EUR-Lex Access to European Union law
This document is an excerpt from the EUR-Lex website
Document 32023R2770
Commission Implementing Regulation (EU) 2023/2770 of 12 December 2023 prohibiting the introduction into the Union of specimens of certain species of wild fauna and flora in accordance with Council Regulation (EC) No 338/97 on the protection of species of wild fauna and flora by regulating trade therein
Regolament ta’ Implimentazzjoni tal-Kummissjoni (UE) 2023/2770 tat-12 ta’ Diċembru 2023 li jipprojbixxi l-introduzzjoni fl-Unjoni ta’ eżemplari ta’ ċerti speċi ta’ fawna u flora selvaġġi f’konformità mar-Regolament tal-Kunsill (KE) Nru 338/97 dwar il-protezzjoni ta’ speċi ta’ fawna u flora selvaġġi billi jkun regolat il-kummerċ fihom
Regolament ta’ Implimentazzjoni tal-Kummissjoni (UE) 2023/2770 tat-12 ta’ Diċembru 2023 li jipprojbixxi l-introduzzjoni fl-Unjoni ta’ eżemplari ta’ ċerti speċi ta’ fawna u flora selvaġġi f’konformità mar-Regolament tal-Kunsill (KE) Nru 338/97 dwar il-protezzjoni ta’ speċi ta’ fawna u flora selvaġġi billi jkun regolat il-kummerċ fihom
C/2023/8561
ĠU L, 2023/2770, 13.12.2023, ELI: http://data.europa.eu/eli/reg_impl/2023/2770/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
![]() |
Il-Ġurnal Uffiċjali |
MT Serje L |
2023/2770 |
13.12.2023 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/2770
tat-12 ta’ Diċembru 2023
li jipprojbixxi l-introduzzjoni fl-Unjoni ta’ eżemplari ta’ ċerti speċi ta’ fawna u flora selvaġġi f’konformità mar-Regolament tal-Kunsill (KE) Nru 338/97 dwar il-protezzjoni ta’ speċi ta’ fawna u flora selvaġġi billi jkun regolat il-kummerċ fihom
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 338/97 tad-9 ta’ Diċembru 1996 dwar il-protezzjoni ta’ speċi ta’ fawna u flora selvaġġi billi jkun regolat il-kummerċ fihom (1), u b’mod partikulari l-Artikolu 4(6)(a) u (b) tiegħu,
Billi:
(1) |
L-għan tar-Regolament (KE) Nru 338/97 hu li jipproteġi l-ispeċijiet ta’ fawna u ta’ flora salvaġġi u li jiggarantixxi l-konservazzjoni tagħhom billi jirregola l-kummerċ fl-ispeċijiet tal-annimali u tal-pjanti mniżżlin fl-Annessi tiegħu. Il-Kummissjoni tista’ timplimenta dak ir-Regolament billi tistabbilixxi restrizzjonijiet fuq l-introduzzjoni ta’ eżemplari ta’ ċerti speċijiet fl-Unjoni. |
(2) |
F’Settembru tal-2019, permezz tar-Regolament ta’ Implimentazzjoni tal-Kummissjoni (UE) 2019/1587, ġiet stabbilita l-lista applikabbli bħalissa ta’ speċijiet li ma jistgħux jiddaħħlu fl-Unjoni (2). |
(3) |
Il-Konferenza tal-Partijiet għall-Konvenzjoni dwar il-Kummerċ Internazzjonali fl-Ispeċijiet ta’ Fawna u Flora Selvaġġi fil-Periklu (CITES) fit-18 u fid-19-il sessjoni tagħha, ittrasferiet xi speċijiet mill-Appendiċi II għall-Appendiċi I ta’ CITES. Abbażi ta’ dan, dawn l-ispeċijiet ġew ittrasferiti wkoll mill-Anness B għall-Anness A tar-Regolament (KE) Nru 338/97. Il-Grupp ta’ Analiżi Xjentifika għalhekk ikkonkluda li l-projbizzjoni li jiddaħħlu fl-Unjoni ma għadhiex meħtieġa għall-kampjuni tal-ispeċijiet li ġejjin:
|
(4) |
Billi tkomplew jitqiesu l-bidliet fin-nomenklaturi adottati fid-19-il Konferenza tal-Partijiet għas-CITES, l-introduzzjoni fl-Unjoni ta’ eżemplari tal-ispeċijiet li ġejjin jenħtieġ li tkun ipprojbita.
|
(5) |
Billi tkompliet titqies aktar l-adozzjoni tal-bidliet għar-referenzi nomenklaturali li seħħew fit-18 u fid-19-il Konferenza tal-Partijiet għas-CITES, l-isem tal-ispeċi Ovis aries cycloceros jenħtieġ li jiġi emendat għal Ovis bochariensis, u isem l-ispeċi Tridacna tevoroa jenħtieġ li jiġi emendat għal Tridacna mbalavuana. Dawn il-bidliet fin-nomenklatura ma jaffettwawx il-kamp ta’ applikazzjoni tas-sospensjoni li diġà hija fis-seħħ. |
(6) |
Filwaqt li ttieħed kont tar-rakkomandazzjonijiet relevanti magħmula mill-Kumitat Permanenti tas-CITES fil-71 u fl-74 laqgħa tiegħu tkompla jiġi konkluż li ma għadux meħtieġ li tibqa’ pprojbita l-introduzzjoni tal-eżemplari tal-ispeċijiet li ġejjin fl-Unjoni:
|
(7) |
Il-Grupp ta’ Analiżi Xjentifika kkonkluda wkoll li, fid-dawl tal-aktar informazzjoni riċenti disponibbli, il-projbizzjoni tal-introduzzjoni fl-Unjoni ta’ eżemplari tal-ispeċijiet li ġejjin, ma għadhiex meħtieġa aktar:
|
(8) |
Il-grupp ikkonkluda wkoll li kienet meħtieġa l-bidla li ġejja:
|
(9) |
Meta wieħed iqis l-aktar informazzjoni reċenti disponibbli inkluż pariri mill-Kunsill Internazzjonali għall-Esplorazzjoni tal-Ibħra (ICES), il-grupp ikkunsidra wkoll li l-introduzzjoni fl-Unjoni ta’ Anguilla anguilla (eżemplari selvaġġi u mrobbija) jenħtieġ li tiġi pprojbita. |
(10) |
Il-miżuri previsti f’dan ir-Regolament huma skont l-opinjoni tal-Kumitat dwar il-Kummerċ tal-Fawna u l-Flora Selvaġġi stabbilit skont l-Artikolu 18 tar-Regolament (KE) Nru 338/97, |
ADOTTAT DAN IR-REGOLAMENT:
Artikolu 1
Huwa pprojbit li fl-Unjoni jiddaħħlu kampjuni tal-ispeċijiet tal-fawna u tal-flora selvaġġi mniżżlin fl-Anness ta’ dan ir-Regolament mill-pajjiżi tal-oriġini indikati fih.
Artikolu 2
Ir-Regolament ta’ Implimentazzjoni (UE) 2019/1587 jitħassar.
Ir-referenzi għar-Regolament ta’ Implimentazzjoni mħassar għandhom jitqiesu bħala referenzi għal dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta’ Diċembru 2023.
Għall-Kummissjoni
Il-President
Ursula VON DER LEYEN
(2) Ir-Regolament ta’ Implimentazzjoni tal-Kummissjoni (UE) 2019/1587 tal-24 ta’ Settembru 2019 li jipprojbixxi l-introduzzjoni tal-kampjuni ta’ ċerti speċijiet tal-fawna u tal-flora selvaġġi fl-Unjoni skont ir-Regolament tal-Kunsill (KE) Nru 338/97 dwar il-protezzjoni ta' speċi ta' fawna u flora selvaġġi billi jkun regolat il-kummerċ fihom (ĠU L 248, 27.9.2019, p. 5).
ANNESS
(1) |
Eżemplari tal-ispeċijiet inklużi fl-Anness A tar-Regolament (KE) Nru 338/97 li ma jistgħux jiddaħħlu minnhom fl-Unjoni
|
(2) |
Eżemplari tal-ispeċijiet inklużi fl-Anness B tar-Regolament (KE) Nru 338/97 li ma jistgħux jiddaħħlu minnhom fl-Unjoni
|
ELI: http://data.europa.eu/eli/reg_impl/2023/2770/oj
ISSN 1977-074X (electronic edition)