This document is an excerpt from the EUR-Lex website
Document 32023D1559
Council Decision (EU) 2023/1559 of 14 July 2023 establishing the position to be taken on behalf of the European Union regarding the decision of the Participants to the Arrangement on Officially Supported Export Credits on amendments to that Arrangement
Deċiżjoni tal-Kunsill (UE) 2023/1559 tal-14 ta’ Lulju 2023 li tistabbilixxi l-pożizzjoni li għandha tittieħed f’isem l-Unjoni Ewropea rigward id-deċiżjoni tal-Parteċipanti fl-Arranġament dwar il-Krediti għall-Esportazzjoni Uffiċjalment Appoġġati dwar emendi għal dak l-Arranġament
Deċiżjoni tal-Kunsill (UE) 2023/1559 tal-14 ta’ Lulju 2023 li tistabbilixxi l-pożizzjoni li għandha tittieħed f’isem l-Unjoni Ewropea rigward id-deċiżjoni tal-Parteċipanti fl-Arranġament dwar il-Krediti għall-Esportazzjoni Uffiċjalment Appoġġati dwar emendi għal dak l-Arranġament
ST/10117/2023/INIT
ĠU L 190, 28.7.2023, p. 6–7
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
28.7.2023 |
MT |
Il-Ġurnal Uffiċjali tal-Unjoni Ewropea |
L 190/6 |
DEĊIŻJONI TAL-KUNSILL (UE) 2023/1559
tal-14 ta’ Lulju 2023
li tistabbilixxi l-pożizzjoni li għandha tittieħed f’isem l-Unjoni Ewropea rigward id-deċiżjoni tal-Parteċipanti fl-Arranġament dwar il-Krediti għall-Esportazzjoni Uffiċjalment Appoġġati dwar emendi għal dak l-Arranġament
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 207(4), l-ewwel subparagrafu, flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
(1) |
Il-linji gwida li jinsabu fl-Arranġament dwar il-Krediti għall-Esportazzjoni Uffiċjalment Appoġġati (l-“Arranġament”), żviluppati fi ħdan il-qafas tal-Organizzazzjoni għall-Kooperazzjoni u l-Iżvilupp Ekonomiċi (‘OECD’), ġew trasposti u b’hekk magħmula legalment vinkolanti fl-Unjoni permezz tar-Regolament (UE) Nru 1233/2011 tal-Parlament Ewropew u tal-Kunsill (1). |
(2) |
Il-Parteċipanti fl-Arranġament (il-“Parteċipanti”) għandhom jaqblu dwar emendi għall-Arranġament, b’mod partikolari fir-rigward tad-dispożizzjonijiet li jirregolaw it-termini massimi ta’ ripagament, il-profil ta’ ripagament u r-rati minimi tal-primjum. |
(3) |
Mill-adozzjoni tiegħu fl-1978 sa issa, qatt ma kien hemm rieżami komprensiv tal-kontinwazzjoni tal-adegwatezza ġenerali tar-regoli stabbiliti fl-Arranġament. Ir-rieżami komprensiv juri li hemm bżonn li l-Arranġament jiġi mmodernizzat sostanzjalment biex jiġi żgurat li r-regoli tiegħu jqisu l-bidla fiċ-ċirkostanzi dinjija u jkunu xierqa għall-futur. Barra minn hekk, jenħtieġ li r-regoli ma jkunux riġidi sproporzjonatament meta mqabbla mal-objettivi tal-Arranġament li jiġu żgurati kondizzjonijiet ekwivalenti bejn il-Parteċipanti u tiġi evitata l-esklużjoni tas-settur privat. |
(4) |
L-emendi proposti għall-Arranġament jippermettu lill-aġenziji tal-kreditu għall-esportazzjoni tal-Parteċipanti joffru lix-xerrejja u lill-mutwatarji ta’ oġġetti u servizzi esportati f’pajjiżi terzi termini u kondizzjonijiet ta’ finanzjament li huma allinjati ma’ prattiki tas-suq sodi, u b’hekk jippermettu li jiġu indirizzati l-fallimenti tas-suq u li l-lakuni fil-finanzjament jimtlew mingħajr ma jiġu eskluż is-settur privat. B’dan il-mod, l-Arranġament modernizzat isaħħaħ il-kompetittività globali tal-esportaturi tal-Unjoni, u għalhekk jagħti kontribut sinifikanti għat-tkabbir ekonomiku u l-impjiegi fl-Unjoni. |
(5) |
Bħala riżultat ta’ dawk l-emendi proposti, huma meħtieġa wkoll aktar bidliet fl-Arranġament bil-ħsieb li tiġi ssimplifikata u żgurata koerenza akbar fi ħdan l-Arranġament u l-Annessi tiegħu, inkluż fir-rigward tar-rekwiżiti ta’ notifika ex-ante. |
(6) |
Barra minn hekk, ir-rieżami komprensiv tal-Arranġament enfasizza l-ħtieġa li jiġu riveduti l-proċeduri għall-estensjoni tal-Linji Komuni li mhumiex marbuta ma’ tranżazzjoni speċifika. Il-proċeduri riveduti jeskludu l-possibbiltà għal Parteċipanti individwali li jestendu unilateralment tali Linji Komuni. Dawk il-proċeduri riveduti għalhekk iqisu aħjar il-ħtieġa li l-Unjoni taqbel formalment dwar pożizzjoni qabel kwalunkwe estensjoni ta’ tali Linji Komuni. |
(7) |
Jixraq li tiġi stabbilita l-pożizzjoni li trid tittieħed f’isem l-Unjoni dwar id-deċiżjoni tal-Parteċipanti dwar emendi għall-Arranġament, peress li d-deċiżjoni ser tkun vinkolanti fuq l-Unjoni u tista’ tinfluwenza b’mod determinati l-kontenut tad-dritt tal-Unjoni, skont l-Artikolu 2 tar-Regolament (UE) Nru 1233/2011. |
(8) |
Il-pożizzjoni tal-Unjoni għaldaqstant jenħtieġ li tkun li jiġu appoġġati l-emendi abbażi tal-abbozz mehmuż tal-verżjoni konsolidata tal-Arranġament, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f’isem l-Unjoni fir-rigward tad-deċiżjoni tal-Parteċipanti fl-Arranġament dwar il-Krediti għall-Esportazzjoni Uffiċjalment Appoġġati (l-“Arranġament”) dwar emendi għall-Arranġament għandha tkun li jiġu appoġġati l-emendi abbażi tal-abbozz tal-verżjoni konsolidata tal-Arranġament mehmuż ma’ din id-Deċiżjoni (2).
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, l-14 ta’ Lulju 2023.
Għall-Kunsill
Il-President
N. CALVIÑO SANTAMARÍA
(1) Ir-Regolament (UE) Nru 1233/2011 tal-Parlament Ewropew u tal-Kunsill tas-16 ta’ Novembru 2011 dwar l-applikazzjoni ta’ ċerti linji gwida fil-qasam tal-krediti ta’ esportazzjoni uffiċjalment appoġġati u li jħassar id-Deċiżjonijiet tal-Kunsill 2001/76/KE u 2001/77/KE (ĠU L 326, 8.12.2011, p. 45).
(2) Ara d-dokument ST 10117/23 ADD 1fuq http://register.consilium.europa.eu.