(1)

Ir-Regolament tal-Kunsill (UE) 2024/257 (1) jistabbilixxi għall-2024, l-2025 u l-2026 l-opportunitajiet tas-sajd għal ċerti stokkijiet ta’ ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni. Dawk l-opportunitajiet tas-sajd, inkluż ċerti miżuri funzjonalment marbuta magħhom, jenħtieġ li jiġu emendati biex tiġi kkunsidrata l-pubblikazzjoni tal-parir xjentifiku, kif ukoll l-eżiti tal-konsultazzjonijiet ma’ pajjiżi terzi u l-laqgħat tal-organizzazzjonijiet reġjonali tal-ġestjoni tas-sajd (RFMOs).

(2)

Ir-Regolament (UE) 2024/257 stabbilixxa b’mod proviżorju għal żero l-qabdiet totali permissibbli (TAC) għall-inċova (Engraulis encrasicolus) fis-subżoni 9 u 10 tal-Kunsill Internazzjonali għall-Esplorazzjoni tal-Baħar (ICES) u fl-ilmijiet tal-Unjoni tad-diviżjoni 34.1.1 tal-Kumitat tas-Sajd għall-Atlantiku Ċentrali tal-Lvant (CECAF) għall-perjodu mill-1 ta’ Lulju 2024 sat-30 ta’ Ġunju 2025, sakemm l-ICES jippubblika l-parir xjentifiku tiegħu għall-inċova fid-diviżjoni 9a tal-ICES għal dak il-perjodu. Sabiex is-sajd ikun jista’ jkompli sakemm tiġi stabbilita t-TAC għal dak l-istokk għall-perjodu mill-1 ta’ Lulju 2024 sat-30 ta’ Ġunju 2025, jenħtieġ li tiġi stabbilita TAC proviżorja fil-livell ta’ 4 997 tunnellata għall-perjodu mill-1 ta’ Lulju 2024 sat-30 ta’ Settembru 2024. Dak il-livell jikkorrispondi għall-qabdiet tal-Istati Membri ta’ dak l-istokk fit-tielet trimestru tal-2023.

(3)

Fit-28 ta’ Marzu 2024, il-Kumitat Xjentifiku, Tekniku u Ekonomiku għas-Sajd (STECF) ippubblika l-opinjoni tiegħu dwar l-impatt soċjoekonomiku fir-rigward tal-istabbiliment tat-TAC għall-pollakkju (Pollachius pollachius) fid-diviżjonijiet 8a, 8b, 8d u 8e tal-ICES għall-2024 fil-livell rakkomandat mill-ICES u li tindika l-livell ta’ dik it-TAC meħtieġ biex jiġi evitat il-fenomenu ta’ “speċijiet bi kwota limitanti” (2). Għalhekk, jenħtieġ li tiġi stabbilita t-TAC definittiva għall-2024, li tissositwixxi t-TAC proviżorja stabbilita bir-Regolament (UE) 2024/257 għall-perjodu mill-1 ta’ Jannar sat-30 ta’ Ġunju 2024. Skont l-Artikolu 5(3) tar-Regolament (UE) 2019/472 tal-Parlament Ewropew u tal-Kunsill (3), jenħtieġ li dik it-TAC tiġi stabbilita f’livell ta’ 959 tunnellata, li, skont dik l-opinjoni tal-STECF, ser jippermetti lill-flotot ikomplu joperaw sar-raba’ trimestru tas-sena u għalhekk inaqqsu: (i) il-fenomenu ta’ “speċijiet bi kwoti limitanti” u l-għeluq qabel il-waqt tas-sajd rilevanti; u (ii) l-impatti soċjoekonomiċi assoċjati fuq is-settur tas-sajd.

(4)

Fit-18 u d-19 ta’ Ġunju 2024, l-Unjoni u n-Norveġja kellhom konsultazzjonijiet dwar: (i) il-livell tal-opportunitajiet tas-sajd ġenerali għall-gamblu tat-Tramuntana fid-diviżjonijiet 3a u 4a tal-ICES fil-Lvant għall-perjodu mill-1 ta’ Lulju 2024 sat-30 ta’ Ġunju 2025; kif ukoll (ii) il-livell tat-TAC għall-gamblu tat-Tramuntana fid-diviżjoni 3a tal-ICES. L-eżitu ta’ dawk il-konsultazzjonijiet ġie ddokumentat f’Rekord Maqbul iffirmat fil-19 ta’ Ġunju 2024. Għalhekk, jenħtieġ li t-TAC għall-gamblu tat-Tramuntana fid-diviżjoni 3a tal-ICES tiġi stabbilita fil-livell miftiehem man-Norveġja. Barra minn hekk, l-Unjoni u n-Norveġja qiesu t-trasferimenti tal-gamblu tat-Tramuntana fl-ilmijiet Norveġiżi tal-Baħar tat-Tramuntana fin-Nofsinhar ta’ 62oN min-Norveġja lejn l-Unjoni, flimkien mal-livell stabbilit fit-Tabella 2 tar-Rekord Maqbul tal-konsultazzjonijiet dwar is-sajd bejn l-Unjoni u n-Norveġja għall-2024, iffirmat fit-8 ta’ Diċembru 2023. Il-kwoti tal-Istati Membri għall-gamblu tat-Tramuntana fl-ilmijiet ta’ Greenland tas-subżoni 5 u 14 tal-ICES jenħtieġ li jiġu emendati skont dan.

(5)

Bejn it-23 ta’ Mejju u l-4 ta’ Ġunju 2024, l-Unjoni, ir-Renju Unit u n-Norveġja kellhom konsultazzjonijiet dwar: (i) il-livell tal-opportunitajiet tas-sajd ġenerali għal-laċċa kaħla (Sprattus sprattus) fl-ilmijiet tal-Unjoni u tar-Renju Unit tas-subżona 4 u d-diviżjoni 2a tal-ICES, u fl-ilmijiet tal-Unjoni u f’dawk Norveġiżi tad-diviżjoni 3a tal-ICES għall-perjodu mill-1 ta’ Lulju 2024 sat-30 ta’ Ġunju 2025; u (ii) il-livelli tat-TACs għal-laċċa kaħla f’dawk iż-żoni. L-eżitu ta’ dawk il-konsultazzjonijiet ġie ddokumentat f’Rekord Maqbul iffirmat fil-11 ta’ Ġunju 2024. It-TACs għal-laċċa kaħla u l-qabdiet aċċessorji assoċjati għall-perjodu mill-1 ta’ Lulju 2024 sat-30 ta’ Ġunju 2025: (i) fl-ilmijiet tal-Unjoni u dawk tar-Renju Unit tas-subżona 4 u d-diviżjoni 2a tal-ICES; u (ii) fl-ilmijiet tal-Unjoni u dawk Norveġiżi tad-diviżjoni 3a tal-ICES, jenħtieġ għalhekk li jiġu stabbiliti fil-livelli miftiehma mar-Renju Unit u man-Norveġja.

(6)

Bejn l-14 u l-24 ta’ Mejju 2024, l-Unjoni u r-Renju Unit kellhom konsultazzjonijiet skont l-Artikolu 498(2), (4) u (6) tal-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, min-naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (4), (il-“Ftehim”) dwar il-livell tat-TAC għal-laċċa kaħla fid-diviżjonijiet 7d u 7e tal-ICES għall-perjodu mill-1 ta’ Lulju 2024 sat-30 ta’ Ġunju 2025. L-eżitu ta’ dawk il-konsultazzjonijiet ġie ddokumentat f’Rekord bil-Miktub iffirmat fit-30 ta’ Mejju 2024. Għalhekk, jenħtieġ li t-TAC għal-laċċa kaħla u l-qabdiet aċċessorji assoċjati fid-diviżjonijiet 7d u 7e tal-ICES għal dak il-perjodu tiġi stabbilita fil-livell miftiehem mar-Renju Unit.

(7)

L-Unjoni u r-Renju Unit qablu, fil-paragrafu (m) tar-Reġistru bil-Miktub bejn l-UE u r-Renju Unit tal-konsultazzjonijiet dwar is-sajd bejn ir-Renju Unit u l-Unjoni Ewropea għall-2024, li jippreżentaw talba konġunta lill-ICES biex jippubblika parir rivedut ibbażat fuq l-eżitu tal-punt ta’ riferiment u biex jemendaw it-TAC għal-lingwata komuni (Solea solea) fil-Baħar Irlandiż (SOL/07A.) f’konformità ma’ dak il-parir rivedut. Fit-13 ta’ Ġunju 2024 l-Unjoni u r-Renju Unit kellhom konsultazzjonijiet skont l-Artikolu 498(5) tal-Ftehim bl-għan li jintlaħaq qbil dwar TAC emendata għal-lingwata komuni (Solea solea) fid-diviżjoni 7a tal-ICES għall-2024. L-eżitu ta’ dawk il-konsultazzjonijiet ġie ddokumentat f’Rekord bil-Miktub iffirmat fis-17 ta’ Ġunju 2024. Għalhekk huwa xieraq li jiġi emendat il-livell ta’ dik it-TAC u li dan jiġi stabbilit fil-livell miftiehem mar-Renju Unit.

(8)

Sabiex is-sajd ikun jista’ jibda fl-1 ta’ Lulju 2024, il-kwota tal-Unjoni għar-redfish (Sebastes spp.) fl-ilmijiet internazzjonali tas-subżoni 1 u 2 tal-ICES jenħtieġ li tiġi stabbilita għall-2024. Dik il-kwota tal-Unjoni jenħtieġ li tiġi stabbilita fil-livell ta’ 6 000 tunnellata, jiġifieri fl-istess livell bħal dak għall-2023, sakemm ikun hemm parir xjentifiku disponibbli u bl-għan li l-attivitajiet tas-sajd tal-Unjoni għall-istokk fl-ilmijiet internazzjonali jinżammu f’livell storiku.

(9)

Fil-laqgħa annwali tagħha tal-2024, il-Kummissjoni tas-Sajd tal-Paċifiku tat-Tramuntana (NPFC) emendat il-miżuri għall-kavall għajnejh kbar (Scomber japonicus) fiż-żona tal-Konvenzjoni tal-NPFC u, għall-ewwel darba, stabbiliet limiti ta’ qbid għal dak l-istokk disponibbli għall-Partijiet Kontraenti kollha tal-NPFC, inkluż l-Unjoni, għall-bastimenti tat-tkarkir u għall-bastimenti tas-sajd bit-tartarun tal-borża rispettivament, għall-perjodu mill-1 ta’ Ġunju 2024 sal-31 ta’ Mejju 2025. Barra minn hekk, l-NPFC stabbiliet ammont addizzjonali ta’ dak l-istokk għall-Unjoni għal dak l-istess perjodu. Hija stabbiliet ukoll limiti tal-isforz assoċjati. Barra minn hekk, l-NPFC stabbiliet miżuri funzjonalment marbuta ma’ dawk il-limiti ta’ qbid u ma’ dak l-ammont addizzjonali, li mingħajrhom: (i) dawk il-limiti ta’ qbid għall-Partijiet Kontraenti kollha tal-NPFC ma setgħux jiġu stabbiliti; u (ii) l-opportunitajiet tas-sajd għall-kavall għajnejh kbar fiż-żona tal-Konvenzjoni tal-NPFC ikollhom jitnaqqsu biex jiġu protetti l-ispeċijiet mhux fil-mira. Dawk l-opportunitajiet tas-sajd u l-miżuri funzjonalment marbuta jenħtieġ li jiġu implimentati fil-liġi tal-Unjoni. Fir-rigward tal-limiti ta’ qbid u l-ammont addizzjonali għall-Unjoni, peress li fil-passat l-Istati Membri ma stadux għal dak l-istokk, dawk l-opportunitajiet tas-sajd jenħtieġ lijiġu allokati fil-livell tal-Unjoni.

(10)

Ir-Regolament (UE) 2024/897 tal-Parlament Ewropew u tal-Kunsill (5), fost oħrajn, jemenda l-Artikolu 33 tar-Regolament (UE) 2017/2107 tal-Parlament Ewropew u tal-Kunsill (6) billi jdaħħal dispożizzjoni ġdida li tipprojbixxi lill-bastimenti tal-Unjoni milli jagħmlu ħsara lill-pixxitondu li jinqabad fl-Oċean Atlantiku fit-Tramuntana ta’ 5oN, u jirrikjedi li l-bastimenti tal-Unjoni jirrilaxxaw minnufih dan il-pixxitondu fil-baħar, filwaqt li tagħti kunsiderazzjoni xierqa lis-sikurezza tal-membri tal-ekwipaġġ. Sabiex jiġu evitati dispożizzjonijiet simili dwar l-istess suġġett, huwa xieraq li jitħassar l-Artikolu 27(6) tar-Regolament (UE) 2024/257.

(11)

L-Artikoli 32 u 34 sa 36 tar-Regolament (UE) 2017/2107 diġà jipprojbixxu lill-bastimenti tal-Unjoni milli jżommu abbord, jittrażbordaw jew iħottu l-art kwalunkwe parti jew karkassa sħiħa ta’ pixxivolpi għajnhom kbira (Alopias superciliosus), klieb il-baħar tal-qarnuna bajda oċeaniċi (Carcharhinus longimanus), kurazzi tal-familja Sphyrnidae u klieb il-baħar ħariri (Carcharhinus falciformis), li jinqabdu b’rabta mal-attivitajiet tas-sajd fiż-żona tal-Konvenzjoni tal-ICCAT, u jirrikjedu rilaxx minnufih ta’ eżemplari li ma tkunx saritilhom ħsara lura fil-baħar. Sabiex jiġu evitati dispożizzjonijiet simili dwar l-istess suġġett, huwa xieraq li jitħassar l-Artikolu 27(1) u (3) sa (5) tar-Regolament (UE) 2024/257.

(12)

Skont l-Artikolu 8 tar-Regolament (UE) 2023/2053 tal-Parlament Ewropew u tal-Kunsill (7), ċerti Stati Membri ppreżentaw lill-Kummissjoni pjanijiet annwali riveduti dwar is-sajd u dwar il-ġestjoni tal-kapaċità b’talbiet biex jittrasferixxu 5 % tal-kwota annwali tagħhom tat-tonna (Thunnus thynnus) fl-Oċean Atlantiku, fil-Lvant ta’ 45oW, u fil-Mediterran mill-2023 sal-2024. Abbażi ta’ dawk il-pjanijiet, fit-23 ta’ Mejju 2024 il-Kummissjoni ppreżentat lis-Segretarjat tal-ICCAT pjan annwali rivedut tal-Unjoni għall-2024 għall-approvazzjoni mill-ICCAT. Fl-24 ta’ Mejju 2024, l-ICCAT approvat dak il-pjan. Għalhekk, sabiex tiġi żgurata l-konsistenza mal-pjan annwali rivedut tal-Unjoni approvat mill-ICCAT, jenħtieġ li t-TAC għat-tonna fl-Oċean Atlantiku, fil-Lvant ta’ 45oW, u fil-Mediterran għall-2024 tiġi emendata skont dan.

(13)

Skont l-Artikolu 15(7) tar-Regolament (UE) 2023/2053, ċerti Stati Membri ppreżentaw lill-Kummissjoni pjanijiet riveduti ta’ ġestjoni tat-trobbija tal-ħut għat-tonna fiż-żona tal-Konvenzjoni tal-ICCAT. Abbażi ta’ dawk il-pjanijiet riveduti, fit-23 ta’ Mejju 2024 il-Kummissjoni ppreżentat lis-Segretarjat tal-ICCAT pjan annwali rivedut tal-Unjoni għall-2024 għall-approvazzjoni mill-ICCAT. Fl-24 ta’ Mejju 2024, l-ICCAT approvat dak il-pjan. Għalhekk, jenħtieġ li l-input u l-kapaċità massimi tat-trobbija tal-Unjoni jiġu emendati f’konformità ma’ dak il-pjan. Dan huwa mingħajr preġudizzju għad-dritt tal-Istati Membri li jħejju u jippreżentaw il-pjanijiet ta’ ġestjoni tat-trobbija tagħhom għas-snin li ġejjin skont l-Artikolu 15(3) u (4) tar-Regolament (UE) 2023/2053.

(14)

L-Artikolu 20(1) u ċerti tabelli tat-TAC fl-Annessi IA, il-Parti B, u IK tar-Regolament (UE) 2024/257, u l-Artikolu 18(1) u l-Anness IA, il-Parti D, tar-Regolament tal-Kunsill (UE) 2023/194 (8) fihom ċerti żbalji fir-rigward tal-livelli tal-opportunitajiet tas-sajd, l-ispeċijiet, iż-żoni ta’ applikazzjoni u l-kodiċijiet ta’ rappurtar. Għaldaqstant, huwa xieraq li dawk id-dispożizzjonijiet jiġu kkoreġuti skont il-każ.

(15)

Għalhekk, jenħtieġ li r-Regolamenti (UE) 2023/194 u (UE) 2024/257 jiġu emendati skont il-każ.

(16)

Ċerti dispożizzjonijiet ta’ dan ir-Regolament li jemendaw id-dispożizzjonijiet tar-Regolament (UE) 2024/257 dwar l-opportunitajiet tas-sajd għall-pixxisinna (Dissostichus spp.) fiż-żona tal-Ftehim dwar is-Sajd fin-Nofsinhar tal-Oċean Indjan (SIOFA) jenħtieġ li japplikaw mill-1 ta’ Diċembru 2023, f’konformità mal-perjodu ta’ applikazzjoni tad-dispożizzjonijiet emendati. Barra minn hekk, id-dispożizzjonijiet ta’ dan ir-Regolament li jemendaw id-dispożizzjonijiet tar-Regolamenti (UE) 2023/194 u (UE) 2024/257 dwar: (i) il-pollakkju fid-diviżjonijiet 8a, 8b, 8d u 8e tal-ICES; (ii) it-tonna fl-Oċean Atlantiku, fil-Lvant ta’ 45 oW, u fil-Mediterran; u (iii) dispożizzjonijiet oħra soġġetti għal korrezzjonijiet ta’ żbalji, jenħtieġ li japplikaw mill-1 ta’ Jannar 2024, f’konformità mal-perjodu ta’ applikazzjoni tad-dispożizzjonijiet ikkonċernati. Tali applikazzjoni retroattiva ma taffettwax il-prinċipji ta’ ċertezza legali u l-protezzjoni tal-aspettattivi leġittimi, peress li l-livell jew iż-żona ta’ applikazzjoni tal-opportunitajiet tas-sajd jew tal-limiti tat-trobbija tal-ħut jiżdiedu.

(17)

Minħabba l-urġenza biex jiġu evitati interruzzjonijiet fl-attivitajiet tas-sajd, jenħtieġ li dan ir-Regolament jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea,

(1)

fl-Artikolu 1(2), jiżdied il-punt li ġej:

;

(2)

fl-Artikolu 4, jiddaħħal il-punt li ġej:

(*1)   ĠU L 55, 28.2.2022, p. 14. L-Unjoni aderixxiet mal-Konvenzjoni dwar il-Konservazzjoni u l-Ġestjoni ta’ Riżorsi tas-Sajd f’Ibħra Miftuħa fit-Tramuntana tal-Oċean Paċifiku permezz tad-Deċiżjoni tal-Kunsill (UE) 2022/314 tal-15 ta’ Frar 2022 dwar l-adeżjoni tal-Unjoni Ewropea mal-Konvenzjoni dwar il-Konservazzjoni u l-Ġestjoni ta’ Riżorsi tas-Sajd f’Ibħra Miftuħa fit-Tramuntana tal-Oċean Paċifiku (ĠU L 55, 28.2.2022, p. 12);”;"

(3)

jiddaħħal l-Artikolu li ġej:

(4)

fl-Artikolu 20(1), jitħassru l-punti (c) sa (f);

(5)

L-Artikolu 27 huwa sostitwit b’dan li ġej:

(6)

tiddaħħal it-Taqsima li ġejja:

(*2)  Ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema tal-Unjoni ta’ kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jirrevoka r-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU L 343, 22.12.2009, p. 1).”;"

(7)

fl-Artikolu 55(1), jitħassar il-punt (d);

(8)

fl-Artikolu 59, it-tielet paragrafu huwa emendat kif ġej:

(9)

L-Annessi IA, IB, ID, IK u VI huma emendati f’konformità mal-Anness I, parti I ta’ dan ir-Regolament;

(10)

L-Annessi IM u XA jiddaħħlu f’konformità mal-Anness I, il-partijiet II u III, ta’ dan ir-Regolament.

(1)

fl-Artikolu 18(1), il-punt (p) huwa sostitwit b’dan li ġej:

;

(2)

fl-Artikolu 55(1), il-punt (k) huwa sostitwit b’dan li ġej:

;

(3)

L-Anness IA huwa emendat f’konformità mal-Anness II ta’ dan ir-Regolament.