This document is an excerpt from the EUR-Lex website
Document 41977D0323
77/323/EEC, Euratom, ECSC: Decision of the Representatives of the Governments of the Member States of 5 April 1977 on the provisional location of the Court of Auditors
Id-Deċiżjoni tar-rappreżentanti tal-gvernijiet ta' l-Istati Membri tal-5 ta' April 1977 dwar is-sede temporanja tal-Qorti ta' l-Awdituri
Id-Deċiżjoni tar-rappreżentanti tal-gvernijiet ta' l-Istati Membri tal-5 ta' April 1977 dwar is-sede temporanja tal-Qorti ta' l-Awdituri
ĠU L 104, 28.4.1977, p. 40–40
(DA, DE, EN, FR, IT, NL) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
In force
Official Journal L 104 , 28/04/1977 P. 0040 - 0040
Id-Deċiżjoni tar-rappreżentanti tal-gvernijiet ta' l-Istati Membri tal-5 ta' April 1977 dwar is-sede temporanja tal-Qorti ta' l-Awdituri (77/323/KEE, Euratom, KEFA) IR-RAPPREŻENTANTI TAL-GVERNIJIET TA' L-ISTATI MEMBRI, Wara li kkunsidraw it-Trattat li jistabbilixxi Kunsill Wieħed u Kummissjoni Waħda tal-Komunitajiet Ewropej, u b'mod partikolari l-Artikolu 37 tiegħu, Wara li kkunsidraw id-Deċiżjoni tar-Rappreżentanti tal-Gvernijiet ta' l-Istati Membri tat-8 ta' April 1965 fuq is-sede temporanja ta' ċerti istituzzjonijiet u dipartimenti tal-Komunitajiet [1], u b'mod partikolari l-Artikolu 10 tagħha, Wara li kkunsidraw l-opinjoni tal-Kummissjoni, Billi, mingħajr preġudizzju għall-applikazzjoni ta' l-Artikolu 77 tat-Trattat li jistabbilixxi l-Komunità Ewropea tal-Faħam u l-Azzar, ta' l-Artikolu 216 tat-Trattat li jistabbilixxi l-Komunità Ekonomika Ewropea, u ta' l-Artikolu 189 tat-Trattat li jistabbilixxi l-Komunità Ewropea ta' l-Enerġija Atomika, huwa meħtieġ li jsiru arranġamenti għas-sede temporanja minn fejn topera l-Qorti ta' l-Awdituri, stabbilita bit-Trattat tat-22 ta' Lulju 1975, li jemendaw ċerti disposizzjonijiet finanzjarji tat-Trattati li jistabbilixxu l-Komunitajiet Ewropej u tat-Trattat li jistabbilixxi Kunsill Wieħed u Kummissjoni Waħda tal-Komunitajiet Ewropej, IDDEĊIDEW: Artikolu 1 Il-Qorti ta' l-Awdituri għandha jkollha s-sede tagħha fil-Lussemburgu, li għandu jkun il-post temporanju minn fejn din topera, fi ħdan it-tifsira tad-Deċiżjoni tar-Rappreżentanti tal-Gvernijiet ta' l-Istati Membri tat-8 ta' April 1965 fuq is-sede temporanja ta' ċerti istituzzjonijiet u dipartimenti tal-Komunitajiet. Artikolu 2 Din id-Deċiżjoni għandha tidħol fis-seħħ fl-istess data bħat-Trattat tat-22 ta' Lulju 1975 li jemenda ċerti disposizzjonijiet finanzjarji tat-Trattati li jistabbilixxu l-Komunitajiet Ewropej u t-Trattat li jistabbilixxi Kunsill Wieħed u Kummissjoni Waħda tal-Komunitajiet Ewropej. Magħmula fil-Lussemburgu, fil-5 ta' April 1977. Il-President D. Owen [1] ĠU L 152, tat-13.7.1967, pġ. 18. --------------------------------------------------