This document is an excerpt from the EUR-Lex website
Document 32024D2546
Decision (EU) 2024/2546 of the European Central Bank of 19 September 2024 amending Decision (EU) 2023/2684 on the approval of the volume of coin issuance in 2024 (ECB/2023/28) (ECB/2024/25)
Deċiżjoni (UE) 2024/2546 tal-Bank Ċentrali Ewropew tad-19 ta’ Settembru 2024 li temenda d-Deciżjoni (UE) 2023/2684 dwar l-approvazzjoni tal-volum ta’ ħrug ta’ muniti fl-2024 (BĊE/2023/28) (BĊE/2024/25)
Deċiżjoni (UE) 2024/2546 tal-Bank Ċentrali Ewropew tad-19 ta’ Settembru 2024 li temenda d-Deciżjoni (UE) 2023/2684 dwar l-approvazzjoni tal-volum ta’ ħrug ta’ muniti fl-2024 (BĊE/2023/28) (BĊE/2024/25)
ECB/2024/25
ĠU L, 2024/2546, 27.9.2024, ELI: http://data.europa.eu/eli/dec/2024/2546/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
Il-Ġurnal Uffiċjali |
MT Is-serje L |
2024/2546 |
27.9.2024 |
DEĊIŻJONI (UE) 2024/2546 TAL-BANK ĊENTRALI EWROPEW
tad-19 ta’ Settembru 2024
li temenda d-Deciżjoni (UE) 2023/2684 dwar l-approvazzjoni tal-volum ta’ ħrug ta’ muniti fl-2024 (BĊE/2023/28) (BĊE/2024/25)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 128(2) tiegħu,
Wara li kkunsidra d-Deċiżjoni (UE) 2015/2332 tal-Bank Ċentrali Ewropew tal-4 ta’ Diċembru 2015 dwar il-qafas proċedurali għall-approvazzjoni tal-volum ta’ ħruġ ta’ muniti tal-euro (BĊE/2015/43) (1), u b’mod partikolari l-Artikolu 3(8) tagħha,
Billi:
(1) |
Il-Bank Ċentrali Ewropew (BĊE) għandu d-dritt esklussiv sa mill-1 ta’ Jannar 1999 biex japprova l-volum ta’ muniti maħruġin mill-Istati Membri li l-munita tagħhom hija l-euro. |
(2) |
Skont l-estimi tad-domanda għall-muniti tal-euro fl-2024 li l-Istati Membri li l-munita tagħhom hija l-euro ppreżentaw lill-BĊE, il-BĊE approva l-volum totali tal-muniti tal-euro intiżi għaċ-ċirkolazzjoni u l-muniti tal-euro għall-kollezzjonisti mhux intiżi għaċ-ċirkolazzjoni fl-2024 fid-Deċiżjoni (UE) 2023/2684 tal-Bank Ċentrali Ewropew (BĊE/2023/28) (2). |
(3) |
Skont l-Artikolu 3 tad-Deċiżjoni (UE) 2015/2332(BĊE/2015/43), l-Istati Membri li l-munita tagħhom hija l-euro għandhom jinnotifikaw lill-BĊE jekk id-domanda attwali għal muniti tal-euro x’aktarx taqbeż il-volum approvat ta’ ħruġ ta’ muniti f’sena kalendarja u, meta d-domanda akbar għall-muniti tkompli teżisti, għandhom jagħmlu talba għall-approvazzjoni ad hoc għal volum addizzjonali ta’ ħruġ ta’ muniti f’dik is-sena kalendarja. |
(4) |
Fit-12 ta’ Lulju 2024, il-BĊE rċieva talba mill-Bank Ċentrali ta’ Malta f’isem Malta biex jiżdied il-volum ta’ muniti tal-euro għaċ-ċirkolazzjoni li Malta tista’ toħroġ fl-2024 b’volum addizzjonali ta’ EUR 9,0 miljun, minn EUR 0,5 miljun għal EUR 9,5 miljun. Ir-raġuni għal din it-talba hija li volum ta’ muniti tal-euro għall-kollezzjonisti, kemm maħruġa kif ukoll mibjugħa permezz ta’ ftehimiet ta’ kollaborazzjoni li Malta ħarġet fl-2024 jaqbeż il-volum tal-ħruġ ta’ muniti tal-euro għall-kollezzjonisti approvat mill-BĊE għal Malta fl-2024. Peress li l-approvazzjoni ta’ volum addizzjonali ta’ ħruġ ta’ muniti tal-euro mill-BĊE hija prevista biss qabel ma jinħareġ il-volum addizzjonali ta’ muniti tal-euro, il-Bord Eżekuttiv iddetermina li l-volum addizzjonali ta’ ħruġ ta’ muniti tal-euro għall-kollezzjonisti li għandu jiġi approvat mill-BĊE għandu jiġi kkalkulat mill-mument li fih tiġi rċevuta t-talba għal approvazzjoni ad hoc. |
(5) |
Skont l-Artikolu 3(8) tad-Deċiżjoni (UE) 2015/2332 (BĊE/2015/43), meta l-Bord Eżekuttiv jiddetermina li l-volum addizzjonali ta’ ħruġ ta’ muniti mitlub minn Stat Membru taż-żona tal-euro jeħtieġ modifika, huwa għandu jissottometti proposta mmotivata li tispjega l-modifiki meħtieġa lill-Kunsill Governattiv, li għandu jadotta deċiżjoni individwali dwar it-talba għall-approvazzjoni ad hoc. |
(6) |
Il-Bord Eżekuttiv jipproponi li l-volum ta’ muniti tal-euro għall-kollezzjonisti li Malta tista’ toħroġ fil-perjodu minn Awwissu sa Diċembru 2024 għandu jiżdied b’volum addizzjonali ta’ EUR 3,75 miljun. Peress li diġà nħareġ volum ta’ EUR 0,5 miljun, il-volum totali ta’ ħruġ ta’ muniti tal-euro għall-kollezzjonijisti għal Malta fl-2024 se jiżdied għal EUR 4,25 miljun. |
(7) |
Għalhekk, id-Deċiżjoni (UE) 2023/2684 (BĊE/2023/28) għandha tiġi emendata kif meħtieġ, |
ADOTTA DIN ID-DEĊIŻJONI:
Artikolu 1
Emenda
It-tabella fl-Artikolu 2 tad-Decizjoni (UE) 2023/2684 (BĊE/2023/28) hija emendata kif gej:
(1) |
ir-ringiela dwar Malta hija mibdula b’li ġej:
|
(2) |
ir-ringiela intitolata “Total” hija mibdula b’li ġej:
|
Artikolu 2
Dħul fis-seħħ
Din id-Deċiżjoni għandha tidħol fis-seħħ fil-jum meta tiġi nnotifikata lid-destinatarji.
Artikolu 3
Destinatarji
Din id-Deċiżjoni hija indirizzata lill-Istati Membri li l-munita tagħhom hija l-euro.
Magħmul fi Frankfurt am Main, id-19 ta’ Settembru 2024.
Il-President tal-BĊE
Christine LAGARDE
(1) ĠU L 328, 12.12.2015, p. 123.
(2) Id-Deċiżjoni (UE) 2023/2684 tal-Bank Ċentrali Ewropew tal-21 ta’ Novembru 2023 dwar l-approvazzjoni tal-volum ta’ ħruġ ta’ muniti fl-2024 (BĊE/2023/28) (ĠU L, 2023/2684, 28.11.2023 , ELI: http://data.europa.eu/eli/dec/2023/2684/oj).
ELI: http://data.europa.eu/eli/dec/2024/2546/oj
ISSN 1977-074X (electronic edition)