This document is an excerpt from the EUR-Lex website
Document 32020R1190
Commission Implementing Regulation (EU) 2020/1190 of 11 August 2020 correcting Implementing Regulation (EU) 2015/983 on the procedure for issuance of the European Professional Card and the application of the alert mechanism pursuant to Directive 2005/36/EC of the European Parliament and of the Council (Text with EEA relevance)
Regolament ta’ Implimentazzjoni tal-Kummissjoni (UE) 2020/1190 tal-11 ta’ Awwissu 2020 li jikkoreġi r-Regolament ta’ Implimentazzjoni tal-Kummissjoni (UE) 2015/983 dwar il-proċedura għall-ħruġ ta’ Karta Professjonali Ewropea, u l-applikazzjoni tal-mekkaniżmu ta’ twissija skont id-Direttiva 2005/36/KE tal-Parlament Ewropew u tal-Kunsill (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2020/1190 tal-11 ta’ Awwissu 2020 li jikkoreġi r-Regolament ta’ Implimentazzjoni tal-Kummissjoni (UE) 2015/983 dwar il-proċedura għall-ħruġ ta’ Karta Professjonali Ewropea, u l-applikazzjoni tal-mekkaniżmu ta’ twissija skont id-Direttiva 2005/36/KE tal-Parlament Ewropew u tal-Kunsill (Test b’rilevanza għaż-ŻEE)
C/2020/5407
ĠU L 262, 12.8.2020, p. 4–5
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
12.8.2020 |
MT |
Il-Ġurnal Uffiċjali tal-Unjoni Ewropea |
L 262/4 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1190
tal-11 ta’ Awwissu 2020
li jikkoreġi r-Regolament ta’ Implimentazzjoni tal-Kummissjoni (UE) 2015/983 dwar il-proċedura għall-ħruġ ta’ Karta Professjonali Ewropea, u l-applikazzjoni tal-mekkaniżmu ta’ twissija skont id-Direttiva 2005/36/KE tal-Parlament Ewropew u tal-Kunsill
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2005/36/KE tal-Parlament Ewropew u tal-Kunsill tas-7 ta’ Settembru 2005 dwar ir-rikonoxximent ta’ kwalifiki professjonali (1), u b’mod partikolari l-Artikolu 4a(7) tagħha,
Billi:
(1) |
Skont l-Artikolu 20(1) tar-Regolament ta’ Implimentazzjoni tal-Kummissjoni (UE) 2015/983 (2), għall-istabbiliment u għall-għoti temporanju u okkażjonali ta’ servizzi skont l-Artikolu 7(4) tad-Direttiva 2005/36/KE, l-awtorità kompetenti tal-Istat Membru ospitanti l-ewwel għandha tieħu waħda minn għadd ta’ deċiżjonijiet. Fosthom hemm deċiżjoni li testendi l-validità tal-Karta Professjonali Ewropea (KPE). |
(2) |
Madankollu, l-Artikolu 7(4) tad-Direttiva 2005/36/KE japplika biss għal sitwazzjonijiet fejn is-servizzi jridu jiġu pprovduti għall-ewwel darba. Għaldaqstant, fil-kuntest tal-Artikolu 20(1) tar-Regolament ta’ Implimentazzjoni (UE) 2015/983, deċiżjoni biex tiġi estiża l-validità tal-KPE mhijiex rilevanti. |
(3) |
Għalhekk jenħtieġ li r-Regolament ta’ Implimentazzjoni (UE) 2015/983 jiġi kkoreġut skont dan. |
(4) |
Il-miżura prevista f’dan ir-Regolament hija skont l-opinjoni tal-Kumitat għar-rikonoxximent ta’ kwalifiki professjonali msemmi fl-Artikolu 58(1) tad-Direttiva 2005/36/KE, |
ADOTTAT DAN IR-REGOLAMENT:
Artikolu 1
Fl-Artikolu 20 tar-Regolament ta’ Implimentazzjoni (UE) 2015/983, il-paragrafu 1 huwa sostitwit b’dan li ġej:
“1. Għall-istabbiliment u għall-għoti temporanju u okkażjonali ta’ servizzi skont l-Artikolu 7(4) tad-Direttiva 2005/36/KE, l-awtorità kompetenti tal-Istat Membru ospitanti, jew tieħu d-deċiżjoni li toħroġ il-KPE, jew id-deċiżjoni li tirrifjuta li toħroġ il-KPE, jew id-deċiżjoni li tapplika miżuri ta’ kumpens skont ir-raba’ subparagrafu tal-Artikolu 7(4), jew skont l-Artikolu 14 tad-Direttiva 2005/36/KE.”
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-11 ta’ Awwissu 2020.
Għall-Kummissjoni
Il-President
Ursula VON DER LEYEN
(1) ĠU L 255, 30.9.2005, p. 22.
(2) Ir-Regolament ta’ Implimentazzjoni tal-Kummissjoni (UE) 2015/983 tal-24 ta’ Ġunju 2015 dwar il-proċedura għall-ħruġ ta’ Karta Professjonali Ewropea, u l-applikazzjoni tal-mekkaniżmu ta’ twissija skont id-Direttiva 2005/36/KE tal-Parlament Ewropew u tal-Kunsill (ĠU L 159, 25.6.2015, p. 27).