Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32023R2646

Regolament ta’ Implimentazzjoni tal-Kummissjoni (UE) 2023/2646 tat-28 ta’ Novembru 2023 li jikkonċerna l-awtorizzazzjoni ta’ preparazzjoni tal-Lentilactobacillus buchneri DSM 32650 bħala addittiv fl-għalf għall-ispeċijiet kollha tal-annimali

C/2023/7995

ĠU L, 2023/2646, 29.11.2023, ELI: http://data.europa.eu/eli/reg_impl/2023/2646/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2023/2646/oj

European flag

Il-Ġurnal Uffiċjali
ta'l-Unjoni Ewropea

MT

Serje L

2023/2646

29.11.2023

REGOLAMENT TA’ IMPLIMENTAZZJONI TAL-KUMMISSJONI (UE) 2023/2646

tat-28 ta’ Novembru 2023

li jikkonċerna l-awtorizzazzjoni ta’ preparazzjoni tal-Lentilactobacillus buchneri DSM 32650 bħala addittiv fl-għalf għall-ispeċijiet kollha tal-annimali

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

Billi:

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta’ tali awtorizzazzjoni.

(2)

F’konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni ta’ preparazzjoni tal-Lentilactobacillus buchneri DSM 32650. Ma’ dik l-applikazzjoni ngħataw ukoll id-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni ta’ preparazzjoni tal-Lentilactobacillus buchneri DSM 32650 bħala addittiv fl-għalf għall-ispeċijiet kollha tal-annimali, u titlob li l-addittiv jiġi klassifikat fil-kategorija “addittivi teknoloġiċi” u fil-grupp funzjonali “addittivi tas-silaġġ”.

(4)

Fl-opinjoni tagħha tat-12 ta’ Mejju 2023 (2), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet proposti tal-użu, il-preparazzjoni tal-Lentilactobacillus buchneri DSM 32650 hi sikura għall-ispeċijiet fil-mira, għall-konsumaturi u għall-ambjent. Fin-nuqqas ta’ data, ma setgħet tinsilet l-ebda konklużjoni dwar il-potenzjal tal-addittiv li jkun irritanti tal-ġilda u tal-għajnejn jew sensitizzatur tal-ġilda. Minħabba n-natura proteinaċja tal-aġent attiv, l-addittiv jenħtieġ li jitqies bħala sensitizzatur respiratorju. L-Awtorità kkonkludiet ukoll li l-Lentilactobacillus buchneri DSM 32650 bir-rata tal-inklużjoni proposta tista’ testendi l-istabbiltà aerobika tas-silaġġ ippreparat minn materjal tal-foraġġ faċli u moderatament diffiċli li jiġi insilat b’firxa ta’ materja niexfa ta’ 28-45 %. L-Awtorità vverifikat ukoll ir-rapport dwar il-metodi tal-analiżi tal-addittiv fl-għalf ippreżentat mil-Laboratorju ta’ Referenza stabbilit bir-Regolament (KE) Nru 1831/2003.

(5)

Fid-dawl ta’ dan ta’ hawn fuq, il-Kummissjoni jidhrilha li l-preparazzjoni tal-Lentilactobacillus buchneri DSM 32650 tissodisfa l-kundizzjonijiet previsti fl-Artikolu 5 tar-Regolament (KE) Nru 1831/2003. Għaldaqstant, jenħtieġ li jiġi awtorizzat l-użu ta’ dik il-preparazzjoni. Barra minn hekk, il-Kummissjoni hija tal-fehma li jenħtieġ li jittieħdu miżuri protettivi xierqa biex ikunu evitati effetti negattivi fuq is-saħħa tal-utenti tal-addittiv.

(6)

Il-miżuri previsti f’dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Il-preparazzjoni speċifikata fl-Anness, tal-kategorija tal-addittivi “addittivi teknoloġiċi” u tal-grupp funzjonali “addittivi tas-silaġġ”, hi awtorizzata bħala addittiv fin-nutrizzjoni tal-annimali, soġġetta għall-kundizzjonijiet stabbiliti f’dak l-Anness.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-28 ta’ Novembru 2023.

Għall-Kummissjoni

Il-President

Ursula VON DER LEYEN

(1)   ĠU L 268, 18.10.2003, p. 29.

(2)   EFSA Journal 2023;21(6):8055.

ANNESS

Numru tal-identifikazzjoni tal-addittiv

Addittiv

Kompożizzjoni, formola kimika, deskrizzjoni, metodu analitiku

Speċi jew kategorija tal-annimal

Età massima

Kontenut minimu

Kontenut massimu

Dispożizzjonijiet oħra

Tmiem il-perjodu tal-awtorizzazzjoni

CFU/kg ta’ materjal verġni

Kategorija: addittivi teknoloġiċi. Grupp funzjonali: addittivi tas-silaġġ

1k21902

Lentilactobacillus buchneri DSM 32650

Kompożizzjoni tal-addittiv

Preparazjjoni tal-Lentilactobacillus buchneri DSM 32650 li jkun fiha addittiv minimu ta’ 1 × 1011 CFU/g

Forma solida

L-ispeċijiet tal-annimali kollha

—

 

—-

1.

Fl-istruzzjonijiet għall-użu tal-addittiv u tat-taħlitiet lesti minn qabel, għandhom jiġu indikati l-kundizzjonijiet tal-ħżin.

2.

Doża minima tal-addittiv meta jintuża mingħajr kombinament ma’ mikroorganiżmi oħra bħala addittiv tas-silaġġ: 1 × 108 CFU/kg ta’ materjal verġni li hu faċli u moderatament diffiċli li jiġi insilat (2).

3.

Għall-utenti tal-addittiv u tat-taħlitiet lesti minn qabel, l-operaturi tan-negozji tal-għalf għandhom jistabbilixxu proċeduri operattivi u miżuri organizzattivi biex jindirizzaw ir-riskji potenzjali maħluqa bl-użu tagħhom. Meta dawn ir-riskji ma jkunux jistgħu jitneħħew bi proċeduri u miżuri ta’ dan it-tip, l-addittiv u t-taħlitiet lesti minn qabel għandhom jintużaw b’tagħmir personali għall-protezzjoni tal-ġilda, tal-għajnejn u tan-nifs.

Id-19 ta’ Diċembru 2033

Karatterizzazzjoni tas-sustanza attiva

Ċelloli vijabbli tal-Lentilactobacillus buchneri DSM 32650

Metodu analitiku  (1)

Enumerazzjoni fl-addittiv tal-għalf tal-Lentilactobacillus buchneri DSM 32650:

—

Metodu tat-tifrix fuq agar MRS (EN 15787)

Identifikazzjoni ta’ Lentilactobacillus buchneri DSM 32650:

—

Kunsens Interġeniku Repetittiv enterobatterjali — Reazzjonijiet Katina tal-Polimerażi (ERIC-PCR) jew metodi ta’ sekwenzjar tad-DNA jew Elettroforeżi bil-Ġell f’Kamp Pulsat (PFGE) — CEN/TS 17697

(1)  Id-dettalji tal-metodi analitiċi jinsabu fl-indirizz tal-Laboratorju ta’ Referenza li ġej: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_en.

(2)  Foraġġ faċli li jiġi insilat: > 3 % ta’ karboidrati li jinħallu fil-materjal verġni; foraġġ moderatament diffiċli li jiġi insilat: 1,5-3,0 % ta’ karboidrati li jinħallu fil-materjal verġni f’konformità mar-Regolament tal-Kummissjoni (KE) Nru 429/2008 tal-25 ta’ April 2008 dwar regoli dettaljati għall-implimentazzjoni tar-Regolament (KE) Nru 1831/2003 tal-Parlament Ewropew u tal-Kunsill fir-rigward tal-preparazzjoni u l-preżentazzjoni ta’ applikazzjonijiet u l-valutazzjoni u l-awtorizzazzjoni ta’ addittivi fl-għalf (ĠU L 133, 22.5.2008, p. 1).

ELI: http://data.europa.eu/eli/reg_impl/2023/2646/oj

ISSN 1977-074X (electronic edition)

Top