(1)

L-addittivi tal-għalf l-assolut tal-ġirasol, iż-żejt tal-ġirasol u t-tintura tal-ġirasol mill-Helianthus annuus L. kienu meħtieġa li jiġu rtirati mis-suq għall-ispeċijiet kollha tal-annimali bir-Regolament ta’ Implimentazzjoni tal-Kummissjoni (UE) Nru 230/2013 (2).

(2)

Madankollu, l-assolut tal-ġirasol, iż-żejt tal-ġirasol u t-tintura tal-ġirasol mill-Helianthus annuus L. ġew inklużi bi żball fl-Anness tar-Regolament ta’ Implimentazzjoni tal-Kummissjoni (UE) 2023/1173 (3), li kien jeħtieġ ukoll l-irtirar mis-suq ta’ dawk l-addittivi għall-ispeċijiet kollha tal-annimali.

(3)

L-inklużjoni żbaljata setgħet wasslet għal konfużjoni għall-operaturi tan-negozju tal-għalf fir-rigward tal-istatus regolatorju attwali tal-addittivi tal-għalf ikkonċernati, u dan ħoloq inċertezza legali dwar il-preżenza awtorizzata tagħhom fis-suq qabel id-dħul fis-seħħ tar-Regolament ta’ Implimentazzjoni (UE) 2023/1173.

(4)

Għalhekk, għal raġunijiet ta’ ċarezza u ċertezza legali, jenħtieġ li r-Regolament ta’ Implimentazzjoni (UE) 2023/1173 jiġi kkoreġut billi titħassar l-entrata li tikkonċerna dawk l-addittivi fl-Anness ta’ dak ir-Regolament ta’ Implimentazzjoni. Sabiex jiġi evitat kwalunkwe tfixkil fis-suq li jirriżulta mill-inklużjoni żbaljata u biex terġa’ tinkiseb iċ-ċertezza legali, jenħtieġ li l-korrezzjoni tar-Regolament ta’ Implimentazzjoni (UE) 2023/1173 tidħol fis-seħħ b’urġenza.

(5)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,