Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32022R1103

Regolament ta’ Implimentazzjoni tal-Kummissjoni (UE) 2022/1103 tat-28 ta’ Ġunju 2022 dwar il-klassifikazzjoni ta’ ċerti oġġetti fin-Nomenklatura Magħquda

C/2022/4649

ĠU L 177, 4.7.2022, p. 1–3 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2022/1103/oj

4.7.2022   

MT

Il-Ġurnal Uffiċjali tal-Unjoni Ewropea

L 177/1

REGOLAMENT TA’ IMPLIMENTAZZJONI TAL-KUMMISSJONI (UE) 2022/1103

tat-28 ta’ Ġunju 2022

dwar il-klassifikazzjoni ta’ ċerti oġġetti fin-Nomenklatura Magħquda

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (1), u b’mod partikolari l-Artikolu 57(4) u l-Artikolu 58(2) tiegħu,

Billi:

(1)

Sabiex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), huwa neċessarju li jiġu adottati miżuri li jikkonċernaw il-klassifikazzjoni tal-oġġetti msemmija fl-Anness ta’ dan ir-Regolament.

(2)

Ir-Regolament (KEE) Nru 2658/87 stipula r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kwalunkwe nomenklatura oħra li hija totalment jew parzjalment ibbażata fuqha jew li żżid xi suddiviżjoni addizzjonali magħha u li hija stabbilita minn dispożizzjonijiet speċifiċi tal-Unjoni, bl-għan li jiġu applikati tariffi u miżuri oħra relatati mal-kummerċ tal-oġġetti.

(3)

Skont dawk ir-regoli ġenerali, jenħtieġ li l-oġġetti deskritti fil-kolonna (1) tat-tabella stabbilita fl-Anness jiġu kklassifikati taħt il-kodiċi NM indikat fil-kolonna (2), bis-saħħa tar-raġunijiet stabbiliti fil-kolonna (3) ta’dik it-tabella.

(4)

Huwa xieraq li jiġi previst li l-informazzjoni vinkolanti dwar it-tariffi maħruġa fir-rigward tal-oġġetti kkonċernati minn dan ir-Regolament li ma tikkonformax ma’ dan ir-Regolament, tkun tista’ tibqa’ tiġi invokata mid-detentur, għal ċertu perjodu, f’konformità mal-Artikolu 34(9) tar-Regolament (UE) Nru 952/2013. Jenħtieġ li dak il-perjodu jkun ta’ tliet xhur.

(5)

Il-miżuri previsti f’dan ir-Regolament huma f’konformità mal-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

L-oġġetti deskritti fil-kolonna (1) tat-tabella stabbilita fl-Anness għandhom jiġu kklassifikati fin-Nomenklatura Magħquda taħt il-kodiċi NM indikat fil-kolonna (2) ta’ dik it-tabella.

Artikolu 2

L-informazzjoni vinkolanti dwar it-tariffi li mhijiex konformi ma’ dan ir-Regolament tista’ tibqa’ tiġi invokata f’konformità mal-Artikolu 34(9) tar-Regolament (UE) Nru 952/2013 għal perjodu ta’ tliet xhur mid-data tad-dħul fis-seħħ ta’ dan ir-Regolament.

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-28 ta’ Ġunju 2022.

Għall-Kummissjoni

Gerassimos THOMAS

Direttur Ġenerali

għad-Direttorat Ġenerali għat-Tassazzjoni u l-Unjoni Doganali

(1)  ĠU L 269, 10.10.2013, p. 1.

(2)  Ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1).

ANNESS

Deskrizzjoni tal-oġġetti

Klassifikazzjoni (Kodiċi NM)

Raġunijiet

(1)

(2)

(3)

Grixa tal-fażola tas-sojja mill-estrazzjoni b’solvent tal-fażola tas-sojja.

Il-grixa tal-fażola tas-sojja hija magħmula mill-fażola tas-sojja li tiġi mqaxxra, imkissra, imsaħħna u magħmula fjokki qabel l-estrazzjoni taż-żejt bl-eżan. Imbagħad, il-fjokki jitnixxfu bi proċess ta’ tneħħija tas-solventi u xiwi. Wara dan, il-fjokki jitnixxfu bl-arja sħuna biex titnaqqas l-umdità. Fl-aħħar stadju tal-ipproċessar, il-fjokki jintaħnu u l-qxur li jkunu tneħħew qabel jintefgħu mill-ġdid biex tinkiseb grixa bil-karatteristiċi analitiċi li ġejjin (bejn wieħed u ieħor skont il-piż):

—

47 % proteini;

—

8 % ilma;

—

5 % fibri;

—

1,5 % xaħam.

Bix-xiwi jitneħħa s-solvent residwu u jitnaqqsu l-fatturi antinutrizzjonali, speċjalment l-attività tal-ureażi.

Il-grixa tal-fażola tas-sojja hija ppreżentata għall-importazzjoni bl-ingrossa u tista’ tintuża direttament bħala għalf tal-annimali mingħajr aktar ipproċessar.

2304 00 00

Il-klassifikazzjoni hija ddeterminata mir-regola ġenerali nru 1 għall-interpretazzjoni tan-Nomenklatura Magħquda u mill-kliem tal-kodiċi NM 2304 00 00 .

It-tneħħija tas-solventi u x-xiwi kif ukoll l-istandardizzazzjoni tal-kontenut tal-fibri bit-tfigħ mill-ġdid tal-qxur taż-żrieragħ li jkunu tneħħew qabel, huma proċessi tekniċi normali fil-produzzjoni taż-żejt u tal-grixa tal-fażola tas-sojja. Għalhekk il-prodott iżomm il-karattru ta’ residwu li jirriżulta mill-estrazzjoni taż-żejt tal-fażola tas-sojja, użat bħala għalf tal-annimali (ara wkoll in-Nota ta’ Spjegazzjoni Ġenerali tas-Sistema Armonizzata (NSSA) tal-ewwel paragrafu tal-Kapitolu 23 u n-Nota ta’ Spjegazzjoni Ġenerali tas-Sistema Armonizzata tal-ewwel paragrafu tal-intestatura 2304 ).

Għaldaqstant, il-prodott għandu jiġi kklassifikat taħt il-kodiċi NM 2304 00 00 bħala residwi solidi oħra li jirriżultaw mill-estrazzjoni taż-żejt tal-fażola tas-sojja.
Top