This document is an excerpt from the EUR-Lex website
Document 32022R1387
Commission Implementing Regulation (EU) 2022/1387 of 9 August 2022 amending Implementing Regulation (EU) 2022/58 imposing a definitive anti-dumping duty on imports of certain grain-oriented flat-rolled products of silicon-electrical steel originating in the People’s Republic of China, Japan, the Republic of Korea, the Russian Federation and the United States of America following an expiry review pursuant to Article 11(2) of Regulation (EU) 2016/1036 of the European Parliament and of the Council
Regolament ta’ Implimentazzjoni tal-Kummissjoni (UE) 2022/1387 tad-9 ta’ Awwissu 2022 li jemenda r-Regolament ta’ Implimentazzjoni (UE) 2022/58 li jimponi dazju anti-dumping definittiv fuq l-importazzjonijiet ta’ ċerti prodotti b’vina parallela rrumblati ċatt ta’ azzar elettriku bis-siliċju li joriġinaw mir-Repubblika tal-Poplu taċ-Ċina, mill-Ġappun, mir-Repubblika tal-Korea, mill-Federazzjoni Russa u mill-Istati Uniti tal-Amerka wara rieżami ta’ skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill
Regolament ta’ Implimentazzjoni tal-Kummissjoni (UE) 2022/1387 tad-9 ta’ Awwissu 2022 li jemenda r-Regolament ta’ Implimentazzjoni (UE) 2022/58 li jimponi dazju anti-dumping definittiv fuq l-importazzjonijiet ta’ ċerti prodotti b’vina parallela rrumblati ċatt ta’ azzar elettriku bis-siliċju li joriġinaw mir-Repubblika tal-Poplu taċ-Ċina, mill-Ġappun, mir-Repubblika tal-Korea, mill-Federazzjoni Russa u mill-Istati Uniti tal-Amerka wara rieżami ta’ skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill
C/2022/5624
ĠU L 208, 10.8.2022, p. 5–6
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
10.8.2022 |
MT |
Il-Ġurnal Uffiċjali tal-Unjoni Ewropea |
L 208/5 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/1387
tad-9 ta’ Awwissu 2022
li jemenda r-Regolament ta’ Implimentazzjoni (UE) 2022/58 li jimponi dazju anti-dumping definittiv fuq l-importazzjonijiet ta’ ċerti prodotti b’vina parallela rrumblati ċatt ta’ azzar elettriku bis-siliċju li joriġinaw mir-Repubblika tal-Poplu taċ-Ċina, mill-Ġappun, mir-Repubblika tal-Korea, mill-Federazzjoni Russa u mill-Istati Uniti tal-Amerka wara rieżami ta’ skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1036 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Unjoni Ewropea (1), u b’mod partikolari l-Artikolu 14(1) tiegħu,
Billi:
|
(1) |
L-importazzjonijiet ta’ ċerti prodotti b’vina parallela rrumblati ċatt ta’ azzar elettriku bis-siliċju (grain-oriented flat-rolled products of silicon-electrical steel, GOES), li joriġinaw mir-Repubblika tal-Poplu taċ-Ċina, mill-Ġappun, mir-Repubblika tal-Korea, mill-Federazzjoni Russa u mill-Istati Uniti tal-Amerka huma soġġetti għal dazju anti-dumping definittiv, kif impost bir-Regolament ta’ Implimentazzjoni tal-Kummissjoni (UE) 2022/58 (2). |
|
(2) |
Fis-7 ta’ Lulju 2021, AK Steel Corporation (“l-applikant”), il-kodiċi addizzjonali TARIC (3) C044, kumpanija li tinsab fl-Istati Uniti tal-Amerka, li l-esportazzjonijiet tagħha lejn l-Unjoni ta’ prodotti b’vina parallela rrumblati ċatt ta’ azzar elettriku bis-siliċju huma soġġetti għal dazju anti-dumping ad valorem ta’ 22 %, informat lill-Kummissjoni li kienet bidlet l-isem tagħha għal “Cleveland-Cliffs Steel Corporation”, bil-bażi f’Ohio, l-Istati Uniti tal-Amerka. |
|
(3) |
Il-kumpanija talbet lill-Kummissjoni biex tikkonferma li l-bidla fl-isem ma taffettwax id-dritt tal-kumpanija li tibbenefika mir-rata tad-dazju anti-dumping individwali applikata lilha skont l-isem li kellha qabel. |
|
(4) |
Il-Kummissjoni stiednet lill-kumpanija biex tipprovdi tweġiba għal kwestjonarju, liema ntbagħtet fl-20 ta’ Awwissu 2021. Fit-3 ta’ Jannar 2022 ġew ipprovduti kjarifiki addizzjonali. |
|
(5) |
Il-Kummissjoni eżaminat l-informazzjoni pprovduta u kkonkludiet li l-bidla fl-isem kienet irreġistrata kif suppost mal-awtoritajiet rilevanti, u ma wasslitx għal xi relazzjoni ġdida ma’ gruppi oħra ta’ kumpaniji li ma kinux investigati mill-Kummissjoni. |
|
(6) |
Il-Kummissjoni vvalutat, fost l-oħrajn, id-dokumenti ta’ prova li ġejjin li ġew ipprovduti mill-applikant: ċertifikat ta’ emenda, ċertifikati ta’ reġistrazzjoni tal-kumpanija u rapporti finanzjarji awditjati. L-industrija tal-Unjoni ġiet ikkonsultata dwar it-talba iżda ma pprovdiet l-ebda kumment. |
|
(7) |
Għaldaqstant, din il-bidla fl-isem ma taffettwax is-sejbiet tar-Regolament ta’ Implimentazzjoni (UE) 2022/58 u b’mod partikolari r-rata tad-dazju anti-dumping ad valorem applikabbli għaliha. |
|
(8) |
Jenħtieġ li l-bidla fl-isem ikollha effett mid-data li fiha l-kumpanija infurmat lill-Kummissjoni li isimha nbidel (kif indikat fil-premessa 2 hawn fuq). |
|
(9) |
Minħabba l-kunsiderazzjonijiet fil-premessi ta’ hawn fuq, il-Kummissjoni qieset li kien xieraq li r-Regolament ta’ Implimentazzjoni (UE) 2022/58 jiġi emendat biex jirrifletti l-bidla fl-isem tal-kumpanija li qabel kienet attribwita għall-kodiċi TARIC addizzjonali C044. |
|
(10) |
Il-miżuri previsti f’dan ir-Regolament huma skont l-opinjoni tal-Kumitat stabbilit fl-Artikolu 15(1) tar-Regolament (UE) 2016/1036 |
ADOTTAT DAN IR-REGOLAMENT:
Artikolu 1
1. L-Artikolu 1(4) tar-Regolament ta’ Implimentazzjoni (UE) 2022/58 huwa emendat kif ġej:
|
“AK Steel Corporation, Ohio, l-Istati Uniti tal-Amerika |
22,0 % |
C044” |
huwa sostitwit minn
|
“Cleveland-Cliffs Steel Corporation, Ohio, l-Istati Uniti tal-Amerka |
22,0 % |
C044” |
2. Il-kodiċi addizzjonali TARIC C044, li preċedentement kien attribwit lil AK Steel Corporation, għandu japplika għal Cleveland-Cliffs Steel Corporation mis-7 ta’ Lulju 2021 ’l hemm. Kwalunkwe dazju definittiv imħallas fuq importazzjonijiet ta’ prodotti manifatturati minn Cleveland-Cliffs Steel Corporation li jaqbeż id-dazju anti-dumping stabbilit fl-Artikolu 1(4) tar-Regolament ta’ Implimentazzjoni (UE) 2022/58 fir-rigward ta’ AK Steel Corporation għandu jiġi rimborżat jew jinħafer f’konformità mal-leġiżlazzjoni doganali applikabbli.
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Awwissu 2022.
Għall-Kummissjoni
Il-President
Ursula VON DER LEYEN
(1) ĠU L 176, 30.6.2016, p. 21.
(2) Ir-Regolament ta’ Implimentazzjoni tal-Kummissjoni (UE) 2022/58 tal-14 ta’ Jannar 2022 li jimponi dazju anti-dumping definittiv fuq l-importazzjonijiet ta’ ċerti prodotti b’vina parallela rrumblati ċatt ta’ azzar elettriku bis-siliċju li joriġinaw mir-Repubblika tal-Poplu taċ-Ċina, mill-Ġappun, mir-Repubblika tal-Korea, mill-Federazzjoni Russa u mill-Istati Uniti tal-Amerka wara rieżami ta’ skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill (ĠU L 10, 17.1.2022, p. 17).
(3) It-Tariffa Integrata tal-Unjoni Ewropea.