EUR-Lex Access to European Union law
This document is an excerpt from the EUR-Lex website
Document 32021R1300
Council Implementing Regulation (EU) 2021/1300 of 5 August 2021 implementing Regulation (EU) 2017/1509 concerning restrictive measures against the Democratic People’s Republic of Korea
Regolament ta’ Implimentazzjoni tal-Kunsill (UE) 2021/1300 tal-5 ta’ Awwissu 2021 li jimplimenta r-Regolament (UE) 2017/1509 dwar miżuri restrittivi kontra r-Repubblika Demokratika tal-Poplu tal-Korea
Regolament ta’ Implimentazzjoni tal-Kunsill (UE) 2021/1300 tal-5 ta’ Awwissu 2021 li jimplimenta r-Regolament (UE) 2017/1509 dwar miżuri restrittivi kontra r-Repubblika Demokratika tal-Poplu tal-Korea
ST/10911/2021/INIT
ĠU L 283, 6.8.2021, p. 1–6
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
6.8.2021 |
MT |
Il-Ġurnal Uffiċjali tal-Unjoni Ewropea |
L 283/1 |
REGOLAMENT TA’ IMPLIMENTAZZJONI TAL-KUNSILL (UE) 2021/1300
tal-5 ta’ Awwissu 2021
li jimplimenta r-Regolament (UE) 2017/1509 dwar miżuri restrittivi kontra r-Repubblika Demokratika tal-Poplu tal-Korea
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) 2017/1509 tat-30 ta’ Awwissu 2017 dwar miżuri restrittivi kontra r-Repubblika Demokratika tal-Poplu tal-Korea u li jħassar ir-Regolament (KE) Nru 329/2007 (1), u b’mod partikolari l-Artikolu 47(2) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
(1) |
Fit-30 ta’ Awwissu 2017, il-Kunsill adotta r-Regolament (UE) 2017/1509. |
(2) |
F’konformità mal-Artikolu 47a(1) tar-Regolament (UE) 2017/1509, il-Kunsill irrieżamina l-listi ta’ persuni u entitajiet deżinjati li jinsabu fl-Annessi XV, XVI, XVII u XVIII għal dak ir-Regolament. |
(3) |
Il-miżuri restrittivi kontra l-persuni u l-entitajiet kollha fil-listi li jinsabu fl-Annessi XV u XVI għar-Regolament tal-Kunsill (UE) 2017/1509 jenħtieġ li jinżammu, u d-dikjarazzjoni tar-raġunijiet għal għaxar persuni u entità waħda, u l-informazzjoni ta’ identifikazzjoni ta’ erba’ persuni, jenħtieġ li jiġu aġġornati. |
(4) |
Barra minn hekk, l-informazzjoni ta’ identifikazzjoni ta’ persuna waħda fil-lista li tinsab fl-Anness XIII għar-Regolament (UE) 2017/1509 jenħtieġ li tiġi aġġornata. |
(5) |
Għalhekk, l-Annessi XIII, XV u XVI għar-Regolament (UE) 2017/1509 jenħtieġ li jiġu emendati skont dan, |
ADOTTA DAN IR-REGOLAMENT:
Artikolu 1
L-Annessi XIII, XV u XVI għar-Regolament (UE) 2017/1509 huma emendati kif jinsab fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta’ Awwissu 2021.
Għall-Kunsill
Il-President
G. DOVŽAN
ANNESS
(1)
Fl-Anness XIII għar-Regolament (UE) 2017/1509, taħt l-intestatura “Lista ta’ persuni, entitajiet u korpi msemmijin fl-Artikolu 34(1) u 34(3), is-subintestatura “(a) Persuni fiżiċi”, l-entrata 77 hija sostitwita b’dan li ġej:
|
Isem |
Psewdonimu |
Data tat-twelid |
Data tad-deżinjazzjoni min-NU |
Dikjarazzjoni tar-raġunijiet |
“77. |
Ri Pyong Chul |
Ri Pyong Chol, Ri Pyo’ng-ch’o’l |
Sena tat-twelid: 1948 Ċittadinanza: RDPK Sess: raġel Indirizz: DPRK (RDPK) |
22.12.2017 |
Membru supplenti tal-Bureau Politiku tal-Partit tal-Ħaddiema tal-Korea u l-Ewwel Viċi Direttur tad-Dipartiment għall-Industrija tal-Munizzjonijiet.” |
(2)
Fl-Anness XV għar-Regolament (UE) 2017/1509, taħt l-intestatura “Lista ta’ persuni, entitajiet u korpi msemmijin fl-Artikolu 34(1) u 34(3)”, is-subintestatura “(a) Persuni fiżiċi indikati f’konformità mal-punt (a) tal-Artikolu 34(4)”, l-entrati 6, 7, 10, 11, 15, 16, 17, 18, 19, 24 u 25 huma sostitwiti b’dan li ġej:
|
Isem |
Psewdonimu |
Informazzjoni ta’ identifikazzjoni |
Data tad-deżinjazzjoni |
Dikjarazzjoni tar-Raġunijiet |
“6. |
SO Sang-kuk |
SO Sang Kuk |
Data tat-twelid: 30.11.1938 Sess: raġel |
22.12.2009 |
Kap tad-Dipartiment tal-Fiżika Nukleari, Università Kim Il Sung. |
7. |
KIM Yong Chol |
KIM Yong-Chol; KIM Young-Chol; KIM Young-Cheol; KIM Young-Chul |
Data tat-twelid: 1946 Post tat-Twelid: Pyongan-Pukto, RDPK Sess: raġel |
19.12.2011 |
Membru tal-Kummissjoni Militari Ċentrali tal-Partit tal-Ħaddiema tal-Korea; tal-Politburo u tal-Kummissjoni għall-Affarijiet tal-Istat tar-Repubblika Demokratika tal-Poplu tal-Korea. Eks Kmandant tar-Reconnaissance General Bureau (RGB), entità sanzjonata mill-Kunsill tas-Sigurtà tan-Nazzjonijiet Uniti. Seta’ ġie riintegrat bħala Direttur tad-Dipartiment tal-Front Magħqud. |
10. |
HONG Sung-Mu |
HUNG Sun Mu; HONG Sung Mu |
Data tat-twelid: 1.1.1942 Sess: raġel |
20.5.2016 |
Il-Viċi Direttur tad-Dipartiment għall-Industrija tal-Munizzjonijiet (Munitions Industry Department, MID). Inkarigat mill-iżvilupp ta’ programmi dwar armi konvenzjonali u missili, inklużi l-missili ballistiċi. Wieħed mill-persuni ewlenin responsabbli għall-programmi għall-iżvilupp industrijali tal-armi nukleari. Bħala tali, responsabbli għal programmi tar-RDPK relatati mal-armi nukleari, mal-missili ballistiċi, jew ma’ armi oħrajn ta’ qerda massiva. Kien xhud għall-illanċjar tal-missila ballistika interkontinentali Hwasong-15 fit-28 ta’ Novembru 2017. F’Lulju 2020 ipparteċipa f’laqgħa tal-Kummissjoni Militari Ċentrali tal-Partit tal-Ħaddiema tal-Korea ddedikata lid-“deterrenza mill-gwerra”, ewfemiżmu użat biex jirreferi għall-programm nukleari tar-RDPK. Rielett għall-Kumitat Ċentrali tal-Partit f’Jannar 2021. |
11. |
JO Kyongchol |
JO Kyong Chol |
Sess: raġel |
20.5.2016 |
Ġeneral tal-Armata tal-Poplu Korean. Eks membru tal-Kummissjoni Militari Ċentrali tal-Partit tal-Ħaddiema tal-Korea, li hija korp ewlieni għal kwistjonijiet ta’ difiża nazzjonali fir-RDPK. Direttur tal-Kmand Militari tas-Sigurtà. Responsabbli mill-għoti ta’ sostenn jew mill-promozzjoni ta’ programmi tar-RDPK relatati mal-armi nukleari, mal-missili ballistiċi jew ma’ armi oħra ta’ qerda massiva. Akkumpanja lil Kim Jong Un għall-akbar taħriġ li qatt sar tal-artillerija li twassal fit-tul. Rielett għall-Kumitat Ċentrali tal-Partit f’Jannar 2021. |
15. |
KIM Rak Kyom |
KIM Rak-gyom; KIM Rak Gyom |
Sess: raġel |
20.5.2016 |
Ġeneral b’Erba’ Stilel, Eks Kmandant tal-Forzi Ballistiċi Strateġiċi, entità deżinjata min-Nazzjonijiet Uniti, li fiha erba’ unitajiet strateġiċi u tekniċi tal-missili, inkluża l-brigata KN-08 (ICBM). Eks membru tal-Kummissjoni Militari Ċentrali tal-Partit tal-Ħaddiema tal-Korea, li hija korp ewlieni għal kwistjonijiet ta’ difiża nazzjonali fir-RDPK. Rapporti fil-mezzi tax-xandir identifikaw lil KIM bħala li attenda t-test tal-magni tal-ICBM li sar f’April 2016 ma’ KIM Jong Un. Responsabbli mill-għoti ta’ sostenn jew mill-promozzjoni ta’ programmi tar-RDPK relatati mal-armi nukleari, mal-missili ballistiċi jew ma’ armi oħra ta’ qerda massiva. Ordna t-taħriġ tal-isparar tal-missili ballistiċi. |
16. |
KIM Won-hong |
KIM Won Hong |
Data tat-twelid: 7.1.1945 Post tat-Twelid: Pyongyang, RDPK Nru tal-passaport: 745310010 Sess: raġel |
20.5.2016 |
Ġeneral. Eks l-Ewwel Viċi Direttur tad-Dipartiment tal-Politika Ġenerali tal-Armata tal-Poplu Korean. Eks Direttur tad-Dipartiment tas-Sigurtà tal-Istat. Eks Ministru għas-Sigurtà tal-Istat. Eks Membru tal-Kummissjoni Militari Ċentrali tal-Partit tal-Ħaddiema tal-Korea u l-Kummissjoni tad-Difiża Nazzjonali, li kienet korp ewlieni għal kwistjonijiet ta’ difiża nazzjonali fir-RDPK qabel ma ġiet mibdula għall-Kummissjoni tal-Affarijiet Statali (SAC), li huma l-korpi ewlenin għal kwistjonijiet ta’ difiża nazzjonali fir-RDPK. Responsabbli mill-għoti ta’ sostenn jew mill-promozzjoni ta’ programmi tar-RDPK relatati mal-armi nukleari, mal-missili ballistiċi jew ma’ armi oħra ta’ qerda massiva. |
17. |
PAK Jong-chon |
PAK Jong Chon |
Sess: raġel |
20.5.2016 |
Innominat bħala Marixxall tal-Armata tal-Poplu Korean f’Ottubru 2020, Kap tal-Persunal Ġenerali minn April 2019; membru tal-Politburo minn April 2020. Membru tal-Kummissjoni Militari Ċentrali tal-Partit tal-Ħaddiema tal-Korea, li hija korp ewlieni għal kwistjonijiet ta’ difiża nazzjonali fir-RDPK. Responsabbli mill-għoti ta’ sostenn jew mill-promozzjoni ta’ programmi tar-RDPK relatati mal-armi nukleari, mal-missili ballistiċi jew ma’ armi oħra ta’ qerda massiva. F’Jannar 2021 ġie elett għall-Kumitat Ċentrali tal-Partit, il-Bureau Politiku tal-Kumitat Ċentrali u l-Kummissjoni Militari Ċentrali. |
18. |
LI Yong-ju |
RI Yong Ju |
Sess: raġel |
20.5.2016 |
Ammirall tal-Armata tal-Poplu Korean. Eks membru tal-Kummissjoni Militari Ċentrali tal-Partit tal-Ħaddiema tal-Korea, li hija korp ewlieni għal kwistjonijiet ta’ difiża nazzjonali fir-RDPK. Eks kap Kmandant tal-Forzi Navali tal-Poplu Korean, li huma involuti fl-iżvilupp ta’ programmi ta’ missili ballistiċi u fl-iżvilupp ta’ kapaċitajiet nukleari tal-forzi navali tar-RDPK. Responsabbli mill-għoti ta’ sostenn jew mill-promozzjoni ta’ programmi tar-RDPK relatati mal-armi nukleari, mal-missili ballistiċi jew ma’ armi oħra ta’ qerda massiva. |
19. |
SON Chol-ju |
SON Chol Ju |
Sess: raġel |
20.5.2016 |
Ġeneral tal-Armata tal-Poplu Korean. Viċi Direttur responsabbli għall-organizzazzjoni tal-Armata tal-Poplu tal-Korea u eks Direttur Politiku tal-forzi tal-Ajru u ta’ Kontra l-ajru, li tissorvelja l-iżvilupp ta’ rokits modernizzati kontra l-inġenji tal-ajru. Responsabbli mill-għoti ta’ sostenn jew mill-promozzjoni ta’ programmi tar-RDPK relatati mal-armi nukleari, mal-missili ballistiċi jew ma’ armi oħra ta’ qerda massiva. Abbażi ta’ informazzjoni ġie rrapportat li f’Mejju 2020 Son ipparteċipa f’laqgħa tal-Kummissjoni Militari Ċentrali bħala Viċi Direttur responsabbli għall-organizzazzjoni tal-Armata tal-Poplu Korean. |
24. |
RI Myong Su |
|
Data tat-twelid: 1937 Post tat-Twelid: Myongchon, Tramuntana ta’ Hamgyong, ir-RDPK Sess: raġel |
7.4.2017 |
Viċi Marixxall tal-Armata tal-Poplu Korean, l-ewwel viċi kmandant tal-Kmand Suprem tal-Armata tal-Poplu Korean. Sal-2018, membru tal-Kummissjoni Militari Ċentrali tal-Partit tal-Ħaddiema tal-Korea u Kap tal-Persunal tal-Forzi Armati tal-Poplu. Ri Myong Su għadu influwenti fi kwistjonijiet ta’ difiża nazzjonali inkluż il-programmi tar-RDPK relatati mal-armi nukleari, mal-missili ballistiċi jew ma’ armi oħra ta’ qerda massiva. Huwa jipparteċipa regolarment fil-parati militari tal-Korea ta’ Fuq. Ri ilu żmien twil membru tal-Assemblea Suprema tal-Poplu (SPA); li bħalissa hija l-14-il waħda. |
25. |
SO Hong Chan |
|
Data tat-twelid: 30.12.1957 Post tat-Twelid: Kangwon, RDPK Passaport: PD836410105 Data ta’ skadenza tal-passaport: 27.11.2021 Sess: raġel |
7.4.2017 |
L-ewwel Viċi Ministru u Direttur tal-Uffiċċju tal-Loġistika tal-Forzi Armati tal-Poplu, membru tal-Kummissjoni Militari Ċentrali tal-Partit tal-Ħaddiema tal-Korea u Ġeneral fil-Forzi Armati tal-Poplu. F’din il-kariga, So Hong Chan huwa responsabbli għall-appoġġ jew il-promozzjoni tal-programmi tar-RDPK relatati mal-armi nukleari, mal-missili ballistiċi, jew ma’ armi oħrajn ta’ qerda massiva. Rielett bħala Membru tal-Kumitat Ċentrali f’Jannar 2021.” |
(3)
Fl-Anness XV għar-Regolament (UE) 2017/1509, taħt l-intestatura “Lista ta’ persuni, entitajiet u korpi msemmijin fl-Artikolu 34(1) u 34(3)”, is-subintestatura “(b) Persuni ġuridiċi, entitajiet u korpi indikati f’konformità mal-punt (a) tal-Artikolu 34(4)”, l-entrata 4 hija sostitwita b’dan li ġej:
|
Isem |
Psewdonimu |
Post |
Data tad-deżinjazzjoni |
Informazzjoni oħra |
“4. |
Ċentru ta’ Riċerka Nukleari ta’ Yongbyon |
|
|
22.12.2009 |
Ċentru ta’ riċerka li pparteċipa fil-produzzjoni ta’ plutonju ta’ kwalità militari. Ċentru li jiddependi mill-Uffiċċju Ġenerali tal-Enerġija Atomika (entità magħżula mill-KSNU, 16.7.2009). Fir-rapport finali tiegħu ta’ Marzu 2021, il-Bord ta’ Esperti stabbilit skont ir-Riżoluzzjoni 1874 tal-Kunsill tas-Sigurtà tan-NU jinnota l-osservazzjoni ta’ traċċi ta’ fwar mill-bini użat għall-produzzjoni ta’ (UO2) fl-impjant ta’ arrikkiment tal-uranju fil-kumpless ta’ Yongbyon u rrapporta li skont Stat Membru tan-NU l-faċilità ta’ arrikkiment tal-uranju f’Yongbyon kienet qed topera.” |
(4)
Fl-Anness XV għar-Regolament (UE) 2017/1509, taħt l-intestatura “Lista ta’ persuni, entitajiet u korpi msemmijin fl-Artikolu 34(1) u 34(3)”, is-subintestatura “(c) Persuni fiżiċi indikati f’konformità mal-punt (b) tal-Artikolu 34(4)”, l-entrata 2 hija sostitwita b’dan li ġej:
|
Isem |
Psewdonimu |
Informazzjoni ta’ identifikazzjoni |
Data tad-deżinjazzjoni |
Dikjarazzjoni tar-Raġunijiet |
“2. |
KIM Tong-un |
KIM Tong Un |
Data tat-twelid: 1.11.1936 Sess: raġel |
22.12.2009 |
Eks direttur ta’ “Uffiċċju 39” tal-Kumitat Ċentrali tal-Partit tal-Ħaddiema tal-Korea, li huwa involut fil-finanzjament tal-proliferazzjoni. Fl-2011, allegatament kien responsabbli minn “Uffiċċju 38” biex jinġabru fondi għat-tmexxija u għall-elit.” |
(5)
Fl-Anness XVI għar-Regolament (UE) 2017/1509, taħt l-intestatura “Lista ta’ persuni, entitajiet u korpi msemmijin fl-Artikolu 34(1) u 34(3)”, is-subintestatura “(a) Persuni fiżiċi”, l-entrata 6 hija sostitwita b’dan li ġej:
|
Isem |
Informazzjoni ta’ identifikazzjoni |
Data tad-deżinjazzjoni |
Raġunijiet |
“6. |
YUN Chol magħruf ukoll bħala CHOL Yun |
It-tielet Segretarju fl-Ambaxxata tar-RDPK għaċ-Ċina |
22.1.2018 |
Yun Chol ġie identifikat mill-Bord ta’ Esperti tan-NU bħala persuna ta’ kuntatt tal-kumpannija General Precious Metal tar-RDPK involuta fil-bejgħ tal-litju-6, oġġett marbut mal-armi nukleari ipprojbit min-NU, u diplomat tar-RDPK. General Precious Metal kienet identifikata qabel mill-Unjoni bħala psewdonimu tal-entità Green Pine ddeżinjata min-NU.” |