This document is an excerpt from the EUR-Lex website
Document 32020R1298
Commission Delegated Regulation (EU) 2020/1298 of 13 July 2020 amending the Annex to Regulation (EU) 2019/452 of the European Parliament and of the Council establishing a framework for the screening of foreign direct investments into the Union
Regolament Delegat tal-Kummissjoni (UE) 2020/1298 tat-13 ta’ Lulju 2020 li jemenda l-Anness tar-Regolament (UE) 2019/452 tal-Parlament Ewropew u tal-Kunsill li jistabbilixxi qafas għall-iskrinjar tal-investimenti diretti barranin fl-Unjoni
Regolament Delegat tal-Kummissjoni (UE) 2020/1298 tat-13 ta’ Lulju 2020 li jemenda l-Anness tar-Regolament (UE) 2019/452 tal-Parlament Ewropew u tal-Kunsill li jistabbilixxi qafas għall-iskrinjar tal-investimenti diretti barranin fl-Unjoni
C/2020/4721
ĠU L 304, 18.9.2020, p. 1–3
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
18.9.2020 |
MT |
Il-Ġurnal Uffiċjali tal-Unjoni Ewropea |
L 304/1 |
REGOLAMENT DELEGAT TAL-KUMMISSJONI (UE) 2020/1298
tat-13 ta’ Lulju 2020
li jemenda l-Anness tar-Regolament (UE) 2019/452 tal-Parlament Ewropew u tal-Kunsill li jistabbilixxi qafas għall-iskrinjar tal-investimenti diretti barranin fl-Unjoni
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/452 tal-Parlament Ewropew u tal-Kunsill tad-19 ta’ Marzu 2019 li jistabbilixxi qafas għall-iskrinjar tal-investimenti diretti barranin fl-Unjoni (1), u b’mod partikolari l-Artikolu 8(4) tiegħu,
Billi:
|
(1) |
L-Artikolu 8(3) tar-Regolament (UE) 2019/452 jipprovdi li l-proġetti jew programmi ta’ interess għall-Unjoni għandhom jinkludu dawk il-proġetti u programmi li jinvolvu ammont sostanzjali jew sehem sinifikanti ta’ finanzjament mill-Unjoni, jew li huma koperti mid-dritt tal-Unjoni dwar infrastruttura essenzjali, teknoloġiji essenzjali jew inputs essenzjali li huma essenzjali għas-sigurtà jew għall-ordni pubblika. |
|
(2) |
Il-lista tal-proġetti jew programmi ta’ interess għall-Unjoni msemmija fil-punt (1) hija stabbilita fl-Anness tar-Regolament (UE) 2019/452. |
|
(3) |
Il-Kummissjoni sabet li hemm diversi proġetti u programmi oħra li jinvolvu ammont sostanzjali jew sehem sinifikanti ta’ finanzjament mill-Unjoni, jew li huma koperti mid-dritt tal-Unjoni dwar infrastruttura essenzjali, teknoloġiji essenzjali jew inputs essenzjali li huma essenzjali għas-sigurtà jew għall-ordni pubblika, u li għalhekk jenħtieġ li jiġu inklużi fil-lista msemmija hawn fuq. |
|
(4) |
Huwa xieraq li jissemmew espressament is-sħubijiet taħt Orizzont 2020 fil-forma ta’ parteċipazzjoni tal-Unjoni fi programmi mwettqa minn diversi Stati Membri, strumenti bħall-Impriżi Konġunti jew korpi bħall-Istitut Ewropew tal-Innovazzjoni u t-Teknoloġija. Dawn is-sħubijiet għandhom irwol importanti fl-azzjonijiet tal-UE li jindirizzaw l-emerġenzi tal-kura tas-saħħa bħall-pandemija tal-COVID-19 peress li huma jappoġġaw, fost oqsma oħra, ir-riċerka u innovazzjoni relatati mas-saħħa pubblika, l-inizjattivi li jtejbu l-effiċjenza, l-effettività u l-kwalità tal-proċess tal-iżvilupp ta’ mediċina, is-sħubijiet bejn is-settur privat u l-akkademja għat-titjib tas-sostenibbiltà tas-sistemi tas-saħħa. |
|
(5) |
Għalhekk jenħtieġ li l-Anness tar-Regolament (UE) 2019/452 jiġi emendat skont dan, |
ADOTTAT DAN IR-REGOLAMENT:
Artikolu 1
L-Anness tar-Regolament (UE) 2019/452 huwa emendat kif ġej:
|
(1) |
Il-punt 3 huwa sostitwit b’dan li ġej:
|
|
(2) |
Il-punt 8 huwa sostitwit b’dan li ġej:
|
|
(3) |
Jiżdiedu l-punti 9, 10 u 11 li ġejjin:
|
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jiġi ppubblikat f’Il-Ġurnal Uffiċjali tal-Unjoni Ewropea ladarba l-perjodu għal oġġezzjoni mill-Parlament Ewropew jew mill-Kunsill ikun skada, jew il-Parlament Ewropew u l-Kunsill ikunu t-tnejn informaw lill-Kummissjoni li mhux se joġġezzjonaw, skont l-Artikolu 16(6) tar-Regolament (UE) 2019/452.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-13 ta’ Lulju 2020.
Għall-Kummissjoni
Il-President
Ursula VON DER LEYEN