This document is an excerpt from the EUR-Lex website
Document 32024D1954
Council Decision (EU) 2024/1954 of 13 May 2024 establishing the position to be taken on behalf of the European Union within the Joint Committee established by the Agreement on the withdrawal of the United Kingdom of Great Britain and Northern Ireland from the European Union and the European Atomic Energy Community as regards the amendment of Decision No 1/2023 of the Joint Committee of 24 March 2023 laying down arrangements relating to the Windsor Framework
Deċiżjoni tal-Kunsill (UE) 2024/1954 tat-13 ta’ Mejju 2024 li tistabbilixxi l-pożizzjoni li għandha tittieħed f’isem l-Unjoni Ewropea fil-Kumitat Konġunt stabbilit mill-Ftehim dwar il-ħruġ tar-Renju Unit tal-Gran Brittanja u l-Irlanda ta’ fuq mill-Unjoni Ewropea u mill-Komunità Ewropea tal-Enerġija Atomika fir-rigward tal-emenda tad-Deċiżjoni Nru 1/2023 tal-Kumitat Konġunt tal-24 ta’ Marzu 2023 li tistabbilixxi arrangamenti relatati mal-Qafas ta’ Windsor
Deċiżjoni tal-Kunsill (UE) 2024/1954 tat-13 ta’ Mejju 2024 li tistabbilixxi l-pożizzjoni li għandha tittieħed f’isem l-Unjoni Ewropea fil-Kumitat Konġunt stabbilit mill-Ftehim dwar il-ħruġ tar-Renju Unit tal-Gran Brittanja u l-Irlanda ta’ fuq mill-Unjoni Ewropea u mill-Komunità Ewropea tal-Enerġija Atomika fir-rigward tal-emenda tad-Deċiżjoni Nru 1/2023 tal-Kumitat Konġunt tal-24 ta’ Marzu 2023 li tistabbilixxi arrangamenti relatati mal-Qafas ta’ Windsor
ST/8945/2024/INIT
ĠU L, 2024/1954, 11.7.2024, ELI: http://data.europa.eu/eli/dec/2024/1954/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Il-Ġurnal Uffiċjali |
MT Is-serje L |
|
2024/1954 |
11.7.2024 |
DEĊIŻJONI TAL-KUNSILL (UE) 2024/1954
tat-13 ta’ Mejju 2024
li tistabbilixxi l-pożizzjoni li għandha tittieħed f’isem l-Unjoni Ewropea fil-Kumitat Konġunt stabbilit mill-Ftehim dwar il-ħruġ tar-Renju Unit tal-Gran Brittanja u l-Irlanda ta’ fuq mill-Unjoni Ewropea u mill-Komunità Ewropea tal-Enerġija Atomika fir-rigward tal-emenda tad-Deċiżjoni Nru 1/2023 tal-Kumitat Konġunt tal-24 ta’ Marzu 2023 li tistabbilixxi arrangamenti relatati mal-Qafas ta’ Windsor
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 50(2) tiegħu,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
|
(1) |
Il-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (1) (il-“Ftehim dwar il-Ħruġ”) ġie konkluż mill-Unjoni bid-Deċiżjoni tal-Kunsill (UE) 2020/135 (2) u daħal fis-seħħ fl-1 ta’ Frar 2020. |
|
(2) |
Skont l-Artikolu 166(2) tal-Ftehim dwar il-Ħruġ, id-deċiżjonijiet adottati mill-Kumitat Konġunt stabbilit skont l-Artikolu 164(1) tiegħu (il-“Kumitat Konġunt”) huma vinkolanti għall-Unjoni u għar-Renju Unit. L-Unjoni u r-Renju Unit iridu jimplimentaw tali deċiżjonijiet, li jkollhom l-istess effett legali tal-Ftehim dwar il-Ħruġ. |
|
(3) |
Skont l-Artikolu 182 tal-Ftehim dwar il-Ħruġ, il-Qafas ta’ Windsor (3) jifforma parti integrali minn dak il-Ftehim. |
|
(4) |
Fir-rigward tal-moviment tal-merkanzija, l-Artikolu 5(2) tal-Qafas ta’ Windsor jagħti s-setgħa lill-Kumitat Konġunt li jadotta deċiżjonijiet li jistabbilixxu l-kondizzjonijiet li skonthom l-ipproċessar ma għandux jitqies bħala pproċessar kummerċjali u l-kriterji biex jitqies li merkanzija li tiddaħħal fl-Irlanda ta’ Fuq minn barra l-Unjoni ma tkunx f’riskju li sussegwentement tiġi ttrasportata fl-Unjoni. |
|
(5) |
Huwa mixtieq li jittejjeb it-tħaddim tal-iskemi stabbiliti fid-Deċiżjoni Nru 1/2023 tal-Kumitat Konġunt tal-24 ta’ Marzu 2023 li tistabbilixxi l-arranġamenti relatati mal-Qafas ta’ Windsor (4) (id-“Deċiżjoni Nru 1/2023”) fir-rigward tal-applikazzjoni tal-kwoti tariffarji tar-Renju Unit fir-rigward tal-importazzjoni tal-merkanzija speċifikata fl-Anness V propost tad-Deċiżjoni Nru 1/2023 fl-Irlanda ta’ Fuq. |
|
(6) |
Il-Kumitat Konġunt, fil-laqgħa tiegħu li jmiss, jenħtieġ li jadotta deċiżjoni skont l-Artikolu 164(4)(e) tal-Ftehim dwar il-Ħruġ flimkien mal-Artikolu 5(2) tal-Qafas ta’ Windsor biex jemenda d-Deċiżjoni Nru 1/2023 (id-“Deċiżjoni emendatorja”). |
|
(7) |
Filwaqt li titqies in-novità fir-rigward tal-applikazzjoni tal-kwoti tariffarji tar-Renju Unit fir-rigward tal-importazzjoni fl-Irlanda ta’ Fuq tal-merkanzija elenkata fl-Anness tad-Deċiżjoni emendatorja, u sabiex tiġi mmonitorjata b’mod kontinwu l-konformità mal-kundizzjonijiet għall-importazzjoni ta’ dik il-merkanzija fl-Irlanda ta’ Fuq, inkluż fid-dawl tar-riskji potenzjali għall-integrità tas-suq intern, huwa xieraq li l-Kummissjoni tiinforma lill-Kunsill dwar l-implimentazzjoni tad-Deċiżjoni emendatorja. |
|
(8) |
Huwa xieraq li tiġi stabbilita l-pożizzjoni li għandha tittieħed f’isem l-Unjoni fil-Kumitat Konġunt fir-rigward tad-Deċiżjoni emendatorja, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f’isem l-Unjoni Ewropea fil-Kumitat Konġunt stabbilit bl-Artikolu 164(1) tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (il-“Kumitat Konġunt”) fir-rigward tal-emenda tad-Deċiżjoni Nru 1/2023 tal-Kumitat Konġunt tal-24 ta’ Marzu 2023 li tistabbilixxi arranġamenti relatati mal-Qafas ta’ Windsor (id-“Deċiżjoni Nru 1/2023”) tinsab fl-abbozz ta’ Deċiżjoni tal-Kumitat Konġunt mehmuż ma’ din id-Deċiżjoni (id-“Deċiżjoni emendatorja”).
Artikolu 2
1. Il-Kummissjoni għandhatissottometti informazzjoni lill-Kunsill, kif xieraq, mill-inqas darba fis-sena, dwar l-implimentazzjoni tad-Deċiżjoni emendatorja, inkluż dan li ġej:
|
(a) |
informazzjoni f’forma aggregata dwar l-għadd ta’ awtorizzazzjonijiet mogħtija skont l-Artikoli 9 sa 11 tad-Deċiżjoni Nru 1/2023, kif emendata bid-Deċiżjoni emendatorja, fir-rigward tal-importazzjoni tal-merkanzija elenkata fl-Anness tad-Deċiżjoni emendatorja; |
|
(b) |
informazzjoni dwar il-kwantitajiet użati matul il-perjodu annwali tal-kwota tal-merkanzija elenkata fl-Anness tad-Deċiżjoni emendatorja. |
2. Fl-istess waqt li tissottometti informazzjoni skont il-paragrafu 1, il-Kummissjoni għandha tippreżenta lill-Kunsill valutazzjoni tal-konformità ġenerali mal-kundizzjonijiet għall-importazzjoni fl-Irlanda ta’ Fuq tal-merkanzija elenkata fl-Anness tad-Deċiżjoni emendatorja, inkluż fid-dawl tal-ġestjoni tar-riskji potenzjali għall-integrità tas-suq intern.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-13 ta’ Mejju 2024.
Għall-Kunsill
Il-President
B. DALLE
(2) Id-Deċiżjoni tal-Kunsill (UE) 2020/135 tat-30 ta’ Jannar 2020 dwar il-konklużjoni tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (ĠU L 29, 31.1.2020, p. 1).
(3) Id-Dikjarazzjoni Konġunta Nru 1/2023 tal-Unjoni u tar-Renju Unit fil-Kumitat Konġunt stabbilit permezz tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika tal-24 ta’ Marzu 2023 (ĠU L 102, 17.4.2023, p. 87).
ELI: http://data.europa.eu/eli/dec/2024/1954/oj
ISSN 1977-074X (electronic edition)