jista’ jiġi lokalizzat u identifikat faċilment, u speċifikazzjoni tal-materjali użati; |
3.2.5. |
Tpinġijiet bi profili trasversali li jindikaw id-dimensjonijiet tas-sistema tal-egżost. Kopja ta’ dawn it-tpinġijiet għandha tiġi mehmuża maċ-ċertifikat imsemmi fl-Anness 1. |
3.3. Fuq it-talba tas-Servizz Tekniku responsabbli mit-twettiq tat-testijiet tal-approvazzjoni, il-manifattur tal-mutur għandu jressaq ukoll kampjun tas-sistema tal-egżost jew tas-sajlensers.
3.4. Mutur rappreżentattiv tat-tip ta’ mutur li għandu jiġi approvat għandu jitressaq quddiem is-Servizz Tekniku responsabbli mit-twettiq tat-testijiet tal-approvazzjoni.
3.5. Rapport tat-test mis-Servizz Tekniku li qed iwettaq it-test tal-approvazzjoni tat-tip għandu jitressaq quddiem l-Awtorità tal-Approvazzjoni tat-Tip.
Dan ir-rapport tat-test għandu jinkludi mill-inqas l-informazzjoni li ġejja:
(a) |
Dettalji tas-sit tat-test (pereżempju, it-temperatura tal-wiċċ, il-koeffiċjent tal-assorbiment, eċċ.), il-post fejn jinsab is-sit tat-test, l-orjentazzjoni tas-sit u l-kundizzjonijiet tat-temp inklużi l-veloċità tar-riħ u t-temperatura tal-arja, id-direzzjoni, il-pressjoni barometrika, l-umdità; |
(b) |
It-tip ta’ tagħmir tal-kejl, inkluż il-windskrin; |
(c) |
Il-livell ta’ pressjoni tal-ħoss differenzjat A tipiku tal-ħsejjes fl-isfond; |
(d) |
L-identifikazzjoni tal-vettura, il-magna tagħha, is-sistema ta’ trażmissjoni tagħha, inklużi l-proporzjonijiet disponibbli ta’ trażmissjoni, id-daqs u t-tip ta’ tajers, il-pressjoni tat-tajers, in-numru tal-approvazzjoni tat-tip tat-tajers (jekk ikun disponibbli) jew il-manifattur tat-tajers u deskrizzjoni kummerċjali tat-tajers (jiġifieri, l-isem kummerċjali, l-indiċi ta’ veloċità, l-indiċi tat-tagħbija), il-qawwa netta massima nominali, il-massa tat-test, l-indiċi tal-proporzjon tal-qawwa mal-massa, a wot ref, a urban, it-tul tal-vettura; |
(e) |
Il-gerijiet ta’ trażmissjoni jew il-proporzjonijiet tal-gerijiet ta’ trażmissjoni li ntużaw waqt it-test; |
(f) |
Il-veloċità tal-vettura u l-veloċità tal-magna fil-bidu tal-perjodu ta’ aċċellerazzjoni u l-post fejn tibda l-aċċellerazzjoni għal kull ger użat; |
(g) |
Il-veloċità tal-vettura u l-veloċità tal-magna f’PP’ u fi tmiem l-aċċellerazzjoni għal kull kejl validu; |
(h) |
Il-metodu li ntuża biex tiġi kkalkulata l-aċċellerazzjoni; |
(i) |
Ir-riżultati intermedji tal-kejl a wot(i), a wot(i + 1), L wot(i), L wot(i + 1), L crs(i) u L crs(i + 1), jekk ikun applikabbli; |
(j) |
Il-fatturi ta’ differenzazzjoni k u k p u r-riżultati finali tal-kejl L wot, L crs u L urban; |
(k) |
It-tagħmir awżiljarju tal-vettura, fejn ikun xieraq, u l-kundizzjonijiet operattivi tiegħu; |
(l) |
Il-valuri kollha validi tal-livell ta’ pressjoni tal-ħoss differenzjat A għal kull test, elenkati skont in-naħa tal-vettura u skont id-direzzjoni tal-moviment tal-vettura fis-sit tat-test; u |
(m) |
L-informazzjoni kollha rilevanti li tkun meħtieġa sabiex jinkisbu livelli differenti ta’ emissjonijiet ta’ ħsejjes. |
4. IMMARKAR
4.1. Il-komponenti tas-sistema tal-egżost jew tas-sajlensers għandu jkollhom fuqhom l-identifikazzjonijiet li ġejjin:
4.1.1. |
L-isem kummerċjali jew il-marka kummerċjali tal-manifattur tas-sistema tal-egżost jew tas-sajlensers u tal-komponenti tagħha; |
4.1.2. |
Id-deskrizzjoni kummerċjali mogħtija mill-manifattur; |
4.1.3. |
In-numri ta’ identifikazzjoni tal-parts; u |
4.1.4. |
Għas-sajlensers oriġinali kollha, il-marka “E” segwita mill-identifikazzjoni tal-pajjiż li ta l-approvazzjoni tat-tip lill-komponent. (3) |
4.1.5. |
Kwalunkwe ppakkjar tas-sistemi oriġinali ta’ sostituzzjoni tal-egżost jew tas-sajlensers għandu jiġi mmarkat b’mod li jkun jista’ jinqara bil-kelmiet “original part [part oriġinali]” u bir-referenzi għall-għamla u għat-tip integrati flimkien mal-marka “E” u anki r-referenza tal-pajjiż ta’ oriġini. |
4.1.6. |
Immarkar bħal dan ma għandux ikun jista’ jitħassar, għandu jkun jista’ jinqara b’mod ċar u għandu jkun ukoll viżibbli, fil-pożizzjoni fejn il-komponent irid jiġi mmuntat fuq il-vettura. |
5. APPROVAZZJONI
5.1. Jekk it-tip ta’ mutur imressaq għall-approvazzjoni skont dan ir-Regolament jissodisfa r-rekwiżiti tal-paragrafi 6 u 7 iktar ’l isfel, l-approvazzjoni ta’ dak it-tip ta’ mutur għandha tingħata.
5.2. Għandu jiġi assenjat numru tal-approvazzjoni lil kull tip approvat. L-ewwel żewġ figuri tiegħu għandhom jindikaw is-serje ta’ emendi li jinkorporaw l-iktar emendi tekniċi maġġuri reċenti li jkunu saru fir-Regolament fiż-żmien meta nħarġet l-approvazzjoni. L-istess Parti Kontraenti ma tistax tassenja l-istess numru lill-istess tip ta’ mutur mgħammar b’tip ieħor ta’ sistema tal-egżost jew tas-sajlensers jew lil tip ieħor ta’ mutur.
5.3. L-avviż tal-approvazzjoni jew tar-rifjut tal-approvazzjoni ta’ tip ta’ mutur skont dan ir-Regolament għandu jiġi kkomunikat lill-Partijiet għall-Ftehim li japplikaw dan ir-Regolament, permezz ta’ formola li tkun konformi mal-mudell fl-Anness 1 għal dan ir-Regolament u permezz ta’ tpinġijiet tas-sistema tal-egżost jew tas-sajlensers, ipprovduti mill-applikant għall-approvazzjoni f’format li ma jkunx ikbar minn A4 (210 x 297 mm) jew li jkunu mitwija f’dak il-format u fuq skala xierqa.
5.4. Fuq kull mutur li jkun konformi ma’ tip ta’ mutur approvat skont dan ir-Regolament għandu jitwaħħal, f’post li jidher u li jkun faċilment aċċessibbli speċifikat fuq il-formola tal-approvazzjoni marka tal-approvazzjoni internazzjonali li tikkonsisti fi:
5.4.1. |
Ċirku madwar l-ittra “E” segwit min-numru distintiv tal-pajjiż li jkun ta l-approvazzjoni; (4) u |
5.4.2. |
In-numru ta’ dan ir-Regolament, segwit mill-ittra “R”, minn sing u min-numru tal-approvazzjoni fuq il-lemin taċ-ċirku preskritt fil-paragrafu 5.4.1. |
5.5. Jekk il-mutur ikun konformi ma’ tip ta’ mutur approvat, skont Regolament ieħor jew skont Regolamenti oħrajn annessi mal-Ftehim, fil-pajjiż li jkun ta l-approvazzjoni skont dan ir-Regolament, is-simbolu preskritt fil-paragrafu 5.4.1 ma għandux għalfejn jiġi ripetut; f’każ bħal dan, in-numri tar-Regolament u tal-approvazzjoni u s-simboli addizzjonali tar-Regolamenti kollha li abbażi tagħhom tkun ingħatat l-approvazzjoni fil-pajjiż li jkun ta l-approvazzjoni skont dan ir-Regolament għandhom jitqiegħdu f’kolonni vertikali fuq il-lemin tas-simbolu preskritt fil-paragrafu 5.4.1.
5.6. Il-marka tal-approvazzjoni għandha tkun tkun tista’ tinqara b’mod ċar u ma għandhiex tkun tista’ titħassar.
5.7. Il-marka tal-approvazzjoni għandha titqiegħed qrib ta’ jew fuq il-pjanċa tad-dejta tal-mutur li jkun waħħal il-manifattur.
5.8. L-Anness 2 għal dan ir-Regolament jagħti eżempji tal-arranġamenti tal-marka tal-approvazzjoni.
6. SPEĊIFIKAZZJONIJIET
6.1. Speċifikazzjonijiet ġenerali:
6.1.1. |
L-informazzjoni li ġejja għandha tiġi pprovduta fuq il-mutur f’post faċilment aċċessibbli imma mhux bilfors viżibbli mill-ewwel:
|
6.2. Speċifikazzjonijiet dwar il-livelli tal-ħoss:
6.2.1. |
L-emissjonijiet ta’ ħsejjes tat-tip ta’ mutur imressaq għall-approvazzjoni għandhom jitkejlu biż-żewġ metodi deskritti fl-Anness 3 għal dan ir-Regolament (mutur f’moviment u mutur wieqaf) (5); fil-każ ta’ mutur fejn il-magna ta’ kombustjoni interna ma taħdimx meta l-mutur ikun wieqaf, l-istorbju emess għandu jitkejjel biss meta l-mutur ikun qed jagħmel moviment. |
6.2.2. |
Ir-riżultati tat-test miksuba skont id-dispożizzjonijiet tal-paragrafu 6.2.1 iktar ’il fuq għandhom jitniżżlu fir-rapport tat-test u fuq formola li tkun konformi mal-mudell fl-Anness 1 għal dan ir-Regolament. |
6.2.3. |
Ir-riżultati tat-test għall-mutur f’moviment miksuba skont il-paragrafu 1 tal-Anness 3 għal dan ir-Regolament u matematikament imqarrba għall-eqreb numru sħiħ ma għandhomx jaqbżu l-limiti preskritti (għal muturi ġodda u għal sistemi tas-sajlensers ġodda) fl-Anness 6 għal dan ir-Regolament għall-kategorija li lilha jappartjeni l-mutur. Fi kwalunkwe każ, L wot ma għandux jaqbeż il-valur ta’ limitu għal L urban b’iktar minn 5 dB. |
6.3. Dispożizzjonijiet addizzjonali dwar l-emissjonijiet ta’ ħsejjes:
6.3.1. |
Il-manifattur tal-mutur ma għandux ibiddel, jaġġusta jew jintroduċi intenzjonalment kwalunkwe apparat jew proċedura biss sabiex jissodisfa r-rekwiżiti tal-emissjonijiet tal-istorbju ta’ dan ir-Regolament, li ma għandhomx ikunu operattivi waqt tħaddim tipiku fit-triq. |
6.3.2. |
It-tip ta’ vettura li għandu jiġi approvat għandu jissodisfa r-rekwiżiti tal-Anness 7 għal dan ir-Regolament. Jekk il-mutur ikollu programmi jew modalitajiet ta’ softwer li jista’ jingħażel mill-utent li jaffettwaw l-emissjoni ta’ ħsejjes tal-vettura, dawn il-modalitajiet kollha għandhom ikunu f’konformità mar-rekwiżiti fl-Anness 7. L-ittestjar għandu jkun ibbażat fuq ix-xenarju tal-agħar każ. |
6.3.3. |
Fl-applikazzjoni għal approvazzjoni tat-tip jew għal modifika jew estensjoni ta’ approvazzjoni tat-tip, il-manifattur għandu jipprovdi dikjarazzjoni skont l-Anness 8 li t-tip ta’ vettura li għandu jiġi approvat huwa konformi mar-rekwiżiti tal-paragrafi 6.3.1 u 6.3.2 ta’ dan ir-Regolament. |
6.3.4. |
L-awtorità kompetenti tista’ twettaq kwalunkwe test preskritt f’dan ir-Regolament. |
6.4. Speċifikazzjonijiet addizzjonali dwar sistemi tal-egżost jew tas-sajlensers mimlija b’materjal fibruż:
6.4.1. |
Jekk is-sistema tal-egżost jew tas-sajlensers tal-mutur ikun fiha materjali fibrużi, għandhom japplikaw ir-rekwiżiti tal-Anness 5. Jekk l-intake tal-magna jkun mgħammar b’filtru tal-arja u/jew b’assorbitur tal-istorbju tal-intake li huwa(huma) meħtieġ(a) sabiex tkun żgurata konformità mal-livell permissibbli ta’ ħoss, il-filtru u/jew l-assorbitur għandu(hom) jiġi(u) kkunsidrat(i) bħala li huwa(huma) parti mis-sistema tas-sajlensers, u r-rekwiżiti tal-Anness 5 għandhom japplikaw għalih(hom) ukoll. |
6.5. Preskrizzjonijiet addizzjonali relatati mal-possibbiltà ta’ tbagħbis u ma’ sistemi multimodali u manwalment aġġustabli tal-egżost jew tas-sajlensers:
6.5.1. |
Is-sistemi tal-egżost jew tas-sajlensers kollha għandhom jinbnew b’mod li ma jippermettix li l-baffles (apparat li jnaqqas l-istorbju li tagħmel is-sistema tal-egżost), il-koni tal-ħruġ (exit-cones) u parts oħrajn li l-funzjoni primarja tagħhom hija bħala parti mill-kompartimenti tas-sajlensers/espansjoni jkunu jistgħu faċilment jitneħħew. Fejn l-inkorporazzjoni ta’ part bħal din tkun inevitabbli, il-metodu biex din titwaħħal għandu jkun tali li t-tneħħija ma tkunx iffaċilitata wisq (pereżempju, permezz ta’ fissanti b’kamin konvenzjonali) u għandha tkun imwaħħla wkoll b’tali mod li t-tneħħija tikkawża ħsara permanenti/irrekuperabbli lill-assemblaġġ. |
6.5.2. |
Is-sistemi tal-egżost jew tas-sajlensers b’iktar minn modalità operattiva manwalment aġġustabbli waħda għandhom jissodisfaw ir-rekwiżiti kollha fil-modalitajiet operattivi kollha il-livelli rrapportati ta’ storbju għandhom ikunu dawk li jirriżultaw mill-modalità bl-ogħla livelli ta’ storbju. |
7. MODIFIKA U ESTENSJONI TAL-APPROVAZZJONI TAT-TIP TA’ MUTUR JEW TAT-TIP TA’ SISTEMA(I) TAL-EGŻOST JEW TAS-SAJLENSERS
7.1. Kull modifika tat-tip ta’ mutur jew tas-sistema tal-egżost jew tas-sajlensers għandha tiġi nnotifikata lill-Awtorità tal-Approvazzjoni tat-Tip li tkun approvat it-tip ta’ mutur. L-Awtorità tal-Approvazzjoni tat-Tip imbagħad tista’ jew:
7.1.1. |
Tikkunsidra li l-modifiki li saru mhuwiex probabbli li se jkollhom effetti ħżiena apprezzabbli, u li fi kwalunkwe każ, il-mutur għadu konformi mar-rekwiżiti ta’ dan ir-Regolament; jew |
7.1.2. |
Teżiġi rapport tat-test ieħor mingħand is-Servizz Tekniku responsabbli mit-twettiq tat-testijiet. |
7.2. Konferma jew rifjut tal-approvazzjoni, fejn jiġu speċifikati l-bidliet, għandha tiġi kkomunikata permezz tal-proċedura speċifikata fil-paragrafu 5.3 iktar ’il fuq lill-Partijiet għall-Ftehim li japplikaw dan ir-Regolament.
7.3. L-awtorità kompetenti li tkun ħarġet l-estensjoni tal-approvazzjoni għandha tassenja numru tas-serje lill-estensjoni u għandha tinnotifika b’dan lill-Partijiet l-oħra għall-Ftehim tal-1958 li japplikaw dan ir-Regolament, permezz ta’ formola ta’ komunikazzjoni li tkun konformi mal-mudell fl-Anness 1 għal dan ir-Regolament.
8. KONFORMITÀ TAL-PRODUZZJONI
Il-proċeduri ta’ konformità tal-produzzjoni għandhom ikunu konformi ma’ dawk stabbiliti fl-Appendiċi 2 għall-Ftehim (E/ECE/324-E/ECE/TRANS/505/Rev.2) bir-rekwiżiti li ġejjin:
8.1. Kwalunkwe mutur manifatturat għandu jkun konformi ma’ tip ta’ mutur approvat skont dan ir-Regolament, għandu jkun mgħammar bis-sajlenser li bih ngħata l-approvazzjoni tat-tip u għandu jissodisfa r-rekwiżiti tal-paragrafu 6 iktar ’il fuq.
8.2. Sabiex tkun ittestjata l-konformità kif inhu meħtieġ iktar ’il fuq, għandu jittieħed kampjun ta’ mutur mil-linja ta’ produzzjoni tat-tip approvat skont dan ir-Regolament il-livelli tal-ħoss tiegħu, imkejla u pproċessati (L urban u L wot) skont il-metodu deskritt fl-Anness 3, bl-istess ger(ijiet) u bl-istess distanza(i) ta’ preaċċellerazzjoni kif intużaw fit-test oriġinali tal-approvazzjoni tat-tip, u matematikament imqarrba għall-eqreb numru sħiħ la għandhom jaqbżu b’iktar minn 3,0 dB(A) il-valuri mkejla u pproċessati fi żmien l-approvazzjoni tat-tip u lanqas ma għandhom jaqbżu b’iktar minn 1,0 dB(A) il-limiti stabbiliti fl-Anness 6 għal dan ir-Regolament.
8.3. Għall-konformità tal-produzzjoni, il-manifattur għandu jagħmel dikjarazzjoni mill-ġdid li t-tip għadu jissodisfa r-rekwiżiti tal-paragrafi 6.3.1 u 6.3.2 ta’ dan ir-Regolament. F’każ ta’ ttestjar skont l-Anness 7, il-livelli mkejla ta’ ħoss ma għandhomx jaqbżu b’iktar minn 1,0 dB(A) il-limiti mogħtija fil-paragrafu 2.6 tal-Anness 7.
9. PENALI GĦAL NUQQAS TA’ KONFORMITÀ TAL-PRODUZZJONI
9.1. L-approvazzjoni mogħtija fir-rigward ta’ tip ta’ mutur skont dan ir-Regolament tista’ tiġi rtirata jekk ir-rekwiżiti stabbiliti fil-paragrafu 8 iktar ’il fuq ma jiġux sodisfatti.
9.2. Jekk Parti għall-Ftehim, li tapplika dan ir-Regolament, tirtira approvazzjoni li tkun tat preċedentement, hija għandha tinnotifika minnufih b’dan lill-Partijiet Kontraenti l-oħra li japplikaw dan ir-Regolament permezz ta’ formola ta’ komunikazzjoni li tkun konformi mal-mudell fl-Anness 1 għal dan ir-Regolament.
10. PRODUZZJONI MWAQQFA DEFINITTIVAMENT
Jekk id-detentur tal-approvazzjoni jwaqqaf għalkollox il-manifattura ta’ tip ta’ mutur approvat skont dan ir-Regolament, huwa għandu jinforma lill-awtorità li tkun tat l-approvazzjoni malli tirċievi l-komunikazzjoni rilevanti, dik l-awtorità għandha tinforma b’dan lill-Partijiet l-oħra għall-Ftehim li japplikaw dan ir-Regolament permezz ta’ formola ta’ komunikazzjoni li tkun konformi mal-mudell fl-Anness 1 għal dan ir-Regolament.
11. ISMIJIET U INDIRIZZI TA’ SERVIZZI TEKNIĊI RESPONSABBLI MIT-TWETTIQ TAT-TESTIJIET TAL-APPROVAZZJONI, U TA’ AWTORITAJIET TAL-APPROVAZZJONI TAT-TIP
Il-Partijiet għall-Ftehim tal-1958 li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli mit-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip li jagħtu l-approvazzjoni u li lilhom għandhom jintbagħtu l-formoli li jiċċertifikaw approvazzjoni jew estensjoni jew rifjut jew irtirar tal-approvazzjoni, maħruġa f’pajjiżi oħrajn.
12. DISPOŻIZZJONIJIET TRANŻITORJI
12.1. Mid-data uffiċjali tad-dħul fis-seħħ tas-serje 04 ta’ emendi, l-ebda Parti Kontraenti li tapplika dan ir-Regolament ma għandha tirrifjuta li tagħti approvazzjoni skont dan ir-Regolament kif ġie emendat bis-serje 04 ta’ emendi.
12.2. Mill-1 ta’ Jannar 2014, il-Partijiet Kontraenti li japplikaw dan ir-Regolament għandhom jagħtu approvazzjonijiet biss jekk it-tip ta’ mutur li għandu jiġi approvat jissodisfa r-rekwiżiti ta’ dan ir-Regolament kif ġie emendata bis-serje 04 ta’ emendi.
12.3. Il-Partijiet Kontraenti li japplikaw dan ir-Regolament ma għandhomx jirrifjutaw li jagħtu estensjonijiet tal-approvazzjoni skont is-serje preċedenti ta’ emendi għal dan ir-Regolament.
12.4. Il-Partijiet Kontraenti li japplikaw dan ir-Regolament jistgħu jkomplu jagħtu approvazzjonijiet lil dawk it-tipi ta’ muturi li jkunu konformi mar-rekwiżiti ta’ dan ir-Regolament kif ġie emendat bis-serje preċedenti ta’ emendi sad-data fil-paragrafu 12.2.
12.5. L-approvazzjonijiet mogħtija skont dan ir-Regolament qabel id-dħul fis-seħħ tas-serje 04 ta’ emendi u l-estensjonijiet kollha ta’ tali approvazzjonijiet, inklużi dawk mogħtija wara skont serje preċedenti ta’ emendi għal dan ir-Regolament, għandhom jibqgħu validi b’mod indefinit. Jekk it-tip ta’ mutur approvat skont is-serje preċedenti ta’ emendi jissodisfa r-rekwiżiti ta’ dan ir-Regolament kif ġie emendat bis-serje 04 ta’ emendi, il-Parti Kontraenti li tkun tat l-approvazzjoni għandha tinnotifika b’dan lill-Partijiet Kontraenti l-oħra li japplikaw dan ir-Regolament.
12.6. L-ebda Parti Kontraenti li tapplika dan ir-Regolament ma għandha tirrifjuta approvazzjoni tat-tip nazzjonali ta’ tip ta’ mutur approvat skont is-serje 04 ta’ emendi għal dan ir-Regolament jew li jissodisfa r-rekwiżiti tagħhom.
12.7. Mill-1 ta’ Jannar 2017, il-Partijiet Kontraenti li japplikaw dan ir-Regolament jistgħu jirrifjutaw l-ewwel reġistrazzjoni nazzjonali (l-ewwel dħul fis-servizz) ta’ mutur li ma jissodisfax ir-rekwiżiti tas-serje 04 ta’ emendi għal dan ir-Regolament.
(1) Kif ġiet iddefinita fir-Riżoluzzjoni Konsolidata dwar il-Kostruzzjoni tal-Vetturi (R.E.3), id-dokument ECE/TRANS/WP.29/78/Rev.2, para.2.
(2) Jekk il-qawwa netta massima nominali tintlaħaq b’diversi veloċitajiet tal-magna, f’dan ir-Regolament S tintuża bħala l-ogħla veloċità tal-magna li biha tintlaħaq il-qawwa netta massima nominali.
(3) In-numri distintivi tal-Partijiet Kontraenti għall-Ftehim tal-1958 huma riprodotti fl-Anness 3 għar-Riżoluzzjoni Konsolidata dwar il-Kostruzzjoni tal-Vetturi (R.E.3), dokument ECE/TRANS/WP.29/78/Rev.2/Amend.1.
(4) L-istabbiliment ta’ bażi tad-dejta elettronika dwar l-approvazzjonijiet tat-tip mistennija tagħmel il-provvista tad-dejta ta’ referenza tal-konformità fl-użu dwar il-mutur żejda.
(5) Isir test fuq mutur wieqaf sabiex jiġi pprovdut valur ta’ referenza għall-amministrazzjonijiet li jużaw dan il-metodu sabiex jikkokntrollaw il-muturi li qed jintużaw.
ANNESS 1
KOMUNIKAZZJONI
(Format massimu: A4 (210 × 297 mm)
ANNESS 2
ARRANĠAMENTI TAL-MARKI TAL-APPROVAZZJONI
Mudell A
(Ara l-paragrafu 5.4 ta’ dan ir-Regolament)
Il-marka tal-approvazzjoni ta’ hawn fuq imwaħħla fuq mutur turi li t-tip ta’ mutur ikkonċernat, fir-rigward tal-istorbju, ġie approvat fil-Pajjiżi l-Baxxi (E4) skont ir-Regolament Nru 41 bin-numru ta’ approvazzjoni 042439. L-ewwel żewġ figuri tan-numru tal-approvazzjoni jindikaw li l-approvazzjoni ngħatat skont ir-rekwiżiti tar-Regolament Nru 41 kif ġie emendat bis-serje 04 ta’ emendi.
Mudell B
(Ara l-paragrafu 5.5 ta’ dan ir-Regolament)
Il-marka ta’ approvazzjoni ta’ hawn fuq imwaħħla fuq mutur turi li t-tip ta’ mutur ikkonċernat ġie approvat fil-Pajjiżi l-Baxxi (E 4) skont ir-Regolamenti Nri 41 u 10. L-ewwel żewġ figuri tan-numri tal-approvazzjoni jindikaw li fid-data meta ngħataw dawn l-approvazzjonijiet, ir-Regolament Nru 41 kien jinkludi s-serje 04 ta’ emendi u r-Regolament Nru 10 kien jinkludi s-serje 01 ta’emendi.
ANNESS 3
METODI U STRUMENTI GĦALL-KEJL TAL-ISTORBJU LI JAGĦMLU L-MUTURI
1. Storbju tal-mutur f’moviment (kundizzjonijiet u metodu ta’ kejl għall-ittestjar tal-vettura waqt l-approvazzjoni tat-tip tal-komponenti).
1.1. Strumenti tal-kejl
1.1.1. Kejl akustiku
1.1.1.1. Ġenerali
L-apparat użat biex jitkejjel il-livell ta’ pressjoni tal-ħoss għandu jkun miter tal-livell tal-ħoss jew sistema ta’ kejl ekwivalenti li jissodisfa r-rekwiżiti tal-istrumenti tal-Klassi 1 (inkluż il-windskrin rakkomandat, jekk jintuża). Dawn ir-rekwiżiti ġew deskritti fl-IEC 61672-1:2002.
Il-kejl għandu jitwettaq billi tintuża d-differenzazzjoni tal-ħin “F” tal-istrument ta’ kejl akustiku u l-kurva tad-differenzazzjoni tal-frekwenzi “A”, hija wkoll deskritta fl-IEC 61672-1:2002 meta tinuża sistema li tinkludi monitoraġġ perjodiku tal-livell ta’ pressjoni tal-ħoss differenzjat A, għandu jittieħed qari f’intervall ta’ ħin mhux ikbar minn 30 ms.
L-istrumenti għandhom jinżammu f’kundizzjoni tajba u għandhom jiġu kkalibrati skont l-istruzzjonijiet tal-manifattur tal-istrumenti.
1.1.1.2. Kalibrazzjoni
Fil-bidu u fi tmiem kull sessjoni ta’ kejl, is-sistema kollha ta’ kejl akustiku għandha tiġi kkontrollata permezz ta’ kalibratur tal-ħoss li jissodisfa r-rekwiżiti għall-kalibraturi tal-ħoss tal-Klassi 1 skont l-IEC 60942:2003. Bla ebda aġġustament ulterjuri, id-differenza bejn il-qari għandha tkun inqas minn jew ta’ 0,5 dB(A). Jekk dan il-valur jinqabeż, ir-riżultati tal-kejl miksuba wara l-kontroll sodisfaċenti preċedenti għandhom jitwarrbu.
1.1.1.3. Konformità mar-rekwiżiti
Il-konformità tal-kalibratur tal-ħoss mar-rekwiżiti tal-IEC 60942:2003 għandha tiġi vverifikata darba fis-sena il-konformità tas-sistema ta’ strumentazzjoni mar-rekwiżiti tal-IEC 61672-1:2002 għandha tiġi vverifikata mill-inqas kull sentejn. L-ittestjar tal-konformità kollu għandu jitwettaq minn laboratorju li jkun awtorizzat iwettaq kalibrazzjonijiet traċċabbli għall-istandards xierqa.
1.1.2. Strumentazzjoni għal kejl tal-veloċità
Il-veloċità rotazzjonali tal-magna għandha titkejjel bi strument li jissodisfa l-limiti ta’ speċifikazzjoni ta’ mill-inqas ± 2 fil-mija jew aħjar bil-veloċitajiet tal-magna meħtieġa għall-kejl li jkun qed jitwettaq.
Il-veloċità fit-triq tal-vettura għandha titkejjel bi strumenti li jissodisfaw limiti ta’ speċifikazzjoni ta’ mill-inqas ± 0,5 km/h meta jintużaw apparati għal kejl kontinwu.
Jekk l-ittestjar juża kejl indipendenti tal-veloċità, din l-istrumentazzjoni għandha tissodisfa limiti ta’ speċifikazzjoni ta’ mill-inqas ± 0,2 km/h (1).
1.1.3. Strumentazzjoni meteoroloġika
L-istrumentazzjoni meteoroloġika użata sabiex jiġu mmonitorjati l-kundizzjonijiet ambjentali waqt it-test għandha tissodisfa l-ispeċifikazzjonijiet li ġejjin:
|
± 1 °C jew inqas għal apparat li jkejjel it-temperatura; |
|
± 1,0 m/s għal apparat li jkejjel il-veloċità tar-riħ; |
|
± 5 hPa għal apparat li jkejjel il-pressjoni barometrika; |
|
± 5 fil-mija għal apparat li jkejjel l-umdità relattiva. |
1.2. Ambjent akustiku, kundizzjonijiet meteoroloġiċi u ħsejjes fl-isfond
1.2.1. Sit tat-test
Is-sit tat-test għandu jikkonsisti f’sezzjoni ċentrali għall-aċċellerazzjoni mdawra b’żona tat-test sostanzjalment watja is-sezzjoni għall-aċċellerazzjoni għandha tkun watja; il-wiċċ tagħha għandu jkun niexef u għandu jkun iddisinjat b’tali mod li l-istorbju tat-tidwir jibqa’ baxx.
Fis-sit tat-test, il-varjazzjonijiet fil-kamp akustiku ħieles bejn is-sors tal-ħoss fiċ-ċentru tas-sezzjoni għall-aċċellerazzjoni u l-mikrofonu għandhom jinżammu fi ħdan 1 dB(A). Din il-kundizzjoni titqies bħala li ġiet sodisfatta jekk ma jkun hemm l-ebda oġġett kbir li jirrifletti l-ħsejjes, bħal ċnut, blat, pontijiet jew bini, f’distanza ta’ 50 m miċ-ċentru tas-sezzjoni għall-aċċellerazzjoni il-wiċċ tat-triq li jkopri s-sit tat-test għandu jkun konformi mar-rekwiżiti tal-Anness 4.
Il-mikrofonu ma għandux ikun ostakolat b’xi mod li jista’ jaffettwa l-kamp akustiku, u l-ebda persuna ma tista’ toqgħod bilwieqfa bejn il-mikrofonu u s-sors tal-ħoss. L-osservatur li jwettaq il-kejl għandu jsib pożizzjoni b’tali mod li ma jaffettwax il-qari tal-istrument tal-kejl.
1.2.2. Kundizzjonijiet meteoroloġiċi
L-istrumentazzjoni meteoroloġika għandha tagħti dejta rappreżentattiva tas-sit tat-test, u għandha tiġi ppożizzjonata biswit iż-żona tat-test f’għoli li jirrappreżenta l-għoli tal-mikrofonu li qed ikejjel.
Il-kejl għandu jsir meta t-temperatura tal-arja ambjentali tkun fil-medda li tvarja minn 5 °C sa 45 °C it-testijiet ma għandhomx jitwettqu jekk il-veloċità tar-riħ, inklużi l-buffuri, fl-għoli tal-mikrofonu taqbeż il-5 m/s waqt l-intervall fil-kejl tal-istorbju.
Waqt l-intervall fil-kejl tal-istorbju għandu jiġi rreġistrat valur rappreżentattiv tat-temperatura, tal-veloċità u tad-direzzjoni tar-riħ, tal-umdità relattiva u tal-pressjoni barometrika.
1.2.3. Ħsejjes fl-isfond
Meta jittieħed il-qari, kwalunwe livell massimu ta’ ħoss li jidher li ma jkunx relatat mal-karatteristiċi tal-livell ġenerali tal-istorbju tal-vettura għandu jiġi injorat.
Il-ħsejjes fl-isfond għandhom jitkejlu għal perjodu ta’ 10 s immedjatament qabel u wara serje ta’ testijiet fuq il-vettura il-kejl għandu jsir bl-istess mikrofoni u fl-istess postijiet fejn ikunu tqiegħdu l-mikrofoni li ntużaw waqt it-test. Għandu jiġi rrapportat il-livell massimu ta’ pressjoni tal-ħoss differenzjat A.
Il-ħsejjes fl-isfond (inkluż kwalunkwe storbju minħabba r-riħ) għandhom ikunu mill-inqas 10 dB(A) taħt il-livell ta’ pressjoni tal-ħoss differenzjat A prodott mill-vettura li tkun qed tiġi ttestjata. Jekk id-differenza bejn il-livell ta’ pressjoni tal-ħoss fl-isfond u l-livell imkejjel ta’ pressjoni tal-ħoss tkun bejn 10 dB(A) u 15 dB(A), sabiex jiġi kkalkulat ir-riżultat tat-test, mill-qari fuq il-miter tal-livell tal-ħoss għandha titnaqqas il-korrezzjoni xierqa, kif jintwera fit-Tabella.
Korrezzjoni applikata lil valur individwali mkejjel tat-test
Differenza tal-livell ta’ pressjoni tal-ħoss fl-isfond mil-livell imkejjel ta’ pressjoni tal-ħoss, f’dB |
10 |
11 |
12 |
13 |
14 |
≥ 15 |
Korrezzjoni, f’dB(A) |
0,5 |
0,4 |
0,3 |
0,2 |
0,1 |
0,0 |
1.3. Proċeduri tat-test
1.3.1. Pożizzjonijiet tal-mikrofoni
Id-distanza tal-pożizzjonijet tal-mikrofoni mil-linja CC’, fuq il-linja tal-mikrofonu PP’, perpendikulari għal-linja ta’ referenza CC’ fuq il-mogħdija tat-test (ara l-Anness 4 – Grafika 1), għandha tkun ta’ 7,5 ± 0,05 m.
Il-mikrofoni għandhom ikunu 1,2 ± 0,02 m ’il fuq mil-livell tal-art id-direzzjoni ta’ referenza għal kundizzjonijiet ta’ kamp ħieles (ara l-IEC 61672-1:2002) għandha tkun waħda orizzontali u diretta b’mod perpendikulari lejn il-mogħdija tal-linja tal-vettura CC’.
1.3.2. Kundizzjonijiet tal-vettura
1.3.2.1. Kundizzjonijiet ġenerali
Il-vettura għandha tiġi pprovduta kif ġie speċifikat mill-manifattur tal-vettura.
Qabel ma jibda l-kejl, il-vettura għandha tinġieb għall-kundizzjonijiet operattivi normali tagħha.
Jekk il-mutur ikun mgħammar b’fannijiet li jkollhom mekkaniżmu ta’ attwazzjoni awtomatiku, din is-sistema ma għandhiex tiġi mbagħbsa waqt il-kejl tal-ħsejjes. Għall-muturi li jkollhom iktar minn rota misjuqa waħda, jista’ jintuża biss l-ingranaġġ ipprovdut għal tħaddim normali fit-triq. Jekk il-mutur ikun mgħammar b’sidecar, dan għandu jitneħħa għall-finijiet tat-test.
1.3.2.2. Massa tat-test tal-vettura
Il-kejl għandu jsir fuq vetturi bil-massa tat-test m t li ġejja, f’kg, speċifikata bħala:
(75 ± 5 kg hija daqs il-massa tas-sewwieq u tal-istrumentazzjoni)
1.3.2.3. Għażla u kundizzjoni tat-tajers
It-tajers għandhom ikunu adattati għall-vettura u għandhom jintefħu sal-pressjoni rakkomandata mill-manifattur tal-vettura għall-massa tat-test tal-vettura.
It-tajers għandhom jintgħażlu mill-manifattur tal-vettura u għandhom jikkorrispondu għal wieħed mid-daqsijiet u mit-tipi ta’ tajers indikati għall-vettura mill-manifattur tal-vettura il-fond minimu tal-wiċċ imfellel tat-tajer għandu jkun mill-inqas ta’ 80 fil-mija tal-fond kollu tal-wiċċ imfellel tat-tajer.
1.3.3. Kundizzjonijiet operattivi
1.3.3.1. Kundizzjonijiet operattivi ġenerali
Il-mogħdija tal-linja ċentrali tal-vettura għandha ssegwi kemm jista’ jkun mill-qrib il-linja CC’ matul it-test kollu, mill-avviċinament għal-linja AA’ sakemm il-parti ta’ wara tal-vettura tgħaddi l-linja BB’ (ara l-Anness 4 – Grafika 1).
1.3.3.1.1. Għat-testijiet tal-aċċellerazzjoni bl-aċċeleratur magħfus kollu, il-vettura għandha tavviċina l-linja AA’ b’veloċità kostanti meta l-parti ta’ quddiem tal-vettura tgħaddi l-linja AA’, il-kontroll tal-aċċeleratur għandu jiġi mċaqlaq għall-pożizzjoni massima tal-aċċeleratur malajr kemm jista’ jkun u għandu jinżamm f’din il-pożizzjoni sakemm il-parti ta’ wara tal-vettura tgħaddi l-linja BB’. F’dan il-mument, il-kontroll tal-aċċeleratur għandu jiġi mċaqlaq għall-pożizzjoni ta’ meta l-magna ma tkunx ingranata (idle) malajr kemm jista’ jkun.
Sakemm ma jiġix speċifikat mod ieħor, il-manifattur jista’ jagħżel li juża l-preaċċellerazzjoni f’test tal-aċċellerazzjoni bl-aċċeleratur magħfus kollu sabiex tinkiseb aċċellerazzjoni stabbli bejn il-linji AA’ u BB’ test bil-preaċċellerazzjoni jipproċedi kif ġie deskritt iktar ’il fuq ħlief għall-fatt li l-kontroll tal-aċċeleratur ikun ġie mċaqlaq għall-pożizzjoni massima tal-aċċeleratur diġà qabel ma l-vettura tgħaddi l-linja AA’, jiġifieri meta l-parti ta’ quddiem tal-vettura tkun għadha f’distanza l PA, it-tul tal-preaċċellerazzjoni, ’il bogħod mil-linja AA’.
Il-veloċità tal-avviċinament għandha tingħażel b’tali mod li l-vettura tilħaq veloċità preskritta tat-test v test meta l-parti ta’ quddiem tagħha tgħaddi l-linja PP’.
1.3.3.1.2. Waqt testijiet tal-veloċità kostanti, l-unità ta’ kontroll tal-aċċellerazzjoni għandha tiġi ppożizzjonata sabiex iżżomm veloċità kostanti tal-vettura bejn il-linji AA’ u BB’.
1.3.3.2. Kundizzjonijiet operattivi għal vetturi b’PMR ≤ 25
Il-vettura tiġi ttestjata b’test tal-aċċellerazzjoni bl-aċċeleratur magħfus kollu bl-ispeċifikazzjonijiet li ġejjin:
(a) |
Il-veloċità tat-test għandha tkun
|
(b) |
Meta l-parti ta’ wara tal-vettura tgħaddi l-linja BB’ il-veloċità tal-vettura ma għandhiex taqbeż il-75 fil-mija tal-veloċità massima tal-vettura kif ġiet iddefinita fil-paragrafu 2.10 ta’ dan ir-Regolament u l-veloċità tal-magna ma għandhiex taqbeż il-veloċità nominali tal-magna. |
Il-ger għat-test għandu jingħażel bil-mod iterattiv li ġej:
Il-veloċità inizjali tat-test għandha tkun kif ġie speċifikat iktar ’il fuq il-veloċità tat-test għandha titnaqqas b’żidiet ta’ 10 fil-mija ta’ v test (jiġifieri, 4 km/h) f’każ li l-veloċità tal-ħruġ v BB’ taqbeż il-75 fil-mija ta’ v max jew f’każ li l-veloċità tal-magna taqbeż il-veloċità nominali tal-magna S f’BB’ il-ger magħżul għandu jkun l-iktar wieħed baxx mingħajr ma tinqabeż il-veloċità nominali tal-magna S waqt it-test il-kundizzjonijiet finali tat-test jiġu ddeterminati bl-iktar ger baxx possibbli bl-ogħla veloċità possibbli tat-test mingħajr ma jinqabeż jew 75 fil-mija ta’ v max jew il-veloċità nominali tal-magna S f’BB’.
Sabiex jiġi ffrankat il-ħin tal-ittestjar, il-manifattur jista’ jipprovdi informazzjoni dwar il-proċedura iterattiva għall-għażla tal-gerijiet speċifikata iktar ’il fuq.
Fl-Appendiċi 1 għal dan l-anness qed tintwera dijagramma sekwenzjali (flowchart) tal-proċedura tat-test.
1.3.3.3. Kundizzjonijiet operattivi għal vetturi b’PMR > 25
Il-vettura tiġi ttestjata f’test tal-aċċellerazzjoni bl-aċċeleratur magħfus kollu u f’test tal-veloċità kostanti.
1.3.3.3.1. Test tal-aċċellerazzjoni bl-aċċeleratur magħfus kollu
Għat-testijiet tal-aċċellerazzjoni bl-aċċeleratur magħfus kollu, il-veloċità tat-test u l-aċċellerazzjoni medja tal-vettura fil-mogħdija tat-test jiġu speċifikati.
L-aċċellerazzjonijiet ma jitkejlux direttament imma jiġu kkalkulati mill-kejl tal-veloċità tal-vettura kif ġie deskritt fil-paragrafu 1.4 iktar ’l isfel.
1.3.3.3.1.1. Veloċità tat-test
Il-veloċità tat-test v test għandha tkun:
|
40 ± 1 km/h għal vetturi b’PMR ≤ 50; u |
|
50 ± 1 km/h għal vetturi b’PMR > 50. |
Jekk, f’ger partikolari, il-veloċità tal-ħruġ v BB’ taqbeż il-75 fil-mija tal-veloċità massima v max tal-vettura, il-veloċità tat-test għat-test f’dan il-ger għandha titnaqqas suċċessivament b’żidiet ta’ 10 fil-mija ta’ v test (jiġifieri, 4 km/h jew 5 km/h) sakemm il-veloċità tal-ħruġ v BB’ taqa’ taħt il-75 fil-mija ta’ v max.
1.3.3.3.1.2. Aċċellerazzjoni ta’ referenza u aċċellerazzjoni fil-mira
Waqt it-testijiet tal-aċċellerazzjoni bl-aċċeleratur magħfus kollu, il-vettura għandha tilħaq l-aċċellerazzjoni ta’ referenza a wot ref iddefinita bħala:
|
|
|
|
Ir-riżultati ta’ dawn it-testijiet tal-aċċellerazzjoni bl-aċċeleratur magħfus kollu jintużaw flimkien mar-riżultati tat-testijiet tal-veloċità kostanti sabiex japprossimizzaw aċċellerazzjoni b’tagħbija parzjali tipika għal sewqan urban. L-aċċellerazzjoni fil-mira korrispondenti a urban tiġi ddefinita bħala:
|
|
|
|
1.3.3.3.1.3. Għażla tal-gerijiet
Hija r-responsabbiltà tal-manifattur li jiddetermina l-mod korrett ta’ ttestjar sabiex jintlaħqu l-veloċità u l-aċċellerazzjoni tat-test meħtieġa.
1.3.3.3.1.3.1. Vetturi bi trażmissjonijiet manwali, bi trażmissjonijiet awtomatiċi jew bi trażmissjonijiet bi proporzjonijiet ta’ trażmissjoni kontinwament varjabbli (CVT’s) ittestjati b’gerijiet illokkjati
L-għażla tal-gerijiet għat-test tiddependi mill-aċċellerazzjoni speċifika taħt aċċeleratur magħfus kollu fid-diversi gerijiet b’rabta mal-aċċellerazzjoni ta’ referenza a wot,ref meħtieġa għat-testijiet tal-aċċellerazzjoni bl-aċċeleratur magħfus kollu skont il-paragrafu 1.3.3.3.1.2 iktar ’il fuq.
Il-kundizzjonijiet għall-għażla tal-ger li ġejjin huma possibbli:
(a) |
Jekk ikun hemm żewġ gerijiet li jagħtu aċċellerazzjoni f’faxxa ta’ tolleranza ta’ ± 10 fil-mija tal-aċċellerazzjoni ta’ referenza a wot,ref, għat-test għandu jintuża l-ger li jkun l-eqreb tal-aċċellerazzjoni ta’ referenza u għandu jiġi identifikat bħala tali fir-rapport tat-test; |
(b) |
Jekk ger wieħed speċifiku biss jagħti aċċellerazzjoni fil-faxxa ta’ tolleranza ta’ ± 10 fil-mija tal-aċċellerazzjoni ta’ referenza a wot ref, it-test għandu jitwettaq b’dak il-ger; |
(c) |
Jekk l-ebda wieħed mill-gerijiet ma jagħti l-aċċellerazzjoni meħtieġa fi ħdan ± 10 fil-mija tal-aċċellerazzjoni ta’ referenza a wot,ref, mela t-testijiet għandhom jitwettqu f’żewġ gerijiet biswit xulxin (i) u (i + 1) magħżula b’tali mod li l-ger (i) jagħti aċċellerazzjoni ogħla u l-ger (i + 1) aċċellerazzjoni iktar baxxa mill-aċċellerazzjoni ta’ referenza a wot,ref. |
Jekk il-veloċità nominali tal-magna tinqabeż f’ger qabel ma l-vettura tgħaddi BB’, għandu jintuża l-ogħla ger li jmiss.
Jekk il-vettura jkollha iktar minn ger wieħed, l-ewwel ger ma għandux jintuża. Jekk awot,ref tista’ tintlaħaq biss fl-ewwel ger, għandu jintuża t-tieni ger.
1.3.3.3.1.3.2. Vetturi bi trażmissjonijiet awtomatiċi, bi trażmissjonijiet adattivi jew bi trażmissjonijiet bi proporzjonijiet ta’ trażmissjoni varjabbli ttestjati b’gerijiet mhux illokkjati
Għandha tintuża l-pożizzjoni tas-selettur tal-gerijiet għal tħaddim kompletament awtomatiku.
It-test imbagħad jista’ jinkludi bidla fil-gerijiet għal ger iktar baxx u għal aċċellerazzjoni ogħla. Bidla fil-gerijiet għal ger ogħla u għal aċċellerazzjoni iktar baxxa mhijiex permessa. Fi kwalunkwe każ, bidla fil-gerijiet għal ger li tipikament ma jintużax fil-kundizzjoni speċifikata fi traffiku urban għandha tiġi evitata.
Għaldaqstant, huwa permess li jiġu stabbiliti u li jintużaw apparati elettroniċi jew mekkaniċi, inklużi pożizzjonijiet alternattivi tas-selettur tal-gerijiet, sabiex tiġi pprevenuta waqgħa fil-gerijiet għal ger li tipikament ma jintużax fil-kundizzjoni speċifikata tat-test fi traffiku urban. Jekk jintużaw apparati bħal dawn, ma tista’ tiġi applikata l-ebda preaċċellerazzjoni il-funzjonalità tal-apparati għandha tiġi deskritta fil-formola ta’ komunikazzjoni.
1.3.3.3.2. Test tal-veloċità kostanti
Għat-testijiet tal-veloċità kostanti, il-gerijiet jew il-pożizzjonijiet tas-selettur tal-gerijiet u l-veloċitajiet tat-test għandhom ikunu identiċi għal dawk użati fit-testijiet tal-aċċellerazzjoni bl-aċċeleratur magħfus kollu imwettqa qabel.
1.4. Ipproċessar u rapportar ta’ dejta
1.4.1. Ġenerali
Għal kull kundizzjoni tat-test, il-kejl għandu jsir mill-inqas għal tliet darbiet fuq kull naħa tal-vettura u għal kull ger.
Il-livell massimu ta’ pressjoni tal-ħoss differenzjat A L indikat kull darba li l-vettura tgħaddi bejn AA’ u BB’ (ara l-Anness 4 – Grafika 1) għandu jitnaqqas b’1 dB(A) sabiex titqies l-ineżattezza tal-kejl u għandu jitqarreb matematikament għall-eqreb l-ewwel post deċimali (pereżempju, XX,X) għaż-żewġ pożizzjonijiet tal-mikrofonu. Jekk jiġi osservat livell massimu ta’ ħoss li b’mod ċar jistona mal-livell ġenerali ta’ pressjoni tal-ħoss, dak il-kejl għandu jitwarrab.
Għall-kalkolu tar-riżultat intermedju jew finali xieraq, għandhom jintużaw l-ewwel tliet riżultat validi konsekuttivi tal-kejl għal kull kundizzjoni tat-test, fi ħdan 2,0 dB(A), li jagħti l-possibbiltà li jitħassru r-riżultati mhux validi.
Il-kejl tal-veloċità f’AA’ (v AA’), f’BB’ (v BB’), u f’PP’ (v PP’) għandu jitqarreb matematikament għall-eqreb l-ewwel post deċimali (pereżempju, XX,X) u għandu jitniżżel għal kalkoli oħrajn.
1.4.2. Kalkolu tal-aċċellerazzjoni
L-aċċellerazzjonijiet kollha jiġu kkalkulati billi jintużaw veloċitajiet differenti tal-vettura fuq il-mogħdija tat-test. Jiddependi mit-tip ta’ trażmissjoni, l-aċċellerazzjoni jew tiġi kkalkulata bejn il-linji AA’ u BB’ jew bejn il-linji PP’ u BB’ kif ġie speċifikat iktar ’l isfel il-metodu użat għall-kalkolu tal-aċċellerazzjoni għandu jiġi indikat fir-rapport tat-test.
Fil-każijiet kollha li ġejjin, l-aċċellerazzjoni tiġi kkalkulata bejn il-linji AA’ u BB’ kif ġie speċifikat fil-paragrafu 1.4.2.1 iktar ’l isfel:
(a) |
Il-vettura tkun mgħammra bi trażmissjoni manwali. |
(b) |
Il-vettura tkun mgħammra bi trażmissjoni awtomatika jew bi trażmissjoni bi proporzjonijiet ta’ gerijiet kontinwament varjabbli (CVT’s) imma tiġi ttestjata bi proporzjonijiet ta’ gerijiet illokkjati. |
(c) |
Il-vettura tkun mgħammra bi trażmissjoni awtomatika, bi trażmissjoni adattiva jew bi trażmissjoni bi proporzjonijiet varjabbli tal-gerijiet u tiġi ttestjata bi proporzjonijiet ta’ gerijiet mhux illokjati, u jintużaw apparati elettroniċi jew mekkaniċi, inklużi pożizzjonijiet alternattivi tas-selettur tal-gerijiet, sabiex tiġi pprevenuta waqgħa fil-gerijiet għal ger li tipikament ma jintużax fil-kundizzjoni speċifikata tat-test fi traffiku urban. |
Fil-każijiet l-oħra kollha, l-aċċellerazzjoni tiġi kkalkulata bejn il-linji PP’ u BB’ kif ġie speċifikat fil-paragrafu 1.4.2.2 iktar ’l isfel.
1.4.2.1. Kalkolu tal-aċċellerazzjoni bejn il-linji AA’ u BB’
L-aċċellerazzjoni tiġi kkalkulata mill-kejl tal-veloċità tal-vettura fil-linji AA’ u BB’:
Fejn:
L-indiċi “(i)” jirreferi għall-ger użat u l-indiċi “j” għan-numru tal-kejl individwali il-veloċitajiet jiġu espressi f’unitajiet ta’ km/h u l-aċċellerazzjonijiet li jirriżultaw ikollhom unitajiet ta’ m/s2;
l ref jew hija t-tul tal-vettura jew hija 2 m; l-għażla tista’ ssir bil-libertà kollha mill-manifattur tal-vettura, mill-Awtorità tal-Approvazzjoni tat-Tip u mis-Servizz Tekniku.
1.4.2.2. Kalkolu tal-aċċellerazzjoni bejn il-linji PP’ u BB’
L-aċċellerazzjoni tiġi kkalkulata mill-kejl tal-veloċità tal-vettura fil-linji PP’ u BB’:
Fejn:
L-indiċi “(i)” jirreferi għall-ger użat u l-indiċi “j” għan-numru tal-kejl individwali il-veloċitajiet jiġu espressi f’unitajiet ta’ km/h u u l-aċċellerazzjonijiet li jirriżultaw ikollhom unitajiet ta’ m/s2;
l ref jew hija t-tul tal-vettura jew hija 2 m; l-għażla tista’ ssir bil-libertà kollha mill-manifattur tal-vettura, mill-Awtorità tal-Approvazzjoni tat-Tip u mis-Servizz Tekniku.
Il-preaċċellerazzjoni ma għandhiex tintuża.
1.4.2.3. Kalkolu tal-medja tal-kejl individwali
Għandha tiġi kkalkulata l-medja aritmetika tal-aċċellerazzjonijiet ikkalkulati minn tliet provi validi sabiex tinkiseb l-aċċellerazzjoni medja għall-kundizzjoni tat-test:
L-aċċellerazzjoni medja a wot,(i) għandha titqarreb matematikament għall-eqreb tieni post deċimali (pereżempju, XX,XX) u għandha tiġi nnotata għal kalkoli oħrajn.
1.4.3. Kalkolu tal-fattur ta’ differenzazzjoni tal-gerijiet
Il-fattur ta’ differenzazzjoni tal-gerijiet k jintuża biss fil-każ ta’ test b’żewġ gerijiet sabiex ir-riżultati miż-żewġ gerijiet jiġu kkombinati f’riżultat wieħed.
Il-fattur ta’ differenzazzjoni tal-gerijiet huwa numru mingħajr dimensjoni ddefinit bħala:
1.4.4. Kalkolu tal-fattur ta’ qawwa parzjali
Il-fattur ta’ qawwa parzjali k p huwa numru mingħajr dimensjoni li jintuża sabiex ir-riżultati ta’ test tal-aċċellerazzjoni bl-aċċeleratur magħfus kollu jiġu kkombinati ma’ dawk ta’ test tal-veloċità kostanti.
1.4.4.1. Għall-vetturi ttestjati f’żewġ gerijiet, il-fattur ta’ qawwa parzjali jiġi ddefinit bħala
.
1.4.4.2. Għall-vetturi ttestjati f’ger wieħed jew bis-selettur tal-gerijiet f’pożizzjoni waħda, il-fattur ta’ qawwa parzjali jiġi ddefinit bħala:
Jekk a wot,(i) tkun daqs jew inqas minn a urban, k p jiġi ffissat bħala żero.
1.4.5. Ipproċessar tal-kejl tal-pressjoni tal-ħoss
Għal kundizzjoni partikolari tat-test, il-medja tat-tliet riżultati individwali ta’ kull naħa tal-vettura għandha tiġi kkalkulata b’mod separat:
Fejn l-indiċi “mode” jirreferi għall-modalità tat-test (aċċellerazzjoni bl-aċċeleratur magħfus kollu jew tal-veloċità kostanti), “(i)” għall-ger u “side” għall-pożizzjoni tal-mikrofonu (xellug jew lemin).
L-ogħla valur miż-żewġ medji għandu jitqarreb matematikament għall-eqreb l-ewwel post deċimali (pereżempju, XX,X) u għandu jitniżżel għal kalkoli oħrajn:
L mode,(i) = MAX (L mode,(i),left; L mode,(i),right)
1.4.6. Kalkolu tar-riżultati finali tat-test
1.4.6.1. Vetturi b’PMR ≤ 25
Il-vetturi b’PMR li ma jaqbiżx il-25 jiġu ttestjat f’ger wieħed jew b’pożizzjoni waħda tas-selettur tal-gerijiet biss taħt aċċeleratur magħfus kollu ir-riżultat finali tat-test huwa l-livell ta’ pressjoni tal-ħoss L wot,(i) imqarreb matematikament għall-eqreb l-ewwel post deċimali (pereżempju, XX,X).
1.4.6.2. Vetturi b’PMR > 25
Jekk il-vettura kienet ittestjata f’żewġ gerijiet, il-fattur ta’ differenzazzjoni tal-gerijiet jintuża sabiex jiġu kkalkulati r-riżultati tat-test tat-testijiet tal-aċċellerazzjoni bl-aċċeleratur magħfus kollu u tat-testijiet tal-veloċità kostanti:
|
|
|
|
Jekk il-vettura kienet ittestjata f’ger wieħed jew f’pożizzjoni waħda tas-selettur tal-gerijiet ma tkun meħtieġa l-ebda differenzazzjoni ulterjuri:
|
L wot = L wot,(i) |
|
L crs = L crs,(i) |
Il-livell ta’ pressjoni tal-ħoss L urban li jirrappreżenta sewqan urban jiġi kkalkulat finalment billi jintuża l-fattur ta’ qawwa parzjali k p:
Il-livelli ta’ pressjoni tal-ħoss kollha jitqarrbu matematikament għall-eqreb l-ewwel post deċimali (pereżempju, XX,X).
2. Storbju minn mutur wieqaf (kundizzjonijiet u metodu ta’ kejl għall-ittestjar tal-vettura li qed tintuża).
2.1. Livell ta’ pressjoni tal-ħoss fil-viċinanzi immedjati tal-mutur
Sabiex ikunu ffaċilitati it-testijiet tal-istorbju sussegwenti fuq muturi li qed jintużaw, il-livell ta’ pressjoni tal-ħoss għandu jitkejjel ukoll fil-viċinanzi immedjati tal-iżbokk tas-sistema tal-egżost skont ir-rekwiżiti li ġejjin, bir-riżultat tal-kejl jitniżżel fil-komunikazzjoni msemmija fl-Anness 1.
2.2. Strumenti tal-kejl
Għandu jintuża miter tal-livell tal-ħoss ta’ preċiżjoni kif ġie ddefinit fil-paragrafu 1.2.1.
2.3. Kundizzjonijiet tal-kejl
2.3.1. Kundizzjoni tal-mutur
It-trażmissjoni tal-vettura għandha tkun f’pożizzjoni newtrali u l-klaċċ għandu jkun magħfus, jew f’pożizzjoni ta’ pparkjar għal trażmissjoni awtomatika, bil-brejk tal-ipparkjar applikat għal finijiet ta’ sikurezza, jekk il-vettura jkollha wieħed.
Il-kundizzjonatur tal-arja tal-vettura, jekk ikollha wieħed, għandu jkun mitfi.
Jekk il-vettura tkun mgħammra b’fann(ijiet) li jkollu(hom) mekkaniżmu ta’ attwazzjoni awtomatiku, din is-sistema ma għandhiex tiġi mbagħbsa waqt il-kejl tal-livell ta’ pressjoni tal-ħoss.
Il-kisi jew l-għata tal-kompartiment tal-magna għandu jkun magħluq.
Qabel kull grupp ta’ kejl, il-magna għandha tinġieb għat-temperatura operattiva normali tagħha, kif ġiet speċifikata mill-manifattur.
Fil-każ ta’ vettura bil-magna b’żewġ roti li ma jkollha l-ebda pożizzjoni tal-ger newtrali, il-kejl għandu jitwettaq bir-rota ta’ wara mgħollija ’l fuq mill-art sabiex ir-rota tkun tista’ ddur bil-libertà kollha.
Jekk ikun meħtieġ li vettura b’żewġ roti tiġi mgħollija ’l fuq mill-art sabiex jitwettaq it-test, il-pożizzjoni ta’ kejl tal-mikrofonu għandha tiġi aġġustata sabiex tinkiseb id-distanza speċifikata mill-punt ta’ referenza tal-pajp tal-egżost; ara l-Grafika għall-post fejn jinsabu l-punti ta’ referenza.
2.3.2. Sit tat-test
Sit tat-test adattat għandu jkun fuq barra u għandu jikkonsisti f’wiċċ ċatt tal-konkrit, tal-asfalt dens jew ta’ materjal iebes simili, ħieles mis-silġ, minn ħaxix, minn ħamrija mhux kompatta, minn irmied jew minn materjal ieħor li jassorbi l-ħsejjes. Huwa għandu jkun fi spazju miftuħ, ħieles minn uċuh kbar li jirriflettu bħal vetturi pparkjati, bini, billboards, siġar, arbuxelli, ħitan paralleli, persuni, eċċ, fi ħdan raġġ ta’ 3 m mill-post fejn ikun qiegħed il-mikrofonu u minn kwalunkwe punt tal-vettura.
Bħala alternattiva għal ittestjar fuq barra, tista’ tintuża kamra li tkun kważi mingħajr ebda eku Il-kamra li tkun kważi mingħajr ebda eku għandha tissodisfa r-rekwiżiti akustiċi mogħtija iktar ’il fuq. Dawn ir-rekwiżiti għandhom jiġu sodisfatti jekk il-faċilità tal-ittestjar tissodisfa l-kriterji ta’ distanza ta’ 3 m ta’ iktar ’il fuq u jkollha frekwenza ta’ qtugħ taħt l-iktar baxx minn:
(a) |
Faxxa ta’ terz ta’ ottava taħt l-iktar frekwenza fundamentali baxxa tal-magna waqt il-kundizzjonijiet tat-test; u |
(b) |
100 Hz. (2) |
2.3.3. Mixxellanji
Il-qari tal-istrument tal-kejl ikkawżat minn storbju ambjentali u minn effetti tar-riħ għandu jkun mill-inqas 10 dB(A) iktar baxx mil-livelli tal-ħoss li għandhom jitkejlu mal-mikrofonu jista’ jitwaħħal windxild xieraq sakemm jitqies l-effett tiegħu fuq is-sensittività tal-mikrofonu.
It-testijiet ma għandhomx jitwettqu jekk il-veloċità tar-riħ, inklużi l-buffuri, taqbeż il-5 m/s waqt l-intervall fil-kejl tal-ħoss.
2.4. Metodu ta’ kejl
2.4.1. Pożizzjonament tal-mikrofonu (ara l-Appendiċi 2)
Il-mikrofonu għandu jkun qiegħed f’distanza ta’ 0,5 ± 0,01 m mill-punt ta’ referenza tal-pajp tal-egżost iddefinit fil-Grafika u f’angolu ta’ 45 ± 5° għall-pjan vertikali li jinkludi l-assi tal-fluss tat-tarf tal-pajp il-mikrofonu għandu jkun fl-għoli tal-punt ta’ referenza, imma mhux inqas minn 0,2 m mill-wiċċ tal-art. L-assi ta’ referenza tal-mikrofonu għandu jkun fi pjan parallel għall-wiċċ tal-art u għandu jkun dirett lejn il-punt ta’ referenza fuq l-iżbokk tal-egżost.
Il-punt ta’ referenza għandu jkun l-ogħla punt li jissodisfa l-kundizzjonijiet li ġejjin:
(a) |
Il-punt ta’ referenza għandu jkun fit-tarf tal-pajp tal-egżost, |
(b) |
Il-punt ta’ referenza għandu jkun fuq il-pjan vertikali li jinkludi ċ-ċentru tal-iżbokk tal-egżost u l-assi tal-fluss tat-tarf tal-pajp tal-egżost. |
Jekk żewġ pożizzjonijiet tal-mikrofonu jkunu possibbli, għandu jintuża l-iktar post lateralment ’il bogħod mil-linja ċentrali lonġitudinali tal-vettura.
Jekk l-assi tal-fluss tal-pajp tal-iżbokk tal-egżost ikun f’angolu ta’ 90° ± 5° għal-linja ċentrali lonġitudinali tal-vettura, il-mikrofonu għandu jkun fil-punt li jkun l-iktar ’il bogħod mill-magna.
Jekk vettura jkollha żewġ żbokki tal-egżost jew iktar bi spazju ta’ inqas minn 0,3 m bejniethom u li jkunu konnessi ma’ sajlenser wieħed, għandu jsir kejl wieħed biss il-mikrofonu għandu jitqiegħed f’post relattiv għall-iktar żbokk ’il bogħod mil-linja ċentrali lonġitudinali tal-vettura jew, meta tali żbokk ma jeżistix, għall-ogħla żbokk ’il fuq mill-art.
Għal vetturi b’egżost li jkollu żbokki bi spazju ta’ iktar minn 0,3 m bejniethom, għandu jsir kejl wieħed għal kull żbokk bħallikieku kien l-uniku wieħed, u għandu jitniżżel l-ogħla livell ta’ pressjoni tal-ħoss.
Għall-finijiet tal-kontroll mal-ġenb tat-triq, il-punt ta’ referenza jista’ jiġi mċaqlaq għall-wiċċ ta’ barra tal-bodi tal-vettura.
Punt ta’ referenza
2.4.2. Kundizzjonijiet operattivi
2.4.2.1. Veloċità tal-magna fil-mira
Il-veloċità tal-magna fil-mira tiġi ddefinita bħala
|
75 fil-mija ta’ S għal vetturi b’S ≤ 5 000 min–1, u |
|
50 fil-mija ta’ S għal vetturi b’S > 5 000 min–1. |
Għal vettura li, f’test b’vettura wieqfa, ma tistax tilħaq il-veloċità tal-magna fil-mira ddefinita iktar ’il fuq, bħala veloċità tal-magna fil-mira minflok għandha tintuża 95 fil-mija tal-veloċità massima tal-magna li tista’ tintlaħaq f’test b’vettura wieqfa.
2.4.2.2. Proċedura tat-test
Il-veloċità tal-magna għandha tiġi miżjuda b’mod gradwali mill-veloċità ta’ magna mhux ingranata (idle) għall-veloċità tal-magna fil-mira u għandha tinżamm kostanti fi ħdan faxxa ta’ tolleranza ta’ ± 5 fil-mija imbagħad, il-kontroll tal-aċċeleratur għandu jintreħa malajr u l-veloċità tal-magna għandha terġa’ lura għal dik ta’ magna mhux ingranata (idle) il-livell ta’ pressjoni tal-ħoss għandu jitkejjel waqt perjodu li jikkonsisti f’veloċità kostanti tal-magna ta’ mill-inqas 1 s u matul il-perjodu kollu ta’ deċellerazzjoni il-qari massimu tal-miter tal-livell tal-ħoss għandu jitqies bħala l-valur tat-test.
Kejl għandu jiġi kkunsidrat bħala validu biss jekk il-veloċità tat-test tal-magna ma ddevjatx mill-veloċità tal-magna fil-mira b’iktar mit-tolleranza speċifikata ta’ ± 5 fil-mija għal mill-inqas 1 s.
2.4.3. Sistema multimodali tal-egżost
Il-vetturi mgħammra b’sistema tal-egżost b’iktar minn modalità waħda u manwalment aġġustabbli għandhom jiġu ttestjati fil-modalitajiet kollha.
2.5. Riżultati
2.5.1. Il-Komunikazzjoni msemmija fl-Anness 1 għandha tindika d-dejta kollha rilevanti u b’mod partikolari dik użata fil-kejl tal-istorbju tal-mutur wieqaf.
2.5.2. Il-kejl għandu jsir fil-post(ijiet) fejn tqiegħdu l-mikrofoni preskritti iktar ’il fuq il-livell massimu ta’ pressjoni tal-ħoss differenzjat A indikat waqt it-test għandu jitniżżel, fejn tinżamm figura waħda sinifikanti wara l-post deċimali (pereżempju, 92,45 għandu jitniżżel bħala 92,5 filwaqt li 92,44 għandu jitniżżel bħala 92,4).
It-test għandu jiġi ripetut sakemm f’kull żbokk jinkiseb kejl għal tliet darbiet konsekuttivi li jkun fi ħdan 2,0 dB(A) minn xulxin.
2.5.3. Ir-riżultat għal żbokk partikolari huwa l-medja aritmetika tat-tliet valuri validi tal-kejl, matematikament imqarrba għall-eqreb numru sħiħ (pereżempju, 92,5 għandu jitniżżel bħala 93 filwaqt 92,4 għandu jitniżżel bħala 92).
2.5.4. Għall-vetturi mgħammra b’iktar minn żbokk wieħed tal-egżost, il-livell irrapportat ta’ pressjoni tal-ħoss għandu jkun għall-iżbokk li jkollu l-ogħla livell medju ta’ pressjoni tal-ħoss.
2.5.5. Għall-vetturi mgħammra b’sistema tal-egżost multimodali u b’kontroll tal-modalità manwali tal-egżost, il-livell irrapportat ta’ pressjoni tal-ħoss għandu jkun għall-modalità li jkollha l-ogħla livell medju ta’ pressjoni tal-ħoss.
3. Storbju minn mutur f’moviment (dejta rrapportata sabiex jiġi ffaċilitat l-ittestjar tal-vettura li qed tintuża).
3.1. Proċedura ta’ test għal testijiet ta’ konformità fl-użu tista’ tiġi ddefinita minn Parti Kontraenti, fejn titqies b’mod xieraq kwalunkwe differenza mill-kundizzjonijiet tat-test użati fl-approvazzjoni tat-tip.
3.2. Sabiex jiġi ffaċilitat it-test ta’ konformità fl-użu tal-muturi, l-informazzjoni li ġejja relatata mal-kejl tal-livell ta’ pressjoni tal-ħoss mwettaq skont il-paragrafu 1 tal-Anness 3 għall-mutur f’moviment tissejjaħ dejta ta’ referenza tal-konformità fl-użu:
(a) |
Il-ger (i) jew, għall-vetturi ttestjati bi proporzjonijiet ta’ gerijiet mhux illokjati, il-pożizzjoni tas-selettur tal-gerijiet magħżula għat-test; |
(b) |
It-tul tal-preaċċellerazzjoni l PA f’m; |
(c) |
Il-veloċità medja tal-vettura f’km/h fil-bidu tal-aċċellerazzjoni bl-aċċeleratur magħfus kollu għat-testijiet fil-ger (i); u |
(d) |
Il-livell ta’ pressjoni tal-ħoss L wot,(i) f’dB(A) tat-testijiet bl-aċċeleratur miftuħ għalkollox fil-ger (i), iddefinit bħala l-ikbar valur miż-żewġ valuri li jirriżultaw mill-kalkolu tal-medja tar-riżultati tal-kejl individwali f’kull pożizzjoni tal-mikrofonu b’mod separat. |
3.3. Id-dejta ta’ referenza tal-konformità fl-użu għandha titniżżel fil-formola ta’ komunikazzjoni li tkun konformi mal-Anness 1.
(1) Kejl indipendenti tal-veloċità huwa meta żewġ apparati separati jew iktar jiddeterminaw il-valuri ta’ v AA’, ta’ v BB’ u ta’ vPP’ . Apparat għal kejl kontinwu, bħal radar, jiddetermina l-informazzjoni kollha meħtieġa dwar il-veloċità b’apparat wieħed.
(2) Il-prestazzjoni tal-istorbju tal-faċilitajiet tal-ittestjar fuq ġewwa tiġi speċifikata f’termini tal-frekwenza tal-qtugħ (Hz). Din hija l-frekwenza li ’l fuq minnha wieħed jista’ jassumi li l-kamra qed tagħmilha ta’ spazju li kważi jkun mingħajr ebda eku.
Appendiċi 1
Dijagramma sekwenzjali (flowchart) tal-proċedura tat-test għat-test tal-vettura f’moviment għall-vetturi tal-kategorija L3 b’PMR ≤ 25
Appendiċi 2
Pożizzjonament tal-mikrofoni għat-test tal-istorbju b’mutur wieqaf
Id-dimensjonijiet huma f’metri, sakemm ma jiġix indikat mod ieħor
ANNESS 4
SPEĊIFIKAZZJONJIET GĦAS-SIT TAT-TEST
1. Introduzzjoni
Dan l-anness jiddeskrivi l-ispeċifikazzjonijiet relatati mal-karatteristiċi fiżiċi u mat-tqegħid tal-mogħdija tat-test. Dawn l-ispeċifikazzjonijiet, li huma bbażati fuq standard speċjali (1), jiddeskrivu l-karatteristiċi fiżiċi meħtieġa kif ukoll il-metodi tat-test għal dawn il-karatteristiċi.
2. Karatteristiċi meħtieġa tal-wiċċ
Wiċċ jiġi kkunsidrat bħala li jkun konformi ma’ dan l-istandard sakemm l-istruttura u l-kontenut ta’ spazji jew il-koeffiċjent ta’ assorbiment tal-ħoss ikunu tkejlu u nstab li jissodisfaw ir-rekwiżiti kollha tal-paragrafi 2.1 sa 2.4 iktar ’l isfel, u sakemm ikunu ġew sodisfatti r-rekwiżiti tad-disinn (paragrafu 3.2).
2.1. Kontenut ta’ spazji residwi
Il-kontenut ta’ spazji residwi, VC, tat-taħlita għall-pavimentar tal-mogħdija tat-test ma għandux jaqbeż it-8 fil-mija. Għall-proċedura tal-kejl, ara l-paragrafu 4.1.
2.2. Koeffiċjent ta’ assorbiment tal-ħoss (2)
Jekk il-wiċċ ma jkunx konformi mar-rekwiżit tal-kontenut ta’ spazji residwi, il-wiċċ ikun aċċettabbli biss jekk il-koeffiċjent ta’ assorbiment tal-ħoss tiegħu jkun α ≤ 0,10. Għall-proċedura ta’ kejl, ara l-paragrafu 4.2 ir-rekwiżit tal-paragrafi 2.1 u 2.2 jiġi sodisfatt ukoll jekk ikun tkejjel biss l-assorbiment tal-ħoss u nstab li huwa α ≤ 0,10.
2.3. Fond tal-istruttura
Il-fond tal-istruttura (TD) imkejjel skont il-metodu volumetriku (ara l-paragrafu 4.3 iktar ’l isfel) għandu jkun:
TD ≥ 0,4 mm
2.4. Omoġeneità tal-wiċċ
Għandu jsir kull sforz prattiku biex ikun żgurat li, fiż-żona tat-test, il-wiċċ ikun kemm jista’ jkun omoġenju. Dan jinkludi l-istruttura u l-kontenut ta’ spazji, imma għandu jiġi osservat ukoll li jekk il-proċess ta’ tidwir jirriżulta f’tidwir iktar effettiv f’xi bnadi milli f’oħrajn, l-istruttura tista’ tkun differenti u n-nuqqas ta’ uniformità jista’ jagħti lok għal ħotob.
2.5. Ittestjar perjodiku
Sabiex jiġi kkontrollat jekk il-wiċċ jibqax ikun konformi mal-istruttura u mal-kontenut ta’ spazji jew mar-rekwiżiti tal-assorbiment tal-ħoss stipulati f’dan l-istandard, għandu jsir ittestjar perjodiku tal-wiċċ fl-intervalli li ġejjin:
(a) |
Għall-kontenut ta’ spazji residwi jew għall-assorbiment tal-ħoss:
|
(b) |
Għall-fond tal-istruttura (TD):
|
3. Disinn tal-wiċċ tat-test
3.1. Żona
Meta jiġi ddisinjat l-arranġament tal-mogħdija tat-test huwa importanti li jkun żgurat, li bħala rekwiżit minimu, iż-żona fejn jaqsmu l-vetturi li jgħaddu mill-istrixxa tat-test tkun miksija bil-materjal tat-test speċifikat b’marġnijiet xierqa għal sewqan sikur u prattiku. Dan jirrikjedi li l-wisgħa tal-mogħdija tkun mill-inqas ta’ 3 m u li t-tul tagħha jestendi lil hinn mil-linji AA u BB b’mill-inqas 10 m fuq kull naħa il-Grafika 1 turi pjanta ta’ sit tat-test adattat u tindika l-erja minima li għandha titqiegħed u tiġi kkompattata bil-magni bil-materjal speċifikat għall-wiċċ tat-test. Skont il-paragrafu 1.3.1 tal-Anness 3, il-kejl irid isir fuq kull naħa tal-vettura. Dan jista’ jsir jew billi jsir kejl b’żewġ postijiet fejn jitqiegħdu l-mikrofoni (wieħed fuq kull naħa tal-mogħdija) u s-sewqan ikun f’direzzjoni waħda, jew billi jsir kejl b’mikrofonu wieħed biss fuq naħa waħda tal-mogħdija iżda bil-vettura tinsaq f’żewġ direzzjonijiet. Jekk jintuża l-metodu tal-aħħar, allura ma jkunx hemm l-ebda rekwiżit dwar il-wiċċ fuq dik in-naħa tal-mogħdija fejn ma jkun hemm l-ebda mikrofonu.
Grafika 1
Rekwiżiti minimi għall-erja tal-wiċċ tat-test il-parti skurata tissejjaħ iż-“Żona tat-Test”
3.2. Disinn u preparazzjoni tal-wiċċ
3.2.1. Rekwiżiti bażiċi tad-disinn
Il-wiċċ tat-test għandu jissodisfa erba’ rekwiżiti tad-disinn:
3.2.1.1. |
Huwa għandu jkun magħmul minn konkrit dens asfaltat. |
3.2.1.2. |
Id-daqs massimu taż-żrar għandu jkun ta’ 8 mm (it-tolleranzi jippermettu minn 6,3 mm sa 10 mm). |
3.2.1.3. |
Il-ħxuna tal-kisi għandha tkun ta’ ≥ 30 mm. |
3.2.1.4. |
Is-sustanza li tgħaqqad għandha tkun bitum mhux modifikat bi grad ta’ penetrazzjoni diretta. |
3.2.2. Linji gwida għad-disinn
Bħala gwida għall-kostruttur tal-wiċċ, fil-Grafika 2 qed tintwera kurva għall-gradazzjoni tal-aggregat li tagħti l-karatteristiċi mixtieqa. Barra minn hekk, it-Tabella tagħti wħud mil-linji gwida sabiex tinkiseb l-istruttura u d-durabbiltà mixtieqa il-kurva tal-gradazzjoni taqbel mal-formola li ġejja:
Fejn:
d |
= |
id-daqs tat-toqob kwadri tal-għarbiel, f’mm |
dmax |
= |
8 mm għall-kurva medja |
dmax |
= |
10 mm għall-kurva ta’ tolleranza ta’ taħt |
dmax |
= |
6,3 mm għall-kurva ta’ tolleranza ta’ fuq |
Grafika 2
Kurva tal-gradazzjoni tal-aggregat fit-taħlita asfaltata bit-tolleranzi
Minbarra dak li ngħad iktar ’il fuq, jingħataw ir-rakkomandazzjonijiet li ġejjin:
|
Il-frazzjoni tar-ramel (0,063 mm < id-daqs tat-toqob kwadri tal-għarbiel < 2 mm) għandha tinkludi mhux aktar minn 55 fil-mija ta’ ramel naturali u mill-inqas 45 fil-mija ta’ ramel mitħun; |
|
Il-bażi u s-sottobażi għandhom jiżguraw stabbiltà u uniformità tajbin, skont l-aħjar prattika fil-kostruzzjoni tat-toroq; |
|
Iż-żrar għandu jitfarrak (100 fil-mija tal-uċuh imfarrka) u għandu jkun ta’ materjal b’reżistenza kbira għat-tifrik; |
|
Iż-żrar użat fit-taħlita għandu jinħasel; |
|
L-ebda żrara żejda ma għandha tiġi miżjuda fuq il-wiċċ; |
|
L-ebusija tas-sustanza li tgħaqqad espressa bħala valur PEN għandha tkun ta’ 40 - 60, 60 - 80 jew saħansitra ta’ 80 - 100, skont il-kundizzjonijiet klimatiċi tal-pajjiż ir-regola hija li għandu jintuża materjal li jgħaqqad li jkun kemm jista’ jkun iebes, sakemm dan ikun konsistenti mal-prattika komuni; |
|
It-temperatura tat-taħlita qabel it-tidwir għandha tingħażel b’tali mod li l-kontenut ta’ spazji meħtieġ jinkiseb permezz tad-tidwir sussegwenti. Sabiex tiżdied il-probabbiltà li jiġu sodisfatti l-ispeċifikazzjonijiet tal-paragrafi 2.1 sa 2.4 iktar ’il fuq, il-kompattezza għandha tiġi studjata mhux biss permezz ta’ għażla adattata tat-temperatura għat-taħlita, imma wkoll permezz ta’ numru xieraq ta’ passati u permezz tal-għażla tal-vettura li se tikkompatta t-taħlita. |
Linji gwida għad-disinn
Kwantità |
Valuri fil-mira |
Tolleranzi |
|
skont il-massa totali tat-taħlita |
skont il-massa tal-aggregat |
||
Massa ta’ ġebel, toqob kwadri tal-għarbiel (SM) > 2 mm |
47,6 % |
50,5 % |
± 5 |
Massa ta’ ramel 0,063 < SM < 2 mm |
38,0 % |
40,2 % |
± 5 |
Massa ta’ materjal li jimla (filler) SM < 0,063 mm |
8,8 % |
9,3 % |
± 2 |
Massa ta’ sustanza li tgħaqqad (bitum) |
5,8 % |
M.A. |
± 0,5 |
Daqs massimu taż-żrar |
8 mm |
6,3 – 10 |
|
Ebusija tas-sustanza li tgħaqqad |
(ara l-paragrafu 3.2.2 (f)) |
— |
|
Valur tal-ġebel ippolixxjat (PSV) |
> 50 |
— |
|
Kompattezza, relattiva għall-kompattezza Marshall |
98 % |
— |
4. Metodu tat-test
4.1. Kejl tal-kontenut ta’ spazji residwi
Għall-finijiet ta’ dan il-kejl, għandhom jittieħdu kampjuni ċilindriċi mill-mogħdija f’mill-inqas erba’ pożizzjonijiet differenti li jkunu mqassma b’mod ugwali fiż-żona tat-test bejn il-linji AA u BB (ara l-Grafika 1). Biex jiġu evitati nuqqas ta’ omoġeneità u nuqqas ta’ uniformità fil-mogħdijiet tar-roti, il-kampjuni ċilindriċi ma għandhomx jittieħdu fil-mogħdijiet tar-roti nfushom, imma qrib tagħhom. Żewġ kampjuni ċilindriċi (bħala minimu) għandhom jittieħdu qrib il-mogħdijiet tar-roti, u kampjun ċilindriku ieħor (bħala minimu) għandu jittieħed bejn wieħed u ieħor fin-nofs bejn il-mogħdijiet tar-roti u kull post fejn ikun tqiegħed mikrofonu.
Jekk ikun hemm xi suspett li l-kundizzjoni ta’ omoġeneità ma ġietx sodisfatta (ara l-paragrafu 2.4), għandhom jittieħdu kampjuni ċilindriċi minn iktar postijiet fiż-żona tat-test il-kontenut ta’ spazji residwi għandu jiġi stabbilit għal kull kampjun ċilindriku, imbagħad il-valur medju mill-kampjuni ċilindriċi kollha għandu jiġi kkalkulat u mqabbel mar-rekwiżit tal-paragrafu 2.1. Barra minn hekk, l-ebda kampjun ċilindriku waħdieni ma għandu jkollu valur ta’ spazji li jkun ogħla minn 10 fil-mija il-kostruttur tal-wiċċ tat-test għandu jżomm f’moħħu l-problema li tista’ tinqala’ meta ż-żona tat-test tissaħħan b’pajpijiet jew b’wajers tal-elettriku, u għandhom jittieħdu kampjuni ċilindriċi minn din iż-żona installazzjonijiet bħal dawn għandhom jiġu ppjanati b’attenzjoni fejn għandhom x’jaqsmu l-postijiet fejn fil-ġejjieni jsir tħaffir għal kampjuni ċilindriċi. Huwa rakkomandat li jitħallew ftit postijiet li jkunu bejn wieħed u ieħor daqs 200 × 300 mm fejn ma jkun hemm l-ebda wajer/pajp jew fejn dawn tal-aħħar ikunu qegħdin biżżejjed fil-fond li ma tiġrilhomx ħsara minħabba l-kampjuni ċilindriċi li jittieħdu mis-saff tal-wiċċ.
4.2. Koeffiċjent ta’ assorbiment tal-ħoss
Il-koeffiċjent ta’ assorbiment tal-ħoss (inċidenza normali) għandu jitkejjel bil-metodu tat-tubu tal-impedenza billi tintuża l-proċedura speċifikata fl-ISO 10534:1994 – “Acoustics – Determination of sound absorption coefficient and impedance by a tube method” (“L-akustika – Id-determinazzjoni tal-koeffiċjent ta’ assorbiment tal-ħoss u tal-impedenza b’metodu tat-tubu”).
Fir-rigward tal-kampjuni tat-test, għandhom jiġu segwiti l-istess rekwiżiti li kienu applikati fir-rigward tal-kontenut ta’ spazji residwi (ara l-paragrafu 4.1). L-assorbiment tal-ħoss għandu jitkejjel fil-medda ta’ bejn 400 Hz u 800 Hz u u fil-medda ta’ bejn 800 Hz u 1 600 Hz (għall-inqas fil-frekwenzi ċentrali tal-faxex ta’ terz ta’ ottava), u l-valuri massimi għandhom jiġu identifikati għal dawn iż-żewġ meded ta’ frekwenzi imbagħad għanda tiġi kkalkulata l-medja ta’ dawn il-valuri, għall-kampjuni ċilindriċi tat-test kollha, sabiex jiġi kkostitwit ir-riżultat finali.
4.3. Kejl volumetriku tal-makrostruttura
Għall-finijiet ta’ dan l-istandard, il-kejl tal-fond tal-istruttura għandu jsir fuq mill-inqas 10 pożizzjonijiet li jkunu spazjati b’mod uniformi tul il-mogħdijiet tar-roti tal-istrixxa tat-test, u għandu jittieħed il-valur medju sabiex jitqabbel mal-fond minimu tal-istruttura speċifikat. Għad-deskrizzjoni tal-proċedura, ara l-istandard ISO 10844:1994.
5. Stabbiltà maż-żmien u manutenzjoni
5.1. Influwenza taż-żmien
Bħal kwalunkwe wiċċ ieħor, huwa mistenni li l-livell tal-istorbju tat-tajers/fit-triq imkejjel fuq il-wiċċ tat-test jista’ jiżdied bi ftit matul l-ewwel 6-12-il xahar wara l-kostruzzjoni.
Il-wiċċ għandu jikseb il-karatteristiċi meħtieġa tiegħu mhux qabel ma jgħaddu erba’ ġimgħat wara l-kostruzzjoni.
L-istabbilità maż-żmien tiġi ddeterminata prinċipalment bl-ippolixxjar u bil-kompattezza mill-vetturi li jinsaqu fuq il-wiċċ. Hija għandha tiġi kkontrollata perjodikament kif ġie ddikjarat fil-paragrafu 2.5.
5.2. Manutenzjoni tal-wiċċ
Fdalijiet mhux kompatti jew trabijiet li jistgħu jnaqqsu b’mod sinifikanti l-fond effettiv tal-istruttura għandhom jitneħħew mill-wiċċ. F’pajjiżi bi klima xitwija, xi drabi jintuża l-melħ biex iħoll is-silġ il-melħ jista’ jimmodifika l-wiċċ b’mod temporanju jew anki b’mod permanenti b’tali mod li jiżdied l-istorbju u għalhekk, mhuwiex rakkomandat.
5.3. Pavimentar mill-ġdid taż-żona tat-test
Jekk ikun meħtieġ li l-mogħdija tat-test tiġi pavimentata mill-ġdid, ġeneralment ikun meħtieġ li tiġi pavimentata mill-ġdid biss l-istrixxa tat-test (wiesgħa 3 m fil-Grafika 1) fejn jinsaqu l-vetturi, sakemm iż-żona tat-test barra l-istrixxa tkun issodisfat ir-rekwiżit tal-kontenut ta’ spazji residwi jew tal-assorbiment tal-ħoss meta tkejlet.
6. Dokumentazzjoni tal-wiċċ tat-test u tat-testijiet imwettqa fuqu
6.1. Dokumentazzjoni tal-wiċċ tat-test
Id-dejta li ġejja għandha tingħata f’dokument li jiddeskrivi l-wiċċ tat-test:
6.1.1. |
Fejn tinsab il-mogħdija tat-test. |
6.1.2. |
It-tip ta’ sustanza li tgħaqqad, l-ebusija tas-sustanza li tgħaqqad, it-tip ta’ aggregat, id-densità teoretika massima tal-konkrit (DR), il-ħxuna tal-kisi u l-kurva ta’ gradazzjoni li ġiet iddeterminata minn kampjuni ċilindriċi meħuda mill-mogħdija tat-test. |
6.1.3. |
Il-metodu ta’ kkompattar (pereżempju, it-tip ta’ romblu, il-massa tar-romblu, in-numru ta’ passati). |
6.1.4. |
It-temperatura tat-taħlita, it-temperatura tal-arja ambjentali u l-veloċità tar-riħ waqt it-tqegħid tal-wiċċ. |
6.1.5. |
Id-data meta tqiegħed il-wiċċ u l-kuntrattur. |
6.1.6. |
Ir-riżultati tat-testijiet kollha jew għall-inqas l-iktar reċenti, inklużi:
|
6.2. Dokumentazzjoni tat-testijiet tal-istorbju tal-vetturi mwettqa fuq il-wiċċ
Fid-dokument li jiddeskrivi t-test(ijiet) tal-istorbju tal-vetturi, għandu jiġi ddikjarat jekk ir-rekwiżiti kollha ta’ dan l-istandard ġewx sodisfatti jew le. Skont il-paragrafu 6.1, għandha ssir referenza għal dokument li jiddeskrivi r-riżultati li jivverifikaw dan.
(1) ISO 10844:1994
(2) L-iktar karatteristika rilevanti hija l-assorbiment tal-ħoss, għalkemm il-kontenut ta’ spazji residwi huwa iktar familjari fost il-kostrutturi tat-toroq madankollu, l-assorbiment tal-ħoss jeħtieġ li jitkejjel biss jekk il-wiċċ ma jkunx konformi mar-rekwiżit tal-ispazji ir-raġuni għal dan hija għaliex ir-rekwiżit tal-ispazji huwa konness ma’ inċertezzi relattivament kbar f’termini kemm ta’ kejl kif ukoll ta’ rilevanza u wħud mill-uċuħ għalhekk jistgħu jiġu rrifjutati, b’mod żbaljat, meta bħala bażi jintuża biss il-kejl tal-ispazji.
ANNESS 5
SISTEMI TAL-EGŻOST JEW TAS-SAJLENSERS LI JKUN FIHOM MATERJAL FIBRUŻ
1. Il-materjal fibruż assorbenti għandu jkun ħieles mill-asbestos u jista’ jintuża fil-kostruzzjoni tas-sistema tal-egżost jew tas-sajlensers biss jekk apparati adattati jiżguraw li l-materjal fibruż jinżamm f’postu l-ħin kollu li tkun qed tintuża s-sistema tal-egżost jew tas-sajlensers u s-sistema tal-egżost jew tas-sajlensers tissodisfa r-rekwiżiti ta’ kwalunkwe wieħed mill-paragrafi 1.1, 1.2 u 1.3:
1.1. Wara t-tneħħija tal-materjal fibruż, il-livell tal-ħoss għandu jkun konformi mar-rekwiżiti tal-paragrafu 6 ta’ dan ir-Regolament.
1.2. Il-materjal fibruż assorbenti ma jistax jitqiegħed f’dawk il-partijiet tas-sajlenser li minnhom jgħaddu l-gassijiet tal-egżost u għandu jkun konformi mar-rekwiżiti li ġejjin:
1.2.1. |
Il-materjal għandu jissaħħan f’temperatura ta’ 650 ± 5 °C għal erba’ sigħat f’forn (furnace) mingħajr tnaqqas f’kull tul, dijametru jew densità tal-massa tal-fibra. |
1.2.2. |
Wara li jissaħħan f’temperatura ta’ 650 ± 5 °C għal siegħa f’forn (furnace), mill-inqas 98 fil-mija tal-materjal għandu jinżamm f’għarbiel b’daqs nominali tal-fetħa ta’ 250 μm f’konformità mal-Istandard tal-ISO 3310/1:1990 meta ttestjat skont l-Istandard tal-ISO 2559:2000. |
1.2.3. |
It-telf fil-piż tal-materjal ma għandux jaqbeż l-10,5 fil-mija wara li jiġi mgħaddas għal 24 siegħa f’temperatura ta’ 90 ± 5 °C f’kondensat sintetiku bil-kompożizzjoni li ġejja (1):
|
1.3. Qabel ma s-sistema tiġi ttestjata skont l-Anness 3, hija għandha titqiegħed fi stat normal għal użu fit-triq b’wieħed mill-metodi ta’ kundizzjonament li ġejjin:
1.3.1. Kundizzjonament bi tħaddim kontinwu fit-triq
1.3.1.1. |
Skont il-klassijiet tal-muturi, id-distanzi minimi li għandhom jiġu kkompletati waqt il-kundizzjonament huma:
|
1.3.1.2. |
50 ± 10 fil-mija ta’ dan iċ-ċiklu ta’ kundizzjonament jikkonsisti f’sewqan f’belt u l-bqija fi provi tul distanzi twal b’veloċità għolja; iċ-ċiklu kontinwu tat-triq jista’ jiġi sostitwit bi programm korrispondenti f’mogħdija tat-test. |
1.3.1.3. |
Iż-żewġ reġimi ta’ veloċità għandhom jiġu alternati għal mill-inqas sitt darbiet. |
1.3.1.4. |
Il-programm sħiħ ta’ testijiet għandu jinkludi minimu ta’ 10 waqfiet li jdumu mill-inqas tliet sigħat sabiex ikunu riprodotti l-effetti ta’ tkessiħ u ta’ kondensazzjoni. |
1.3.2. Kundizzjonament b’pulsazzjoni
1.3.2.1. |
Is-sistema tal-egżost jew il-komponenti tagħha għandha tiġi mmuntata fuq il-mutur jew fuq il-magna. Fil-każ tal-ewwel, il-mutur għandu jiġi mmuntat fuq bank tat-test. L-apparat tat-test, li dijagramma dettaljata tiegħu qed tintwera fil-Grafika 1, jiġi mmuntat fl-iżbokk tas-sistema tal-egżost. Kwalunkwe apparat ieħor li jipprovdi riżultati ekwivalenti huwa aċċettabbli. |
1.3.2.2. |
It-tagħmir tat-test għandu jiġi aġġustat sabiex il-fluss tal-gassijiet tal-egżost jiġi alternattivament interrott u stabbilit mill-ġdid 2 500 darba b’valv ta’ azzjoni rapida. |
1.3.2.3. |
Il-valv għandu jiftaħ meta l-kontropressjoni tal-gassijiet tal-egżost, imkejla mill-inqas 100 mm ’l isfel mil-flanġ tad-dħul, tilħaq valur ta’ bejn 35 kPa u 40 kPa. Jekk din il-figura ma tkunx tista’ tintlaħaq minħabba l-karatteristiċi tal-magna, il-valv għandu jiftaħ meta l-kontropressjoni tal-gassijiet tilħaq livell ekwivalenti għal 90 fil-mija tal-valur massimu li jista’ jitkejjel qabel ma tieqaf il-magna. Huwa għandu jagħlaq meta din il-pressjoni ma tvarjax b’iktar minn 10 fil-mija mill-valur stabilizzat tagħha bil-valv miftuħ. |
1.3.2.4. |
L-iswiċċ li jixgħel mal-ħin mogħti lilu minn qabel (time-delay switch) għandu jiġi ssettjat għall-ħin kemm idumu l-gassijiet tal-egżost li jiġi kkalkulat abbażi tar-rekwiżiti tal-paragrafu 1.3.2.3. |
1.3.2.5. |
Il-veloċità tal-magna għandha tkun ta’ 75 fil-mija tal-veloċità nominali tal-magna (S). |
1.3.2.6. |
Il-qawwa indikata mid-dinamometru għandha tkun ta’ 50 fil-mija tal-qawwa bl-aċċeleratur magħfus kollu mkejla b’75 fil-mija tal-veloċità nominali tal-magna (S). |
1.3.2.7. |
Waqt it-test, kwalunwe toqba ta’ tbattil għandha tingħalaq. |
1.3.2.8. |
It-test kollu għandu jiġi kkompletat fi żmien 48 siegħa. Jekk ikun meħtieġ, wara kull siegħa għandu jiġi permess perjodu ta’ tkessiħ. |
1.3.3. Kundizzjonament fuq bank tat-test
1.3.3.1. |
Is-sistema tal-egżost għandha tiġi mmuntata fuq magna rappreżentattiva tat-tip immuntat fuq il-mutur li għalih kienet iddisinjata s-sistema tal-egżost, u għandha tiġi mmuntata fuq bank tat-test. |
1.3.3.2. |
Il-kundizzjonament jikkonsisti fin-numru speċifiku ta’ ċikli tal-bank tat-test għal kull klassi ta’ mutur li għalih kienet iddisinjata s-sistema tal-egżost in-numru ta’ ċikli għal kull klassi ta’ mutur huwa:
|
1.3.3.3. |
Kull ċiklu tal-bank tat-test għandu jiġi segwit minn waqfa ta’ mill-inqas sitt sigħat sabiex ikunu riprodotti l-effetti ta’ tkessiħ u ta’ kondensazzjoni. |
1.3.3.4. |
Kull ċiklu tal-bank tat-test jikkonsisti f’sitt fażijiet il-kundizzjonijiet tal-magna għal u t-tul ta’ kull fażi huma:
|
1.3.3.5. |
Matul din il-proċedura ta’ kundizzjonament, fuq it-talba tal-manifattur, il-magna u s-sajlenser jistgħu jitkessħu sabiex it-temperatura rreġistrata f’punt mhux iktar minn 100 mm mill-iżbokk tal-gass tal-egżost ma taqbiżx dik imkejla meta l-mutur ikun qed jiġri b’110 km/h jew b’75 fil-mija ta’ S fl-ogħla ger il-veloċità tal-magna u/jew il-veloċità tal-mutur jiġu ddeterminata fi ħdan ± 3 fil-mija. |
Apparat tat-test għal kundizzjonament b’pulsazzjoni
(1) Il-materjal għandu jinħasel f’ilma distillat u għandu jitnixxef għal siegħa f’temperatura ta’ 105 °C qabel ma jintiżen.
ANNESS 6
LIMITI MASSIMI TAL-LIVELLI TAL-ĦOSS
Kategorija |
Indiċi tal-proporzjon tal-qawwa mal-massa (PMR) |
Valur ta’ limitu għal Lurban f’dB(A) |
L-ewwel kategorija |
PMR ≤ 25 |
73 |
It-tieni kategorija |
25 < PMR ≤ 50 |
74 |
It-tielet kategorija |
PMR > 50 |
77 (1) |
(1) Għall-muturi ttestjati fit-tieni ger biss fl-Anness 3, il-valur ta’ limitu jiġi miżjud b’1 dB(A) sad-data fil-paragrafu 12.7 id-dejta għall-vetturi affettwati għandha tiġi studjata, u għandhom isiru diskussjonijiet f’każ ta’ estensjoni oħra.
ANNESS 7
DISPOŻIZZJONIJIET ADDIZZJONALI DWAR L-EMISSJONIJIET TA’ ĦSEJJES (ASEP)
1. Kamp ta’ applikazzjoni
1.1. Dan l-anness japplika għall-vetturi tal-kategorija L3 b’PMR > 50.
1.2. Il-vetturi bi proporzjonijiet varjabbli ta’ gerijiet jew bi trażmissjoni awtomatika bi proporzjonijiet ta’ gerijiet li ma jistgħux jiġu llokjati huma eżentati mir-rekwiżiti ta’ dan l-anness, jekk il-manifattur tal-vettur jipprovdi dokumenti tekniċi lill-Awtorità tal-Approvazzjoni tat-Tip li juru li l-veloċità tal-magna tal-vettura f’BB’ la taqbeż u lanqas taqa’ taħt
għal kwalunkwe kundizzjoni tat-test fi ħdan il-medda ta’ kontroll tal-ASEP iddefinita fil-paragrafu 2.5 iktar ’l isfel, fejn n
BB’ hija l-veloċità medja tal-magna f’BB’ mit-tliet testijiet validi tal-aċċellerazzjoni skont il-paragrafu 1 tal-Anness 3.
2. Rekwiżiti addizzjonali dwar l-emissjonijiet tal-ħsejjes
2.1. Strumenti tal-kejl
Ir-rekwiżiti għat-tagħmir tal-kejl huma identiċi għal dawk iddefiniti fil-paragrafu 1.1 tal-Anness 3 għat-testijiet tal-mutur f’moviment.
2.2. Ambjent akustiku, kundizzjonijiet meteoroloġiċi u ħsejjes fl-isfond
Ir-rekwiżiti dwar l-ambjent akustiku, il-kundizzjonijiet meteoroloġiċi u l-ħsejjes fl-isfond huma identiċi għal dawk iddefiniti fil-paragrafu 1.2 tal-Anness 3 għat-testijiet tal-mutur f’moviment.
2.3. Pożizzjonijiet tal-mikrofoni u kundizzjonijiet tal-vettura
Ir-rekwiżiti dwar il-pożizzjonijiet tal-mikrofoni u l-kundizzjonijiet tal-vettura huma identiċi għal dawk iddefiniti fil-paragrafi 1.3.1 u 1.3.2 tal-Anness 3 għat-testijiet tal-mutur f’moviment.
2.4. Kundizzjonijiet operattivi ġenerali
Il-kundizzjonijiet operattivi ġenerali huma identifiċi għal dawk iddefiniti fil-paragrafu 1.3.3.1 tal-Anness 3 għat-testijiet tal-mutur f’moviment.
2.5. Il-medda ta’ kontroll tal-ASEP
Ir-rekwiżiti ta’ dan l-anness japplikaw għal kwalunkwe operazzjoni tal-vettura bir-restrizzjonijiet li ġejjin:
(a) |
v AA’ għandha tkun ta’ mill-inqas 20 km/h |
(b) |
v BB’ ma għandhiex taqbeż it-80 km/h |
(c) |
n
AA’ għandha tkun mill-inqas
|
(d) |
n BB’ ma għandhiex taqbeż
|
2.6. Il-limiti tal-ASEP (1)
Il-livell massimu ta’ storbju rreġistrat hekk kif il-mutur ikun għaddej mill-mogħdija tat-test ma għandux jaqbeż:
|
|
|
|
Mid-data fil-paragrafu 12.7, il-livell massimu ta’ storbju ma għandux jaqbeż:
|
|
|
|
Fejn L wot,(i) u n PP’ ikollhom l-istess tifsira bħal fil-paragrafu 1 tal-Anness 3 u n wot,(i) tirreferi għall-veloċità tal-magna korrispondenti meta l-parti ta’ quddiem tal-vettura tgħaddi l-linja PP’.
3. Ittestjar tal-konformità bil-kejl
3.1. Ġenerali
L-Awtorità tal-Approvazzjoni tat-Tip kif ukoll is-Servizz Tekniku jistgħu jitolbu testijiet sabiex tiġi kkontrollata l-konformità tal-mutur mar-rekwiżiti tal-paragrafu 2 iktar ’il fuq. Sabiex ikun evitat xogħol żejjed, l-ittestjar tat-tagħbija jiġi ristrett għall-punti ta’ referenza ddefiniti fil-paragrafu 3.2 iktar ’l isfel u sa żewġ kundizzjonijiet operattivi addizzjonali għajr il-punti ta’ referenza imma li jkunu fi ħdan il-medda ta’ kontroll tal-ASEP.
3.2. Kundizzjonijiet tat-test ta’ referenza tal-ASEP
3.2.1. Proċedura tat-test
Meta l-parti ta’ quddiem tal-vettura tasal f’AA’, l-aċċeleratur għandu jkun magħfus kollu u għandu jinżamm magħfus kollu sakemm il-parti ta’ wara tal-vettura tasal f’BB’. L-aċċeleratur imbagħad għandu jitreġġa’ lura, malajr kemm jista’ jkun, għal pożizzjoni mhux magħfusa (idle) il-preaċċellerazzjoni tista tintuża jekk l-aċċellerazzjoni tiddewwem lil hinn minn AA’ il-post fejn tibda l-aċċellerazzjoni għandu jiġi rrapportat.
3.2.2. Veloċità tat-test u għażla tal-gerijiet
Il-vettura għandha tiġi ttestjata f’kull waħda mill-kundizzjonijiet operattivi li ġejjin:
(i) |
v PP’ = 50 km/h Il-ger magħżul (i) u l-kundizzjoni tal-preaċċellerazzjoni għandhom ikunu l-istess bħal dawk użati fit-test oriġinali tal-approvazzjoni tat-tip tal-Anness 3 għal dan ir-Regolament. |
(ii) |
v BB’ li tikkorrispondi għal
v BB’ ma għandiex taqbeż it-80 km/h Il-ger magħżul għandu jkun it-tieni wieħed. Jekk it-tielet ger jissodisfa r-rekwiżiti ta’ n BB’ u ta’ v BB’, għandu jintuża t-tielet ger. Jekk ir-raba’ ger jissodisfa r-rekwiżiti ta’ n BB’ u ta’ v BB’, għandu jintuża r-raba’ ger. |
3.2.3. Ipproċessar u rapportar tad-dejta
Għandhom jiġu applikati r-rekwiżiti tal-paragrafu 1.4 tal-Anness 3.
Barra minn hekk, il-kejl tal-veloċità tal-magna f’AA’, f’BB’, u f’PP’ f’unitajiet ta’ min– 1 għandu jitqarreb matematikament għall-eqreb numru sħiħ għal kalkoli oħrajn. Għal kundizzjoni tat-test partikolari, għandha tiġi kkalkulata l-medja aritmetika tat-tliet veloċitajiet tal-magna individwali.
Il-livelli finali ta’ pressjoni tal-ħoss għall-aċċellerazzjoni bl-aċċeleratur magħfus kollu ma għandhomx jaqbżu l-limiti speċifikati fil-paragrafu 2.6 iktar ’il fuq.
(1) Meta l-konformità ma’ dawn il-limiti tiġi kkontrollata, il-valuri għal L wot(i) u għal n wot(i) ma għandhomx jittieħdu mid-dokumenti tal-approvazzjoni tat-tip imma għandhom jiġu ddeterminati mill-ġdid bil-kejl kif ġie ddefinit fil-paragrafu 1 tal-Anness 3, madankollu billi jintużaw l-istess ger (i) u l-istess distanza ta’ preaċċellerazzjoni kif sar waqt l-approvazzjoni tat-tip.
ANNESS 8
DIKJARAZZJONI TA’ KONFORMITÀ MAD-DISPOŻIZZJONIJIET ADDIZZJONALI DWAR L-EMISSJONIJIET TA’ ĦSEJJES (ASEP)
(Format massimu: A4 (210 × 297 mm))
… (Isem il-manifattur) jiddikjara li l-vetturi ta’ dan it-tip … (it-tip fir-rigward tal-emissjoni ta’ storbju tiegħu skont ir-Regolament Nru 41) huma konformi mar-rekwiżiti tal-paragrafu 6.3 tar-Regolament Nru 41.
… (Isem il-manifattur) qed jagħmel din id-dikjarazzjoni in bona fide, wara li wettaq evalwazzjoni xierqa tal-prestazzjoni tal-emissjonijiet ta’ ħsejjes tal-vetturi.
Data: …
Isem ir-rappreżentant awtorizzat: …
Firma tar-rappreżentant awtorizzat: …