This document is an excerpt from the EUR-Lex website
Document 42004D0490
2004/490/EC, EuratomDecision of the representatives of the Governments of the Member States of the European Union of 1 May 2004 appointing judges of the Court of First Instance of the European Communities
2004/490/EC, Euratom:Deċiżjoni tar-Rappreżentanti tal-Gvernijiet ta’ l-Istati Membri ta’ l-Unjoni Ewropea ta’ l-1 ta’ Mejju 2004 li taħtar imħallfin tal-Qorti tal-Prim’ Istanza tal-Komunitajiet Ewropej
2004/490/EC, Euratom:Deċiżjoni tar-Rappreżentanti tal-Gvernijiet ta’ l-Istati Membri ta’ l-Unjoni Ewropea ta’ l-1 ta’ Mejju 2004 li taħtar imħallfin tal-Qorti tal-Prim’ Istanza tal-Komunitajiet Ewropej
ĠU L 169, 1.5.2004, p. 23–23
(ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV)
No longer in force, Date of end of validity: 31/08/2007
|
1.5.2004 |
MT |
Il-Ġurnal Uffiċjali ta’ l-Unjoni Ewropea |
L 169/23 |
DEĊIŻJONI TAR-RAPPREŻENTANTI TAL-GVERNIJIET TA' L-ISTATI MEMBRI TA' L-UNJONI EWROPEA
ta' l-1 ta' Mejju 2004
li taħtar imħallfin tal-Qorti tal-Prim' Istanza tal-Komunitajiet Ewropej
(2004/490/EF, Euratom)
IR-RAPPREŻENTANTI TAL-GVERNIJIET TA' l-ISTATI MEMBRI TA' L-UNJONI EWROPEA,
Wara li kkunsidraw it-Trattat li jistabbilixxi l-Komunità Ewropea, u b'mod partikolari l-Artikolu 224 tiegħu,
Wara li kkunsidraw it-Trattat li jistabbilixxi l-Komunità Ewropea ta' l-Enerġija Atomika, u b'mod partikolari l-Artikolu 140 tiegħu,
Wara li kkunsidraw l-Att li jirrigwarda l-kondizzjonijiet ta' l-adeżjoni tar-Repubblika Ċeka, ir-Repubblika ta' l-Estonja, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta' Malta, ir-Repubblika tal-Polonja, ir-Repubblika tas-Slovenja u r-Repubblika Slovakka u l-aġġustamenti għat-Trattati li fuqhom hija stabbilita l-Unjoni Ewropea (Att ta' Adeżjoni ta' l-2003), u b' mod partikolari l-Artikolu 46(1) u (2)(b) tiegħu,
Billi:
|
(1) |
L-Artikolu 46(1) u (2)(b) ta' l-Att ta' Adeżjoni ta' l-2003 jipprovdi għall-ħatra ta' għaxar mħallfin fil-Qorti tal-Prim' Istanza. Il-mandat ta' ħamsa minn dawk l-imħallfin jintemm fil-31 ta' Awissu 2004. Dawn l-imħallfin jintgħażlu bix-xorti. Il-mandat ta' l-imħallfin l-oħra jintemm fil-31 ta' Awissu 2007. |
|
(2) |
Għaxar imħallfin addizzjonali fil-Qorti tal-Prim' Istanza għandhom għalhekk jiġu maħtura, skond l-Artikolu ta' hawn fuq u wara li jkunu ttellgħu bix-xorti kif previst fih. |
|
(3) |
Il-ħatra ta' l-għaxar imħallef tista' ssir biss f'data aktar tard, |
IDDEĊIDEW KIF ĠEJ:
Artikolu 1
.
Dawn li ġejjin huma b'dan maħtura mħallfin tal-Qorti tal-Prim' Istanza għall-perijodu mill-1 ta' Mejju 2004 sal- 31 ta' Awissu 2004:
|
|
Sinjura Küllike JÜRIMÄE |
|
|
Sur Savvas S. PAPASAVVAS |
|
|
Sur Ottó CZÚCZ |
|
|
Sinjura Irena WISZNIEWSKA-BIAŁECKA |
|
|
Sur Daniel ŠVÁBY |
Artikolu 2
.
Dawn li ġejjin huma b'dan maħtura mħallfin tal-Qorti tal-Prim' Istanza għall-perijodu mill-1 ta' Mejju 2004 sal-31 ta' Awissu 2007:
|
|
Sinjura Irena PELIKÁNOVÁ |
|
|
Sinjura Ingrīda LABUCKA |
|
|
Sur Vilenas VADAPALAS |
|
|
Sinjura Ena CREMONA |
Artikolu 3
Din id-Deċiżjoni għandha tidħol fis-seħħ fl-1 ta' Mejju 2004.
Artikolu 4
Din id-Deċiżjoni għandha tiġi ppubblikata fil- Ġurnal Uffiċjali ta’ l-Unjoni Ewropea.
Magħmula fi Brussel, l-1 ta' Mejju 2004
A. ANDERSON
Il-President