(1)

L-Artikolu 33(1) tar-Regolament (UE) Nru 952/2013 jirrikjedi li l-awtoritajiet doganali, soġġetti għal ċerti kundizzjonijiet, jieħdu deċiżjonijiet relatati ma’ informazzjoni vinkolanti dwar it-tariffi (“deċiżjonijiet BTI”) u deċiżjonijiet relatati ma’ informazzjoni vinkolanti dwar l-oriġini (“deċiżjonijiet BOI”).

(2)

L-Artikolu 35 tar-Regolament (UE) Nru 952/2013 jirrikjedi, f’każijiet speċifiċi, li l-awtoritajiet doganali jieħdu deċiżjonijiet relatati ma’ informazzjoni vinkolanti fir-rigward ta’ fatturi oħrajn imsemmija fit-Titolu II ta’ dak ir-Regolament. Il-valur tal-merkanzija għall-għanijiet doganali, imsemmi fit-Titolu II, il-Kapitolu 3, tar-Regolament (UE) Nru 952/2013, jikkostitwixxi wieħed minn dawk il-fatturi l-oħra, li għadhom mhumiex soġġetti għal deċiżjonijiet relatati ma’ informazzjoni vinkolanti.

(3)

Jenħtieġ li jiġu introdotti deċiżjonijiet relatati ma’ informazzjoni vinkolanti dwar il-valutazzjoni (“deċiżjonijiet BVI”) fil-leġiżlazzjoni doganali sabiex jiżdiedu t-trasparenza, iċ-ċertezza legali, il-konformità u l-uniformità fil-valutazzjoni doganali, għall-benefiċċju tal-operaturi ekonomiċi, tal-awtoritajiet doganali u tal-interessi finanzjarji tal-Unjoni.

(4)

Sabiex tiġi żgurata l-konsistenza fost it-tipi differenti ta’ informazzjoni vinkolanti, sa fejn ikun possibbli, id-dispożizzjonijiet li jirrigwardaw id-deċiżjonijiet BVI jenħtieġ li jiġu allinjati mad-dispożizzjonijiet tar-Regolament (UE) Nru 952/2013 u tar-Regolament Delegat tal-Kummissjoni (UE) 2015/2446 (2) li jirrigwardaw id-deċiżjonijiet BTI u BOI.

(5)

L-Artikolu 10 tar-Regolament Delegat (UE) 2015/2446 jenħtieġ li jiġi emendat biex id-deċiżjonijiet BVI jkunu soġġetti għall-istess eċċezzjoni għad-dritt li wieħed jinstema’ bħal dawk applikabbli għad-deċiżjonijiet BTI u BOI skont l-Artikolu 22(6) tar-Regolament (UE) Nru 952/2013.

(6)

Jenħtieġ li jiġi introdott Artikolu 18a ġdid fir-Regolament Delegat (UE) 2015/2446, biex il-valutazzjoni doganali tiġi identifikata bħala każ għal deċiżjonijiet relatati ma’ informazzjoni vinkolanti, biex jiġi ddefinit il-kamp ta’ applikazzjoni materjali ta’ tali deċiżjonijiet, biex jiġu indikati s-sitwazzjonijiet li fihom applikazzjoni għal deċiżjoni BVI ma għandhiex tiġi aċċettata, u biex jiġi stabbilit il-karattru vinkolanti tagħhom fir-rigward kemm tal-awtoritajiet doganali kif ukoll tad-detentur tad-deċiżjoni, u l-perjodu ta’ validità tagħhom, permezz ta’ dispożizzjonijiet simili għal dawk applikabbli għad-deċiżjonijiet BTI u BOI, skont l-Artikolu 33 tar-Regolament (UE) Nru 952/2013.

(7)

L-Artikolu 6(1) tar-Regolament (UE) Nru 952/2013 jirrikjedi li l-iskambji kollha ta’ informazzjoni bħal dikjarazzjonijiet, applikazzjonijiet jew deċiżjonijiet bejn l-awtoritajiet doganali tal-Istati Membri u bejn l-operaturi ekonomiċi u l-awtoritajiet doganali tal-Istati Membri u l-ħażna ta’ dik l-informazzjoni, kif meħtieġa taħt il-leġiżlazzjoni doganali, isiru bl-użu ta’ tekniki elettroniċi tal-ipproċessar tad-data. Konsegwentement, jenħtieġ li l-Artikoli 19(3) u 21 tar-Regolament Delegat (UE) 2015/2446 jitħassru minħabba l-inklużjoni prevista tal-applikazzjonijiet BOI u tad-deċiżjonijiet BOI fis-sistema elettronika msemmija fl-Artikolu 21 tar-Regolament ta’ Implimentazzjoni tal-Kummissjoni (UE) 2015/2447 (3) kif emendat.

(8)

L-Artikolu 20 tar-Regolament Delegat (UE) 2015/2446, li jipprevedi l-estensjoni tal-limiti ta’ żmien biex jittieħdu deċiżjonijiet BTI u BOI meta t-teħid ta’ dawk id-deċiżjonijiet ikun sospiż minħabba li l-klassifikazzjoni tariffarja korretta u uniformi jew id-determinazzjoni tal-oriġini ma tkunx żgurata, jenħtieġ li jiġi estiż għat-teħid ta’ deċiżjonijiet BVI meta t-teħid ta’ dawk id-deċiżjonijiet jiġi sospiż minħabba li d-determinazzjoni korretta u uniformi tal-valur doganali ma tkunx żgurata.

(9)

Jenħtieġ li fir-Regolament Delegat (UE) 2015/2446 jiġi introdott Artikolu 20a ġdid biex id-deċiżjonijiet BVI jkunu suġġetti għal dispożizzjonijiet dwar il-ġestjoni ta’ tali deċiżjonijiet simili għal dawk li huma previsti fl-Artikolu 34 tar-Regolament (UE) Nru 952/2013 għad-deċiżjonijiet BTI u BOI.

(10)

Sabiex tiġi żgurata l-applikazzjoni koerenti tad-deċiżjonijiet BVI, inkluż f’dak li jikkonċerna l-ġestjoni tagħhom permezz ta’ sistema elettronika, jenħtieġ li dan ir-Regolament japplika mill-istess data li fiha tkun ġiet varata s-sistema elettronika msemmija fl-Artikolu 21 tar-Regolament ta’ Implimentazzjoni (UE) 2015/2447.

(11)

Id-dispożizzjonijiet ta’ dan ir-Regolament li għandhom x’jaqsmu mat-tneħħija tal-eċċezzjoni għall-użu ta’ tekniki elettroniċi tal-ipproċessar tad-data għall-iskambju u l-ħżin ta’ informazzjoni dwar l-applikazzjonijiet għal deċiżjonijiet BOI u d-deċiżjonijiet BOI rispettivament, jenħtieġ li japplikaw mid-data tal-użu, għall-finijiet ta’ dawk id-deċiżjonijiet, tas-sistema elettronika msemmija fl-Artikolu 21 tar-Regolament ta’ Implimentazzjoni (UE) 2015/2447.

(12)

Għaldaqstant, ir-Regolament Delegat (UE) 2015/2446 jenħtieġ li jiġi emendat skont dan,

(1)

fl-Artikolu 10, jiżdied il-punt (e) li ġej:

(2)

fit-Titolu I, il-Kapitolu 2, it-Taqsima 2, is-Sottotaqsima 3, jiddaħħal l-Artikolu 18a li ġej:

(3)

l-Artikolu 19(3) jitħassar;

(4)

fl-Artikolu 20(1), l-ewwel subparagrafu huwa sostitwit b’dan li ġej:

“Meta l-Kummissjoni tinnotifika lill-awtoritajiet doganali li t-teħid ta’ deċiżjoni relatata ma’ informazzjoni vinkolanti jkun ġie sospiż f’konformità mal-Artikolu 34(10)(a) tal-Kodiċi, għal deċiżjonijiet BTI u BOI, jew f’konformità mal-Artikolu 20a(7)(a), għal deċiżjoni BVI, il-limitu ta’ żmien għat-teħid tad-deċiżjoni msemmi fl-Artikolu 22(3), l-ewwel subparagrafu tal-Kodiċi għandu jiġi estiż ulterjorment sakemm il-Kummissjoni tinnotifika lill-awtoritajiet doganali li l-klassifikazzjoni tariffarja korretta u uniformi, id-determinazzjoni tal-oriġini jew id-determinazzjoni tal-valur doganali jkunu żgurati.”;

(5)

jiddaħħal l-Artikolu 20a li ġej:

(6)

l-Artikolu 21 jitħassar.