Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32024R0377

Regolament ta’ Implimentazzjoni tal-Kummissjoni (UE) 2024/377 tal-25 ta’ Jannar 2024 li jemenda r-Regolament ta’ Implimentazzjoni (UE) 2018/2019 fir-rigward ta’ ċerti pjanti għat-tħawwil ta’ Malus domestica, li joriġinaw mill-Bożnija-Ħerzegovina

C/2024/378

ĠU L, 2024/377, 26.1.2024, ELI: http://data.europa.eu/eli/reg_impl/2024/377/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2024/377/oj

European flag

Il-Ġurnal Uffiċjali
ta'l-Unjoni Ewropea

MT

Serje L

2024/377

26.1.2024

REGOLAMENT TA’ IMPLIMENTAZZJONI TAL-KUMMISSJONI (UE) 2024/377

tal-25 ta’ Jannar 2024

li jemenda r-Regolament ta’ Implimentazzjoni (UE) 2018/2019 fir-rigward ta’ ċerti pjanti għat-tħawwil ta’ Malus domestica, li joriġinaw mill-Bożnija-Ħerzegovina

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2016/2031 tal-Parlament Ewropew u tal-Kunsill tas-26 ta’ Ottubru 2016 dwar il-miżuri protettivi kontra pesti tal-pjanti, li jemenda r-Regolamenti (UE) Nru 228/2013, (UE) Nru 652/2014 u (UE) Nru 1143/2014 tal-Parlament Ewropew u tal-Kunsill u li jħassar id-Direttivi tal-Kunsill 69/464/KEE, 74/647/KEE, 93/85/KEE, 98/57/KE, 2000/29/KE, 2006/91/KE u 2007/33/KE (1), u b’mod partikolari l-Artikolu 42(4), l-ewwel subparagrafu tiegħu,

Billi:

(1)

Abbażi ta’ valutazzjoni preliminari, ir-Regolament ta’ Implimentazzjoni tal-Kummissjoni (UE) 2018/2019 (2) jistabbilixxi lista ta’ pjanti, prodotti tal-pjanti u oġġetti oħra ta’ riskju għoli.

(2)

Wara valutazzjoni preliminari, fir-Regolament ta’ Implimentazzjoni (UE) 2018/2019 ġew elenkati proviżorjament 34 ġeneru u speċi waħda ta’ pjanti għat-tħawwil li joriġinaw minn pajjiżi terzi, bħala pjanti ta’ riskju għoli. Wieħed mill-ġeneri elenkati huwa Malus Mill.

(3)

Fit-13 ta’ Jannar 2022, il-Bożnija-Ħerzegovina ressqet talba lill-Kummissjoni għall-esportazzjoni lejn l-Unjoni ta’ pjanti għat-tħawwil ta’ mhux aktar minn sentejn, bl-għeruq mikxufin, inattivi, mingħajr weraq, imlaqqmin, tal-Malus domestica. Dik it-talba kienet appoġġata mid-dossier tekniku rilevanti.

(4)

Fid-19 ta’ Settembru 2023, l-Awtorità Ewropea dwar is-Sigurtà fl-Ikel (“l-Awtorità”) adottat opinjoni xjentifika dwar il-valutazzjoni tar-riskju ta’ komodità tal-pjanti għat-tħawwil tal-Malus domestica mill-Bożnija-Ħerzegovina (3). L-awtorità identifikat lill-Erwinia amylovora bħala l-pest rilevanti għal dawk il-pjanti għat-tħawwil. L-Erwinia amylovora hija elenkata bħala pest ta’ kwarantina f’żona protetta u pest regolat mhux ta’ kwarantina fl-Unjoni fl-Annessi III u IV tar-Regolament ta’ Implimentazzjoni tal-Kummissjoni (UE) 2019/2072 (4).

(5)

Abbażi tal-opinjoni xjentifika tal-Awtorità, sa sentejn, pjanti għat-tħawwil imlaqqma, bl-għeruq mikxufin, inattivi, mingħajr weraq, tal-Malus domestica li joriġinaw mill-Bożnija-Ħerzegovina ma joħolqux riskju ta’ livell inaċċettabbli minħabba l-probabbiltà tagħhom li jospitaw pest ta’ kwarantina fl-Unjoni.

(6)

Għalhekk, dawk il-pjanti għat-tħawwil ma għandhomx jibqgħu jitqiesu bħala pjanti b’riskju għoli.

(7)

Ir-Regolament ta’ Implimentazzjoni (UE) 2018/2019 għandu għalhekk jiġi emendat kif xieraq.

(8)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

L-Anness tar-Regolament ta’ Implimentazzjoni (UE) 2018/2019 huwa emendat f’konformità mal-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-25 ta’ Jannar 2024.

Għall-Kummissjoni

Il-President

Ursula VON DER LEYEN

(1)   ĠU L 317, 23.11.2016, p. 4, http://data.europa.eu/eli/reg/2016/2031/oj.

(2)  Ir-Regolament ta’ Implimentazzjoni tal-Kummissjoni (UE) 2018/2019 tat-18 ta’ Diċembru 2018 li jistabbilixxi lista proviżorja ta’ pjanti, prodotti tal-pjanti jew oġġetti oħra ta’ riskju għoli, fis-sens tal-Artikolu 42 tar-Regolament (UE) 2016/2031 u lista ta’ pjanti li ma jeħtiġux ċertifikati fitosanitarji għall-introduzzjoni tagħhom fl-Unjoni, fis-sens tal-Artikolu 73 ta’ dak ir-Regolament (ĠU L 323, 19.12.2018, p. 10, http://data.europa.eu/eli/reg_impl/2018/2019/oj).

(3)  EFSA PLH Panel (EFSA Panel on Plant Health), 2023. Valutazzjoni tar-riskju tal-komoditajiet tal-pjanti tal-Malus domestica mill-Bożnija-Ħerzegovina. EFSA Journal, 21(10), 1–34. https://doi.org/10.2903/j.efsa.2023.8315

(4)  Ir-Regolament ta’ Implimentazzjoni tal-Kummissjoni (UE) 2019/2072 tat-28 ta’ Novembru 2019 li jistabbilixxi l-kundizzjonijiet uniformi għall-implimentazzjoni tar-Regolament (UE) 2016/2031 tal-Parlament Ewropew u tal-Kunsill rigward il-miżuri protettivi kontra l-pesti tal-pjanti, u li jħassar ir-Regolament tal-Kummissjoni (KE) Nru 690/2008 u jemenda r-Regolament ta’ Implimentazzjoni tal-Kummissjoni (UE) 2018/2019 (ĠU L 319, 10.12.2019, p. 1 http://data.europa.eu/eli/reg_impl/2019/2072/oj).

ANNESS

Fl-Anness tar-Regolament ta’ Implimentazzjoni (UE) 2018/2019, fit-tabella fil-punt 1, fit-tieni kolonna “Deskrizzjoni”, l-entrata ‘ Malus Mill.’, hija sostitwita b’dan li ġej:

“ Malus Mill., għajr:

—

pjanti għat-tħawwil ta’ bejn sena u sentejn, bl-għeruq mikxufin, inattivi, mingħajr weraq, imlaqqmin, tal- Malus domestica li joriġinaw mis-Serbja;

—

pjanti għat-tħawwil ta’ mhux aktar minn tliet snin, bl-għeruq mikxufin, inattivi, mingħajr weraq, imlaqqmin, tal-Malus domestica li joriġinaw mill-Moldova;

—

salvaġġ ta’ mhux aktar minn tliet snin, bl-għeruq mikxufin, inattiv, mingħajr weraq tal-Malus domestica li joriġina mill-Ukrajna;

—

pjanti għat-tħawwil ta’ mhux aktar minn tliet snin, bl-għeruq mikxufin, inattivi, mingħajr weraq, imlaqqmin tal-Malus domestica li joriġinaw mill-Ukrajna;

—

biċċiet mingħajr weraq ta’ mhux aktar minn sena tal-Malus domestica li joriġinaw mir-Renju Unit;

—

pjanti għat-tħawwil ta’ mhux aktar minn seba’ snin tal-Malus domestica li joriġinaw mir-Renju Unit;

—

pjanti għat-tħawwil ta’ mhux aktar minn seba’ snin b’dijametru massimu fil-bażi taz-zokk ta’ 40 mm tal-Malus sylvestris li joriġinaw mir-Renju Unit; kif ukoll

—

pjanti għat-tħawwil ta’ mhux aktar minn sentejn, bl-għeruq mikxufin, inattivi, mingħajr weraq, imlaqqmin tal-Malus domestica, li joriġinaw mill-Bożnija-Ħerzegovina.”

ELI: http://data.europa.eu/eli/reg_impl/2024/377/oj

ISSN 1977-074X (electronic edition)

Top