This document is an excerpt from the EUR-Lex website
Document 32024R0595
Commission Delegated Regulation (EU) 2024/595 of 9 November 2023 supplementing Regulation (EU) No 1093/2010 of the European Parliament and of the Council with regard to regulatory technical standards specifying the materiality of weaknesses, the type of information collected, the practical implementation of the information collection and the analysis and dissemination of the information contained in the Anti-money laundering and counter terrorist financing (AML/CFT) central database referred to in Article 9a(2) of that Regulation
Regolament Delegat tal-Kummissjoni (UE) 2024/595 tad-9 ta’ Novembru 2023 li jissupplimenta r-Regolament (UE) Nru 1093/2010 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw il-materjalità tad-dgħufijiet, it-tip ta’ informazzjoni miġbura, l-implimentazzjoni prattika tal-ġbir tal-informazzjoni u l-analiżi u t-tixrid tal-informazzjoni li tinsab fil-bażi tad-data ċentrali kontra l-ħasil tal-flus u kontra l-finanzjament tat-terroriżmu (AML/CFT) imsemmija fl-Artikolu 9a(2) ta’ dak ir-Regolament
Regolament Delegat tal-Kummissjoni (UE) 2024/595 tad-9 ta’ Novembru 2023 li jissupplimenta r-Regolament (UE) Nru 1093/2010 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw il-materjalità tad-dgħufijiet, it-tip ta’ informazzjoni miġbura, l-implimentazzjoni prattika tal-ġbir tal-informazzjoni u l-analiżi u t-tixrid tal-informazzjoni li tinsab fil-bażi tad-data ċentrali kontra l-ħasil tal-flus u kontra l-finanzjament tat-terroriżmu (AML/CFT) imsemmija fl-Artikolu 9a(2) ta’ dak ir-Regolament
C/2023/7534
ĠU L, 2024/595, 16.2.2024, ELI: http://data.europa.eu/eli/reg_del/2024/595/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
![]() |
Il-Ġurnal Uffiċjali |
MT Serje L |
2024/595 |
16.2.2024 |
REGOLAMENT DELEGAT TAL-KUMMISSJONI (UE) 2024/595
tad-9 ta’ Novembru 2023
li jissupplimenta r-Regolament (UE) Nru 1093/2010 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw il-materjalità tad-dgħufijiet, it-tip ta’ informazzjoni miġbura, l-implimentazzjoni prattika tal-ġbir tal-informazzjoni u l-analiżi u t-tixrid tal-informazzjoni li tinsab fil-bażi tad-data ċentrali kontra l-ħasil tal-flus u kontra l-finanzjament tat-terroriżmu (AML/CFT) imsemmija fl-Artikolu 9a(2) ta’ dak ir-Regolament
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat r-Regolament (UE) Nru 1093/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE (1) b’mod partikolari l-Artikolu 9a(1), it-tielet subparagrafu, u l-Artikolu 9a(3), it-tielet subparagrafu, tiegħu,
Billi:
(1) |
L-Artikolu 9a(2) tar-Regolament (UE) Nru 1093/2010 jirrikjedi li l-Awtorità Bankarja Ewropea (EBA) tistabbilixxi u żżomm aġġornata bażi tad-data ċentrali tal-informazzjoni miġbura f’konformità mal-Artikolu 9a(1), il-punt (a), ta’ dak ir-Regolament. B’riżultat ta’ dan, l-ispeċifikazzjoni ta’ kif l-informazzjoni trid tiġi analizzata u ssir disponibbli għall-awtoritajiet li jirrapportaw fuq bażi ta’ ħtieġa ta’ tagħrif u b’mod kunfidenzjali, kif meħtieġ mill-Artikolu 9a(3) ta’ dak ir-Regolament, inevitabbilment hija relatata mal-ispeċifikazzjoni tad-dettalji għall-istabbiliment ta’ dik il-bażi ta’ data ċentrali. |
(2) |
Huwa meħtieġ li jiġu speċifikati s-sitwazzjonijiet korrispondenti fejn jistgħu jseħħu dgħufijiet. Is-superviżjoni tinkludi l-attivitajiet rilevanti kollha, mingħajr preġudizzju għall-kompetenzi nazzjonali, tal-awtoritajiet li jirrapportaw kollha li jridu jitwettqu skont l-atti leġiżlattivi settorjali, u hija, għalhekk, diversa. Għalhekk, jenħtieġ li s-sitwazzjonijiet korrispondenti jiġu speċifikati wara li jiġu kkunsidrati l-attivitajiet superviżorji mwettqa mill-awtoritajiet li jirrapportaw differenti. |
(3) |
Sabiex tiġi ddeterminata l-materjalità ta’ xi dgħufija, huwa meħtieġ li tiġi stabbilita d-definizzjoni ġenerali tagħha u lista mhux eżawrjenti ta’ kriterji biex tiġi speċifikata aktar dik id-definizzjoni. Tali definizzjoni u lista ta’ kriterji huma meħtieġa biex jinkiseb, minn naħa waħda, approċċ armonizzat fl-applikazzjoni ta’ dik id-definizzjoni ġenerali, filwaqt li min-naħa l-oħra jiġi żgurat li jinqabdu d-dgħufijiet materjali kollha, fis-sens tad-definizzjoni ġenerali u b’kont meħud tal-kuntest speċifiku. |
(4) |
Sabiex jiġi żgurat li l-awtoritajiet li jirrapportaw jirrapportaw dgħufijiet fil-bażi tad-data fi stadju bikri, dgħufija materjali jenħtieġ li tiġi definita b’tali mod li tinkludi mhux biss dgħufijiet li jiżvelaw xi nuqqas sinifikanti fil-konformità mar-rekwiżiti applikabbli relatati mal-ġlieda kontra l-ħasil tal-flus u mal-ġlieda kontra l-finanzjament tat-terroriżmu (AML/CFT), iżda wkoll dawk id-dgħufijiet li jistgħu jwasslu għalih, anki jekk tali nuqqas ikun għadu ma seħħx. Dan huwa ġġustifikat ukoll mill-fatt li l-informazzjoni jenħtieġ li tiġi rrapportata fil-bażi tad-data fuq bażi tal-aħjar sforz minn dawk l-awtoritajiet li ma għandhomx l-istess livell ta’ informazzjoni u għarfien espert dwar l-AML/CFT bħall-awtoritajiet superviżorji maħtura bħala kompetenti skont id-Direttiva (UE) 2015/849 tal-Parlament Ewropew u tal-Kunsill (2). |
(5) |
Biex jiġi stabbilit it-tip ta’ informazzjoni li trid tiġi ppreżentata, huwa meħtieġ li ssir distinzjoni bejn informazzjoni ġenerali, informazzjoni dwar dgħufijiet materjali u informazzjoni dwar il-miżuri meħuda. |
(6) |
Meta jiġu stabbiliti l-komponenti tal-informazzjoni ġenerali li trid tiġi ppreżentata, jenħtieġ li tingħata attenzjoni partikolari lill-operaturi tas-settur finanzjarju li joperaw fuq bażi transfruntiera, inklużi l-operaturi tas-settur finanzjarju li huma parti minn grupp li għalih jopera kulleġġ. Sabiex tiġi żgurata l-komparabbiltà tal-informazzjoni ppreżentata, jenħtieġ li l-awtoritajiet tal-AML/CFT jippreżentaw ukoll lill-EBA, bħala parti minn dik l-informazzjoni ġenerali, il-profil tar-riskju tal-AML/CFT tal-operatur tas-settur finanzjarju bl-użu ta’ kategoriji komuni. |
(7) |
Jenħtieġ li l-awtoritajiet prudenzjali, bħala parti mill-informazzjoni ġenerali li jridu jirrapportaw, jipprovdu informazzjoni dwar ir-riżultat tal-valutazzjoni tar-riskju rilevanti ta’ kwalunkwe proċess ta’ rieżami superviżorju u ta’ kwalunkwe proċess simili ieħor affettwat mir-riskju tal-ħasil tal-flus u l-finanzjament tat-terroriżmu tal-operatur tas-settur finanzjarju flimkien ma’ informazzjoni dwar kwalunkwe valutazzjoni finali negattiva jew deċiżjoni negattiva dwar l-applikazzjonijiet għal awtorizzazzjoni, fejn tali valutazzjoni jew deċiżjoni tkun ibbażata wkoll fuq ir-raġunijiet ta’ riskji ta’ ħasil tal-flus u finanzjament tat-terroriżmu. |
(8) |
Sabiex jitqiesu l-kompetenzi distinti tal-awtoritajiet tal-AML/CFT ta’ domiċilju u ospitanti kif stabbilit fid-Direttiva (UE) 2015/849, huwa meħtieġ li jiġi ċċarat li kemm l-awtoritajiet tal-AML/CFT ta’ domiċilju kif ukoll dawk ospitanti jenħtieġ li jirrapportaw lill-EBA d-dgħufijiet materjali li kull wieħed minnhom identifika fit-twettiq tal-kompetenzi rispettivi tagħhom. Huwa meħtieġ ukoll li jiġi ċċarat li l-miżuri meħuda mill-awtorità tal-AML/CFT ospitanti jenħtieġ li jiġu ppreżentati fil-bażi tad-data indipendentement minn kwalunkwe notifika lill-awtorità ta’ domiċilju. |
(9) |
Huwa meħtieġ li jiġi żgurat li l-EBA tkun tista’ teżerċita b’mod effettiv ir-rwol tagħha li tmexxi, tikkoordina u timmonitorja l-attivitajiet biex tippromwovi l-integrità, it-trasparenza u s-sigurtà fis-sistema finanzjarja biex tipprevjeni l-użu ta’ dik is-sistema għal finijiet ta’ ħasil tal-flus jew ta’ finanzjament tat-terroriżmu, billi tagħmel użu sħiħ mis-setgħat u l-għodod kollha tagħha skont ir-Regolament (UE) Nru 1093/2010 filwaqt li tirrispetta l-prinċipju tal-proporzjonalità. L-EBA jenħtieġ għalhekk li tkun tista’ tikkombina, għall-finijiet tal-analiżi tal-informazzjoni ppreżentata fil-bażi tad-data, informazzjoni li jkollha mingħand sorsi oħra. Jenħtieġ li l-EBA tagħmel ħilitha biex tagħmel użu minn din l-informazzjoni fit-twettiq tal-kompiti tagħha kollha kif stabbilit fir-Regolament (UE) Nru 1093/2010. |
(10) |
Filwaqt li janalizza l-informazzjoni ppreżentata fil-bażi tad-data u magħmula disponibbli għall-awtoritajiet li jirrapportaw, dan ir-Regolament jenħtieġ li jiżgura l-kooperazzjoni mal-Awtorità Ewropea tal-Assigurazzjoni u l-Pensjonijiet tax-Xogħol (EIOPA) u mal-Awtorità Ewropea tat-Titoli u s-Swieq (ESMA) f’konformità mal-prinċipju ta’ kooperazzjoni sinċiera skont l-Artikolu 4(3) tat-Trattat dwar l-Unjoni Ewropea kif speċifikat aktar fl-Artikolu 2(4) tar-Regolament (UE) Nru 1093/2010, l-Artikolu 2(4) tar-Regolament (UE) Nru 1094/2010 tal-Parlament Ewropew u tal-Kunsill (3) u l-Artikolu 2(4) tar-Regolament (UE) Nru 1095/2010 tal-Parlament Ewropew u tal-Kunsill (4). B’mod partikolari, għandu jiġi speċifikat li l-informazzjoni mitluba mill-EBA mingħand dawk l-awtoritajiet jew li tkun waslet mod ieħor minn dawk l-awtoritajiet tista’ tintuża, fejn xieraq, għall-finijiet tal-analiżi u li l-EBA jenħtieġ tipprovdi dik l-informazzjoni lill-EIOPA u lill-ESMA, jew fuq inizjattiva tagħha stess jew fuq talba mingħand dawk l-awtoritajiet. |
(11) |
Huwa meħtieġ li jiġi speċifikat kif l-informazzjoni ssir disponibbli għall-awtoritajiet li jirrapportaw. L-Artikolu 9a(2) tar-Regolament (UE) Nru 1093/2010 jirreferi b’mod ġenerali għall-fatt li l-EBA trid tiżgura li l-informazzjoni tkun disponibbli għall-awtoritajiet li jirrapportaw fuq bażi ta’ ħtieġa ta’ tagħrif u b’mod kunfidenzjali, filwaqt li l-Artikolu 9a(3) ta’ dak ir-Regolament jirreferi speċifikament għal talbiet motivati. Iż-żewġ dispożizzjonijiet huma parti mill-proċess dwar kif l-informazzjoni ssir disponibbli għall-awtoritajiet li jirrapportaw. Għal dak l-għan, jenħtieġ li jiġu stabbiliti wkoll l-elementi partikolari tat-talba motivata li l-EBA tirċievi mingħand l-awtoritajiet li jirrapportaw. |
(12) |
Sabiex jiġi żgurat ir-rispett tal-prinċipju tal-proporzjonalità u tiġi evitata d-duplikazzjoni tal-informazzjoni, awtorità tal-AML/CFT li tippreżenta informazzjoni dwar miżura jenħtieġ li titqies li tippreżenta wkoll in-notifika msemmija fl-Artikolu 62 tad-Direttiva (UE) 2015/849, fir-rigward ta’ dik il-miżura. Barra minn hekk, huwa meħtieġ li jintalab li awtorità tal-AML/CFT jew prudenzjali li tipreżenta informazzjoni lill-bażi tad-data ċentrali tispeċifika bħala parti mill-preżentazzjoni tagħha jekk dik l-awtorità tkunx diġà ppreżentat notifika skont l-Artikolu 97(6) tad-Direttiva 2013/36/UE tal-Parlament Ewropew u tal-Kunsill (5). |
(13) |
Sabiex jiġi żgurat li l-bażi tad-data ċentrali tal-AML/CFT issir għodda effettiva fil-ġlieda kontra l-ħasil tal-flus u l-finanzjament tat-terroriżmu, huwa meħtieġ li jiġi żgurat li l-awtoritajiet li jirrapportaw jippreżentaw dik l-informazzjoni lill-bażi tad-data ċentrali fil-ħin, u li tiġi żgurata l-kwalità ta’ dik l-informazzjoni. Għal dak l-għan, l-informazzjoni dwar id-dgħufijiet materjali u l-miżuri meħuda jenħtieġ li tiġi ppreżentata mingħajr dewmien żejjed u jenħtieġ li l-awtoritajiet li jirrapportaw iwieġbu mingħajr dewmien żejjed għal kwalunkwe talba mill-EBA li ssir wara li titwettaq kwalunkwe analiżi tal-verifika tal-kwalità. Għall-istess raġuni, jenħtieġ li l-awtoritajiet li jirrapportaw jiżguraw il-preċiżjoni, il-kompletezza, l-adegwatezza u l-aġġornamenti kontinwi ta’ tali informazzjoni, u l-informazzjoni dwar dgħufija materjali jenħtieġ li tiġi ppreżentata indipendentement minn kwalunkwe miżura meħuda b’reazzjoni għaliha. |
(14) |
Sabiex tiġi żgurata l-effiċjenza fil-ħin, u b’hekk jiġu promossi monitoraġġ u valutazzjoni konsistenti, sistematiċi u effettivi tar-riskji fir-rigward tal-ħasil tal-flus u l-finanzjament tat-terroriżmu fis-sistemi finanzjarji tal-Unjoni, il-preżentazzjonijiet u t-talbiet jenħtieġ li jsiru bl-Ingliż. Fl-istess ħin, biex jiġi żgurat ir-rispett tal-prinċipju tal-proporzjonalità u biex jiġu evitati kostijiet eċċessivi għall-awtoritajiet li jirrapportaw, meta d-dokumenti ta’ sostenn ma jkunux disponibbli bl-Ingliż, jenħtieġ li dawn jiġu ppreżentati bil-lingwa oriġinali tagħhom u jkunu akkumpanjati minn sommarju bl-Ingliż. |
(15) |
Fejn l-operazzjoni ta’ skema ta’ garanzija tad-depożiti tkun amministrata minn entità privata, l-awtorità maħtura biex tissorvelja dik l-iskema jenħtieġ li tiżgura li tali skema tirrapporta, għand l-awtorità maħtura, id-dgħufijiet materjali li jiġu identifikati matul l-attivitajiet tagħha. |
(16) |
Minħabba l-għadd kbir ta’ awtoritajiet li jirrapportaw involuti u biex jiġu antiċipati d-differenzi konsiderevoli fil-frekwenza tar-rapportar peress li xi wħud minn dawk l-awtoritajiet ta’ rapportar, minħabba r-responsabbiltajiet superviżorji tagħhom, x’aktarx li jirrapportaw dgħufijiet u miżuri materjali tal-AML/CFT b’mod inqas frekwenti minn oħrajn, u biex tinkiseb effiċjenza operazzjonali u kosteffiċjenti kemm għall-awtoritajiet li jirrapportaw kif ukoll għall-EBA, jenħtieġ li jiġi inkorporat approċċ sekwenzjali fl-arkitettura tal-bażi tad-data. Abbażi ta’ dak l-approċċ sekwenzjali, xi awtoritajiet li jirrapportaw jenħtieġ li jkollhom aċċess dirett, u oħrajn indirett, għall-bażi tad-data. |
(17) |
Il-partijiet kollha involuti fl-iskambju ta’ informazzjoni jenħtieġ li jkunu marbuta b’rekwiżiti ta’ segretezza professjonali u kunfidenzjalità. Għalhekk, jenħtieġ li jiġu stabbiliti dispożizzjonijiet speċifiċi dwar kif l-informazzjoni tista’ tiġi żvelata aktar, u b’hekk tinżamm il-kunfidenzjalità. |
(18) |
Meta l-informazzjoni li tiġi ppreżentata, mitluba, kondiviża jew magħmula disponibbli tkun tikkonċerna persuni fiżiċi, jenħtieġ li jiġi rispettat il-prinċipju tal-proporzjonalità fl-ipproċessar tal-informazzjoni dwar dawk il-persuni fiżiċi. Għal dak l-għan, huwa meħtieġ li tiġi speċifikata l-informazzjoni pproċessata dwar persuni fiżiċi. |
(19) |
Sabiex tiġi żgurata l-effiċjenza tal-bażi tad-data u l-analiżi tal-informazzjoni ta’ ġo fiha sabiex tkun għodda effettiva fil-ġlieda kontra l-ħasil tal-flus u l-finanzjament tat-terroriżmu, jenħtieġ li l-EBA tkun tista’ tikkombina bħala parti mill-analiżi tagħha l-informazzjoni ppreżentata lilha f’konformità ma’ dan ir-Regolament ma’ informazzjoni oħra disponibbli dwar dgħufijiet materjali f’operaturi individwali tas-settur finanzjarju li jagħmluhom vulnerabbli għall-ħasil tal-flus jew għall-finanzjament tat-terroriżmu u li l-EBA takkwista fit-twettiq tal-kompiti tagħha fl-ambitu tal-mandat tagħha. Sabiex tiġi żgurata r-rilevanza tagħha, meta l-informazzjoni kkombinata jkun fiha data personali, jenħtieġ li tali data taqa’ taħt il-kategoriji tad-data elenkati fl-Anness II. Il-kombinazzjoni ta’ data personali jenħtieġ li tkun eċċezzjonali u tali pproċessar jista’ jservi biss biex jintlaħqu l-għanijiet ta’ dan ir-Regolament. Jista’ jkun meħtieġ li d-data tiġi kkombinata sabiex (i) jiġu żgurati l-preċiżjoni u l-kompletezza tad-data miksuba mill-awtoritajiet kompetenti jew (ii) biex l-EBA tkun tista’ tintegra fil-bażi tad-data tagħha informazzjoni rilevanti tal-istess natura bħal dik trażmessa mill-awtoritajiet kompetenti iżda miksuba permezz ta’ mezz ieħor bħal permezz tal-investigazzjonijiet tagħha dwar ksur potenzjali tad-dritt tal-Unjoni skont l-Artikolu 17 tar-Regolament (UE) Nru 1093/2010. Informazzjoni relatata ma’ suspetti ta’ reati kriminali jew kundanni kriminali mwettqa minn klijent, sid benefiċjarju, membru tal-korp maniġerjali jew detentur ta’ funzjoni ewlenija tista’ tkun indikatur ta’ nuqqas ta’ onestà, integrità jew riskji ta’ ML/TF. Dan jista’ jkun kawża jew kontributur sinifikanti għal dgħufijiet materjali fl-arranġamenti tal-governanza, l-idoneità u l-adegwatezza ta’ operatur tas-settur finanzjarju, id-detenturi ta’ parteċipazzjonijiet kwalifikanti, il-mudell ta’ negozju jew l-attivitajiet ta’ operatur tas-settur finanzjarju. Għalhekk, id-data personali speċifikata fl-Anness II tista’ tinkludi informazzjoni relatata ma’ suspett jew kundanna għal reati kriminali. Id-data relatata ma’ dgħufijiet materjali biss tista’ tiġi inkluża fil-bażi tad-data. Minħabba li skont dan ir-Regolament id-dgħufijiet materjali huma relatati biss ma’ nuqqasijiet sinifikanti fil-konformità ma’ xi wieħed mir-rekwiżiti relatati mal-AML/CFT, dan jiżgura li l-ipproċessar tad-data skont ir-Regolament jibqa’ limitat fl-ambitu ta’ ksur serju tar-rekwiżiti relatati mal-AML/CFT, u għalhekk jibqa’ limitat għal dak li huwa meħtieġ u proporzjonat. Id-data personali kollha pproċessata għall-implimentazzjoni ta’ dan ir-Regolament jenħtieġ li tiġi ttrattata f’konformità mal-qafas tal-protezzjoni tad-data tal-Unjoni, inklużi l-prinċipji relatati mal-ipproċessar bħal-legalità, il-ġustizzja u t-trasparenza, il-limitazzjoni tal-iskop, il-minimizzazzjoni tad-data, il-preċiżjoni, il-limitazzjoni tal-ħżin, l-integrità u l-kunfidenzjalità, u l-akkontabbiltà. |
(20) |
Il-liġijiet dwar il-protezzjoni tad-data, b’mod partikolari r-Regolament (UE) 2016/679 tal-Parlament Ewropew u tal-Kunsill (6) u r-Regolament (UE) 2018/1725 tal-Parlament Ewropew u tal-Kunsill (7) huma applikabbli għall-ipproċessar ta’ data personali. |
(21) |
L-EBA, l-ESMA, l-EIOPA u l-awtoritajiet ta’ rapportar jenħtieġ li jiddeterminaw ir-responsabbiltajiet rispettivi tagħhom bħala kontrolluri konġunti ta’ data personali permezz ta’ arranġament bejniethom f’konformità mal-Artikolu 26 tar-Regolament (UE) 2016/679 u l-Artikolu 86 tar-Regolament (UE) 2018/1725, sal-punt li dawk ir-responsabbiltajiet ma jkunux determinati mil-liġi tal-Unjoni jew mil-liġi nazzjonali li jkunu soġġetti għalihom. |
(22) |
Il-Kontrollur Ewropew għall-Protezzjoni tad-Data ġie kkonsultat skont l-Artikolu 42(1) tar-Regolament (UE) 2018/1725 u ta kummenti formali fl-24 ta’ Jannar 2023. |
(23) |
Minħabba l-karattru komplementari tal-mandat stabbilit fl-Artikolu 9a(1) tar-Regolament (UE) Nru 1093/2010 li jappartjeni għad-definizzjoni ta’ dgħufija u l-materjalità tagħha, l-ispeċifikazzjoni tas-sitwazzjonijiet korrispondenti fejn tista’ sseħħ dgħufija u t-tip u l-implimentazzjoni prattika tal-ġbir tal-informazzjoni, u tal-mandat stabbilit fil-paragrafu 3 ta’ dak l-Artikolu dwar kif l-informazzjoni miġbura jenħtieġ li tiġi analizzata u ssir disponibbli fuq bażi ta’ ħtieġa ta’ tagħrif u b’mod kunfidenzjali, l-ispeċifikazzjonijiet rilevanti jenħtieġ li jiġu stabbiliti f’Regolament uniku. |
(24) |
L-Artikolu 9a tar-Regolament (UE) Nru 1093/2010 jqabbad lill-EBA tiġbor informazzjoni dwar il-miżuri meħuda mill-awtoritajiet li jirrapportaw b’rispons għal dgħufijiet materjali identifikati. Tali miżuri jenħtieġ li jinftiehmu bħala kwalunkwe miżura, sanzjoni u penali superviżorji u amministrattivi inklużi miżuri prekawzjonarji jew temporanji, meħuda mill-awtoritajiet li jirrapportaw fil-kuntest ta’ attività superviżorja kif stabbilit fl-Artikolu 2(5), it-tieni subparagrafu, tar-Regolament (UE) Nru 1093/2010, fl-Artikolu 2(5), it-tieni subparagrafu, tar-Regolament (UE) Nru 1094/2010 u fl-Artikolu 2(5), it-tieni subparagrafu, tar-Regolament (UE) Nru 1095/2010. |
(25) |
Dan ir-Regolament huwa bbażat fuq l-abbozz tal-istandards tekniċi regolatorji ppreżentat lill-Kummissjoni mill-EBA. |
(26) |
L-EBA wettqet konsultazzjonijiet pubbliċi miftuħa dwar l-abbozz ta’ standards tekniċi regolatorji li fuqu huwa bbażat dan ir-Regolament, analizzat il-kostijiet u l-benefiċċji potenzjali relatati u talbet il-parir tal-Grupp tal-Partijiet Bankarji Interessati stabbilit f’konformità mal-Artikolu 37 tar-Regolament (UE) Nru 1093/2010, |
ADOTTAT DAN IR-REGOLAMENT:
Artikolu 1
Definizzjonijiet
Għall-iskopijiet ta’ dan ir-Regolament, għandhom japplikaw id-definizzjonijiet li ġejjin:
(1) |
“awtoritajiet li jirrapportaw” tfisser kwalunkwe waħda mill-awtoritajiet imsemmija fil-punti (2) sa (7) ta’ dan l-Artikolu u l-Bord Uniku ta’ Riżoluzzjoni; |
(2) |
“L-awtorità tal-AML/CFT” tfisser l-awtorità fdata bid-dmir li tiżgura l-konformità ta’ operatur tas-settur finanzjarju mad-Direttiva (UE) 2015/849; |
(3) |
“awtorità prudenzjali” tfisser l-awtorità fdata bid-dmir li tiżgura l-konformità ta’ operatur tas-settur finanzjarju mal-qafas prudenzjali stabbilit fi kwalunkwe wieħed mill-atti leġiżlattivi msemmija fl-Artikolu 1(2) tar-Regolament (UE) Nru 1093/2010, l-Artikolu 1(2) tar-Regolament (UE) Nru 1094/2010 u l-Artikolu 1(2) tar-Regolament (UE) Nru 1095/2010 u fi kwalunkwe liġi nazzjonali li tittrasponi d-Direttivi msemmija f’dawk id-dispożizzjonijiet, inkluż il-Bank Ċentrali Ewropew fir-rigward ta’ kwistjonijiet relatati mal-kompiti kkonferiti lilu mir-Regolament tal-Kunsill (UE) Nru 1024/2013 (8); |
(4) |
“awtorità tal-istituzzjonijiet ta’ pagament” tfisser l-awtorità msemmija fl-Artikolu 22 tad-Direttiva (UE) 2015/2366 tal-Parlament Ewropew u tal-Kunsill (9); |
(5) |
“awtorità tal-kondotta tal-operazzjonijet” tfisser l-awtorità fdata bid-dmir li tiżgura l-konformità ta’ operatur tas-settur finanzjarju mal-qafas tal-kondotta tan-negozju jew tal-protezzjoni tal-konsumatur stabbilit fi kwalunkwe wieħed mill-atti leġiżlattivi msemmija fl-Artikolu 1(2) tar-Regolament (UE) Nru 1093/2010, fl-Artikolu 1(2) tar-Regolament (UE) Nru 1094/2010 u fl-Artikolu 1(2) tar-Regolament (UE) Nru 1095/2010 u fi kwalunkwe liġi nazzjonali li tittrasponi d-Direttivi msemmija f’dawk l-Artikoli; |
(6) |
“awtorità ta’ riżoluzzjoni” tfisser awtorità ta’ riżoluzzjon kif definit fl-Artikolu 2(1), il-punt (18) tad-Direttiva 2014/59/UE tal-Parlament Ewropew u tal-Kunsill (10); |
(7) |
“awtorità maħtura” tfisser l-awtorità kif definit fl-Artikolu 2(1), il-punt (18) tad-Direttiva 2014/49/UE tal-Parlament Ewropew u tal-Kunsill (11); |
(8) |
“Rekwiżit relatat mal-AML/CFT” tfisser kwalunkwe rekwiżit fir-rigward tal-prevenzjoni u l-ġlieda kontra l-użu tas-sistema finanzjarja għall-fini tal-ħasil tal-flus jew tal-finanzjament tat-terroriżmu impost fuq operatur tas-settur finanzjarju f’konformità mal-atti leġiżlattivi msemmija fl-Artikolu 1(2) tar-Regolament (UE) Nru 1093/2010, l-Artikolu 1(2) tar-Regolament (UE) Nru 1094/2010 u l-Artikolu 1(2) tar-Regolament (UE) Nru 1095/2010, u ma’ kwalunkwe liġi nazzjonali li tittrasponi d-Direttivi msemmija f’dawk l-Artikoli; |
(9) |
“miżura” tfisser kwalunkwe miżura superviżorja u amministrattiva, sanzjoni u penali, inkluża miżura prekawzjonarja jew temporanja, meħuda minn awtorità li tirrapporta b’reazzjoni għal dgħufija li titqies materjali f’konformità mal-Artikolu 3; |
(10) |
“fergħa” tfisser post tan-negozju li jifforma parti legalment dipendenti ta’ operatur fis-settur finanzjarju u li twettaq direttament it-tranżazzjonijiet kollha jew uħud minnhom inerenti fin-negozju tal-operatur tas-settur finanzjarju, kemm jekk l-uffiċċju reġistrat jew l-uffiċċju prinċipali tagħha jkun jinsab fi Stat Membru jew f’pajjiż terz; |
(11) |
“operatur tas-settur finanzjarju omm” tfisser operatur fis-settur finanzjarju fi Stat Membru li jkollu operatur tas-settur finanzjarju ieħor bħala sussidjarju jew li jkollu parteċipazzjoni f’tali operatur tas-settur finanzjarju u li ma jkunx fih innifsu sussidjarju ta’ operatur ieħor fis-settur finanzjarju awtorizzat fl-istess Stat Membru; |
(12) |
“Operatur tas-settur finanzjarju omm fl-Unjoni” tfisser operatur omm fis-settur finanzjarju fi Stat Membru li ma jkunx sussidjarju ta’ operatur ieħor tas-settur finanzjarju stabbilit fi kwalunkwe Stat Membru; |
(13) |
“kulleġġ” tfisser kulleġġ ta’ superviżuri kif imsemmi fl-Artikolu 116 tad-Direttiva 2013/36/UE, kulleġġ ta’ riżoluzzjoni jew kulleġġ ta’ riżoluzzjoni Ewropew kif stabbilit fl-Artikoli 88 u 89 tad-Direttiva 2014/59/UE, jew kulleġġ tal-AML/CFT. |
Artikolu 2
Dgħufijiet u sitwazzjonijiet korrispondenti fejn jistgħu jseħħu dgħufijiet
1. Għall-finijiet tal-Artikolu 9a(1), il-punt (a), l-ewwel subparagrafu, tar-Regolament (UE) Nru 1093/2010, dgħufija għandha tfisser kwalunkwe minn dawn li ġejjin:
(a) |
ksur minn operatur tas-settur finanzjarju ta’ rekwiżit relatat mal-AML/CFT, li jkun ġie identifikat minn awtorità ta’ rapportar; |
(b) |
kwalunkwe sitwazzjoni li fiha l-awtorità ta’ rapportar ikollha raġunijiet raġonevoli biex tissuspetta li l-operatur tas-settur finanzjarju kiser rekwiżit relatat mal-AML/CFT, jew li l-operatur tas-settur finanzjarju pprova jikser tali rekwiżit (“ksur potenzjali”); |
(c) |
l-applikazzjoni ineffettiva jew mhux xierqa minn operatur tas-settur finanzjarju ta’ rekwiżit relatat mal-AML/CFT, jew l-applikazzjoni ta’ politiki u proċeduri interni li l-operaturi tas-settur finanzjarju jdaħħlu fis-seħħ biex jikkonformaw mar-rekwiżiti relatati mal-AML/CFT b’mod li l-awtorità li tittapporta tqis li huwa inadegwat jew insuffiċjenti biex jinkisbu l-effetti maħsuba ta’ dawk ir-rekwiżiti jew politiki u proċeduri u li x’aktarx, min-natura tagħha, twassal għal ksur kif imsemmi fil-punt (a), jew għal ksur potenzjali kif imsemmi fil-punt (b), jekk is-sitwazzjoni ma tiġix rettifikata (“applikazzjoni ineffettiva jew mhux xierqa”). |
2. Is-sitwazzjonijiet korrispondenti fejn jistgħu jseħħu dgħufijiet huma stabbiliti fl-Anness I.
Artikolu 3
Materjalità ta’ dgħufija
1. L-awtoritajiet relaturi għandhom iqisu dgħufija bħala materjali meta dik id-dgħufija tiżvela, jew tista’ twassal għal, fallimenti sinifikanti fil-konformità tal-operatur tas-settur finanzjarju, jew tal-grupp li għalih jappartjeni l-operatur tas-settur finanzjarju, ma’ kwalunkwe wieħed mir-rekwiżiti relatati mal-AML/CFT.
2. Għall-finijiet tal-paragrafu 1, l-awtoritajiet relaturi għandhom jivvalutaw mill-inqas il-kriterji kollha li ġejjin:
(a) |
jekk id-dgħufija hijiex qed isseħħ jew seħħitx ripetutament; |
(b) |
jekk id-dgħufija tkunx ippersistiet fuq perjodu ta’ żmien sinifikanti (durata); |
(c) |
jekk id-dgħufija hijiex serja jew allarmanti (gravità); |
(d) |
jekk il-korp maniġerjali, jew il-maniġment superjuri, tal-operatur tas-settur finanzjarju jidhrux li jafu dwar id-dgħufija u ddeċidew li ma jirrimedjawhiex (negliġenza), jew jekk adottawx deċiżjonijiet jew kellhomx deliberazzjonijiet immirati biex jiġġeneraw id-dgħufija (imġiba ħażina volontarja); |
(e) |
jekk id-dgħufija żżidx l-iskopertura tal-operatur tas-settur finanzjarju, jew tal-grupp li jappartjeni għalih, għar-riskji tal-ħasil tal-flus jew tal-finanzjament tat-terroriżmu; |
(f) |
jekk id-dgħufija għandhiex, jew jistax ikollha, impatt sinifikanti fuq l-integrità, it-trasparenza u s-sigurtà tas-sistema finanzjarja ta’ Stat Membru jew tal-Unjoni kollha kemm hi, jew fuq l-istabbiltà finanzjarja ta’ Stat Membru jew tal-Unjoni kollha kemm hi; |
(g) |
jekk id-dgħufija għandhiex, jew jistax ikollha, impatt sinifikanti fuq il-vijabbiltà tal-operatur tas-settur finanzjarju jew tal-grupp li għalih jappartjeni l-operatur tas-settur finanzjarju; |
(h) |
jekk id-dgħufija għandhiex, jew jistax ikollha, impatt sinifikanti fuq il-funzjonament ordnat tas-swieq finanzjarji. |
Artikolu 4
Informazzjoni li trid tiġi pprovduta mill-awtoritajiet li jirrapportaw
Esklużivament għall-finijiet tal-Artikolu 9a(1), il-punt (a), l-ewwel subparagrafu, tar-Regolament (UE) Nru 1093/2010, l-awtoritajiet ta’ rapportar għandhom jipprovdu lill-EBA bit-tipi kollha ta’ informazzjoni li ġejjin:
(a) |
l-informazzjoni ġenerali speċifikata fl-Artikolu 5 ta’ dan ir-Regolament; |
(b) |
l-informazzjoni speċifikata fl-Artikolu 6 ta’ dan ir-Regolament dwar dgħufijiet materjali; |
(c) |
l-informazzjoni speċifikata fl-Artikolu 7 ta’ dan ir-Regolament dwar kwalunkwe miżura meħuda. |
Artikolu 5
Informazzjoni ġenerali
1. L-awtoritajiet li jirrapportaw għandhom jipprovdu lill-EBA bl-informazzjoni ġenerali kollha li ġejja:
(a) |
l-identifikazzjoni tal-awtorità li tirrapporta, inkluża l-ispeċifikazzjoni dwar jekk hijiex l-awtorità tal-AML/CFT ta’ domiċilju u ospitanti u, fejn japplika l-Artikolu 12(4), l-identifikazzjoni tal-awtorità li tippreżenta dik l-informazzjoni indirettament; |
(b) |
l-identifikazzjoni tal-operatur tas-settur finanzjarju u tal-fergħat tiegħu, tal-aġenti kif definiti fl-Artikolu 4, il-punt (38) tad-Direttiva (UE) 2015/2366, u tad-distributuri, inkluż it-tip ta’ operatur tas-settur finanzjarju u, fejn applikabbli, it-tip ta’ stabbiliment, meta dak l-operatur, jew il-fergħat, l-aġenti, jew id-distributuri tiegħu jkunu kkonċernati mid-dgħufija materjali jew mill-miżura meħuda; |
(c) |
meta l-operatur tas-settur finanzjarju jkun parti minn grupp, l-identifikazzjoni tal-operatur omm tas-settur finanzjarju fl-Unjoni u tal-operatur omm tas-settur finanzjarju; |
(d) |
meta l-informazzjoni tiġi sottomessa mill-Bank Ċentrali Ewropew, mill-Bord Uniku ta’ Riżoluzzjoni, jew mill-awtorità ta’ rapportar nazzjonali tal-Istat Membru fejn l-operatur tas-settur finanzjarju jkollu l-uffiċċju reġistrat tiegħu, jew, jekk l-operatur tas-settur finanzjarju ma jkollux uffiċċju reġistrat, tal-Istat Membru li fih jinsab l-uffiċċju prinċipali tal-operatur tas-settur finanzjarju, l-identifikazzjoni tal-pajjiżi li fihom l-operatur tas-settur finanzjarju jopera fergħat u sussidjarji jew jopera permezz ta’ netwerk ta’ aġenti u distributuri; |
(e) |
meta l-operatur tas-settur finanzjarju jkun parti minn grupp, informazzjoni dwar kwalunkwe kulleġġ li fih tipparteċipa l-awtorità tar-rapportar, inkluża informazzjoni dwar il-membri, l-osservaturi, u dwar is-superviżur ewlieni, is-superviżur tal-grupp, is-superviżur tal-konsolidazzjoni jew l-awtorità tar-riżoluzzjoni fil-livell tal-grupp ta’ dak il-kulleġġ; |
(f) |
jekk hemmx punt ta’ kuntatt ċentrali kif imsemmi fl-Artikolu 45(9) tad-Direttiva (UE) 2015/849, u, fejn applikabbli, l-identifikazzjoni tiegħu; |
(g) |
kwalunkwe informazzjoni rilevanti oħra dwar l-operatur tas-settur finanzjarju, il-fergħa, l-aġent jew id-distributur, inkluża informazzjoni dwar jekk:
|
(h) |
informazzjoni dwar id-daqs tal-attivitajiet tal-operatur fis-settur finanzjarju u l-fergħat tiegħu, inkluż, fejn applikabbli:
|
2. L-awtoritajiet prudenzjali għandhom, minbarra l-informazzjoni msemmija fil-paragrafu 1, jippreżentaw l-informazzjoni kollha li ġejja lill-bażi tad-data:
(a) |
ir-riżultat tal-valutazzjoni tar-riskju ddeterminat abbażi ta’ kwalunkwe proċess ta’ rieżami superviżorju rilevanti, inklużi r-rieżamijiet superviżorji msemmija fl-Artikolu 97 tad-Direttiva 2013/36/UE u l-Artikolu 36 tad-Direttiva 2009/138/KE tal-Parlament Ewropew u tal-Kunsill (12), u ta’ kwalunkwe proċess simili ieħor affettwat mill-iskopertura tal-operatur tas-settur finanzjarju, jew tal-fergħat tiegħu, għar-riskju tal-ħasil tal-flus jew il-finanzjament tat-terroriżmu, inkluż fl-oqsma tal-governanza interna, il-mudell tan-negozju, ir-riskju operazzjonali, ir-riskju tal-likwidità u r-riskju tal-kreditu; |
(b) |
kwalunkwe valutazzjoni finali negattiva ta’, jew deċiżjoni dwar, applikazzjoni għal awtorizzazzjoni bħala operatur tas-settur finanzjarju, inkluż meta membru tal-korp maniġerjali ma jissodisfax ir-rekwiżiti tal-idoneità u tal-adegwatezza, u inkluż fejn tali valutazzjoni jew deċiżjoni tkun ibbażata fuq raġunijiet ta’ ħasil tal-flus jew finanzjament tat-terroriżmu. |
Kwalunkwe rapportar dwar persuni fiżiċi għall-finijiet tal-punt (b) għandu jsir f’konformità mal-Anness II.
3. L-awtoritajiet tal-AML/CFT għandhom, minbarra l-informazzjoni msemmija fil-paragrafu 1, jipprovdu lill-EBA bil-profil tar-riskju tal-ħasil tal-flus u tal-finanzjament tat-terroriżmu tal-operatur tas-settur finanzjarju u tal-fergħat tiegħu, u l-informazzjoni disponibbli dwar il-profil tar-riskju tal-ħasil tal-flus u tal-finanzjament tat-terroriżmu tal-aġenti u tad-distributuri u għandhom jużaw il-kategoriji speċifikati fl-Anness III.
Artikolu 6
Informazzjoni dwar dgħufijiet materjali
L-awtoritajiet li jirrapportaw għandhom jipprovdu lill-EBA bl-informazzjoni kollha li ġejja dwar dgħufijiet materjali:
(a) |
it-tip ta’ dgħufija materjali kif stabbilit fl-Artikolu 2(1); |
(b) |
ir-raġuni għaliex l-awtorità li tirrapporta tqis li d-dgħufija hija materjali; |
(c) |
deskrizzjoni tad-dgħufija materjali; |
(d) |
is-sitwazzjoni korrispondenti li fiha seħħet id-dgħufija materjali, kif stabbilit fl-Anness I; |
(e) |
il-kronoloġija tad-dgħufija materjali; |
(f) |
l-oriġini tal-informazzjoni dwar id-dgħufija materjali; |
(g) |
ir-rekwiżit relatat mal-AML/CFT li miegħu hija relatata d-dgħufija materjali; |
(h) |
it-tip ta’ prodotti, servizzi jew attivitajiet li għalihom l-operatur tas-settur finanzjarju jkun ġie awtorizzat u li huma affettwati mid-dgħufija materjali; |
(i) |
jekk id-dgħufija materjali tikkonċernax l-operatur tas-settur finanzjarju waħdu, il-fergħa tiegħu, l-aġent tiegħu jew id-distributur tiegħu waħdu, kif ukoll kwalunkwe impatt transfruntier tad-dgħufija materjali; |
(j) |
jekk l-informazzjoni dwar id-dgħufija materjali ġietx ikkomunikata lil xi kulleġġ li kien ġie stabbilit għall-grupp li għalih jappartjeni l-operatur tas-settur finanzjarju; u, jekk għadha ma ġietx ikkomunikata, ir-raġuni għaliex; |
(k) |
għall-awtoritajiet tal-AML/CFT ospitanti, jekk l-informazzjoni dwar id-dgħufija materjali tkunx ġiet ikkomunikata lill-awtorità tal-AML/CFT ta’ domiċilju jew lill-punt ta’ kuntatt ċentrali msemmi fl-Artikolu 45(9) tad-Direttiva (UE) 2015/849, fejn applikabbli, u, jekk tkun għadha ma ġietx ikkomunikata, ir-raġuni għaliex; |
(l) |
jekk id-dgħufija materjali tidhirx li hija inerenti fid-disinn tal-prodott, tas-servizz jew tal-attività kkonċernata; |
(m) |
jekk id-dgħufija materjali tidhirx li hija marbuta ma’ persuni fiżiċi speċifiċi, kemm jekk klijenti, sidien benefiċjarji, membri tal-korp maniġerjali jew detenturi ta’ funzjonijiet ewlenin, inklużi r-raġunijiet għaliex l-awtorità li tirrapporta tqis li dik il-persuna fiżika tidher li hija marbuta mad-dgħufija materjali; |
(n) |
kwalunkwe informazzjoni kuntestwali jew ta’ sfond fir-rigward tad-dgħufija materjali, meta magħrufa mill-awtorità li tirrapporta, inklużi:
|
Għall-finijiet tal-punt (m), kwalunkwe informazzjoni dwar persuni fiżiċi għandha tiġi pprovduta f’konformità mal-Anness II.
Artikolu 7
Informazzjoni dwar kwalunkwe miżura meħuda
L-awtoritajiet li jirrapportaw għandhom jipprovdu lill-EBA bl-informazzjoni kollha li ġejja dwar kwalunkwe miżura meħuda:
(a) |
referenza għad-dgħufija materjali li fir-rigward tagħha tkun ittieħdet il-miżura, u, fejn rilevanti, kwalunkwe aġġornament tal-informazzjoni pprovduta f’konformità mal-Artikolu 6; |
(b) |
id-data tal-impożizzjoni tal-miżura; |
(c) |
it-tip ta’ miżura, in-numru ta’ referenza intern tagħha u ħolqa għaliha, jekk ippubblikata; |
(d) |
informazzjoni sħiħa dwar il-persuni ġuridiċi u fiżiċi li fuqhom ġiet imposta l-miżura; |
(e) |
deskrizzjoni tal-miżura, inkluża l-bażi ġuridika tagħha; |
(f) |
l-istatus tal-miżura, inkluż jekk ikunx tressaq xi appell kontra l-miżura; |
(g) |
jekk u kif il-miżura ġiet ippubblikata, inklużi r-raġunijiet għal kwalunkwe pubblikazzjoni anonima, dewmien fil-pubblikazzjoni jew nuqqas ta’ pubblikazzjoni; |
(h) |
l-informazzjoni kollha rilevanti għar-rimedju tad-dgħufija materjali li tikkonċerna l-miżura, inkluża kwalunkwe azzjoni ppjanata jew meħuda għal tali rimedju, u kwalunkwe spjegazzjoni addizzjonali meħtieġa rigward il-proċess ta’ rimedju u l-iskeda ta’ żmien rilevanti li fiha huwa mistenni r-rimedju; |
(i) |
jekk l-informazzjoni dwar il-miżura ġietx ikkomunikata lil xi kulleġġ li kien ġie stabbilit għall-grupp li għalih jappartjeni l-operatur tas-settur finanzjarju; u jekk għadha ma ġietx ikkomunikata, ir-raġuni għaliex; |
(j) |
għall-awtoritajiet tal-AML/CFT ospitanti, jekk l-informazzjoni dwar il-miżura ġietx ikkomunikata lill-awtorità kompetenti tal-AML/CFT ta’ domiċilju; u, jekk għadha ma ġietx ikkomunikata, ir-raġuni għaliex. |
Għall-finijiet tal-punt (d), kwalunkwe informazzjoni dwar persuni fiżiċi għandha tiġi pprovduta f’konformità mal-Anness II.
Artikolu 8
Skedi ta’ żmien u obbligu li jiġu pprovduti aġġornamenti
1. L-awtoritajiet li jirrapportaw għandhom jipprovdu lill-EBA bl-informazzjoni kollha dwar dgħufijiet u miżuri materjali mingħajr dewmien żejjed.
2. L-awtoritajiet li jirrapportaw għandhom jipprovdu lill-EBA b’informazzjoni dwar dgħufija materjali irrispettivament minn jekk tkunx ittieħdet xi miżura b’reazzjoni għal din id-dgħufija materjali. Barra minn hekk, l-awtoritajiet tal-AML/CFT ospitanti għandhom jippreżentaw dik l-informazzjoni irrispettivament minn kwalunkwe notifika li ssir lill-awtorità tal-AML/CFT ta’ domiċilu.
3. L-awtoritajiet relaturi għandhom jiżguraw li l-informazzjoni li jipprovdu lill-EBA tibqa’ preċiża, kompluta, adegwata u aġġornata.
4. Meta l-EBA tiddetermina li l-informazzjoni pprovduta mhijiex preċiża, kompluta, adegwata jew aġġornata, l-awtoritajiet li jirrapportaw għandhom jipprovdu lill-EBA fuq talba tagħha bi kwalunkwe informazzjoni addizzjonali jew sussegwenti mingħajr dewmien żejjed.
5. L-awtoritajiet li jirrapportaw għandhom jipprovdu lill-EBA, fi żmien debitu, bl-informazzjoni kollha meħtieġa biex iżommu lill-ABE infurmata dwar kwalunkwe żvilupp sussegwenti relatat mal-informazzjoni pprovduta, inkluż informazzjoni marbuta mad-dgħufija materjali identifikata jew mal-miżura meħuda u r-rimedju tagħha.
Artikolu 9
Analiżi tal-informazzjoni riċevuta mill-EBA
1. L-EBA għandha tanalizza l-informazzjoni li tirċievi f’konformità ma’ dan ir-Regolament billi tieħu approċċ ibbażat fuq ir-riskju.
2. L-EBA tista’, fejn xieraq, tikkombina informazzjoni ppreżentata f’konformità ma’ dan ir-Regolament ma’ kwalunkwe informazzjoni oħra disponibbli għall-EBA, inkluża informazzjoni żvelata lill-ABE minn kwalunkwe persuna fiżika jew ġuridika inkluż it-tip ta’ informazzjoni elenkata fl-Anness II.
3. L-ESMA u l-EIOPA għandhom jipprovdu lill-EBA, meta jintalbu, bi kwalunkwe informazzjoni addizzjonali meħtieġa għall-analiżi tal-informazzjoni riċevuta f’konformità ma’ dan ir-Regolament. Meta l-informazzjoni addizzjonali tkun tinkludi data personali, din id-data għandha tiġi pprovduta skont il-kategoriji fl-Anness II.
4. L-EBA għandha tagħmel ħilitha biex tagħmel użu mill-informazzjoni li tirċievi f’konformità ma’ dan ir-Regolament għat-twettiq tal-kompiti tagħha kif stabbilit fir-Regolament (UE) Nru 1093/2010, inkluż dawn kollha li ġejjin:
(a) |
biex twettaq analiżi fuq bażi aggregata:
|
(b) |
biex tipprovdi tweġibiet għal talbiet li jaslulha mingħand l-awtoritajiet li jirrapportaw għal informazzjoni dwar l-operaturi tas-settur finanzjarju rilevanti għall-attivitajiet superviżorji ta’ dawk l-awtoritajiet fir-rigward tal-prevenzjoni tal-użu tas-sistema finanzjarja għall-finijiet tal-ħasil tal-flus jew tal-finanzjament tat-terroriżmu, kif speċifikat fl-Artikolu 9a(3) tar-Regolament (UE) Nru 1093/2010; |
(c) |
biex tifforma talbiet għal investigazzjonijiet kif msemmi fl-Artikolu 9b tar-Regolament (UE) Nru 1093/2010; |
(d) |
li tiżvela, fuq inizjattiva tagħha stess, informazzjoni lill-awtoritajiet li jirrapportaw rilevanti għall-attivitajiet superviżorji tagħhom kif speċifikat fl-Artikolu 10(1), il-punt (b); |
(e) |
biex tipprovdi lill-EIOPA u lill-ESMA b’informazzjoni analizzata f’konformità ma’ dan ir-Regolament, inkluż informazzjoni dwar operaturi individwali tas-settur finanzjarju, u dwar persuni fiżiċi f’konformità mal-Anness II, jew fuq inizjattiva tagħha stess, jew wara talba li taslilha mingħand l-EIOPA jew l-ESMA fejn tagħti r-raġunijiet għaliex dik l-informazzjoni hija meħtieġa għat-twettiq tal-kompiti tagħhom kif stabbilit fir-Regolament (UE) Nru 1094/2010 u fir-Regolament (UE) Nru 1095/2010, rispettivament. |
Artikolu 10
Tqegħid tal-informazzjoni għad-dispożizzjoni tal-awtoritajiet li jirrapportaw
1. L-ABE għandha tipprovdi lill-awtoritajiet li jirrapportaw bl-informazzjoni li tirċievi skont dan ir-Regolament u analizzata skont l-Artikolu 9 fis-sitwazzjonijiet kollha li ġejjin:
(a) |
wara li tirċievi talba mingħand l-awtorità li tirrapporta għal informazzjoni dwar l-operaturi tas-settur finanzjarju rilevanti għall-attivitajiet superviżorji ta’ dik l-awtorità fir-rigward tal-prevenzjoni tal-użu tas-sistema finanzjarja għall-finijiet tal-ħasil tal-flus jew tal-finanzjament tat-terroriżmu, kif speċifikat fl-Artikolu 9a(3) tar-Regolament (UE) Nru 1093/2010; |
(b) |
fuq inizjattiva proprja tal-EBA, inkluż għall-każijiet li ġejjin bl-użu ta’ approċċ ibbażat fuq ir-riskju:
|
2. It-talba msemmija fil-paragrafu 1, il-punt (a), għandha tispeċifika dan li ġej:
(a) |
l-identifikazzjoni tal-awtorità li tirrapporta rikjedenti u l-awtorità li tippermetti s-sottomissjoni indiretta kif imsemmi fl-Artikolu 12(4), kif applikabbli; |
(b) |
l-identità tal-operatur fis-settur finanzjarju kkonċernat mit-talba; |
(c) |
jekk it-talba tikkonċernax l-operatur tas-settur finanzjarju jew persuna fiżika; |
(d) |
għaliex l-informazzjoni hija rilevanti għall-awtorità li tirrapporta rikjedenti u għall-attivitajiet superviżorji tagħha fir-rigward tal-prevenzjoni tal-użu tas-sistema finanzjarja għall-fini tal-ħasil tal-flus jew tal-finanzjament tat-terroriżmu; |
(e) |
l-użu maħsub tal-informazzjoni mitluba; |
(f) |
id-data sa meta l-informazzjoni jenħtieġ li tasal, jekk ikun hemm, u ġustifikazzjoni għal dik id-data; |
(g) |
jekk hemmx grad ta’ urġenza, u ġustifikazzjoni għal dik l-urġenza; |
(h) |
kwalunkwe informazzjoni addizzjonali li tista’ tgħin lill-EBA waqt l-ipproċessar tat-talba, jew li tintalab mill-EBA. |
3. Meta jkunu kkonċernati persuni fiżiċi, it-talbiet imsemmija fil-paragrafu 1, il-punt (a), u l-għoti ta’ informazzjoni f’konformità mal-paragrafu 1, il-punt (b), għandhom isiru f’konformità mal-Anness II.
Artikolu 11
Artikolazzjoni ma’ notifiki oħra
1. L-informazzjoni, dwar miżura, ppreżentata minn awtorità tal-AML/CFT lill-EBA f’konformità mal-Artikolu 7 ta’ dan ir-Regolament għandha titqies bħala sottomissjoni ta’ informazzjoni kif imsemmi fl-Artikolu 62 tad-Direttiva (UE) 2015/849 fir-rigward ta’ dik il-miżura.
2. L-AML/CFT jew awtorità prudenzjali li tissottometti informazzjoni f’konformità ma’ dan ir-Regolament għandha tispeċifika mas-sottomissjoni tagħha jekk tkunx diġà ssottomettiet notifika skont l-Artikolu 97(6) tad-Direttiva 2013/36/UE.
Artikolu 12
Implimentazzjoni prattika tal-ġbir tal-informazzjoni
1. L-informazzjoni msemmija fl-Artikoli 5, 6 u 7 u t-talbiet imsemmija fl-Artikolu 9(4), il-punt (b), u l-Artikolu 10(1), il-punt (a), għandhom jiġu sottomessi b’mezzi elettroniċi u bl-Ingliż.
2. Id-dokumenti ta’ sostenn li mhumiex disponibbli bl-Ingliż għandhom jiġu ppreżentati fil-lingwa oriġinali tagħhom, akkumpanjati minn sommarju bl-Ingliż.
3. Meta l-operazzjoni ta’ skema ta’ garanzija tad-depożiti tkun amministrata minn entità privata, l-awtorità maħtura li twettaq is-superviżjoni ta’ dik l-iskema għandha tiżgura li tali entità privata li tamministra l-iskema tirrapporta għand dik l-awtorità maħtura dgħufijiet materjali identifikati matul l-attivitajiet tagħha.
4. Meta awtorità li tirrapporta, għajr awtorità tal-AML/CFT (“awtorità li tissottometti indirettament”), tippreżenta informazzjoni u talbiet lill-EBA u tirċievi informazzjoni mingħand l-EBA permezz tal-awtorità tal-AML/CFT inkarigata mis-superviżjoni tal-operatur tas-settur finanzjarju kkonċernat mid-dgħufija materjali tal-Istat Membru fejn tkun stabbilita l-awtorità li tissottometti indirettament (“awtorità li tippermetti sottomissjoni indiretta”), għandu japplika dan li ġej:
(a) |
l-awtorità li tissottometti indirettament għandha tissottometti informazzjoni u talbiet lil u tirċievi informazzjoni mill-ABE biss permezz tal-awtorità li tippermetti sottomissjoni indiretta; |
(b) |
ir-responsabbiltà tal-awtorità li tippermetti s-sottomissjoni indiretta għandha tkun limitata biss għas-sottomissjoni lill-EBA tal-informazzjoni u t-talbiet kollha li jaslu għand l-awtorità li tissottometti indirettament u li tittrasferixxi lil dik l-awtorità l-informazzjoni kollha li tasal mingħand l-EBA; |
(c) |
l-awtorità li tissottometti indirettament għandha tibqa’ esklużivament responsabbli biex tikkonforma mal-obbligi tagħha li tirrapporta dgħufijiet u miżuri materjali f’konformità ma’ dan ir-Regolament; |
(d) |
in-notifiki skont l-Artikolu 9a(3) tar-Regolament (UE) Nru 1093/2010 għandhom isiru mill-EBA għall-awtorità li tissottometti indirettament permezz tal-awtorità li tippermetti sottomissjoni indiretta. |
5. L-awtoritajiet li jirrapportaw għandhom jaħtru persuna b’anzjanità xierqa biex tirrappreżenta lill-awtorità vis-à-vis l-EBA għas-sottomissjoni, it-talba u r-riċeviment ta’ informazzjoni f’konformità ma’ dan ir-Regolament, u jinfurmaw lill-EBA dwar dik il-ħatra u dwar kwalunkwe bidla f’dik il-ħatra. L-awtoritajiet li jirrapportaw għandhom jiżguraw li jkunu ddedikati biżżejjed riżorsi għall-obbligi ta’ rapportar tagħhom skont dan ir-Regolament. L-awtoritajiet li jirrapportaw għandhom jaħtru persuna jew persuni bħala punti ta’ kuntatt għas-sottomissjoni, it-talbiet u l-wasla ta’ informazzjoni skont dan ir-Regolament u jinnotifikaw lill-EBA b’dan. Kwalunkwe notifika li ssir skont dan il-paragrafu għandha ssir skont l-Anness II. L-awtoritajiet li jissottomettu indirettament għandhom jinnotifikaw lill-awtoritajiet li jippermettu s-sottomissjoni indiretta tagħhom.
6. Għall-awtorità tal-AML/CFT, l-informazzjoni addizzjonali msemmija fl-Artikolu 9a(1), il-punt (a), it-tielet subparagrafu, tar-Regolament (UE) Nru 1093/2010 għandha tinkludi l-profil tar-riskju attwali tal-ħasil tal-flus jew tal-finanzjament tat-terroriżmu tal-grupp, jekk ikun hemm, u l-valutazzjonijiet tar-riskju tal-ħasil tal-flus jew tal-finanzjament tat-terroriżmu tal-operatur tas-settur finanzjarju, tal-fergħa, tal-aġent jew tad-distributur jew tal-grupp. L-awtoritajiet li jirrapportaw għandhom jipprovdu lill-EBA bi kwalunkwe informazzjoni jew dokument mhux imsemmi f’dan ir-Regolament li jkun rilevanti għal kwalunkwe dgħufija materjali jew miżura bi spjegazzjoni ta’ tali rilevanza.
7. L-EBA għandha tistabbilixxi u tikkomunika lill-awtoritajiet relaturi speċifikazzjonijiet tekniċi, inklużi formati ta’ skambju ta’ data, rappreżentazzjonijiet, punti ta’ data rilevanti u drittijiet ta’ struzzjonijiet ta’ aċċess għall-bażi ta’ data, li l-awtoritajiet li jirrapportaw għandhom jikkonformaw magħhom, meta jissottomettu jew jirċievu informazzjoni f’konformità ma’ dan ir-Regolament. L-EBA għandha, wara li tqis l-attivitajiet superviżorji differenti tal-awtoritajiet li jirrapportaw, il-frekwenza mistennija tas-sottomissjonijiet u l-ħtieġa li tinkiseb effiċjenza operazzjonali u kosteffiċjenti, tidentifika l-awtoritajiet li jirrapportaw li għandhom ikunu awtoritajiet li jissottomettu indirettament skont il-paragrafu 4.
Artikolu 13
Kunfidenzjalità
1. Mingħajr preġudizzju għad-dispożizzjonijiet ta’ dan ir-Regolament dwar kif l-informazzjoni tiġi analizzata u ssir disponibbli għall-awtoritajiet, l-informazzjoni sottomessa lill-ABE f’konformità ma’ dan ir-Regolament għandha tkun soġġetta għall-Artikoli 70, 71 u 72 tar-Regolament (UE) Nru 1093/2010. L-informazzjoni riċevuta mill-AEAPX u l-AETS skont dan ir-Regolament għandha tkun soġġetta għall-Artikoli 70, 71 u 72 tar-Regolament (UE) Nru 1094/2010 u għall-Artikoli 70, 71 u 72 tar-Regolament (UE) Nru 1095/2010, rispettivament.
2. Il-membri tal-korpi maniġerjali tal-awtoritajiet ta’ rapportar, u l-persuni li jaħdmu għal dawk l-awtoritajiet jew li ħadmu għal dawk l-awtoritajiet, anki wara li jkunu ntemmu dmirijiethom, għandhom ikunu soġġetti għar-rekwiżiti tas-segretezza professjonali u ma għandhomx jiżvelaw informazzjoni riċevuta f’konformità ma’ dan ir-Regolament, ħlief f’forma mqassra jew aggregata biss b’tali mod li l-operaturi individwali tas-settur finanzjarju, il-fergħat, l-aġenti, id-distributuri jew persuni fiżiċi oħra ma jkunux jistgħu jiġu identifikati, mingħajr preġudizzju għall-każijiet fejn ikunu pendenti proċedimenti tal-liġi kriminali.
3. L-awtoritajiet li jirrapportaw li jirċievu informazzjoni f’konformità ma’ dan ir-Regolament għandhom jittrattaw dik l-informazzjoni bħala kunfidenzjali u għandhom jużawha biss matul l-attivitajiet superviżorji tagħhom fir-rigward tal-prevenzjoni tal-użu tas-sistema finanzjarja għall-ħasil tal-flus jew tal-finanzjament tat-terroriżmu, imwettqa skont l-atti legali msemmija fl-Artikolu 1(2) tar-Regolament (UE) Nru 1093/2010, l-Artikolu 1(2) tar-Regolament (UE) Nru 1094/2010 u l-Artikolu 1(2) tar-Regolament (UE) Nru 1095/2010, inkluż f’appelli kontra miżuri meħuda minn dawk l-awtoritajiet u fi kwalunkwe proċediment tal-qorti li jikkonċerna attivitajiet superviżorji.
4. Il-paragrafu 2 ma għandux jipprekludi awtorità li tirrapporta milli tiżvela informazzjoni li taslilha f’konformità ma’ dan ir-Regolament lil awtorità li tirrapporta oħra jew lil awtorità jew korp skont l-atti legali msemmija fl-Artikolu 1(2) tar-Regolament (UE) Nru 1093/2010, l-Artikolu 1(2) tar-Regolament (UE) Nru 1094/2010 u l-Artikolu 1(2) tar-Regolament (UE) Nru 1095/2010.
Artikolu 14
Protezzjoni tad- data
L-EBA tista’ żżomm data personali f’forma identifikabbli għal perjodu ta’ mhux aktar minn 10 snin mill-ġbir mill-EBA u, fejn tagħmel dan, għandha tħassar id-data personali malli jiskadi dak il-perjodu. Abbażi ta’ valutazzjoni annwali tal-ħtieġa tagħha, id-data personali tista’ titħassar qabel it-tmiem ta’ dak il-perjodu massimu fuq bażi ta’ każ b’każ.
Artikolu 15
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Novembru 2023.
Għall-Kummissjoni
Il-President
Ursula VON DER LEYEN
(1) ĠU L 331, 15.12.2010, p. 12.
(2) Id-Direttiva (UE) 2015/849 tal-Parlament Ewropew u tal-Kunsill tal-20 ta’ Mejju 2015 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda r-Regolament (UE) Nru 648/2012 tal-Parlament Ewropew u tal-Kunsill, u li tħassar id-Direttiva 2005/60/KE tal-Parlament Ewropew u tal-Kunsill u d-Direttiva tal-Kummissjoni 2006/70/KE (ĠU L 141, 5.6.2015, p. 73).
(3) Ir-Regolament (UE) Nru 1094/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Ewropea tal-Assigurazzjoni u l-Pensjonijiet tax-Xogħol), u li jemenda d-Deċiżjoni Nru 716/2009/KE u li jħassar id-Deċiżjoni tal-Kummissjoni 2009/79/KE (ĠU L 331, 15.12.2010, p. 48).
(4) Ir-Regolament (UE) Nru 1095/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/77/KE (ĠU L 331, 15.12.2010, p. 84).
(5) Id-Direttiva 2013/36/UE tal-Parlament Ewropew u tal-Kunsill tas-26 ta’ Ġunju 2013 dwar l-aċċess għall-attività tal-istituzzjonijiet ta’ kreditu u s-superviżjoni prudenzjali tal-istituzzjonijiet ta’ kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (ĠU L 176, 27.6.2013, p. 338).
(6) Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).
(7) Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).
(8) Ir-Regolament tal-Kunsill (UE) Nru 1024/2013 tal-15 ta’ Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta’ politiki relatati mas-superviżjoni prudenzjali ta’ istituzzjonijiet ta’ kreditu (ĠU L 287, 29.10.2013, p. 63).
(9) Id-Direttiva (UE) 2015/2366 tal-Parlament Ewropew u tal-Kunsill tal-25 ta’ Novembru 2015 dwar is-servizzi ta’ pagament fis-suq intern, li temenda d-Direttivi 2002/65/KE, 2009/110/KE, 2013/36/UE u r-Regolament (UE) Nru 1093/2010, u li tħassar id-Direttiva 2007/64/KE (ĠU L 337, 23.12.2015, p. 35).
(10) Id-Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KEE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/UE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (ĠU L 173, 12.6.2014, p. 190).
(11) Id-Direttiva 2014/49/UE tal-Parlament Ewropew u tal-Kunsill tas-16 ta’ April 2014 dwar skemi ta’ garanzija tad-depożiti (ĠU L 173, 12.6.2014, p. 149).
(12) Id-Direttiva 2009/138/KE tal-Parlament Ewropew u tal-Kunsill tal-25 ta’ Novembru 2009 dwar il-bidu u l-eżerċizzju tan-negozju tal-assigurazzjoni u tar-riassigurazzjoni (Solvenza II) (ĠU L 335, 17.12.2009, p. 1).
ANNESS I
SITWAZZJONIJIET KORRISPONDENTI
L-awtoritajiet li jirrapportaw jistgħu jiltaqgħu ma’ dgħufijiet fis-sitwazzjonijiet li ġejjin:
PARTI 1: Awtoritajiet tal-AML/CFT
Meta jwettqu l-attivitajiet superviżorji tagħhom fuq il-post u mhux fuq il-post, rigward:
(a) |
miżuri ta’ diliġenza dovuta tal-klijenti, inklużi valutazzjonijiet tar-riskju tal-ML/TF tal-klijenti, dipendenza fuq partijiet terzi u monitoraġġ tat-tranżazzjonijiet; |
(b) |
rapportar ta’ transazzjonijiet suspettużi; |
(c) |
żamma ta’ rekords; |
(d) |
sistemi u kontrolli interni tal-AML/CFT; |
(e) |
sistema ta’ ġestjoni tar-riskju, inklużi valutazzjonijiet tar-riskju ta’ ML/TF għan-negozju kollu; |
(f) |
politiki u proċeduri għall-grupp kollu inklużi l-politiki għall-kondiviżjoni tal-informazzjoni fi ħdan il-grupp. |
PARTI 2: Awtoritajiet prudenzjali
1. |
Matul il-proċess ta’ awtorizzazzjoni u l-proċess għall-valutazzjoni tal-akkwist ta’ parteċipazzjonijiet kwalifikanti, rigward:
|
2. |
Waqt is-superviżorji, inkluż spezzjonijiet fuq il-post u attivitajiet ta’ superviżjoni mhux fuq il-post, rigward:
|
PARTI 3: Awtoritajiet maħtura
Meta tħejji għal interventi tal-SGD, inkluż ittestjar tal-istress u spezzjonijiet fuq il-post jew mhux fuq il-post, jew meta teżegwixxi intervent tal-SGD, inklużi żborżi.
PARTI 4: Awtoritajiet ta’ riżoluzzjoni u l-Bord Uniku ta’ Riżoluzzjoni
Matul il-funzjonijiet tagħhom, mill-ippjanar tar-riżoluzzjoni sal-eżekuzzjoni.
PARTI 5: Kondotta ta’ awtoritajiet tan-negozju
Meta jwettqu l-attivitajiet superviżorji tagħhom fuq il-post u mhux fuq il-post, u b’mod partikolari f’sitwazzjonijiet fejn ikunu jafu dwar:
(a) |
ċaħda ta’ aċċess għal prodotti jew servizzi finanzjarji għal raġunijiet tal-ġlieda kontra l-ħasil tal-flus jew tal-ġlieda kontra l-finanzjament tat-terroriżmu; |
(b) |
terminazzjoni ta’ kuntratt jew it-tmiem ta’ servizz għal raġunijiet tal-ġlieda kontra l-ħasil tal-flus jew tal-ġlieda kontra l-finanzjament tat-terroriżmu; |
(c) |
esklużjoni ta’ kategoriji ta’ klijenti, b’mod partikolari fis-sitwazzjonijiet imsemmija fil-punti (a) u (b) għal raġunijiet tal-ġlieda kontra l-ħasil tal-flus jew tal-ġlieda kontra l-finanzjament tat-terroriżmu. |
PARTI 6: Awtoritajiet tal-istituzzjonijiet ta’ pagament
B’mod partikolari:
1. |
matul il-proċess tal-awtorizzazzjoni u l-passaportar; |
2. |
meta jwettqu l-attivitajiet superviżorji tagħhom fuq il-post u mhux fuq il-post, b’mod partikolari:
|
PARTI 7: Kwalunkwe sitwazzjoni oħra fejn id-dgħufija tkun materjali.
ANNESS II
INFORMAZZJONI DWAR PERSUNI FIŻIĊI
1.
L-informazzjoni li trid tiġi pprovduta fl-applikazzjoni tal-Artikolu 5(2), il-punt (b)
(a) |
l-isem, il-kunjom, id-data tat-twelid, il-pajjiż ta’ residenza, in-nazzjonalità, il-funzjoni fl-operatur tas-settur finanzjarju jew fil-fergħa tiegħu; |
(b) |
ir-raġunijiet ta’ ħasil tal-flus jew ta’ finanzjament ta’ terroristi. |
2.
L-informazzjoni li trid tiġi pprovduta fl-applikazzjoni tal-Artikolu 6, il-punt (m):
(a) |
klijenti jew sidien benefiċjarji:
|
(b) |
membri tal-korp maniġerjali jew tad-detenturi ta’ funzjonijiet ewlenin:
|
(c) |
kwalunkwe persuna fiżika msemmija fil-punti 2(a) jew (b) ta’ dan l-Anness: ir-raġuni għaliex l-awtorità li tirrapporta tqis li l-persuna fiżika tidher li hija marbuta mad-dgħufija materjali. |
3.
L-informazzjoni li trid tiġi pprovduta fl-applikazzjoni tal-Artikolu 7, il-punt (d):
(a) |
l-isem, il-kunjom, id-data tat-twelid, il-pajjiż ta’ residenza, in-nazzjonalità; |
(b) |
il-funzjoni fl-operatur, il-fergħa, l-aġent jew id-distributur tas-settur finanzjarju jew, fir-rigward tal-klijent jew tas-sid benefiċjarju, ir-rwol. |
4.
L-informazzjoni li trid tiġi pprovduta fl-applikazzjoni tal-Artikolu 10(3) minn awtorità li tirrapporta meta tagħmel talba dwar persuni fiżiċi:
(a) |
l-isem, il-kunjom, id-data tat-twelid, in-nazzjonalità, il-pajjiż tar-residenza; |
(b) |
fejn magħrufa, il-funzjoni, jew, fir-rigward tal-klijent jew tas-sid benefiċjarju, ir-rwol; |
(c) |
ir-raġuni għaliex l-informazzjoni dwar dik il-persuna speċifika hija meħtieġa għall-awtorità li tirrapporta rikjedenti għall-attività superviżorja tagħha fir-rigward tal-prevenzjoni tal-użu tas-sistema finanzjarja għall-finijiet tal-ħasil tal-flus jew tal-finanzjament tat-terroriżmu u l-użu/i maħsub(a) tal-informazzjoni mitluba. |
5.
It-tixrid ta’ data personali mill-EBA:Meta tintalab minn awtorità ta’ rapportar, l-EBA għandha tikkondividi data personali skont il-kundizzjonijiet imsemmija fil-punt 4(c) ta’ dan l-Anness, u fuq inizjattiva tagħha stess skont il-kundizzjonijiet stabbiliti fl-Artikolu 10(1), il-punt (b), jekk l-informazzjoni dwar il-persuna kkonċernata tkun meħtieġa għall-awtorità li tirrapporta biex twettaq is-superviżjoni tagħha fir-rigward tal-prevenzjoni tal-użu tas-sistema finanzjarja għall-fini tal-ħasil tal-flus jew tal-finanzjament tat-terroriżmu. Fiż-żewġ każijiet, l-informazzjoni għandha tiġi kondiviża bejn l-utenti awtentikati u għandhom jintużaw mezzi ta’ komunikazzjoni siguri.
6.
L-informazzjoni li trid tiġi pprovduta fl-applikazzjoni tal-Artikolu 12(5) għandu jkun fiha l-isem, il-kunjom, il-funzjoni, u l-kuntatt kummerċjali
ANNESS III
PROFIL TAR-RISKJU TAL-ĦASIL TAL-FLUS U TAL-FINANZJAMENT TAT-TERRORIŻMU
1. Profil tar-riskju inqas sinifikanti:
L-operatur, il-fergħa, l-aġent jew id-distributur tas-settur finanzjarju jkollu profil tar-riskju inqas sinifikanti jekk ir-riskju inerenti tiegħu jkun inqas sinifikanti u l-profil tar-riskju tiegħu jibqa’ mhux affettwat mill-mitigazzjoni, jew jekk ir-riskju inerenti jkun moderatament sinifikanti jew sinifikanti iżda jkun effettivament mitigat permezz tas-sistemi u l-kontrolli kontra l-ħasil tal-flus u l-ġlieda kontra l-finanzjament tat-terroriżmu (AML/CFT).
2. Profil tar-riskju moderatament sinifikanti:
L-operatur, il-fergħa, l-aġent jew id-distributur tas-settur finanzjarju ikollu profil tar-riskju moderatament sinifikanti jekk ir-riskju inerenti tiegħu jkun moderatament sinifikanti u l-profil tar-riskju tiegħu jibqa’ mhux affettwat mill-mitigazzjoni, jew meta r-riskju inerenti tiegħu jkun sinifikanti jew sinifikanti ħafna iżda jkun effettivament mitigat permezz ta’ sistemi u kontrolli tal-AML/CFT.
3. Profil tar-riskju sinifikanti:
L-operatur, il-fergħa, l-aġent jew id-distributur tas-settur finanzjarju jkollu profil tar-riskju sinifikanti jekk l-iskopertura għar-riskju inerenti tiegħu tkun sinifikanti u l-profil tar-riskju jibqa’ mhux affettwat mill-mitigazzjoni, jew meta r-riskju inerenti tiegħu jkun sinifikanti ħafna iżda jkun effettivament mitigat permezz ta’ sistemi u kontrolli tal-AML/CFT.
4. Profil tar-riskju sinifikanti ħafna:
L-operatur, il-fergħa, l-aġent jew id-distributur tas-settur finanzjarju jkollu profil tar-riskju sinifikanti ħafna jekk ir-riskju inerenti tiegħu jkun sinifikanti ħafna u, irrispettivament mill-mitigazzjoni, i-profil tar-riskju jibqa’ mhux affettwat mill-mitigazzjoni, jew jekk ir-riskju inerenti jkun sinifikanti ħafna iżda ma jiġix mitigat b’mod effettiv minħabba dgħufijiet sistemiċi fis-sistema u l-kontroll AML/CFT tal-operatur tas-settur finanzjarju.
ELI: http://data.europa.eu/eli/reg_del/2024/595/oj
ISSN 1977-074X (electronic edition)