(1)

l-intestatura “Lista ta' persuni u entitajiet imsemmijin fl-Artikolu 2” hija sostitwita kif ġej:

“Lista ta' persuni, entitajiet u korpi msemmijin fl-Artikoli 1a u 2”;

(2)

taħt l-intestatura “Lista ta' persuni, entitajiet u korpi msemmijin fl-Artikoli 1a u 2”, jiżdiedu s-subintestatura u l-entità li ġejjin.

“B.    ENTITAJIET

Informazzjoni: The Houthis involvew ruħhom f'atti li jheddu l-paċi, is-sigurtà, u l-istabbiltà tal-Jemen.

Data tad-deżinjazzjoni min-NU:24.02.2022.

Informazzjoni addizzjonali mit-taqsira narrattiva tar-raġunijiet għall-elenkar ipprovduta mill-Kumitat tas-Sanzjonijiet:

The Houthis involvew ruħhom f'attakki li laqtu ċ-ċittadini u l-infrastruttura ċivili fil-Jemen, implimentaw politika ta' vjolenza sesswali u repressjoni fil-konfront ta' nisa politikament attivi u professjonisti, involvew ruħhom fir-reklutaġġ u l-użu ta' tfal, inċitaw il-vjolenza kontra gruppi inkluż abbażi tar-reliġjon u n-nazzjonalità, u użaw b'mod indiskriminat mini tal-art u apparat esplożiv improvviżat fil-Kosta tal-Punent tal-Jemen. The Houthis xekklu wkoll il-kunsinna ta' għajnuna umanitarja lill-Jemen, jew l-aċċess għal għajnuna umanitarja fil-Jemen, jew id-distribuzzjoni tagħha.

The Houthis wettqu attakki fuq it-trasport marittimu kummerċjali fil-Baħar l-Aħmar bl-użu ta' apparat esplożiv improvviżat fuq l-ilma u mini tal-baħar.

The Houthis wettqu wkoll attakki terroristiċi transfruntiera ripetuti li laqtu ċ-ċittadini u l-infrastruttura ċivili fir-Renju tal-Arabja Sawdija u l-Emirati Għarab Magħquda u heddew li jolqtu intenzjonalment siti ċivili.

(*1)  L-Artikolu 2 ma għandux japplika għal din l-entità.”"