This document is an excerpt from the EUR-Lex website
Document 42010X0630(03)
Regulation No 87 of the Economic Commission for Europe of the United Nations (UN/ECE) — Uniform provisions concerning the approval of daytime running lamps for power-driven vehicles
Ir-Regolament Nru 87 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi dwar l-approvazzjoni ta’ fanali għal binhar għal vetturi bil-mutur
Ir-Regolament Nru 87 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi dwar l-approvazzjoni ta’ fanali għal binhar għal vetturi bil-mutur
ĠU L 164, 30.6.2010, p. 46–68
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force: This act has been changed. Current consolidated version: 07/01/2012
30.6.2010 |
MT |
Il-Ġurnal Uffiċjali tal-Unjoni Ewropea |
L 164/46 |
It-testi oriġinali UN/ECE biss għandhom effett legali skont id-dritt pubbliku internazzjonali. L-istatus u d-data tad-dħul fis-seħħ ta’ dan ir-Regolament għandhom jiġu ċċekkjati fl-aħħar verżjoni tad-dokument tal-istatus UN/ECE TRANS/WP.29/343, disponibbli fuq:
http://www.unece.org/trans/main/wp29/wp29wgs/wp29gen/wp29fdocstts.html
Ir-Regolament Nru 87 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi dwar l-approvazzjoni ta’ fanali għal binhar għal vetturi bil-mutur
Tinkorpora t-test validu kollu sa:
Suppliment 14 għall-verżjoni oriġinali tar-Regolament — Data tad-dħul fis-seħħ: l-24 ta’ Ottubru 2009
Korrezzjoni 1 tar-Reviżjoni 2 — Data tad-dħul fis-seħħ: il-11 ta' Novembru 2009
WERREJ
REGOLAMENT
1. |
Ambitu |
2. |
Definizzjonijiet |
3. |
Applikazzjoni għall-approvazzjoni |
4. |
Marki |
5. |
Approvazzjoni |
6. |
Speċifikazzjonijiet ġenerali |
7. |
Intensità tad-dawl |
8. |
Wiċċ apparenti |
9. |
Kulur tad-dawl |
10. |
Proċedura tat-test |
11. |
Test tar-reżistenza għas-sħana |
12. |
Modifikazzjonijiet ta’ tip ta’ fanal għal binhar u estensjoni tal-approvazzjoni |
13. |
Konformità tal-produzzjoni |
15. |
Produzzjoni mwaqqfa għal kollox |
14. |
Sanzjonijiet għal nuqqas ta’ konformità tal-produzzjoni |
16. |
Ismijiet u indirizzi ta’ Servizzi Tekniċi responsabbli mit-tmexxija ta’ testijiet ta’ approvazzjoni u tad-Dipartimenti Amministrattivi |
ANNESSI
Anness 1 — |
Komunikazzjoni dwar l-approvazzjoni jew iċ-ċaħda jew l-estensjoni jew l-irtirar ta' approvazzjoni jew produzzjoni li twaqqfet għal kollox ta' tip ta' fanal għal binhar, skont ir-Regolament Nru 87 |
Anness 2 — |
Eżempju ta’ kif tidher il-marka tal-approvazzjoni |
Anness 3 — |
Kejl fotometriku |
Anness 4 — |
Rekwiżiti minimi għall-konformità ta’ proċeduri ta' kontroll tal-produzzjoni |
Anness 5 — |
Rekwiżiti minimi meħtieġa għat-teħid ta' kampjuni minn spettur |
Anness 6 — |
Angoli minimi meħtieġa għad-distribuzzjoni tad-dawl |
1. AMBITU
Dan ir-Regolament japplika għal fanali għal binhar għal vetturi ta’ kategorija L, M, N u T (1).
2. DEFINIZZJONIJIET
Għall-għan ta’ dan ir-Regolament:
2.1. |
“Fanal għal binhar” tfisser fanal li jħares f'direzzjoni 'l quddiem li jintuża biex jagħmel il-vettura viżibbli b'mod aktar faċli waqt is-sewqan binhar; |
2.2. |
Id-definizzjonijiet mogħtija fir-Regolament Nru 48 u s-serje ta’ emendi tiegħu li daħlu fis-seħħ fiż-żmien tal-applikazzjoni għall-approvazzjoni tat-tip għandhom japplikaw għal dan ir-Regolament; |
2.3. |
“Fanali għal binhar ta” tipi differenti’ tfisser fanali li jvarjaw f’aspetti essenzjali bħal:
Tibdil fil-kulur tal-bozza tal-filament jew il-kulur ta’ kwalunkwe filtru ma jikkostitwix bidla tat-tip. |
2.4. |
Ir-referenzi li saru f'dan ir-Regolament għal bozza(bozoz) tal-filament (étalon) standard u għar-Regolament Nru 37 għandhom jirreferu għar-Regolament Nru 37 u s-serje ta’ emendi tiegħu li daħlu fis-seħħ fiż-żmien tal-applikazzjoni għall-approvazzjoni tat-tip. |
3. APPLIKAZZJONI GĦALL-APPROVAZZJONI
3.1. L-applikazzjoni għall-approvazzjoni għandha titressaq mill-proprjetarju tal-isem jew marka kummerċjali jew mir-rappreżentant tiegħu akkreditat.
Fuq għażla tal-applikant, din tispeċifika li l-apparat jista’ jitwaħħal mal-vettura b’inklinazzjonijiet differenti tal-assi ta’ referenza fir-rigward tal-uċuħ ta’ referenza tal-vettura u tal-art jew idur mal-assi ta’ referenza tiegħu; dawn il-kundizzjonijiet differenti ta’ installazzjoni għandhom ikunu indikati fuq il-formola ta’ komunikazzjoni.
3.2. Għal kull tip ta' fanal għal binhar, l-applikazzjoni għandu jkollha magħha:
3.2.1. |
disinji (fi tliet kopji) li fihom biżżejjed dettall li jippermetti l-identifikazzjoni tat-tip tal-fanal għal binhar u li juru b'mod ġeometriku l-pożizzjoni(jiet) li fiha(fihom) il-fanal għal binhar jista’ jkun immuntat fuq il-vettura, l-assi ta' osservazzjoni li għandu jittieħed bħala l-assi ta’ referenza fit-testijiet (angolu orizzontali H = 0°, angolu vertikali V = 0°) u l-punt li għandu jittieħed bħala ċ-ċentru ta’ referenza fit-testijiet imsemmija; u l-wiċċ li jdawwal, |
3.2.2. |
deskrizzjoni teknika qasira li tiddikjara, b’mod partikolari, bl-eċċezzjoni ta’ fanali li jkollhom sorsi ta’ dawl li ma jistgħux jitbiddlu:
|
3.2.3. |
żewġ fanali. |
4. MARKI
Fanali għal binhar ippreżentati għall-approvazzjoni għandhom,
4.1. juru fuq il-lenti l-isem jew il-marka kummerċjali tal-applikant; din il-marka trid tkun tinqara b’mod ċar u ma titħassarx,
4.2. bl-eċċezzjoni tal-fanali li jkollhom sorsi ta’ dawl li ma jistgħux jitbiddlu, juru marka li tista’ tinqara b'mod ċar u li ma titħassarx, fejn tindika:
(a) |
il-kategorija jew kategoriji ta’ bozza(bozoz) tal-filament preskritta(i); u/jew |
(b) |
il-kodiċi speċifiku ta’ identifikazzjoni tal-modulu tas-sors tad-dawl. |
4.3. fil-każ ta’ fanali b’tagħmir elettroniku ta’ kontroll tas-sors tad-dawl u/jew b’sorsi tad-dawl li ma jistgħux jitbiddlu u/jew modulu(i) tas-sors tad-dawl, juru l-marka tal-vultaġġ nominali jew il-medda ta’ vultaġġ u potenza massima nominali.
4.4. jipprovdu spazju xieraq għall-marka ta’ approvazzjoni u għas-simboli addizzjonali preskritti fil-paragrafu 5.2 hawn taħt; dan l-ispazju għandu jidher fuq id-disinji msemmija fil-paragrafu 3.2.1 hawn fuq.
4.5. Fil-każ ta' fanali li jkollhom modulu(i) tas-sors tad-dawl, il-modulu(i) tas-sors tad-dawl għandu jkollu(jkollhom):
4.5.1. |
l-isem kummerċjali jew il-marka kummerċjali tal-applikant; din il-marka trid tkun tinqara b’mod ċar u ma titħassarx; |
4.5.2. |
il-kodiċi speċifiku ta’ identifikazzjoni tal-modulu; din il-marka trid tkun tinqara b’mod ċar u ma titħassarx. Il-kodiċi speċifiku ta’ identifikazzjoni għandu jinkludi fil-bidu l-ittri “MD” għal “MODULU” segwiti mill-marka tal-approvazzjoni mingħajr iċ-ċirku kif preskritt fil-paragrafu 5.2.1.1 hawn taħt u, fil-każ li jintużaw diversi moduli ta’ sors tad-dawl mhux identiċi, segwiti minn simboli jew sinjali addizzjonali; dan il-kodiċi speċifiku ta’ identifikazzjoni għandu jidher fid-disinji msemmija fil-paragrafu 3.2.1 hawn fuq. Il-marka ta’ approvazzjoni ma għandhiex għalfejn tkun l-istess bħal dik fuq il-fanal li fih jintuża l-modulu, iżda ż-żewġ marki għandhom ikunu mill-istess applikant. |
4.5.3. |
il-marka tal-vultaġġ nominali u l-potenza nominali. |
4.6. Il-fanali li jaħdmu b’vultaġġi li mhumiex il-vultaġġi nominali ta’ 6 V, 12 V jew 24 V rispettivament, bl-applikazzjoni ta’ tagħmir elettroniku ta’ kontroll tas-sors tad-dawl li ma jkunx parti mill-fanal, għandhom juru wkoll marka li tindika vultaġġ nominali sekondarju tad-disinn.
4.7. It-tagħmir elettroniku ta’ kontroll tas-sors tad-dawl li jkun parti mill-fanal iżda ma jkunx inkluż fil-qafas tal-fanal, għandu juri l-isem tal-manifattur u n-numru ta’ identifikazzjoni tiegħu.
5. APPROVAZZJONI
5.1. Ġenerali
5.1.1. Jekk iż-żewġ fanali ppreżentati skont il-paragrafu 3.2.3 hawn fuq jissodisfaw ir-rekwiżiti ta’ dan ir-Regolament, l-approvazzjoni għandha tingħata.
5.1.2. Fejn il-fanali raggruppati, ikkombinati jew inkorporati reċiprokament jinstabu li jikkonformaw mar-rekwiżiti ta’ diversi Regolamenti annessi mal-Ftehim tal-1958, tista’ tkun applikata marka ta’ approvazzjoni internazzjonali waħda, sakemm dawn il-fanali ma jkunux raggruppati, ikkombinati jew inkorporati reċiprokament ma' fanal jew fanali li ma jissodisfaw l-ebda wieħed minn dawn ir-Regolamenti.
5.1.3. Għandu jingħata numru tal-approvazzjoni lil kull tip approvat. L-ewwel żewġ ċifri tiegħu (bħalissa 00 għar-Regolament fil-forma oriġinali tiegħu) għandhom jindikaw is-serje ta' emendi li jinkorporaw l-emendi tekniċi prinċipali l-aktar reċenti li saru lir-Regolament fiż-żmien meta ħarġet l-approvazzjoni. L-istess Parti Kontraenti ma tistax tagħti dan in-numru lil tip ieħor ta’ fanal kopert minn dan ir-Regolament.
5.1.4. L-avviż ta’ approvazzjoni jew estensjoni jew ċaħda jew irtirar ta’ approvazzjoni jew it-twaqqif għal kollox tal-produzzjoni ta’ tip ta’ fanal skont dan ir-Regolament, għandu jiġi kkomunikat lill-Partijiet tal-Ftehim li japplikaw dan ir-Regolament, permezz ta’ formola li tikkonforma mal-mudell fl-Anness 1 ta’ dan ir-Regolament.
5.1.5. Kull fanal li jikkonforma ma’ tip approvat skont dan ir-Regolament għandu juri, fl-ispazju msemmi fil-paragrafi 4.4 hawn fuq, marka tal-approvazzjoni kif deskritta fil-paragrafi 5.2 u 5.3 hawn taħt.
5.1.6. Il-marka u s-simboli msemmija fil-paragrafu 5.2 iridu jkunu jinqraw b’mod ċar u ma jitħassrux anki meta l-fanal ikun immuntat fuq il-vettura.
5.2. Il-kompożizzjoni tal-marka tal-approvazzjoni
Il-marka tal-approvazzjoni għandha tikkonsisti minn:
5.2.1. |
marka ta’ approvazzjoni internazzjonali, li tinkludi:
|
5.2.2. |
is-simbolu addizzjonali “RL”. |
5.2.3. |
Iż-żewġ ċifri tan-numru tal-approvazzjoni li jindikaw is-serje ta’ emendi fis-seħħ fiż-żmien meta nħarġet l-approvazzjoni, jistgħu jkunu mmarkati qrib is-simboli addizzjonali ta’ hawn fuq. |
5.3. Arranġament tal-marka ta’ approvazzjoni
5.3.1. Fanali indipendenti
L-Anness 2, Figura 1, ta’ dan ir-Regolament jagħti eżempju tal-arranġament tal-marka ta’ approvazzjoni bis-simboli addizzjonali msemmija hawn fuq.
5.3.2. Fanali raggruppati, ikkombinati jew inkorporati reċiprokament
5.3.2.1. Fejn il-fanali raggruppati, ikkombinati jew inkorporati reċiprokament jinstabu li jikkonformaw mar-rekwiżiti ta’ diversi Regolamenti, tista’ titwaħħal marka tal-approvazzjoni internazzjonali waħda, li tikkonsisti f’ċirku madwar l-ittra “E” segwit min-numru li jiddistingwi l-pajjiż li ta l-approvazzjoni, u numru tal-approvazzjoni. Din il-marka tal-approvazzjoni tista’ titpoġġa fi kwalunkwe post fuq il-fanali raggruppati, ikkombinati jew inkorporati reċiprokament, sakemm:
5.3.2.1.1. |
din tkun viżibbli wara l-installazzjoni tagħhom. |
5.3.2.1.2. |
l-ebda parti mill-fanali raggruppati, ikkombinati jew inkorporati reċiprokament li tittrażmetti d-dawl ma tista’ titneħħa mingħajr ma, fl-istess waqt, titneħħa l-marka tal-approvazzjoni. |
5.3.2.2. Is-simbolu tal-identifikazzjoni għal kull fanal li jikkorrispondi għal kull Regolament li skontu ngħatat l-approvazzjoni, flimkien mas-serje korrispondenti ta’ emendi li jinkorporaw l-emendi tekniċi prinċipali l-aktar reċenti għar-Regolament fiż-żmien meta nħarġet l-approvazzjoni, u jekk ikun meħtieġ, il-vleġġa meħtieġa, għandhom ikunu mmarkati kif ġej:
5.3.2.2.1. |
jew fuq il-wiċċ li jdawwal adattat, |
5.3.2.2.2. |
jew fi grupp, b’mod li kull wieħed mill-fanali raggruppati, ikkombinati jew inkorporati reċiprokament jista’ jkun identifikat b’mod ċar. |
5.3.2.3. Id-daqs tal-komponenti ta’ marka ta’ approvazzjoni waħda ma’ għandux ikun inqas mid-daqs minimu għall-iċken fost il-marki individwali meħtieġ mir-Regolament li skontu ngħatat l-approvazzjoni.
5.3.2.4. Għandu jingħata numru tal-approvazzjoni lil kull tip approvat. L-istess Parti Kontraenti ma tistax talloka l-istess numru lil tip ieħor ta' fanali raggruppati, ikkombinati jew reċiprokament inkorporati li jkunu koperti minn dan ir-Regolament.
5.3.2.5. L-Anness 2, Figura 2, għal dan ir-Regolament jagħti eżempji tal-arranġamenti tal-marki ta’ approvazzjoni għall-fanali raggruppati, ikkombinati jew inkorporati reċiprokament bis-simboli addizzjonali kollha msemmija aktar ’il fuq.
5.3.3. Fanali inkorporati reċiprokament ma’ fanali oħra, li l-lenti tagħhom tista’ wkoll tintuża għal tipi oħra ta’ apparat
Id-dispożizzjonijiet stabbiliti fil-paragrafu 5.3.2. hawn fuq huma applikabbli.
5.3.3.1. Barra minn hekk, fejn tintuża l-istess lenti, din tal-aħħar jista’ jkollha fuqha marki tal-approvazzjoni differenti relatati mat-tipi differenti ta’ fanali ta’ quddiem jew ta’ unitajiet ta’ fanali, sakemm il-parti prinċipali tal-apparat, anki jekk ma tistax tiġi sseparata mil-lenti, tinkludi wkoll l-ispazju deskritt fil-paragrafu 4.4 hawn fuq u jkollha l-marki tal-approvazzjoni tal-funzjonijiet reali.
Jekk tipi differenti ta’ apparat jinkludu l-istess parti prinċipali, din tal-aħħar jista’ jkollha marki tal-approvazzjoni differenti.
5.3.3.2. L-Anness 2, Figura 3, ta’ dan ir-Regolament jagħti eżempji tal-arranġamenti tal-marki tal-approvazzjoni relatati mal-każ ta’ hawn fuq.
6. SPEĊIFIKAZZJONIJIET ĠENERALI
6.1. Kull fanal għandu jikkonforma mal-ispeċifikazzjonijiet stabbiliti fil-paragrafi hawn taħt.
6.2. Il-fanali għal binhar għandhom ikunu ddisinjati u mibnija b’tali mod li meta jintużaw b’mod normali, minkejja l-vibrazzjoni li mbagħad jistgħu jkunu soġġetti għaliha, dawn ikomplu jiffunzjonaw b'mod sodisfaċenti u jżommu l-karatteristiċi preskritti minn dan ir-Regolament.
6.3. Fil-każ ta’ moduli tas-sors tad-dawl, għandu jiġi ċċekkjat li:
6.3.1. |
Id-disinn tal-modulu(i) tas-sors tad-dawl għandu jkun tali:
|
6.3.2. |
Il-modulu(i) tas-sors tad-dawl għandu jkun tali li ma jistax jiġi mittiefes. |
6.4. Modulu tas-sors tad-dawl
6.4.1. Id-disinn tal-modulu(i) tas-sors tad-dawl għandu jkun tali li anki fid-dlam, il-modulu(i) tas-sors tad-dawl ma jista’(jistgħu) jkun(jkunu) fl-ebda pożizzjoni oħra ħlief dik korretta.
6.4.2. Il-modulu(i) tas-sors tad-dawl għandu jkun tali li ma jistax jiġi mittiefes.
6.5. Fil-każ ta’ bozza(bozoz) tal-filament li tista’(jistgħu) titbiddel(jitbiddlu):
6.5.1. |
Kull kategorija jew kategoriji ta’ bozza(bozoz) tal-filament approvati skont ir-Regolament Nru 37 jistgħu jintużaw, sakemm ma jkun hemm l-ebda restrizzjoni fuq l-użu fir-Regolament Nru 37 u fis-serje ta’ emendi tiegħu, fis-seħħ fiż-żmien tal-applikazzjoni għall-approvazzjoni tat-tip. |
6.5.2. |
Id-disinn tal-apparat għandu jkun tali li l-bozza tal-filament ma tista’ titwaħħal fl-ebda pożizzjoni oħra ħlief dik korretta. |
6.5.3. |
L-apparat li jżomm il-bozza tal-filament għandu jikkonforma mal-karatteristiċi mogħtija fil-Pubblikazzjoni tal-IEC 60061. Tapplika l-folja bid-dejta dwar l-apparat rilevanti għall-kategorija ta’ bozza tal-filament użata. |
7. INTENSITÀ TAD-DAWL
7.1. L-intensità luminuża tad-dawl mitfugħ minn kull fanal ma għandhiex tkun inqas minn 400 cd fl-assi ta’ referenza.
7.2. Barra mill-assi ta’ referenza u fil-meded tal-angoli definiti fid-dijagramma ta’ arranġament fl-Anness 6 ta’ dan ir-Regolament, l-intensità tad-dawl mitfugħ minn kull fanal għandha tkun:
7.2.1. |
F’kull direzzjoni li tikkorrispondi mal-punti fit-tabella tad-distribuzzjoni standard tad-dawl riprodotta fl-Anness 3 ta’ dan ir-Regolament, ma tkunx anqas mill-minimu speċifikat fil-paragrafu 7.1 hawn fuq, immultiplikat bil-perċentwali speċifikat fit-tabella msemmija tad-direzzjoni kkonċernata, kif ukoll |
7.2.2. |
ma taqbiżx 1 200 cd fi kwalunkwe direzzjoni li fiha jkun viżibbli l-fanal. |
7.3. Barra minn hekk, tul il-medda kollha definita fid-dijagramma fl-Anness 6, l-intensità tad-dawl mitfugħ ma tistax tkun inqas minn 1,0 cd.
7.4. Fil-każ li fanal ikun fih aktar minn sors wieħed ta’ dawl, il-fanal għandu jikkonforma mal-intensità minima meħtieġa meta jkun hemm avarija f'xi sors ta’ dawl minnhom u meta s-sorsi kollha ta’ dawl jinxtegħlu, l-intensità massima ma għandhiex tinqabeż.
Grupp ta’ sorsi tad-dawl, b'ċirkwit apposta biex jekk xi wieħed minnhom jaħdem ħażin iwaqqaf lill-oħrajn kollha milli jitfgħu d-dawl, għandu jitqies li hu sors wieħed ta’ dawl.
8. WIĊĊ APPARENTI
Il-parti tal-wiċċ apparenti fid-direzzjoni tal-assi ta’ referenza tal-fanal ma għandhiex tkun inqas minn 25 cm2 u mhux aktar minn 200 cm2.
9. KULUR TAD-DAWL
Il-kulur tad-dawl għandu jkun abjad. Dan għandu jitkejjel fil-kundizzjonijiet kif preskritti fil-paragrafu 10 hawn taħt.
10. PROĊEDURA TAT-TEST
10.1. Il-kejl kollu, fotometriku u kolorimetriku, għandu jsir b’bozza tal-filament standard u bla kulur tal-kategorija preskritta għall-apparat, u l-vultaġġ tal-provvista jkun irregolat b'tali mod li jipproduċi l-fluss luminuż ta' referenza meħtieġ għal dik il-kategorija ta' bozza, meta ma jkunx fornut b’tagħmir elettroniku ta’ kontroll tas-sors tad-dawl.
10.2. Fil-każ ta’ sistema li tuża tagħmir elettroniku ta’ kontroll tas-sors tad-dawl li jkun parti mill-fanal (3), il-kejl kollu, fotometriku u kolorimetriku, għandu jsir billi jiġi applikat fit-terminali ta’ dħul tal-fanal, vultaġġ ta’ 6,75 V, 13,5 V jew 28,0 V rispettivament.
10.3. Fil-każ ta’ sistema li tuża tagħmir elettroniku ta’ kontroll tas-sors ta’ dawl li ma jkunx parti mill-fanal, il-vultaġġ iddikjarat mill-manifattur għandu jiġi applikat fit-terminali tad-dħul tal-fanal. Il-laboratorju tat-test għandu jirrikjedi mill-manifattur it-tagħmir ta’ kontroll tas-sors ta’ dawl meħtieġ biex jiġu fornuti s-sors ta’ dawl u l-funzjonijiet applikabbli. Il-vultaġġ li jrid jiġi applikat lill-fanal għandu jiġi nnotat fil-komunikazzjoni fl-Anness 1 ta’ dan ir-Regolament.
10.4. Għal kull fanal għajr dawk mgħammra b’bozoz tal-filament, l-intensitajiet tad-dawl, imkejla wara minuta u wara 30 minuta ta’ tħaddim, għandhom jikkonformaw mar-rekwiżiti minimi u massimi. Id-distribuzzjoni tal-intensità luminuża wara minuta ta’ tħaddim tista’ tiġi kkalkolata mid-distribuzzjoni tal-intensità luminuża wara 30 minuta ta’ tħaddim billi jiġi applikat ma' kull punt tat-test il-proporzjon ta’ intensitajiet luminużi mkejla b’vultaġġ għoli (HV) wara minuta u wara 30 minuta ta’ tħaddim.
10.5. Għandhom jiġu ddeterminati l-limiti tal-wiċċ apparenti fid-direzzjoni tal-assi ta’ referenza ta’ apparat li jagħti sinjal bid-dawl.
11. TEST TAR-REŻISTENZA GĦAS-SĦANA
11.1. Il-fanal għandu jkun suġġett għal test ta’ tħaddim kontinwu ta’ siegħa wara perjodu ta’ tisħin ta’ 20 minuta. It-temperatura ambjentali għandha tkun 23 °C ± 5°. Il-bozza tal-filament użata għandha tkun bozza tal-filament tal-kategorija speċifikata għall-fanal, u għandha tiġi fornuta b'kurrent ta' vultaġġ li jkun tali li jagħti l-qawwa medja speċifikata fil-vultaġġ tat-test korrispondenti. Iżda, għal fanali mgħammra b’sorsi ta’ dawl li ma jistgħux jitbiddlu (bozoz tal-filament u oħrajn), it-test għandu jsir bis-sorsi ta’ dawl preżenti fil-fanal, skont il-paragrafu 10.2 ta’ dan ir-Regolament.
11.2. Fejn il-qawwa massima biss tkun speċifikata, it-test għandu jitwettaq billi jirregola l-vultaġġ biex tinkiseb qawwa daqs 90 fil-mija tal-qawwa speċifikata. Il-qawwa medja jew massima speċifikata, imsemmija hawn fuq, għandha fil-każijiet kollha tingħażel mill-medda ta' vultaġġi ta’ 6, 12 jew 24 V li fiha tilħaq l-ogħla valur; għal fanali mgħammra b’sorsi tad-dawl li ma jistgħux jitbiddlu (bozoz tal-filament u oħrajn) għandhom japplikaw il-kundizzjonijiet tat-test stabbiliti fil-paragrafu 10.2 ta’ dan ir-Regolament.
11.3. Wara li l-fanal ikun stabbilizzat għat-temperatura tal-ambjent, l-ebda tagħwiġ, deformazzjoni, qsim jew bdil tal-kulur ma għandu jidher. F’każ ta' dubju għandha titkejjel l-intensità tad-dawl skont il-paragrafu 7 hawn fuq. B’dak il-kejl il-valuri għandhom jilħqu mill-inqas 90 fil-mija tal-valuri miksuba qabel it-test tar-reżistenza għas-sħana fuq l-istess apparat.
12. MODIFIKAZZJONIJIET TA’ TIP TA’ FANAL GĦAL BINHAR U ESTENSJONI TAL-APPROVAZZJONI
12.1. Kull modifika tat-tip ta’ fanal għandha tkun innotifikata lid-Dipartimenti Amministrattivi li approvaw it-tip ta’ fanal. Id-dipartiment jista’ mbagħad jew:
12.1.1. |
Iqis li l-modifiki magħmula x’aktarx ma jkollhomx effett negattiv sinifikanti u li xorta waħda l-fanal għadu konformi mar-rekwiżiti; jew |
12.1.2. |
Jitlob rapport ta’ test ulterjuri mis-servizz tekniku responsabbli għat-twettiq tat-testijiet. |
12.2. Konferma jew ċaħda ta’ approvazzjoni, li tispeċifika l-alterazzjonijiet, għandha tkun ikkomunikata permezz tal-proċedura speċifikata fil-paragrafu 5.1.4 ta’ hawn fuq lill-Partijiet għall-Ftehim li japplikaw dan ir-Regolament.
12.3. L-Awtorità Kompetenti li toħroġ l-estensjoni tal-approvazzjoni għandha tassenja numru ta’ serje għal estensjoni ta’ din ix-xorta u għandha tgħarraf b'dan lill-Partijiet l-oħra għall-Ftehim li japplikaw dan ir-Regolament permezz ta’ formola ta’ komunikazzjoni li tikkonforma mal-mudell fl-Anness 1 ta’ dan ir-Regolament.
13. KONFORMITÀ TAL-PRODUZZJONI
Il-proċeduri tal-konformità tal-produzzjoni għandhom jikkonformaw ma’ dawk stabbiliti fl-Appendiċi 2 tal-Ftehim (E/ECE/324-E/ECE/TRANS/505/Rev.2), bir-rekwiżiti li ġejjin:
13.1. |
Il-fanali approvati skont dan ir-Regolament għandhom ikunu mmanifatturati b’tali mod li jikkonformaw mat-tip approvat billi jiġu sodisfatti r-rekwiżiti stabbiliti fil-paragrafi 6, 7, 8 u 9 hawn fuq. |
13.2. |
Għandu jkun hemm konformità mar-rekwiżiti minimi għall-proċeduri ta’ kontroll tal-konformità tal-produzzjoni stabbiliti fl-Anness 4 ta' dan ir-Regolament. |
13.3. |
Għandu jkun hemm konformità mar-rekwiżiti minimi għat-teħid ta’ kampjuni minn spettur, kif stabbiliti fl-Anness 5 ta' dan ir-Regolament. |
13.4. |
L-awtorità li tkun tat l-approvazzjoni tat-tip tista' fi kwalunkwe ħin tivverifika l-metodi tal-kontroll tal-konformità applikati f'kull stabbiliment ta' produzzjoni. Il-frekwenza normali ta' dawn il-verifiki għandha tkun ta' darba kull sentejn. |
14. SANZJONIJIET GĦAL NUQQAS TA’ KONFORMITÀ TAL-PRODUZZJONI
14.1. L-approvazzjoni mogħtija fir-rigward ta’ tip ta’ fanal għal binhar skont dan ir-Regolament tista' tiġi rtirata jekk ma jkunx hemm konformità mar-rekwiżiti jew jekk fanal għal binhar li jkollu fuqu l-marka tal-approvazzjoni ma jikkonformax mat-tip approvat.
14.2. Jekk Parti għall-Ftehim li tapplika dan ir-Regolament tirtira approvazzjoni li tkun tat preċedentement, minnufih għandha tinnotifika b'dan lill-Partijiet Kontraenti l-oħra li japplikaw dan ir-Regolament permezz ta’ formola ta’ komunikazzjoni li tikkonforma mal-mudell fl-Anness 1 għal dan ir-Regolament.
15. PRODUZZJONI MWAQQFA GĦAL KOLLOX
Jekk id-detentur tal-approvazzjoni jieqaf għal kollox milli jimmanifattura tip ta' fanal għal binhar approvat skont dan ir-Regolament, għandu jgħarraf b'dan lill-awtorità li tat l-approvazzjoni. Malli tirċievi l-komunikazzjoni rilevanti, dik l-awtorità għandha tgħarraf b'dan lill-Partijiet l-oħra għall-Ftehim li japplikaw dan ir-Regolament permezz ta’ formola ta’ komunikazzjoni li tikkonforma mal-mudell fl-Anness 1 għal dan ir-Regolament.
16. ISMIJIET U INDIRIZZI TA’ SERVIZZI TEKNIĊI RESPONSABBLI MIT-TMEXXIJA TA’ TESTIJIET TA’ APPROVAZZJONI U TAD-DIPARTIMENTI AMMINISTRATTIVI
Il-Partijiet għall-Ftehim li qed japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli mit-twettiq tat-testijiet tal-approvazzjoni u tad-Dipartimenti Amministrattivi li jagħtu l-approvazzjoni u fejn għandhom jintbagħtu l-formoli li jiċċertifikaw l-approvazzjoni jew l-estensjoni jew iċ-ċaħda jew l-irtirar tal-approvazzjoni, jew tal-produzzjoni li twaqqfet għal kollox, maħruġa f’pajjiżi oħra.
(1) Kif definit fl-Anness 7 tar-Riżoluzzjoni Konsolidata dwar il-Kostruzzjoni tal-Vetturi (R.E.3), (id-dokument TRANS/WP.29/78/Rev.1/Amend. 2 kif emendat l-aħħar mill-Emenda 4).
(2) 1 għall-Ġermanja, 2 għal Franza, 3 għall-Italja, 4 għall-Olanda, 5 għall-Iżvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għas-Serbja, 11 għar-Renju Unit, 12 għall-Awstrija, 13 għal-Lussemburgu, 14 għall-Iżvizzera, 15 (vojta), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 għall-Irlanda, 25 għall-Kroazja, 26 għas-Slovenja, 27 għas-Slovakkja, 28 għall-Belarus, 29 għall-Estonja, 30 (vojta), 31 għall-Bożnja u Ħerzegovina, 32 għal-Latvja, 33 (vojta), 34 għall-Bulgarija, 35 (vojta), 36 għal-Litwanja, 37 għat-Turkija, 38 (vojta), 39 għall-Ażerbajġan, 40 għal dik li kienet ir-Repubblika Jugożlava tal-Maċedonja, 41 (vojta), 42 għall-Komunità Ewropea (L-approvazzjonijiet jingħataw mill-Istati Membri tagħha li jużaw is-simbolu ECE rispettiv tagħhom), 43 għall-Ġappun, 44 (vojta), 45 għall-Awstralja, 46 għall-Ukraina, 47 għall-Afrika t’Isfel, 48 għal New Zealand, 49 għal Ċipru, 50 għal Malta, 51 għar-Repubblika tal-Korea, 52 għall-Malażja, 53 għat-Tajlandja, 54 u 55 (vojta), 56 għall-Montenegro, 57 (vojta) u 58 għat-Tuniżija. In-numri sussegwenti għandhom jingħataw lil pajjiżi oħra fl-ordni kronoloġika li fiha jirratifikaw jew jiffirmaw il-Ftehim li Jikkonċerna l-Adozzjoni tad-Dispożizzjonijiet Tekniċi Uniformi għall-Vetturi bir-Roti, għat-Tagħmir u għall-Partijiet li jistgħu Jitwaħħlu u/jew Jintużaw fuq il-Vetturi bir-Roti u l-Kundizzjonijiet għall-Għarfien Reċiproku tal-Approvazzjonijiet Mogħtija fuq il-Bażi ta’ dawn il-Preskrizzjonijiet, u n-numri mogħtija b’dan il-mod għandhom ikunu kkomunikati mis-Segretarju Ġenerali tan-Nazzjonijiet Uniti lill-Partijiet Kontraenti għall-Ftehim.
(3) Għall-fini ta’ dan ir-Regolament, “li jkun parti mill-fanal” tfisser li jkun fiżikament inkluż fil-qafas tal-fanal jew li jkun estern, separat jew le, mill-qafas tal-fanal iżda fornut mill-manifattur tal-fanal bħala parti mis-sistema tal-fanal.
ANNESS 2
EŻEMPJU TA’ KIF TIDHER IL-MARKA TAL-APPROVAZZJONI
Figura 1
Eżempji ta’ marki possibbli għal fanali raggruppati mqiegħda fuq quddiem tal-vettura
Figura 2
Il-linji vertikali u orizzontali jiskematizzaw il-forma tal-apparat tad-dawl. Dawn mhumiex parti mill-marka tal-approvazzjoni.
Fanal inkorporat reċiprokament ma’ fanal ta’ quddiem
Figura 3
Il-parti prinċipali tal-fanal ta' quddiem għandu jkollha l-uniku numru validu tal-approvazzjoni, pereżempju:
ANNESS 3
KEJL FOTOMETRIKU
1. Meta jsir il-kejl fotometriku, għandhom jiġu evitati riflessi iżolati permezz ta’ kopertura xierqa.
2. F’każ li r-riżultati tal-kejl jiġu kkontestati, il-kejl għandu jsir b’tali mod li jissodisfa r-rekwiżiti li ġejjin:
2.1. |
id-distanza tal-kejl għandha tkun tali li tkun tgħodd il-liġi tal-invers tal-kwadru tad-distanza: |
2.2. |
it-tagħmir tal-kejl għandu jkun tali li l-angolu li jiġi quddiem ir-riċevitur miċ-ċentru ta’ referenza tad-dawl ikun bejn 10′ u 1°: |
2.3. |
il-ħtieġa ta’ intensità għal direzzjoni partikolari ta’ osservazzjoni għandha tiġi sodisfatta jekk l-intensità meħtieġa tinkiseb f’direzzjoni li tiddevja b’mhux aktar minn kwart ta’ grad mid-direzzjoni tal-osservazzjoni. |
3. Fil-każ fejn il-fanal għal binhar jista’ jiġi installat fuq il-vettura f'aktar minn pożizzjoni waħda jew f'medda ta’ pożizzjonijiet differenti, il-kejl fotometriku għandu jiġu ripetut għal kull pożizzjoni jew għall-pożizzjonijiet estremi tal-medda tal-assi ta’ referenza speċifikata mill-manifattur.
4. Kejl fotometriku tal-fanali
Ir-rendiment fotometriku għandha tiġi ċċekkjata:
4.1. |
Għal sorsi ta' dawl li ma jistgħux jitbiddlu (bozoz tal-filament jew oħrajn): bis-sorsi ta’ dawl preżenti fil-fanal, skont il-paragrafu 10 ta’ dan ir-Regolament. |
4.2. |
Għal bozoz tal-filament li jistgħu jitbiddlu: meta mgħammra b’bozoz tal-filament ta’ 6,75 V, 13,5 V jew 28,0 V, il-valuri ta’ intensità luminuża prodotti għandhom ikunu kkoreġuti. Il-fattur ta’ korrezzjoni huwa l-proporzjon bejn il-fluss luminuż ta’ referenza u l-valur medju tal-fluss luminuż li jinsab fil-vultaġġ applikat (6,75 V, 13,5 V jew 28,0 V). Il-flussi luminużi attwali ta’ kull bozza tal-filament użata ma għandhomx jiddevjaw aktar minn ± 5 fil-mija mill-valur medju. B’mod alternattiv, bozza tal-filament standard tista’ tintuża minflok, f'kull waħda mill-pożizzjonijiet individwali, operata bil-fluss ta’ referenza tagħha u bil-kejl individwali f'kull pożizzjoni magħdud flimkien. |
4.3. |
Għal kull fanal għal binhar għajr dawk mgħammra b’bozza(bozoz) tal-filament, l-intensitajiet luminużi, imkejla wara minuta u wara 30 minuta ta’ użu, għandhom jikkonformaw mar-rekwiżiti minimi u massimi. Id-distribuzzjoni tal-intensità luminuża wara minuta ta’ tħaddim tista’ tiġi kkalkolata mid-distribuzzjoni tal-intensità luminuża wara 30 minuta ta’ tħaddim billi jiġi applikat ma' kull punt tat-test il-proporzjon ta’ intensitajiet luminużi mkejla b’vultaġġ għoli (HV) wara minuta u wara 30 minuta ta’ tħaddim. |
5. Tabella tad-distribuzzjoni standard tad-dawl
5.1. |
Id-direzzjoni H = 0° u V = 0° tikkorrispondi għall-assi ta’ referenza. (Fuq il-vettura, dan huwa orizzontali, parallel mal-wiċċ lonġitudinali medjan tal-vettura u orjentat fid-direzzjoni meħtieġa ta’ viżibilità). Huwa jgħaddi miċ-ċentru ta’ referenza. Il-valuri li jidhru fit-tabella jagħtu, fil-każ tad-direzzjonijiet varji ta’ kejl, l-intensitajiet minimi bħala perċentwali tal-minimu meħtieġ fl-assi għal kull fanal (fid-direzzjoni H = 0° u V = 0°). |
5.2. |
Fi ħdan il-medda ta’ distribuzzjoni ta’ dawl tal-paragrafu 3 hawn fuq, li tidher b’mod skematiku bħala grilja, id-disinn tad-dawl għandu jkun sostanzjalment uniformi, jiġifieri fis-sens li l-intensità tad-dawl f'kull direzzjoni ta’ parti mill-medda ffurmata mil-linji tal-grilja tilħaq tal-anqas il-valur minimu l-aktar baxx li jidher fuq il-linji tal-grilja bħala perċentwali, madwar id-direzzjoni kkonċernata. |
Figura 4
Moduli ta' sors ta' dawl
MD E3 17325
Il-modulu ta’ sors ta' dawl li jkollu l-kodiċi ta' identifikazzjoni li jidher hawn fuq ġie approvat flimkien ma' fanal approvat fl-Italja (E3) bin-numru ta’ approvazzjoni 17325.
ANNESS 4
Rekwiżiti minimi għall-konformità tal-produzzjoni proċeduri tal-kontroll
1. ĠENERALI
1.1. Ir-rekwiżiti ta’ konformità għandhom jitqiesu sodisfatti mil-lat mekkaniku u ġeometriku, jekk id-differenzi ma jaqbżux id-devjazzjonijiet inevitabbli tal-manifattura fi ħdan ir-rekwiziti ta' dan ir-Regolament.
1.2. Fir-rigward tar-rendiment fotometriku, il-konformità ta’ fanali prodotti bil-massa ma għandhiex tkun ikkontestata jekk, meta jiġi ttestjat ir-rendiment fotometriku ta’ kwalunkwe fanal magħżul b’mod każwali u mgħammar b’bozza tal-filament standard, jew meta l-fanali jkunu mgħammra b’sorsi ta’ dawl li ma jistgħux jitbiddlu (bozoz tal-filament jew oħrajn), u meta l-kejl kollu jsir fuq 6,75 V, 13,5 V jew 28,0 V, rispettivament:
1.2.1. |
l-ebda valur imkejjel ma jiddevja b’mod mhux favorevoli b’aktar minn 20 fil-mija mill-valuri preskritti f’dan ir-Regolament. |
1.2.2. |
Jekk, fil-każ ta’ fanal mgħammar b’sors ta’ dawl li jista’ jitbiddel u jekk ir-riżultati tat-test deskritt hawn fuq ma jissodisfawx ir-rekwiżiti, it-testijiet fuq il-fanali għandhom jerġgħu jsiru permezz ta’ bozza oħra tal-filament standard. |
1.3. Għandu jkun hemm konformità mal-koordinati tal-kromatiċità meta l-fanal ikun mgħammar b’bozza tal-filament standard, jew għal fanali mgħammra b’sorsi ta’ dawl li ma jistgħux jitbiddlu (bozoz tal-filament jew oħrajn), meta l-karatteristiċi kolorimetriċi jiġu vverifikati mas-sors ta’ dawl li jinsab fil-fanal.
2. REKWIŻITI MINIMI GĦALL-VERIFIKA TAL-KONFORMITÀ MILL-MANIFATTUR
Għal kull tip ta’ fanal id-detentur tal-marka tal-approvazzjoni għandu jwettaq tal-inqas it-testijiet li ġejjin, f’intervalli xierqa. Dawn it-testijiet għandhom jitwettqu skont id-dispożizzjonijiet ta' dan ir-Regolament.
Jekk xi teħid ta’ kampjuni juri nuqqas ta’ konformità fir-rigward tat-tip ta’ test ikkonċernat, għandhom jittieħdu u jiġu ttestjati aktar kampjuni. Il-manifattur irid jieħu l-passi meħtieġa biex jiżgura l-konformità tal-prodott ikkonċernat.
2.1. Natura tat-testijiet
It-testijiet ta’ konformità f’dan ir-Regolament għandhom ikopru l-karatteristiċi fotometriċi u kolorimetriċi.
2.2. Metodi użati fit-testijiet
2.2.1. |
It-testijiet ġeneralment għandhom jitwettqu skont il-metodi stipulati f'dan ir-Regolament. |
2.2.2. |
Fi kwalunkwe test tal-konformità mwettaq mill-manifattur, jistgħu jintużaw metodi ekwivalenti bil-kunsens tal-Awtorità Kompetenti responsabbli għat-testijiet tal-approvazzjoni. Hija r-responsabbiltà tal-manifattur li jipprova li l-metodi li juża jkunu ekwivalenti għal dawk stipulati f’dan ir-Regolament. |
2.2.3. |
L-applikazzjoni tal-paragrafi 2.2.1. u 2.2.2. teħtieġ kalibrar regolari tal-apparat tat-test u l-korrelazzjoni tiegħu ma’ kejl magħmul minn Awtorità Kompetenti. |
2.2.4. |
F’kull każ, il-metodi ta’ referenza għandhom ikunu dawk ta’ dan ir-Regolament, b’mod partikolari għall-għan ta’ teħid ta’ kampjuni u verifika amministrattivi. |
2.3. Kif jittieħdu l-kampjuni
Il-kampjuni tal-fanali għandhom jintgħażlu b’mod każwali mill-produzzjoni ta’ lott uniformi. Lott uniformi jfisser sett ta’ fanali tal-istess tip, iddefinit skont il-metodi ta’ produzzjoni tal-manifattur.
L-evalwazzjoni ġeneralment għandha tkopri produzzjoni ta’ serje minn fabbriki individwali. Madankollu, manifattur jista' jgħaqqad flimkien rekords dwar l-istess tip minn diversi fabbriki, sakemm dawn joperaw bl-istess sistema ta' kwalità u l-istess ġestjoni ta’ kwalità.
2.4. Karatteristiċi fotometriċi mkejla u rreġistrati
Il-fanal li tiegħu jittieħed il-kampjun għandu jkun suġġett għal kejl fotometriku għall-valuri minimi fil-punti elenkati fl-Anness 3 u l-koordinati ta’ kromatiċità meħtieġa.
2.5. Il-kriterji ta' x'inhu aċċettabbli
Il-manifattur huwa responsabbli mit-twettiq ta’ studju statistiku tar-riżultati tat-test u biex jiddefinixxi, bi ftehim mal-Awtorità Kompetenti, il-kriterji li jirregolaw l-aċċettabilità tal-prodotti tiegħu sabiex ikunu sodisfatti l-ispeċifikazzjonijiet stabbiliti għall-verifika tal-konformità tal-prodotti fil-paragrafu 13.1 ta’ dan ir-Regolament.
Il-kriterji li jirregolaw l-aċċettabilità għandhom ikunu tali li, b’livell ta’ kunfidenza ta’ 95 fil-mija, il-probabbiltà minima ta’ suċċess f’kontroll għall-għarrieda skont l-Anness 5 (l-ewwel teħid tal-kampjuni) tkun ta’ 0,95.
ANNESS 5
REKWIŻITI MINIMI MEĦTIEĠA GĦAT-TEĦID TA' KAMPJUNI MINN SPETTUR
1. ĠENERALI
1.1. Ir-rekwiżiti ta’ konformità għandhom jitqiesu sodisfatti mil-lat mekkaniku u ġeometriku, skont ir-rekwiżiti ta' dan ir-Regolament, jekk dawn jeżistu, jekk id-differenzi ma jaqbżux id-devjazzjonijiet inevitabbli tal-manifattura.
1.2. Fir-rigward tar-rendiment fotometriku, il-konformità tal-fanali prodotti bil-massa ma għandhiex tkun ikkontestata jekk, meta jiġi ttestjat ir-rendiment fotometriku ta’ kwalunkwe fanal magħżul b’mod każwali u mgħammar b’bozza tal-filament standard, jew meta l-fanali jkunu mgħammra b’sorsi ta’ dawl li ma jitbiddlux (bozoz tal-filament jew oħrajn), u meta l-kejl kollu jsir fuq 6,75 V, 13,5 V jew 28,0 V rispettivament:
1.2.1. |
l-ebda valur imkejjel ma jiddevja b’mod mhux favorevoli b’aktar minn 20 fil-mija mill-valuri preskritti f’dan ir-Regolament. |
1.2.2. |
Jekk, fil-każ ta’ fanal mgħammar b’sors ta’ dawl li jista’ jitbiddel u jekk ir-riżultati tat-test deskritt hawn fuq ma jissodisfawx ir-rekwiżiti, it-testijiet fuq il-fanali għandhom jerġgħu jsiru permezz ta’ bozza oħra tal-filament standard. |
1.2.3. |
Fanali b’difetti evidenti jitwarrbu. |
1.3. Għandu jkun hemm konformità mal-koordinati tal-kromatiċità meta l-fanal ikun mgħammar b’bozza tal-filament standard, jew għal fanali mgħammra b’sorsi ta’ dawl li ma jistgħux jitbiddlu (bozoz tal-filament jew oħrajn), meta l-karatteristiċi kolorimetriċi jiġu vverifikati mas-sors ta’ dawl li jinsab fil-fanal.
2. L-EWWEL TEĦID TA’ KAMPJUNI
Fl-ewwel teħid ta’ kampjuni jintgħażlu erba’ fanali b’mod każwali. L-ewwel kampjun ta' tnejn minnhom ikun immarkat A, it-tieni kampjun ta’ tnejn minnhom ikun immarkat B.
2.1. Il-konformità ma tkunx ikkontestata
2.1.1. |
Skont il-proċedura ta’ teħid ta’ kampjuni kif tidher fil-Figura 1 ta’ dan l-anness, il-konformità tal-fanali prodotti bil-massa ma għandhiex tiġi kkontestata jekk id-devjazzjonijiet tal-valuri mkejla tal-fanali fid-direzzjonijiet mhux favorevoli jkunu:
|
2.1.2. |
jew, jekk il-kundizzjonijiet tal-paragrafu 1.2.2 għall-kampjun A jiġu sodisfatti. |
2.2. Il-konformità tkun ikkontestata
2.2.1. |
Skont il-proċedura tat-teħid tal-kampjuni kif tidher fil-Figura 1 ta’ dan l-Anness, il-konformità tal-fanali prodotti bil-massa għandha tiġi kkontestata u l-manifattur jintalab iġib il-produzzjoni tiegħu b'mod li tissodisfa r-rekwiżiti (allinjament) jekk id-devjazzjonijiet tal-valuri mkejla tal-fanali jkunu:
|
2.2.2. |
jew, jekk il-kundizzjonijiet tal-paragrafu 1.2.2 għall-kampjun A ma jkunux sodisfatti. |
2.3. Approvazzjoni rtirata
Il-konformità għandha tkun ikkontestata u jkun applikat il-paragrafu 14 jekk, skont il-proċedura ta’ teħid ta’ kampjuni fil-Figura 1 ta’ dan l-Anness, id-devjazzjonijiet tal-valuri mkejla tal-fanali jkunu:
2.3.1. |
kampjun A
|
2.3.2. |
kampjun B
|
2.3.3. |
jew, jekk il-kundizzjonijiet tal-paragrafu 1.2.2 għall-kampjuni A u B ma jkunux sodisfatti. |
3. TEĦID RIPETUT TA’ KAMPJUNI
Fil-każ ta’ A3, B2, B3 jeħtieġ teħid ripetut ta’ kampjuni, it-tielet kampjun C ta’ żewġ fanali u r-raba’ kampjun D ta’ żewġ fanali, magħżula mill-istokk immanifatturat wara l-allinjament, fi żmien xahrejn wara n-notifika.
3.1. Il-konformità ma tkunx ikkontestata
3.1.1. |
Skont il-proċedura tat-teħid tal-kampjuni li tidher fil-Figura 1 ta’ dan l-Anness, il-konformità tal-fanali prodotti bil-massa ma għandhiex tiġi kkontestata jekk id-devjazzjonijiet tal-valuri mkejla tal-fanali jkunu:
|
3.1.2. |
jew, jekk il-kundizzjonijiet tal-paragrafu 1.2.2 għall-kampjun C jiġu sodisfatti. |
3.2. Il-konformità tkun ikkontestata
3.2.1. |
Skont il-proċedura tat-teħid tal-kampjuni li tidher fil-Figura 1 ta’ dan l-Anness, il-konformità tal-fanali prodotti bil-massa għandha tiġi kkontestata u l-manifattur jintalab iġib il-produzzjoni tiegħu b'mod li tissodisfa r-rekwiżiti (allinjament) jekk id-devjazzjonijiet tal-valuri mkejla tal-fanali huma:
|
3.3. Approvazzjoni rtirata
Il-konformità għandha tkun ikkontestata u jkun applikat il-paragrafu 14 jekk, skont il-proċedura ta’ teħid ta’ kampjuni fil-Figura 1 ta’ dan l-Anness, id-devjazzjonijiet tal-valuri mkejla tal-fanali jkunu:
3.3.1. |
kampjun C
|
3.3.2. |
kampjun D
|
3.3.3. |
jew, jekk il-kundizzjonijiet tal-paragrafu 1.2.2 għall-kampjuni C u D ma jkunux sodisfatti. |
Figura 1
ANNESS 6
ANGOLI MINIMI MEĦTIEĠA GĦAD-DISTRIBUZZJONI TAD-DAWL FL-ISPAZJU
Fil-każijiet kollha, l-angoli vertikali minimi tad-distribuzzjoni tad-dawl fl-ispazju huma 10° ’il fuq u 5° taħt l-orizzontali għall-apparat tad-DRL (Daytime Running Lights) inkluż fir-Regolament.
L-angoli orizzontali minimi għad-distribuzzjoni tad-dawl fl-ispazju: