(1)

Il-pandemija tal-marda tal-coronavirus 2019 (COVID-19) u l-miżuri ta’ trażżin assoċjati u meħtieġa jirrappreżentaw xokk serju u bla preċedent għall-ekonomiji Ewropej. F’dan l-isfond, fil-laqgħa tiegħu tat-2 ta’ April 2020, il-Bord Ġenerali tal-Bord Ewropew dwar ir-Riskju Sistemiku (BERS) ħabbar li kien ser jiffoka l-attenzjoni tiegħu fuq ħames oqsma ta’ prijorità fejn il-koordinazzjoni bejn l-awtoritajiet fl-Unjoni x’aktarx li kienet partikolarment importanti biex tiġi ssalvagwardjata l-istabbiltà finanzjarja fl-Unjoni (3). Wieħed mill-ħames oqsma ta’ prijorità huwa relatat mal-likwidità tas-suq finanzjarju u l-implikazzjonijiet għall-maniġers tal-assi u l-assiguraturi.

(2)

It-tnaqqis qawwi fil-prezzijiet tal-assi osservat fil-bidu tal-pandemija COVID-19 kien akkumpanjat minn tifdijiet sinifikanti minn ċerti fondi ta’ investiment u deterjorament sinifikanti fil-likwidità tas-suq finanzjarju. Filwaqt li l-kundizzjonijiet tas-suq sussegwentement stabbilizzaw, l-aktar minħabba azzjonijiet deċiżivi meħuda mill-banek ċentrali, l-awtoritajiet superviżorji u l-gvernijiet fl-Unjoni u globalment, għad hemm inċertezza sinifikanti dwar il-prospetti makrofinanzjarji.

(3)

Il-valutazzjonijiet preċedenti tal-BERS (4) ta’ intermedjazzjoni finanzjarja mhux bankarja enfasizzaw vulnerabbiltajiet potenzjali li joħorġu minn fondi ta’ investiment li għandhom perjodi qosra ta’ tifdija, iżda jinvestu f’assi inqas likwidi. Diskrepanzi bħal dawn fil-likwidità jżidu r-riskju ta’ aktar pressjonijiet fuq il-valwazzjonijiet tal-assi fi żminijiet ta’ stress, jekk il-fondi ta’ investiment ifittxu li jbiegħu assi inqas likwidi fuq perjodu qasir ta’ żmien biex jissodisfaw it-tifdijiet. Dan jista’ jwassal għal telf akbar fil-valwazzjoni skont is-suq minn istituzzjonijiet finanzjarji oħra bi skoperturi għall-istess assi jew assi korrelatati, jew għal issikkar f’daqqa tal-kundizzjonijiet finanzjarji.

(4)

Ir-regoli eżistenti tal-Unjoni jinkludu obbligi speċifiċi għal kumpaniji tal-ġestjoni tal-fondi fir-rigward tal-ġestjoni tar-riskji tal-likwidità fir-rigward tal-fondi li jiġġestixxu (5). Għall-impriżi ta’ investiment kollettiv f’titoli trasferibbli (UCITS), il-profil tal-likwidità tal-investimenti tal-UCITS għandu jkun xieraq għall-politika ta’ tifdija stabbilita fir-regoli tal-fond jew fl-istrumenti ta’ inkorporazzjoni jew fil-prospett. Bl-istess mod, għal fondi ta’ investiment alternattiv (AIFs) l-istrateġija tal-investiment, il-profil tal-likwidità u l-politika tat-tifdija għandhom ikunu konsistenti (6). Dawn ir-regoli huma kkomplementati minn linji gwida tal-Awtorità Ewropea tat-Titoli u s-Swieq (ESMA) dwar l-ittestjar tal-istress tal-likwidità f’UCITS u AIFs għal maniġers ta’ fondi biex jittestjaw regolarment ir-reżiljenza tal-fondi tagħhom għar-riskju tal-likwidità f’kundizzjonijiet ta’ likwidità normali u eċċezzjonali (7).

(5)

Din ir-Rakkomandazzjoni hija mfassla biex ittejjeb l-istat ta’ tħejjija biex wieħed ikun jista’ jirrispondi għal xokkijiet negattivi potenzjali fil-futur li jistgħu jwasslu għal deterjorament fil-likwidità tas-suq finanzjarju, li jirriżulta f’implikazzjonijiet negattivi potenzjali għall-kundizzjonijiet tal-istabbiltà finanzjarja fl-Unjoni.

(6)

Il-BERS jirrikonoxxi li s-settur tal-fondi ta’ investiment fl-Unjoni huwa kbir u divers. B’kunsiderazzjoni ta’ dan, il-BERS identifika żewġ segmenti bħala oqsma ta’ prijorità partikolarment għolja għal skrutinju msaħħaħ mill-perspettiva tal-istabbiltà finanzjarja.

(7)

L-ewwel wieħed minn dawn is-segmenti huwa l-fondi ta’ investiment bi skoperturi sinifikanti għad-dejn korporattiv. Ftit wara l-bidu tal-pandemija COVID-19, kien hemm tifdijiet sinifikanti minn fondi ta’ investiment li jinvestu f’dejn korporattiv. Barra minn hekk, il-fondi ta’ investiment għandhom proporzjon sinifikanti tal-istokk ta’ bonds korporattivi mhux finanzjarji pendenti fl-Unjoni. Kwalunkwe pressjonijiet ta’ tifdijiet futuri minn fondi miftuħa b’perjodi qosra ta’ tifdija jistgħu jirriżultaw f’maniġers ta’ fondi li jbigħu malajr assi inqas likwidi, u b’hekk jikkontribwixxu għal deterjorament fil-kundizzjonijiet ta’ likwidità fis-swieq tad-dejn korporattiv. Dan jista’ jkollu effetti sekondarji negattivi fuq istituzzjonijiet finanzjarji oħra li għandhom skoperturi għal dawn l-assi – bħal kumpaniji tal-assigurazzjoni, fondi tal-pensjonijiet jew banek – jew impatt negattiv fuq l-ispiża u d-disponibbiltà ta’ finanzjament ibbażat fuq is-suq għal korporazzjonijiet mhux finanzjarji.

(8)

It-tieni segment identifikat mill-BERS bħala qasam ta’ prijorità partikolarment għolja għal skrutinju msaħħaħ minn perspettiva ta’ stabbiltà finanzjarja huwa l-fondi ta’ investiment bi skoperturi sinifikanti għall-proprjetà immobbli. Ir-restrizzjonijiet tas-saħħa pubblika meħtieġa biex titrażżan il-firxa tal-COVID-19 jistgħu jirriżultaw fi tnaqqis fil-volum tat-tranżazzjonijiet tas-suq tal-proprjetà immobbli u żieda fl-inċertezza tal-valutazzjoni. Il-fondi ta’ investiment fil-proprjetà immobbli huma stmati li jżommu madwar terz tas-suq tal-proprjetà immobbli kummerċjali tal-Unjoni. Tifdijiet futuri minn fondi ta’ investiment li għandhom investimenti sinifikanti fil-proprjetà immobbli jistgħu jikkontribwixxu għal pressjoni ’l isfel fuq il-valutazzjonijiet tal-proprjetà immobbli jekk ikunu akkumpanjati minn bejgħ ta’ assi fil-proprjetà immobbli f’ambjent ta’ volumi baxxi ta’ tranżazzjonijiet. Dan jista’ jkollu implikazzjonijiet negattivi għal istituzzjonijiet finanzjarji oħra li għandhom skoperturi għall-proprjetà immobbli, inkluż dawk li jużaw il-proprjetà immobbli bħala kollateral għas-self.

(9)

L-iżgurar li s-sistema finanzjarja fl-Unjoni tgħin biex tassorbi, minflok tkabbar, ix-xokk tal-COVID-19 jeħtieġ koordinazzjoni sinifikanti kemm bejn l-awtoritajiet superviżorji responsabbli għal segmenti differenti tas-swieq finanzjarji kif ukoll bejn il-fruntieri. Dan huwa partikolarment il-każ għall-attivitajiet tas-swieq kapitali, inkluż dawk imwettqa minn fondi ta’ investiment, fejn il-flussi transkonfinali huma kbar u l-funzjonament bla xkiel ta’ tali attivitajiet jiddependi fuq għadd ta’ atturi fis-sistema finanzjarja kollha.

(10)

Il-BERS jirrikonoxxi l-ħidma ta’ prijorità għolja li bħalissa qed issir mill-ESMA dwar it-tisħiħ tal-konverġenza superviżorja dwar il-ġestjoni tar-riskju tal-likwidità tal-maniġers tal-fondi. Dan jinkludi l-Azzjoni Superviżorja Komuni dwar il-ġestjoni tar-riskju tal-likwidità tal-maniġers tal-UCITS imħabbra fl-2020 (8) u l-koordinazzjoni kontinwa tal-azzjonijiet superviżorji tal-ESMA fid-dawl tal-COVID-19.

(11)

Din ir-Rakkomandazzjoni hija mingħajr preġudizzju għall-mandati tal-politika monetarja tal-banek ċentrali fl-Unjoni.

(12)

Ir-rakkomandazzjonijiet tal-BERS jiġu ppubblikati wara li jkunu ġew infurmati d-destinatarji, u wara li l-Bord Ġenerali jkun informa lill-Kunsill tal-Unjoni Ewropew dwar l-intenzjoni tiegħu li jagħmel dan u sakemm il-Kunsill ikollu l-opportunità li jirreaġixxi,

1.

tikkoordina mal-awtoritajiet nazzjonali kompetenti biex twettaq eżerċizzju superviżorju ffukat ma’ fondi ta’ investiment li għandhom skoperturi sinifikanti għad-dejn korporattiv u għall-assi fil-proprjetà immobbli biex tivvaluta t-tħejjija ta’ dawn iż-żewġ segmenti tas-settur tal-fondi ta’ investiment għal xokkijiet negattivi potenzjali fil-futur, inkluż kwalunkwe tkomplija potenzjali ta’ tifdijiet sinifikanti u/jew żieda fl-inċertezza tal-valwazzjoni; u

2.

tirrapporta lill-BERS dwar l-analiżi tagħha u dwar il-konklużjonijiet milħuqa rigward l-istat ta’ tħejjija tal-fondi ta’ investiment rilevanti.

1.

1.

1.

1.

2.