EUR-Lex Access to European Union law
This document is an excerpt from the EUR-Lex website
Document 32022R0163
Commission Implementing Regulation (EU) 2022/163 of 7 February 2022 laying down rules on the application of Regulation (EU) 2018/858 of the European Parliament and of the Council as regards functional requirements for market surveillance of vehicles, systems, components and separate technical units
Regolament ta’ Implimentazzjoni tal-Kummissjoni (UE) 2022/163 tas-7 ta’ Frar 2022 li jistabbilixxi r-regoli dwar l-applikazzjoni tar-Regolament (UE) 2018/858 tal-Parlament Ewropew u tal-Kunsill fir-rigward tar-rekwiżiti funzjonali għas-sorveljanza tas-suq ta’ vetturi, ta’ sistemi, ta’ komponenti u ta’ unitajiet tekniċi separati
Regolament ta’ Implimentazzjoni tal-Kummissjoni (UE) 2022/163 tas-7 ta’ Frar 2022 li jistabbilixxi r-regoli dwar l-applikazzjoni tar-Regolament (UE) 2018/858 tal-Parlament Ewropew u tal-Kunsill fir-rigward tar-rekwiżiti funzjonali għas-sorveljanza tas-suq ta’ vetturi, ta’ sistemi, ta’ komponenti u ta’ unitajiet tekniċi separati
C/2022/582
ĠU L 27, 8.2.2022, p. 1–7
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
8.2.2022 |
MT |
Il-Ġurnal Uffiċjali tal-Unjoni Ewropea |
L 27/1 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/163
tas-7 ta’ Frar 2022
li jistabbilixxi r-regoli dwar l-applikazzjoni tar-Regolament (UE) 2018/858 tal-Parlament Ewropew u tal-Kunsill fir-rigward tar-rekwiżiti funzjonali għas-sorveljanza tas-suq ta’ vetturi, ta’ sistemi, ta’ komponenti u ta’ unitajiet tekniċi separati
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidra r-Regolament (UE) 2018/858 tal-Parlament Ewropew u tal-Kunsill tat-30 ta’ Mejju 2018 dwar l-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsuba għal tali vetturi, li jemenda r-Regolamenti (KE) Nru 715/2007 u (KE) Nru 595/2009 u li jħassar id-Direttiva 2007/46/KE (1), u b’mod partikolari l-Artikoli 8(15), 9(5) u 13(10) tiegħu,
Billi:
|
(1) |
Skont l-Artikolu 8(15) tar-Regolament (UE) 2018/858, il-Kummissjoni għandha s-setgħa li tistabbilixxi kriterji komuni għall-istabbiliment tal-iskala adegwata tal-kontrolli ta’ verifika tal-konformità tal-vetturi, tas-sistemi, tal-komponenti u tal-unitajiet tekniċi separati li jridu jitwettqu mill-awtoritajiet tas-sorveljanza tas-suq skont l-Artikolu 8(1) ta’ dak ir-Regolament. Il-Kummissjoni għandha wkoll is-setgħa li tistabbilixxi kriterji komuni għall-format tad-deskrizzjoni tal-kontrolli tas-sorveljanza tas-suq ippjanati li l-Istati Membri jridu jipprovdu lill-Forum għall-Iskambju ta’ Informazzjoni dwar l-Infurzar (“il-Forum”) skont l-Artikolu 8(6) tar-Regolament (UE) 2018/858. Barra minn hekk, il-Kummissjoni għandha s-setgħa li tistabbilixxi kriterji komuni għall-format tar-rapport dwar is-sejbiet tal-kontrolli ta’ verifika tal-konformità li l-Istati Membri jridu iressqu lill-Forum skont l-Artikolu 8(7) ta’ dak ir-Regolament. |
|
(2) |
Jenħtieġ li sabiex jiġi żgurat mekkaniżmu robust għall-infurzar tal-konformità u biex l-awtoritajiet tas-sorveljanza tas-suq jiġu pprovduti b’rekwiżiti uniformi għall-għażla ta’ sistemi, ta’ komponenti u ta’ unitajiet tekniċi separati tal-vetturi għat-testijiet jiġu stabbiliti l-kriterji għall-istabbiliment tal-iskala adegwata tal-kontrolli ta’ verifika tal-konformità. Peress li l-kontrolli ta’ verifika tal-konformità ma jistgħux jiġu applikati bl-istess mod minħabba d-differenzi f’kull Stat Membru rigward l-għadd ta’ vetturi, il-vetturi rreġistrati jew l-għadd ta’ lmenti, huwa importanti li dawk il-kriterji jkopru elementi differenti li jistgħu jintużaw f’konformità mal-ispeċifiċitajiet ta’ Stat Membru partikolari. Jenħtieġ li dawk il-kriterji jinkludu l-frekwenza tal-kontrolli dokumentarji, l-għadd ta’ vetturi rreġistrati, u l-għadd ta’ testijiet imwettqa għal kull Stat Membru. |
|
(3) |
Sabiex jiġi ffaċilitat l-ippjanar annwali tal-kontrolli tas-sorveljanza tas-suq mill-Istati Membri u biex jiġi żgurat li s-sejbiet tagħhom wara kwalunkwe kontrolli ta’ verifika tal-konformità jiġu rrappurtati b’mod uniformi, huwa meħtieġ li jiġu stabbiliti kriterji komuni għall-format li jrid jintuża mill-Istati Membri meta jressqu lill-Forum id-deskrizzjoni komprensiva tal-kontrolli tas-sorveljanza tas-suq ippjanati tagħhom imsemmija fl-Artikolu 8(6) tar-Regolament (UE) 2018/858 u r-rapport dwar is-sejbiet tal-kontrolli ta’ verifika tal-konformità tagħhom imsemmi fl-Artikolu 8(7) ta’ dak ir-Regolament. Jenħtieġ li l-format tad-deskrizzjoni tal-kontrolli tas-sorveljanza tas-suq ippjanati jinkludi informazzjoni dwar is-sistemi tal-vetturi, il-komponenti u l-unitajiet tekniċi separati ttestjati, l-atti regolatorji rilevanti vverifikati u l-ippjanar tat-testijiet. Jenħtieġ li l-format tar-rapport dwar is-sejbiet dwar il-kontrolli ta’ verifika tal-konformità jinkludi informazzjoni dwar il-prinċipji tal-valutazzjoni tar-riskju stabbiliti u l-analiżi tal-attivitajiet imwettqa. |
|
(4) |
Skont l-Artikolu 9(5) tar-Regolament (UE) 2018/858, jeħtieġ li tiġi speċifikata d-data li l-manifatturi għandhom iqiegħdu għad-dispożizzjoni tal-Kummissjoni mingħajr ħlas għall-fini tal-verifika tal-konformità. |
|
(5) |
Skont it-tieni subparagrafu tal-Artikolu 13(10) tar-Regolament (UE) 2018/858, jeħtieġ li tiġi speċifikata d-data li l-manifatturi għandhom jagħmlu disponibbli għal partijiet terzi mingħajr ħlas skont l-ewwel subparagrafu ta’ dak il-paragrafu għall-fini tal-ittestjar minn tali partijiet terzi għal nuqqas ta’ konformità possibbli. |
|
(6) |
Skont it-tieni subparagrafu tal-Artikolu 13(10) tar-Regolament (UE) 2018/858, jeħtieġ li jiġu speċifikati r-rekwiżiti li għandhom jiġu ssodisfati minn partijiet terzi biex juru l-interess leġittimu tagħhom fl-oqsma tas-sikurezza pubblika jew tal-protezzjoni ambjentali u l-użu minnhom ta’ faċilitajiet ta’ ttestjar adegwati u biex jiggarantixxu li l-organizzazzjoni u l-operat tagħhom ikunu kompletament imparzjali u indipendenti. |
|
(7) |
Jenħtieġ li sabiex jiġi żgurat li l-partijiet terzi jkunu kapaċi jwettqu l-verifiki tal-konformità f’konformità mar-rekwiżiti stabbiliti fl-atti regolatorji elenkati fl-Anness II tar-Regolament (UE) 2018/858, ir-rapporti tat-testijiet tagħhom jikkonformaw mal-format stabbilit fir-Regolament ta’ Implimentazzjoni tal-Kummissjoni (UE) 2020/683 (2) u jissodisfaw ir-rekwiżiti fir-rigward tal-kompetenza u tal-kwalità tal-faċilitajiet tal-ittestjar. |
|
(8) |
Il-miżuri li għandhom jittieħdu skont id-dispożizzjonijiet tal-Artikoli 8(15), 9(5) u 13(10) tar-Regolament (UE) 2018/858 jikkonċernaw il-verifika tal-konformità ta’ vetturi, ta’ sistemi, ta’ komponenti u ta’ unitajiet tekniċi separati. Dawn il-miżuri huma sostanzjalment marbuta mill-għan tagħhom u mill-kuntest li fih għandhom japplikaw. Huwa għalhekk xieraq li dan ir-Regolament jiġi adottat abbażi tat-tliet dispożizzjonijiet kollha sabiex tinkiseb verifika konsistenti tal-konformità. |
|
(9) |
Il-miżuri previsti f’dan ir-Regolament huma f’konformità mal-opinjoni tal-Kumitat Tekniku – Vetturi bil-Mutur (TCMV), |
ADOTTAT DAN IR-REGOLAMENT:
Artikolu 1
Kriterji biex tiġi stabbilita l-iskala adegwata tal-kontrolli ta’ verifika tal-konformità
L-iskala adegwata tal-kontrolli ta’ verifika tal-konformità tal-vetturi, tas-sistemi, tal-komponenti, u tal-unitajiet tekniċi separati mwettqa mill-awtoritajiet tas-sorveljanza tas-suq għandha tiġi stabbilita abbażi tal-kriterji li ġejjin:
|
(a) |
il-frekwenza tal-kontrolli dokumentarji fuq vetturi, sistemi, komponenti, u unitajiet tekniċi separati mwettqa fuq vetturi rreġistrati fl-Istat Membru rilevanti fis-sena preċedenti; |
|
(b) |
l-għadd ta’ testijiet fis-sena filwaqt li jitqiesu r-rekwiżiti stabbiliti fl-Artikolu 8(2) u (3) tar-Regolament (UE) 2018/858; |
|
(c) |
klassifikazzjoni tal-perikli tal-atti regolatorji elenkati fl-Anness II tar-Regolament (UE) 2018/858, abbażi tar-riskju u l-probabbiltà li jseħħ il-periklu; |
|
(d) |
l-għadd ta’ vetturi ġodda rreġistrati fl-Istat Membru rilevanti fis-sena preċedenti, skont il-marka u l-isem kummerċjali; |
|
(e) |
l-ilmenti sostanzjati għal kull għamla u l-isem kummerċjali tal-vetturi fit-tliet snin preċedenti; |
|
(f) |
l-informazzjoni skambjata fil-Forum fit-tliet snin preċedenti; |
|
(g) |
ir-riżultati tal-ittestjar ippubblikati minn partijiet terzi fit-tliet snin preċedenti, li jissodisfaw ir-rekwiżiti stabbiliti fl-Artikolu 6; |
|
(h) |
il-perċentwal tat-testijiet allokati għan-numru ta’ vetturi rreġistrati u l-perċentwal tat-testijiet allokati għall-kampjunar aleatorju. |
Artikolu 2
Format tad-deskrizzjoni tal-kontrolli tas-sorveljanza tas-suq ippjanati
Id-deskrizzjoni tal-kontrolli tas-sorveljanza tas-suq ippjanati msemmija fl-Artikolu 8(6) tar-Regolament (UE) 2018/858 għandha titressaq lill-Forum fil-format stabbilit fl-Anness I ta’ dan ir-Regolament.
Artikolu 3
Format tar-rapport tas-sejbiet wara l-kontrolli ta’ verifika tal-konformità
Ir-rapport tas-sejbiet wara l-kontrolli ta’ verifika tal-konformità msemmija fl-Artikolu 8(7) tar-Regolament (UE) 2018/858 għandu jitressaq lill-Forum fil-format stabbilit fl-Anness II ta’ dan ir-Regolament.
Artikolu 4
Data li għandha titqiegħed għad-dispożizzjoni tal-Kummissjoni mill-manifatturi għall-fini tal-verifika tal-konformità
Id-data li trid titqiegħed għad-dispożizzjoni tal-Kummissjoni mill-manifatturi sabiex din tkun tista’ twettaq it-testijiet u l-ispezzjonijiet skont l-Artikolu 9 tar-Regolament (UE) 2018/858 għandha tinkludi dan li ġej:
|
(a) |
il-parametri u l-konfigurazzjonijiet li huma meħtieġa biex jiġu replikati b’mod preċiż il-kundizzjonijiet tat-test li kienu japplikaw fiż-żmien tal-ittestjar għall-approvazzjoni tat-tip, inklużi r-rapporti kollha tat-testijiet imsemmija fl-Artikolu 30 tar-Regolament (UE) 2018/858 u l-informazzjoni rilevanti biex jitwettqu t-testijiet u l-kontrolli meħtieġa skont dak ir-Regolament (UE) 2018/858 u l-atti regolatorji elenkati fl-Anness II ta’ dak ir-Regolament; |
|
(b) |
il-pakketti ta’ dokumentazzjoni estiżi meħtieġa skont l-atti regolatorji elenkati fl-Anness II tar-Regolament (UE) 2018/858, inkluża informazzjoni dwar strateġiji awżiljarji għall-emissjonijiet (AES) f’konformità mal- Anness I, Appendiċi 3a tar-Regolament tal-Kummissjoni (UE) 2017/1151 (3); |
|
(c) |
il-pakkett dwar it-trasparenza tal-ittestjar meħtieġ għall-ittestjar tal-vetturi għall-emissjonijiet deskritt fl-Anness II, punt 5.9 tar-Regolament (UE) 2017/1151; |
|
(d) |
kopja taċ-ċertifikat ta’ konformità ta’ kull vettura li trid tiġi ttestjata; |
|
(e) |
l-informazzjoni teknika rilevanti l-oħra kollha meħtieġa biex jitwettqu t-testijiet. |
Artikolu 5
Data li trid issir disponibbli mill-manifatturi lil partijiet terzi għall-fini ta’ ttestjar għal nuqqas ta’ konformità possibbli
Id-data li trid issir disponibbli mill-manifatturi lil partijiet terzi skont l-Artikolu 13(10) tar-Regolament (UE) 2018/858 għandha tinkludi dan li ġej:
|
(a) |
il-parametri u l-konfigurazzjonijiet li huma meħtieġa biex jiġu replikati b’mod preċiż il-kundizzjonijiet tat-test li kienu japplikaw fiż-żmien tal-ittestjar għall-approvazzjoni tat-tip, inklużi r-rapporti kollha tat-testijiet imsemmija fl-Artikolu 30 tar-Regolament (UE) 2018/858 u l-informazzjoni rilevanti biex jitwettqu t-testijiet u l-kontrolli meħtieġa skont dak ir-Regolament (UE) 2018/858 u l-atti regolatorji elenkati fl-Anness II ta’ dak ir-Regolament; |
|
(b) |
il-pakketti ta’ dokumentazzjoni estiżi meħtieġa skont l-atti regolatorji elenkati fl-Anness II tar-Regolament (UE) 2018/858, inkluża informazzjoni dwar l-Istrateġija Awżiljarja għall-Kontroll tal-Emissjonijiet (AES) f’konformità mar-Regolament (UE) 2017/1151, l-Anness I, l-Appendiċi 3a u r-Regolament tal-Kummissjoni (UE) Nru 582/2011 (4), l-Anness I, l-Appendiċi 11; |
|
(c) |
il-pakkett dwar it-trasparenza tal-ittestjar meħtieġ għall-ittestjar tal-vetturi għall-emissjonijiet deskritt fl-Anness II, punt 5.9 tar-Regolament (UE) 2017/1151; |
|
(d) |
kopja taċ-ċertifikat ta’ konformità ta’ kull vettura li trid tiġi ttestjata; |
|
(e) |
l-informazzjoni teknika rilevanti l-oħra kollha meħtieġa biex jitwettqu t-testijiet. |
Artikolu 6
Rekwiżiti għal partijiet terzi biex juru l-interess leġittimu tagħhom u l-użu minnhom ta’ faċilitajiet tal-ittestjar adegwati
1. Għall-finijiet li juru l-interessi leġittimi tagħhom fl-oqsma tas-sikurezza pubblika jew tal-protezzjoni ambjentali skont l-Artikolu 13(10) tar-Regolament (UE) 2018/858, il-partijiet terzi għandhom jissodisfaw ir-rekwiżiti li ġejjin:
|
(a) |
ikunu persuna fiżika jew ġuridika stabbilita skont id-dritt ta’ Stat Membru; |
|
(b) |
għandhom ikunu mhux governattivi u mingħajr skop ta’ qligħ; |
|
(c) |
ma għandhomx ikunu involuti f’aspetti tal-approvazzjoni tat-tip jew fil-proċess tad-disinn, tal-manifattura, tal-provvista jew tal-manutenzjoni ta’ vettura, ta’ sistema, ta’ komponent jew ta’ unità teknika separata; |
|
(d) |
huma għandhom jipprovdu dikjarazzjoni li tiddikjara li josservaw il-kunfidenzjalità fil-kuntest tal-protezzjoni tas-sigrieti kummerċjali u tal-preservazzjoni tad-data personali u li l-persunal tagħhom josserva s-segretezza professjonali fir-rigward tal-informazzjoni kollha pprovduta mill-manifatturi, inkluż iċ-ċertifikat tal-approvazzjoni tat-tip tal-UE u l-annessi tiegħu u d-data magħmula disponibbli f’konformità mal-Artikolu 5; |
|
(e) |
huma għandhom juru li jagħmlu użu minn faċilitajiet ta’ ttestjar adegwati f’konformità mar-rekwiżiti tal-paragrafu 2 ta’ dan l-Artikolu. |
2. Għall-finijiet li jintwera li partijiet terzi jagħmlu użu minn faċilitajiet ta’ ttestjar xierqa għall-finijiet ta’ kontrolli u testijiet tal-konformità, dawn il-faċilitajiet għandhom jissodisfaw ir-rekwiżiti li ġejjin:
|
(a) |
ma jkunux involuti fil-proċess tad-disinn, tal-manifattura, tal-provvista jew tal-manutenzjoni tal-vettura, tas-sistema, tal-komponent jew tal-unità teknika separata li huma jivvalutaw, jittestjaw jew jispezzjonaw; |
|
(b) |
ikunu akkreditati f’konformità mar-rekwiżiti stabbiliti fl-istandard EN ISO/IEC 17025:2017 dwar ir-rekwiżiti ġenerali għall-kompetenza tal-laboratorji tal-ittestjar u tal-kalibrazzjoni u l-kamp ta’ applikazzjoni ta’ dik l-akkreditazzjoni jkopri t-testijiet li jwettaq skont l-atti regolatorji elenkati fl-Anness II tar-Regolament (UE) 2018/858; |
|
(c) |
ikunu akkreditati f’konformità mar-rekwiżiti stabbiliti fl-istandard EN ISO/IEC 17020:2012 għal kriterji ġenerali għat-tħaddim ta’ diversi tipi ta’ korpi li jwettqu spezzjoni jew inkella l-iskop tal-akkreditazzjoni skont EN ISO/IEC 17025:2017 jiġi estiż biex ikopri l-proċedura ta’ spezzjoni; |
|
(d) |
huma għandhom jipprovdu dikjarazzjoni li fiha jistqarru li josservaw il-kunfidenzjalità fil-kuntest tal-protezzjoni tas-sigrieti kummerċjali u tal-preservazzjoni tad-data personali u li l-persunal tagħhom josserva s-segretezza professjonali fir-rigward tal-informazzjoni kollha pprovduta mill-manifatturi, inkluż iċ-ċertifikat tal-approvazzjoni tat-tip tal-UE u l-annessi tiegħu u d-data magħmula disponibbli f’konformità mal-Artikolu 5. |
Artikolu 7
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-7 ta’ Frar 2022.
Għall-Kummissjoni
Il-President
Ursula VON DER LEYEN
(1) ĠU L 151. 14.6.2018, p. 1.
(2) Ir-Regolament ta’ Implimentazzjoni tal-Kummissjoni (UE) 2020/683 tal-15 ta’ April 2020 li jimplimenta r-Regolament (UE) 2018/858 tal-Parlament Ewropew u tal-Kunsill fir-rigward tar-rekwiżiti amministrattivi għall-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsubin għat-tali vetturi (ĠU L 163, 26.5.2020, p. 1).
(3) Ir-Regolament tal-Kummissjoni (UE) 2017/1151 tal-1 ta’ Ġunju 2017 li jissupplimenta r-Regolament (KE) Nru 715/2007 tal-Parlament Ewropew u tal-Kunsill dwar l-approvazzjoni tat-tip ta’ vetturi bil-mutur fir-rigward tal-emissjonijiet ta’ vetturi ħfief għall-passiġġieri u ta’ vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi, li jemenda d-Direttiva 2007/46/KE tal-Parlament Ewropew u tal-Kunsill, ir-Regolament tal-Kummissjoni (KE) Nru 692/2008 u r-Regolament tal-Kummissjoni (UE) Nru 1230/2012 u li jħassar ir-Regolament tal-Kummissjoni (KE) Nru 692/2008 (ĠU L 175, 7.7.2017, p. 1).
(4) Ir-Regolament tal-Kummissjoni (UE) Nru 582/2011 tal-25 ta’ Mejju 2011 li jimplimenta u jemenda r-Regolament (KE) Nru 595/2009 tal-Parlament Ewropew u tal-Kunsill rigward l-emissjonijiet minn vetturi heavy-duty (Euro VI) u li jemenda l-Annessi I u III għad-Direttiva 2007/46/KE tal-Parlament Ewropew u tal-Kunsill (ĠU L 167, 25.6.2011, p. 1).
ANNESS I
Format tad-deskrizzjoni komprensiva tal-kontrolli tas-sorveljanza tas-suq ippjanati
(trid timtela mill-Istat Membru u titressaq lill-Forum sa mhux aktar tard mill-1 ta’ Marzu)
Stat Membru: …
Isem l-awtorità tas-sorveljanza tas-suq: …
Persuna ta’ kuntatt fi ħdan l-awtorità (isem, email u numru tat-telefon): …
Perjodu kopert: JJ.XX.SSSS - JJ.XX.SSSS
|
Stat Membru (1): |
Għamla (2): |
Isem kummerċjali (3): |
Varjant/verżjoni (4) |
Kategorija tal-vettura (5) jew sistema, komponent u unità teknika separata: |
Att(i) regolatorju(i) (6): |
Suġġett(i) (7): |
Kontrolli tad-dokumenti/testijiet tal-laboratorju/testijiet fit-triq: |
Perjodu tal-bidu ppjanat: |
Rimarki: |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
(1) In-numru distintiv tal-Istat Membru li jkun ħareġ l-approvazzjoni tat-tip kif stipulat fit-tabella fl-Anness IV, il-punt 2.1 tar-Regolament (UE) 2020/683.
(2) L-isem kummerċjali tal-manifattur stabbilit fil-punt 0.1. taċ-ċertifikat tal-approvazzjoni tat-tip tal-UE ta’ vettura sħiħa.
(3) L-isem kummerċjali stabbilit fil-punt 0.2.1. taċ-ċertifikat tal-approvazzjoni tat-tip tal-UE ta’ vettura sħiħa.
(4) Fejn applikabbli.
(5) Kategorija tal-vettura (eż. M1, N1).
(6) Atti regolatorji applikabbli elenkati fl-Anness II tar-Regolament (UE) 2018/858.
(7) Soġġett għall-atti regolatorji applikabbli elenkati fl-Anness II għar-Regolament (UE) 2018/858.
ANNESS II
Format tar-rapport tas-sejbiet dwar il-kontrolli ta’ verifika tal-konformità
(trid timtela mill-Istat Membru u titressaq lill-Forum sat-30 ta’ Settembru tas-sena ta’ wara t-tmiem il-perjodu ta’ sentejn ikkonċernat)
|
||||||||||||
|
Stat Membru: … Isem l-awtorità tas-sorveljanza tas-suq: … Perjodu kopert: JJ.XX.SSSS - JJ.XX.SSSS |
||||||||||||
|
||||||||||||
|
||||||||||||
|
||||||||||||
|
||||||||||||
|
||||||||||||
|
||||||||||||
|
||||||||||||
|
||||||||||||
|
||||||||||||
|
||||||||||||
|
||||||||||||
|
|