This document is an excerpt from the EUR-Lex website
Document 32023R2889
Commission Implementing Regulation (EU) 2023/2889 of 15 December 2023 approving non-minor amendments to the product specification for the protected geographical indication Marchfeldspargel
Regolament ta’ Implimentazzjoni tal-Kummissjoni (UE) 2023/2889 tal-15 ta’ Diċembru 2023 li japprova emenda mhux minuri fl-Ispeċifikazzjoni tal-Prodott tal-indikazzjoni ġeografika protetta Marchfeldspargel
Regolament ta’ Implimentazzjoni tal-Kummissjoni (UE) 2023/2889 tal-15 ta’ Diċembru 2023 li japprova emenda mhux minuri fl-Ispeċifikazzjoni tal-Prodott tal-indikazzjoni ġeografika protetta Marchfeldspargel
C/2023/9117
ĠU L, 2023/2889, 22.12.2023, ELI: http://data.europa.eu/eli/reg_impl/2023/2889/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Il-Ġurnal Uffiċjali |
MT Serje L |
|
2023/2889 |
22.12.2023 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/2889
tal-15 ta’ Diċembru 2023
li japprova emenda mhux minuri fl-Ispeċifikazzjoni tal-Prodott tal-indikazzjoni ġeografika protetta “Marchfeldspargel”
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel (1), u b’mod partikolari l-Artikolu 52(2) tiegħu,
Billi:
|
(1) |
F’konformità mal-Artikolu 5(2) tar-Regolament (UE) 2021/2117 tal-Parlament Ewropew u tal-Kunsill (2), ir-regoli applikabbli qabel is-7 ta’ Diċembru 2021 għandhom jibqgħu japplikaw għall-applikazzjonijiet għall-approvazzjoni tal-emendar tal-Ispeċifikazzjoni tal-Prodott li l-Kummissjoni tirċievi skont ir-Regolament (UE) Nru 1151/2012 qabel it-8 ta’ Ġunju 2022. |
|
(2) |
Fil-25 ta’ Mejju 2022, il-Kummissjoni rċeviet applikazzjoni mill-Awstrija għall-approvazzjoni ta’ emenda tal-Ispeċifikazzjoni tal-Prodott tal-indikazzjoni ġeografika protetta “Marchfeldspargel”, irreġistrata skont ir-Regolament tal-Kummissjoni (KE) Nru 1263/96 (3), kif emendat bir-Regolament (KE) Nru 564/2002 (4). |
|
(3) |
Il-Kummissjoni eżaminat l-applikazzjoni tal-Awstrija f’konformità mal-Artikolu 50(1) tar-Regolament (UE) Nru 1151/2012 flimkien mal-ewwel subparagrafu tal-Artikolu 53(1) ta’ dak ir-Regolament, kif applikabbli qabel is-7 ta’ Diċembru 2021. |
|
(4) |
Billi l-emenda kkonċernata mhix minuri skont it-tifsira tal-Artikolu 53(2) tar-Regolament (UE) Nru 1151/2012, kif applikabbli qabel is-7 ta’ Diċembru 2021, il-Kummissjoni ppubblikat l-applikazzjoni biex issir emenda f’Il-Ġurnal Uffiċjali tal-Unjoni Ewropea (5), kif stipulat fl-Artikolu 50(2)(a) ta’ dak ir-Regolament. |
|
(5) |
Billi l-Kummissjoni ma rċeviet l-ebda dikjarazzjoni motivata ta’ oppożizzjoni f’konformità mal-Artikolu 51 tar-Regolament (UE) Nru 1151/2012, jenħtieġ li l-emenda tal-Ispeċifikazzjoni tal-Prodott tiġi approvata, |
ADOTTA[T] DAN IR-REGOLAMENT:
Artikolu 1
L-emenda fl-Ispeċifikazzjoni tal-Prodott ippubblikata f’Il-Ġurnal Uffiċjali tal-Unjoni Ewropea dwar l-indikazzjoni ġeografika protetta “Marchfeldspargel” hija b’dan approvata.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-15 ta’ Diċembru 2023.
Għall-Kummissjoni
F’isem il-President,
Janusz WOJCIECHOWSKI
Membru tal-Kummissjoni
(1) ĠU L 343, 14.12.2012, p. 1.
(2) Ir-Regolament (UE) 2021/2117 tal-Parlament Ewropew u tal-Kunsill tat-2 ta’ Diċembru 2021 li jemenda r-Regolamenti (UE) Nru 1308/2013 li jistabbilixxi organizzazzjoni komuni tas-swieq fi prodotti agrikoli, (UE) Nru 1151/2012 dwar skemi tal-kwalità għal prodotti agrikoli u oġġetti tal-ikel, (UE) Nru 251/2014 dwar id-definizzjoni, id-deskrizzjoni, il-preżentazzjoni, it-tikkettar u l-protezzjoni tal-indikazzjonijiet ġeografiċi tal-prodotti tal-inbid aromatizzati u (UE) Nru 228/2013 li jistabbilixxi miżuri speċifiċi għall-agrikoltura fir-reġjuni ultraperiferiċi tal-Unjoni (ĠU L 435, 6.12.2021, p. 262).
(3) Ir-Regolament tal-Kummissjoni (KE) Nru 1263/96 tal-1 ta’ Lulju 1996 li jissupplimenta l-Anness mar-Regolament (KE) Nru 1107/96 dwar ir-reġistrazzjoni ta' l-indikazzjonijiet ġeografiċi u d-denominazzjoni ta' l-oriġini skond il-proċedura stabbilita fl-Artikolu 17 tar-Regolament (KEE) Nru 2081/92 (ĠU L 163, 2.7.1996, p. 19).
(4) Ir-Regolament tal-Kummissjoni (KE) Nru 564/2002 tat-2 ta’ April 2002 li jemenda l-ispeċifikazzjoni ta’ żewġ ismijiet li jidhru fl-Anness tar-Regolament (KE) Nru 1107/96 dwar ir-reġistrazzjoni tal-indikazzjonijiet u d-denominazzjonijiet ġeografiċi ta’ oriġini permezz tal-proċedura stabbilita fl-Artikolu 17 tar-Regolament tal-Kunsill (KEE) Nru 2081/92 dwar il-protezzjoni tal-indikazzjonijiet u d-denominazzjonijiet ġeografiċi ta’ oriġini ta’ prodotti u ta’ ikel agrikolu, li temenda l-ispeċifikazzjoni tal-isem li jidher fl-Anness tar-Regolament (KE) Nru 2400/96 dwar id-dħul ta’ ċertu ismijiet fir-Reġistru ta’ denominazzjoni protetta ta’ oriġini u indikazzjonijiet ġeografiċi protetti li hemm provvediment dwarhom fir-Regolament tal-Kunsill (KEE) Nru 2081/92 (Marchfeldspargel/Baena/Lammefjordsgulerod) (ĠU L 86, 3.4.2002, p. 7).
ELI: http://data.europa.eu/eli/reg_impl/2023/2889/oj
ISSN 1977-074X (electronic edition)